رواية الهجرس الفصل الثالث والعشرين 23 بقلم رواء هادي
جريت نفس قوي وزفرت جريت انظاري
منه وباوعت الزيودي "
- سوي روحك مشفته
_موعيب عليًّ ماسلم اروح اسلم عليه
وانتِ كملي طريقج
_زيودي
_گلتلج امشي انتِ
صاح بي يافشلتي ابن اخوي عمره ١٥ سنة صاح بي سمعت كلامه ومشيت هو راح قبلي سالم على هجرس سويت نفسي ماشفته من أساس
شوي ولحكني زيودي "
فرقد يسلم عليج
_الله لايسلمه
_هاي شبيج سلي موعيب عليج ماتردين السلام
_لاموعيب
_خبال الخبلج شبيج صايرة بيج كبة؟
_أحسن
طلعت قبله شايله الاغراض وصلنا البيت دخلت بالغرفة امي اجت وراي سدت الباب وكعدت
بصفي بالكاع كدام المبردة .
_ام دلشاد اتصلت بي
_ لتگليلي جاية خطابة
_ لا
_همزين
_اشو صايرة بيج كبة اقل حجاية تكبين
_مو نفسي لاعبة من الزلم والخطابة
_موصوجج صوجهم هم ليكلبون وحدة مثلج
_اي صوجهم شجابهم عليًّ
_من امداج ابقي عانس على قلبي
_وإذا
_وإذا العوبة وماتصيرلج جارة
مارديت عليها قربت وجهي على حلك المبردة تضرب الهوى البارد بوجهي منعش كلش كامت
امي وگالت بعصبية
_زعطوطة
_هو اكو احلى من الزعاطيط
_تحجين على فرقد وانتِ انكس منه بمليون مرة
_ امممم يجنننن
_فرقد يجننن
_اوووي الهوى يجننن بارد ومنعش
_مممم
خلت وطلعت بقيت على هالحالة ...
. انفتح الباب دخل زيودي وكف
فوك رأسي يباوعلي "
_سلي
_هاا
_ليش ماتقبلين تزوجين
_وانت شعليك
_شلون ماعليًّ مو ابن اخوج الجبير واريد مصلحتج
_اني اعرف مصلحتي اكثر منك ومن غيرك
_واضح تعرفين مصلحتج
_خيركم شبيكم كلكم هايجين عليًّ
وعلى سيرة الزواج
_ لعد شنو ضلتج بالبيت دراسة وكملتي زوجي واستقري بيت وعيال
_هااي العايزة اتزوج واخلف جهال واخدم عيال هو نفسي مابي حيل اخدمها انوب
اخدم غيري
_انتِ سباعية مو فاهية
_لافاهية
_سباعية وام بيت ونادرة
_فاهية وجايفة مو مال بيت
_اجيها منا تجيني منا شنو قصتج أنتِ
_ماريد الزواج
_اريد سبب مقنع ؟
_السبب ماحب رجال يتأمر براسي وسوي كذا وسوي كذا بيت اهلي مرتاحة وعايشة مثل الأميرة محد يگلي على عينج حاجب تعال گلي يامخبلة
تعوف هذا الدلال وتروح للذل برجليها
_ليش الزواج ذل
_تريد الصدك اي والله ذل وإهانة وتعب وشلعان قلب
_بالعكس امان واستقرار وتكوين أسره والله وصى بهذا الشي وخله الزواج شي مقدس ومهم
بالحياة كل انسان
_جنك امي من تحجي
_دا اگول الصدك اني
_روح من يمي ابو الصدك روح
_الله يهديج كلشي ماگول غير هيج
_دروح الله يرضى عليك
مارد بعد وطلع نمت على ظهري جوه راسي مخدة كدام المبردة تلمست خدي صار بارد ثلج هناك وين تذكرت هجرس وكلامه وتحرشه بي
كرهت نفسي وفعلا جنت جبانة ...وكلامه صدك من گال الجديتي حلوة هي ساكته وماگالت ولاجابت طاري وأصلا فرحانة بلي اسوي بيها
هو هذا الرجال من يشوف ضعف من المرأة يتقوى عليها واني اعلمه منا وجاي اقل زلة منه اشوف شي ماشافه بحياته كلها العصر رجعنا لبغداد
بالطريق ابوي سألنه "
دلشاد خوما يضايقج بالمعهد
اخذتلي صفنه وتذكرت كلام هجرس من گال الجديتي حلو هي فرحانة وساكته بلي اسوي بيها وكلامه صح السكوت علامة الرضا
بلعت ريجي وگلتله
سلي_اي يابة دا يضايقني ويهددني
ابوي_بشنو يهددج ؟
امي_ليش ماكلتي لعد
سلي_ماحبيت اضخم الامور وعبالي راح
يمل بعد ماراح اتجاهله وهاي البارحة
داز تهديد بيد زهورة
ابوي_بسيطة انه اعلمه بس نوصل اروح
لأهله واعلمه شلون يتمادى
وي بتي الوحيدة
امي_صوجج انتِ بقيتي ساكته وتنجلب عليج لو من الاول حاجية مصار اللي صار وتمادى وياج
وصلت ويا لتهديد
سلي_اي صوجي وبعد مناه وجاي مراح اسكت وشيصير وياي لوصله الكم بحرف الواحد
ابوي_مجاوبتي بشنو هددج
وين رسالة التهديد
سلي_لحظة ...
