رواية كفي والمنجمة الفصل التاسع عشر 19 بقلم الكاتبة Leo alfatlawi

رواية كفي والمنجمة الفصل التاسع عشر 19 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت التاسع عشر

متطلكني مو لعد خليك اني هم مراح اضل وياك

صعدت على الشرفه غمضت اعيوني اخذت نفس قررت صدك اخلص من روحي مااكدر اكمل وياه ماشفت منه بس وجع الكلب وادري ماراح يتركني ابحالي راح اضل مثل العبده بيده واني مستحيل اقبلها على روحي

اسمعه يدك على الجام وراي ويتوسل انزل وصوت مصطفى يصيح غزل اني اوديج بيدي بس نزلي

مااهتميتلهم لان كلبي خلصان من جذبهم وحياتهم المخربطه خلوني حتى ابنفسي مااصدك عايشه بحكم ضالم وياهم ولازم اسكت لااعارض ولااجادل

اخذت نفس دااشمر روحي صاح مؤتمن اطلكج بس نزلي

انداريت اشوفه واكف يباوعلي بترجي شايل اديه يريد ابطل عن الدا اسوي

--يلا طلكني

--التردي شنو طلبي غيرها امج ارجعها والتردي يجرالج

--مااريد شي بس مااريدك

--نزلي غزل العالم منا لاتفضحينه دخيل ربج نزلي اي شي اطلبي انفذه

--كلتلك مااريد شييييي

عمتي. يمه مؤتمن دخيلك طلجهه تاليهه مثل ابوها هاي خبله هم تنتحر

--بعدددي يمه طلعي منا وانتي بويه بس اهدئي كالها واجه للجام

--مؤتمنننن لاتكسر الجامه والله اشمر روحي وخرررر

--بطلت بس وهاي راجع ليوره بس نزلي

مصطفى. غزل خويه وداعت الاعزاز اني اوديج بيدي لاتتخبلين ولج راح اتفلتييييين ومنا العالم كعدت على صوتنا نزلي ابروح ابوج

درت وجهي عنهم اخذت نفس اريد اشمر روحي متاكده مؤتمن ماراح يعوفني وراح اعيش ويا ابعذاب جان عندي امل ماما اتخفف عني هسه حتى الامل طيره من انانيته كلشي يريده اله وتحت امره حركت رجلي

واسمع صوت مصطفى يصرخ بمؤتمن يكله طلكهااااااا لك راح تشمر روحها مؤتمن طلكها ابروح عمك ولك راح اتموت

--عمتي. يبووو راحت البت تخبلت

حركت روحي واتشاهدت ربي سامحني راح اجي يمك مااكدر اضل عايشه بضلمه

بابا حجيك هسه عرفت لويش سجلت بسمي كلشي لان ناس باطله وضالمه تدري راح يحرموني من كلشي وراح يعذبوني

بس اني مااريد اي شي بس ارتاح وهذا الشي مااكدر احصله عدهم اهواي عذبوني حركت روحي واسمع

صوت مؤتمن بس بي رجفه ومجروح كال انتي طالق

حسيت كلمته شكت كلبي لويش موهاي الردتيها لويش هيج دتحسين

رجعت انداريت وادموعي بعدهن ينزلن لكيته واكف وره الباب امتاني انزل من الشرفه شايل اديه يخاف افلت يباوع لرجليه يااشرلي على كيفج نزلي

--روح منااا

--ميخالف بس على كيفج غززل لاتفلت رجلج بويه كعدي اول

مصطفى. خويه اهدي لاتندارين خليج على وضع ونزلي

نزلت راسي وكعدت نزلت مسحت ادموعي واخيرا اتحررت منك اتاكد نزلت وصلت يم الباب عافني وطلع

فتحت الباب دخلت سحبني مصطفى واخذ نفس ارتاح

--شنهو العملتي خره بشكلج

--خلصت من ضلم اخوك كلتها وشهكت كعدت بالكاع

--من انعل عشيرت اخوي اتموتين لخاطر اتخلصين انتي هم عندج عقل

--لعد اتريدني اضل كل عمري عايشه عبده جوه ايده

--وعلاساس هسه انتي اتحررتي استلمي الراح يجرالج

--لويش شحيسوي اكثر من السواه اتزوجني غصب واتزوج عليه وسفر ماما وحرمني منها شنو بعد اكثر حيسوي

--ذني قليلات بالراح اتشوفي انتي دمرتي روحج بيدج جان اتكدرين اتغيرين كلشي بعقل بس باين عقلج كلك من اكلج طفله ومتفتهمين اتزعلين غزل العملتي غلط لوطالبه منه بهدوء جان رجع امج واخلاج اتعيشين طبيعي بس هسه شنهو الاستفاديتي راح اتضلين محبوسه وامج لوبالحلم بعد متشوفيها

--جنت تدري هيه مسافر موو

--وشنهو اليفرق ادري لولا مؤتمن اقل عقوبه ردها الها بعد تحريضج حتى تنهزمين جان هاي خلي تحمد ربها بس خلاها تطلع منا سالمه

--اني مسويت غلط ماكدرت اكمل ويا رجعت الماما

--موقليله غزل زلمه معروف ابن مشايخ مرته تشرد وتفضحه بالديره تره كل غلطاتج وحده اكبر من الثانيه مااكلج اني ماغلطت وياج بالعكس الغلط الاكبر جان مني المفروض اني امنعج بس لكيتج مصره انجان اني اوديج لو غيري راح اتسويها مااعرف ابوكتها شنو جان تفكيري من ساعدتج بس جنت مااشوف غير الانتقام ابعيني

هيفاء دخلت كالت جدي يصيحلكم تعالي ابسرعه

المصطفى. استلمي وهاي اول شي راح اتواجهي يلا ست غزل خلي انشوف وين راح تصفى

--مصطفى لاتعوفني فدوه

--افا وانه اخوج اشلون اعوفج تعالي خويه اشحده اليحجي وياج چلمه حرام اشعل عشيرته

نزلنه بس كلبي يدك شنو راح يسويلي جدو بس مصطفى جان يامني يكول لاتخافين اني وبضهرج

دخلنه لغرفه جدو لكيت مؤتمن كاعد امدنك متجي على رجلي وجدو مشتعل نار اشرلي تعالي رحت وكفت يمي مال شنهو العملتي

--مسويت شي

--والفضيحه جدام العرب حرمتهم على السطح تشمر روحها

--لعد ميطلكني شنو اسوي اتريد اضل عايشه ويا غصب مااريده وجنت مقرره من صدك اشمر روحي

--شنهو الصار وخلاج هيج اتسوين

--بعدني عن ماما شمر عليها شكوه خلاها ممنوع تجي يعني محشوفها بعد كلتها وبجيت

--امج وسهلا شغلتها لوجايه كايلتلي اخلي يسحب الشكوه وترجع بس انتي رعنه تربيت فريال ورادلج تجسير راس

--مسويت شي حتى اتحاسبني لويش متحاسبه تره اني موحيوانه وتقررون مصيرها ابكيفكم لويش وداها علمود ياخذ راحته اضل جوه ايده مدمغه ماعندي احد اروحله موو

--اشش حسج مااهيسه بس يطلع النهار اتردين الذمته مصطفففغى حضر روحك يطلع النهار اتجيب شيخ يعقدهم

دااكله ماارجعله بس سبقني مؤتمن كام كال جدي مااردها لذمتي بعد

--عليش يجدي اهااا مؤتمن وهاي انته الجبير اتريد العالم تاكل اوجوهنا

--متاكل وجهك هاي يمك خليها اتخلص عدتها اشمرها على اي واحد زوجها بس الي بعد متصير حرمتي كالها وطلع

خلاني جامده بمكاني جدي صعدت عنده بعد اكثر اشرلي اطلع اعيونه جانت تطلع منها شرار مامتوقع من مؤتمن يرده ويكسر كلمته

مصطفى سحبني ابسرعه خاف جدي يسوي شي طلعت شلت راسي كال هاي وحده لاتباوعلي هيج

--شنو يعني

-- لويصبوج ذهب مؤتمن ميردج مومؤتمن اليذل روحه لوحده هانت كرامته بهالشكل تراج للمره الثانيه اتهيني

--يعني شنو هسه

--هسه يحبابه ترحين لغرفتج وتهدئين ومتحجين ويه كائن يكون حرمات بيج المفاجئه الجان امحضرها الج يلا خويه روحي

--اخاف اصعد ويدخل يضربني

--بعد العملتي امني ماراح يباوع ابوجهج ابد لو تنكلبين من الملائكه

اجت سماح كالت يلا غزل على غرفتج جدي معصب حيل لايرد يطكج

صعدت غرفتي صافنه على رد فعل مؤتمن بسلا جدو اعناد بيه يزوجني لاي واحد عزا العزاني اني اشسويت ابروحي

كعدت وره الباب مابيه حتى اوصل للجربايه صافنه على السويته صحيح احترك كلبي واني دوم متسرعه ابااخذ قراراتي بس هو خلاني اتصرف هيج تصرف

خليت راسي على الباب غمضت اعيوني اريد اخذ نفس اهدء سمعت شي انكسر بغرفه تهاني وراها صوت مؤتمن عالي بس ماانتبهت على شنو صرخ دقايق طلع وركع الباب وراه يمكن من شده القوه مالت الضربه انشلعت الباب احس ركعها بكلبي

