رواية كفي والمنجمة الفصل العشرين 20 بقلم الكاتبة Leo alfatlawi

رواية كفي والمنجمة الفصل العشرين 20 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت العشرون

هيه تحجي واني احس روحي ضاعت يعني هدم حياتي وجابني مناك شمرني اهنا وهو راح يبني حياته

جان احساس مختلط خذلان على خيانه على كره مااعرف شنو بس اتندمت بيوم ثقيت بي حبيته

هيه تحجي

ومصطفى يرد علها يكلها يااجنبي ولج هيه دبي وهسه يركعوكم دفره بالباب عفتهم يحجون وكمت مؤتمن باقي على وكفته عينه بيه راد مني اي رد فعل

اشكد اتمنيت اطلع غضبي بي بس ميستاهل اضيع دقيقه من وقتي ويا بالكلام

دخلت للغرفه سديتها وراي

يعني صاحولي علمود اسمع انو راح يسافر واني شنو لويش هيج سوه وياي

ليش دمرني شنو السويته وهيج يكون جزاتي مااذيته لويش هيج يجازيني شنو وضعي اهنا ابقى

دكت الباب عرفتها سماح وهو دزها

شنو هم لباله مثل كل مره اتقنعني كم كلمه الله ينتقم منك

يجي يوم اخليج تبجي مثل مابجيتني راح تندار الايام مؤتمن

رحت لفراشي اتغطيت حتى راسي اريد اكتم بجيتي مااريد احد يسمعني

خليت راسي بالمخده وطلعت القهر الي ابكلبي كله عضت اديه لمن طلع دمهن ماجنت احس بيهن من الوجع الي ابكلبي اشكد دكو الباب سماح وراها هيفاء بس مافتحتها ردت ارتاح وحدي

مااعرف وين راحت هيفاء نامت لان الوقت اتاخر صارت ال2 واني وبعدني صافنه على روحي

وين صارت بيه الدنيا ليش كل هذا لازم اتحمله شنو ذنبي ذوله اهلي كله ابسبب ماما ليش رجعتني لهنا موتعرفهم زين ليش دمرتني

فون هيفاء جان يرن بس مابيه ارد صدعت ودخت احس راسي كام يطلع منه بخار من الحركه

الفون مستمر يرن كمت اخذته من الشحن لكيت ماما تتصل رديت عليها وبجيت ماما حيسافر

ويعوفني لج جابني بس هيج شفه غليله شمرني لج ماما داموووت

--يمه غزوله بس سمعيني كافي لاتبجين

--اشلون ماابجي اكولج داموتتت كلبي مشتعل ناررر اتمنيت شامره روحه جان هسه مرتاحه ولاهذا العذاب

--يماما بس اسمعيني عوفي ميستاهلج موكلتلج اشكد نصحتج بس متسمعيلي ولج كليلي عنهم اني اعرفهم ذوله موبشر اشكد كلتلج لاتحبي راح يعذبج

--مااعرف ماما احس كلبي حيوكف

--سوده عليه ولج لااتخليني قلقه عليج وين الوحج وضمج ابروحي ولج ماما دخيل الله لاتموتيني وراج ابنيتي سمعيني غزوله والله اخليج تاخذين حقج وزياده واتموتي قهر

--اكولج حيسافر اشلون اخذ حقي

--باعي ياامي مؤتمن مستعده ابصم بالعشره عاشكج بس يكابر لان هنتي خلي يسافر واتزوجي خلي يموت وراج

--روحي ماما مابيه احجي وياج روحي اني وين وانتي اتفكرين وين ماما حموتتتتت

--غزززل لاتخليني قلقه الدوه لاتاخذي وانتي محتركه روحج اتموتين غزززل ماما العلاج تركي سمعتي غزززل ردي

سديته لان مااكر اكمل حتى النفس كوه اخذه كمت اخذت العلاج بلكي ارتاح صدك اقل من نص ساعه ورحت بالنوم هذه العلاج جان مثل النجاة الي يخليني لاحس ولانفس انام مثل الميته

كعدت على صوت الباب تندك حيل كمت شكو شنو الصاير

فتحت الباب كوه فاتحه اعيوني جانت عمه ام مكرم بالباب من فتحته اخذت نفس كالت يمصخمه لبالي بيج شي صار ساعه ادك بالباب

--شنو بيه مثلا

--وين جنتي

--خامده عمه وين جنت

دخلت وسدت الباب ثواني ودخلت سماح كالت من عمه ابعينج ان شاء الله موتينه خوف وراج

--شكو شنو الصاير يعني اخذت العلاج ونمت قابل اول مره اسويها وتعرفون اذا اخذ العلاج بعد ماادري ابنفسي

--مؤتمن يكول خلي اتحضر نفسها حجزلج يم دكتور اخصائي

--مااروح خلص سدي السالفه مالكم شغل بيه

--غزل لاتشلعين كلبنه غيري خلي ناخذج

--مااروح ولااتحرك لاتلحون مابيه شي

كعدت كالت تره ميطول مؤتمن كم شهر بس ياخذ الاقامه لان يريد يفتح مصنع اهناك ولازم اقامه عائليه والله جان امحضرها مفاجأه الج بس صار الصار بعد واني مااكدر اعوف امي من كلي كلتله ياخذ تهاني

--ولويش دتكليلي تره مااسالت اني دااكلكم ما اريد اصخام لاتجيبيلي طاريه

--غزل والله للصبح مانام يفتر كل اشويه جاي امكعدني يكلي روحي شوفيها بلكي كعدت

--اكولج لاتسبيني عسى بالموت اني اشدخلني بي لاتضلين كل اشويه جايبه طاري هذا صفحه وانطوت خلص لحد يحجيلي بي وروحه للطبيب مااروح لحد يلح

--اووو غزل ولج العلاج التاخذ ماجاي يفيدج بالعكس جان انشوفج اتعبين اكثر من اجيتي مابيج شي

--من اجيتكم جنت عايشه بخير بقمة السعاده ويه واحد منطيني روحه امسويلي الدنيا جنه

شتتوقعين مثل هالعيشه العايشتها اهنا زين مني لحد الان امقاومه وياكم وباقيه احجي بكامل عقلي

اشرتلي على الباب مؤتمن واكف ورا يسمع انو لازم انصي صوتي بس اني جانت الحركه اموتتني

كامت يمي عمتي باستني كالت فدوه يعمري بدلي واني اجي وياج لاتعاندين وتعلين كلبي والله وجهج اصفر صاير وشفافج زرك اخاف بيج شي

--مابيه عمه والله مابيه شي لاتخبلوني انطيني مجال اشويه بس يروح وارجع لسيف وتعالي شوفي اذا بيه غز القرط بعد

كملت احجايتي واندفرت الباب دخل اجه يمي بعصبيه راد يسحبني بس عمه دفعته صاك على اسنونه ويحجي كلت متجيبين طاريه وحق علي ادفنج

--اي كلت من جنت على ذمتك لاتنسه هسه اني حره وابكيفي اخذ الاريده

--لج غزززززل دفع عمتي بس رجعت ابسرعه وكفت ابوجها تتوسل يهدء من صوته دخل مصطفى يركض كمشه هوه يريد يريد ياكلني

اباوعله النار تطلع منه هو ويحجي والله على غضبه هذه اذا لاحني يمكن اموت بيده دفر الميز وطلع

يتوعدلي

رحت وراهم قفلت الباب ابسرعه

والله يتزوج ويسافر وانتي ضلي مقبوره اهنا لاتحجين

انته دواك سيف والله اذا ماموتك قهر مؤتمن سهلا

للضهر واني بمكاني ماطلعت اخاف يلوحني وتالي يكتلني

لمن دكت الباب هيفاء كالت تعالي اتغدي جدي يريدج

شلت شعري وطلعت جانت سماح اتباوعلي وتنافخ والله حلوه ضاجت لان العنتين انزعج

رحت يم جدو اشرلي تعالي كعدي يمي كعدت جان مؤتمن كاعده بس كل حسره يذبها اشكبرها امبين كاعده على اعصابه يريد ينفجر اشكد ارتاحيت من شفته هيج حس اشويه بالاحسه كال جدو اشلونج