طلعت التلفون وطلعتله صورة المحادثة اخذتلها سكرين اخاف يشوف محادثتي وي زهورة ويقرأ الكلام عن هجرس ويتعصب مني انطيته التلفون
_تفضل يابة شوف
اخذ التلفون من ايدي ايد تسوق وايد لازم بيها التلفون يقرا الرسالة عيونه توسعن ورجع
التلفون لي وگال
_يهدد لماقبلتي بي راح يسوي بيج شي موزين بسيطة انه اعلمه إذا ماخليته يندم
فلا اطلع ابوج
امي_تعاي خل نحجي الصدك شبي
دلشاد ماتقبلين بي
ابوي_موخوش ادمي لو خوش ادمي ماسوه لسواه يجي سكران للبيت ويگول احبها واريدها وهسه دازلها تهديد هذا مو حب هذا انانية واستغلال
وانه اريدلها رجال ماريدلها واحد اخرطي وجبان
امي_على كيفك وياي هسه شگلت
واكلتني حاصل فاصل
ابوي_لا تجيبين طاريه بعد سلي بابا شيصير
وياج وصلي لي ولتخافين انه وياج واكف
سلي_ان شاء الله يابة
عم الهدوء بالسيارة امي ضاجت امي تريدني اخذه ماعرف شبيها لازكة بي مدري شي زنكين وطبات وطلعات خارج العراق مدري تخاف عليًّ
منه يسويلي شي موزين .
الله اعلم شبيها امي وشنو العلة لبيها 'وخابصتني بسيرة الزواج ازوجي وازوجي واني كله عمري٢٠ سنة
وبعدها الحياة مفتوحة كدامي .
المهم وصلنا للبيت ابوي حجه ويه اخوي اعيونه صاروا بكصته من سمع هيج السالفة جاني طاير تعارك وياي شلون تسكتين وماتجيبين طاري
إلا شوي كتلني كتله معدلة لما ابوي تدخل وجره عني وكاله " هي شبيدها البنية وتحجي عليها هو دلشاد مجلوب ومحد براسه واليوم اريد اكسر راسه
واوكفه عد حدة علمود مرة الثانية مايجيب
طاريها على السانه ويحجي بيها هنا
وهنا ويهدد بيها .
