رواية كفي والمنجمة الفصل الثاني والعشرين 22 بقلم الكاتبة Leo alfatlawi

رواية كفي والمنجمة الفصل الثاني والعشرين 22 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الثاني والعشرين

اني احجي وهيه غلقت الجهاز

رجاء ماخلت شي ماكالته ابحقي حتى غلط غلطت بس عادي المهم شفيت غليلي بيهم خلي كلمن يعرف قدره شنو بعدني استوني كملت العده انخطبت وهيه اسنين تتوسل بمؤتمن اوخذ اثنين يالله قبل بيها

رجعت للغرفه عفتهن يعدن وراي دخلت وسديت الباب رحت للشباج فتحتها بس الهوا حار يدخل بس مو احر من جمر كلبي

اليوم اشرد مابيها ماراح اخليهم بتحكومون بيه بعد حتلو لكوني وذبحوني هم اهون من انو اخليهم يسوون بيه هيج

دخلت هيفاء اجت يمي جانت اتباوعلي مقهوره عليه كالت لاتاخذين على حجي رجاء تراها ماتفتهم

--على شنو يمعود هيه ضلت عليها وين مصطفى مارجع

--كاعد يم الشط تره والله مصطفى عاجر صار كم يوم يتعارك ويه جدو بس مايكدرله لان احمد اموافق وهو قانع كلش يكون ابن عالم متحصل هيج نصيب خلي نسترها

--لويش يعني اني مفضوحه ويريد بسترني

--عدنه المطلكه عيب وينحجي بيها

--زين هذا الرجال منين وين شافني

--يصير ابن خال تهاني

--عزا ابعينها واكيد هيه الدزته

--والله مااعرف بس اكيد الها ايد اخاف مؤتمن يرجعج بالمستقبل لان امها اجت اتوسلت بجدو وكالتله شنو التردو يجرالكم بس انطونياها

--طبعا بيبي وامج هم شاركن بالسالفه

--غزل ارضي بنصيبج خيه يكولون خوش ولد مؤتمن بعدماله جيه لاتترجين منه شي خلص استقر اهناك

--هو هم هيج بس اريد اشوف مصطفى فدوه قبل لاينام

--ميخالف هسه اصيحه دقايق

طلعت واني ضليت انتضر اريد اودعه مااكدر اروح لومااشوفه احسه جزء مني صار اعز من احمد اكيد ماقصر واعرفه اهواي دافع عني بس ميكدر لجبروت وطغيان جدو

اندكت الباب ودخل بس اتحسه شايل اهموم الدنيا على اجتافه اجه يمي كال شنهو غزل كولي شنهو اليطلع بيدي وماعملته والله عاجر مابيدي شي لاتلوميني والله تعاركت اكثر من مره بس قافل وتعرفين جدي اذا قفل واخوج الناقص ويا واكف

--مجاي الومك بس اشتاقيتلك ردت اشوفك

--غزل شنو ناويه اتسويين دخيل ربج

--ولاشي ليش احسك خايف

--لان ثوله وكلشي اتوقع منج شنهو ناويه هالمره

--ماكوشي لاتخاف ولاتباوعلي هيج تره اعقل من اليدور ابالك مستحيل اكتل نفسي لخاطر اسوالف جدك وتعال كلي لويش مكلت المؤتمن

--عوفج من مؤتمن هو سبب هاي كلها جدي يريد يكسر راسه لان كسر كلمته وماقبل يردج يريد ياادبه

--امم واني شنو هيج لعبه ياادب بيه اليضوجه بيه من يرجع اتكلوله اتزوجت هيج يعني عادي

--غزل تره مؤتمن بعد ميكدر يرجع ذب افلوسه كلهن اهناك اذا اجه يرحن كلهن منه تعب اسنين كلها تختفي اذا بس فكر يطلع من احدودهم

--يلا كلمن يرضه بقسمته واني يمكن هذا نصيبي خلص عادي اذا طلع هم موخوش ادمي ارجعلكم مومشكله شوفولي واحد رابع تره كولش عادي

مارد كعد على الجربايه ودنك كال غزل شنو الراح اتسوي

--كولشي ماكو

--غزل ابروح ابوج كولي لااتخليني اكل ابروحي

--اشتعلت روحه لبوي الجابني وخلاني يمكم

--عوفج من احمد اعتبرني مكانه اذا عندج فكري كليلي اني اساعدج بيها مستحيل اخليج تتزوجين غصبا عنج لو اعرف اخذج وانهزم

--راح اتسويها مصطفى لوبس حجي

--وروح عمي اسويها لبالج اسكتلهم وانتي ماراضيه لاخويه والله احركهم حرك ولاخلي احد يجي صوبج

--وين حتوديني

--اخذج واهج لبغداد عندي صديق اهناك انروحلها

--مصطفى مجاي تسحب لساني واتريدني اعترفلك بالاسوي موو

--لاافا واني اخوج انتي بحماي بس كولي شنو التردي

--اشرد

--وهاي اني وياج بيها بس انطيني مجال باجر اخذ افلوسي منهم وبليل نشرد بس مسحي ادموعج وميصير خاطرج اله طيب غزيلان هذا السر يندفن ويانه ان نجحنه اولا مايطلع يم احد لسانج ضبي اشويه موكل ثانيه اتودعيلج احد تره انتي ثوله مكشوفه

--يعني عرفتني دااودعك

--غير ربيتج على ايدي واعرف غبائج يلا نامي وصير حبابه مسحي ادموع احسن مااطلع اكتل صبوحه

ضحكني لعد صبوحه شدخلها هو راح واني صدك بعد هاليوم المتعب نمت ماكعدت غير للصبح كمت بكامل نشاطي خلص راح ارجع لبغداد واخص منهم طلعت من الغرفه لكيت مكرم كاعد على الدرج ومدنك رحت يمه صبحت عليه كلتله لويش كاعد شنو هم جاي بلا ريوك

--لاوالله دزوني حراسه

--منو دزك جدو

--انعل ابوجدج عوفج من جدي شنو اشوفج فرحانه اكو شي جديد صاير

--هئ بس غير زواجي باجر لازم استعد اليوم

--هم صدك من حقج يابه عليش لا بس سويلي شي اكله قبل لاتعرسين

--شنو ذولاك الناس لازم طارديك اكو شي جديد صاير

--لايابه بس فشله اكلها سويلي اكل

--اها فشله بس من تح

بعدني مامكمله الكلمه طفر صم حلكي كال غزاله يبت خالي العزيزه مواخوج اني لاتفضحيني تالي يوكلوني تبن مكال الريوك

دفعته تعال يلا حسويلك وهذا اخر ريوك ناكله سو

--عليش رايحه للمريخ اذا طولتي ويه الزلمه اسبوع تعالي تفلي عليه هذا اذا طلع ابن حموله وكلش اتحملج

--الله وارجع اعيش وياكم صدك مكرم مراح تشتاقلي مو راح ترتاح وحدك بالبيت وبعد محد يلبس الغتر مالتك

--فدوه الغتر وصاحبهن ولج والله ماكدرت انام اليله بالي يمج والبيت وحشه من دونج لااتخليني اروح اكتل جدي وخطفج عفت امي وراي اتلم ابغراضج وتبجي هيج طلعتي ماخذه معزه بكلوبنه خره بشكلج

--شنو عمه رجعت من الزياره

--اي خبرتها اجت من الفجر

--لعد لويش مادافعتلي اشلون حتخليني اتزوج غصبا عني كلتها وشهكت حسيت روحي صدك بلاسند

--وداعت امي ماطايح شي بيدي اني غريب عنكم مالي كلمه اهنا مااكدر احجي والله انطي روحي الج غزل وانتي اتعرفين مسحي ادموعج خويه تنحل ان شالله ماضل شي

--شنو يعني

--ماكو سلامتج بس يلا تره الجوع طكني امشينه للمطبخ واريد مخلمه اقلها ختيمها ويانه بشي حلو ينذكرلج بي

--رحنه صدك سويتله مخلمه مصطفى من الصبح طالع للمصنع وجدو متعجب يكول اول مره يسويها بس مكرم يبتسم ومغلس حسيت يعرف بالجاي انسوي وساكت اني هم ماحجيت لان انطيت كلمه لمصطفى كعدنه اتريكنه دخلت سماح صبحت وكعدت ويانه كالتله تره اني اختك المفروض اتكعدني شنو نسيت لوغزل كوشت محبتها عالبيت كله تره كمت اغار