--تمام

--موكلنه انكول الحمد الله

--نسيت

--يلا ان شاء الله دوم زينه يجدي معتازه شي

--هئ

--عليش مارحتي اليوم للطبيب

--مارحت لان مابيه شي وضعي تمام ويمكن حتى علاجي حتركه

صاح مؤتمن دتركي وشوفي اشلون اسحلج

مارديت اصلا ماباوعتله

جابو الغده دنتغده بس حسيت راسي افتر وكلبي نغزني بطلت اكل اخذت نفس اشويه باوعلي مصطفى اشرلي اشبيج هزين راسي مابيه شي رجعت اكل بس نفس الشي انعاد وياي

عمتي ام مؤتمن ضايجه اشلون راح اتفارك ابنها وكل اشويه امنزله ادموعها وهيه يكلها يمه مااضل اهواي كم شهر وارجع

--عساك مارجعت كول اميين

وتهاني اتكله كون منحصل الاقامه ابسرعه ومنرجع وجه البومه مال دبي انتي

مصطفى. وانتي يخويه مال دبي جنج كرك امزنجر لوهيه احضوظ هم صدك ناس صارت ابخت ناس هاي السفره جانت المن وصارت المن يلا كلمن ياخذ نصيبه

--المهم اني الراح اروح عود اذكرك شنو اتريد ادزلك مناك

--من امده حضي اذا انتي ادزيلي

جدي. اكتم ولاتتجاسر عالاكبر منك

--اي جدي هم صدك كل جاموسه تنحسب على وزنها اندارلي جنت العب بالتمن مااكدر اكل

كال ناوشني المي من يمج شلت راسي غمز

شنو هذه اشبي انطيته المي شالن الاماعين خلصنه الاكل وضلت دولكه المي يمه كامو يغسلون هو غسل ادي بالمي اني بقيت يمه بعدني داالم السفره

--عزا لويش هيج سويت

--اششش انكتمي

سكتت اجو كعدو تهاني جابت الجاي كلها شنو هذه المي عليش وصخ

--يااا يمته هسه جبته نضيف

--بويه بي ريحه

--شو جيبه منين اجته الريحه

اخذته وشربت كالت مابي شي نضيف

عيع حتي وجها غسله بي ومسح خشمه اجيت اتقيئ علما كملت شرب اخذه من ايدها وكال عمه ابربج مو بي ريحه

غمضت اعيوني عزه راح يخلي المره تشرب مكروبات عمتي اخذته وشربت كال اي والله يعمه بي طعم صدك ذني فاهيات ميغسلن الدبه زين

مصطفى. هاج جده اخذي وانتي اتقررين النتيجه

طفرت اخذته من ايده شمرت المي لان خطيه جبيره هاي اتموت اذا شربت كلتله اني اجيبلك لاتضل اتشرب العالم

--ولج اشبي جنه مي زمزم عليش شمرتي

مؤتمن كاعده وطابك وحده من رجلي ومجتف منتجي على الحايط بس يمكن عرف السالفه لان يباوع لمصطفى ورافع تك حاجب طلع جكاره ورثها كله جا لومنطيني اشوفلكيا

--لاهذا بس للاعزاز وانته تعرف نفسك مكروه

--هم صدك كالها واتحسر اندار يسولف ويه جدو على السفر وشنو راح ياخذ ويا وشنو حيسوي

رحت للمطبخ غسلت الدولكه بالزاهي اجت سماح وراي تضحك كالت بغلات امج اشخالين بالمي

--يامي

--غزيلان اشربتو العالم

--كولشي ماكو مي صحي ونضيف بس اتعرفين مصطفى يحب يتهزل

--ممم اني من شفته يلكطهن تلكيط عرفت خالين بي شي ومؤتمن اشرلي اخذ الدبه منكم بس مالحكت طاحله شرب

--عيع لاتذكريني عيع

--اصخام ولج شنو امسوين

--يووو وخري كولشي ماكو حرمات لوخالتج اتشربين وياهم جان سكتيلج اسبوع

--يبووو يغزل صدك من يكول مؤتمن اذا صفو ذوله الاثنين يسوون كارثه

عفتها وطلعت وديتله المي وصلت انطيته همس ولج خو غسلتي الدولكه

كعدت يمه كلتله كولش اهواي درت نص دبه الزاهي

ديشرب وكلتله اكولك مصطفى خو منزلت مخطه بي وهوه غص بالمي

--عزا اسم الله حتموت

ضل يكع واني اضرب على ضهره خزرني مؤتمن بطلت بعدت ايدي

على شنو يخزرني هوه ابن عمي وهذه نفس الشي لويش هالحقد والله يالله

عمتي. يمه مؤتمن اهم شي ابنكم اهنا ينولد

--اي يمه ابعون الله

--وراح افرغ الغرفه الفوك اسويها للطفل

--مووكتها خلي يجي وبعدين سويها

--لااشو وكتها والاخشاب قبل لاتحجي كلها مصطفى انطيهن بثواب المرحومه

تهاني. كول ان شاء الله

دنكت ماحجيت بس مصطفى كاللها دروحي غسلي معدتج وبعدين ادعي

--شنو اشبيها معدتي

--لاسلامتج خويه ماكو شي

كمت عفتهم رحت للغرفه اخذت العلاج لان وكته فات نمت لليل واني ماادري بروحي كعدت تالي اليل على صوت الفون لكيتها كلها نايمه كمت لكيت ماما تتصل

مارديت انطيتها رفض

دزت مسج مالي خلك ارد بس فتحت المسج لكت دازه غزل تركي العلاج ماما لاتاخذي الطبيب يحذر يكول اذا نفسيتها تعبانه ابد لاتاخذه تره تتاذه غزل لاتموتيني عليج

مااهتميت تركتها وكمت طلعت لكيت مصطفى كالعاده بالمطبخ يحوص اول مادخلت كال اجاك الفرج تعالي فاهيه سويلي اكل

--يووو مصطفى متشبع

--ولج اجيت متاخر مااكلت

فتحت الثلاجه طلعت اسوي بتيته وطماطه كلي اني واكفه اسوي ومصطفى يفتر بالمطبخ كال غزاله شنوهذه انداريت شفته كيمر عمه امسويته للصبح

-- كيمر عمه امسويته

--اها خوش طلع اشويه واجه بيده نفط

--عزا مصطفى اشدتسوي

--ششش لج لاتحجين

نكط كم نقطه كال اشكد فاهيات دخيل ربجن غسلن اديجن من النفط يالله اتروبن

--ههههه صافوو اشكد تنطيني وماافتن

--تعالي لج كمشي هذه ابسرعه

رحت لبالي صدك كمشت البطل اخذلي صوره كال يلا روحي شمريها

--لويش هيج سويت

--اخاف اتفتنين هاي كافيه ابرائتي

--دوخر رحت شمرتها وغسلت اديه اشكد خبيث ابحال نص اليل دااسويلك اكل

--لج هيه بتيته شمسويه يلا ماخلصت

--اي يلا تعال

خلينه الاكل كعدنه ناكل دخلت هيفاء تفرك بعيونها اتريد مي كالت شكو نص اليل

اشرلها على الاكل كعدت ويانه

خلصنه رجعنه للغرف رجعت كلما ردت انام ماكو اني قررت ماافكر بمؤتمن بعد بس غصبا عني يجي ابالي واذا اجه ابالي كلبي يوجعني كمت حلا للنزاع اخذت علاج من اخذه اشكد ارتاح ونام بلاتفكير

