رواية الهجرس الفصل الثامن عشر 18 بقلم رواء هادي
خليت ايدي فوك النقطة اريد اشغله هو تعصب وجر ايدي ولزكني بالحايط بيد وحده مخليها فوك صدري متت من الخوف حتى تلفوني وكعته بالكاع .
سديت اعيوني بخوف كلمة وحدة ماطلعت من الساني حسيت بي أقترب لعندي أكثر وشال ايده فزيت من أنفاسه الحارة ضربت بوجهي فتحت اعيوني بسرعة
والصدمة لي قريب كلش جان ماتفصل بيناتنه سوى خطوة وحدة راسن اجت بالي يوم التحرش بي قترب أكثر عبالك يريد يبوسني بسرعة رفعت
ايديه وخليتهم على صدره تدفع بي "
عليك الله لا عوفني.. والله بعد ماحجي وياك
وازعجك عوفني لتقترب
ادفع بي كل قوتي هو صافن بوجهي واكف مثل التمثال ماعرف شبي خفت لايعيد لسوه بي هذيج الليلة كمت
ابجي واتوسل بي ويعوفني
لزم ايديه باثنين ايديه قوي ولزك ظهري بالحايط وايديه هم قترب مني وهمس بنص وجي "
_مو ترديني تحملي قربي
_ماريدك عوفني
_ترديني ومن صغرج تحلمين بي
_من صغري اي بس هسه لا عوفني عليك الله ااااه دا توجعني هجرس اااه عوفني شبيك ماتسمع
لتقترب عليك الله
قترب أكثر وشم خدي قوي سديت اعيوني ونزلوا دموعي بكل حركة عبالك ماي حار ونزل على خدودي مو دموع بلعت ريجي من همس وكال.
_انتي طعمج غير عن طعم حنين بيج شي مميز يخلي الواحد ينسطر من يباوعلج ويفقد
من يقتربلج
_ كافي لعبت نفسي كافي
باس خدي بخفه وراها رجع همس بأذاني "
محتمل إذا شفتج كدامي كل يوم
ماضمن نفسي.
رجع نزل على اركبتي شمها وكال"
سلي مال الفج بحضني لصبح بس ااخخ
من اهلج وأهلي
فريت راسي بقوى وصرت احرك بيديه قوي اريد اخلص منه ماتوقعت بي هيج نذل
واناني وحقير"
_ توخر عني لو اصيح عليهم ولك كلب
عوفنييي عوفنييي
توني ردت اصيح سكتني بوسة من اشفايفي اكل بيهن شفايفي اكل بقيت مصدومة وفاتحة اعيوني ماتوقعت توصل وياه لهاي المواصيل ويتحرش بي بنص
بيته بعد عني وكال بأبتسامة "
بوية مو طعم بيج الا بشدة
عافني ومشى وأني لحد الأن مامستوعبة لصار وياي انزلقت للكاع مصدومة أني بحلم لو بعلم هجرس يتحرش بي وبكامل وعية لا مستحيل
هو مو من هذا النوع ؟ .
فترة قصيرة استوعبت لي جاي يصير وياي واني بواقع مو بحلم خيالي " نزلوا دموعي بسرعة خليت ايديه على رأسي تندمت بكد شعر رأسي
علمود سامحته على السواه بي قبل وتحرش بي وراد يغتصبني اكيد هم جان بوعيه بس مثل علينا هو مو بوعية مثل هسه بكامل وعية وتحرش .
ويحجي الفاض .... محلوة وماتليق بي مسحت دموعي بسرعة نزلت شلت تلفوني بيدي وقررت أنزل افضحه كدام أهلي واكول لابوي عنه
واكوله شسوه بي من بتت عدهم راد يغتصبني واخوي مجاب طاري ولا كال أخذ بكلام جديتي حلوة وجدي موسى توني وصلت نهاية الدرج
ودا أنزل فتحت اعيوني بصدمة من شخص حضني من وره ظهري وسد حلكي وشالني بحضنه التلفون وكع من ايدي مرة الثانية فوك الدرج صرت
اضرب بي اريده يعوفني مشى بي من مشى بي تخبلت خبال وتاكدت هو رجع لعندي مرة ثانية اون بصوت عالي
وانادي على اهلي يجون
يخلصوني منه .
دخل بي للغرفة وسد الباب برجله صرت اضرب بي كل قوتي واخرمش بيديه باظافري رايده يعوفني هو حاكم قبضته نزل رأسه يم اذاني وهمس
_كلمة منج انهيج سلسبيل
سديت اعيوني بستسلام شكد احاول اخلص من قبضته مستحيل ومن سابع المستحيلات اخلص نزلوا دموعي بحركة ولعنت نفسي ألف مرة
على ثقتي بي وغبائي الزايد لخلاني أوثق بي وانسى كلشي جان يسوي بي بالماضي اني ماشفت منه شي حلو علمود هلكد احبه ومتأثرة بحبه
وجني دجاجة عمية واركض وراه من مكان المكان حتى وكفت نصيبي ودا ارفض اي رجال يتقدملي علموده خابت كل امالي وتحطمت كل احلامي
كدامي بلحظة وحدة .
رجع همس باذاني "
اريد احجي وياج بموضوع مهم راح اشيل ايدي واريدج تصيرين حبابة وماتحجين ولا تعيطين...
..ماشي لعابتي
خفت كلش من كلامه وجان يحجي بثقه هزيت رأسي عود ماحجي والله شم وره أذاني بقوة ورد زفر حسيت جسمي كله قشعر وهتز بدني بالكامل اول مرة
يقتربلي رجال ....شعور يخوف قلبي انقبض حركت جسمي بين أيديه رجع باس خدي بخفه وكال بهمس "
ماينشبع منج سلي من ودي افتح صدري
واضمج بي لاخر يوم بعمري .
بلعت ريجي ودموعي ... تصب عشرة على عشرة اريده يبتعد عني هو قافل ويتحرش بي بكيفه عبالك دمية كدامة مو بني آدمية ومحرمة عليه .