سماح.. شنهو الخلاج تنفعلين هيج انفعال واسوين هيج

--مااعرف بس يمكن من شده الصدمه والخذلان الشفته منه هو السبب

--بس انتي اجيتي اتموتين نفسج وانتي ماحاسه ولج بسلا شربتي شي من ايد تهاني

--ماادري بسلا يمكن مثل مكال الدكتور حالتها النفسيه تعبانه اي يمكن والا اني عمري متصرفت هيج تصرف عنيف شنو الديصيرلي ليش هيج حالتي

--غزززل جاي اترجفين

رفعت اديه كدام وجهي شفتهن يرجفن

-- عليش موانتي جانت امنيتج تتطلكين منه يلا هاي انتي اطلكتي واخذتي حريتج

بس مافكرتي حيرتج وانتي ابين هالوحوش البشريه اشلون راح اتمارسيها جان مؤتمن حاميج منهم هسه شنو حتسوين من غيره

--بس هوه جان مااذيني اكثر من حمايتي

--وخري غزل خلي اطلع ضلي بعقلج هذه وخليها ابالج مؤتمن جان واكف بوجه الكل لخاطرج وانتي دمرتي روحج خلي عود امج اتفيدج

عافتني وطلعت ضليت ارجف واحس راسي يريد ينفجر مااعرف السويته صح لوغلط بس خايفه من المستقبل حسيت روحي ادمرت بعد اكثر مااني مدمره

كلامهم خوفني الكل يلومني محد حاس بالمريت بي كلمن امه يمه وعايش بهدوء

حسيت كلبي تعب كمت لفراشي اتمددت

صار الصبح واني عيني مااخذت نوم وحتى مؤتمن ماسمعته رجع لغرفته ماادري وين راح الجو بارد وين طلع هذا

ولويش هيج خايفه عليه نسيتي اشلون هنتي كدام اهله اي بس هو سوه الااكثر من هذا اهواي اذاني ومستمر ابااذيتي

بين تفكير وين خوف استسلمت للنوم

مر يومين الوضع كلش متازم الكل واحد مطايق الثاني

مؤتمن ميجي حتى وكت الاكل يجي تالي اليل ويطلع الصبح للمصنع

الوحيدات الفرحانات بهذه الشي بيبي وعمتي ام مؤتمن وتهاني جانن طايرات من الفرح خلصن مني بس يوم عن يوم كلبي يوجعني واشتاقله اكثر مااعرف شحس من سويت هيج

الكل داخل انذار ويه مؤتمن يخافون اي غلطه لان صاير اعصابه متنحمل حتى اكثر من قبل

مصطفى يكول حتى بالمصنع العمال يصيحون الغوث منه

دز خبر انزل جوه انام يم هيفاء بعد ممنوع اصعد الغرفتي اخذت غراضي ونزلت يم هيفاء انطتني باب من كنتورها خليت اشيائي وكاعده النهار واليل ابغرفتها حتى طلعه من الغرفه مااطلع مااريد اشوف الشماته بعيونهن اشلون رفضج وبعد ماردج اله

سماح زعلانه مني على السويته محد يقدر المريت بي ولاواحد يحس بشنو حسيته وقت انو عرفت ماما بعدها وهيه هاي كل عائلتي ضعت بدونها بس شنو الاستفاديته هسه ضايعه من كل الجوانب

--هيفاء

--همم

--اريد الفون مالتج

--غزل مكافي المشكله الصارت خليني انام عندي كعده من الصبح

--فدوه بس اخبر ماما والله كلبي طاك عليها

--ميقبل مؤتمن

--ولج حموت فدوه مراح يدري مؤتمن اصلا نايم

--اي صح مثل القبلها صار يومين ميحجي وياي سوده عليه كل مااذكر ابسببي هيج حالته اموت قهر

--فدوه هيفاء هسه اني شنو ذنبي الدسوو بيه يعني حابسيني وماخذين الفون ومانعيني من ماما شنو والله مؤتمن ضايج اشويه

--غزل ضايج اشويه ولج روحي شوفي اشلون حالته ميلفي للبيت بس وكت النوم ويجي كاره الدنيا اليوصل صوبه اله ميريد روحه حتى جدي بعد ميحجي ويا يتجنبه

--خلص مااريد الفون اسفه واذا على مؤتمن لاتخافين علي الله اعلم شديدبر من مصيبه راح يسحلني بيها ادري ماراح يفوتها الي بالساهل

--غزل لاتزعلين والله احبج من محبته بس اخاف هم اتصير شغله واوكع بيها اني

--شنو حيصير اكثر من الصار خلص مااريده هيه ضلت عليج يلا نامي اسفه زعجتج

--لاتزعلين هاج بس ابداعت امج لاتسويلي مشكله ويه مؤتمن بس شوفيها اشلونها ورجعيلي النقال

اخذت الفون دخلت على صفحه ماما اتصلت ماكو رجعت كررت الاتصال هم ماردت زين هسه عدها بعد وكت لويش مترد يجوز طالعه

كمت خليته على الشاحن رجعت نمت بس ميجيني نوم ضليت اتكلب ساعه لمت مليت كمت خليت شي على راسي كلت اطلع بالمزرعه اشويه بلكي انعس

فتحت الباب على كيفي طلعت البيت نفس مابي كلها نايمه طلعت بره بالحديقه كعدت الجو بي كسره برد

شلت راسي شباج تهاني على الحديقه صاير ضواها مشتغل يعني بعدهم كاعدين اشكد اشتاقيتلك مجنت اتصور هيج البعد عنك صعب شنو الخلاني هيج اتعلق بيك

اسمع انفتح الشباج الفوك شلت راسي شفت مؤتمن واكف يدخن

كمت ابسرعه مااريد ينتبهلي

دخلت جوه رجعت لفراشي لكيت الفون يضوي اخذت شفت ماما تتصل خليت السماعه ورجعت اتصلت بيها لان انقطع من يمها امبين من زمان تتصل

ردت كالت ولج اخذتي كلبي وين يماما

--هياتني بس جنت بره اتصلت بيج مارديتي كلت يجوز طالعه

--اي غير رجلج دزني اشحنلج علاجج

--اشوكت

--الصبح اتصل كال علاجها خلص دزي كميه اهواي لاتضلين ادزين اشرطه عاد كلتله ماعندي افلوس غالي حولي مبلغ استوني طلعت سحبته واشتريتلج راح ادزه الج باجر

--تره مؤتمن طلكني

--عزا ابعينه اشوكت اشو ماكلي

--ابيوم الاتعاركنه

--يلا بعد احسن خلصي علمود جيتج اتصير سهلا رجعت قدمتلج على الجواز بس تعتازين ترحين للسفاره الامريكيه بالشمال اطلبين مناك واني ادزلج المستمسكات منا

--عوفج من السفر ماما هسه مووكتها بعدها الشغله حاميه ماعدهم مانع يذبحوني كليلي هذه العلاج الدااخذه زين لولا وبعدين اشعرفه خلص هوه صار كم يوم مويمه

--ماادري و اي ماما هذه الدتاخذي علاج زين بس اكو علاج اقوه منه مجان عندي افلوس اشتري الج هسه اشتريتلج كم واحد هذه قوي كال الدكتور يفتح الشريان بدون عمليه

--لعدماما منيلج انتي والله مامعتازته تره صحتي زينه احسن من قبل مدااحس بشي

--ولج يمته مني من خبرني كلتله عليه بس ماكلتله يفتح الشريان خلي هيج خايف عليج بس كلتله راح يحسن حالتها ولج سكتي خليتج بينج وبين الموت شبر

--عزه بلكي لنه ماخذني للدكتور وكاشف عليه وتطلع جذبتج

--وانتي لويش ثوله لاترحين خليني العب على اعصابه اشويه ارتاح من اسمعه يحجي وياي وهوه محتار وخايف

--ماما بعد هذه الحجي صار قديم هسه ميشتريني بفلس بعد السويته بي صار كم يوم طافره روحه

--لويش اشسويتيله

--طيرت كرامته سحولت بيها الكاع ماخليت غلطه ولااهانه ماكلتها ابحقه كدام اهله وخليته يطلكني غصبا عنه مصطفى يكول لويصبوج ذهب بعد ميردج اله

--يستاهل خلي يولي انتي الف واحد يتمناج اشو جمال اصغيره يلا بلكي الله مدى واتخلصين فرد مره وترجعيلي

--الله كريم يلاماما هسه لازم اغلقه لان حيصير الصبح واني منايمه واهنا الكعده عدنه ويه الفجر

--يلاحبيبتي وانتي لاتكطعين بيه كل فتره خبريني

--تمام ماما كل مااشوف مجال اخبرج باي

الصبح دنتريك طبعا جدو ميباوع بوجهي وحتى بيبي رغم فرحتها بطلاكي بس هم هيج لله كارهتني

مصطفى خطيه على الواكف اتريك وطلع ويه مكرم يكولون عدنه شحنه لازم نتحضرلها

دااصب جاي لجدو نزلو من فوك مؤتمن ومرته شفته خطف كلبي دنكت كملت الصب سويت روحي مامنتبها اجو يمنه صبح على الكل وكعد يم جدي وهيه يمه شالت الجاي داانطي لجدو بس ايدي مااعرف اشبيها ترجف وكلبي دكاته متسارعه

ياربي دخليج مااريد احس يحس بيه انداريت لجدو داانطي شفتها كاعده ابصفه حشك وايدها على ضهره تمسح علي اشتعلت شعل من اشوفها بهالقرب منه انطيت الجاي لجدو اخذه مني شافني ايدي ترجف كال اخذتي علاجج يبه

