رواية كفي والمنجمة الفصل الثامن عشر 18 بقلم الكاتبة Leo alfatlawi

رواية كفي والمنجمة الفصل الثامن عشر 18 بقلم الكاتبة Leo alfatlawi

للكاتبه leo Alfatlawi

بارت الثامن عشر

مصطفى.

بعد صيحه عمتي اتراكضنه شفنه ام مؤتمن طايحه وحلكها صاير صفح شالها مؤتمن وركض بيها للسديه التمو الاطباء شصابها هاي هسه جانت جنهه ابريعصي تزابك

مكرم. لبالها غزل اتموت صدمتها من ردت

--خرب غيرتج غزززل موش بت قنبله مؤقته الكل داخل انذار خايفين منها ردت بعد اخوها غير راح اخليها تجلطهم

--خلي انروح وراها فشله من مؤتمن

--لاتخاف مابيها قز القرط اتركها خلينه يم الثوله هاي

جدي. بويه اني رايح للصاله ارتاح مابيه وكفه وانتم بس تصحه البت تعالو ليه

راح جدي وحنه ضلينه واكفين منتضرين يطلع يطمنه

مرت ربع ساعه واحنه على حالنه لاطلع واحد من الداخل ولاسمحو لواحد يدخل جمدنه برد وانوب حفاي كتله

مكرم يخوي متروح اتجيبلنه شي انلبسه احس من هالبهذله

--يواشك خلي انشوف ام مؤتمن اشصابها واروح اجيب التردو

--والله ميصيبها مرض بنص افادها دمشي جيب شي المؤتمن ثلج هسه يطيح هذا الثالث وهذه اذا طاح يفلش المستشفى جنه رفش

--يلا طالع هسه اشوفلكم منا محلات بلكي احصل شي عدهم

طلع واني رحت كعدت يم جدي لان غزل منعو الدخول يمها كالو انطيناها ابرت مهدء لازم تاخذ راحتها

ويكول ماكتلتها ابن الزمال وهوه خانها لمن ميته الله يطيح حظه

ضليت كاعد امتاني اشويه واجه مكرم جايب شحاطه وبلوز لمؤتمن اخذت النعال ولك ابن الطرگه عليش ماجبت قمصله جمدت من البرد

--وين احصل القمصله احمد ربك من لكيت نعال على راسك ومره ثانيه اسمعك تشتم اسحك راسك

--دولي هم حاسب عنده ازمال ويدافع عنه

--استغفر الله ربي الله يهديك وين مؤتمن بعده جوه

--اي يم الحولي امه

--مصطفى يخوي انته اشوكت اتعدل الفاضك متكلي

--دولي روح لحك على ابن خالك لاتلطشه وحده باقي امصلخ تالي يبلينه بالرابعه

صار الصبح واحنه بعدنه معدتي طكت هم جوع وهم برد

--جدي شايل افلوس

--يي يجدي شايل معتاز انطيك

--لابس ردت اتريك ليش متكوملنه نروح ناكل بالكافتريا لان شغلتهم امبينه طويله

--يلا يبوي گومنه بس شنهو بيها ماشوفن شي ينوچل

--بيض يمكن وفلافل

--لاع جاانه بس اشرب جاي جيبلي جاي يكفي

--يلا يابه جاي الك واني بيض لان كرشي صفر يلا ورق وهاي هم مكرم اجه بس لحضه خلي اشوف شيريد حتى اروح فرد نوب

مكرم. هااا يابه اتريكتو

--لاوالله استوني راح اطلب اجيبلك وياي بيض

--لابس جاي

جدي. هايبوي اشصابها مرتك عمك

--يكلولون جلطه بس خفيفه

--من شنهو انجلطت هسه مابيها شي

--اثر صدمه يكولو اجتها بس اخذو بالكم مره ثانيه اذا اتعرضت راح اتكون اقوه راح تنهيها

--سترك يارب اشبيهن بناتنه اليوم طاحن سوه

مؤتمن وين

--بعده جوه يم امه

--شفتو غزل

--اي بعدها نايمه كالو لحد يدخل يمها

--خير ان شالله يلا هذه مؤتمن اجه

انداريت لكيته يسحل ابروحه امبين علي التعب كعد خله راسه بين اديه كوه يفتح عيونه الصراحه عذرته بعد هالهبطه الحصلها زين بقه واكف على طوله لسه اتحسر وكال مصطفى هم يالله اتروح للمصنع

--لا يخوي خلي مكرم يروح اني باقي اهنا

--لامكرم ميكدر وحده روح ويا عدنه شحنتين اليوم لازم انخلصهن

-- خلي ياخذ احمد لوكاظم اني باقي متكدر وياهن اثنينهن

--لاامي راح تطلع بعد كم ساعه بس غزل اتضل

--مكرم خويه روح انته واني امر عليك بس تطلع عمتي اجيبهن واجي وراك

جدي. انتو اشوكت اتبطلون شغله الشحن شنهو بويه متوب

--جدي شتوب غير شغلنه هذه اشلون اتريد انبطل ونكعد شنوكل هالعيال

--بويه الطريچ خطر عليش اميبس راسك

--دبي مااروح جدي من الاخير سد السالفه

--عليش يبويه انته موش جنت اموافگ اشبدلك و هيه كم شهر بس افتح مصنع حتى شغلكم يصير من صوبين وترتاح من هالتعب

--جدي مااكدر ماعندي افلوس افتح هيج مشروع

--لاعندك واني وشيخ علوان نتكفل بالباچي بس كول هونت لان مااكدر اتركها واروحن اكلك اي

--جدي وحك علي راسي راح ينفجر سد السالفه

--مكرم اخذني بطريجك يبوي لان عندي شغل وانتو ضلو مصطفى جيب عمتك وجدتك وهسه ادز ام مكرم مجانهن خليها يم غزل

طلعو خابرت احمد يجيب النه قماصل لان صار وكت الصبح كامت اتذب ثلج موبرد وغزل هم لبسها خفيف وبلاحجاب

مؤتمن كل دقيقه رايح لغرفه الثوله يشوفها اذا كعدت يلكاها بعدها يرجع

دخل احمد بيده علاكه الملابس سال عن اخته وهذه دوم يجي متاخر يومين وره الحدث جنه اختى قمت الثول شايل گال هااا اشمالها غزل

مؤتمن. اترك غزل وبوجهك عالمصنع الحگ مكرم لحاله

--وهاي مافهمت اشصابها

--مابيها شي اتعارضت وهسه ردت صحتها يلا اتوكل وانته مصطفى هم روح

--خلي تصحي الثوله واروح وين اتريد انته

--بس اشوفها ثواني مااتاخر

--بالعباس لوجانت الكعبه اهنا مازارتها هلكد

اخذ نفس تحسر ورد لغرفتها -روح بعد خوج جنها زيطه خلتك امسودن وراها

جاي البس القمصله والمح سما كدامي

غزل.

فتحت اعيوني واحس الدنيا غواش وبلاعيمي تحركني اريد اميز المكان الصوره موواضحه اسمع مؤتمن صوته يمي بس مااميز شنو يحجي حركت ايدي حسيته كامشها

غمضت اخذت اشويه ورجعت فتحت اعيوني شفت روحي داخل غرفه واجهزه طبيه عرفتها مستشفى

اتذكرت الصارلي رجع الشريط مر كدامي شنو الصار وشنو حجيت حسيت نغزه بكلبي

اتذكرت من كلتله احب سيف خفت اندار واباوعله بس والله ردت اغيضه بالحجي ردته يحس بالاحسه نزلت ادموعي خله ايده على وجهي ومسحهن

انداريت شفت واكف يمي دنك باس راسي وكال حمد الله على سلامتج

درت وجهي عنه

رجعت سديت اعيوني مااريد اشوفه كدامي كارهته ابسببه اني اهنا ضليت ساكته ومغمضه مااريد اتناقش لو احجي ويا احس روحي تعبانه حيل هو هم ماحجه بس اسمع حسرته عاليه

دخل الدكتور وكف يجيك الوضع سالني بيش احس وهم عندي اوجاع بمكان معين

اشرتله مابيه شي

--اي بابا سمعينه صوتج ليش اتاشرين

--مابيه شي بس طلع هذه منا

--منو هذا

انداريت على مؤتمن لكيته خال اديه داخل اجيوبه امدنك وكاتم ضحكته اشرتله عليه

--تمام شيصير منج

--مااعرفه

--شنو متعرفي اندار لمؤتمن يتاكد

مؤتمن. كمل شغلك دكتور اني زوجها

--هههههه جاشغلتك صعبه امبينه ماطول متعرفك الله يعينك

رجع يقيس بالضغط كمل كال

اي توتر نفسي ماكو تعب وجهد تبتعدين عنه اهم شي الحاله النفسيه هالفتره تره كلبج تعبان وتعتازين راحه تامه السبب صدمه متعرضتلها اكو شريان عندج بي انسداد ليش بابا وانتي بهذه العمر وهيج مدمره روحج