شال أيده من أعلى حلكي وشال ايده الثانية من أعلى خصري وكال " صوتج ماسمعه مفهوم لعابتي
بعدت عنه بسرعة البرق وكفت يم البردة من ودي افتح الشباك واطفر لبره من الخوف بقيت منطيته ظهري
وابجي ماتجرأ اندار واباوعله
بعد لسواه بي فزيت من سمعت صوته كال"
نداريلي خل اكحل اعيوني بشوفتج لعابتي...
لعابتي مو احجي وياج اندري ..
_واخر عني ..
_ماوخر بعد ابد لازك بيج
_شتريد مني
_مو انا لاريد أنتي الي تردين
_شريد اني ؟
_ترديني وانا جاي اساعدج تحصلين علية .
هنا ماتحملت ونداريت عليه شمدري أني اريده واحبه نداريت وعساني مامنداره جان كاعد فوك الكرسي مخلي رجل فوك رجل ويباوعلي بمتعة .
_ اعيونج صاروا أحلى بعد ماغسلتهم الدموع
_الله يأخذك ليش هيج تسوي بي شسويتلك اني هاي جزاتي فوك ماوكف وياك وساندك هيج تردلي
الجميل بالتحرش
_والله مو بيدي لبي مايخليني
_وشبيك رب الكعبة الأسد ياكل بيك سنة ماتخلص ماتخجل على نفسك تتحرش بت قاربك اللي اهلها واثقين بيك ومحترميك
وهي محترمتك وتحبك
_هو هذا السبب تحبيني
_حبي لك غير لتفكر بي
_حبج لي مثل حبي الحنين وأكثر مهما حاولتي تنكرين وتضمين تره اعيونج تحجي كلشي وافعالج تأكد
كلشي فل لتحاولين تنكرين
_ماحبك وهاي أني ويه الكل لطيفة وحنونه
_وياي غير
_ ربي اخذني وخلصني
_آمين
من كال آمين ردت اموت من القهر وفوك كلشي متأكد أني أحبه ياربي هذا شلون عرف لا ونوب يحجي بكل ثقة مسحت دموعي وبلعت ريجي
باوعت بنص عينه وكالت "
حتلوه جنت احبك هسه كرهتك
_سامعة بلي يحب يكره ؟
_اي سامعة من بعد محبه كبيرة كره كبير من افعال شنيعة واني كرهتك بكد رحمة الله كلها
_ماتكدرين تنسيني
_وانت منو علمود ماكدر انساك ؟
_أول دكات كلبج جانت بأسمي تدك وحب الطفولة صعب ينسى وينحفر جوه القلب حفر وأنتي تحبيني من جنتي صغيرة ولحد هاي اللحظة
تحبيني وتتمنين اكون من نصيبج
_جنت اي ما الان لا وأتمنى اكون من نصيب المكابر على ان اكون من نصيب واحد مثلك قليل الاخلاق والتربية
واخلاقة زفت في زفت
ولد الشوارع اشرف منك .
_ونعم من ولد الشوارع واخلاقهم هههههه
_الله يأخذك
_آمين يارب العالمين الله يسمع من حلكج الحلو لعابتي
_شبيك
_بي أنتي لعابتي
حجاها وضحكة خبيثة على شفايفه نابته نهض جسمه وكام متت بدمي ماعرف وين انطي وجهي بهاي لحظة ردت اصيح بعلوا صوتي واجيب قصص وروايات عراقية
الكل لهنا وخل يشوفون أفعاله القذرة توني ردت اصيح خله صبعه على شفايفه "اششش ولا كلمة بس
تنطقين بحرف افتح الشباك واشمرج .
_شمرني بس لا تقترب مني
_تموتين ِ
_الموت اهون من لبس العار
_وانا عار ؟
_اي عار لما عار ماتتحرش بت قاربك وهي خطار عندك
_والله بت قاربي مو راحة وتتحرش بي وانا رجال وقل حركة منج تغريني وماشاء الله عليج جنج لعابة منين ابدي اتغزل مادري والله احير بتفاصيلج
وكلمات تضيع كدامج لعابتي
_ليش تجذب شوكت متحرشة بيك .. لاا عليك الله لاا تقترب فرقد بعد عليك الله بعد والله اتوب وبعد ماقترب صوبك ولا احجي وياك
_هو انا اريدج تقتربين وتهيجين شكو شي بقلبي عليج سلي والله محتاج حب وحنان ودلال عاطفي شوفت عينج متعود انا على الدلال كل الليله
من الزركة وهسه الزركة راحت وعافتني ليش مايحن قلبج علية وتصيرين بمكانها
من سمعت كلامها مابقى برأسي عقل ضربت على خدودي بأثنين ايديه كل قوتي " صخام براسك
تريدني اصيرلك كحبببببببة
_لامو كحبة اتزوجج زواج متعة
_متعة !؟
_اي تصيرين مرتي بالحلال بس نكطع مهر شيخ وخلص هم نفسج تنكطع مني وهم انا اتونس بيج واشبع منج ومن جمالج الخلاب لعابتي
_بيك شي فرقد ؟
_مو كلتلج بي أنتي
_انت مخبل ابد موصاحي بالقران ولك جاي تصخم انت جاي تلغي بس فهمنييييي شلون تريدني اتزوجك زواج
متعة ولك تشبهني بالعاهرات
_مو كل وحدة تزوجت زواج متعة معناها عاهرة زواج المتعة عادي وحلال احسن ما واحد يزني بالحرام يتزوج
بالحلال مدة من الزمن
وره فترة كلمن يشوف طريقه.
_تريد تزوج زواج متعة روح وتزوج مو جاي علية أني
_انا اريدج أنتي
_لتخليني تجاوز حدي وياك واشوفك شي بعمرك كله ماشفته هجرس
_افففف حلو تهديدج لعابتي
صار يقترب ...ويضحك نظراته أبد مو راحة مال واحد وسخ وقذر واني دموعي تصب طفرت فوك الجرباية حايرة وين اروح لمحت فوك المكتب
مالته المسدس هو اقترب صوبي وكال "
تعاي لعابتي خل نتفاهم يجوز انطيج شي يخليج
تغيرين رايج وتقبلين
طفرت من فوك الجرباية عدل للمكتب جريت المسدس والتفتت عليه هو انصدم من حركتي سحبت أقسام مانسحب حاولت اسحب هم مانسحب
أبتسم وكال "
ماتعرفين ههههه
شمرته عليه بكل قوتي ضرب بجام الكنتور تكسر الجام وطلع صوت قوي هو ارتبك فتحت الباب وشردت بسرعة أركض فوك الدرج ردت اوكع .