--لاتغارين يبعد اخوج نفس المعزه وحك علي اثنينجن خواتي

--چا اخذني وياها للصالون ماعندي افلوس رجلي راح وكال عدولي

--افا من هالشارب بس شكو بالصالون رايحات

--غير انحضر غزل لباجر جايها الزلمه يعقد

--اهاا بيها الخير اي سهلا حضرن روحجن واني اخذجن وشوفن وياجن هيفاء خطيه اخاف اتريد اتروح

--اهااا خطيه مو المهم اي اتروح عليش لا وين محصله صالون وبلاش يلا حبيبي بس انكمل الغده نطلع

--خوش اني رايح وره مصطفى اشوفه عليش غابش وارجع قبل الغده والله كلبي لاجمني من ابو الصوف خاصتا من اشوفه يباوع لجدي تك عين

--ههههههه اصخام والله هذه الولد اذا ماجلط الزلمه ميرتاح

طلع وسماح كامت للشغل اني ضليت كاعده عالاساس عروس ذوله كل عقلهم اني اموافقه راح اكملها استغفر الله اشويه وانفتحت الباب والهلاهل دخلت ام تهاني وياها مره جبيره اجن يمي سلمت عليهن والمره جانت اتباوعلي بحقد عزا اتكول مغصوبه عليه

والله شكيت ذني ديلعبن بس يردن يخلصن مني لخاطر مؤتمن يضل على بتها انطني علاكه وراحن يم بيبي

دخلت عمتي ام مؤتمن تركص اخذت المي وكالت حضرن الضيافه وانتي كومي عدلي روحج لاتضلين امبوزه هاي عمتج ام زلمتج روحي عدلي ارويحتج وتعالي يمنه ابسرعه جايبات النيشان اذا اتاخرتي دقيقه انده جدج اخلي يچسرج

طلعت مستعجله اجت سماح تتوسل اكوم يمهن اتخاف انضرب اتفاجأت من ضحكت وكلتلها هسه رايحه واطيح على عمتي واشبعها بوسات بس كون جايبتلي نيشان بي حظ اتعرفين اول مره احس بهيج شعور

طلعت عفتها وراي فاكه حلكها دخلت غرفه بيبي اول ماشافتني ام رجلي المستقبلي عوجت حلكها كوه كمشت الضحكه عززا شنو من عالم ذوله

كعدت وهنه مستمرات بالسوالف لحد ماام تهاني كامت انطتني حلقه وتراجي كالت هذا نيشانج والباقي انجيبه يوم العقد باجر العصر نعقد

--امم اوك خاله شكرا

شالت 500 خلتهن بيدي كالت مالت الصالون واذا تعتازين كولي

بيبي. لاخيه كافي حتى نيشان هيه عدها ذهبات تاخذهن لاتكلفون روحكم جدها كال بس حلقه لان نعرف ضروفكم

--اي والله يخيه سايق تكسي وعنده عائله ابركبته كوه كافي المصرف وايجار ورا وفريخات

عزززا شنو عائله خاله مافهمت

ام العريس. شنهو ماكالولج متزوج وعنده 4 افريخات

--لاع لعد اذا متزوج لويش يتزوج مره لخ

--مرته كبرت ويريد احديثه يتونس وياها بس كال شرط انو مااريد جهال كم سنه كلت قبل الدخله اخذج لدكتوره اتخليلج لولب

--يعني حتى اطفال لازم انحرم منهم لان الافندي يريدله جاريه

--ياااع وشنهو لازم ماعاجبج تره هذه شرطنه وجدتج وافگت وكالت انتي موافقه

بيبي. اي خيه موافقين لايضل بالج اخذيها وخليلها ماعرف شنهو تسمو هاي متعرف تحجي عوفيها

--خوش چا اخذنها بعد العقد وياي ومن هسه خيه هاي جدامكم ترانه مانحب المشاكل ابني رجال جبير وتعبان ابحياته يريد مره سنعه يجي يلكه هدمته نضيفه واكله حاضر وماكو مشاكل حتى لو تجاوزت عليها مرته الجبيره خلي تحسبها بمكام امها لاترد تصير عاچله ماانريد مشاكل ناس النه سمعتنه بالمنطقه مانحب صوت النسوان يطلع من هسه اگلها كدامكم تره ابني ايده والطك اذا هيس حسها يچتلها

--لاعلى بختج خيه بتنه امعدله وتسمع الچلمه وهم نعلمها قبل لاتجيكم خليها جوه ايدج بس هيه طبخ ماتعرف علموها

--يااا جنها فاهيه والله امبين من شكلها صفره

--هئ تره اني شكره موصفره اكو فرق لوسمحتي

--شنهو عمه شنهو چاي تجي البت

ضحكت عمتي ام مؤتمن وكالت لاخيه ماتعرف هاي جاي تكلج لان بيضه تشوفيها هيج بس هيه لسانها معوج مينفهم حجيها

عزاا ابعيني اي والله اشلون حيشمروني شمره شنو هاي كلها بس علمود يبعدوني عن مؤتمن صدك يحجون شنو من بشر ذوله اترخص وعفتهن يكمل لغوه اتكول بيعه عدهم اكو مهر 500 الف وين صايره هاي وانوب بيبي اتكلها متعتاز ملابس عدها اهواي لاتجيبون هاي شنو شربن جدو وخلنه يقبل ويسكت يمه مونسوان عزه حتى ابليس كعد بالزويه خجلان من شاف عمايلهن

طلعت صافنه شافتني رجاء ضحكت كالت ها خوش نصيب موو اي چااشلبالج تريدين تبقين ماخذه شيخ الشباب انتي هذا مستواج ماجاوبتها امبينه طابخاتها سوه

رحت لغرفه سماح كعدت يمها صافنه اني وين عايشه

طلعت فستان طويل سماح كالت هذه اشتريته وماصار لبسي انروح للصالون ماضل وقت

--يعني انتي مقتنعه اتزوج

--سكتي غزل لاتعلين كلبي اشكد حجيت ونصحت شنو كلتلج مو تهاني اذا دخلت اتخرب كلشي هاي خذت الزلمه وطفشته وشوفي وين راح يصفه بيج الحال تره العريس هنه جايباته هاي اذاماطلعن مطياته افلوس لخاطر يتزوج كلشي اتوقعي

--لعد لويش جدو وافق

--ولج جدج الله اعلم اشلون سكتته جدتي تره ذني يشتغلن بالسحر وشي ثاني جدج يريد يكسر خشم مؤتمن لان كسر كلمته كله ردها لذمتك وماردج

--تمام عوفج من مؤتمن اريد فساتيني وينهن

--غزل ذني اكصاف خيه عيب اتلبسيهن چدام الولد

--مالج شغل انطيني لومااروح اصلا

ماردت طلعتلي فستان من فساتيني القديمه جان كولش حلو ايام الخير هذا اشتريته من جنت اشتري الاشياء بالهبل بدون تفكير لونه كابوي خفيف اكلوشه من جوه وصدره ضيك وفتحه صدره واسعه

رحت لبسته لفيت شال ابالونه وحذاء كعب عالي لان اني قصيره موطويله كلش وراي روحه لبغداد لازم اكشخ ماالحك اغير ملابسي بعد

طلعنه لكيت مكرم امتانينه صعدنه ويا وصلنه لمركز التجميل دخلنه كلمن اخذت كرسي لان مستعجلين راح الوكت وعدنه شغل اهواي

بلشن شغل بيه طلعلي وجه ثاني شغل وجايني بلاش خلي يدفعون الحبابين ماخليت شي ماسويه لااضافير ولاتقشير حتى رجليه هم سويتهن للمغرب يالله خلصنه

خبرنه مكرم اجانه بس جان مخبوص السماعه ابذانه ويحجي بس كله الغاز ساعات يعبس وساعات يطكها ضحكه ماعرفنه اشبي وصلنه

نزلنه رحت لغرفه سماح اول مادخلت

انعصر كلبي بريحه عطر اشتميته هذا عطر مؤتمن منو خله منه منو يدخل غرفه سماح ويستخدم عطر رجالي