الصبح كعدت على عيطه كمت لميت شعري طلعت واسمع جدو يرزل بيهن على الكيمر لان بي نفط

عمتي. يااا منين يجي يجوز جهال حبيبه لعبو بسلا مااجو البارحه

--اتساليني من وجه الجفن البيت متروس نسوان ماوحده منجن انتبهت شيلوو من جدامي

نزل مصطفى من فوك يفرك بعيونه اني كعدت دااشرب جاي حرك احواجبه ضحكني لان جدو مستمر يرزل بعمه وصل يمنه كال شكو شنهو الصاير

--نسوان مال حرك كيمره مادبرنها يسونه نضيف

هز ايده وراح علاساس متاثر اني اكلت خبز وجاي وساكته امدنكه جابو جبن لجدو مؤتمن بيبي كلولها بيض كلمنه كامو جدو راح ومؤتمن اندار على سماح كالها اذا ماطلع وراها مصطفى وغزل اكص ايدي عافنه وراح

باوعتلي سماح قبل لاتحجي كلتلها مالي دخل اصلا البارحه ماسوينه اكل

--هم صح الطاوه بعدها وصخه على الطباخ غزيلان اشوكت اتبطلين ركض وره مصطفى جنج ذيله ولج اله يوم يشمرج بمصيبه اتجيب اخرتج

--اي هم صدك وين مكرم

--يبووو يبوو عوفي الولد هذا مسكين وين تردين بي

--لعد اشلون اصاحب صبوحه

--لااا غزل رجعي المصطفى سالفه مؤتمن يكول تكها الثاني

--شكرا على الغلطه

مر يومين ماكو شي ينذكر بس مؤتمن يحضر لسفره ودم اشوفه صافن يدخن وحتى الي يحجي ويا ماينتبهله دايخ بزمانه

اني مارحت يمه ولحد الان ولاناقشته خلي يسوي اليريحه يعيش مثل ميريد جربنه سوه ومانجحت علاقتنه خلص نحسبه شي صار ونتهي مااريد ارجع للماضي

كاعد ويه سماح واسمع عمتي اتعيط كلتلها اشبيها تنبح هاي

--غير على ابنها ضايجه لان راح يتركها

--لعد احنه شكو مطلعه غضبها علينه قابل احنه سفرنا

--سكتي غزل حتى اني روحي راح تطلع ميته قهر لحد الان مافارگته يوم اشلون بيه من يروح

--ههه هم احسن مني اقلها كل اشويه يحضنج ويسكتج وهم كلج اذا اتااخرت اكثر من شهرين ارد اخذج اني بقيت الضايعه الوحيده بينكم

--والله شكلج بس مؤتمن موش طبيعي البارحه للصبح مخنوك ويصيح راسي يريد ينفجر والله عاصره كلبي عليه مااعرف اشبي

--مابي شي لاتخافين كلشي ميصيبه

--غزل عليش هالكد كارهته تره انتي هم منج السبب اشكد حاول وياج واهواي اتنازل لخاطرج حتى شغله نقله لدبي لخاطرج كال ماتكدر اتعيش اهنا اخذها لهناك وكل كم شهر اجي اشوف اهلي

--لاتدافعيله حتلو غلطت جنت ابحاله انهيار ومااعرفت شتصرف وكتها ليش هيج يحاسبني بهالطريقه هو جان السبب بالمشكله ليش يحملني المسؤليه وحدي

--ولج امدوهن والله الزلمه مااعرف اشبي انوب حتى اكله روح زور ميقبل موذاك مؤتمن الجان كل اسبوع ياخذنه للامام اتخبل بس يشكي من راسه ومعصب هو بنفسه ميعرف شيريد

-- كافي سماح دخيلج لاتجيبين طاريه احس نفسي تضيگ يلا حكوم انام

--انتي اشوكت صحيتي حتى نعستي اشو اتكعدبين ساعه وتنامين 10

--مودااريد اخذ علاجي احس روحي تعبانه كولش لازم انام

--غزل تره شفتج الصبح اخذتي انتي شجاي اتسوين ابروحج

--متوهمه مااخذته متشوفين نفسبتي تعبانه كلتها وكمت رحت للغرفه اخذته ونمت

يوم عن يوم اتسوء حالتي اليل بعد مااكدر انامه اذا مااخذ العلاج مضاعف وحتى بالنهار كمت اخذ تعبت حيل اتمنيت اموت

اني على شنو عايشه المن هاي نهايتي اخدم بيبي وامدمغه لعمتي جنت عندي امل من كالت سماح باقيه بس من سمعته كلها اذا اتاخرت ارجع عليج بعد ماعندي شي اضل لخاطره اهنا

تعبت حيل حالتي صارت اسوء من قبل النغزه جانت تجيني كل شهر لووشهرين مره ابكلبي هسه احس على الثواني تجيني

ماما كطعت وياها لان حملتها مسؤليه ضياعي ابسببها رجعنه وشفتهم اني وين اعرفهم بس دائمن ادز راسائل انو مااخذ العلاج لازم اتركه بس مااسمعلها لان هذه الشي الوحيد اليريحني

اليوم سفر مؤتمن

بليل كال وكت الفجر اطلع وصايره مناحه عليه وتهاني طايره راحت ودعت اهلها واجت حضرت الجنط امه كل اشويه وحاضنته وباجيه اتكله اشلون افاركك اخر شي كلها اذا بجيتي بعد ابطل مااروح هاي كلها واني مالي وجود بهذا البيت

كاضيتها نوم مااكدر اتحرك اذا اكوم ادوخ وكلبي ينغزني ارجع انام

صار اليل وبده يودعهم يستعد للروحه لان راح ينامون وهو يطلع الفجر ماراح يشوفهم

اسمع اصواتهم الي يضحك والي يبجي اني منعزله بالغرفه اخذت العلاج وحتى هذه احس بعد ميفيدني مجاي اكدر انام

دخلت سماح كالت مؤتمن يصيحلج اشرتلها روحي اريد انام

طلعت ماحجت يريدني اطلعله

شنو يحجي شيريد يكول جبتج نزوه وخلصت هاي هيه سامحيني

كلبي كام يوجعني رجعت اخذت الدوه مره لخ عفيه كلب اشقواته ولايوكف اشكال شفت قهر شنو اشوكت تسكت متكلي

غمضت اتعدت نص ساعه زاد الالم بعد مااكدر اتنفس كعدت افرك بي بلكي اريوح الالم بس كلما جاي ديزود كمت كوه انتجيت على الحايط ردت اطلع لو اصيح مااكدر صوتي ميطلع الالم موتني

كعدت لميت رجليه اعصر بروحي بلكي يخف اي هسه يخف راح ارتاح بس اشويه هسه ارتاح كاعده واقنع بروحي جسمي يرجف كلبي يزود الوجع بي مينقص حتى النفس بده يقل عني كوه اسحبه حسيت نهايتي غمضت لااكدر اوصل للباب ولاكدر اصيح مختنكه

احس روحي صرت ثلج ضغطت على اسنوني حيل اريد اكتم الالم

انفتحت الباب دخلت هيفاء كالت عليش كاعده وحدج كومي يمنه خوش امسويه مصطفى جو اتحبي غنه وكهوه يلا غزل لاتضلين متكأبه

شافتني ماريديت اجه يمي صاحت ليش زكه غزل اشبيج جنت بس اباوع مااكدر ارد لان النفس بده بنكطع

طلعت تركص وتصبح لحكو غزل ماتت

اول واحد دخل مكرم جان قريب من الغرفه دنك شالني صاح غزل سحبي نفسج لاتكطعي لباله بيدي هذه الشي هو اني اعالج اريد اسحب مااكدر