شفت الكل كدامي واكف أبوي صاح بي "
هاي شكو ؟
سلسبيل _مادري
حلوة_شبيج تبجين صاير وياج ؟
فزيت من سمعت صوت هجرس "
صديقتها ميته وجانت
تبجي عليها
ابوي_منو ؟
امي_ولج منو من صديقاتج ماتت
ماعرفت شرد وشحجي عمو وائل كال "
شنو هالصوت لطلع من فوك
هجرس_ سديت باب الكنتور ونكسرت الجامة
عمو وائل _اخذت قلبنه شوف شعبالنه صاير
هجرس_ماكو شي اطمنوا سلي كافي بجي هي ماتت والله يرحمها ترحميلها اقريلها قرأن احسن
ماتبجين عليها .
جدي موسى_انا الله وانا اليه راجعون لاحولة ولا قوة الا بالله العلي العظيم الله يرحمها .
مابي حيل امشي خطوة رجلي صاروا اخيوط نزلت على الدرج ابجي بكل حركة وهم عبالهم صدك صديقتي ماتت اجت امي لعندي كعدت بصفي تهدي
بي وهجرس يلغي زايد ردت اكوللها هيج وهيج يكلي وراد يعتدي علية ماكدرت انطق حرف واحد ماريد اخرب علاقه اهلي بيت جديتي
حلوة وجدي موسى هم خوش اوادم بس هجرس مو خوش ادمي وطلع أنسان فاسد اخلاقيا واني
جنت مخدوعة بي .
صاروا يترحمون على لاشي وهو الحقير يألف من عنده واني كلمة وحدة ماكو مني لساني تربط وحتى جاب التلفون جانت الشاشة متكسرة كال
من سمعت الخبر وكعت التلفون وصارت تبجي انهارت خطية اخذوها خل ترتاح .
عمو وائل _ خطية هواي متأثرة اخذوها غسلولها وخل ترتاح هي ماتت بعد والله يرحمها وان شاءالله الله يكتبلها جناته ويلهم أهلها الصبر والسلوان
هجرس _آمين اخذيها يمة خطية راح يوكف قلبها
مرت عمو وائل _كومي ماما هي ماتت والبجي مايفيد راح تتعذب من تشوفكم تبجون وتنقهرون عليها
كومي ماما كولي يله
كوه كوموني مابي حيل امشي رجلي يرجفون من الخوف هجرس كدامي صار أبتسم بخفه وغمزلي عين خلاني انهار بالزايد وحضنت مرت أبوه
عبالي أمي وابجي هي حاضنتني وتهدي بي اخذتني للغرفة بنص كعدتني فوك الجرباية وبعدني حاضنتها وابجي عبالي امي هناك وين
عرفتها مو أمي رفعت رأسي اباوعلها هي هم تبجي عجبتي بيها حنيه مثل حنيه امي طبق الأصل بعدت عنها شفت امي كاعدة من الجهة
الثانية شمرت نفسي عليها وابجي بقيت ابجي فوك الساعة وأكثر نهاريت تمامآ يردوني اغسل ماقبل اغسل نايمة
بحضن امي وابجي .
من التعب والخوف من هجرس نمت وماحسيت على نفسي جديتي حلوة تنده بي كعدت مرتعبة اباوعلها
سمت بأسم الله
_بسم الله الرحمن الرحيم شبيج جدة مرتعبة
_جدة
_عيون جديتج شبيج ؟
_اخاف
_من شنو تخافين
_هج...
توني ردت اكوللها هجرس اندك الباب وسمعت صوته "
جدة ادخل
حلوة _انتظر
هجرس_تمام
كامت فتحت الكنتور طلعتلي حجاب خلته فوك رأسي "
لفي راسج عدل لما افتحله الباب
_لا تفتحين
_شكو جدة
_ماريد اش...
هجرس_جدة راح اتأخر تفتحين لو أروح
حلوة_افتح
كامت لفيت الحجاب عدل فوك راسي وأصلا مخربط وشعري طالع من كل جهة من الحجاب وعيوني انترسوا دموع واعيوني على الباب راحت فتحت
الباب دخل ....هجرس لابس زي العسكري والمسدس بفخذه شاده نظراته لي غير نظرات البارحة
جانت عادية وكال ..
_صباح الخير شلون صرتي سلي
مارديت بكلمة وحدة نزلت انظاري للفراش ودموع تنزل رجع كال " لا اله الا الله يابة ماتت وخلص ليش تعذبين بنفسج ولا تنسين هم السابقون ونحن الحقون
وكلنه على هذا الطريق
حلوة _خطية متأثرة حيل بيها
هجرس _اي خطية الله يرحمها .. صدك جدة أريد المستند الكاع
حلوة_يامستند ؟
هجرس_مستند الكاع والبيت
حلوة_شلك بي
هجرس_اريد افرز كاع بيت عمي ابو محمد واتنازله عنها
حلوة_هسه
راحت للكنتور حسيت بي يباوعلي رجعت نمت وجريت القطه وتقطيت عود جاي يسوي زينية يتنازل عن كاع لبيت مالتنه بأسم ابوي النذل
البارحة راد ينزع شرف ابوي وخواتي ويخلي كرامتنه جوه القنادر ويخلي وسمه عار بكصصهم بقيت ابجي بصمت سمعت جديتي حلوة تكول
_فكرت بالموضوع
_لابعد
_دير بالك تتهرب بس تتهرب ازعل وتدري بزعلي يطول
_كلشي ولا زعلج حلوتي ..امممح يله انا طلع ديري بالج على نفسج وعلى سلي خطية
هواي تعبانة
_تدلل
_مايدلل عليج ظالم في أمان الله..وهاا إذا عتازيتوا شي اتصلوا بي مو تنسون
_سلامتك جدة دير بالك على نفسك
_لا توصين حريص
_يحرسك الله وأهل البيت(ع)
_آمين.