بس ولاواحد من الولد يستعمل هذا العطر بس هو

يمكن هاي اشتاقتله ورشت منه هم حظها مايل المكروده

اووو مؤتمن شنو من حساب راح تتحاسب ابسببنه تدري اشتاقيتلج ابكد كرهي الك

نزعت الجبه والشال والحذاء وحضرتهن يم الميز علمود سهلات استعد لليل فتحت شعري والله امسويته حلو امسرحته ازيد صاير مي يلا جدو راح يبتلي بالدفع حيل بي مو يريد يزوجني غصب يلله شيل الفضيحه الحتجيك لفيته وشلته خليت الشال فوكاني وطلعت رحت للمطبخ دخلت لكيت رجاء جان وجها اصفر يمكن من الحمل بس اباوعلي وتصفن موطبيعيه وكفت بم الثلاجه اشرب مي وهيه بعد مااتحملت كالت تره مكياجج طوخ خففي غزل

--انداريت باوعتلها بستهزاء لاتدخلين مالج شغل عروس وفرحانه الروحي اكو شي ضارج

--غزل احترمي روحج ودخلي غرفتج لاتطلعين

--لويش

--ماكو عليش عدنه ناس غربه لاتضلين داخله طالعه وهذا لبسج

--تمام ولايهمج بس اعصابج لاتنجلطين اصلا نعسانه اني بس مصطفى اجه لوبعده

--لااجه بالديوانيه شرايده منه

عفتها على حركتها جنها طفير مشلوع اجناحه طلعت ادور على مصطفى وادردم غير بنات عيع الغيره كاتلتهم صاح اشبيج

--عزاا تره طفرتني مصطفى

--شكو ادردمين منهو ياج

--هاي اخت الصخام تنبح مااعرف منو داس على ذيلها

--تنبح واخت اصخام همم عرفتها بس ولج خومواني الصخام

--لاع طبعان يروحلك فدوه الاجلح الاملح

--حححم مواكول كافي ستري علينه بهاليل لاننشحت منا اجلاليق

--هسه عوفك من هالعائله المختله وين جنت

--تره انتي اتسالين عليه اكثر من امي

--هههه غير البيست دااكولك شوفي شنو جابولي هاي حقه وتراجي شوف يفيدنك هاك

--لافاهمه غلط انتي العروس مواني چاليش مالبستيها

--مولابسه الحلقه مالت التحفه اخوك مترضه تنزع لاطشه مثل خلقته رادلها كص

--اني اكول راسج راح ينكص لصمي حلكج احسن مااطير معالم وجهج لان اشوف لونه اتغير معناتها وصلنه لخط الاستواء

--شنو مافهمت صدك اشوكت بعدني مامكمله الكلمه ومصطفى صم حلكي كال هااا غزل

وخرته وبتعدت بس انصدمت بأاحد وراي واجه عطره دخل بريتي اخذ كلبي ويا انداريت شفت مؤتمن واكف ابتعدت عنه ليورا متفاجأه من وجوده وكوه كمشت روحي ماردت اضعف

احس كلبي عصرني كوه كمشت نفسي انداريت ردت مصطفى استمد القوه منه لكيته ماهو رايح

--اشلونج غزل

مارديت بس اباوعله تسال اشلوني وانته الحطمتني بيدك لويش جاي مؤتمن موبديت اتعود على غيابك ردلي الشعور الجنت احس بي وهو يمي مشتاقه لحضنه ولمست ادي

--عليش شاكته شصابج بويه

--لويش رجعت

-- ديرتي ورجعتلها عندج مانع

--لاالحمد الله على سلامتك كلتها انداريت اتحركت ردت امشي كمشني من ايده كال وين تردين ماحجينه

--مؤتمن فدوه عوفني حجيتها بترجي وعيوني مليانه ادموع مااكدرت اكتمهن اكثر نزلن سحبني وخلاني بحضنه حصرني حيل احس اضلوعي طكت ابداخل حضنه اخذ نفس طويل مني وكال بويييبه اشكد مشتاقلج يعلة كلبي

دفعته وخرت منه بعد شنو جاي مؤتمن تره زواجي باجر

--ضحك كال مقتنعه اعوفج بويه شنو انجنيتي اخليج بحضن غيري

--موابكيفك غصبا عنك اني موافقه وباجر العقد شتريد اتسوي

--تذكرين اشكلتلج المره العندي متطلع منا غير للكبر

--لاهالمره موابكيفك رايحه وكدام عينك برضاتك اولا اني رايحه وخر ايدك دااروح

و صدك نسيت اباركلك على الطفله بس خليها ابراسك الدنيا دوارا هسه اتموت وبتك يجي واحد يسوي بيها مثل ماسويت بيه

--اذا يعشكها هيج حلال اليعمله بيها

--ياعشك التحجي عنه انته تعرف الحب مؤتمن هم حاسس بي

--دخلي كلبي شوفي شنو البداخله الج

--دخلت شفت حقد وضلم شفت تهدم بحياتي وتبني حياتك شفتك وانته تتركني على افراش الموت تدري مرات اصفن اريد اعرف شنو من گلب شايل اشلون انطاك كلبك تتركني بهيج ضرف

--ردت تتعالجين وتاخذين راحتج من شوفتي جان ثمن بقائج الي سفري

رحت غصبا عني وداعت كل عزيز ابكلبي اسبوع ماشفت النوم وراج بس مجان بيدي شي اعمله غلطت غلطه كلفتني عمري غدرني جدي حاربني بيج لومارايح جان صار غير شي

--مؤتمن لاتذب اغلاطك على غيرك انته اتخليت عني ابااكثر وقت اعتازيتك بي بعد لاتجي لاتعترض على الراح اسوي

--وحك حبج الي ابكلبي وداعت كل يوم عشته وياج يغزل اي غلطه منج تطلع ادفنج وانعل ابو العشگ لابو اليعشگ

دفعته ورحت مستحيل ينعدل لوويصير ابراسه خير يضل متحيون دااخل للغرفه اجه وراي سريع سحبني حيل هذا الثوب اذا شفتج لابسته مره ثانيه اجفنج بي اسمعتييي كالها ودفعني لبسني بالباب وراح يتعارك ويه خياله خبل ولنبي خبل موطبيعي

دخلت وسديت الباب حيل نفسه مؤتمن ميغير لو ايمر قرن عليه لايتعدل ولابد يضل غثه

لويش اجه موكال سنه اشذكره ورجع لوعلى حضي لبالي ارجع لبغداد وارتاح واخلص منه

ماكو دقايق واسمع العيطه كبت وصار صوت عالي علكت بين جدي مؤتمن فتحت الباب الصوت جاي من غرفه جدو دااروح واسمع جدو يكله باجر جايين ياخذوها واذا حجيت اخلي طلقه ابراسك

مؤتمن --الزلمه ابن ابو يوصل صوبها قسما برب الكعبه وهاي كدام الكل اليوصل يم حرمتي ادفنه مچانه

--موش حرمتك انته طلچتها مالك حق بيها

--طلچتها بقت بسمي هذا الشي راجعلي محد يوصل صوبها وحق الخلق الكون اخلي الدم للرجاب

--مؤتمن تچسر چلمتي

--من توصل لمرتي اكسرها اعذرني جدي غزل مالتي محد يكربلها والي يوصل صوبها اجتله

--هينه يمؤتمن بس لاتجي تلومني باراح اعمله

--شنهو اليخطر على بالك اعمله متحرك شعره من راسي وعلى شنهووو تراها مرتي ياعالممممم هاي مرتيييي شنو اتزوجها ابكيفك

--انته طلجتها وكلتلك ردها مارضيت بعد مالك حق يمنه

--هم يكلي طلچتها يابه هذا الشي راجعلي وهم سهلا هسه اجيب ازمال واردها لذمتي

--شنهو ابكيف اترد واتطلك غزل متردلك بس من اموت

--ولايهمك خليها هيج ماعندي شي بس محد يكرب يمها بالعباس احركم ولااعرف لاجبير ولاصغير خلي يجي الزلمه ويحجي وياها چلمه حرام بالحرمه وروح الاعزاز اترس حلكه بارود وهذا الجايها لويطير للسمه الكفه يجي الصبح لومايجي سهلا مابقى شي اعلمه اشلون يخلي عينه على حلال غيره

--ولك تريد تفضحنه جدام العالم اتريد اتسويها دمايه تسودنت انته

--يعني هاي موفضيححححه اشلون رضيتها انتى جدييي لاتخبلني اتخليهم يخطبون مرتي وتنطيها عليششش موامنتها يمك ورحتتت وانطيتني جلمه ماطولك هيج سويت بعد مالك حق يمي