شالني وطلع يركض صاح السياره مصطفففى ولك ماتتتت ااااااالحك

غمضت لان حسيت انتهت لهنا اسمع اصواتهم وسياره تمشي ابسرعه بس مااميز عدل لمن فقدت من صدك

فتحت عيوني واني مربوطه وايرات على كلبي ويمي جهاز ظربات القلب مؤتمن كاعد كدامي امدنك خال راسه ابين ادي ومصطفى بالكاع كاعد مكرم واكف بالباب حركت روحي كام مصطفى مؤتمن شال راسه

اجه مصطفى كال هايالثوله صحيتي

--ابتسمت بس مااكدر احجي

--خره بشكلج ولج طيحتي اكلوبنه الله يطيح حظج

مكرم يمكن راح يصيح للدكتور ومؤتمن ماطلع منه صوت بس يباوع على كعدته شيريد يحجي يعني

دخل الدكتور شافني ضحك كال الحمدالله على سلامتج

--هزيت راسي لان مااكدر احجي هو اعيوني كوه فاتحتهن

قاس الضغط وجيك الوضع كال منكدر نحكم هسه لمن تطلع التحاليل والنتائج لازم ننتضر اشويه رجع اتحمد على السلامه وطلع

كعد مصطفى يحشش يريد يغير جوه بس مااكدر لااشوفه ولااسمعه احس روحي ضايعه ماادري وين اني كوه اميز المكان لمن رجعت نمت مره ثانيه كعدت على صوت الدكتور وهوه يشرح حالتي لمؤتمن

بس مافتحت اعيوني اريد اعرف شنو بيه

اسمع مؤتمن يكله دكتورها جبير بامريكا مامعقوله يغلط هيج غلطه

--بس وضعها حيل تعبان جاي تاخذ ادويه اكثر من طاقتها لومااملحكين عليها اليوم جان انتهت

--لاتخبنلي اشلون ينطيها هيج علاج يزود حالتها اكيد اكوغلط

--تعتاز عمليه لان تعابنه

--اذا على العمليه سهلا بس كالو ميصير قبل لاتدخل ال18

--اي صح يعني ماداخله سن القانوني

--لابعدها

--والله شكلكم بعد هاي بقت يم رب العالمين لان اي حل ماعدنه حاليا الطب يعجز عن اجراء اي خطوه مثل هيج حاله

فتحت اعيوني انتبه مؤتمن اخذ الدكتور وطلع بره بقى مصطفى صافن ابوجهي بس اشوف ادموعه يريد يخفيهن عني بس جانن واضحات يضحك جذب اجه جر الشال مالتي كال اشوكت تصحين واخلص منج

--ماضل شي راح تخلص

--غزل ابروح مواتاج سكتي بويه لاتكلبها ادرامه مابيج شي

--ههه منو حيساعدك اتخبث

--خره ابشكلج لج سكتتيييي لاتخبلي بويه سكتييي مابيج شي الدكتور مطي

مكرم. تره الدكتور بعده بالباب نصي صوتك اباوعله من احسن من وضع مصطفى واكف متجي يباوعلي اتحسه بعالم ثاني

مصطفى. هاي العياره كلها لان هذه الزمال راح يعوفج يابه بس صيري زينه اني اخذج سفره

--ان شاء الله بس اخاف اتواعدني وهم تاخذ غيري

--اي موكالولج بذات مثل ذولاك العالم

ضحكت بس كوه تعبانه كلش دخل مؤتمن اعيونه حمر امدنك اخذ نفس وضحك اجه يمي كال لاخوش اوداعيه يعني الواحد يسافر هسه كلش مطمآ

مصطفى. روح بالسلامه بس تصحى اجيبها واجي وراك غير انونسك ونسه وادعت صبوحه اخليك تحمد ربك احنه ابحياتك

-- يابه التكاليف السفر كلها عليه تدللون

كعد مصطفى كدامي وكال

بس شرط كدام مؤتمن مااخذج لما ترجعين مثل قبل

اريد غزل القديمه التنزل الدرج اطفر وكامشه الجفجير عالكاونتر وهاده عالعالم اذا اتضلين هذا وضع مااتشوفين السفر ابعينج

ابتسمت واشرتله اي غمضت لان مابيه اجاوب كام مؤتمن طلع وراه مكرم اشويه ودخل مكرم كالب خلقته ويدردم

مصطفى. خيرك شكو

--روح شوف اخوك شنهو ابراسه راح يدمرنه بمزاجه وعقله القافل

--خير هالمره شنو الجديد

--خبر الجماعه وكنسل السفره

--شنهوووو ابكيفه

مصطفى بعده يحجي ودخل مؤتمن كله طبعا ابكيفي الك شي يمي

--يابه اشبيك متكلي هاي كدامك مابيها شي دروح لاتضل اتماطل كلك ذاك الزمال منكدر انسوي شي منا لمن يصير عمرها18 اشكد اتريد اتضل امتانيها اتروح وترجع وهيه نفسها

--رحمه لدينك مصطفى انكتم لاتحجي ويلا ارجع للبيت لان جدي تلكي هسه مخبوص وانتم ولاواحد جايب النقال مالته

--اني باقي خلي مكرم يرجع وانته لاتضل اتماطل يلا اتوكل مودع الله

--اجلتها

--من اشوكت اجلتها مؤتمن لاتنجن يخوي ترانه رهنه الملاك كلها ابروح عمك اتضيعنه برمشت عين انعل ابليس روح

--الاملاك مالتي مالكم شي يمي والاخسرهن افلوسي وذني كلهن سهلات ادبرهن بفتره قليله

--دخيل ربك شدبر ولك المصنع والكيعان كلها مرهونه كول يالله باجر تسليم المشروع وموقعين على شروط جزائيه اذا ماوصلت الباجر كل املاكنه تتبخر

--اعوضهن بس انكتم

--شتعوض خويه شتعوض ولك بس من شيخ علوان ماخذين ذيج الحسبه لوتبقى عمرك كله تشتغل متوفي ربع الاخذته روح خويه وداعتك بس كم يوم تصحي اجيبها واجي وراك وهناك اتعالجها

همه يتناقسون ومؤتمن قافل دخل جدو وعمه اجت عمه تركض حصنتني وباستني كال شجاج يعمه عليش جلبتي بطريق المستشفى وانتي بهالعمر والله متلوكلج هالنومه

--هسه اذا على هاي النومه هم ميخالف اخاف اطور وتالي انام نومه ابديه

--يمه غدي الشر مابيج شي لاتفاولين

--ان شاء الله

اجه جدو هم كاله كم كلمه بس بالي مو يمه بس اشر اي بالي بمؤتمن راح يروح لولا معقوله يعوفني على افراش الموت ويروح

--جدو كله يلا ماضل وكت انته روح

--لاجدي خليها غير وكت موهسه

--شنهو هوه لعب جهال بويه كلنه يمها روح العالم امتانيك اهناك

--جدي روحه مااروح سدو السالفه

طلع جدو ضايج من الغرفه لان كسر كلمته بس قبل لايطلع كله جا خليها ابعقلك مثل ماصارت الك اتصير لغيرك كالها وطلع كام مؤتمن وراه ابسرعه

ضلت عمتي واكفه يم راسي دخل الدكتور مره ثانيه كال اشويه وانسجللها خروج تاخذوها لخصائي لاتضلون على نفس العلاج هذه خطر على عمرها مفعوله قوي امزود حالتها اكثر

عمتي. لاوالله عين شافتها وماصلت عالنبي كم مره اكلج لبسي زركه ابركبتج

مصطفى. ميعتاز عمه جا تهاني وين راحت رب الزراك اندارلي كال خويه كمشي ايدها امشي راح تدفع العين عنج

