رواية الهجرس الفصل السابع عشر 17 بقلم رواء هادي
ماتحملت أنانية جديتي حلوة ماحب اجبر احد علية فتحت الباب ودخلت من دخلت انتبهوا علية وباوعولي سديت الباب بهدوء اشرت بيدي
هجرس_كملوا كلامكم ليش سكتوا ؟
حلوة_شجابك ؟
هجرس_الله جابني جدة شنو هذا الكلام تفاق
شنو ؟تحجون بي
حلوة_سمعت ؟
هجرس _كلشي سمعت مع آسف ماتوقعتج هيج أنانية
حلوة_فرقد انا مو أنانية انا اريد مصلحتك و...
هجرس_اترجاج لتكملين كلامج ..انا مالي نفس بسلي ولاهي لها نفس بي شلون تردين تجبرين أبوها يزوجها لي بدون موافقتي و موفقتها ...
وهم نقطة عندي انا ماتزوج بعد شلت فكرة الزواج من بالي وخلي البنية تمشي بحال سبيلها
حلوة_مو بكيفك
هجرس_قررت وخلص ماتزوج بعد عمي ماعليك من كلام جديتي انطي بتك وخل تشوف حياتها
حلوة_على كص اركبتي اخليها تزوج
هجرس_جدة شبيج
ابو محمد _تعوذي الشيطان عمه
حلوة_ اليوم لو انا لو أنتو أريد .. سلسبيل ماتزوج غيرك واذا تزوجت غيرك ابو محمد مالك كعده بهذا البيت ولا اعرفك ولاتعرفني بعد ومتبريه منك إلى يوم الدين
احسلك تفسخ الخطبة وتكله مازوج بتي بعد بطلت
هجرس_ماتخافين من الله توكفين بنصيب البنية
ابو محمد _ صدك جذب عمه تطرديني من بيتي
علمود البنية
حلوة_ انا كلت كلامي بعد
راحت كعدت فوك الجرباية مبين عليها متعصبه باوعت بوجه ابو محمد صار يبجي خطية هواي يحبها وهي لمربيته بعد ماماتت امه على الولادة
والبيت مالته من أساس مو له لجدي وانطه قطعة الأرض هدية له وخلاه يسكن عدنه بحسب طلب جديتي حلوة وهسه قافلة على سلسبيل وجيب ياهو ليفتح قفلها .
ابو محمد _عمه اروحلج فدوة لتزعلين بس باعيلي
اقترب منها يبجي دارت... وجهها هي هم تبجي مبين عليها محروك قلبها حرك جر ايديها وصار يبوس بيهن ويتوسل
بيها جرت ايديها وكالت
حلوة_ تفضل اخوك ابن ابوك على عمتك لربتك وزوجتك ولفتك عدها بعد ماطردوك من البيت ودرهم احمر ماشوفوك من الورث هسه صاروا عزاز ابو محمد هسه
ابو محمد _ ماكو احد بمعزتج انتي معزتج غير الكل بس شبيدي انا حفيدج مايريد بتي قابل كوه
الزمه واكله تعال أخذها
حلوة_انت افسخ الخطوبة وماعليك
هجرس_جدة لسوين هيج اترجاج عوفي البنية
حلوة _ اسمع كلامي زين فرقد لو تاخذ سلسبيل لو تنسى عندك جدة اسمها حلوة
هجرس_شنو هالحجي جدة
ابو محمد _عمه راح تخربين حياة بتي هي كوه الولد مايريدها
حلوة_هذا آخر كلام عندي توافقون أهلا وسهلا بيكم ماتوافقون لا اعرفكم ولا تعرفوني بعد ومستعده احلف كلام الله بعد مايدير لساني على لسانكم إلى يوم الدين
هجرس _شجاج ونكلبتي علية ماتكليلي
ابو محمد _استغفرالله العظيم عمه ماريد مصير بتي يصير من مصير حنين سنة والسنة الثانية طلاق هاي بتي الوحيدة شلون ترديني أضحي بيها شلون
هجرس_مستعد ماحجي وياج وماخذ سلسبيل ودمر حياتها انا اعرف نفسي شنو ومنو ماراح اكدر
انطي السعادة لسلسبيل
خليت وطلعت مقهور من جديتي بقى ابو محمد يمها يبجي ويتوسل بيها عدل لغرفتي صعدت بس سديت الباب نزلوا دموعي ليش هيج يصير
وياي الكل تريد تمشيني بكيفها هسه كوه أخذ سلسبيل انا مالي نفس بيها صح اتغزل بيها مرات واحب اشوفها كدامي بس حالها من حال مناوي ورحاب
وبنات عمي لاحبهم شلون جديتي تريدني اتزوجها وهي تعرفني كلش زين بعدني متاثر بحنين والليل ماجاي انامة من وراها مامستعد ادمر حياة
انسانه بريئة علمود ارضي جديتي .