--كله ابسببه اتزوج عليه وشمرني كلتها وبجيت

الطبيب عكد حاجبه اندار المؤتمن ماامصدك كلامي شافه ساكت ومدنك رجع باوعلي كال بابا اهم شي صحتج هاي طلعتي منها بعجوبه اذا لاسامح الله اتعرضتي لنوبه ثانيه تكون خطره ترحين بيها

--لادكتور مره هم اتعرضت لهيج شي بس اتعالجت مواول مره يعني عادي الدكتور كال الانسداد عندج من الولاده مواثر النوبه

--متاكده بس اني اشوفه حديث الانسداد وهذه راح يسببلج مشاكل اهواي

--اي دكتور هوه اني اتعب ابسرعه اي مجهود حتلو كان مومتعب بس الدكتور كال مراح يااثر على حياتج لان ولادي ومنكدر انفتحه لمن تدخلين السن القانوني

--يادكتور اتراجعين عنده

-- دكتور سايلوف

--وين هذا اول مره اسمع بي

--هذا بامريكا من جنت عايشه اهناك اراجع عنده

-- اشرجعج اذا عايشه اهناك

--حظي الرجعني

ضحك وكال تمام يعني اتعرفين حالتج خوش حجي جااتكملين على تعليمات دكتورج ولازم تتواصلين ويا شنو العلاج الجنتي تاخذي لازم اترجعيله منا لمن ادخلين السن 18

واتسوين عمليه اني هم كتبتلج علاج بس للتاكيد اتواصلي ويا اذا اتكولين من انتي وزغيره امتابع حالتج

--ؤك

-- يلا الحمد الله على سلامتج وانته ابو الشباب تعال وياي بره من رخصتك اشويه عندي حجي وياك

اخذه وطلع يكملون كلامهم بس قلقني لويش ماحجه اهنا

ردت اكعد لان احس ضهري كام يوجعني من النوم اذا الضهر هسه يعني صاراي اهواي نايمه كعدت كوه دااعدل بضهري دخل مؤتمن

كال بويه عدلي حجابج جاينه شيخ علوان يتحمد لسلامتج

مارديت بس عدلت حجابي

دخل شيخ جبير وجهه نوراني ضخم لابس عباء مثل جدو بس صايه وياها شكله امرتب وهيبه كال السلام عليكم

--هلو عمو

ضحك رد كال الحمد الله على سلامتج يبه شبلاج شنهو ماطاحلج جونه

--لاعمو بس تعبت اشويه

--يلا بوجود مؤتمن ان شاءلله ميصيبج شي متاكد زلمه وراح يدللج بنيت عمه انتي العزيزه

--امم عمو اعرف

ضحك ورد يسولف ويه مؤتمن ويوصي بيه يكله دير بالك عليها هاي بت العزيز ولو متعتاز توصله شيخ وتعرف الله بحريمك مشهودتلك ابن حموله

كعد اشويه وضلو يحجون على شغل ماعرف شنو بس يمكن مشروع جديد بينهم

اخذله عشر دقايق وكال رخصوني بعد كام رجع اتحمدلي عالسلامه وطلع راح ورا مؤتمن

عمتي ضليت وياي بالغرفه باتت نايمه بليل وحس احد يلعب بصابيعي عرفته مؤتمن جان يمرر اصابعه على ضفري الكسره ويتحسر نزلت ادموعي اتذكرت اشلون ضربني وكص اضافيري

جر نفس ومسح ادموعي گال لاتبجين يعله كلبي وحك علي اموتن من اشوف دمعتج نازله ابسبتي كافي ابروح ابوج غزل وروح عمي مااتحمل اشوفج هيج

--اكتلني وكول لاتبجين تاركني وتكول احبج مداافتهم الدتسوي شنو الغلط مني لو منك مداافهم

--وروح عمي كل طريقه اتبعتها وياج ولج وحك علي محتار اشلون اتعامل وياج باقي بس اتصفن حيرتيني مااعرف شتردين كل دقيقه مزاج شكل خبلتيني

--هئ مؤتمن مومني الغلط انته واحد ضالم وتريدها كلها جوه ايدك تحكمهم

--بويه شتحكم متكليلي ولج تتجاوزين اتحملت كلت طفله حجاب ماكو كلت تتطبع واتصير مثلنه

عقلج كل دقيقه يوديج لمجان ومسويتلي مصيبه كلت تتعلم غزل بس مال كل دقيقه ذاكرته كدامي وشاعله ابوي بي هاي المااتحملها

مارديت ضليت اشهك كلبي محروك منه

-- بسج بويه يكلج كلبج ميتحمل لاتبجين

--مالك دخل حتلو اموت لاتدخل لوهم حياتي الك بيها شي

--انتي كلج ملكي وحسج مااهيسه احسن ماافلش جهرتج

--دخيل الله اشكد اكرهك

--هههه نامي بويه الله يهديج

درت وجهي عنه ونمت

مرن يومين عمتي وياي اتساعدني ماخليته يقترب اويحجي وياي كلما يحاجيني ادير وجهي مااجاوبه

صح مينام بليل يضل للصبح كاعد يم راسي بس ماانطيه مجال يحجي كلبي اهواي محمل عليه ماراح اسامحه بسهوله

اتحسنت حالتي طلعت من المستشفى

وصلنه للبيت ردت اصعد كال لانامي بالغرفه الجوه موش زين عليج التعب

جدتي. شمالك ييمه تتراجف مابيها شي مايطگها عرج

--استغفر الله ربي جده رحمه لدين محمد روحي طالعه ردي غرفتج خليني بهمي

--ياع هيج صارت يجبير اخوتك يالهيبه تسكتني لخاطر هاي المسمومه

--بويه اشبيييج تركيها متشوفيها مريضه لخاطر الاسلام يابه والله راح اتخبلوني

--ولك مؤتمن هاي بت فريال الي حركت كليبي ولك نسيت

--لامانسيت وهاي نفسها حرمتي والي يوصل صوبها الي حجي ثاني وياه يلا فارجونه كلمن لغرفته وانتي بويه غزل تعالي لغرفتي الجوه لاتصعدين

ماعبرته ولاسمعت شنو يحجي كملت صعدتي يريد حضرته ياخذ راحته ويه تهاني من شافني معنده سكت ماحجه بعد

رحت لغرفتي دخلت وركعت الباب ورا

عرفت هاي شؤم دخلت للبيت عزا ولاارتاحيت من دخلت لسه هو مالحكني للغرفه اكيد راح الها مشتاقلها طبعا صار يومين بالمستشفى

رحت للحمام واني اغلي بروحي غسلت اشلون مجان وطلعت كلبي يفور مااعرف شسوي اكيد راح ركض الحضنها اي لويش لا عروس ومتحضرتله شنو غزل قحط تبجي وتنجب وحدها

لفيت شعري حتى مانشفته اروح واجي بالغرفه اكل بضافيري محتره مااعرف اشلون اطفي النار البيه انفتحت الباب ودخل

وكف يم الميز خال ايدي بجيوبه ويباوعلي جان امتاني اشوكت انفجر ابوجهه ماحجه بس يباوعلي اني هم مارديت بس كلبي يغلي مااكدر اكتم اكثر

كلتله لويش اجيت ماضليت يمها

--يم منو كالها وضحك اجه يمي كعد شال الخاولي ولف شعري بعدته بس ماوخر استمر ينشف

اني اغلي من الحركه وهوه ماكو ابرد منه ينشف ويبتسم

-- مؤتمنننن لادقني اكثر كوم اطلع ارجعلها لويش اجيت

--بويه وداعت الاعزاز جنت يم جدي غزل هدي بنيتي يعله كلبي راح اتموتين من الحركه

--تره مومخبله لاتكعد اتسويلي سالفه كوم منا دفعته

سكت مارد عض شفته صفن اشويه و كال عليش ماكلتي عندج هذه الشي

--شنو عندي

--غزل عليش ماكلتي اني مريضه

--تره هذه ولادي مومريضه يعني شي عادي

--اي ميخالف المفروض اتكولين لوميته

--احسن اخلص منك اقلها

--بس اني مااريد اخلص منج كالها وسحبني لحضنه ضغط عليه ضليت ادفع بي بس هوه ضاغط عليه مينطيني مجال غزل كولي بويه اشرايده

--مااريدك يمي

-- وحگ علي احبج

--لواتحبني مجان اتزوجت

اخذ نفس اتحسر وكال عوفج من زواجي التطلبي يجرالج بس لاتضلين اتحركين بروحج

--اطلكها

--بويه مااكدر مصار اسبوع يمي اشلون تطلكها عيبه بحق اهلها وهمه ناس متستاهل خوش عالم اشلون اطلك بتهم