حسيت بي طلع وسد الباب وراه جديتي حلوة رجعتلي بالدفرات قنعتني وخلتني اكوم من الفراش كمت غسلت وطلعت سوتلي ريوك هباوي
ماردت اكل جبرتني جديتي حلوة وكلتني هي من يوم يومها تحب تعتني بي وتداريني المهم شوي هديت وامي سألتني منو من صديقاتج هاي متوفية اتصلت بزهراء
وكالت ماعرف وكل
صديقاتي لاعرفهم وتعرفهم سلسبيل مابيهم شي ؟
حرت شكوللها عاد لكيت عذر وكتلها "
هاي ماتعرفها زهراء بس أني أعرفها وعندي تواصل بيها على الإنترنت والبارحة راسلتني
أختها وكالتلي توفت
_الله يرحمها ليش شبيها ؟
_مرض
_مرضيش ؟
_خبيث
_الله يرحمها هواي تعذبت هالمسكينة
_اي
_وأنتي هم كافي تعذبين بروحج هي ماتت والله يرحمها
لابجي ولاعياط يغير شي لو يرجعها اقريلها قرأن صليلها ركعتين وهديهن بثوابها افضل من
هذا التعب كله
_ان شاءالله... شوكت نرجع
_بس يجي ابوج نرجع
_هاا صدك يمة فلوس شنو جبتوهن لجدي موسى
_اخوج من مشتري السيارة ومعوز و متداين من جدج موسى وهسه رجعهن له
_هاا..زين سمعت هجرس يكول لجديتي حلوة عن مستند الكاع ولبيت مالتنه يكول راح اتنازل عن قطعه الكاع لمبني بيها بيتنه لأبوي؟
_اي
_ليش هي مامحوله لحد الأن
_لا
_شعجب ؟
_الكاع بسم جدج موسى جانت ومامفروزة ومامطوبه وقبل فترة فارزينها ومطوبينها ومحولها باسم فرقد وهسه حجه وياه ابوج وكاله راح اشتري ...
الكاع منكم هم ماقبلوا وكالوا الكاع جانت هدية من عدنه الالك ودرهم احمر ماناخذ وبس تدفع افلوس
يصير بيناتنه زعل .
_اممم
_اي الله يرضى على فرقد خوش ادمي وكريم مثل جدة طبق الأصل مو مثل عمامه يكتلون
نفسهم على الربع دينار
مارديت بقيت ساكته لو تدري بي شسوه البارحة وجان يطلب مني جان كالت فعلآ خوش آدمي وطالع على جدة موسى كمزة طفرة قصص وروايات عراقية
يجي لجدي موسى مابي ذرة شبه من أخلاق وتربية وكرم جدي موسى صح بالشكل ينطي شبه هواي بس بالشخصية لاماكو هو شخصيته
خبيثه وماكره وحيال ومخادع اما جدي موسى كل صفات الحلوة والطيبة بي "بقيت كاعدة بالغرفة جت يمي هباوي ومرت عمو وائل
يحجون وياي ويلطفون بالاجواء خطية عبالهم صدك متأثرة بموت صديقتي مايدرون متأثرة بافعال هجرس الملعون وخاب ظني بي جنت اشوفه
فارس احلامي هسه صار كابوس احلامي المرعب وتحول كل الحب داخل قلبي لكره مو كره انقلب كله سواد واتمناله الموت "صرت بابشع الطرق
اريده يموت .
جاء ابوي ودعنا الكل وطلعنا لبغداد طول الطريق ادعي على هجرس من كل قلبي وصلنا للبيت عدل لغرفتي سبحت وبدلت عدل للرسومات شكو رسمة لهجرس
كعدت اشكك بيها وابجي بكل حركة شكد جنت أحبه واتمناه بقلبي هسه صرت أكرهه واتخبل من اسمه من ينذكر جمعت الرسومات لمشككة
وشمرتهم بنص سلة الزبالة وكعدت اباوعلهم وابجي واتذكر شلون تحرش بي ِ مرت الأيام وتنازل
عن الكاع بأسم أبوي
وصار جبير بنظر اهلي له بنظري صار يصغير وماينشاف أبد المهم جاء الدوام داومت اول يوم كل الطلاب قسمي مصدومية بي وبتغيري المفاجأة
والبعض ماعرفني حتى .
دلشاد يباوعلي ويبتسم ماعرف شبي وياي أنتهت أول محاظرة طلعت كعدت بره بالحديقة ويه زهورة دلشاد
جاء وكف كدامنا وكال
دلشاد _شنو هالتغير المفاجأ سلي ؟
سلسبيل _ شتريد ؟
دلشاد _سلامتج
سلسبيل _توكل بالله
دلشاد _هه شبيج يابة صايرة ماتتحاجين أبد
سلسبيل _نسيت شسويت بي
دلشاد _جنت سكران مو بوعيي والسكران ماعليه حرج
سلسبيل _كلكم هيج تذبون الصوج بالوعي وأنتو بكامل وعيكم وعقلكم
دلشاد_بس اني واحد مو اثنين لو تلاثه علمود تكولين كلكم أخاف خطيبج هم سوالج شي قبل فسخ الخطوبة وجاي تشملين كل الزلم
سلسبيل _دلشاد بعد مناه
دلشاد _ صراحة الحجاب مالايكلج أبد
سلسبيل _آخر همي رأيك الخايس كومي زهراء
زهراء_لحظة ..وأنت شعليك بيها تدخل بخصوصياتها هي حرة بنفسها تلبس ليعجبها وذوقك الخايس
حتفظ بي لنفسك
دلشاد _زهراء لا تدخلين
زهراء_اتدخل ونص وكلمة وحدة منك اشيلك واشمرك بنص حاوية الزبالة
دلشاد_تشمرين منو والج ؟
سلسبيل _انت منو غيرك دا يحجي ويانه
دلشاد_اني اعلمكم اذا ماخليتكم تبوسون القنادر فلا اطلع دلشاد اصبرولي
سلسبيل _ دروووح
زهراء_ شتعلمنه مثلآ؟ هااا احجي شراح تسوي ... ولك أنت حالك من حال سلبوح السيان بطرك النفخ ولعب بس يطلع من لسيان يموت عاد أنت هسه
بطرك الكلام .