-- لاجدو خلصان

جان امدنك مامنتبهلي بس من حجه جدو شال راسه باوعلي جان عاكد احواجبه

جدو. هسه اخبر واحد من الولد يجيبلج بس انطيهم الوصفه

مؤتمن. اليوم يوصللها دزيت خلي ترجع لغرفتها ترتاح علما يوصل واكو نوعيه راح اتكون قويه اشويه لاتضل اطفر خلي تركد

جدو. شنهو هذه خاف يااثر عليها يبوي عوفو زينه صحتها البت لاتجثر بالدوه

مؤتمن. لاكتبه دكتورها صح قويه اشويه وراح تتعب بالبدايه بس اذا استجابت للعلاج راح تستغني عن العمليه

جدو. الله كريم جاانته اليوم متاخر عن دوامك

مؤتمن. طالع عندي شغل ويه شيخ علون بعد نص ساعه

ضلو يسولفون على الشغل بس هوه جان عينه بيه امبين قلقان عفيه عليج ماما والله نقذتيني جان صرت هسه مضحكه لوشايفيني ارجف من القهر خليها على المرض ولاغير شي وانوب مقتنعين خطيه وشايلين همي استغفر الله كمشتني الضحكه واني مقهوره والله لويدرون جذب جان شنقني مؤتمن بالصاله هسه

دااكل اجت سماح جايبه بعد بيض حار خلته كدام الاجلح واجت كعدت يمي جنت خاله خاشوكت الجاي وامشيها على الماعون مااشهي اكل بس الهي روحي علما يكملون لان روحي طافره واني اسمع اشلون اتحاجي بهمس وهوه يبتسم كوه امصبره وكاعد بس واحد يوصل يمي انفجر بي الهوا كوه كمت اسحبه احس اختنكت من شفتهم ملتهين يتهامسون

كالت غزل بيج شي

--ها

--اشبيج غزل اشصابج خيه

--مابيه شي بس اختنكت اشويه هسه انام حصير زينه

--ديلا كومي

--موداريدهم يخلصون علمود اغسل اماعين وبعدين انام

دااحجي وكال مؤتمن خلي اتكوم اتنام انتن كملن مكانها جان يحجي وهوه امدنك ياكل ماشال راسه واصلا الكلام مواتكول اموجه الي لعد اشكد مامعتبرني

اني هم كمت رحت للغرفه دخلت وسديت الباب شكرا ماما على هذه الشي جان هسه كال كاتله روحها عليه

اتمدتت على الفراش خلصت من شغل اليوم الحمدالله نعسانه من البارحه منايمه بس شي بكلبي يمنع عيني من النوم هذه اشلون كدر بكم يوم هيج يستغنى عني وينساني ونازل طبيعي ويه مرته ومكمل لعد لويش اني دااحس هيج كلبي يوجعني

غمضت انفتحت الباب دخلت سماح كالت غزل خيه بيج شي

--لاوالله مبيه لويش

--هاا لاماكو شي بس اجيت اطمأن عليج

--لعد موزعلانه انتي اشلون دتحجين وياي

--والله زعلانه عليج مومنج ليش دمرتي روحج شوفي عايش ومتونس وياها وهسه اتنسي ومتخلي يذكرج بس انتي دمرتي روحج راح اتضلين امعلكه لاطايله لاسمه ولاكاع

--لعد السواه موقليل

-- وانتي اشعرفج عليش هيج سوه عليش ماسالتي بالبدايه وشنو الفادج هسه من اطلكتي اشو حتى غرفتج خذوها وشمرج جوه الله اعلم شنو راح يسوي بيها قبل اشويه اسمعها اتكله اسويها للبيبي يمكن عدها طفل

--عزا اشلحكت

--لاتخافين عليها تحبل واتلحك

--وهوه شنو رد من كلتله هيج

--رد الله كريم خلي يجي وسهلا

--يعني مااعترض

--وعلى شنو يعترض مره وطلكها شنو بعد من بقيت الغرفه خاليه غززل خيه ابروح اهلج سكتي ماخليتي كاع ماسحلتي كرامته بيها

--هم صدك اكولج فدوه خبري عمه خلي تجي اروح وياها والنبي حنفجر راح اموت ولج دااشوفه وياها اكوم اغلي خلي تاخذني بلكي ارتاح

--يااا ومنو كلج يقبل

--وهو شنو دخله بعد موطلكني ماله علاقه بيه

--اي عود باجر هسه يخليج محبوسه يكرهج ابعيشتج وهاي الحريه التطالبين بيها يخليج اتشوفيها سجن مولبالج اطلكتي ارتاحيتي انتضري الجاي يعمري هذه مؤتمن اذكرج اذا ناسيه

--انتي بس خبريها فدوه اني اقنعها واخليها اتقنع جدو

--بسيطه هسه اخابرها تجي والله هيه اتفرح ضايجه وحدها اهناك

--لعد تمام وانتي شنو ماعندج شغل اشعجب عمه ساكته عنج وضاله يمي

--سكتي مؤتمن كلي روحي يم غزل لاتخليها وحدها اخاف تختنك ومتكول ثوله هاي عمتي سمعته بعد متكدر تحجي ضلت تهاني تشتغل مكانه

--اي حيل بيها تستاهل بلكي عمه اطلع بطولاتها اليوم بيها

--لاتخافين ذني صافات سوه خافي على روحج

--هو طلع

--اي قبل اشويه طلع ليش

--خلي اكوم اسبح صار يومين مداخله للحمام وانتي خبري عمه علماتجي خلي اخذ ملابس بقن فوك ذني خفاف الجوه

--غزل تره الغرفه الفوك مقفوله تعالي اني انطيج مني عندي كلبيه جابتها امي بس شكلها مال اصغار استحيت البسها

طلعنه سديت الباب وراي هيه راحت قبلي علما طلعت وراها سمعت بيبي اتصيح على عمه رحت اشوف شكو دخلت للغرفه مالت بيبي لكتها خاله عمه واترزل بيها اشلون اتشغل تهاني وهيه اتشك ابروحها حامل وذيج اتكلها اذا اجنايني كلهن نايمات منهو يشتغل

--هاي بت فريال اصحه من الحصان عوفي تهاني

--هاي بيها عاهه تالي اتموت ويشمروها ابراسي

--مابيها شي عياره على امها نسيتي اسويلفات امها اشلون جانت تسحب روحها من الشغل اخذيها وياج وعوفي البت نايمه يمي واليحجي وياها اجسر راسه

عمتي لكتها من الله كالت يلا عالمطبخ لج بلا لغوه للاماعين

اني هم بدون لااحجي رحت للمطبخ غسلت الاماعين ونضفت المطبخ ساعه ونص اني اشتغل متت تعب سماح تطبخ يمي واخيرا خلصت كلتلها يلا سموح خلصت اريد الكلبيه خلي ادخل للحمام قبل لايدخل احد ويخلص المي الحار

--روحي خيه بالغرفه محضرتها تلكيها ايدي مافارغه

رحت الغرفتها دخلت فتحت كنتورها اشكد امرتبه كنتورها نضيف ومرتب شفت الكلبيه عازلتها اخذتها وسديت الباب فتحت كنتور الثاني اشتاقيت لعطر مؤتمن لكيت ملابسه امعلكهن سحبت قميصه اشتميت عطره اووف اشكد اشتاقيتلك ضليت اكلب ابملابسه

حسدت سماح على صبرها وتحملها الي خلاها ابحضنه لحد هسه واني بغبائي خليته يعوفني شلت الغتره مالته حضنتها سمعت خطواتها جايه ابسرعه رجعتها وسديت كنتوره طلعت لكيتها بالباب كالت ها شفتيها

--ايي هياتها اخذتها

--شوفي عمتي شتريد منج قبل لاتدخلين للحمام كالت خلي تجي

--وينها

--بالطارمه روحيلها

طلعت للطارمه شفتها بالحديقه واكفه اتعدل صاحت بيدج يلا اخذي الصونده وغسلي الطارمه ابسرعه

--عمه والله تعبانه

--يلاااااا لج ثواني واجي اسحلج بعد منهو توكفين ابضهره اذا ماجسرت ضهرج مااطلع ام مؤتمن

--يلا عاد اشلون جنت امدلله بعهده

اني ميته تعب وهاي طلعتلي صفح بس ماعاندتها اخذت الصونده وبلشت اغسل صارمتنه كولش جبيره واني نادره بهيج شغله غطيت بالمي لراسي سبحت ويه الطارمه كمت اطكطك من البرد كوه خلصت داادخل كلتها عمه خلصت

-- اي تعالي نضفي هاي يم الشجر صايره هوسه

--عمه والله اتبللت خلي ادخل اغير واجي

--من فهاوتج تعالي يلا نضفي ولي غيري

ميفيد لواضل اتجادل للصبح اتضل مصره كلت خلي اخلص فرد نوب رحت وياها اكرف ورد ليورا متت وبعده ماخالص اجت وراي واكفه تهاني تضحك بصوت عالي وتحجي ويه عمتي يااا والله نعسانه يعمه البارحه للصبح ماخلاني انام

رديت عليها تره كولش قديمه هاي شوفيلج غيرها

--لاحبيبتي القديمه يمج هاج شوفي

--عيع اشكد متستحين درت وجهي بس جذب مولانو المنضر ماعجبني لادخل بنص كلبي وهيه اتراويني اثار على ركبتها اريد اشتغل بعد مااعرف كمشتني الرجفه واني اسمعها اشلون تحجي ويه عمتي ميخيلها اتام وشلون يتغزل بيها وعمتي اترد الله يسعدكم ييمه بس جيبيلنا الفرخ واخليج تاج على روس النسوان اله اخليهن جوه رجليج يخدمن