--لعد متروح يمها بعد

--ميصير هم الها حق راح اتحاسب يوم القيامه

--لعد شنو الاررررريده واتنفذه تضحك علينه انته وخررررر عني

--بس اهدي اهدي

--شهدء مؤتمن شنو اتريدني اتانيك كل 3 يام بلكي تجي شنو ذنبي اضل اليل كله اتاني ونايمه وحدي ليش بله رجلي ماخذ كم وحده تره من حقي اخذلي واحد يكون بس الي مامجبوره اكمل وياك

--اعرف بويه والله ادري حقج بس هنه هم الهن حق مااكدر اضلمهن وهنه حقهن يمي

--لعد كوم اني يومي متنازله عنه مااريدك تجيني بي موحيوانه عندك اني واتقرر يايوم يجي على بالك يالله تحجي وياي لوتجيني

وخر خنكتني تره ضاغط عليه حيل وبعد هيه رضت على روحها تاخذ واحد متزوج مومثلي جبتني سحل وهسه جاي اتدورلها على حقوق كول اني مااكدر استغني عنها كول احبها مااكدر بدونها ايي لااتضل تتحجج بالحلال والحرام انته لو تعرف الحرام مجان جبتني سحل من ماما واتزوجتني غصب

-- خره بيج راح توكعين من جديد بويه يواشج خلي افتهم التردي عليش اتخبليني وياج طلبي التردي واني اكلج يجرالج

--مااريد ولايوم بس وخر ومن اتكلي هيج تره دااكرهك ازيد اني موبحالك ولارايد شوفتك بس مستخسره نفسي اتكول عبده عندك وراكني على جها واني بدايه عمري

سكت مارد بعدين رفع راسي بيده وكال وحق الكعبه لاحبيت ولاراح احب غيرج ولج انتي اعز من روحي غزل متعرفين حبج ابكلبي اشكد شفتج طايحه اتمنيت ميت ولاشايفج بهذه الوضع اخذتي روحي مو طحتي

--بس اني مااحبك

--ادري مااتحبيني ولاراح يجي يوم اتحبيني بي اعرف هذه الشي ومتاكد منه

--لعد لويش متعوفني

--مااكدر اعوفج اتورطت كلبي ابتله بيج

ولج ابيوم المااشوفج اختنك يجي يوم وراح تتقبليني بي مااريدج اتحبيني يابه مستكفي بالقليل وحامد الله بي

--بس انته دتكرهني بتصرفاتك مدااتخليني احبك

--شنهو اليرضيج

--متروح لتهاني اتضل يمي

--استغفر الله هاي اشلون افهمها

--مؤتمن داموت من اشوفك وياها انته مداتحس بالاحسه صاركم يوم وانته نايم بحضنها داكل بروحي من القهر وانته عايش بالعسل

--رجعني ضم راسي بحضنه وكال بس لاتبجين اسوي التردي

--راح اتعوفها

--مواتركها بس كل يومين والثالث اروح يمها

--لاااا

--غزل بويه اشلون متكليلي راح اشيل حرام كافي حمل همج على امتوني موش اجي اجملهن

--مؤتمن متروح يمها واذا رحت بعد لاتجيني

--مره بالاسبوع اروح

كوم مؤتمنننن وخر لااتخليني اكتل روحي دااكلك لاتروححح اتكلي مره بالاسبوع

--كافييي كافيي كلبج راح يوكف لاتبجين خره بشكلجججج مااروح بطلت بس سكتي

--تعبت مؤتمن عوفني خليني انام

--اشصابج يبوي كالها ويباوعلي بقلق بعدته عني ورحت لفراشي لان اعرفه يجذب يريد بس يسكتني ماراح يعوفها خليت راسي واعيوني متبطل دموع اجه يمي راد يسحبني لحضنه بعدته ضل بس يتحسر يريدني بس اسكت محتار شنو يسوي درت وجهي عنه مااريد اعيد الحجي لان اعرف راح هم يجذب ويسكتني

غمضت ردت انام كال غزل اخذي العلاج قبل لاتنامين

--مااريده هذه مونفس علاجي القديم

-- ميخالف اخذي علما يوصل ذاك علاجج

--اشلون عرفته ذاك ومنو حيجيبه

--خبرت امج ودزتلي صورته ماموجود منه اهنا طلبته من بره

--لعد والدكتور اشلون حتواصل ويا

--اخذت صفحته ودزيتله امتاني يردلي جواب

--يعني تحجي ويه ماما عادي بس اني لا

--والله خليتيني اعمل اشياء ابعمري مامتخيل يجي يوم واعملها

--مؤتمن لحدمن اضل هيج اني لااشوف ماما ولافون عندي وحتى دراسه هم حارمني منها

--ذني كلهن سهلات بس صيري زينه

--يعني حترجعلي الفون مالتي

--لااشتريلج غيره

--وماما

--هم سهلا اخليج اتشوفيها

--اشوكت

--موهسه انطيني مجال هسه نامي ارتاحي هذه الحجي مووكته

--ماراح اتروح يمها مؤتمن اوعدني

--غزل والله تعبان صارلي يومين ماشايف النوم ابروح ابوج نامي خلي أمن عليج لخاطر اناملي ساعه والله راسي راح ينفجر

غمضت اعيوني لان كسر خاطري يحجي بتوسل غفيت لان ميت تعب

مر اسبوع الوضع هادء مااطلع من الغرفه اكلي يوصلي ومؤتمن ينام يمي يطلع الصبح للمصنع ويرجع وكت الغده

يوم يتغده ويطلع للمضيف وبيوم العدهم شغل لايرجع للمصنع يجي وكت الغروب يروح يم جدي المهم مااخلي يلتقي بيها

رجعت صحتى مثل قبل واحسن اني ماعندي شي هذه مو فد مرض لا انسداد من الولاده اهواي مثل حالتي

واكدلي الطبيب اكثر من مره ينفتح ميحتاج عمليه بس مؤتمن مديقتنع لاتتحركين لاتبجين ديري بالج لاتعبين خبلني لو باقي ميدري اهواي احسلي حتى بالبيت بعد محد يوصل يمي يخافون منه امحذرهم حتى الشغل ماكو بس انزل اساعد سماح اشويه

بالمطبخ واكفين اني اغسل اماعين وهيه تطبخ شعري انفتح واديه امبلله ماكدرت اشده اجت هيفاء سحبتني منه وكالت هذه شعرج برج الشهر يصير اطول منج

--لاحكصه

--عود باجر لخاطر مؤتمن يكص راسج ورا

--وهوه مؤتمن اشضاره اني التعبانه بي

تهاني. جا خيه عليش ميقبل اتكصه هوه الشعر الطويل بي حظ بس يصير امحمض بي ريحه وهوه سوده عليه تلكي كوه حامله وساكت

--حجت اغراب البين وعلى شنو لعبانه روحه بعد امج مواني تهاني الي حتى من اكل مااغسل اديه تره حتى عطور استعمل لشعري انضف من وجهج يامعفنه همزين نايم وياج ليله وحده وطفر

--ياااا عليش تتجاوزين وانه اشحجيت

--لامحجيتي حبيبتي بس حبيت اوضحلج انو من اخر بوسه سووله غسيل معده المكرود يالله رد لعافيته

سماح. صوتجن بويه اشلون شغله هاي

منتهى. متشوفيها اشلون تلغث متسكتيها لوكدرتجن عليه

--عوفيها خيه زعطوطه هاي لاتردين عليها وهسه مؤتمن على جيه حرام يعلكجن بالسكف انضبطن وسكتن

تهاني. راح اعديها بمزاجي هم صدك زعطوطه متتعتب على كلامها

--مم عود ميخالف

تهاني. غزل وداعت ابوي اكوم افكرثج هسه وشيصير خلي يصير بس اطلع حركت كلبي بيج

--يلا اذا بيج حظ كومي خلي اشوف شنو يطلع منج لوبس حجي وبعدين ترحين لمؤتمن تتبجبجين ضربتني وحجت على امك ومخاطج ودموعج سوه نازلات عيع

--كامت هيه واني درت وجهي مالكيت غير الجفجير شلته

سماح ركضت صاحت الشعشبونه تلحكنه بس مالحكت

تهاني عود اجت هاده سمطتها بجفجير اجه بنص وجها سويتلها ختم مصنعي بنص كصتها

وهيه جرت شعري دخلت عمتي تركض هيه وسماح لان صارت من الروس فتحنه كوه الجفجير بعده بيدي ركعتها على راسها مره ثانيه وهيه كامت تصيح يبووو كتلتني