دلشاد _راقبوا الأيام وراح تشوفون شسوي
سلسبيل _اقل زلمة منك أوصلها لابن قاربي الضابط وخل يشيلك انت وفعالك للسجن
زهراء_ شايفه انت شكبرة وشكدة يسوي منك شركتين ونص بالعباس دفرة وحدة منه يكسر
عظامك عظم عظم
دلشاد _تخوفوني بالضابط انتو وضابطكم اخليكم جوه قندرتي وجعصكم
سلسبيل _وااااو صاير طرزان
زهراء_لامو طرزن صاير ديناصور يدوس علينا برجله ههه روح يابة روح لو نطشر الهيبة هسه واصلا
ماكو هيبه علمود نطشرها ههههه
زهراء صارت تستهزء بي أني بقيت ساكتة واخزر بي راح من يمنه متحلف وأصلا ماخاف منه ماكو أفعال بطرك الكلام وهاي كل مرة هيج يسوي
زهراء _ شفتي وله
سلسبيل _كرهني بالحياة شوكت اخلص دراسة واشيل لديالى و ارتاح من شوفته
زهراء _عن قريب يله تعال نشرب عصير متت عطش
سلسبيل _ماشي
رحنا شترينه عصير طلعنا بره نشرب هو وربعة يباوعلنه من بعيد نظراته مو راحة جانت أبد ركزت على صدره وكتوفه عرضانه مبين دا يلعب حديد
زهراء_السكط جاي يلعب حديد هههه
سلسبيل _اي واضح
زهراء_عود يغري الشراية ههههه
سلسبيل _استغفرالله
زهراء _صدك اكلج شلون جنه مصاحبي
سلسبيل _هو أحنه ثولان مانشوف الزين من الموزين ونصاحب ياهو الجان
زهراء _اي والله ...
مشينه مسافة وجابت طاري هجرس ...
صدك شخبار هجرس الحات
_شبي
_اخباره ماخطب ماتزوج ماكبل
_كلشي ماكو
_ياا ليش ياحظي ؟
_سدي سيرته
_شكو
_ماحب افتح سيرته خليني ناسيته
_بطلتي ماتحبي
_اي
_شعجب انسحبتي بهل سرعة
_اعرفت بي مايناسبني ولا اني من ثوبه ولاهو من ثوبي ليش اورط نفسي وامشي وره مشاعري وارتبط بالشخص الخطأ وادمر حياتي
_بس هو...
_شبي هو
_انتي مو تكولين خوش ولد وذرة مال الله هسه شختلف بكلامج
_الولد مابي شي بس مانتناسب أني وياه
_من اي ناحية ماتتناسبون
_سدي الموضوع اترجاج ماريد اتذكره
_براحتج تعاي نكعد هنا رجلي صاروا يوجعوني من المشي
كعدت بصفها فترة وانتهى الدوام رجعنا ويه الخط طبك بصفنه موطور حديث جانوا صاعدين عليه اثنين ولد ولابسين خوذ بقيت اباوعلهم
رفع جامة الخوذه الولد ليسوق تفاجأت من اعيون دلشاد غمزلي ونزلها ومشى سريع هاي العايزة دلشاد يطلعلي من جهة هسه ابو الهجارس والشياطين
ماعرف وين راح اوصل وياه من ارجع أنوب هذا طلعلي منين اخلص ياربي اشرد من واحد يطلعلي الثاني
داكلي ركبة ونص بطريقي .
طالع بمهمة بغداد ويه ....كم ضابط دخلنا للمركز كاعد كدام الرائد جان يحجي وياي من بين كل الضباط لان جنت الوحيد من اهل ديالى
وبقية الضباط جانوا من بغداد والكوت .
_ليش دائمآ يكولون ثلثين الطك لأهل ديالى ؟
_ شوف معنى الطك الرمي بالأسلحة وعرفنا أحنه عن أهل ديالى لكثرة مشاكلنا العشائرية واستخدام السلاح في فضها يعني بكل مشكلة تصير أيدينه والتفك
لذالك سمونه ثلثين الطك لأهل ديالى
_والله وصح تفسيرك لهاي الجملة هههه
_اي
_أني جنت اداوم بديالى فترة الإرهاب وشفت أفعال اهل ديالى مو افعال تشيب الرأس وعرايك اربعة وعشرون ساعة بالاخص قضاء ابي صيدة كل ساعة كابة
العيطة وناس كاتلة ناس
لو ناس مفجره ابيوت ناس
_اهالي ابي صيدة دمهم حار مايتحملون اقل زلة يكبون مثل البانزين
_وانتو آل ... انكس منهم
_مو الكل
_كلكم نفس الشي تشوف واحدكم هادء وفقيرون وبس تندك بي يطلعلك بله أسود
_محد يسكت عن الحك
_اي بس موحلو هيج بكل عركة ايديكم والتفك
_مو بس اهل ديالى ايديهم والتفك اغلبية محافظات العراق انكس من ديالى بستخدام الأسلحة وتوصل
وياهم للقتل من شغله تافهه
_صح كلامك بالديوانية قبل كم يوم اتصل بي صاحبي وكال ناس كاتله ناس منورة جهال متعاركين واكعين اربع أشخاص ضحاية منوره عركة تافهة مالها اي معنى
_شفت سيدي مو بس اهل ديالى يتعاركون على شغلات تافهة بكل محافظة العراق تلكه عركات تافهة
تصير من وراها قاتل ومقتول
_للأسف نعم .. وأنت هم دمك حار ؟
_ههه
_مبين من ملامح وجهك دمك حار وايدك والسلاح
_ مرات نطر نستخدم السلاح
_عرفت بيك ههههه
_سيدي مو بكل عركة استخدمه مرات اطر اسحب سلاح بس ماتهور وارمي بس اخوف انا أنسان يحب يمشي بالقانون مايحب يمشي وره ...