سمعت جدي كع وطاح وكلهم انسبو عليه بس هو مااهتم لان طلع وصعد الدرج ابسرعه امبين رايح لغرفته اني هم رجعت لغرفتي خفت يكولون ابسببي دخلت ابسرعه وسديت الباب

اسمع صارت هوسه يمكن اخذو وطلعو للمستشفى بس مانزل مؤتمن من فوك ماسمعت

يالله بلكي يموت ونخلص منه غيرت ملابسي اتعاجزت اغسل وجهي من المكياج انفتحت الباب ودخلت هيفاء ميته خوف وتبجي على جدو غميتها

--ولج خلي يموت علمود تتزوجون اشبيج تبجين

--لاغزل اسمه الله عليه من عمري على عمره

--لعد يطبج مرض خلي يتزوج مكرم لان مل وانتي امبينه شغلتج تتعطل

--يااا غير اچتل روحي

--ماراح اتكتليها قبلج كلتها وهاي اني كدامج هياتني مابيه شي

--بس هو تسودن وراج والله اليستر من باجر لايفضحنه چدام الوادم يچتل الزلمه

--هم لاتخافين علي خلص المسرحيه وراح يركض لحضن تهاني

--لاولج تهاني بقت اهناك اجه وحده

--عزاا يعني ناوي يخرب زواجي ويرجع هيج يخليني معلكه موو

--مااعرف شيفكر مؤتمن بس سمعته يكول لمصطفى مالكيت تذكره بس وحده اطريت اعوفها

--اها يجوز جدو اتعارك ويا لان عافها

--لالان بهاي نزلته خسر كومه افلوس وراح اتروح الاقامه المقدم عليها كله دمرت كلشي رجعتنه للصفر بهاي عملتك ضيعت تعبنه وتعب الوادم

--ياوادم ذوله لويش ماخذين افلوس من عالم انتو

--اي چا همه شراكه ويه شيخ علوان وتعالي حليها اذا تنحل بعد ذاك اله الحصه الجبيره امنها بيد مؤتمن وثق الرجال بي انطاه حلاله تالي هد كلشي ورجع

--كوله ابسبب جدو لويش هيج سوه يستاهل

--لان يريد مؤتمن يبقى اهناك ويكطع رجله منا وهذا الشي ميصير غير بزواجج

--عزاا اشكد باطل يدمرني علمود يلم افلوس كون يموت ياربي واخلص منه

اتمددت اريد انام ماكدرت لان الصوتهم جان جان عالي ومخبوصين بجدو اشويه وجابو العار مابي شي بس طلع ضغطه صاعد خمد نام

وكل واحد رد الغرفته نام صار هدوء بس كلبي الماهأء من اتذكر فوك اتمنا اصعد وروح انام بحضنه اتذكر كلامه من يكول مشتاقلج هذا صدك ديحجي لو هم ديجذب عليه

هو لو صدك يحبني مجان تركني غزل ماتبتي من الصارلج اشوكت تتعلمين دتعيدين الاغلاط نفسها ياربي شيله من راسي وكلبي خليني اعيش براحه مثل بقيت البشر بعده عني مؤتمن قربه دمار الي

غمضت عيوني انام وسلمت امري لرب العالمين لان ذوله ناس باطله وضالمه محد يكدرلهم غيره

واسمع الفون مالت هيفاء يرن كمت لبالي ماما اباوع لشاشه الفون مكرم وهيه نايمه فتحت الخط

كلتله انته متستحي ماعندك خوات

--لاعندي اثنين ماخذات خبل من اشويه جلط الامه لخاطر وحده ثوله منهن

--اممم مكرم جنت تدري بي جاي مو

--لاتدخلين بنتي بهيج حجي مال اكبار وين هيفاء

--نايمه اتريد اكعدها

--لاخليها نايمه وانتي يلا ولي وها غزل لاتطلعين ولاتحجين تره تاكليلج كتله لان الشغله حاميه

--لعد لويش متجي ياخذني

--عليش يابه اكو واحد كلج بايع روحي دولي الثور جاي حامي اليوصل صوبج ينطحه غزل مااوصيج باجر لاتطلعين لمن اجي اسمعتي

--اكولك وين تهاني

--بقت اهناك

--شنو لازم حيرجع

--يرجع بس موهسه لمن يسوي البراسه وجدج قافل بعد منعرف وين توصل يلاولي اريد انام

صوت عيطه صارت وسكوت بعدها فتحت عيني كوه من النعاس الساعه8ونص الصبح كعدت اتمغط دااكوم واسمع العيطه كبت مره لخ بس جانت اقوه وصوت الولد امبين كلهم موجودين

لفيت شعري وطلعت على السريع الفضول كتلني فتحت الباب واشوف جدو مشتعل من الحركه ومكرم وكاظم كوه كامشي مصطفى عينه طافره ومؤتمن يمسح بحالكه مجروح وقميصه مملوخ امبين مضروبين خوش ضربه مسحولين سحيل

جدو جان معصب وهاد عليهم يشيل روحه ويدكها بالكاع ومؤتمن ومصطفى واحد يباوع للثاني وكوه كاتمين الضحكه وصايره هوسه سماح واكفه على جهه رحت يمها اريد اشوف شنو هالهوسه عليمن اول مكلتلها شنو الصاير

اندارت وهيه فايره كالت ابسبب حضرتج جان انكتل مؤتمن

--عززا لويش شنو الصار

--رحين لهل الولد الخطبج امطلعي طاكي وطاكين اخو الجبير فازعين ولد عمهم هم مضاربينهم كوه العالم فاكيهم لومافازعين اهل الديره جان الله اعلم شنو الصار

--شنهو موتوهم

--لايمه اسم الله بس الولد بالمستشفى هو واخو الجبير راح اتصير عشاير وشيحلها بعد

ضل جدو يرزل بيهم اشكد حجه عليهم وغلط على مصطفى المكرود

يكلهم اشلون احلها راح اتصير ادمايه اشبيك تسودنت عقلك وهيبتك وين من تتصرف تصرفات مراهق اتروح اطگ الزلمه اكيد تخبلت جدو ميت قهر ومحتار ومؤتمن يحجي برود يكله اشبيك كاتل روحك باجر افصله

--وحك العباس تسودنت انته موش عاگل ولك اطگ العالم وتفصل شنهو هيج سهله عندك

--اي سهله وهاي جره اذن النوب اترسه بارود اليفكر يوصل

--اطلع مؤتمن مااريد اشوفج وجهك واخذ هذا السكط وراك كون تنجتلون واخلص منكم

جدو محترك ويصرخ عليهم وهمه مامهتمين اصلا راحو صعدو فوك بكل برود بس كل واحد ميمسح الدم من جهه امبين العركه قويه

للضهر والهوسه ماخلصت جدو يخاف عليهم يكول هسه يدگونه ويجتلون ولدنا ماخله احد مااتصل بي من شيوخهم بس مؤتمن معترض ميقبل يودي مشيه قافل يكول هو التعده على بيتي اشلون يخلي عينه على حلالي وجدو محتار لان ميكدر لمؤتمن يكول تسودن الولد بعد ميعرف يتصرف

اخر شي خبر شيخ علون كال بس هذا يكدرله

عمتي ام مؤتمن اتروح وتجي تغلط عليه خو بيبي كل اشويه اتكلهم كضوها جيبوها ليه منهو وصله الخبر غيرها ام المصايب اشعرفه مؤتمن واجه لجاي لوماام المصايب شمرت سمها

عزا ابعينها اتريد اتزوجني واسكت والله شفت ناس ناس ازباله مثلم ابد ماشفت

واكفين بالمطبخ واجه احمد يركض كال حضرن الديوانيه جايينه ناس

راحت هيفاء وسماح يرتبن واحنه بالشنه انحضر بالضيافه قبل لايجون وتالي ننخبص

امبينه اطلابه راح اتصير جبيره من وره اخبال مؤتمن اجت عمتي ام مكرم وكفت وايا اخاف مندبرها وحدنه مااعرف لويش هذا الشيخ هيج يحسبوله احساب دخل مصطفى عينه امورمه كال وينجن كملتن

--اي هياته كامل كولشي

--من الله يطيح حظج هسه لويشوفون الهوسه الصارت لخاطر ام هياته جان تفلو بوجه مؤتمن

--لويش منو اجه

--شيخ علوان ويا شيوخ اهواي والله حض علوان لم الدنيا وجابها يقنع مؤتمن يروح وياهم يحلون السالفه لوبس اعرف شنو نوع السحر المسويته امه لخلت الشيوخ هيج يحبون مؤتمن ويحسبوله احساب واني امي كلتلها سويلي محبه كلبتني ضفدع