عمتي. يعع لايسمع رجلها خايب اسكت

--وين رجلها غير ورط روحه بورطه بعد ميطلع منها مية سنه

--ييمه اشعرفه راح يصير كل هذا جان حاسب احساب شي تالي صار شي ثاني هسه اخافن يضل قافل وتالي يخرب الاول والتالي انوب يضيع حتى افلوسه

--لاتخافين هسه جدي يساومه بالثوله ويخلي غصبا عنه يروح بس انتضري ثواني وكولي كال

--شنهو يعمه يعني

--ههه غير رب الحقاره جدي راح يكمشه من ايده التوجعه ويلويها اله

--بعد يحجي دخل مؤتمن اجه باس راس عمتي وحضن مصطفى امبين يودعهم ماكادر صدك مثل مكال مصطفى الضاهر اكو شي يخاف منه مؤتمن

اجه يمي كال ديري بالج على نفسج درت وجهي عنه مااريد اشوفه بس شفته غصبا عني دموعي نزلت مد ايده مسحهن ودنك باسني من راسي همس يم اذاني لاتبجين يعلة كلبي مااستاهل ادموعج

عمتي جانت تبجي رجع حضنها وباس راسها وهيه اتوصي يديرباله على روحه

مكرم رايح ويا يوصله جان الموقف كولش صعب اصعب شي بالحياة هوه وداع الاحبه ادموعي امسحهن وينزلن غصبا عني همزين ملتهين ويا مامنتبهيلي

عمتي. يمه مصطفى انته روح للبيت مابي احد احمد ميدري يم اهله

-- مااروح للبيت باقي اهنا

--يااعمه ولك اني يمها البيت وحده مابي زلم اشلون اتخليهم وحدهم جدك راح يروح يوصل مؤتمن ويه مكرم

--عمه بيت مابي غزل ماادخله خلي اشوف العالم اشلون راح يكملون بدون ضحكتها جان يحجي ويباوع لمؤتمن الي جان امدنك كوه واكف ابتسم اندار باوعلي وهاي جانت اخر نضره بينه نزلت ادموعي وهو اخذ حسره دنك يفرك براسه وطلع

شنو الضامه مؤتمن وخايف منه يطلع دمرتني ودمرت روحك بي

روح الله وياك توصل بالسلامه مينطيني كلبي ادعي عليك عصرت ايدي الحلقه لسه مانازعتها بأيدي

اجت عمتي كعدت يمي تحجي وتهدء بيه كم شهر ويرجع بلكي ترتاحون وتاخذون قرار زين هاي فرصه الكم

واني اصلا مااسمعها لان كلبي يفور ينزف ورا مختنكه اريد اصرخ واريد ابجي بصوت عالي بس ذني كلهن مكتومات بس ادموعي تنزل

مصطفى طلع عرفته مايريدني اشوفه يبجي وره اخو اشكد علاقتهم تعبانه بس يحبه ميكدر بدونه

اهواي عارض على سفره بس جدو جان مصر يريد يكثر افلوسه مااعرف المن رايدهن هالكد وهوه يريد يموت اشكد طمع

للصبح كاعدين ميرضون يسجلونه الخروج كل ساعه ومؤتمن يخابر مصطفى يسال

اني نمت مادريت بعد لمن اجه الدكتور هم جيك الوضع وطلعنه

وصلت للبيت لكيناهم نايمين دخلت لغرفه هيفاء

مرت الايام ويوم اصعب من يوم فراك مؤتمن جان اله وحشه بالبيت كولش جبيره

يوميا جان يتصل فيديو بيهم اسمع صوته من بعيد بس مكان ماارتاح يزود اشتياقي سماح مواحسن من وضعي تحجي وياه وتبجي اسمع يضحك يكلها ولج كم شهر بويه عليش تبجين

--انته شكو على كلبك عايش متونس

--كلش متونس بحيث انام ساعه ونص باليوم من كثر الونسه يلا صيت الغنه ولاصايت الفكر

--يلا هاك مكرم خلي اكوم اشوف الاكل كالتها وانطت الفون اجت يمي كالت مكرم يكول هاي المره الثانيه احجز يم الدكتور خلي اتحضر لاتضل امعانده

--مااروح وحتى علاجي تركته بعد لحد يدخل بيه

--غزل والله تعبتينه

--ماتعبت غير روحي روحي سماح والله مابيه اجاوب

--خيه دخاله بكئابه انتي ومتدرين ولج شكو عازله روحج دوم عنه هسه لو الله يهدي جدي وترحين تغيرين جو يم امي بس اني ادري عليش قافل

--موهو تره رجلج يلقنه واني ماعازله روحي بس اريد ارتاح اشويه

--عليش متردين على امج تره كم مره خبرت وحتى لمؤتمن اتخبره اتكله غزل مترد اتصل كال خلي تحجي ويه امها موهاي الكتلت روحها عليها

--مؤتمن وماما انتهو من حياتي لاتجيبيلي طاريهم محد دمرني غيرهم بس لواعرف وكلبي يرتاح شنو السوته ماما لمؤتمن وخلته هيج يدمرني

--مؤتمن مادمرج انتي ردتي تبتعدين خلاج على راحتج اهواي حاول وياج لمن عجز شاف طريقكم مسدود ابتعد هو هم

--هم صدك هيج احسن كلمن يكمل طريقه

--من صفنتج هاي امبين خيه لاتباوعين للدرج اتعبين وانتي مامعوزه

--هههه على شنو اشتاق تره هذا الدرج اكثر وحده انسحلت عليه كل مايصعد ياخذني بيده من شعري وياه ولج سماح كلبي كام يوجعني كلتها وشهكت لان دااجذب على روحي اشتاقيت حتى لعنفه وياي كمت رجعت لغرفتي

اكثر وقتي كمت اگضي بيها تقريبا

حاله نفسيه صابتني كمت ابتعد عن كلشي احب الهدوء

مصطفى خطيه مامقصر اشكال يجيبلي بس ابتله بالمصنع كمشه مكان مؤتمن قليل يجي ياكله لكمه على الواكف وهم يخابره مؤتمن

يكله ابسرعه عالمصنع عنده طلبيه اووشي مااعرف بس اكو شغل مشترك صار بين المصنع مالتهم وبين دبي

بعد محاولات اهواي ويه جدو قبل اروح ويه عمه لان شافني دخلت بحاله اكتئاب بس ممنوع واحد يخبر مؤتمن

اخذت كم حاجه واجه عليه مكرم طلعت ويا وصلنه البيتهم طبعا مكرم بعد ازيد من مؤتمن كل اشويه غزل شعرج غزل ملابسج غزل غزل ووو كرهني بالطلعه على ماوصلنه طلعت روحي

ماقبل انزل بالباب دخل السياره جوه يالله نزلت دخلت البيت جان ازغير مكشوف بي 3غرف جوه ومطبخ واستقبال وحمام هيج اململم وساحه ازغيره بالنص

اتكلتني عمتي متدري اني جايه الدنيا ماوسعتها حضنتني واترحب بيه دخلت وياها فرغتلي عالسريع باب كنتور كالت كعدي رتبي غراضج بعد مااردج لبيت جدج

--والله ياريت عمه هيج واخلص

--خلصتي بعد وهاي انتي يمي هو مؤتمن جان معارض وهسه راح بعد مايجي هذا انتهت يلا رتبي غريضاتج

مكرم. يمه سويلي اكل اريد الحك على مصطفى هذه ميتامن وحده اهناك

-- اني اسويلك انتضر

--لااااا دخيلج مااريد اكل غزل

--عزا اشبيك والله اعرف

--بويه عندي شغل مافارغ اروح للمستشفى اغسل معدتي

--لعد بسيطه والله انته زايد عليك مصطفى روح شوف شنو امشربك

--والله يامصطفى اخاف اوكف يمه مواشرب شي منه خرب بغيرته مايثق بي احد ابد اشكد ايده خفيفه اذا ماطلعت من يمه متسلب ميرتاح