عقله وأفعاله واحب امشي وره مقولة
القانون فوق الجميع ...
_أحسنت
_احسن الله اعمالك سيدي
_مبين أنسان محترم
_اشكرك سيدي
_ خل اكولك مقولة دائمآ أمشي بيها " زينه الرجال
أفعال لا مظاهر ولا المال واذاردت تصير رجال وكل تهابك وتحسبلك حساب خلي افعالك حلوة
ولا تمشي بوساطتك وفلوسك هاي تقلل من هيبتك واحترامك كدام الكل خليها بالك
ملازم فرقد وائل
_الحمدلله ماشي على هذا القانون
_عفية بالسبع خليك هيج ماشي .
_ان شاءالله أبقى على هذا الطريق ماشي
بقى يحجي وياي حسيته حبني وانطاني رقمه وكال تواصل وياي حبيتك ودخلت بنص قلبي ماشاءالله عليك بسرعة تدخل بنص القلب
ومحبوب كلش هو انا وين ماروح يحبني الكل عبالك شايل خرز مال محبة على كوله بارق المهم طلعنا العصر بزي المدني انا وضابط وياي
بمهمة مدنية لمحت من بعيد ....سلسبيل لابسه نفنوف فوك بنطرون طويل وحجاب مخليه ايدها بيد صديقتها السمينة زهراء ويمشون صديقتها تضحك
هي لا معبسةالوجه استغربت هي تضحك للهوى شجاها هسه جنه ارمله مكتول رجلها بالقتال تعمدت اشوف نفسي لها ماشافتني أصلا ودخلوا محل
بيع أدوات للرسم .
بقيت أراقب من بعيد المحل صاحبي سالني "
ذياب_ عليش وكفت ؟
هجرس_ روح أنت وانا اجي وراك
ذياب_خير ان شاءالله شفتمن
هجرس_ اقارب وصارلي فترة ماشايفه راح اسلم عليه ولحكك
ذياب_ماشي انتظرك بفلان مكان
هجرس_دقائق واكون عندك
ذياب_ ماشي
عافني وطلع جريت نفس ودخلت للمحل شفتها تلكط بألوان مائية وخشبية وصديقتها متعاركة وياها ترجع من ايدها الوان خشبيه هي ترجع تاخذهم
سلسبيل _شعليج أنتي أني اريدهم
زهراء_مو عندج كومه شلج بيهم
سلسبيل _عجبوني
زهراء_بيج دودة مال ألوان خشبية
سلسبيل _اي ماعليج
زهراء_ابقي كومي بالألوان ابقي
سلسبيل _اي اكوم شعليج ياربي بكلشي تدخلين
زهراء _مو ورانه هواي أشياء لازم نشتريها وانتي ألوان بألوان دكافي عاد تشترين
سلسبيل _ حاسبه احساب لكلشي اطمني
زهراء_السعر ٣٠ الف عززة العزاج
سلسبيل _ماركة ذولة
زهراء _اي واضح واضح اروح اشتريهم من المتنبي بالف دينار ابقي يقطون بيج ام الماركة
سلسبيل _تجيبين ام الف دينار لهذولة هسه نرسم بام الألف مالتج ونرسم بهذني وشوفي
الفرق بالتلوين
زهراء _ماكو فرق
سلسبيل _واضح ماكو
بقوا يتعاركون بقيت اباوعلهم وأضحك طلعت من المحل
رحت يم صاحبي مشينه مسافة كلش طويلة جنه نراقب محل يبيع طرشي شاكين بي يتاجر
مخدرات بالطرشي .
ويستلم من شخص من هالي ديالى البضاعة .
دخل ذياب يحجي وياه شوي وطلع كال "
لوتي مانطه حجي
_نرجع له بالليل
_ماشي
_اعرف شلون نطلعهن منه
_ندزله كم شخص من عناصر الشرطة
_ مو الكل بيهم ثقة راح انا ادخله بالليل واحجي وياه
_وإذا فشلت
_بهذاك الوقت نتصرف تصرف ثاني
_ماشي هم يله نرجع للفندق
رجعنا على طريقنا رجوع شفت سلسبيل وزهراء مشتريات كومه غراض وهل مرة شافتني وجه لوجه وجهها انخطف لونه أبتسمت بوجهها
راسن دنكت رأسها وغيرت طريقها راحت من الجهة الثانية التفتت وره ظهري شفتها تباوعلي من شافتني اباوعلها دارت وجهها ومشت بطريقها .
_راح ينشلع قلبنه بهل مهمة
_ عندي ايمان قوي راح نكدر نجيب دليل اليوم
_شلون ؟
_شفت شي حلو وانا كلما اشوف هذا الحلو تنفتح بوجهي هههههه
_شفت ولك
_كلتلك شي حلو
_اي خليني اشوفه بلكت الله يصير يومي حلو مثلك
_لا عزيزي هذا الحلو بس لي مايشتغل لالك ولالغيرك
_شنو سحر لو خرز هههه
_مثلهن طبق الأصل
_عجيب امرك فرقد
_اي يله خف رجلك هههه
_تريدني اركض مثل الحصان
_اي ههههه
رجعنا للفندق هناك .... لكينه الضباط راجعين كعدنا نخطط للعملية بس تنجح ورانه مكافأة المهم خططنا زين للمهمة وكل أثنين شكلوا فريق واحد وطلعنا
بليل لنفس المحل .. حجينه وياه سوينه نفسنه من طرف فلان شخص دزنه عليك لان انت ثقه بشغلك من سمع بأسم هذا الشخص أبتسم وكال " حسبه ايام توصلكم البضاعة
طلبت منه ورقة وقلم علمود اسجله رقمي يتصل بي والله سجلتله رقمي اتصل بي حفظت رقمه وتفقنا بفلان يوم توصل البضاعة بالليل وراح تجي
بعلب الطرشي علمود محد يكشفها المهم رجعنا ذياب يضحك وفرحان كلتله لتفرح هسه خل نلزمهم بالاول عود بهذاك الوقت افرح بكيفك واحتفل
_ان شاءالله نلزمهم
_بحيل الله واهل البيت(ع)
بطريق الرجعة شفت شوفه وعساني ماشايفها حنين لابسة بنطرون وقميص والحجاب ماكو شعرها فاتحته نازل على اكتوفها صابغته أشقر مخليه ايدها
بيد زوجها وتمشي جان مشترياها شعر بنات بقيت مصدوم هاي شنو من بني آدمية شلون تخلت عن حجابها وحتشامها اهناك وين أبتسمت وكلت بقلبي
_هي لتخون زوجها شترجي منها يافرقد ...