مو اتكول مره اشكبرها اتربعت بالكاع وتبجي

عمتي. يبووو راحت ام بيتي اصخام الصخمج يغزيلان

--عمه تره هيه البلشت لاتضلين اتلطمين

ماردت دنكت شالت نعالها اتريد تكتلني ماكو مهرب وراي بس الكاونتر طفرت صعدته ضليت واكفه علي اتهدد بيدي سلاحي الجفجير

شمرتني بالنعال اجه ترس بالجامه مالت الكاونتر انفطرت هيه شافت جامت كاونترها انفطرت وهيه اتخربطت كعدت ابصف چنتها وهنه اتراكضن انطنها مي ويهفلنها

اني ضليت فوك اخاف انزل

بس ارتاحت اشويه بدت اتعد كامت شالت انعالها الثاني اتريد تضربني بي

-- والله يعمه اكسر الجامه الخ بس توصلين يمي وهذه الجفجير شوفي

--بس سويها وروح موتاي اصلخج

--لبالج مااسويها موو انداريت على الجامه ضربتها بالجفجير طكت نصين هيه شافتها ساحت روحها ردت ركضن عليها

واني على وكفتي اشوفها عياره هم حلكها اعوج وهم اتجذب كلتلهن

ولجن يمكن اتجذب هاي اشو كل اشويه طايحه ونتن تنسبن بيها وانوب تصحه من جديد

-- يغزلان وداعت ابوي اذا مايجي مؤتمن اخلي يكضي بيج التوبه سهلا يبت فريال

--ميخالف بس هدي لاتصيحين تره والله اكسر الجامه الثالثه

--يبوووو يبووو لحكوني شكول عليك يمؤتمن منين جبتها وبليتني بيها ولكم خابروليا خلي يجي هاي تجلطني ولج غزيلانننن انعل امج اليوم ولكم انطوني الماسحه

--والمسيح الحي بس جربي وجيبي الماسحه ماخلي جامه صاحيه بالبيت اسويلجيا طشار

--ولجن كضنهه جيبهه لجاي

تهاني. اي والله يعمه جتليهه بلكي تتادب

--انتي انلصمي تره حتى اليوم بالاسبوع مااخلي يوصلج

عمتي. وهاي هم سهلا اذا ماخليته بعد ميدخل غرفتج همزين ذجرتيني

--عمه عادي تره واذا مادخل عسما العمر كله ينام ويم جنتج المعفنه ميأاثر عليه بس حتضلمي هو وابشرج حتى طفل ميصير عدها

تهاني. يمه وعليش اسم الله شنو عاكر لو عاكر

--لاحبيبتي البيها حظ امبينه ذيج وياها من مره وحده كلي اشلونج حبلت بس انتي حوليا لاحولي حايله مااعرف بس هوه هذه اليكوله مصطفى يعني جبيره سفطي على صفحه انشوفلنه غيرج

بعدني واكفه بيدي جفجيري اتهدد ومندمجه احجي دخل مؤتمن ومصطفى وكفو صافنين صاح مؤتمن شكو شنهو الصار

--ولك يمه ولك الحكني ماخلت وحده ماطكتهه ونوب جسرت البيت

--عزززا جذب ماكتلت بس تهاني وكسرت جامه وحده

--يبووو ولك مؤتمن راح تجلطني نزلها اسحك راسها

--والنبي يمؤتمن اسمطك بالجفجير بس توصل يمي اني كلتها وندار اجاني كال اريد اشوف اشلون اتسمطيني شو تعالي

جان امبين تعبان واصله عنده يعني اذا لكفني يسويني نصين

طفرت من الكاونتر وطلعت ركض للدرج صعدت بسرعه لبالي اجه وراي بس الحمد الله عافني امبين امه بعدها تنعه

دخلت غرفتي وقفلتهه وراي خلي اتكمل الهوسه جوه وينسون انزل

رحت لميت شعري شلته كبايه لفيته لف الحمد الله مؤتمن سمحلي البس اتراكات بالبيت بس اذا اجو الولد مكرم لو كاظم لاممنوع انزل كدامهم هيج ميقبل

اشويه واسمع الباب تندك رحت يمها لبالي هو كالت هيفاء غزل مؤتمن يصيحلج انتي وتهاني يريدجن بغرفه جدتي

--اشلونه امعصب لو لا

--لامومعصب حل الشغله بس يريدجن جوه

--والله حيكتلني

--لاغزل بس كمشي لسانج ميطكج

--ؤك هسه جايه نزلي وجايه وراج

--بس جيبي الحاسبه وياج يريده كال خلي غزل اتجيبه

--ؤك تمام

اخذت الابتوب ونزلت لكيتها نازله كدامي واصله دخلت للكيته كاعد يم جدتي وامطبك ارداناته امبين عصبي لان شراين ادي امبينه هو من يعصب ينطن شراينه امبين خوش ناعيه امه

وكفت يم الباب اشرلي تعالي ادنيت اشويه وكفت مكاني

وتهاني راحت يمه تتبجبج والله عرفتها مابيها حظ اتكله شوف اشلون ضربتني وهانتني

شال راسه باوعلي وكال تعالي غزل دخل مصطفى عبرني وبعدين اندارلي كال حوليا مو امداج هو انتي فضحتيني فضحتيني دكوليها عدل

كوه ضميت ضحكتي عرفت مؤتمن امرزله لان سمعني كلت مصطفى يگول

بلش مؤتمن بالرزايل وامه معترضه لان يرزل بتهاني

عمه. يع ولك ترزل بتهاني وهاي هادلها الحبل ولك هاي راس البله

تهاني. مؤتمن تره والله هيه التتجاوز واتكول مؤتمن عافج لان وصخه ترضاها تطلع عليه هيج حجايه

--عززا دتجذب ماكلت

--يااا عمه انتي الشاهده

--تره بس كلتلها غسلي اديج وره الغده و

مؤتمن. انكتمييييي غزززل

--سكتت اصلا اني ساكته بس هيه تتهمني باطل

--خره بشكلج اكلج انكتميييي

هاي المره لكيت اصواتجن طالعه وروح عمي مره ثانيه ادفنجن مكانجن سمعتهننن

--اممم

غزل على غرفتج مااريد المح شكلج

عمه. والله وزحمت روحك يبعد امك

--يمه جاي تعبان رحمه لدينج بسج

--ولك كسرت الجام وطكت مرتك

--سهلا مصطفى يصلحه

مصطفى. وصخام شكووو اشكد سهلا مصطفى يصلحه لم نسوانك خويه

--انكتم وكوم شوف شنهو مكسور خلصني من اللغوه وانتي على غرررفتج يلااا

عفته وطلعت وهيه وراي مثل الحيوان تتسابق صعدت بعدتني حيل اجيت اطيح من الدرج

--عززا ابعينج متشوفين روحج جنج ثور على كيفج لو طايحه

--يااا هاي اني الثور والله خلي مؤتمن هسه يجتلج

--دولي عن طريقي ام حلك الفاهي كل احجابه وكالت مؤتمن هو اصلا مامعبرج

--سهلا غزل خلي انشوف اليوم منو التتعبر يجي جدي وانشوف اشلون يقسم الايام

--لاتصيرين لوكيه هوه موجدج هذه جدي وديلا ولي من يمي جدي عيع اشكد ذاله نفسج ومحد معبرج بابا اكو شي اسمه كرامه

دااصعد وماحسيت غير جرتني من شعري حيل شوطتني اني الابتوب بيدي نسيت انطي لبسته ابراسه فلت طاح بالكاع صار طشار وهيه صرخت

طلعو يتراكضون اجه مؤتمن لباله شوشنو صار شافنه على الدرج والجهاز بالكاع مكسور دنك شاله وباوعلنه صافن شنو السويناه

شمره وصعد جرنه اني من شعري وهيه من شالها سحلنه لغرفه بيبي شمرنه وسد الباب مخله احد يدخل نزع احزامه وكال الضاهر انتن متنعدل

هيه تتوسل بي اتكله هيه مواني وهو بلش ضرب كل ضربه احس جلدها ينشال وياهه اني اكمز ويه الضربه ضربها ضرب لمن جنزها كلبي وكف بس من المنضر طلعت على كيفي من ورا ردت اشرد انتبهلي ردت اشرد

سحبني ودفعني ليجوه بس صارت وكعتي على قريولة بيبي اجت بخاصرتي شطت من الالم كطع النفس عصرت بطني لبالي بعد راح يضربني بس الحمد الله عاف الحزام واجه كنبص يمي رفع وجهي بقلق كال

--اشبيج بويه

--حموتتت

--شو دخليني اشوف اشصابج

--بطني

--انطيني مجال لاتخبصيني خلي اشوف

رفعني كعدني عدل وصاح بيه اخذي نفسسس لاتكطعي

خررره بيج غززل رفعي راسج لاتدنكين

--مابيه شي دااتنفس بس بطني

مسح وجهي شافني مابيه شي

اخذ حسره وكال يلا على غرفتج

كمت كامشه خاصرتي لان الضربه اجت قويه طلعت كبل لغرفتي قبل لايرجع بحجي ويكتلني اني من البدايه ماردت انزل اعرف بروحي راح انكتل بس لحت هيفاء