اخوي_اول واخر مرة تضمين
سالفة عنه افتهمتييييي
مارديت من الخوف خرسيت ...وجسمي
كله يرجف وابجي بقيت واكفة
يم الميز وباوعله بخوف
امي_افتهمت وخلص يلا اطلع راح توكف قلبها
اخوي_انه ماكرهها يمة بس هي زمالة من تسكتله راح ينجلب عليها ويگول ماعدها احد وراها يطلع وهي عدها اربع زلم لاواحد ولا اثنين شلون
تسكت شلوووون
امي_هاي هن البنات دومهن ساكتات
ومتحملات كلشي
اخوي_اكبر غلط سكوتهن هو شعم على البنات غير السكوت ماجاي تشوف البنات على الإنترنت والمسلسلات شيصير وياهن منورة
سكوتهن مو يدمرن نفسهن
واهلهن ولد الحرام مطشرة بكل مكان ويستغلوهن ويستغلون نقط ضعفهن هي السكوووووت .. ماريدج بعد تسكتين لو ولد باوعلج تجين تحجيلي فلان باوعلي فلان حجه وياي فلان هيج
وفلان هيييج مفهووووووم
ابوي_فهمت يلا اطلع
اخوي_اعذر من انذر سلسبيل ان ضميتي سالفة علينه ماتلومين إلا نفسج
امي_ماتضم والله بس اطلع
طلعوا امي وابوي خارج الغرفة وسدوا الباب رجلي صاروا اخيوط كعدت بالكاع ابجي من الخوف من عرفوا بسالفة دلشاد هيج تخبلوا لو دروا بسالفة
هجرس وتحرشه بي شيسووون إلا يصير لدم للركب وتصير قاتل ومقتول لاهم يسكتون ولا هو يسكت هو خبيث مسموم سمه كاتله واخاف يروح
يسويلهم شي لاسامح الله .
دقايق ماكو اجت مرت اخوي كعدت تحجي وياي رزاتني رزالة من هاي المعدلة علمود ماجبت طاري وكلت دلشاد يهدد بي وبعده يحوم وراي
ويريدني اكبل ويا
الكاع ردت واني مارديت خوفي منهم مو من سالفة دلشاد خوفي من سالفة هجرس وطلبه مني وتحرشه المتكرر بي لو اگللهم هسه شراح يسوون بي
يمكن اخواتي يذبحوني على سكوتي كل هاي الفترة وراها امي اجت وگلت رحوا لبيت اهل دلشاد ادعي الله مايصير شي لو اخوانج يطكوه بصواب
ويموتوه من وراج ومنورة سوالفج
سلي_شعلي اني
امي_كله من وراج گلتلج شيصير وياج تعاي وگليلي علمود اوصله لابوج ليش هيج تسوين وتسكتين
وتتحملين كلشي الواحدج
سلي_توبة عليًّ إذا اضم شي عليكم
امي_بعديش بعد ماالفاس وكع بالراس
واخواتج راحوا لبيته
مرت اخوي_گولي يالله عمه ان شاءالله ماكو شي
امي_اخوانها مخابيل ودمهم حار اخاف يطكوا
بصواب ويكتلوه والله بس يصير شي موزين
ماتلومين غير نفسج سلسبيل
طلعت امي تتحلف بي طلعت وراها مرت اخوي من خوفي رحت للتلفون حذفت رسائل بيني وبين دلشاد مال التهديد وحذفت محادثتي وي
زهورة ماخليت شي
اخاف يجون ياخذون التلفون مني .
ساعتين بالضبط يلا .... جوي طلعت من الغرفة وكفت يم المحجر اسمع اخوي ماهر يگول _كسرت أحواله وهددت اهله بس يوصل كرب سلسبيل
مايلومون غير نفسهم
امي_خوما صار بي شي ؟
ماهر_ لو مخليني جان ملصت
ركبته هالكلب ابن الكلب
امي_ لو ميت جان شحجينه وشكلنا
ماهر_نگول غسل عار ... سلسبيل تعااااي
بسرعة نزلت اركض فوك الدرج
خايفة وابجي "هاا ماهر
ماهر _تعاي هنا اريد
ابوي_دير بالك تمد ايدك عليها
ماهر_ هي شمسويه وامد ايدي عليها ...تعاي يابة احجيلي شجان يسوي وياج وشيحجي ..تعاي لتخافين مراح اضربج تعاي يلا