استاهل اني الجبتها لروحي اشتغلي غزل وانتي ساكته اشلون جان امدللج يلا اكليها هسه

كملت اشلون مجان لان احس روحي بهتت من التعب كوه كمت افتح اعيوني اني غاطه بالطين والوصاخه لراسي وهمه اجو

ركضت اتلكته تهاني باسته من خده وسحبت ايده خلتها وره ضهرها ودخلو اصلا لاانتبهلي اويمكن شافني وماعبرني رحت كعدت على الدنكه بالحديقه تعابنه اجه مكرم كال هاخويه اشلونج شلت راسي تعبانه مابيه ارد اشرتله زينه

--هاج هذا العلاج استوه وصل

--شكرا

--غزل خويه اتحسين بشي ابروح اهلج اذا بيج شي كولي مابينه ركضه للمستشفى هسه

--لاوالله مابيه شي بس تعبت اشويه

--يلا دخلي جوه عليش هيج غاطه بالمي

--جنت دااغسل بالطارمه وين مصطفى

--بقى بالمصنع عنده شغل بعد يلا كومي لاتضلين اهنا كالها وراح دخل قبلي

رحت للغرفه بدلت حتى للحمام مابيه ادخل احس اعضامي اتصل من البرد اخذت العلاج ونمت اسمع هيفاء اتكعد بيه اكوم اتغده اشرتلها بعدين مااكدر عافتني وراحت

لليل واني على نومتي كعدت بس معدتي تحركني مااكدر اتحرك امبين صدك هذه العلاج قوي واني ماماكله كمت طلعت لكيتها الكل نايم اشكد لعد نايمه اني رحت للمطبخ جوعانه لكيت مصطفى يخابر ويضحك دخلت بدون لااحجي كال حيه الله النشامه انداريت لكيته يضحك ويباوعلي

--هلو مصطفى

--شكو تفترين بالمطبخ جنج بزون

--جوعانه

--اي والله ابروح اهلج سوينله مخلمه من مالتج الفاهيه

--لعد شنو ماتعشيت انته

--لاتعشيت ورجعت جعت تره الساعه 12

--عزاا لعد اشكد نمت يلا هسه اسوي

وكفت اسويه المخلمه اسمع يكلها لاوالله يمه غزل الثوله --اي نفس الجهره بالمصنع وبالبيت لاميتغير غثه --لله ياخذ صبوحه على هالتربى --يمعوده حاملي شنسوي يلا عندي كعده قبل السبعه ايي في امان الله

--منو هاي

--وانتي ثوله موش اتسمعيني اكلها يمه

--ممم

--غزل كملتي المخلمه لوبعدج تره طفيت

--خلصت

جبتها وخليتها على الميز بس ردت اكل ماكدرت احس معدتي تحركني كال بيج شي عليش متاكلين

--ماادري مااشتهي

--ديلا بس لفه لاتتمندلين

كوه اكلت ويا لكمه دخل مؤتمن كال شكو كاعدين

--والله اني جاي اتعشه وهسه داخل انام وهاي امتيها اهلها ماادري

كمت قبل لايوجهلي السؤال لان مااعرف شجاوبه ولااكدر اباوعله قبل لااطلع دخلت تهاني وهاي صايرتله مثل ضله مامصدكه بقالها وحدها

صاحت ويننن عيني نضفي المطبخ موهوستي

--الصبح انضفه

--لاحبيبتي هسه عمتي اذا كعدت الصبح اتضل تحجي متقبل المطبخ وصخ وصاختج تنسيها يم اهلج

مارديت لان ادري اتريد اطولها وياها ومؤتمن ضايج موبعيده يكتلني

رجعت شلت الاماعين وغسلتها مصطفى ماراح ضل امتانيني ومؤتمن اول مادخل للمطبخ طلع وراها على طول ليبره وهيه لحكته كملت تنضيفه على السريع وطلعت رحت للغرفه كعدت ماجايتني النعسه اباوع الساعه وحده ونص يعني هسه العصريات يم ماما خلي التهي وياها غيرت ملابسي واخذت الفون مالت هيفاء واتمددت اتصلت بيها ابسرعه ردت كالت هاماما وصلج العلاج

--ممم بس تعبت

--اي حبيبتي گال اول الايام تتعب وصلا راح اتعبين اكثر لان اهواي على عمرج

--لعد لويش دااخذه

--موعلمود اتخلصين من العمليه انطاج علاج بي نسبه منوم هذه يخفف ويخليج فتره نايمه علمود ترتاحين

--اي اليوم من الصبح لسه نايمه اكول لويش

--لاماما موزين هالكد اتنامين لازم تاكلين

--مااشتهي والله

--لج ماما جرعي الاكل كوه

--ماما والله داموت قهر كلتها وبجيت احس كلبي يوجني من اشوفه ماما

--عززا غزل ماما اتموتين ولج يوم هذه علاج للقلب مووكت حب هسه ولج بنتي لاتخوفيني لعد تركي لاتاخذين لويش ياحبيبتي هوه انتي اشفتي منه وحبيتي ياماما

--مااعرف بس داموت من اشوفه وياها وهيج مهتملها هسه اخذها وطلع بره يونسها

--يطبهم مرض عوفيهم حمدي ربج خلصتي ولج لومتورطه ويا بطفل طفلين اشلون حتكون حياتج اقلها هسه فارغه اتكبرين واتخذين واحد من مستواج واتنسي حبيبتي اذا تردين اتعيشين سعيده تاخذين واحد لومن مستواج لواحسن ياماما هذه مومن طبقتج راح اتعبين اهواي ويا ياحبيبتي لااتخلين بالي يمج ولج عقلي

--ماما والله موبيدي اني رافضته مااريد اكمل ويا بس كلبي ديوجعني عليه دااشتاقله

--هاي نزوه فتره مراهقه عاملج كم مره حلو وحجه كم كلمه خربط مخج بيها اتخيلتي روحج اتحبي بس تبتعدين عنه اشويه راح تنسي

--لعد مانسيتي بابا كل هالسنين لاتكولين نسيته تره جبيره اني واسمع عمو يتعارك وياج حتى يتمم زواجكم

--ابوج يختلف هذا حب عمري ومااذاني من ماسوالج مؤتمن يماما انتي اذا اتضلين هيج راح يوكف كلبج انسي اعتبري شي مره ابحياتج واتخطيتي

--هو هم هيج حروح يم عمه اضل

--اي حبيبتي احسن

--يلاماما لازم اسد لان حيطلع الصبح واسمع دخلو هسه واخد يلكفني

غلقته ويه ماما خليت راسي بس صوت شقاهه واصل يمي اسمعه يكلها صوتج بويه لايكعد احد وهيه تضحك اتكله شيلني

بويه بعدي خلي اصعد يمكن دتدفع بي لان اتكله شنو اشومتتحرك مودكول ذابه حيلي بيك وهو يرجع يصيح بيها يريدها تسكت

ضميت راسي جوه المخده مااريد اسمع صوتهم بس من سمعت صوتها وهيه اتكله مؤتمن مااصعد لمن اتشيلني وهو ضحك واستغفر

متت اختنكت اسمع خطواته على الدرج لاخطواته يدوس ابكلبي عصرت وجهي بالمخده عن لايطلع صوتي بجيت بقهر اريد ارتاح حيل بيه استاهل

اريد انسه منضره لوصوته ميرضن يرحن كمت ادور بالدوه وين هذه المنوم التكول على ماما اكثر العلاج اعرفه بس ذني اثنين مااعرفهن جدد ياهو القوي وياهو المنوم اخذتهن اثنينهن شيصير خلي يصير بلكي اخلص

صدك اقل من ربع ساعه وبعد مااحس

ثاني يوم الضهر يالله كعدت بس متكسره تعبانه كوه كمت احس الدنيا تفتر بيه طلعت بره صارت عمتي بوجهي صح النوم عيني بت فريال للضهاري نايمه متردين اجيبلج الاكل ليمج

--عمه تعبانه فدوه وخري

--ياااا ان امك يمؤتمن ولج اتطرديني

--عمه شطردج متكليلي والله تعبانه مداكدر حتى امشي

--روحي اتزقنبي وتعالي كنسي البيت واكو اهدوم وصخه هم غسليهن يلا

--تمام

رحت لامطبخ غسلت وجهي وحميت الجاي صبيت كوب كعدت ماااشتهي اكل دخلت سماح صباحو يحلوه

--هلو

--شنو شوصفره ولج

--مالي خلگ تعبانه وانوب وراي كومه شغل عمتج صار ساعه اتغرد

--عليش عيني متروح لذيج جنتها بعدها نايمه

--لاذيج لليل متصحى لان البارحه للصبح ويه مؤتمن يلعيون

--وانتي اشدراج ولج بسلا تجسسين عليهم غزيلان

--ولي بس صوتهم جان قوي ماخلوني انام

--لاحبيبتي موقوي بس هاي متقصده اتسمعج هو مؤتمن وينه وين الشقى بس هيه گوه تتحارش اتريد اطلع صوته حتى اتسمعين

--اصلا بالي مويمهم

--ديلا اتريكي وكومي امي خابرت كالت العصر اجي كملي شغلج بلكي الله يهدي يخليج ترحين وياها والله هيه فرحت من كلتلها