اتسطحت دخل مؤتمن كال اخذتي علاجج

--امم

-+اكو شي يوجعج

--هئ بس اشويه بطني

--بطنج لوخاصرتج مافتهمت

--انته ضربتني على بطني طحت على خاصرتي يعني اثنيهن

--غزل وراح الاعزاز فديوم اخلي طلقه ابراسج واخلص من مشاكلج بويه ركدييييي

--مسويت شي

--مااسمع حسج اششش

ذب سترته واخذ المنشفه وعلى الحمام

-- اذا مازنجرت بعد كم يوم مااطلع غزل

--غزززل

--سكتت

طلع اجه اتمدد يمي خله ايده على اعيونه ونام امبين تعبان

كمت اريد اطلع مااريد شوفته سحبني كال وين رايحه

--وخر مؤتمن

--بويه غير افتهم وين اموليه كالها وسحبني لحضنه باس راسي وكال وحگ ربج تعبان غزل لاتزيديها

--وانته شنو سويت تره دتأاذيني مؤتمن والله دااكرهك

--ولج كاسرتلي الجهاز وكل شغلي بي لاتخبليني انتي اشوكت اتعقلين بويه ركدييي سودنتيني

--تره هيه تتحارش وانته ضربتني

--غززل ولج رب الحلو ماخاله شي ماشامرته عليها لبالج مااعرف راس البله منهو

--تره موحيوانات عندك احنه مومن حقك تكتلنه

--ولااني حيوان اجي من الشششغل منعول صفحتي تتلكني بمشاكلجن خره بعيشتجن

--محد كلك تتزوج هالكد

--شو دولي كالها ودفعني زين ماطحت من الجربايه نزلت كال طلعي وطفي الضوه نزلي مااريد اشوف جهرتج اهنا

--اييييي

--غززززل صوتججج

طلعت وركعت الباب حيل صاح غزززل

نزل عفته يسب وراي صدك يحجي هذا لويتشاقه فوك مكاتلني زعلان والله يالله نزلت لكيت احمد عدنه كاعد هو ومصطفى يسولفون رحت للمطبخ جانت سماح اتحضرلهم اكل وكفت اساعدها اندارت باوعتلي وضحكت

--لويش داتضحكين

--لاسلامتك ابربج غزل سويتي المصيبه وانكتلت تهاني ولج شوفي جسمها مابي مكان صاحي

--تستاهل مازعلت ولت لهلها

--لاوالله لوتسحليها متروح اليوم ليلتها

--شنو ليلتهه

--غزل عقلي تره زوتيها كال كل اسبوع اروح يوم انضبي

--لعد هو مكلي هيج بس والله لاتزعلين عادي خلي يروح يمج بس تهاني لا

--اووو غزل ذاك رجلج روحي اتفاهمي ويا

--هئ اصلا حعوفه واروح ويه احمد

--اي عفيه لخاطر يشنقج

--لااتكلوله راحت ويه احمد كلوله شردت راحت لمها

-- اي عفيه بالشاطره خوش فكره

--اشبيج مستهزئه

--ولي غزل سوي التردي بس بالعباس تنكتلين خلي اكلج من هسه لاتكولين عليش يطكني

عفتها اشكد جبانه واتخاف منه محد طيح حضنه وخلا يتفرعن غيرها رحت سلمت علي احمد و كعدت يمه نزلت تهاني وجهه امنفخ شافها احمد كال هاي اشبيها

مصطفى. مابيها شي يخوي بس مؤتمن جرب الاحزام راد يشوفه طبيعي لوضاحكين عليه

--وانتي هم انجتلتي

--امم حصلت دفره

--عليش انجتلتن

--لان واحد ميخاف الله عوفك منه اكلك احمد

--هلا

--لويش مااخذتني لبيتك لحد الان مشفته

--تعالو انتي ومؤتمن بليل عشاكم يمنه

--لابس اني حروح وياك لان مؤتمن نايم

--اخلص اكل واروح اسلم على جدي بين متاخذين الاذن من زلمتج

--تمام

كمت ركضت اخذت حجاب من هيفاء وشال لبستهن وعدلت طلعت لكيته امخلص يم جدو اشويه واجه كال ها كلتيله

--اي وكال روحي وباتي يمه

--يلا جا بويه اوديج لبيتي وراوح للمصنع

رحت ويا مصطفى جان يباوعلي ورافع احواجبه يعرف جذب همس وحق دين محمد راح اتجلطين الزلمه

طلعنه ركضت صعدت بسياره الطريق مو بعيد بس سيارته تعبانه خطيه

--لويش متشتري سياره جديده

--خلي الم جم فلس واشتري

--لعد خو اخذ من مؤتمن لويش افلوسه قليله

--لافشله هو والله ميقصر بس استوه ساعدني بالبيت بعد اخجل اكله على سياره

وصلنه للبيت نزلني وراح للمصنع دخلت لكيت سمر تغسل ملابس بالباب بيتهم زغير بس صغير مرتب غرفه جوه وامبين اكو فوك هم سلمت اتلكتني اول مره اشوفها وجها طبيعي

دخلت دخلتني لغرفه امها جانت اتصلي كعدت وياها لمن خلصت صلا كامت المره حبابه وفقيره سلمت عليه كعدت وياي اتسولف وسمر راحت اتكمل شغل كالت اشلونج ييمه

--تمام خاله

--اشلونهن اشرايجج هاي الجديده هم تضوجج

--اشويه بس سماح حبابه

--لاسماح واحد يحجيها لله طيبه على امها بس ذيج ييمه مسمومه ديري بالج منها

--اي خاله مالي دخل بيها بس هيه تتحركش بيه واتخلي يكتلني

--اوووف ييمه الشريجه اتحر الگلب

كالتها واتحسرت عرفت تقصد ماما استحيت لان حبابه ومتستاهل وهسه حسيت بيها من اتزوج تهاني شعور يموت من اتشوفين زوجج ويه وحده ثانيه

اجت رجاء تتمخطر يمكن حامل مااعرف بس شكلها اصفر سلمت من وره خشمها وكعدت ايي اشعجب مؤتمن خلاج اطلعين

--مرايحه مكان غريب والله جايه لبيت اخوي

--وليش مااجه وياج لو بقه يم عروسته صدك اشلون نسيت

--لاابشرج عروسته هسه كتلها كتله غسل ولبس وعفته نايم بغرفتي

ضحكت مرت بابا وكالت مثل امج امكوشه على كلشي

--لاوالله خاله دوم انضرب وهاي عمتي كامشتلي الباب اتكول اروسيه اني وياها

رجاء. غزل احترمي نفسج لاتخليني اخابر مؤتمن اخلي يلطمج على حلكج

--مؤتمن ميلطمني ولو شايفه قبل اشويه امج شالت روحها وركعتها بالكاع وهو بس كلي صعدي لغرفتج ولاتعيديها

--هيج صايره

--اممم موتي وبعدين انتي هي شنو شايفه روحج لويش كاعده واختي تشتغل شايفين روحكم انتم تره العالم موعبيد عدكم اصحوو

--يااا شوف البت اشلون تحجي وانتي اشدخلج

--اي عيني موشايفه خالتي ساكته فقيره واختي ثوله استغليتيهن ومايحجن للشفيه اخوي واخاف مستسبعه بخوج حبيبتي اصحي اتكومين اتساعديها لاوالله امرعطج هسه

--هاي منو الفاهيه بت بغداد اتطگني

--لاابربج بت بغداد قديمه هاي هسه اكوم اسحلج واعلمج على دينج انعدلي تره افيوزاتي طاكه من اخوج لااتخليني اطلعها بيج

--هسه انشوف اشلون اطلعيهن كالتها وكامت طلعت خالني كالت ليش ييمه تحاجيها

--خاله تره هاي عرمه مثل امها وسكط مثل اخوها لاتنطيها مجال شوفي امها اشلون ساحلتني بالشغل

--ميخالف ييمه اتحملي ولاترتددين اتأذيج هاي اذا متكدر لمؤتمن وتخلي يكتلج اتأذيج بغير طريقه

--اعرف طريق السحر اعرفها كلش زين

--اي ييمه كلنه نعرفها تمشي بطريق الشر

دخلت سمر خطيه ميته تعب كعدت كلتلها اشبيج ثوله هاي تضحك عليج وانتي لويش متغيره صايره فاهيه من اشوكت موجنتي متنجرعين لوبس عليه