نزلت ورحت يمه خايفة اخوي الثاني كاعد على نار أعصابه امي كاعدة وابوي ومرت اخوي لزمني من ايدي وكعدني بصفه ابجي احس قلبي راح يوكف
من الخوف منهم "
ماهر_ كافي بجي شمسويه انتي وتبجين
سلي _ضميت عليكم
ماهر_وهسه عترفتي وكلتي امسحي دموعج وكافي بجي وتعاي احجيلي كلشي صاير وياج بالمعهد واخاف اكو غيره يحوم وراج ماريد
تضمين شي ماشي يابة
هزيت رأسي وگلتله "
لاماكو احد غيره هو وأصلا كل بالمعهد يعرفون بي يريدني ومايخلي احد يقترب صوبي كلما يشوف احد يحجي وياي لو يسأل يروح يهدد
ه حتى البنات مايخليهم
يقتربون مني بس زهورة تعانده وتتعارك ويا كل
مرة يجي يحجي وياي ويهدد
ماهر_ انتِ انطيتي مجال وتمادة وياج لو من اول مرة مهددج بيها جاية وكايلتلي جان وكفته عد
حدةوماخليته يقترب صوبج
سلي_غلطة وتعلمت منها هسه بعد ابد ماسكت وشيصير وياي اوصله الكم بحرف الواحد
ماهر_اي عفية ... شوكت تتخرجين
سلي_اسبوع الجاي
ماهر_مابقى شي سمعت ماتردين تحظرين الحفلة
سلي_اي
ماهر_غصب على راسج تحظرين حفلة تخرجج وكل اخواتج تحظر وياج اريد وجهزي نفسج باجر العصر اخذج للسوك اخذلج فستان للتخرج وملابس للجهال
مارديت بقيت ساكته مسحت دموعي ....اخوي ماهر فاهم واعي مو مثل اخوي فاروق وابو مصطفى دمهم حار ومايتفاهمون ابد ولا يسمعون
اخواتي الكبار احسن من الصغار
وعقلهم ناضج واعي .
ثاني يوم وداني ماهر بطريقة للمعهد وصاني شيصير وياي اتصل بي دخلت المعهد وللقسم مالتي لكيت دلشاد كاعد ولاف ايده اليمين وكاعد
مخلي رجل فوك
رجل بمكان الأستاذ يباوعلي ويضحك گال لصاحبه "
القاعة صارت احلى هسه
صاحبه_بوجودك طبعاً
دلشاد _ بوجود الورد الجوري هههههه
صاحبه_اي هههههه
مانطيته أهمية عرفت شيقصد ...بكلامه يقصدني اني نذل ماتاب ولا جاز من اطباعه اكل كتله معدلة وماجاز زهورة اجت حجيتلها السالفة
خربت من الضحك
علية ومن شافته انتهت المحاضرة وطلعنا بره واكف كدامنا كدام الشجره ويباوع النه بنفس النظرات وصار يغني اغنية نور الزين "واذا مانسواني واذا عذبوني واذا ضيعوا تعب العمر تالي للقهر عافوني
هم شوكت مثل البشر حبوني ...
ردت عليه زهورة بضحكه "
راح ننساك ولا نحبك مثل البشر وراح
نخليك بقهرك هههههه
ضحك بصوت عالي وگاللها "
ههههههه مو دلشاد لتخلون بنص قهره اني لاخليكم بنص قهركم نايمين ههههههه
زهورة_الظاهر كتله البارحة ماادبتك
دلشاد_ ليش اني قليل ادب علمود يادبوني العالم ..ترى اني مامسوي غلط ويه سلي علمود تشكيني لاهله شنو ذنبي حبيتها وتمنيتها
يعني هي من الله
المحبة والله زرع بقلبي حبها زرع بقلبها كرهي .. صدك لو گالوا الي نحبه ونحترمه ونقدره مايحترمنه ولايقدرنه عكس لما يحترمنه ويذلنه نحبه ونقدره
ونخلي تاج فوك الروس مو صح سلي
جان يضرب مسامير بكلامه وصدك كلامه هجرس لجان يذلني ويرزلني ويضربني ويتحرش بي حبيته وتمنيته هو مامذيني ابد بس جان
يحاول يقترب مني
واني ابعده عني علمود هجرس وطلع هجرس مايستاهل رادت تهيض بي زهورة