--هههه والله اشتاقيتله

--تره مصار عشر دقايق من جيتي

--لاولك صار اشكد مشايفته لان يجي تالي اليل

--يلا اليوم من يطلع من المصنع اكله يجي اهنا

--لالا اليوم شعشبونه امسويه روبه خلي يروح للبيت

--اهاا اكو تخريب بالوضع

عمه صاحت مكرم تعال يمه خلصت الاكل دخل ياكل واني استكشف بالبيت غرفه غرفه فتحتها وشفت شنو داخلها غرفه عمه امرتبه جانت بس غرفه مكرم امهوسه

---مكررررم غرفتك ازباله مثل غرفتي الحمد الله طلعت موبس اني اكو مثلي

--لج غززززل لاتدخلين غرفتي يمه لمي بت اخوج لاتخليها اتكرب صوب غرفتي بيها معاملات

عمه. لا يمه هدي اشدخلها بامعاملات

-- يمه وروح خالي خبله هاي موش بعيده تلكيها امسويه اوراق المصنع طيارت ورقيه تطيرهن واطفر وراهن

--لاماخلها توصل صوب غرفتك شنهو شو كمت

--كملت الحمد الله كالها وطلع لكاني كباله كال غزيلان ممنوع توصلين للباب

--هزيت راسي بااي

-- لاواضح من هزت الراس هز ايده ورجع وصى عمه وراح

عمه واكفه اترتب رحت وياها غسلت الاماعين هيه ماقبلت بس وكفت ساعدتها خلصنه كالت ماطول مكرم ماكو تعالي نطلع للمزرعه

--يعني هم عدكم مزرعه

--اي بس ازغيره مو مثل مال بيت جدج روحي خلي شي على راسج واتعالي

--حييل عمه شيوديني للغرفه هاي غترة مكرم عالحبل البسها

-- هههههه مكرم كال بس تجي غزل بعد مااسلم على الغتر مالتي

لبستها وطلعنه بره مزرعتهم صح ازغيره بس اتجنن من صدك نستني الهم الاني بي عمه اتشلع زرع واني اطفر وراها رحت للجهه الثانيه اساعدها اجت مريه سلم على عمه من بعيد بس شافتني اجت كالت منين هايه

--هلا ام نورس تفضلي يخيه

--اشلونج ام مكرم منيلج هالحديثه

--غزاله بت معصتم الله يرحمه

--يااا الله يرحمه خوش جنه يستاهل مكرم

--هههه لامرت مؤتمن هاي

--ياااا جاخيه موش مؤتمن اتزوج بت شيخ حمدان وسافر

--اي سافر عنده شغل كم شهر ويرد وهاي خلها يمي

--اشلون تزوج وهو عنده هيج مره جنها جماره

--قسمه خيه قسمه غزاله عمه روحي جوه غسلي الطارمه بعد عمتج

شفت عمه اتااشرلي ادخل لان امبينه المره حشريه وتباوع مدري اشلون رجعت للبيت لكيت الطارمه صدك مونضيفه كولش رفعت الكلبيه من الاصفاح ولفيت الغتره من وره ويه شعري وشديتها طلعت جبت الصونده وبلشت جلف وين ماما تعالي شوفيني اشلون كمت اعرف اشتغل

خلصت دااشمر الصونده وكف سياره اشويه عن الباب نزل ولد منها لابس خليجي ونضارت سود شكله تحفه

دااشمر بالصونده لان خلصت غسل اجه صار مقابيلي اول ماشافني دنك ودار وجهه كال السلام عليكم خويه

--هلو وعليكم السلام

--بلكي اتصيحيلي ام مكرم

--مموجوده طالعه رايد شي

--اي والله خويه الحاسبه مالت مكرم دزني عليها بلكي تنطينياها

--ؤك بس لحضه حجيبها

رحت اجيبها بس كلت اشعرفني ماهذه ديجذب رجعت كلتله تعال اكولك اشعرفني دتحجي صدك يجوز حرامي

--نزع نضارته وباعلي رافع تك حاجب حرامي؟

--اي حرامي متنكر بخليجي كلشي يصير وشو وخر اشويه دااشمر الصونده

وخر شمرت الصونده وكلتله خبر مكرم خلي اشوف صدك لو دتجذب دضحك وطلع الفون كال سهلا اخبره ليش لا

ديخبر واجت عمتي اسمعها اتصيح هلاييمه اشلونك فهد

--هلابيج ام مكرم اشونج والله اجيت على الحاسبه ناسيها مكرم بالبيت

--اي هسه تامر ولج غزاله يمه روحي جيبيها

رحت جوه وعفتها يسولفون بالباب جان يضحك وياها بصوت عالي جبتها قبل لااطلع انطيهيا دخلت سحبتها وخزرتني كالت دخلي جوه

دخلت وهيه بقت ويا رحت للمطبخ اشوف شي اكله دخلت وراي قبل لاتحجي كلتلها عمه هالمره كلتلي مرة مؤتمن مره لخ ازعل وياج اني انفصلت واي واحد يجي حقبل بي مؤتمن لو يبقى اخر واحد بهالكون ماارجعله وخلص انسوو

--ياعمه اشبيج كولي يالله

--عمممه شايفه منضري من كل واحد يعيد نفس الاسطوانه كدامي اشلون اتزوج وعافها وانوب لويعرفون مطلكني وامتانين بلكي يحن ويرجعني والله انتحر غير لاتخبليني عمه بعد اذا سمعتج اتكولين مرة لطمه مااحجي وياج طول عمري

--اكلج يمه غزيلان انتو من رحتو للمومن جان وياكم شيخ علوان

--يامومن عمه اصلا ماطلعنه سوه

-- يعني مارحتو لاي مچان انتي وياه

--هئ بس مره للمضمد راد يعلمني عالعلاج اشلون اخذه

--عرفته والله اخخ كون اكضنه تربيت صبحه فرها عالكل اويلي ابو گلب المحجر

--شنو عمه مداافتهم

--لاماكو شي بس اي واحد يسالج لاتجاوبين ابد اواصلا لاتحجين بهذا الموضوع اسمعتي ابد غززل

--اصلا ماراح اذكره وانتي هم لاتذكريني بي تره ازعل والله

--يلا يعمه عوفي لاتحركين دمج يجي يوم ياكل روحه بيها ونكسر راسه اليابس

--اي عفيه عمه خلي يولي مالنه شغل بي هسه شنو انسوي عشه

--ماانسوي مكرم كال اجيب من بره لان مصطفى جاي للعشه

--بعد احسن

مر شهر عدهم مرتاحه كلش حتى نفسيتي استعدلت ورجعت صحتي احسن من قبل

عمه خطيه لان وحدها متلحك ومكرم فوضوي يمشي ويطشر بالبيت وهيه طلعاتها واجباتها اهواي كيفت من اجيت

كمت ارتب وياها واعدل دائما تطلع وتعوفني بس مكرم ميخلي شي اعدل منا يطشر منا يشلع باب الگلب ويخبل اعقل واحد

خلصت ترتيب البيت فرحانه بي دخلت للديوانيه واشوفها مگلوبه عطت مكرررررم

--ومرررض شكو صوتج لج

--تعالي شنو امسوي موكملت تنضييييف

--سم ومرض غزل لمي اجرودج وعلى بيت جدج سودنتيني

--عمممممه تعالي سمعي طردنييييي

--اشش اش جذب ولج اتشاقه خره بيج انكتمي يمعوده

--روح مكرم زعلت يلا راح الم غراضي وديني

--هاي اشبيج والله اتشاقه وياج يمعوده عليش زعطوطه وتصدكين يابه والله اني اطلع وانتي الباقيه هذا بيتج