--خيه مااكدرلها شسوي

--كولي لخوج خلي ياادبها

--احمد يخاف من مؤتمن ميحاجيها

--لويش عيني موهو ساحلني ذهاب واياب لويش هذه ساكت

--اوووف خليها سكته المهم انتي اشلون امكضيتها وياهم

--ههههه العب وانكتل والله كاضيتها سحل بسحل

--ولج غزيلان كعدي على يوم مؤتمن يموتج

--شنو الاتغير مو قبل كم يوم جنتي اتخبثين عليه انداريت لخالتي كلتلها خاله والله جان ميعدي يوم اذا مااتخلي مؤتمن يسحلني

خاله -اتضلين اخيتها اتهون عليج وجانت بيد ام مؤتمن اتوقعي كلشي منها وروح معتصم زعلت من سمعت جانت تاذيج وكلتلها ابوج ماراح يرضه عليج ماطول هيج ويه اخيتج

سمر. خيه تركي القديم وانضبي لاتطلعين اسواديني تعالي كليلي مكرم اشلونه

--مخابيل انتي واخوج والله كل يوم بشخصيه ومكرم حي يرزق ماادري ميجي قليل وحتى لواجه يروح للمضيف ميجي للبيت لويجي بس يسلم على بيبي

--اووف اشتاقيت لمتنه سوه اشلون جنه ملمومين

--اي والله حتى المشاكل جانت حلوه عالخفيف براجدي تخلص هسه الدفرات للصبح تشتغل

--اشوفج ماكلتلج دفره قبل لاتجين

-- وحق الله دفره ولو مالله يرحمني جان احزام هم وجيت بسكوت ميدري

--اصخام الصخمج هسه يجي يسحلج ولج عليش هيج اتسوين

--لعد وين اروح غير زعلت

--خرب بغيرتج غزل اتزعلين من مؤتمن شيخلصج هسه

--تره خوفتيني شنو ارجع هسه لوشنو اسوي

--اووف اوف ولج خيه اركدي يم زلمتج لايطك عنده عرك ويجتلج مؤتمن ماعنده مانع يخلي طلقه ابرسج ويخلص

--اي والله حتى هو يكول

ضل كلبي يدك صدك اشلون طلعت وماكلتله اني كاعده واكل بضافيري نزلت رجاء من فوك تتبسم عرفت خبرت مؤتمن هسه يجي يسحلني كدامهم اني اشسويت ابروحي خالتي عرفتني خايفه كعدت يمي كالت لاتخافين مااخلي يجيسج بس ييمه ميصير اطلعين بدون شورته هالمره عملتيها لاتعيديها

مارديت لان اشوف الدنيا ضلمت واحمد ماكو عالاساس احمد راح يحميني منه هيج يكله يفعصه بيده

رجاء كاعده اتراسل مااعرف منو خالتي وسمر يحضرن العشه ذبيت جبتي والشال ورحت وياهن دخلت للمطبخ وكفت يم خاله اساعدها اشكد طيبه وحبابه اشلون بابا عافها خطيه اوف ماما ولاتكعد خلته يطلكها خطيه

اتباوعلي وتبتسم كالت ماخذ اعيون امج اكبار وصفر وحلك معتصم ازغير

--تدرين مشايفه صوره لبابا ابد

--عنده صوره بس هوه تراه يشبه مؤتمن بطباعه

--يعني هم جان يضرب ماما

--من تصعد عنده وأمج الله يسلمهه اعنوديه وكحه يطكها ويضل ياكل ابروحه

--عزا نفس الخبال طلعت وراثه وين صورته خلي اشوفه هسه يطلع حتى شكله نفس الصخام العندي

--سمر يمه تلكيها بالبوفيه جيبيها لخيتج

راحت سمر دقايق واجت اخذت الصوره شفتها كلتلها حلو شكله بس محد طالع عليه يمكن بس حبيبه ماخذه اشويه منه واني لبالي يشبه الصخام العندي

--لا يمه مؤتمن الله يسلمه على خواله طالع حلو متروس ومعصب مينجرع صح ماخذ اطباع ابوج بس على خواله اكثر تراهم خواله شيوخ اكبار لاتشوفين امه عرمه اهلها خوش ناس مشهودتلهم الوكفه

--لعد ماطلع الاملح عليهم

--هههه ولج رجلج اسمه بالديره وسمعته سابگاته بس هو اشويه تطبگ عنده الوايرات من يعصب ميشوف چدامه بعد وانتي وامج اتكول تتسابكن اتلگطن شكو واحد مينجرع

--والله يخاله لانشنت ولاوصلت وداعتج اجيت سحل

--والله دلع ولسان فريال نفسه بس انتي احله

سمر. اي حضوض املكطه شكو شي حلو مثل حضي اخذت لون ابوي

--هههه بس اني اخذت حظ امج لاتنسين من العز لحظن مؤتمن ترس

مااسمع غير كال اي وشبي حضن مؤتمن

انداريت شفته واكف وراي اتصنمت مكاني دخل باس راس خالتي وسلم على سمر اجت اخته تركض حضنها ويضحك باسها ورجع حضنها عزا حسيت بالغيره لويش هيج يحضنها كمت اكل بضافيري واباوعلهن اشلون يلعب ابوجها ويضحك وياها

اووف احس كلبي يفور غيره غزل تره هاي اخته اشبيج لويش هيج غيرانه اخذت نفس اريد اهدء اني لويش هيج دااحس من اشوفه يتقرب يم وحده حتى لوجانت اخته اتضل النار تشعل بيه عزا اتخبلت جنت اضحك عليه شنو صرت مثله

جرتني خالتي وبتسمت اخذتني وياها كالت اهدي يمه

--مابيه شي

--يااا اشوف بيج عشك معتصم لفريال

--جان يحبها

--ييي يايحبها غير ميشوف بس هيه

--انيالها جان يحبها لعد مثل حضي

حسيت الضربه اجتني من وره كال اشبي حضج

وخرته ورحت يم الكاونتر اسوي الاخيار احضره للعشه وكف يمي ياخذ من الماعون وياكل اجت رجاء هم شبكته من ضهره صعدت عندي كلش دفعتها حيل هيي تره زوتيها شنو اول طيحته

--وانتي شنو الحارج غير اخوي ومشتاقتله

--الله يكثر اشتايقج ولي لاافوت السجينه ابكرشج

ضحك مؤتمن بصوت عالي وجعص وجهي بيدي كال يول هاي اختي عافني وراح للصاله كعد واني كملت الثرم خلصنه العشه خلينا بالصاله كعدنه

كعدت يم احمد شافني ماكعدت يمه صاح لرجاء كل اشويه يبوسها من راسها ويسويلها لفات من صدك يحبها حاسبها ازغيره ويباوعلها يخاف عليها ونوب هاي تطلب اشياء منه يجيبلها وهوه يكول تم باجر يمج

يابه غير موتني قهر لعد اشبي اخوي اكله اريد وياك يكلي شوفي مؤتمن بلكي يقبل مال اتفل ابوجها

باوعلي احمد كال عليش صافنه ابوجهي

سكتت شكلك اجيت اتفل ابوجهك لومااملحك تحجي

كملنه حتى اكل انسدت نفسي ماكلت

احمد. غزل عليش ماتتحجبين مثل البنات

--همست عفيه اخاف مؤتمن الله هادي طلع الحيوان الابداخله

--شنهو مااسمعت

--دااكولك هسه قبل لاجي غيرت لان كلت محد يمكم عادي

--خوش عفيه بخيتي

رجعت همست والله مال ادفرك غبي انجب اسكت حير بسحورت مرتك شكو تنبش وراي

خاله. غزل يمي لايسمعك سكتي

سكتت هم صدك هسه هوه وابن عمه يطلعون بطولاتهم ابراسي خو ابن عمه مايصدك هسه يرفعني فلقه

اتمددت خليت راسي بحضن خاله وهيه تلعب ابشعري

ضلو لتالي اليل يسولفون بس والله الكعد بلا صفاوي موحلوه يسواهم اثنينهم سالتني خالتي على امي اشلونها

--تمام بس صار اهواي مشايفتها

--عليش مااجتج

--لاع بس مؤتمن كال حوديج اتشوفيها بعد كم يوم

-- والله يخاله ماامصدكه مؤتمن يشوف فريال وهيج هادء الله يهدي

سمر. غزل اذا رحتي لبغداد اريد اوصيج اتجيبيلي كم حاجه مناك

--ميخالف بس اشوف مؤتمن اشوكت حيوديني والله حموت على شوفتها

جان يباوعلي صافن بس مارد طلع جكاره ورثها ورد يسولف ويه احمد

صارت العشره بديت اغمض رحت بالنوم واني بحضن خالتي

كعدت على ايده وهو يدكدك على خدي فتحت اعيوني كال كومي يلا انروح

--اليوم ابات يم احمد

--كومي لج اتبات يلا كالها وكام

رجعت غمضت ماهتميتله دفرني بدايه رجلي باوعتله اشرلي بيده كومي وطلع بره خالتي كالت كومي ييمه روحي ويا لااتعاندين