--يلا هسه اصلا مااشتهي هسه كمل على السريع شغل

رحت بلشت كرفت البيت كله احس ضهري طبك من التعب خلصت غسل الملابس نزلت السنيوره من فوك كالت اي همزين واكفه عالغساله هاج ملابس مؤتمن وياج

--تره انتي مرته اني شكو اغسلهن

--موماالحك اريد اطلع امواعدني بطلعه حبيبي

--اي لعد خلي يلبسهن وصخات ماطول طالع وياج هم يالله نفس الدزاين اطلعون

--غزززل لاتنعدلين ولاتتاادبين لمن تنكتلين اعرفج

--ولي لج انكتل غير اغطج بالغساله اطيح وصخج كله

صدك ولج متجين اخذلي فوم بيج بلكي طلع لونج

--لاحبيبتي انتي دخلي اني اسبحت ويه مؤتمن الصبح

--عيع اشكد متستحين هيج امور شخصيه المفروض متنحجي بس شنسوي للجهل

--ماكو جاهله غيرج ولج ابكد نعالي انتي وجايه اتكولين جاهله

--تره اكو فرق بين الجهل والجاهل يالغبيه

--عمممممه تعالي سمعي اشلون تتجاوز واتكولين مالج شغل بيها

هيه كالت عمه وذيج لبت النداء عزا اشلون عرمات وانوب عمتي اجت اتعد واتصف لوبيج حظ مااطلكتي لومتربايه عدل جاعرفتي مااتردين على الجبير وووو لمن كلتلها تره محجيت شي اشبيج

دخل مؤتمن صاح صوتجن شكووو

بدت تهاني تنعني وهو صافن ينزع بسترته شمر مفتاح السياره على الطبله وسترته يمها واجه احس كلبي يدك حيل اتوترت من قربه كالتله هاي الهوسه لان كلتلها ماطول واكفه على الغساله غسلي ملابسه

--اي وشنو

--يبووو غير طلعتني بت شوارع وغلط وسب

--بسج لغوه ويلا على غرفتج كالها وصعد اصلا لاباوعلي ولاعبرني

عفت الغساله واريد ارجع للغرفه صاحت عمتي اوكفي

--شكو عمه

--اتغسلين الملابس كلها

--مابيه حيل تعبانه

--وروح ابوي اصعد اصيحه واخلي يجنزج بالحزام انضبي وغسلي الملابس ابسرعه

مااهتميت عفتها اجت وراي سحبتني كالت مواحجي وياج وكفت بس هم ماحاجيته مااريد يطلع صوتي وينزل مره ثانيه لان كوه عاصره روحي خاصه من شفته صعد وياها

--يلاااا عالغساله واريد اشوف اشلون متغسليهن اصعد اشوفهم اشمعتازين انزل الكاهن مغسولات

سكتت كوه كمشت دمعتي عن لاتنزل حسيت بالهضمه تاكل ابروحي فتحت الغساله وشمرت الملابس وخليت زاهي وفريتها بس كوه امسيطره مااريد اتفشل وتنزل الدمعه

نزلت تهاني تركض بيدها بعد ملابس كالت ذني بطريقج يكول مؤتمن

شمرتهن وصعدت

طلعت ملابسه وخليت الوجبه الثانيه شفت حتى ملات النوم مالتها اغسل واعصر بروحي لحدمن اضل ساكته ومتحمله بس شنو بيدي الاسوي اي كلمه اكولها راح يكتلني لان متحمل ويريد مني بس احجي

كملت غسل بيهن الحركه احس روحي شايطه نزل امغير ملابسه وهيه هم مستعدين يطلعون دنك اخذ السويج امه كالتله يمه مااتغدينو

-- لانتغده بره يمكن انبات لايضل بالكم طلعو هيه حلكها شكاته وتركض ورا يعني ولايوم سواها وياي وطلعني كضاها كتل وحبسه وياي اقوه طلعه جانت للمستشفى ساحلني

اجت سماح كالت ها كملتي غسل لوبعدج خيه همي ايدج

--سماح احس طاقتي خلصت فدوه سكتي خلي اشر ذني مااكدر حتى اوكف

--غزل انتي جبتيها من ايدج سكتي احسن

--واني منجبه وساكته بس عتقوني وعلى شنو جبتها من ايدي شنو الشفته منه ولويش هيج ديسوي وياي خلاني اكره روحي حسسني بالنقص من صدك

--واشلون تردي يعاملج بعد ماهنتي وخليتي يطلكج غصبا عنه غزل تره العملتي ميتسولف

--وهاي سواني خدامه لمرته اني اشدخلني بكرهم لماما وهيج ديأذوني وخري سماح خلي اشر الملابس مابيه بعد احجي

شلت ملابسها اشرهن اشكد انقهرت على روحي رحت كعدت على الصبه وين جنت اشلون عايشه

اطلع العب مدرسه ونسه مولات صديقات احلام مستقبل كلها اتبخرت وصرت خدامه لمرت زوجي وهم موزوج بس انحسبت عليه زواجه طليقي

كلبي ينغزني حيل كمت للغرفه نسيت اخذ العلاج اليوم اخذته بس احس توازني مامضبوط بعد مااكدر افتح اعيوني شنو هذه ماما دزته اشو بس ينيمني وكطع شهيتي وفوكاها احس كلبي كام يوجعني لووجعه من مؤتمن

رحت لفراشي انسطرت احس سماح اتكعد بيه وصوت عمه يمي بس مااكدر اكوم النعاس امااثر عليه هنه هم ملن وكامن

ضليت على نومتي لثاني يوم كعدت امصدعه كبل لاحمام رحت اريد افيق شنو هالحاله العدي صارت ليش دوم مثل السكرانه سبحت وطلعت بس

ساعتين بالحمام اني اغسل بشعري من صدك كرهته اشكد صاير ممل ومتعب طلعت شفتهم استوهم داخلين شايلين كومه علاليك اخذتهن وصعدت وهوه حتى ماسلم راح للمطبخ الساعه جانت عشره راحت سماح ورا

رجعت للغرفه مشطت وشلت شعري طلعت اتريك دخلت للمطبخ لكيته ياكل ردت اطلع كلت من يخلص ادخل

عمتي. وين يلا عيني كملي ريوكج وطلعي نضفي الطارمه

سماح. تعالي خليتلج جبن تعالي ويانه ماطولنه نتريك

رحت كعدت عيني بالماعون ماشلتها صار 3 ايام مااكدر اكل مااعرف اشبيه كوه اكلت لكمه فركت كصتي احس راسي يفتر بعد مااخذ دوه هذا ثولني شكو عليهم مؤتمن وماما يجربون ابراسي علاجات

دخلت تهاني كعدت يمه راد يكوم بس عمه ام مكرم اجت امبينه بايته عدنه لان دخلت اتلف ابشيلتها سلمت وكعدت كالت وينج البارحه اكعد وانتي ماكو

--مااعرف عمه دنام اهواي ومدااحس على روحي يمكن العلاج بس منوم

--يلا ميخالف بلكي يفيدج

تهاني. بس مؤتمن يكول حالتها صعبه مااتصور تطلع منها

رفعت راسي متعجبه شنو ذوله ديحجون صارت عيني ابعينه شنو ضامي هو وماما عني لويش مصرين اخذ هيج علاج قوي

دنك عينه ابماعونه وعمتي كالت يمه اسم الله على ابنيت اخوي مابيج شي يعمه لاتخافين

--شنو مابيه شي اصلا ادري مابيه شي حجيته واني ارجف شنو الضامه من نبرت صوتي شال راسه باوعلي كال مالج شغل بالحجي بويه اصحى مني انتي

هزيت راسي بس احس مثل الواحد اخذ روحي كمت داعبر من يمه بس امشي بلاشعور كمش ايدي انداريت باوعتله كال لاتضلين اتفكرين وداعت عمي مابيج شي

هزيت راسي بس ادموعي غدرني نزلن سحبت ايدي وكملت مشتي حسيت صاعقه ضربتني دخلت للغرفه واسمع المطبخ اتكسر

وصوت مؤتمن وهو يضرب تهاني وعمتي كامشته وتتوسل يعوفها اهنا عرفت ضامين عليه شي

بس ماما اكدت مابيه اي هيه كالت اخوفه بس لويش دااتعب بهالشكل كعدت بالكاع يم الميز احس رجليه بعد متعيني لميت رجليه وخليت راسي بحضني انفتحت الباب ودخلت سماح كعدت كدامي

-- غزل هاي اتجذب تره لاتضلين اتفكرين

-- متجذب صدك دتحجي تدرين جنت اكول المؤتمن من اموت انته راح تغسلي لان اتغار متخلي احد يوصل يمي بس جنت اتشاقه جذب اخاف مااريد اموت كلتها وبجيت هيه حضنتني وبجت تتوسل اسكت اتكول واداعتج اتجذب اسمع الميز الي بالصاله انكسر وصعد الدرج حيل عرفته جان واكف يتسنط شنو احجي

سماح ضلت يمي اتسولف واجت عمتي فاتت وسدت الباب هم كعدت يمي سكتت وهنه غيرن السالفه سماح تحلف اتكول انتي اشلون ثوله واتصدكين بيها ولج مؤتمن يضم سر يم وحده مثل هاي ولج جا كلي وحتى لواني مااريد اكلج خومواشوفج هالكد تشتغلين واسكت واعرف مريضه جابينت واني ادافع عنج