--عززا واشلون رجعت بشر

باوعلي صفح كال شفت ثوله وخري عن طرقي لاادفرج

بلشنه كهوه وجاي وجاي وكهوه ماتت رجلينه داخلين ناس طالعين ناس متنه واكفه يم عمه اسوالف اشوفه اتباوع وراي وتبتسم

انداريت لكيت مؤتمن استوه داخل للمطبخ اجه سلم على عمه وحضنها رحت يم السنكي الهي روحي عنه اسمع عمه اتكله هديت شغلك والطگ الحصلته عاد رواها نتيجه لوماكو

-- والله باين ماكو كالها وضحك عفتهم وطلعت ابسرعه رجعت للغرفه ارتاح لان متت وهم مااريد

ابقى ويا نفس المكان رحت لغرفه بيبي لان البنات بغرفه هيفاء اتمددت على قريوله جدو كدام السبلت متت حر وتعب

بيبي وام مؤتمن وحده اتهدني والثانيه تستلمني بالحجي اسمع واسكت ماارد غمضت سويت روحي نايمه اريد اخلص من لغوتهم اشويه صار هدوء يمكن قنعو واخذو وياهم لان اختفه صوتهم امبين طلعو واني هم رحت بالنوم

كعدت على صوت مؤتمن فتحت اعيوني لكيته كاعد يم بيبي يسولف كمت لكيت شعري منثور على كد القريوله لميته دااكوم كال رجعي مكانج الولد يمنه لاتطلعين حجها ودنك انتجه على رجلي يكمل كلامه ويه بيبي

وبيبي تقنع بي يرجع لهناك اتكله حلانه لاتيها يجده

--منهو امضيع حلالج جده راح اصفي كلشي وارد رده لهناك ماني راد

--ولك وحرمتك

--خابرت صديقي يزتها للمطار واحد من الولد يروح يجيبها مناك

--ياع مؤتمن من كال جدك تسودنت ماصدكته صدك ولك يجده اعقل وروح يم امريتك وحلالك عليش

--سهلا جده كالها وكام وصل يم الباب اندار كال غزل لاتطلعين بعد يذني ملابسج شوفيلج اعرض منهن وحجابج لاتنزعي اذا شفت مره ثانيه من غير حجاب اسحل بيج البيت

طلع وسد الباب حتى مالحكت ارد اشيبهن ملابسي غير صيف لعد مومرته تاركها اهناك لو ذيج وحد كدرته عليه

دخلت عمتي يم بيبي كعدت اتسولف على المشيه واشلون طالبين منهم فصل ومتكفل بي شيخ علوان كالهم مني اني ادفع

كمت فتحت كنتور بيبي اريد اخذ مشط شفت صندوق اصغير يخبل عجبني شكله شلت وبيبي طفرت صاحت ردي ولاتمدين ايدج

--بيبي بس دااشوف شكله حلو شنو هذا

كامت عمتي خذته من ايدي وكالت تعالي يمي

كعدت كعدت يمها فتحته بي ذهب بيبي بس كله موديل قديم اشكد عدها كومه كل حاجه اطلعها يذكرنها اشوكت اشتروها وشنو قصتها طلعت كلاده اول ماشافتها بيبي بجت جانت مداليه ناعمه حلوه سحبتها عمه مني رجعتها للصندوك ورجعته بدون لاتحجي

جابت المشط وكعدت اتمشطلي كملت تمشيط وضفرتلي وبيبي بعدها تمسح بدموعها وترجع تبجي لمن عمه كلتلها لخاطره ييمه مثل ماهو عزيز على كلبج هاي عزيزته رحمها

--هاي بت فريال موش بته

--لاييمه لاتخلين الحقد يعميج تذكرين من جاب المداليه ولبسها فرحان بيها اشلون كطعتي فرحته وغثيتي لخاطر النبي لاتعيدها هسه عوفيها ترا يتأذه ابكبره من يشوف دمعتها عالخدها

--ياع وانتي جاي اتكدرين خاطري لخاطر بت فريال نسيتي السوته واشلون خذت ابني

اتحسرت عمه وكالت كومي يمه يم خواتج للمطبخ راحو الولد

جان امبين عدهن حجي مترديني اسمعه اني هم عفتهن وطلعت رحت للبستان لكيت هيفاء تخبز والجو يفور خطيه وكفت يمها كالت غزل بعدي وجهج كسب

--بس الم الخبز لويش اليوم بليل اتخبزين

--نسيتي مصيبه الصبح غير شفنه دربنه وغزل حبيبتي كومي لبسي حجاب لايجي مؤتمن

--ماهو طالع عوفج من مؤتمن ماعرفتي اشوكت ترجع تهاني

--لابس مؤتمن قبل اشويه اتعارك ويه جدو ميرضه يروح يجيبها يمكن اليوم توصل لان اتعاركو وراح مكرم للمطار

كملنه الخبز دخلنه بس احس جسمي امجمر من الحر وتطلع من وجهي حماوه دخلنه جوه صار مؤتمن ابوجهي وكف اشرلي تعالي

عزه بلا حجاب صرت ويه هيفاء كلتله والله محد موجود البيت خالي جنه بره نخبز

--وطالعه للبستان هيج لج انتي ناويه اجلطينييي

--الدنيا ضلمه محد شافني لويش اتصرخ والبسنات اصلا امسيج

--غزززل غزززل شنو الطريقه التفتهمين بيها دخيل ربج ولج ديره ابكبرها كامشها بيدي وانتي متر ماكادلج

--يعني اسويت تره ليل وماكو احد بس انته معصب من البارحه واتريدلك حجه اطلعها بيه

اجه يمي واني اضمضم روحي وره هيفاء وهيه خطيه خافت اتريد تحميني بس هاي كلها ضاعت بكف واحد هيه انشمرت لهناك واني انسحلت بيده دنك عليها واني ضامه اخدودي بديه احميهن كال كم مره نبهتج

--اخر مره

رجع جرني حيل كم مره كلتيها

--ااااا لالا مؤتمن فدوه شعري اخر مره اذا شفتي كص شعري

--راسج اكصه اسمعتي

--ييي

دفعني وراح حضرته يكص راسي ميهون بشعري والله يالله رحت للمطبخ اعدل بكفشتي نصها امكطعا مال السم ابكلبه شافتني عمتي كوه كتمت ضحكتها عود مارادتني اتضايق بعديش هوه انسحلت

وكفت على السنك دااعدل شعري على امرايه ودخلت ام تهاني اتعد وتصف هاجمه ركضت عمتي ام مؤتمن اتسكت بيها بس هيه جانت اتصيح دخل على صوتها مصطفى ومؤتمن لبالهم شوشنو صاير صاح مؤتمن صوتججج

--ولك مؤتمن موهاي الكتلت روحك لخاطر انطيكياها هيج تعمل بيها

--منهو كتل روحه ثمني كلامج فلسين مادفعت بيها لاتضلين اتشمرين حجي ويلا بتج عندج نص كلمه مااريد طلعي منين مااجيني

--ولك البت حبله خالها تجي وحدها مناك لهنا وتشمرها علينه عليش شنو الجرمته

--اهووو انتي امبينه فارغه وني روحي كوه حاملها

--مؤتمن راح اجيبها اذا حاجيتها اخلي ابوها واخوتها يردوك اخاف لبالك ماكو زلم وراها

--يابه مارايدها اترديها شنهو غير اني شمرتها عليكم شكو جايبتها

--ياع وعليش رديتها شنو العملته

--لاحشاجن كلشي ماعملتن القصور مني يابه بتكم يمكم وبس اتجيب اخذ الطفل واطلكها رده لهنا ماني رادها يلا فارجينه

كالها وراح خلانه كلنه صافنين لويش هيج سوه ام تهاني بعده استوه طلع وهيه هجمت عليه اول ماوصلت يمي صرخت خفت اتسوي شي رجع مؤتمن ابسرعه سحبني منها وخلاني بحضنه