لزمتها من ايدها "
سلي_عوفي زهورة
دلشاد_هاي جزاتي الج زهيرة كلما توكعين بمشكلة اجي واطلعج هيج تجازيني
زهورة_ وانت نسيت شجنت تسوي بي
دلشاد_كلشي مامسوي جنت اريدج تساعديني اقترب لسلي وانتي جنتي تبعديني عنها وبالاخر نسيتي كل فضلي وعفتيني وسوتيني عدوج
صدك خاينات العشرة انتن وحرامات واحد يساعدجن ويوكف وياجن والله
زهورة_الله لايعوزنه الك عوزتنه بس لله
دلشاد_محد عايز لاحد كلنا عايزين الله واني عوزتي بس الله وان شاء الله ينطيني الي اريده
بأقرب وقت
زهورة_تريد سلي
دلشاد_ اريدها وكل لحظة من عمري اريدها وإذا الله كاتبها من نصيبي تصير من نصيبي واذا لا الله لايهنيها وي غيري وان شاء الله
تشوف بس شره
وماتشوف خيره
زهورة_شكد اناني انت
دلشاد_هذا قانون الحب الأنانية واني اناني بيها
سلي_شفت بي وحبيتني ؟
دلشاد_كلشي شفت بيج وبيج ميزة تعجبني كلش وهي لي مخليتني متمسك بيج لحد
هاي لحظة ؟
سلي_شنو هي ؟
دلشاد_طيبه قلبج ونادرن تلكه بنات بنظافه قلبج
زهورة_لعد أحنه كلوبنه كلوب كحاب مو نظيفه
دلشاد_انتِ قلبج مديرة ملاهي هههههه
شمرت الجنطة بحضني وكامتله هو طفر من مكانه خربان من الضحك " تعاال ساقط تعال اليوم اعلمك منو ام قلب مديرة ملاهي ساقط ابو البنااات
يابنااات اسمعوووا دلشاد بكل قسم عنده وحددددة تررره كبل وي نص القسم مالتنه وبقيه القساااام لما يسمع خل يسمع وصلوا هذا الكلام لكل القسام
خل ياخذون حظرهم منه ترى قلبه كلب
مدير ملاهي هسه ارتاحيت
دلشاد_قلبي بي وحدة وهي تعرف نفسها مني ارتاحيتي هسه زهيرة ام قلب مديرة
الملاهي هههههه
طارت وراه هو يركض ....وهي تركض يالله فضحونا مناك الطلاب والله العظيم جهال اصغار ولاجن كبار وعمرهم ٢٠ سنة بقيت اباوعلهم واضحك
رجعت تلهث من التعب والركض "
الساقط مثل جاب اسلوكي يركض مالحكت بي
_موعيب عليج تصيحين وتركضين
وراه بنص المعهد
_حرك اعصابي وتدرين بي ماتحمل
_حتلوه اسلوبج غلط وعيب كلها تضحك
عليكم حتى صوروكم
_انعل ابوهم يابو الخلفوهم والله بس الزمه اليوم
الا انعل ابو الخلفوووه
_خل يولي مخليه عقلج بعقله
_ماسمعتي جان يحجي ويلغي
_هذا هو من يوم يوما ماتعرفي
_خل يبقى بحسرتج ديري بالج تنقهرين عليه
وتحبي لو تقبلين تزوجيه والله اشكج
نصين افتهمتي
_اي فهمت بس اسكتي
_ساقط ابو البنااات
بيقت ساكته اخاف.. منها راشدي واحد منها تلطشني بمكاني ضخمة وزنها ٨٠ كيلو وطولها ١٦٣ وعصبيه كلش انكس من هجرس بالعصبية وايدها والضرب
دخلنا للقاعة دلشاد ماكو خربت ...من الضحك خرب بحظي يخاف منها مادخل للمحاظرة إنتهى الدوام طلع دلشاد يغني ويدردم
شافته زهورة رادت تهيض بي باب المعهد مناك العالم جريتها جر واخذتها للسيارة الخط صعدنا "عوفيني
خل اكسر احواله هالساقط
_ابوس ايديج الاثنين بس اسكتي عيب مناك العالم شيگولون عنج قليله ادب واخلاق
_العالم شعليها
_كلشي ولا نظره العالم الج بنظره محلوة البنية شتسوى بلا اخلاقها واحترام العالم الها .