عمتي. وداعت جهالي يعمه مابيج شي لاتوجعين كلبي عليج هاي من غلها هيج حجت لان اسمعها من اشويه اتكول لعمتها انحسبت عليه طلعه وهو گضاها بالعيادات يراجع بتقاريرها

سماح. اي والله حتى اجه فرحان كال ماعليها خطر وطعها طبيعي بس من سمهن لبالهن ماراح تتشافين يردن يقلقنج

ضلت عمتي وسماح يقنعني وغيرن السالفه صدك نسيت وضلنه انسولف بس احس روحي مختنكه

عمتي. ولج شلع خصله من شعرها اجت بيده شمرها ورجع جرها من الجهه الثانيه نسه لباله غزل بيده وشعرها قوي ميدري كامشله شعفه مال صخله بس تستاهل كلت خوش كتله طلعت الطلعه من خشم اهلها وانوب صعد مره ثانيه وراها كلت ماتت كوه سحبتها من ايده اخر نفس

سماح -يااا يمه ماخليتي يكتلها بلكي نخلص

--ولج يع جااحنه انخاف على مشاعر هاي انموت ذيج يلا يعمه هسه اكله بلكي يقبل تعالي وياي اهناك ونسيني

--والله الوا عمه صدك ضايجه

سماح. يااا واني اضل وحدي

--تعالي ويانا

--اي واجيب مؤتمن خومواخلي ويه الحيايه

--اكولج لويش متجيبين صبوحه خلي تكمل

عمه --غزيلان هاي امي

--يااا عمه والله انسه غير اتنبهيني وبعدين وين لاكيه واحد يدلعها مثلي

--اكو الفرده الثانيه مالتج مصطفى

--هههه والله مشتاقتله صار يوم مشايفته

--يمه اني اخذ واحد منكم انتو ملحه البيت واني بيتي فاهي ميصير بيت بي ا2 وابيت ماكو

--اي عمه اخذيني صفاوي خلي يونس بيبي

--ياخوفي من كثر ونستها يجلطها خلي اكوم اشوف مؤتمن بلكي الله يهدي

كامت طلعت واحنه هم كمنه كالت يلا لاتتكسلين طلعي وياي طلعنه للمطبخ وكفت اساعدها بالاماعين وهيه ايد وياي وايد بالطبخ

هيفاء خطيه للخبز بالبرد طالعه بره تخبز دخلت عمتي ام مكرم كالبه خلتها امبين مؤتمن امسمعها حجي

اشويه ودخل وراها جان يخابر بس امبين المتصل ويا غاثه بالحجي وصل يمي انطاني الفون كال هاج هاي امج وياج

دفعته وانداريت على السنك

--يابه هاي امج اخذيها اتاكدي من الحجي اخاف اتكولين اجذب ساليها شنو التحاليل

--ماكو داعي اثنينكم نفس الطينه والاذيه وطحيت بينكم سديت البوري وخرت من يمي دااطلع من المطبخ مااسمعت غير ركع الفون فلشه وطلع لبره

عزا متت بدمي لبالي ركعه بيه انداريت لكيته امفلشه بالطباخ مكسوره جامت الطباخ هسه شيخلصه من عمه بعد سماح اتنافخ وكعدت اتلم الكزاز شخط سيارته وطلع

عمتي. عليش ييمه ماخابرتي امج

--عوفج من امي ذوله اثنينهم جذابين تره نفس الخلقه متعرفين ياهوه اليحجي صدك وياهو اليجذب كليلي قبل اروح وياج

--لاوالله يكول ماتطلع للباب بس المهم

--بس للكبر مو حلو خوش حظ عندي

--يمه دعوفج من الموت اشجلبتي بي تعالي شوفي هاي الفوك نايمه تنزف مااعرف اشبيها

--مابيها شي مؤتمن كتلها وهسه تطلع حامل واتسقط يعني موجديده عليه ويكول لويش ميصير عنده جهال هوه خبل وشامرها ابراس النسوان

--هسه اني ادري اشبي هالولد ايده والضرب ميبطل هالحاله

--مومالاكي احد يرده

--يااا والله اذا عرفو اهلها غير يلعبون ابحاله بس هوه ميكعد لو يعرف وراها جتله هم يضرب

--لعد عوفي خلي يفش غله بيها لويش اتخلي ضايج خطيه

--يلا جااني اتوكل للبيت ماطول ماتجين وياي هسه مكرم على جيه

سماح. اوكي يمه خلي اطبلكم تاخذين وياج

متلحكين تطبخين وخطيه يجي جوعان

عفتها اتصب ورحت يم هيفاء اشكد هادء وحبابه وكفت الم الخبز وياها خلصت كعدت يمها اسولف

اجت عمتي وكفت يمنه كالت خبرت مكرم يجي يتغده اهنايه ويه مؤتمن كعدت يمي اريد افتح اعيوني مااكدر يمكن ضعف لان مااكل هنه يسولفن واني بغير عالم افرك ابراسي احس الدنيا ادور

نسمع ترحيب حي لله بالجانه اندارينه شفنه العرافه حيلل من اشوكت ماجايه راحت لبيبي سلمت ضليت على كعدتي مااتحركت لان شمس حلوه وهاي كمت اخاف منها حجيها صدك راح اتضل تاكل ابعقلي اشويه واجت يمنه سلمت وفرشت بالكاع كعدت ضلت عمه اتسولف وياها ويضحكن

هيفاء. شوفيلي بختي

--تعالي يحلوه كعدي وشمري الحصوات

-- بختج كدامج بس بي روح ضحيه

--منهو واشوكت قبل البخت لوبعده

--لابعده ومن الگريب عينج بي وماهو بعيد النصيب يصيب مامنه مفر

المشكله هاي العرافه تحجي الغاز مااعرف شنو بس هنه يمكن يفتهمن عليها

طلعت تهاني تركض لعد

-- موكالو مريضه وتنزف اشو مابيها شي

هيفاء. دشوفي وجها بعد سنه ميرد لوضعه شوفي اشكد تنطيها افلوس ولج

--من الاجلح اخوج قابل من بيت ابوها

--سكتي خلي نسمع شنهو تحجي وياها

العرافه. اعمالج سوده لاتطيحين بيها

--يا ومنيلي عمل اسود اسم الله

ماردت العرافه عليها كالتلها جايج خبرين حلوات بالطريج

--الله بسمع منج الج الحلاوه

-- بس هنه موش من نصيبج لاتفرحين چثير

--يع خوفتيني عليش موش من نصيبي

--الشر مايدوم يبنيتي بطلي التعملي ماراح يطول چثير الكلب عشك الغير والعشك بس الموت يهوده

--لايتهود لاتخافين وموبس اهوده حتى امحي كالتها وكامت

العرافه باوعتلي كالت تعالي اشرتلها

--لامااريد عوفيني فدوه

هيه هم شافتني ماراغبه بطلت ضلت عمتي كاعده يمها اتسولف لحدما دخلو الولد اجه مكرم ومصطفى شافوها ضحكو

مكرم. لازم خلصن افلوسج الي لفيته اهنا

-- تعال جاي اشوفلك بختك

--لابختي امبين ميعتاز تشوفي كالها و كعد اشويه عني

بس مصطفى اتربع يمها كلها عوفج منه شوفيلي الي

شمر الحصو وهيه تقراله يمه قسمتك امعتره راح اتعبك بس اتضل وراك اتماطل اتحصل تتهاون اتروح منك عينك بعيده وگلبك يتكلب عگلك موش هنا

--حلو هاي عرفناها عوفج منها متسويلي استداع لعزرائيل كله ناسيلك وحده اهنا

عمتي ضربته بحجاره كلتله ولك ابيش طالب المره كم طفر من مكانه يضحك اندارلي كال يالثوله اكيد بختج مثل وجهج

--ماشفته

--لاكومي ولج خلي نضحك

--ميحتاج اضحك على روحك بختث امعتر دتكلك

--جاهوه اليشوف وجهج ميتعثر بخته كومي يلا اني ادفع

--والله اخاف هاي شنو اتكول يطلع صدك مرتين اجيت اموت كالت دمج بيده وصدك جان متت بيده

--يلا حلت الشغله وبعدج عايشه دكومي ولاتصدكين بهيج خرافه تره جاي نصحك كومي تعالي خلي اشوف هالمره بيدمن راح اطيحين

ضل يلح لمن كمت كعدت يمها فرشت الحصو بس احس التحجي صدك اباوع لحلكها شنو حتكول هالمره خايفه من كلامها باوعت

وشالت راسها كالت كلبج هودتي والعملتي صح بعدي اشكد متكدرين كربج نهايه

رجعت دنكت وشالت راسها رادت اتكمل عكدت حاجبها وسكتت

باوعت شفتها اتباوع وراي كالت خلص كومي

--شنو اكوم شنو دشوفين تره خوفتيني

--كومي كومي مااشوف شي

كمت لان متقبل تحجي انداريت شفت مؤتمن وكف يورث جكارته على جهه

شنو شافت وهو سكتها لويش يخاف من جيتها يمكن تعرف عنه اشياء رحت كعدت يم مكرم صافنه كال يخويه لاتخلين ابالج كلها خرافات هاي يسموها بالديره نذيرت الشوم ادور مصايب