بقيت اباوعلهم طلعوا قلبنه وانا وراهم امشي بصفي ذياب يحجي ويه حبيبته على التلفون "حسيت نار وشتعلت بقلبي هذا الأنسان لفضلته علية وخانتني وياه فردة نعال
مايسوه واحد خنزير وسخ
عرفت بي كواد من صاحب مره مزوجة وتأكدت هسه مليون بالمية كواد ماصل من نزعها الحجاب ولبسها لبس مومحتشم العالم وين توصل وهذوله العالم وين توصل
عالم جهلة ومتخلفة "
عبالهم التعري ونزع الحجاب تطور وثقافة ومايدرون هم جهلة بعقلهم "المهم وراهم أحنه وانا نار صارت تشتعل بصدري افكار تضرب براسي وتكول روح اكتلها هي وياه وطم عارك فرقد هاي عار عليك
خانتك وهي على ذمتك روح اغسل عارك .
رجعنا للكراج شفتهم هناك صعدت بالصدر سد الباب الها اووي صاير مثقف بابا سنفور تعمدت افوت من يمهم بقيت اباوعلها هي شافتني وانصدمت
بسرعة دنكت رأسها عود ماعرفها لو ....مشبه عليها صعدنا بسيارة ذياب ورجعنا للفندق هناك كضيتها جكارة وره جكارة ذياب طلع يم الربع وانا بقيت الواحدي
مهموم مخنوك مشتاق الحنونه الصغيرة حبيبه قلبي مو لهاي الخبيثة المسمومة اللي بله أخلاق وشرف أتصلت بي ياسر كاميرا جان بالمركز عنده خفارة
مادامني على الإتصال وياه شربت ثلاث جكارات وحدة وره الثانية بالآخر بزع مني وصاح بي "
_شبيك كاضيها بالجكاير جكارة ورة جكارة ؟
_ مشتاقلها كلش هواي ياسر
_ولك كافي انساها راحت بعد نامت بحضن غيرك
_ماكدر انساها ماكدر
_ولك هجرس ماتعودت أشوفك ضعيف وكسور الخاطر تعودت اشوفك قوي وشجاع وقلبك ميت شجاك وهيج صرت هيج حبها دمرك وخلاك تمشي
وتصفن وتحجي ويه نفسك
_ صرت ابجي توالي ليل بفركاها
_وشنو ذنب الليل تبجي بي على هيج وحدة
_ هو الليل لو سامع شكو ابصدري إذا
مايبجي كلش عيب
_اهوووو هسه نبقى هيج لازكين بحب وحدة ماتسوى فردة نعال لاستيك مكطع
_هي ماتسوى ذرة وسخ بس شسوي أحبها
_من امداك ومده قلبك الغبر لخلاك تحب هيج وحدة ولك هالبنات لحلوات لعدكم وحدة تكل للثانية انا احلى منج ماوكعت اعيونك غير على القزمة الزركة
_قزمة وزركة وطيحت حظي
_والله يافرقد محد طيح حظك غير نفسك لو انا بمكانك انعل ابو قلبي يابو الخلفوه من الصبح انساها واكبل ويه عشرة مو ويه وحدة
_الوجع مايوجع غير صاحبة
_انجب ابو الوجع وخلص بعد أنساها وتعال خل نزوجك
_انعل ابو الزواج
_انجب شفهمك بالزواج أنت تعال شوفني مرتاح وفرحان بجاه زوجتي مناوي مدللتني دلال شكوللها تكولي صار تدلل حبيبي قلبي عمري مو مثلك انت
حابلك قزمة زركة وجاي تحجي على الزواج بكيفك
_ حظي هذا غير
_لاوالله موحظك هذا اختيارك الخطأ لو مختار صح جان هسه حياتك حلوة وسعيدة
_اي
_وجعيييي كمل المهمة وتعال لكيتلك خوش نسوان معدلة
_جوز مني
_والقرآن شلون حاتات
_خلهن لالك
_شلي بيهن انا عندي مناوي تسوى كل النسوان
_وانا هم ماريدهن
_انت منقص حنان وحضن دافي يحتاجلك مره تلفك بحضنها لصبح وتتغزل بيك يالملح
_ماريد
_تريد بس مستحي
_واستحي من شكولاتك
_اي .. مناوي حبي جيبيلي كلاص ماي بارد
_تدلل عيني
_تسلم عينج حبيبتي ... هاا شوف الحب شوف الدلال مو مثلك حاضن المخدة لصبح ونايم وتتحلم بالزركة من امداك شفت منها بس كلي شفتتتتتتت
نكرص فصلت الأتصال بوجهه .... وقفلت التلفون رحت نمت احاول انام ماكدر نفس اليوم شفت سلي متغيرة للأفضل ضحكة ماكو بالسوك حتشام كامل برغم
جانت مو محتشمة وتتمضحك للرايح والجاي وشفت حنين المحتشمة الثكيلة متعرية وتاكل بنص الشارع
وتتمضحك ويه زوجها .
والله عمي ناس تنزل من الأفضل للأسوء وناس ...تصعد من الأسوء للأفضل ملام من كال ياسر اختياري جان خاطى من ختاريت حنين من بين الكل ومشيت وره
قلبي خلص قررت من هاي .... لحظة راح انساها واشيلها من بالي ولا أفكر بيها هناك وين بالي راح لسلي تذكرت من تضحك وتحجي وياي ومن تتعارك وياي
بريئة كلش وماتشيل بقلبها حقد وتنسى بسرعة .
والله ماكو سبع ثلاث أيام ولقينه القبض على صاحب المحل الطرشي وياه تلاثة شلناهم ثاني يوم رجعنا لديالى بوجهي للمركز هنانه المسؤول على تمام العملية بنجاح .