كال شفت عالم ماعدهم كرامه مثلكم بويه ماشايف

بتكم رديتها وكلتكم مارايدها واتفقت ويا ابوها رادين تتوسلون شهالذله الانتو بيها

--اي احضنها لاتطير ام سحور السودنتك

كالتهاواتربعت بالكاع تبجي وتلطم اتلكلهم دخيلكم البت راح اتموت من اجت لسه تبجي وتلطم وين اوديها اذا صارلها شي ولك يمه ابروح عمك ردها مالها شغل بالصار راحت اتموت وتموت بتك وياها

ولك ارحمها الله يستر على شبابك هيه تحجي ودخلت وحده لخ هم عايطه عز شفتها اجت يمنه واني اجلبت اكثر ابموتمن خفت انكتل لان كل وحده اتكول ثور هايج اشكبرهن وسود يخوفن

وانوب يبجن اتكول انكتل ابوهم موبتهن رجعت

مؤتمن دنك همس بم اذني اضافيره نبتن ابصدي من اشتعلت عشيرتج

شلت راسي باوعتله صافنه عزا مؤتمن ذني سعالو

ضحك وهمس شوفيج مچان انضمي بي لاياكلنج

استوني وخرت وماحسيت غير عمتي سحلتني من حضنه وصارت نيتها تشمرني عليهن يتولني همزين لحك جرني من ايدها رجعت لطشت بي ضميت راسي

خالت تهاني ماخلت شي ماسوته لااتوسل ولابجي اخر شي دنكت على ايده وباستها تتعذر منه عالسونه اشكد ماعدهن كرامه على كيفي سحبت روحي منه وركضت للغرفه عفتهن يذلن ابروحن

اشويه وهدأت يمكن حلت الشغله وصار وقت العشه طلعت لكيت البنات يمدن السفره

جان جدو كاعد ويمه مؤتمن امدنك على الفون مالته مكرم جان واكف يغسل ادي يم المغسله بيبي صاحت وين جنتي ولج

--بالغرفه بيبي

--روحي ساعدي خواتج ونكلي الاكل لاتضلين ثوله امسفطه واكفه

--هسه دااروح اساعدهم شال راسه مؤتمن باوعلي كام اجه يتمشه كال تعالي اتذكرت بلاحجاب

ماكو غير مكرم ركضت ورا انضميت وسحبت الغتره خليتها على راسي اندارلي مكرم نكث المي ابوجهي وكال اتضلين ثوله متتعلمين

اجه مؤتمن يمنه قبل لايسحبني دفعه مكرم ويضحك كله لااا دخلت يمي دخيله اشحدك اتمد ايدك

--بويه ميل خلي اغسل اديه

وخرنه اني رحت للمطبخ وهوه يم جدو عفنه مؤتمن يغسل طلع يضحك عليه لبالي جاي يكتلني

حضرت الماي علما كملن نكل گاعدين نتعشه جدو فاتح مؤتمن بالموضوع انو يرد زوجته اشلون جابها من المطار كبل لهلها ميصير فوك ماتاركها وحدها اهناك هاي عيبه بحقه جان

يسمع ومغلس وجدو ينصح ويحجي ساعه يامر احتار ابااي طريقه يسولف ويا بس مؤتمن منطي الاذن الطرشه لمن زهك جدو وصرخ بمؤتمن كاله خلص والحكني للديوانيه

كام راح اصلا مؤتمن لاشال راسه ولااهتم ضل ياكل كملنه الاكل وشلنه الاماعين وهو مااتحرك جبنه الجاي وجدي ينتضر وهو هم مامعبره لمن عمتي ومكرم ضلو يتوسلون بي يكوم يروحله

ضلت عمتي كاعده تتوسل بي مصطفى كاعد يمي يلعب بجهازه امدنك عينه خطيه امورمه كلتله دتوجعج

--هسه بالله انتي تسوين انطك لخاطرج

--لويش هالعنف جان خليته وحده ينكتل يستاهل لويش رحت ويا

--عود يكولون اخوي كلت اكسب ثواب بي اروح ويا انطك

--يعني من واجب الاخ ينكتل ويه اخوههيج عدكم

--وبعد من واجب الخ يتحمل الثول مال مرت اخو

عوفج من غبائج وشوفي اشلون جاي يشتغلهم عالبارد ذيب خرب بعشرته خلاهم كلهن يتلاطمون بينهم لبالي بس انتي ثوله طلعت صفه متوارثه منهم

--لويش يعني شنو سوو بي

--غبران مثلج اتحارشو بكلبه لبالهم يكدروله وهمه مسلمين اركابهم بيده اكو ازمال ينطي كلمه المؤتمن ويرد بيها خلي يتحملون الراح يجرالهم

--مافمت شنو دتحجي

--ربييي منين طلعتلي هاي

على صوته شال راسه مؤتمن يباوعلنه سكتنه اثنينه ودنيت عنه ماحجه كام راح يم جدو الله اعلم شنو جدو راح يكله لو شنو راح يتفق ويا دخيل الله كون يبعدوني عن اتفاقياتهم

سماح كالت العمتي تلحكه علمود تعرف شنو ديصير جوه كامت راحت يمهم وسماح اجت يمي كعدت كالت غزل ابروح ابوج وداعت امج اذا راد يردج قبلي خلصينه من تهاني والله اذا رجعت تاخذه

--وانتي تردين اتضحين بيه لخاطر اتخلصين من تهاني خوماكوشي

--غزل اخاف هالمره اجت وياج عدله ولحك عليج مؤتمن المره الثانيه ترحين بيها اهلي كارهيج اريد اكولها ابوجهج ميردوج ويانه يردون يخلصون منج ابااي طريقه يخافون منج اتسيطرين على مؤتمن تره محد يحميج غيره

--مستحيل ارجع لمؤتمن بعد الشفته منه

--غزل اتحبي انتي عليش تصرفين هالشكل

--منو كلج احبه انو لواحبه ماخليته يطلكني وبعدين نسيتي بيا حاله عافني وراح

--بس هوه يحبج ومستعد يسوي التردي تره موقليل السواه لخاطرج مؤتمن عاشكج غزل والله ليش مذكرين منه بس الاذيه

--هسه خلي انشوف شنو حيكله جدو يجوز انتي هم تطلكين وياي ويرجع تهاني

--يمه اسم الله غير اطك واموت

--لويش وانتي عالاساس ماكو هيج هو انتي شستفاديتي بلله متكليلي

--ميخالف بس اشوفه مرتاح هيج كدامي اني وحدي اتعافه وبعدين مااماذيني يحترمني وحاسبلي الف حساب

--ياحساب لخاطر ربج تره جاب اثنين على راسج

--اني طلبت منه يتزوج وكم مره اعيدها عليج من حقه هذه الشي

--اهووو شو سكتي حبابه باوعي لج هياتها عمه طلعت كومي شوفي شنو الصار

قبل لااتكوم سماح اجت عمتي كعدت يمنه كالت قبل لايفتح حلكه جدج ويحجي مؤتمن كاله من الاخير ردها بس اتولد وتولي لخاطر ابني اتضل بغرفتها فوك واي حقوق مالها يمي بعد العملته

ورجعه لدبي ماني راجع اذا ماارد غزل لذمتي

--عزززا وجدو شنو كله

-- والله يبمه اتوسل بي يروح يحلك على شغله اهناك وانطاه كلمه يخليج بعيونه لحد مايرجع بس ماكو قفل مؤتمن كله ماعندي غير هالكلمتين كالها وكام حتى ماخله جدج يكمل وانتي غزل شنو عيني اتامرين

--ارجع وياج عمه والله اشتاقيتلج

--يبعد عمري والله البيت ميندخل وانتي ماكو بس يمه هذا ارجيلج رجعيله واني باقيه يمج

--ماارجع عمه مؤتمن بعد السواه لواموت ماارجعله وانوب يريد يرجعني ويرجع يسافر كولو والله اضل هيج لاطايله سمه ولاكاع معلكه

--زين يمه خلي يعقدج محكمه وروحي ويا

درت وجهي مارديت اجت رجاء اطك ابعلجها كعدت كدامنه بعدين طبكت مخدتها وانجطلت عمتي سالتها اخاف بيها شي خافت على الطفل

--لاعمه لاتخافين الطفل بخير ميروح من الشغل بس خوفج من الاعيون الحساده

--ياعمه دخيل الله منيلنه عيون تحسد

--چاهجمان بيت اخوي جاي من بلاش لو ماعيونهن التفطر الحجر

جانت تحجي وتباوع لسماح اشكد دقتني اجيت اكوم اكتلها هاي اشايفه روحها هيه واخوها عمتي عصر ايدي اتريدني اسكت اشوف سمحاح اعيونها امدمعه وروح تحترك اكثر ردت