--لعد كالتلي مرتين وطلع صدك

--صدفت

--مااعرف بس شنو تقصد نهايه

--امبينه تتعاركن انتي وتهاني وحده تضرب الثانيه سجيه وتولن سوه

مصطفى. منهو هاي الفاهيه تكتل ولك كل قوتها جفجير

همه يضحكون واني بغير عالم صافنه اجه مؤتمن كلها يلا لمي شغلاتج واتوكلي واذا لمحت ضلج اهنا ميصير خير جان واكف يحجي وياها بتهديد هيه هم لمت غراضها وكامت كالته كليبك بيدي ماراح اخليك توصل صوبه لمن تشوف الندم بعيونك

--عود سهلا يلااا اتوكلي وبعد لاتجين

--انتى برجليك راح تدوس بساطي بديك دم بس راح تتعب چثييير كالتها وطلعت ابسرعه

عمه. اشبيك وياها ليش هيج خطيه المره تسترزق قابل صدك التحجي نعرفه جذب بس انكول خطيه انماشيها وننطيها كم دينار

--عمه اكو ثولان ياخذون بحجيها بعد ممنوع اشوفها اهنا

عاف عمه تحجي وراح جوه لحكته تهاني دخلت ورا ولااتكول مكتوله عزا اشكد كرامه ماعدها صار وكت الغده دخلنه جوه كالعاده مااكدر اكل كوه لكمه وحده

لااكدر احجي ويه مؤتمن يشوفلي العلاج شنو يم ودكتور ثاني ولااكدر اسكت وفوك هذه كله كاعد كدامي وهيه اتفلس الحم واتخليله بماعونه ياكل اووف اشلون قهر ذوله وهوه مااعرف شتهمس وتضحك جان يكتفي بالابتسامه ميضحك

مصطفى اشرلي اشبيج هزيت راسي ماكو شي وقررت بعد مااكعد اكبالهم واكل عليمن هالحركان الدم الااني بي على شنو

كملنه اكل وكبل لغرفت هيفاء الايام اتمر على السريع كم مره خبرت ماما على العلاج اتكول لازم تاخذي بس كون تاكلين

سماح خطيه مامقصره كامت اتجيبلي اكل للغرفه تدري بيه مااكل بره دخلت بيدها علاكه اشكبرها شهكتني ولج شسوي بيها صدك دتحجين هنه ذنيج بعدهن

--موش مني خيه ابحالج اني هاي مصطفى دزهن كال كون ارد بليل واشوفهن بعدهن ماماكولات حتى احط راسها بجيس الجبس واخنكها

--خلي يطير البارحه مكرم جابلي خطيه ولسه بعدهن مااشتهي كوه اكلت نستله صدك وين تهاني شومالها صوت

--طلعو عدهم شغل هيه ومؤتمن

--قصدج اخذها يونسها

--تره مؤتمن من زمان هاي طبيعته يحب يطلع جنه اني ويا دائما هيج بس من اجيتي انتي بطل الطلعات على عينج يمكن ميريدج اتشوفين احد اخاف اتحسين بفرق العمر البينكم وتضوجين

--ماادري ليش هيج يحس مع العلم موكلش اهواي اكبر مني هو 15 سنه وهذا الشي عادي بس هوه يحسه اهواي

--موش يشوفه اهواي بس يشوفج انتي ماطايقته جان دوم عاصر روحه لاتعيري خايف اتركي ابسبب هيج سالفه ديلا كومي خلي انكمل شغل قبل لاتجي عمتي وتضل اتعيط

النهار دك شغل بس صحتي جاي تتراجع ماما اكدتلي اول الايام تتراجع صحتي وبعدين اتعود بس مجاي اشوف اي تحسن بالعكس دتزود حالتي مااعرف بس عندي احساس ماما راح تنتقم من مؤتمن بيه احس روحي عايشه ابغابه والكل يستعملني اداة للانتقام

اغسل بالطارمه وعمه اتصيح وراي عيديها يالعوجه هذا هم شغل

--عمه كوه دااسحل وانتي واكفه على راسي فدوه رحميني

سماح. جيبي خيه اني اكمل

عمه. لاع اتكملها واتعيدها غصبا عنها وخلي اشوف اتعارض حتى ادوس راسها

--لعد وين تهاني عمه تره ميصير احنه نكرف وهيه اربعه وعشرين ساعه نايمه

--بعد عمتهه تعبانه ضهرها يوجعها اضن البالي صار هيج وكون صدك غير نذر اطش جكليت بالديره كلها

--امم مو راح يجيكم توم اكروز هو ابن تهاني ومؤتمن محترك مثلهم اكيد يلا خلصت بعد مااعيد لان النفس كوه اسحبه

--وييين تردين للديوانيه عدل نضفيها اريدها تبرج وحتى البردات تنغسل احسن مااغسل حضج

-- عمه والله تعبانه

--غزززل عليش اتخليني اروح لجدتج واخلها اتكسر العصه على راسج اشتغلي وانكتمي يلا

سكت اخذت ادوات التنضيف وابوجهي عالديوانيه لان ميفيد الحجي

دخلت اباوعها اشكبرها هسه هاي اشوكت اخلص منها وانوب اتريدني انزل برداتها اغسلهن طلعت جبت الدرج خليته صعدت نزلتهن ذبيتهن بالغسلاله بين مااكمل كنس كملت بطلاع الروح مسحت طبلاته وعفت الفراش مافرشته كلت اروح اشر البردات وارجع طلعت اشر البردات دخل مكرم يصيح منو جانت بالمضيف

--اني لويش

--وين البردات

--غسلتهن هياتهن دااشر

--خره بوجهج ولج جاينه عالم وكت غسلج

--لعد اشعرفني عمتي كالتي

--ياعمتج ولج من الصبح امنبه اتكملو كلت جاينه خطار ياعالممم يانااااااسسس

--لعد والله مكالتلي

--ديحيبهن

اجه سحلهن وراح يركض يعلكهن هنه مبللات دخل احمد ناطه اعصابه اجه يمي سحني من شعري كال من يمته صرتي نضيفه لوتردين اتفشلينه

--لعد والله عمتي كالتي مااعرف

--غززززل غزززل انتي اذا ماطلعينه سالفه يوميه فاضحتنه بيها مترتاحين مشي ولي اذا لكيتج جايه ناحيه الديوانيه مره ثانيه اطيح حضج دفعتي وراح يركض يعدل ويه مكرم

مؤتمن جان واكف يباوع بس ماحجه خال اديه بجيوبه وصافن

رحت للمطبخ ابجي فوك ماانضف انكتل نسوانهم نايمه واني اكرب فوكاها يهينوني ويكتلني اشوفهم يتراكضون منو الجاي وهيج مسبين هيفاء شافتني كالت غزل حبابه سكتي موزين عليج تبجين

--هيفاء روحي طالعه فدوه عوفيني

--والله ميشوفون كدامهم اذا عصبو وانتي الله يسلمج فاهيه ابشغلج ساعه يالله اتكملين الشي وهسه جايه شيخ علوان هذه جبير ويحسبوله الف احساب من الصبح نبه علينه انحضر الديوانيه اجو لكوج كالبتها وموخره البرده طبعا يتخبلون

--لعد اشعرفني هاي امج ورطتني

--مسحي ادموعج وتعالي حضري وياي الضيافه حبابه

رحت وياها بس كلبي ياكلني من القهر حضرنه الضيافه والكهوه وووو اهواي اشياء اتكول جايه وزير الداخليه مو شيخ دخل مكرم اخذ الضايفه ومؤتمن ورا داناوش المكرم صار كدامي اخذهن مني جان يباوع لعيوني يريد يشوفني باجيه لولا بس ماحجه دنك وطلع

ضليته بالطبخ اخاف واحد يعتاز شي بس احس راسي يفتر كمت اخذت العلاج ورجعت للمطبخ بلكي بهدء

ييي علما طلع الشيخ متنه داخلين انذار ويااا نزلت من فوك تهاني نورت البيت راحت جهت الصاله

لفيت شعري شلتله وكملت غسل الاماعين على السريع لان بعد رجليه متشيلني وطلعت من المطبخ لكيت مؤتمن كاعد على القنفه وكدامه تهاني جان ضهرها الي ماسمعت اشكالتله لان جنت بالمطبخ بس من طلعت صار بوجهي مؤتمن وهو غمزلها ويضحك اجت ابوجهي ابسرعه دنكت سويت روحي مامنتبها هوه هم دنك بس جذب اذا ماانتبهت جان امنيتي اخلي سجينه ابكلبه واخلص منه

رحت الغرفه بيبي بس اغلي غلي كعدت يمها كالت شكو كاعده متكومين اتشوفيلج شغله

--عتقوني راح اموتتت

--ياع واشبيج اتموتين

--بيبي اني موحفيدتج لويش اتكرهيني هالكد

--اني اكرهن امج وعبن نسله مثلها مينراد خذت ابني ودولبته خلتي يروح مني

--لعد اني اشدخلني بكل هالمصايب

--انتي بزرتها نفس الطينه الخبيثه

--استغفر الله خليت راسي على القريوله مال جدو غمضت مااكدر اجاوبها روحي احسهه تنسحب مني مؤتمن ابعيني اشوفه مغمضه ومفتحه

شنو ديصيرلي مو دشوفي اشلون يضحك لمرته بعد شنو غزل ليش ماكو احساس وكرامه عوفي لحدمن اتضلين تحتركين

دخل مصطفى كال كومي سوي مجال اريد اكعد

--مصطفى مااكدر فدوه شوفلك مكان

--اشمالج يخوي

--ماادري بس تعبانه هذا العلاج ديموتني

صاحت بيبي متموتين مثل امج صل

--امني حموت ماضل شي لاتشيلين هم داحس قربة الشغله بس والله ضلم انتي عايشه واني اموت