_دولي انتِ والعالم
طلعت راسها من شباك السيارة وصاحت بي هو صاعد بالمطور لابس الخوذة برأسه "اني اعلمك دلشاد السكط الضعيف والله بس الزمك
الا اكسر احوالك تفوووو
دلشاد_امممح احبج زهيرة ام لسان الطويل هههههه
دزلها بوسة وطلع يسوق سريع هي ... عطبت تعطب سديت حلكها بيدي فضحتني فضح مناك ابو الخط والبنات بالخط جرت ايدي قوي حسيت شلعت ايدي
شلع من مكانها عفتها تلغي زايد صارت مضحكة كدام الكل هو شرايحة هو رجال وماعليه عيب مو مثلها ابنية واقل احجاية عليها تصير سمعتها زفت .
رجعت للبيت سألني أخوي كلتله الكاله لي بحرف الوحدة وگلتله تعارك وي زهورة وصارت تركض وراه بالقسم وبعد ماتمادى ابد بس گال كلامه ومشى
مو مثل كل مرة ...
_بس يتمادى اتصلي بي وماعليج
_ان شاءالله
بالليل اخذني ماهر اني ومرته وجهاله وامي شتريت فستان سمائي طويل للكاع وحذاء كعب أسود وشال أسود وياه رهمته بالصدفة شفت هجرس
وياه ولد اسمراني لشفته بالباب بيتهم ...دخلوا محل بالمول قلبي انقبض قبض كعدنا طلب اخوي عصير كعدنا نشرب فزيت من هجرس سلم على اخوي
كام اخوي يضحك حضنه وامي سلمت ومرت اخوي واني ماسلمت ولارفعت راسي ولاباوعت له بقيت اشرب عصير طنشته ولاعبالك موجود
ماهر_خير اليوم بغداد ؟
هجرس_اجيت اتونس وي الربع
ماهر_وينهم لعد
هجرس_عفتهم واجيت اسلم عليكم
ماهر_اي تفضل اكعد يمنا
هجرس_تسلم حبيبي والله ينتظروني
بره عيب اعوفهم
ماهر_صح اخذ راحتك
هجرس_راحتي من راحتكم
راح باوعتله بطرف عيني راح يمشي
رجعت انظاري واشرب عصير
امي حجت وياي
امي_موعيب عليج ماسلمتي
ماهر_صدك ليش ماسلمتي مو سلم عليج ؟
سلي_مادري ماسمعت
ماهر_عيب هذا التصرف هو شافنه
وعاف ربعة واجه سلم حترمي
مثل ماحترمنه وجاني
سلي_ هسه اروح وراه واسلم عيني
كتلكم اسمعت وماجنت منتبهه
فزيت وفزوا اهلي من سمعنه صوته "
ماكو داعي تجين وراي هاي
اجيت ههههه
كمت من مكاني اباوعله مبتسم دنك بالكاع وشال سويج سيارة وگال " السويج واكع
يمكم وانه مامنتبه
ماهر_ همزين حسيت عليه واجيت
هجرس_اي شلونج سلي
بقيت اباوعله بصدمة على الجرأة لعنده
امي نبزتني وهمست ردي السلام خاتونه
سلي_زينة
گلت زينه وكعدت بمكاني ترخص وراح استلمتني امي دك رزايل هي واخوي شنو زينة غير تگليله
انت شلونك وتالي وياج أنتِ
خليت وسكتت مارديت عليهم طلعنا خارج المول شفت هجرس صاعد بسيارة بيضة آخر موديل وصاحبه الاسمراني بالصدر كاعد هاي
السيارة مو الهم لمنو ؟
ماهر_شنو فرقد مشتري سيارة ؟
امي_احنه جنه يمهم مجان مشتري
محتمل مالت ربعة
ماهر_محتمل يلا امشوا
مشينا وصعدنا بالسيارة كعدت ....يم الشباك السيارة بقيت اباوعله من الشباك حرك السيارة وطلع احنه هم طلعنا رجعنا للبيت شوي كعدوا وراها راحوا لبيتهم .
ثاني يوم الصبح رحت للمعهد ... لشاد ماكو ماداوم زهورة تضحك وتگول يخاف مني يومين وتلاث ودلشاد ماكو ماله حس استغربت ليش مايداوم ؟
رابع يوم اجه جان عاقل ماسوه شي صدك ارتاحيت وزهرة هم نست السالفة بعد وماتعاركت ويا مرت الأيام وكل هاي الأيام هدوء وماكو مشاكل
ودلشاد كاعد عاقل .