-- بس اسكت لاتضل تشحت منو كلك صدك ارجع لصبوحه والله لوتسحلني وتشمرني بالشارع هم اطفر الباب وارجع

--الصراحه اني هم اتفاجأت معقوله صار عندج احساس وصرتي اتزعلين وانتي تربات مصطفى

--عوف مصطفى وانطيني الفون اخبر هيفاء الغبيه قبل لاتخمد

-- هاج ولااتطولين بالحجي واتخلصين الرصيد

--اشكد جلف على ابن خالك عيع بس صافو بعد عمري امدللني

--اي موالخره جايبهن من تعب ابو اشو يخمط من الشركه ويرد ليوره روحي حضريلنه شي ناكل واتصلي بعدين لان طيرتي النومه

--ييي نكعد انباوع فلم هسه اجيب حبشكلات بس لحضه

ركضت حضرت اشياء للاكل جبتهن لكيته كاعد منتجي يكلب بالفون كعدت يمه خليت الكرزات وسحبت الفون ماحجه سكت اتصلت بهيفاء اشكد رن يالله ردت كالت خير غزل

--بسلا نايمه

--لاوالله كاعده اتصفن وحدي شجاي اتسوين انتي

--ماكو كاعده يم مكرم ناكل --ضلينه اني وياها انسولف اشويه انتبهت لمكرم يتسنط يريد يسمع شنو تحجي كلتلها صدك دااكلب بفون مكرم من اشويه لكيته مصاحب وحده اشكد عيب

مكرم. هييي وين وداعت امي اتجذب ولج اغزيلان ليش اتخليني اسحلج بهالضهاري

--انته شكو اسرار نحجي اني وبت عمي لويش تدخل

--موش الزمال التحجون عنه يمكن راجعلي

--يااا نسيت انته كاعد يلا بعد مااطلع اسرارك بس صدك قبل كم يوم شفتك بالمزرعه اتسولف ويه اجوارينكم موعيب

--يممممه ويننج تجين تاخذين بت اخوج لاابتلي بيها

--عزاا صوتك دااخبر فشله من الابنيه عيب هسه اتكول ابن عمتج اشلون همجي

--همجي مو اجه اخذ الفون من ايدي وكاللها روحي خويه هاي متفتهم لاتخابريها بعد وغلق الجهاز

--عزا دااتكللها خويه لعد اشلون اتريدها اتحبك

--بعد السمعته منج افضل شي احفظ كرامتي بي اكلها خويه

--ههههه تره والله جنت دااحجي وياها وهيه تضحك تعرف دانحرك بعصابك

--لاابربج اشلون اثنين مشتغلاتني بس هذه الجنت معتازه

عافني وراح للغرفه صاح اغزيلان راح انام اذا سمعت طكطكه اطلع اشمرج بالشارع ودخل سدت الباب

ضليت اباوع للفلم للعصر واندكت الباب طلعت صحت منوو

--اني خويه

--اي اني خويه فهمت بس انته منو

--صاحب مكرم بلكي تندهي

فتحته طلع نفس الولد صديق مكرم شافني سلم وكال بلكي اتصيحلي مكرم

--نايم

--اي ادري نايم صحي

--عزا هسه يسويها هوسه كال اذا كعدتيني اشمرج بالشارع اتصل انته بي

ضحك واطلع الفوان اتصل بس مارد اني واكفه اباوعله

رجع اتصل مره لخ هم مارد كال يمكن خاله مغلق خويه صحي ماراح يعاقبج

--لاع شعرفه انته لباله رجال وتالي يرزلني

مارد باوعلي ورفع حاجبه ماعرفت شنو نضرته بس ربكتني عرفت روحي جفصت كلتله شوف حدخل على كيفي وافتح الفون وانته اتصل

--يلا عيني عملي اليريحج

دخلت على كيفي مكرم من نوع اذا نام بعد ميكعد نومه ثكيل اخذت الفون سويت الغاء الكتم وخليته يم راسه وطلعت

وصلت للباب لكيته واكف بالباب كلتله اتصل يلا

اشرلي ؤك وهوه يبتسم بس امدنك

دخلت رجعت كعدت مكاني طلع مكرم ابسرعه وصل يمي كال غزل بسلا طلعتيله بلا حجاب

--هاا لاجنت لابسه الغتره خليتها على الحبل وماشافني جنت ورا الباب واكفه

عاد امن وطلع هوه جذب اصلا صدك نسيت الحجاب واكول لويش الولد يحجي امدنك وداير وجهه

بس فدوه اشلون اكيوت ويحجي بهدوء عود مثل ذوله كلهم ينبحون

كعدت عمتي اجت يمي كالت ها يمه مانمتي

--لاوالله عمه ضايجه لويش منطلع ولااتكولين مؤتمن اتخليني الطم

--لايمه هسه اشوف مكرم واخذ افلوس مؤتمن شنو شابع ونسه وحابسج كومي غيري ملابسج علمااخذ افلوس خلفه صبحه ضامج للشيب خلي يولي

رحت غيرت لبست حجاب لفيت الشال طلعت لكيت مكرم يتعارك ويه عمتي مامقتنع اطلع يكول مؤتمن ميقبل من صدك انقهرت

-- عمه خلص لاتجادلي مااطلع

--لا اليوم نطلع ابن ابو اليوكف ابوجهي

--عمه فدوه مااريد مشاكل راضيه كاعده ومنجبه اريد اشوف لحدمن اضل هالشكل ويعتقوني

--بالعباس نطلع ونص كلمه اذا حجيت يمكرم احط ايدي بخوانيكك

--عمه والله مااريد اطلع بطلت

--لاشوتعالي اريد اشوف اشلون يمشون حجيهم وهذا مؤتمن ماشايف واحد يوكف ابوجها بس خلي يصبرلي اذا ماخليت ينجلط سهلا وانتي يلا فضيني

رحت لفيت الشال وطلعنه و مكرم الطريق كله ينافخ والف شغله طلعلي اخر شي كال

--عليش متلبسين عبايه راس

--مااعرف عود اتعلم ميخالف

--متلفين شالج عدل وجهج بي مكياج

--ماحاطه بس اشويه

--غززززل غزل لاتطلعين اخبالي مسحي جهرتج ماشيات بحدجن

اسكت مارديت نزلنه كال ساعتين واجي الكاجن نفس المكان لاتتعطلون

عمتي. دنطيني افلوس وانكتم واشوكت ماخلصت اتصل

--يمه ساعتين بس واجي ماكو غيرهن

--انكتم لاالطمك على حلكك وتريد تجي يطبك احريشه انشتل لمن انخلص وانتي يلا يبت معتصم

جرتني وراحت تمشي حيل ضحكتني صارت اعصاب

وصلنه للسوك وبلشنه ماخلينه شي مااشترينا

اشكد اتونست بالطلعه اخر شي اكو صالون كلتلها عمه اريد اتدخل كالت يلا سوي االابنفسج دخلنه حفيت واخذت منها كم شغله لان اتبيع اشياء حلوه اتعطلنه ومكرم كل اشويه يتصل وعمتي اترفضه

لمن كملنا طلعنه بس مستعجلين لان خبصنه

رحنه لكيناه امتانينه ويا هذه الولد لكيناهم واكفين يم السياره امبين صديقه كلش وصلنه وهوه عاط وينجن لسه يلا صعدن

دااصعد واتذكرت العلاكه نسيتها

--مكرم

--صوتج من انعل ابو مكرم شرايده

--لويش دتصيح على كيفك نسيت غراض يم الصالون

--شنهو صالون ولج

عمتي. يمه ام الصالون الجنه يمها

--استغفر الله اشتعلت عشيرتك مؤتمن على هاي البلوه جبتها وشمرتها ابراسي خره بيج غزززل