--ياع شوف البت بيش طالبتني مال المرض

--هو هذا المرض دياكل بيه ميعتاز تدعين

جنت احجي كوه فاتحه اعيوني احس طاقتي خلصت

مصطفى. كومي ادويج للمستشفى عليش باقيه هيج حالتج

--ميعتاز اتخسر روحك روح لخوك كله اشكد باقيلي علمود اتحضرون ارواحكم ولو اشك اتسوولي فاتحه

--غزززل خويه كولي يالله

مارديت غمضت النوم غلب عليه

اسمع حس مؤتمن يم بيبي اجه غطاني وكعد يمها

مصطفى يكله راح احجزلها يم واحد زين مااتضل خو هيج

--ننتضر كم يوم ونشوف وعلاجها قوي شي اكيد تتعب

وكت الغده والعشه اروح الغرفة هيفاء مااريد اشوفه اصلا اختصرت شوفاته الي كلش اهواي لان احترك من اشوفه خاصه من توكف يمه لو اتحجي وتضحك ويا الموت اهون الي بالنهار دك شغل وكرف

تجي عمه ام مكرم جانت ماراضيه على الوضعيه بس متكدر تحجي اتشوفني اشلون اكرب كم مره شكت لمؤتمن ورادتني اروح وياها بس مااعرفت شنو جوابه جان لان عمه تطلع من يمه مغثوثه

اليوم راحو يحللون اجت طايره طلعت حامل

وبيبي طارت بعد متشيلها الكاع حتى الاكل كامت سماح اتصعده الها فوك بعد متنزل وملابسها اتنزلهن نغسلهن وابن ابو اليحجي لو تعترض ملابسي خفاف وصار كم يوم اكول اريد اجيب غراضي من فوك بس هوه قافل ممنوع احد يصعد كوه قنعت سماح تصعد اتكله ماطوله فوك كتلني البرد

راحت صعدت اشويه وانزلت بيدها المفتاح كالت هاج ومن اتخلصين جيبي اني ارده لاترحين غرفتهم

اخذته وصعدت فوك دخلت لغرفتي حييل صار اشكد مداخلتها سديت الباب وكعدت اشكد مشتاقتلها

لاوالله مشتاقه لايامي ويه مؤتمن كلبي قبظني منها حسيت بشتياق جان كافي بقتلي غزل وياها هسه انسي كافي مونساج وانتي ردتيها

لااني ردته الي وحدي الغيره خلتني هيج اتصرف ماردت اتشاركتني وحده بي جان تصرف اناني مني بس ماعرفت راح اخسره للابد بهذه تصرفي

مسحت ادموعي وكمت

اخذت الاشياء الاريدها كل شي اشيله جان اله ذكره بي لعابتي على الجربايه خليتها مكانها ماشلتها

ماردت ذكره منه اباوع للغرفه شنو شفت بيج فرح حزن الم سعاده اشتياق اول مره احس بكرهك واول مره ينبض كلبي الك اهنا

خلص اسد باب كلبي ويه سدت باب الغرفه مؤتمن انتهى من حياتي

انسي وعيشي غزل مثل ماهو عايش وفرحان اباابنه ومتاني يوم يوم حتى الغرفه راح يحولها اله بعد حتى ذكرى الج ويا ماكو

طلعت وسديت الباب صارت ابوجهي باب غرفته جانت مفتوحه

وعرفتها متعمده هيج سوت جان واكف ينكث بشعره طالع من الحمام وهيه بملابس النوم اتريد تدخل للحمام

شافني ابسرعه اجه للباب يريد يسدها جانت نضراته الي مااعرف افسرها بس حسيت اخذت كلبي

دنكت وكملت طريقي صرت قريبه من الباب شمرت المفتاح يم بابه عصرت روحي وتعديته وهو اسمعه سد الباب بس بعديش لمن زرفت كلبي نزلت جوه على غرفه هيفاء شمرت غراضي وكعدت اريد اهدء

لااريد اكسر اريد اصرخ اريد اطلع قهر گلبي

الله ينتقم منك مؤتمن

مر 3 ايام واني مااطلع من الغرفه بس اشتغل واعرف اشوكت جيته ادخل فبل لايجي مااريد اشوف وجهه

كم مره اجت هيفاء اتكول جدو يصيحلج بس اعرفه هو كاعد يمه وهو الي يدزها مااطلع

بليل متمددين اني وهيفاء نسولف جابت طاريهم وسالتني كالت غزل اذا اتقدملج احد اتوافقين

--مااعرف هذه السؤال اتكولي لخوج مو الي

--لاالبارحه جدي كله رجعها لذمتك لاتخليها هيج امعلكه رد كله عليش امعلكه اذا عليه اني بعد مااريدها يجي نصيبها انطوها

--هو هيج كال الله عليج

--اي والله حتى جدي اكد علي كله موتجي تعترض وكتها اتخلص العده ازوجها كله لامااعترض غزل متصيرلي مره بعد

--تمام لعد خلي يجي نصيبي واشوف هالمره شنو حيكون ههههه هذه الثالث خرب بحظي

--اي حظ ناس 3 واناس حسره عليها الواحد

--ولج اشحصلت من الثلاثه هوه اخوج وشبعت كتل جابني سحل من الشمال للبصره من كفشتي تره ينضرب بيه المثل من يكولون نسحل بيك العراق كله قصدهم عليه اني طبقتها

--ههههه بس ميخالف اقلها انحضنتي مرتين

--اي والله لويش الجذب بس والدفو والعنف جانن يختلفن خلي اشوف الثالث اشلونه

--يعني سيف هم جان يحضنج

--ووو كومه كم مره يلكفني وكوه افلت من ادي

--اشوكت مكرم يلكفني وهيج احس

--عيع ولج والله احساس مقرف موحلو

--لامكرم يختلف اوووف بس خلي يسويها حلو موحلو قابله

--شكلج مورثه على الاخر نامي كمت اخاف على روحي وياج

--هاج هاذي امج تتصل

كمت اخذته وضليت اسولف ويه ماما سالتني عن صحتي كلتلها تمام ردت لعد شومؤتمن خبصني يكول هذه الدكتور يمكن ازمال صحتها دترجع ليوره

--اشوكت كلج

--البارحه اتصل وضل يسب ويغلط كال مجاي تصحى التقارير اتكول شكل وهيه حالتها ترجع ليوره راح اخليها تترك العلاج واعالجها اهنا بلكي تصحى

--لاماما مالج شغل بي بس احس مرات بدوخه وهاي صار كم يوم مااطلع من الغرفه لباله مريضه عوفج منه

--لعد رحت للدكتور وحجيت ويا خابر مؤتمن وراح يحجزلج يمكم وينطي تعلمات علمود تتعالجين اهناك

--عوفي مالج شغل بي لااروح ولا اجي خلي يطفر وحده عالاساس خايف عليه استغفر الله

--لويش اكو شي جديد

--لاماكو على وضعنه بس كايل لجدو اذا اجه نصيبها انطيها

--حلو سيف يجي للعراق ويخطبج خلي انشوف ابو النصيب شيكول

--ههههه علمود طلقه ابراسنه يخليها سوه ميخسر اكثر يوكفنا واحد وره الخ ويضربها

--لويش عيني موميريدج بعد شنو والله اليسمعه البارحه اشلون يحجي بحركه ويسب ميكول هيج كايل

--مودااكلج عوفج منه هذا واحد عقله طاير يلا ماما لازم اغلق لان اخاف احد يلزمنه

غلقته لان اشرتلي هيفاء كالت اسمع صوت بس والله افكار ماما جهنميه ارجع لسيف اي شنو ولويش لا خرب غير ينجلط مكانه

اتعده اليوم وهم ماطلعت خلصت شغلي ودخلت اول ماشفت سيارته وكفت يم الباب هيج احب ادقه خلي اشوفه شيسوي لليل وجدو صاحلي كال خلي تجي تتعشه ويانه

بعد مابيها مجال لان كالو عصب كمت غيرت ملابس وطلعت رحت سلمت لكيته كاعد بيده سبحه ومدنك بلعب بيها بس اشوفه متوتر

كعدت يم جدو سالني عن صحتي اشرتله زينه

--تعتازين نحجزلج يم دكتور بويه

--لاجدو ماعندي شي بس دوخه واشويه احس نغزه تجي واتروح مرات اتعب يعني قليل بس من اشتغل اهواي

--اي شي اتحسين بي كولي لاتضلين ساكته وعليش وجهج اصفر وين راحت الاخدود المورده

--ترجع جدو بس يخلص العلاج

كام مؤتمن يغسل اديه واجت تهاني كعدت مقابيلي تحجي ويه مصطفى بس مصطفى جان خازرها يريدها تسكت وهيه مستمره

لمن كالت لجدي ماضل شي عن السفر كمل مؤتمن كل الاجرائات وحتى الفيزه طلعت

شلت راسي شنو دتحجي هاي شفت مؤتمن واكف كدامنه ادي بجيوبه ايباوعلي خايف من ردفعلي

دنكت كوه حبست الدمعه جدو يلكها بيها الخير وتوصلون سالمين بلكي اتحصلون اقامه مينشلع كلبكم

اي جدي وابني يصير اجنبي وبعد منتحاجه وياكم

هاي الاحجايه جانت كافيه بكتلي--

العشرين من هنا

تعديل المقال