صار حفل التخرج واخواتي كلهم وياي ونسوانهم هم بالقاعة كاعدين واجوي اهل دلشاد سلموا على اهلي سلموا عليهم عادي طبيعي بس دلشاد مااجه
اهلهم مالهم علاقة بي وبفعاله وابوه صديق ابوي من الروح لروح اخواتي يخزرون بدلشاد هو ولاهامه مخلي رجل فوك رجل ويباوعلي ويبتسم
ماعرف ليش قلبي وجعني عليه وحسيته مثلي مطبق الأصل من احب هجرس حب من طرف واحد واباوعله واتمناه بقلبي واحاول الفت
انتباهه بكل حركة
مني بس هو ماشافني من اساسي ولاعبرني ولا انطاني بال بس انطاني بال المتعة حقير واناني وقذر بقيت صافنه بي وافكر بكلامه كلامه
صح أحنه مانحب
ليحبنه نحب بس الي يأذينه ويجرح مشاعرنا.طول الحفل الأجواء حلوة ودلشاد ماشال عيونه عني امه كاعدة يم امي ماعرف على شنو يحجون
اجت أخته الصغيرة كعدت بصفي "
سلي ليش ماتقبلين بدلشاد
_ماحبه
_هو الا تحبي وتقبلين بي
_شلون اخذ رجال ماحبه ومالي نفس بي
_وره الزواج تصيرلج نفس بي وتحبي بكيفج خطية دلشاد يحبج ويموت عليج تعاي باعي غرفته كلها صورج ورسومات الج البارحة يبجي
بحضن امي علمودج
يگللها احبها يمة واريدها
باوعتله يحجي وي صاحبه ويضحك رجعت باوعتلها مقهورة على حال أخوها " الحب من
طرف واحد يأذي
_كلش يأذي واني شفته على حال
اخوي حاله حال لفاقد
عزيز على قلبه
_الله يساعده
_قبلي بي فدوة والله ندللج
مارديت اجت اخته الثاني جرت الكرسي وكعدت بصفي جانت شايله علبة حمرة صغيرة بايدها
خلتها كدامي وگالت
_هاي هدية تخرجج من دلشاد
سلي_ اسفة ماكدر اقبلها
ريم _ الهدية لا تنعطى ولا ترفض اقبلي الهدية ولا تفشلي مثل مافشلتي برفضج له
وقطع علاقتج بي
سوزان _ كلامها صح اقبلي الهدية على أقل
سلي_ماشي حقبلها
ريم _شكرآ
سلي_عفواَ
اخذت الهدية مافتحتها وشفت شنو خليتها بالجنطة أنتهت الحفلة كمنا اباوع زهورة كاعدة يم دلشاد وربعة تخبلت من شفتها يمهم شنو سالفتها هاي ؟
ساعة تحجي عليهم وساعة كاعدة بصفهم ؟!
ريم اجت بصفي وگالت "
هاي صديقتج مو راحة ابد ديري بالج منها
سوزان _كراشة ساعة يمج وساعة يم دلشاد
وتصور تبيع اسرارج
سلي_ليش تجي هواي يم دلشاد؟
ريم _يايوم هي واهلها موعدنه
سلي_صدك تحجين ؟
سوزان _اي والله هي ودلشاد ربع مثل قبل وتضحك عليج وكدامج شكل وره ظهرج شكل ترى لا
توثقين بيها مهما كان
سلي_حسبي الله ونعم الوكيل بيها
عفتهم ومشيت دمعة بطرف عيني صارت ... طلعت تضحك عليه وكدامي ترزل بي وتحجي عليه وهي طلعت صاحبته رحت ويه اهلي بقيت
حابسة دموعي بعيوني
بس وصلنا للبيت ....بوجهي للحمام شبعت بجي من كيفي بالحمام ليش هيج تسوي بي وتخوني وتحرظني على دلشاد وهي ويا ربع ؟!