--عمه ديعيط متسكتي

عمه. مكرم انضب ولي يلا

مبين خجل من الولد دفر السياره وراح بعد ماسال وين مكان

الولد ضل واكف امدنك يلعب بسبحته

وعمتي اندارتلي خزرتني لان ادردم

--لويش دتخزين تره عمه ميصير هيج يجاوز

-- انكتمي لاافرك حلكج عالفهاوه علاكه ماعرفتي ادبريها واتشيليها امداج من دون البنات مفهيه

--شكرا عمه محرد اخلاقي متسمح

--خره بيج وبخلاقج يالفاهيه

--همست عمه الولد ديسمع فشلتيني هسه اله اتفضحيني كدام العالم خليها بيناتنه

--ميصير ابراسج خير تربيه مصطفى شطلعين

--بعد عمري اخوي اتروحله فدوه صبوحه وشعشبونه

--يمه راح تفت كلبي هالبت ولج استجني ونكتمي اغزيلان هسه يجي مكرم يفرك حلكج

--عمه والله تره انتم اتضوجون يعني اني ماعونت اخلص من الغثه الجنت ماخذته يطلعلي مكرم انوب اشوكت ارجع لماما واخلص منهم

--اي اترجعين دسكتي يالمفهيه لايجي يسمعج وانوب يسحلج من كفشتج يشمرج عالحدود من زينج وندارتج مانه وتتهددين

--اي هسه ارجع لبالج مااسويها

--اي عليش لا يمه فهد شوفلنه تكسي لمريكا ماطول هيج الرجعه سهلا - هم ثوله وهم لسانه اعوج

شافتني ضجت لاوالله اجيت ابجي لان نزلت عليه كدام الولد سحلتني سحل وهو كوه كامش ضحكته ومدنك اشكد استحيت والله شنو مكرم عصب

اجت قريبه عليه حجت بهس تره يمه من حقه عصب لان جبتج ضيكه طلعت واني مامنتبهتلها جنت امعصبه هاي بعد لاتلبسيها

اجه مكرم شمر العلاكه بالجنطه مالت السياره وصاح عليش لسه ماصعدتن يلا

وصلنه الطريق كله ينافخ ومزنبر علينه نزلنه وراح هو صديقه

دخلت للبيت رتبت غراضي فرحانه بيهن وعمتي اتباوعلي وتضحك على ضحكتي

مرت الايام وكل يوم احس روحي طايره بيت عمه خاصه مكرم صح عصبي بس ميزعلني حتى لوزعلت بالشقى يراضيني ابسرعه مصطفى بين يوم ويوم يجي مرات يجي عالغده هم ويسولفلي شنو انجازاته ويه صبوحه

كاعدين اني عمه بالمزرعه وكت العصر هيه اتعدل بالزرعات واني يمها كاعده اسولف دخلن نسوان مره جبيره وياها وحده ابكد سماح تقريبا كامت عمه رحبت بيهن هلا بيج نور البيت

--منور برعيانه اشلونج خيه

--بخير اشعجب من زمان ماكو وينكم دوم اسال فهد عنكم ودز سلام

--اي والله خيه شغل وركضه منلحك صدك مقصرين وياكم لانجي لانسال

--اتفضل جوه هذه بيتكم يمه غزاله تعالي سلمي

--ياصلوات هاي غزاله ربي يحفضها

رحت سلمت بس المره اتباوعلي من فوك ليجوه وتبتسم دخلنه جوه هنه كعدن ورحت اجيب الضيافه الهن

دخلت قدمت الضيفه عمه جانت اتسولف وياها ضلن على كعدتهن للمغرب وعمه جلبت بيهن للعشه ماخلتهن يطلعن

كمت للمطبخ احضر الاكل اباوع كلشي مااعرف اسوي ماكو غير مكرم ينقذني

اخذت الفون اتصلت اول مافتح الفون

كلتله شوف اجونه خطار وعمه كاعده وياهم واني مااعرف اسوي غير مخلمه بعد ابكيفك اتريد انته ادز دلڤري اتريد اسويلكم مخلمه وخزيكم

رد بضحكه بس موصوت مكرم هذا فهد كال يابه كلشي من ايدج انعم الله

--وين مكرم

--طلع ونسه نقاله وانتي الله يسلمج متصله من نقال امه كلت ارد اخاف صاير شي

--اممم لعد كوله خلي يجيب اكل ويا لان عدنه خطار وبعد لاترد مره لخ تره اني دااتصل من فون عمه لان ماعندي فون اوك

--يابه تامرين

غلقت الجهاز اشكد ميستحي شكو يرد بس صدك اصدقائه يعرفون ماعنده بس امه بالبيت اماامنين

سويت لبن بين ميجيب الاكل مكرم دخلت الابنيه وكفت يمنه كالت اساعدج خيه

--لامعندي شي شكرا راح يجيب اكل من بره بس دااحضر لبن

--انتي من بغداد

--امم بس جنت عايشه بأمريكا مصار اهواي من اجيت

--مواكولن لهجتج حلوه مگلوبه اشويه

-- موكلش اتعلمت اول مجيت جنت اشكال اخربط بس هسه لاصرت تمام

--ههههه لاموش تمام لسانج يگلب الحرف بس حلو صدك اريد اسالج

--سألي

--شنو جان سبب طلاكج

--لويش دسالين يمكن هاي امور شخصيه

--لاحبيبه اعذريني بس هيج كلت ادردش وياج اشويه بين مايجي الاكل وان شاء الله انصير صديقات لان جياتنه اهواي اهنا

--تمام بس اشعرفج اني منفصله

--هاا لاهيج صدفه عرفت كلت اسالج لان اشوفج ازغيره اشوكت لحكتي اتزوجتي واتطلكتي

--مااتوالمنه ماضليت ويا كم شهر وانفصلت زواجنه جان غلطه من البدايه اول مارجعت مرضيت ارجع لهنا ردت ابقى ويا ماما بغداد بس جدو عقدني غصبا عني وجابني لهنا

--جاليش طلكج ماابقيتي مؤتمن خوش ولد وانتي ماشاء الله عيني بارده عليج

--اشعرفج بي مؤتمن جان زوجي

--والله منعرفهم لان احنه ماصار اهواي جنه غير ديره بس مكرم صديق فهد وسولفله عنه منعرفه معرفه شخصيه بس يكولون خوش زلمه امعدل

-- ماانعرف ؟ - المهم هوه جان يحب وحده واتزوجها بعد زواجنه وهسه سافر يكمل حياته بره يعني اصلا ماضابطه شغلتنه من البدايه

--يعني اذا اتقدملج شخص اتوافقين

--مااعرف بس بعدها العده ماخالصه هسه ماافكر حاليا بهيج شي

كلتلها ورجعت اخوط بالبن لان شفتها ادخلت اهواي بس العجبني خلت الفون على اذنها وطلعت تحجي لاواحد اتصل بيها ولاهيه شفتها تتصل

شنو هاي جانت متصله ودخلت لوشنو

اجه مكرم صاح ياااااالله

طلعتله انطاني الاكل ورجع طلع بش شكله امعصب هوه اشوكت ضحك جنه ابن خاله مكلوبه اوجوهم اخذته ورحت للمطبخ ارتب دخلت الابنيه تضحك وكفت اترتب وياي

كالت بس انتضري علما يجون الولد لان جاي فهد ويه مكرم اكلج غزل لوغزاله شنو اسمج

--غزل بس عمه ادلعني غزاله

--اي احله غزاله دزني فهد كال شوفيها اذا وافقت احجي ويه مكرم

--على شنو

--يريد يطلب ايدج يكول شنو التطلبه اني حاضر--

الحادي والعشرين من هنا

تعديل المقال