--خاله اريد ابات اهنا

--دكومي يايمه لاطوليها والله مينجرع زلمتج تالي يطكج شنهو لسه ماعرفتي مؤتمن

--مااروح خلي شيسوي خلي يسوي

--شوف الحظ ولج مالكيتي غير مؤتمن اتعاندي دكومي لايسويلنه مصيبه يلا

--اي خاله كايمه كايمه

لبست الجبه والشال اشلون مجان وطلعت صعدت ويا لكيته امتانيني بالسياره حرك الطريق ساكت مشينه مسافه قبل لانوصل بشويه كال منهو كلج اطلعين ابكيفج

--رحت ويه اخوي مويه غريب

--سهلا نوصل وانعرف اخوج منو هذا

--تره مراحت مكان مؤتمن رحت ابيت اخوي مودتجيك اختك لو وحد هاي لان اختك لازم اتسوي التريده ومحد يحجي لويش شايف الناس كلها ابعينك الزغيره تره بشر حالنه حالك مليت منك ومن عيشتك كرهتك وكرهت عيشتك

--خلصتي

--شنو مؤتمننننن لاتخبلني احر ماعندي ابرد ماعندك مؤتمن مؤتمن اشوكت راح تتغير وبعدين شنو السمعته من سماح اليوم شنو حترجع لتهاني

--ومنهو كلج تركتها لخاطر ارجع

--لعد انتى وعدتني متروحلها بعد

--منهو وعدج بويه تره حالهن حالج كلت مريضه كم يوم بقيت يمج نص كلمه مااريد اسمع الايام تتقسم عدل وحسج اذا اهيسه ادوس راسج

--روح يمها بس يمؤتمن لواتموت مااحصيرلك مره مره لخ

مارد دار وجها باوعلي بستهزاء ورد عينه للطريق خلاني اشيل روحي وادكها بالكاع صاح يواشج بويه لاتضلين اطحرين

--لعد اسمع انته شنو دتحجيييي

--جذب جذب بسج لايوكف كلبج

--يعني متروحلها

--غزل بويه كلتلج يوم بالاسبوع هم خطيه شنهو ذنبها

--مااعرف مؤتمن متروح

--استغفر الله علاجج اخذتي لوناويه اليوم هم اتنيمينا بالمستشفى

--مااخذته ولاراح اخذه وخليك ويه تهاني لاتحجي وياييي

--مرررض صوتج يطبج وجع وكون على الله الكفج مره ثانيه طالعه بدون لاادري حتى افلش راسج

سكتت مارديت وصلت على اخري نزلت قبل حتى لايطفي سيارته ركعت الباب حيل وراي ودخلت جوه على غرفتي عدل

سديت الباب ذبيت هاي خنكتني اني اجابني لهيج شي

سمعته صعد جنت مستعده ومحضره اهواي حجي اليوم وين متوصل خلي توصل تانيت مادخل سمعته فتح غرفه تهاني وسد الباب خلاني اشتعل ورا

عود شنو هذه يعاقبني بهيج شي والله ولااهتم خلي يشبع بيها

جذب والله دااموت رحت لفراشي وبجيت من القهر صدك مؤتمن هيج دسوي بيه

لميت روحي وكلبي يغلي من القهر هسه نام بحضنها اكيد اي ديتغزل بيها الله ياخذك مؤتمن الله لايوفقك هاي كل الزوجها يتزوج عليها هيج دتحس لو اني مزودتها

بس مو مزودتها لاوالله دموت ماداتقبل ينيم وحده ثانيه بحضنه غيري

اريد اشيله من راسي وانام ماكدرت ضليت اتكلب طارت النومه من القهر هسه تكعد الصبح تحرك بروحي

والله حسود عيشتك مؤتمن بسيطه

ضلت بالساعه اتكلب ماكدرت انام اغلي من القهر يمكن اذا بقيت اكثر راح يجيني انهيار عصبي وهو ولاعلى باله

خطر على بالي اخابر ماما بس اشلون ماكو غير سماح بس لاهاي متنطيني الفون مالتها هيفاء اي ماكو غيرها بلكي تقبل بس نايمه هسه

كمت كلت لعلو اشوفها كاعده لواخذه بسكوت فتحت الباب على كيفي نزلت على اطراف اصابيعي علمود لايسمعني وتالي ميخليني وماعندي غير هاي الفرصه الحمد الله خلصت الدرج ومافتح بابه امبين غاط بالعسل ميسمع شنو ديصير

رحت على السريع لغرفه هيفاء دخلت لكيتها سابع نومه فونها يمها بس الرمز مااعرفه اخذته هسه اشلون اكعدها لولا لعد اشلون افتحه اذا ماعرف الرمز

--هيفاء هيفاء

--هممم

--كومي فدوه فتحي الفون اريد اخبر مؤتمن

--عليش مؤتمن وين واتخبري

--نايم بغرفته الثانيه واستحي ادك الباب اريد اساله عن علاجي نسيت اشوكت اخذه

--غزل لاطلعيلي سالفه ويه مؤتمن

--هى ولج اشبيج بس اخبره وارجعه يلا نعسانه اريد انام وهوه ميرضه انام اذاماخذ العلاج

--انطيني خلي افتحه الج بس ابسرعه خابري حبابه تره يضل يحجي عليه

اخذته وفتحت الجهاز كلتلها هسه اشويه واجيبه بس صورله العلاج علمود افتهم شنو رجعي نامي اني اخلي على الشحن من اجيبه

اخذته وطلعت صعدت فوك عبرت غرفته على كيفي بس استوقفني ضحكتها احس داست على كلبي بيها غمضت واخذت نفس وكملت مشيتي احس كلبي وجعني شنو ديحجون وهيج تضحكله ا الله لايهنيك مؤتمن مثل مادتحرك كلبي

كعدت اريد اركز اراسل ماما بس كلبي يوجعني كلمااتذكر وياها انعصر جسمي يرجف وين حبه الي

لوهيج هذه كوله بس كلام اشلون يكدر يحب اثنين بنفس الوقت خليت راسي بحضني اريد اهدء بس ضحكتها متروح من عقلي

لويش انته مو الي بس ليش لازم اتحمل هالعذاب

شلت راسي وخليت ايدي على كلبي افرك بي اريده يهدء كافي والله ميستاهل هذه عايش ويضحك وانتي ضلي اكلي ابروحج لمن اتموتين على واحد ميسوه شنو والله اتحبي غزل لاتتورطين ويا لاتحبي راح تتعذبين اهواي

اخذت نفس اريد استقر اهدء اخبر ماما التهي وياها بلكي انساه

شلت الفون فتحت الرمز همزين انتبهت من فتحته لان انغلق من جديد بحثت صفحت ماما طلعتلي دزيت ؤك هسه نايمه هاي وين اترد

رجعت دزيت هلوماما اني غزل مستاقتلج كومه اكيد نايمه حبيبتي

اني بخير وان شاء الله بعد كم يوم حيجيبني مؤتمن الكم

اجيت اسد الفون لان نايمه اكيد بس اشو تم الاستلام وجاري الكتابه انوب اتصلت

فتحته على السريع اول ماشفتها بجيت مااعرف من اشتياقي الها مااعرف من غدر مؤتمن وتصرفاته هيه هم تبجي وياي فدوه ماما اشكد مشتاقتلج

--والله يعمري اني هم اشلون بنتي

--تمام ماما بس مشتاقتلج

--موابكدي والله ميته على شوفتج حسبي الله بالبعدنه

--لاماما لاتدعين علي خطيه

--يااا عزا ابعينج ولج بسلا حبيتي

--غير زوجي

--عوفج من اصخام البين كليلي اشلون صرتي

--تمام ماما زينه صحتي وديتواصل ويه الطبيب مؤتمن

--عوفج من الطبيب اني متفقه ويا انتي تحاليلج مابيهن شي بس اني خوفت مؤتمن علمود يدير باله عليج كلتله حالتها موتمام على ساعه تتعب دير بالك عليها

--عزا واني اكول متخبل حتى من اسوي غلط ميحاسبني

--وانتي يحضي شنو امسويه

--اليوم رحت لبيت احمد بدون لايدري لان ضربني زعلت وطلعت

--الله يكسر ايده ان شاء الله هم كتلج واشدعو هاي طلعه عندج غزل لوصرتي نفسهم كمتي اتحسبين ذني طلعات

--لعد ماما شبيدي اذا هو حابسني ميرضه اطلع بس حجي اشوفج ييي واخيرا

--وين تجين حبيبتي؟

--لبتنه كال راح اوديج اتشوفين امج

--لج وين ماما شيجيبج لامريكا

--عزا ماما عفتيني كلتها وبجيت صدك ماما اتخليتي عني منو الي غيرج اشلون انطاج كلبج اتعوفيني وحدي

--لعد مكلج اخذ جوازج وسوا نصين واحنه شمر علينه تهمه خلانه نطلع وبعد مندخل الحدود العراقيه ولج ديضحك عليج هذه

--شنوووو

---مصطفى---.