شنو ذنبي تضحك عليه واني الغبية وثقت بيها وانطيتها كل اسراري وگتلها احب هجرس من طفولتي وشيسوي وياي جنت اگله
الها الحمدلله والشكر
ماكتلها من تحرش بي جان سوتني شهيرة لامه محمد نزعت ملابسي ورحت جوه الدوش اسبح وابجي على حظي كملت سبح بدلت و
طلعت بوجهي لفراشي
راسي مبلل ونمت من القهر ...
يوميا واني نفس الحالة وضعي مخربط منورة زهورة وهي مالها حس ولاطك ولا اجت وسألت عني ولا راسلت قطعت علاقتها بي هي القطعة كمت
اخذت تلفوني بيدي اجيت اراسلها لكيتها حاظرتني من كل تواصل الاجتماعي شبعت قهر من كيفي شمرت التلفون فوك الجرباية قوي كلت
اروح اتعارك وياها
لبست حجابي وطلعت وي طلعتي وكفت بنص الطرمة من شفت هجرس وبارق وعمو ايهم
عدنه من شافوني
ضحكوا وحجه عمو ايهم
ايهم _هلأ بسلي ألف ألف مبروك التخرج وان شاء الله نشوفج بأعلى المراتب العليا يارب
سلي_الله يبارك بيك عمو شلونك اخبارك
ايهم _على الله انتِ شلونج اخبارج ؟
سلي_زينة
باركلي بارق وهجرس رديت عليهم عادي كدام اهلي وراها دخلوا جوه رحت اخذت الضيافة الهم وقدمت لأبوي اول وراها لعمو ايهم وبارق وبالاخر الهجرس
اخذ الكلاص وگالي "
دكافي بجي مو راح يرحن
عيونج الحلوات
همست "
وعساهن معميات
همس لي "
يعمن عيونج بعد وين تشوفيني
وتكحلينهن بي
ابو مصطفى _مشتري سيارة جديدة
هجرس_اي والله
ابو مصطفى _شوكت اشتريت
هجرس_هذلك اليوم اجيت اشتريتها واليوم حولتها
ابو مصطفى _تتهنى بيها
هجرس_الله يسلمك
طلعت من يمهم وديت الصينية بالمطبخ لزمتني مرت اخوي _شفتي فرقد شلون صاير ينكرط كرط وسيارته الجديدة تخبل اخر موديل
سلي_بالخير عليه
مرت اخوي_شبيج كالبة خلقتج
سلي_صديقتي الحقيرة خانتني وحظرتني
مرت اخوي_موحظرتج منها مو گلتلج
هالهايشة لاتثقين بيها خاينة وتعض
وترفس ماصدكتي بي
سلي_اي عوبة وثولة
مرت اخوي_خل تولي الله حبج وخلصج منها
صدك باجر ترجعون لديالى
سلي_اي اروح احظر اغراضي لعد
مرت اخوي_اي حظري واخذي كلشي وياج
سلي_ شوكت يكمل بيتكم ؟
مرت اخوي_المقاول كايل على الشهر
الجاي اسلمكم المفاتيح
سلي_مابقى شي وتخلصون من الإيجار
مرت اخوي_اي والله
رحت صعدت فوك اعزل بغراضي ماعندي هواي غراض كلهن دزيتهن وي فاروق ومرته بقالي شي قليل خليتهن بالجنطة ونزلت جوه طلعت
بره شفت سيارة هجرس
بيضة حلوة وتخبل ونظيفة لمحت من بعيد زهورة ودلشاد بقوا يباوعولي شفت ضل صار فوك رأسي التفتت بسرعة شفت هجرس يباوعلهم
بنظرات عميقة
وگال _ هذولة اثنينهم متأمرين عليج ويردون
يوكعوج ديري بالج لعابتي
_وانت هم تريد توكعني
باوعلي وگال "
لو اريد اوكعج جان وكعتج من زمان
_لعد شسمي افعالك ؟
_صحوه الج
_شنوو ؟
_ماكو داعي اكعد افهم بيج ماكتيلي حلوة سيارة
_اي تتهنى بيها
_شكراً هذا شبي صفن صفنى المطاية
باوعت لدلشاد صفن بينه وزهورة .... هم فزيت من هجرس جلب بايدي ورفعها وباسها كدامهم بقيت اباوعله بصدمة مصدومة من
حركته السريعة .؟!! ..