-- باجر ان شاء الله من الصبح اترد ام البيت عود هم ضوجنها وداعت جدي اخلي مؤتمن يدوس راسها بالقندره التحاجيها هذا بيتها خلي وحده اتفك حلچها وياها

عمتي. يايعمه هسه اشحجينه وانتي هيج اطفرين

--لايعمه اعرفهن ذني الثنين خصه هاي الصفره كل المصايب من جوه راسها اشلون قهرتها اليوم وخلت دمعتها تنزل يمه اسم الله على ابنيت اخوي لايصيرلها شي هو هذا الي يتمننه يصير ذني الحيابه

--انتي هييي اتسكتين لااكوم اسحلج اسمعتي

--كومي هو اريد اتطلعين سمج خلي يشوف اخوي شضامه جواج من مرض وحقد بس اذا مسودنته بسحورتج وين يشوف سوده عليه

--والله السحوره هاي اختصاصجن انتن اعرف اني بنيه جايه من بره اقوه شي عدنه الابتسامه وهاي متعرفنهن لان مليانات سم

--منو هاي ولج علينه كالتها وكامت اجت هاده ضربتني برجلها اجت ابطني جريت رجلها من حركت كلبي اتفركحت وطاحت هيه طاحت وهيه كامت تصرخ بطني يبووو لحكوني راح فريخي كتلته غزل

طلعت عمتي ام مؤتمن من الغرفه تركض شالت راسها خلته ابحضنها وتلطم عمتي ام مكرم بس اتريد اتسكتها ماكو سماح ادك على اخدودها اتكول شيخلصنه من مؤتمن على طاري اسمه

نزل يركض من فوك على صوتها اجه بهتان دنك عليها شالها كعدها كلها اشصابج يخوي

هيه تصرخ ماانطته مجال حتى يسال كامشه بطنها وتبجي وتصرخ اتكله غزل جرت رجليه ودفعتني اتكول انتن مسمومات امهات اسحور انتي وامج كتلت فرخي يخوي كتلته

شال راسه باوعلي اشرتله جذب مسويت هيج

راد يشيلها صرخت رجعها ومحتار بيها ميعرف شيسوي مخبوص امه صاحت ارتاحيتي بت فريال كتلتي فرخها

--تره مسويت شي هيه طاحت

--ولج بت فريال مااعرف بسمجن انتي وامج اتموتن عالخراب وهجمان البيوت

--تره السم جاي منكم هذا الشي منعرفه شوفي روحج انتي وبتج شنو دسوون اشوفكم بعيوني اشلون اترشن سحر بالبيت

هو جان امدنك على اخته محتار اشلون يشيلها وهيه كامتلي اجت متحاميه رادت اجرني دفعته دفعه خفيفه من ايده حتى تتركني مااشوفها غير طاحت بالكاع على وجهه وصاحت اخ ييمه مؤتمن الحكني

هو شافها بهيج حاله وهو كاملي سلحني من شعري

واتولاني ضرب عمتي وسماح يفكن بي بس ميكدرله

كتلني كتله لمن صلخ جلدي خلاني افقد بعد مااكدر اقاومه كعدت بلكاع هم ماعافني شالني من شعري سحل شمرني كال تعتذرين واتبوسين ايدها

رديت والله لوتموت انته وامك مااسويها

ماحسيت غير الدفره اجت ابطني كطع النفس رجع شالني من شعري كال شنهو كلت

كوه كدرت احجي والله مؤتمن لواتموتني جان رافع راسي بيده من شعري احس الفروه مالت راسي انشلعت صك على اسنونه كال ولج اني واكف اتطكيها جدامي شهل رعوننننننه اعتذرررري

هزيت راسي لا انطاني راجد احس اسنوني اتكسرت بحلكي وخشمي نزف كمشت ايده عمتي ام مكرم تتوسل وتبجي يعوفني كوه فتحتني من ايده

ام مؤتمن بالكاع عالاساس دايخه من ضربتي واخته اتصيح دخيلكم راح اموت

عمتي سحبتني ودتني للغرفه وهو ضل محتار بين امه واخته

وصلت للغرفه ميته احس جسمي يحركني سماح تبجي يمي كالت متشوفيني ساكته عليش هيج اتسوين اروحج ولج مالج شغل بيهن ابسرعه يفرن السالفه واطلعين انتي المحقوقه شفتي اشلون شمرت روحه كدامه وكالت كتلتني

--وخري سماح حبابه عني محد طيح حضي غيرج

--ياخيه انتي متعرفيهن والله يطلعن مصايب من جوه الكاع بس حتى يطكج وتشردين

---لج سماححح راح اموت وخري من اعل ابو على ابوج اني شدخلني بيكم طلعي منا

كامت طعلت احس روحي شايطه وجسمي مشتعل نار من الضرب خشمي عاصرته بالكلينس اريده يبطل دم ماكو الله يكسر ايدك مؤتمن

الصوت صار هدوء دخلت هيفاء كالت ها غزل اشون صرتي

--ولج الدم مديبطل ينزل

--شو خليني اخليلج شب هسه ينطع

--لاااا عوفيني هو وحده حينكطع

--ولج مينطع متشوفين اشلون جاي اتنزفين

--هيفاء ولي روحي لااتخليني اطلع ضيم اخوج بيه

دخلت عمتي اخذت الشب رفعت راسي ونشفت خشمي من الدم خلتي اطفر من الالم رشت شب صدك اشويه وانكطع غسلت وجهي واتسطحت احس راسي يريد ينفجر من الالم كعدت يمي كالت اليوم ابات يمج

--لاعمه خطيه مكرم يضل وحده

--لانايم بالديوانيه يم مصطفى

--رجاء شنو صارلها

--مابيها شي اخذها مؤتمن رجعها لبيت اعيالها عياره يعمه والله وره ماانطكيتي كمزت مابيها شي وتضحك

--ماشافها ماحس سنو السوه الله ينتقم منه

--لاتدعين علي يعمه شعرفه بسوالف بكيد النسوان لباله صدك وشاف اشلون اتمدين ايدج على امه هم اكدتله السالفه تره ماكو زلمه يشوف مرته تطك امه ويسكت اشعرفه جذب

--عمه بطني توجعني حيل

--سوده عليه يعمه

--اندكت الباب كامت عمه فتحتها وطلعت اخذت اشويه واجت دخلت وسد الباب بيدها عصاره وحبوب كالت كومي خلي ادهن جسمج وهاج هذه مسكن شربي

اخذتهن صدك اشويه وجسمي رخه بعد ميحركني رجعت نمت غمضت اعيوني وعمتي يم راسي خطيه ولاعافتني اشكد حنينه رن جهازها ردت

نايمه واسمعها اتكله لاعمه نامت --ياا لابطلت بعد متبجي--. اي دهنت جسمها بعد متحس --ولك اشبيك والله نايمه لاراح ابقى يمها --اي ميخالف --اووف جااشمالك يعمه اذاانته هيج عليش اطكها متكلي اشوكت اتبطل عصبيتك والله الها يوم تسكط على ايدك ---ولك هاي مومثل نسوانه يعمه هاي ترفه متتحمل والله كسرت خاطري غير صالخ جسمها من الضرب عليش ولك ---لانايمه لاتجي ---عود الصبح --وانته من اهله

المسكن هدء الالم البيه نمت بعد ماحسيت لاذان الصبح على احد يكعد يمي على الجربايه عرفته مؤتمن من عطره وخر شعري عن اوجهي دنك باسني من راسي ويسمح بطرف اصابيعه على وجهي عمتي يمه تحجي بهمس عمه مؤتمن تره ميصير حرام هاي محرمه عليك هسه

--دخيل ربج لاتحجين هيج كتليني ولاتكولين محرمه

--يااجااذا هيج اتحبها عليش طكيتها البارحه

اخذ نفس وكال اتأاذت مو بجت اهواي

--اي والله يعمه بجت مهضومه عليش يعمه وياها تراها موكد ضربتك والله يمعمه جسمها مصلوخ البارحه كوه نامت ---اشبيك يعمه عليش كامش راسك