لزمني ياسر حرك سلفة سلفاني شلون تحظرني ردت أكون اطيح حظه بس صارت بين اعيوني اختي مناوي
عاد عفته يلغي زايد .
العصر بالبيت كاعد يم الاهل جاء بارق من بره وكال "
جديتك ام امك متوفية اليوم
الكل ترحملها له انا أبتسمت وكلت "
كل نفس ذائقة الموت انا الله وانا إليه راجعون
بارق_ قبل شوي شفت التشييع مالتها
هجرس_ اليوم الها حساب عسير ويه ناكر ونكير
جدي _هجرررس
هجرس_قابل مجذب
جدي_وشمدريك شمسوية مامسوية من اعمال صالحة يم رب العالمين منو انت وتحجي بكيفك
حرام عليك
هجرس_ مسوية بس الاعمال الخبيثة حرمت طفل من امه وطلقت مرآة من رجلها وزوجتها لغيره شترجي منها هاي ولا تنسى أبغض شي عند الله هو الطلاق
وحرمان طفل عن امه .
حلوة_ لوعة امك ليهساها بقلبك
هجرس_للموت ما أنساها
جدي_ مكايلك أنسى بس لا تشمت بالعالم
هجرس _مامشمت جاي اكول الحق .. يله بارق تعال وياي
بارق_وين ؟
هجرس _نشوف معرض السيارات اريد اشتري سيارة
جدي_اكرص على افلوسك هسه الوضع مو أمان
هجرس_ ان شاءالله ماكو شي جدي وانا خوما ابقى طول عمري بله سيارة متقيد جدي بالقرأن
جدي_انتظر خل تهدأ الأوضاع وراها الله كريم
هجرس_ شلون هسه
حلوة_ اخذ سيارة جدك وكرص على افلوسك
جدي_واسحب شكو فلوس عندك بالمصرف
هجرس_ليش ؟
جدي_الوضع مو أمان وشوفت عينك حرب ويه داعش
هجرس_ماعليهن شي بالمصرف
جدي_خليك بارد
أخذت بكلامه وبطلت ماجيب سيارة هسه بس هو مايدري بي من فترة طويلة سحبت كل افلوسي الي بالمصرف وضامهم بغرفتي كلت اكوله بالليل
واضمهن عنده .
المهم بالليل وره العشا نزلت الفلوس وكلتله بيهن بقى يباوعلي كلت هسه يخرطني براشدي ابو الطكة علمود ضميتهن عليه عاد لفت الشغلة
وكلتله البارحة سحبتهم وماصحتلي الفرصة اكولك بيهن عاد صدك انطاهن لجديتي ضمتهن لي توني ردت اطلع
صاحت بي جديتي حلوة
حلوة_قرارك النهائي شنو
هجرس_خصوص شنو ؟
حلوة_بخصوص زواجك من سلي
جدي_ مو كال ماريدها هي كساع حلوة
حلوة_اي كساع انا أريدها وماريد غيرها يتزوج
جدي_وقابل كوه تزوجينها له
حلوة_ لا مو كوه برضاته هاا شكلت
اخذتلي صفنه وانا متأكد راح ترفض وانا مناه عملت بيها العمايل ماردت جديتي تزعل وكتلها "
هجرس_توكلي بالله
حلوة_موافق
هجرس _اي موافق
جدي_شغير رأيك
حلوة_ الله غير رأيه باجر من الصبح اروح لبغداد اخطبها الك
هجرس_ ماتشوف جديتي قافله عليها وانا هم لازم اشوف حياتي بعد جم يادوب باقي بدون زواج
جدي_ان شاء الله خير
هجرس_ان شاء الله
جديتي طارت من الفرحة راحت كالت ...... للكل باجر أروح اخطب سلسبيل لفرقد جديتي خديجة كالت اروح
وياج مرت ابوي هم كالت أروح .
بارق موتني يدك ويركص ويغني فوك راسي ويكول "
مو كلتلك راح تصير مرتك الثانية مو كلتلك كلام الشيخ مضبوط وراح تزوج الثانية وهم على حب
ملعون طلعت تحبها وماتكول .
_دولي أنت والشيخ مالتك
_كلامه مضبوط
_عوفني
_وين رايح
_أنام
_ايي عيني يروح ينام علمود يحلم بالحلوة سلي ههههه
_بس ارجع امردك
_اويلي يابة هههههه
_تعاااال
رحت علية طفر لغرفته يضحك بقيت اباوعله يحجي من الباب هو رحتله طبك الباب جبان بطرك الكلام يعرف
بنفسه ينكتل بس الزمه عاد يتفاداني .
والله الصبح أهلي راحوا البغداد وانا بالبيت إجازة للعصر اتصلت بي امي وكالت "
امي_سلي رفضتك
أبتسمت ورجعت ظهري على المخدة "
ليش ؟
_تكول ماريد اتزوج هسه
_بكيفها بعد
_وجديتك وجدك كالولها ماتزوجين غير فرقد
_ههههه هاي شنو يمة
_والله شمدريني جديتك وجدك قافلين على البنية خطيه صارت تبجي وتكول هي كوه اخذه ماريده وماريد اتزوج عوفوني بكيفي ليش تجبروني على شي
ماريده حرام عليكم .
_اي حقها البنية ماتريدني قابل كوه تأخذني
_ايي والله
_وشصار هسه
_والله حجيت وياهم وكتلهم عوفوا البنية هسه ولا تحجون وياها من ترجع يمنى محتمل تغير نظرتها الالك
وتقبل تلقائي نفسها عاد وافقوا
_امم واهلها شكالوا
_والله ابوها كال كبعوا واخذوا وامها كذالك واخوانها بس هي رفضت
_هههههه
_شبيك تضحك ؟
_اهلها جايزين منها هههه
_قسمة زينة وين يلكونها لبتهم وثاني شي يعرفوك خوش ادمي ومحترم
_اي شوكت ترجعون
_بعد شوي نرجع أريدك تحجي ويه جدك وجديتك وتفهمهم البنية ماتريدك خطية يظلمونها
ويجبروها عليك