جاي البس قمصلتي اشوف سما چدامي وياها مره چبيره رحت صوبهم سلمت ردت السلام

معتاز شي يبوي

--لاتسلم خويه بس امي اشويه امعافيه جبتها لهنا انشوف ضغطها

--اهاا ماگو شي ان شاء الله تجين اليوم للمصنع

--اي چايه بس اخلص التحاليل مالت الوالده

--تمام خلصو اني اهنا اوصلكم بطريجي

ام سماء. خوماكو شي يمه خيرك اشوفنك اهنايه

--لاوالله مرت مؤتمن اتعارضت جبناها

--سلامتها ييمه چاخليني اشوفنها ماطولني يمها

--لاحجيه لاتعبين نفسج وهسه مانعين علينه الدخول

--يااا ييمه خيرها اشمالها

--مابيها شي نسوانه اتمالخن سقطت ضحيه بينهن جبناها لايضل بالچ اصابات خفيفه

--يااا چا جم وحده ماخذ

--3 الله يزيدهن اخوي الله يسلمه موهبته يلم نسوان

--الله ينطي العافيه

--لاهوه معرس مو بي خرعه

ضلت ساعه تلغث ابراسي بس ميخالف متحملها لخاطر الكمر اليمها اتوسلت اوصلهم جعمرت بت ال--- ماكو

وبتها مثل الثوله واكفه وره امها شتكول اتهز راسه بااي امعوزين ثولان بالعائله واني اكثرهم سلمت امري لله بالقسمه الجايه

اجه ولد شاب وكف يمنه كال السلام عليكم

--هلاوعليكم اتفضل امر خدمه

--لاسلامتك تره ذوله عائلتي والواكف صوبهم

--العفو بلا زغر بيك بس مااعرف عدها اخ هالكبر

--لااني ابن خطيب سما موش اخوها

خبر مثل الصعقني انداريت باوعتلها اعيونها امدمعه دنكت ماكدرت كلشي احجي سلمت واترخصت رجعت للكافتريا راسي مسطور لكيت مؤتمن كاعد كال خير شمالك

--ماكو يخوي هيج شغله وطلعت فاهمها بالغلط هسه وضحت

--سما مو

--شعرفك سما

--مصطفى اخذها نصيحه مني يخوي لاتعيد غلطي شيلها من راسك راح تتعب وتورط روحك

--من اشوكت مخطوبه

--هذه ابن عمها من هيه وزغيره محجوزه اله

--وعليش ماكلتلي لوحبيت اتردها الي وتوجع كلبي

--ماصار اهواي من دريت من اجت طلبت اجازه قبل اسبوع تنساها يخوي وتجي الراح تشغل بالك

--يلا اني اروح للبيت

--مصطفى

--هلا

--لاتعيد الغلط تراك ماراح ترتاح كل صفنه تشعل روحك راح تتخيل هو بذاكرتها شيلها من راسك يخوي

عفته ورحت احس روحي ضايع

رجعت للبيت هلكان طبعا مثل كل يوم اوصل الكاها امكافش من الروس بس هالمره زادت شفت هيفاء مكتوله والله يمرت مؤتمن الجديده خلت الشيطان يخجل من روحه

لااكدر احاجيها فشله من اهلها ولااكدر اسكت

سحبت هيفاء وهيه صاحت ايي دافع لختك

--بعدي هيج لااسمط ابو اهلج

--هسه يجي مؤتمن انشوف اشلون تسمطني

--انعل ابوج لابو مؤتمن بت الزمال بعدي عن طريجي لاانعل ابو اصلج

رحت لغرفتي بعد ماوديت هيفاء لغرفتها لان هاي غبيه تنجتل وساكته

دخلت غيرت ملابس ابسرعه ونجطلت اشكد حاولت انام ماكو ابراسي مترسخه

اتذكرت حجي مؤتمن الزمال لباله راح اعمل عملته اطلكها من زلمتها واخذها واعيد معاناته

ميدري ذني كلهن ميجن حرتهن ابكد ربع الشايله بداخلي الهم

-- غزل. --

--شنو ماما شدتحجين لاتخبليني

--والله يماما هو سوه هيج وره مااخذج كم مره اجيت اشوفج طردني اخر شي اجت علينه دعوه جبيره اطرينه نطلع ابسرعه وحتى الجواز من اجه لعمج قتيبه اخذ جوازج مزكه كال بعد متعتازه ولج حتى كلتله اقلها اعقدها محكمه اخاف يصير عدها طفل لوهم تاخذ منها اعرفكم متخافون الله ولج يكلي هذه الشي راجعلي لاتدخلين ورجعه لهنا انتهت يماما اخذج مني وحرمني من شوفتج سوده عليه

--ماما نفسها الورقه الجان يهددج بيها اشتكه عليج بيها مووو

--عوفج من الورقه غزل حبيبتي ديري بالج على روحج يماما بس رب العالمين وياج مااكدر اني بعد عجزت ماكو حل اردج الي والله دااموت بس مابيدي شي مؤتمن عرف اشلون ينتقم مني ولج اخذ روحي لوكاتلني ولاهيج سوه بيه حسبي الله بي

--شنو يعني انتهت بعد مااشوفج

ماردت ضلت تبجي

مااعرف شنو صاراي اريد اسيطر على روحي من الرجفه ماكدرت شنو ديسوي مؤتمن صدك لو جذب ماما تحجي واني صافنه ابوجها مثل الصدمه صارت بيه اني جايه فرحانه ابشرها انو حشوفها وهيه تصدمني بهيج خبر واكول اشلون ردت نهار عدهم يعني خلص بعد مراح اشوفها طول عمري راح اضل تحت رحمته اي شي يسوي ومااعترض بثواني حسيت حياتي انتهت شلت الفون فتحت الباب وصلت غرفته دفرتها كمت ادك بثنين اديه لمن طلع مصدوم كال شنو شمرت الجهاز بوجهه هاك هذا شوف شنو اكو

--غزل بويه اشصابج

--لاتكول اسمي على السانك احقر انسان شفته يحياتي انته ولكككك هم حاسب روحك بشرررر الله ينتقم منك

شال الفون صافن يريد يعرف شنو تهاني واكفه صافنه شنو اليصير شاف ماما فاتحه اتصال غلقه اخذ نفس بس ماحجه شنو حيكول اصلا اجه يمي دفعته

--مؤتمن طلكني

--اهدي

--لااتكول اهدييييي هسه اطلكني مؤتمن اذا مطلكي هسه اكتل روحي

--غزززا بويه بس اهدي كافييي راح اتموتين

--شنو السويته مؤتمن لويش ها لويش هيج ولك شنو السويته الك

كعدت يم الباب احس رجليه بعد متعيني كعد كدامي يريد يسكتني

--لاتحجي مؤتمن وداعت ماما اشوفك موت كدامي تعرف شنو موت قليل ابحقك اكول اكرهك ولك لويشششش شنوسوويتلك وهيج تحرمني منها

--بس سكتي كافي غزل راح اتموتين شنهو التردي اعمله الج

--شنووو الاريده بعدك اتجذب مااريدك مااريدك

دفعت وكمت احس روحي ضايعه

كعدو البت على صوتنه اجو صعدو يردون يفتهمون الصار واني احس روحي انهاريت مااعرف شنو اسوي بس عقلي جان بي انو هاي هيه بعد مااشوف ماما انتهت

--مؤتمننننن طلكني

--استغفر الله غزل يعمري بس افهمج

--شتفهمني انته اسوء واحقر انسان شفته بحياتي ولك من شنو مخلوق مستحيل اتكون بشر مثلنه

--غزززل كافي

--مااطلكني مو وسويت هذه كله علمود تضمن ابقى يمك بس اني ماراح اضل وياك

بقه واكف مافهم شنو قصدت ركضت للغرفه اجه وراي بس مالحك عليه ركضت للبالكون دخلت وسديت الباب كلتله لواطلكني لو اشمر روحي

اباوعله رجع ليورا غزل دخيل ربج لاتسويها

--طلكني

--غزل العالم هسه ننفضح

---طلكنييييي

--بس افتهمني اسوي التردي غزل لاتتخبلين فتحي الباب اردلج امج غززل عقلي

--مااريد اعيش وياك اكلك مااريدك متطلكني خليك واني هم ماراح اضل وياك

صعدت على الحافه وغمضت اعيوني---

التاسع عشر من هنا

تعديل المقال