--مابيه شي يمكن ارهاق من قله النوم البارحه ماكدرت انام

---دكوم وخر عنها لاتكعد وبعد لاتجي صوبها مؤتمن يمه حرام ميصير

--استغفر الله عمه ابروح اخيج لاتحجين يمي هيج الحرام واني حامله سكتي رحمه لدينج

--امم يعمه حسبالك ماتنكشف تره اعرفن شنهو الضامه وهم شيلها من راسك بعد هاي عملتك لوتسحلها متردلك

مارد رجع دنك باسني من خدي واخذ نفس مني وكام طلع

ضليت على نومتي مابنت انو كاعده واسمعهم جاي ضايج حضرته بعد ماشبعني كتل يضحك على الناس بهالكلمتين رجعت نمت

كعدت على طكطكت عمه وهيه تفتح الباب كعدت احس اعضامي اطكطك يوجعني الله يكسر ايدك يارب

كمت غيرت ملابسي لان جان بيهن نقط دم شلت شعري وطلعت للمطبح لكيتهن يحضرن الريوك صبحت عليهن دخل مصطفى كال هاولج كالو مكتلوه البارحه

--اي والله الله يشل ايده موتني كتل

--هاي شنو جوه عينج ازرك صدك والله ليش ولج انطكيتي

--لان كلتله امك واختك سحارات

--الله يطيح حظج هاي احجايه تحجيها صدك ثوله

--اي هو انتي هالكد متكلي ثوله صدك حصير ثوله

--يلا عمي يالنبيها حضري الريوك وجيبي ريوك جدتي للغرفه لان تعبانه متكدر تطلع

خلصنه الريوك وكلمن راح لشغله بس مؤتمن بعده مانزل سال عنه جدو كالوله نايم بعد ماحجه طلع اني راسي يوجعني مابيه حيل اشتغل هيفاء كالت روحي اني اشتغل مكانج رحت لغرفه بيبي لكيت عمه اتسولف وياها كاعدات رحت اتمددت على قريولة جدو كالت بيبي اشلون البارحه اطكين بت عمج

--هيه ضربتني بالاول

--يااع واذا ضربتج غير البت حامل لوجاتله فرخها

--يطبها مرض منو كلها تتحارش تستاهل اليصيرلها

--غزيلان انعدلي لااخلي مؤتمن يسحك على راسج

--ميحتاج البارحه سحك لاتعبين روحج كملهن كولهن البارحه كتلني وذلني وسحك على راسي وشنو يخطر ابالج سوا ارتاحي حني اديج

--يااع شوف البت جنج متنعدلين انتي ولكم متكضوها جيبوها لجاي

--اهووو بيبي فدوه راسي حينفجر مو وكت اصراخج وين اولي متكليلي

--كومي طكيني بعد يبت فريال ليش بس اسكتيني

--تره ماسكتج كلتلج راسي ديوجعني بس لاتصارخين

دخل مؤتمن دنك على راس بيبي باسها وكعد يمها كالتله متكوم تكتلي هاي الفرخه وتشفي كليبي بيها عبنها تربيه شوارع

--شكرا بيبي بس تره هاي الشوارع التربيت بيها توسه ديرتكم وخباثت نسوانكم

كمت دااطلع وهيه شالت عصتها ضربتني بيها بس مالاحتني لان اجت اباايد مؤتمن صاح صدك جذب جده شجرالج لوجايه بيها

--ياع وخايف عليها اتموت من عصتي جامامات من كلتلت البارحه كالو جارم بيها هسه اتموت من عصه

عفتهم هوه يستغفر وهيه اتعد

طلعت بره رحت للبستان يم سماح كعدت يمها كالت تدرين اليوم ترجع تهاني

--اشتعلت تهاني على رجلها واني شكو

--خاف هاي الضربه الاكلتيها البارحه تاكلين اضعافها خلي اكلج

--وين اولي متكليلي والله مليت

--روحي كولي المؤتمن ارجعلك بس طلكها

--اي وهو حيكول حاضر تم على امرج تره مصار كم ساعه من سحلني

--ولج البارحه للصبح يتكلب ماشاف النوم ابعينه مات وراج والله اعيونه مغوركه كل اشويه يسالني اذيتها مو كتلتها حيل بجت اهواي اكيد زاد كرها الي يسكت ويرجع يكول حقها تكرهني اشافت مني حتى اريدها اتحبني

--اكولج عوفج من مؤتمن دااحسج اخته مومرته ماكو هيج واحد يسولف لمرته لوهو حيوان لوانتي ماكو احساس تره علاقتكم غريبه

--غزل اكلج سر بس ابروح ابوج لاتكولي لواحد واذا عرفتي توكفين وياي واتصيرلي اخت وسند

--عزا صدك دتحجين يعني لحد الان محاسبتني اخت ولي زعلت عليج

--والله لوعندي اخت ماحبيتها ابكد ولاعزيتها

--لعد كولي يلا شنو السر

--مؤتمن بمثابت اخواي احبه مثل مكرم وهو هم هيج

--يعني شنو مافهمت اشلون مثل اخوج

--يعني علاقه عاطفيه مابينه صح واحد يعز الثاني بس والله اشكد حاولت ماضبطت احبه وغار علي وهو كذالك بس من توصل لذيج الشغله واحد مااطيق الثاني لذالك ابتعد عنه اشكد مااكدر

--لعد ليش باقين سوه متطلكين

--يمه اسم الله ولج موتوصل للطلاق لا يعني اشلون افهمج شوفي اتربينه مثل الاخوه بيت واحد وهوه ازغر مني يعني حاسبته مثل مكرم من اتزوجه اهواي حاولت اغير مشاعري بس ماكدرت وهو وكتها جان يحب تهاني هم مابادر وياي وساعدني اتقرب منه ضلت علاقتنه بارده من اتعطل الطفل ماجه راجعنه كالو عندج ضعف من وكتها خفت العلاقه العاطفيه وبدت تتلاشه بمرور الوقت طبعا كيفت بس ابنفس الوكت احبه ماتكدر اعوفه وحتى هو يعني واحد اتعود على الثاني

--يعني نهائيا ماكو شي

--لاموماكو مرات بالصدف اتصير من اشوفه يكسر خاطري واخاف من الحرام كوه على اعصابي اجبر روحي اول مااجيتي صح غرت منج خفت تاخذي مني كلت اصغيره وحلوه هسه اتخلي يطلكني بعدين فرحتله من شفته حبج وانتي طيبه كلت هاي التكمل حياتنه واتخلي وياي ميعوفني

--عزاا هذه صدك مامحظوض كل التاخذه مجبوره عليه وتتمنن بس يستاهل خلي هيج واني اكول مامهتمه من يحجيلج عن اسوالفه

--غزل امانه السر يبقى بيناتنه اذا سمع احد يطلكني منه يلبسني مصيبه ويخلنه يعوفني اموت بدونه اني

--- مواتكولين ماحاسبته زوجج ليش هيج تحجين

--لاوالله اموت علي بس اني جبيره البكدي جهالهن ابطولهن مومال هيج اسوالف وبنفس الوقت ماتكدر بدونه

--وهو شنو شعوره من اترفضين متردي هم يغصبج

--لا ولامره غصبني على شي خالني ابراحتي و حاسبني قريبه منه ومشاركني كل همومه اسراره بس كزوجه لا لان يشوفني رافضه هالشي هو محترمني ومحافظ على العلاقه الابينه

--والله دخت مااعرف شنو دتحجين اول مره اشوف هيج علاقه معقده اتحبي ومتردي عايشه ويا ومبتعده عنه ماعرفت شنوبالضبط دوختيني

--من اتكونين انتي الجبيره ومربيه واحد ويه اخوج وبعمره وتزوجي اتحسين بهيج شي

عوفج مني هسه انتي ارتاحي من جانبي خلينه بتهاني اذا دخلت تشعل البيت غزل البيت كله داخل انذار منج يدرون اذا رجعتي راح اتسيطرين على مؤتمن ودمريهم تره عايشين بخيركم انتم الاثنين

--هذا الخير مااريده متنازله عنه اريد يعتقوني

--ولج والله ميت عليج هو يتمنه بس اتباوعيله اتكدرين اتفرين عقله واذا بيج حظ كطعي كلشي عنها واخذي حفج منهم

بعدنه نحجي ويمعنه صوت اصراخ جوه كمنه

دخلنه نركض لكينه رجاء كاعده بنص البيت شاكه

ثوبها من فوك ليجوه وتلطم واتصيح

يبوووووووو--

الثالث والعشرين من هنا

تعديل المقال