مسحت دموعي ...بسرعة ودخلت للحمام غسلت اباوع لشكلي متغير هواي وملامح وجي كبرانه أكثر من قبل وشعر رأسي صاير بي كم شيبه وانا بعدني
صغير بأول عمري وشعر رأسي شاب من القهر سمعت الباب اندك صحت من باب الحمام "
هجرس_منووو ؟
جدي _انا تعال اطلع عندي موضوع وياك
جريت المنشفه نشفت وجي وطلعت شفته واكف بنص الغرفة ويباوعلي "
هجرس_هاا جدي شعندك ؟
جدي_ جديتك متعاركه ويه ابن أخوها علمود منطي بته لابن اخوي ...انت تريد سلسبيل؟
هجرس_لا
جدي_ ليش ماتريدها ؟
هجرس_مالي نفس بيها خلوا البنية تمشي بحال سبيلها
جدي_هذا آخر سؤال اسأله الك أخاف باجر عكبة تكلي اريد سلسبيل وصرت احبها ومن هذا الحجي تره اكسر راسك فمن هسه اكلك تريدها لو لا ...
اذا تريدها ومالك نفس بالزواج احجزها واعوفها الك شوكت يصيرلك واهس تروح تخطبها احسن
ما غيرك يأخذها
_ شنو بنات الناس لعبة عندي وعندك شوكت مايعجبني اروح أخذها لا جدي انا مو ظالم علمود اظلم ابنية بريئة وياي عوفوا البنية تمشي بحال سبيلها
_هذا آخر كلام عندك
_اي جدي هذا آخر كلام عندي
_ماشي
خله وطلع مبين انزعج مني خل ينزعجون ولا يظلمون ابنية مثل سلسبيل وياي تمددت فوك الجرباية خليت ايدي على اعيوني سديتهن قوي من سمعت صوت جديتي
حلوة تنده بي
_هاي تاليتك تفشلني كدام جدك فرقد
ضجت منها شلت ايدي بهدوء اباوعلها اعيونها مليانه دموع وهواي باجية _ ابجي يوم احسن
ماتبجين الدهر كله
_ليش هيج سويت ورفضت سلي ؟
_انا مامكتوبلي الفرح مكتوبلي بس الحزن شلون ترديني انزوج سلي ودخلها بعالمي الكئيب
وخالي من الألوان الحلوة
_انجب لتكول هيج ؟
_لاجدة هذا واقع حالي من صغري بس دموع لحد كبري بس دموع جاي اشوف ماجاي اشوف دموع
الفرح بس دموع الحزن
كعدت بصفي دومها عشرة على عشرة وانا كذالك مثلها دموعي عشرة على عشرة صاروا رفعت ايدها
ومسحت دموعي
_رتك تفرح والله مارتك تبقى نايم بهمك وغمك
_يافرحة هاي جدة اتزوج ابنية غصب عنها وعني
_لامو غصب
_غصب جدة وانا ماحب اغصب احد علية
_شلون لعد تبقى هيج
_اي أبقى هيج ملوع القلب احسن مالوع قلوب
_كافي لتبجي ماحب اشوف دموعك
كعدت وبسرعة حضنتها من خصرها قوي وكمت ابجي مشتاق لأمي ولحنين موشلون ماجان برغم
اذيتهم لي بعدني أحبهم .
سلسبيل رجع أبوي ...مقهور ماعرف ليش سألته شبيك مجاوب بقى ساكت مرت عمو وائل كالتلي كومي نامي مبين عليج تعبانة ونعسانة هو صدك تعبانة ونعسانة
بس اريد احجي ويه هجرس
هو ماكو مامبين كال أبدل وأرجع بعد مارجع
كمت رحت نمت بغرفة جديتي حلوة وأفكر بي مبين مقهور ومكسور الخاطر مو مثل قبل من يشوفني يبقى يحجي ويتغزل وجه فرح هالمرة لا
وجه كئيب ساعة زمان واجت امي سويت نفسي نايمة دنكت عليه وباستني بكصتي شوي ونفتح الباب سمعت صوت جديتي حلوة كالت
_كسر قلبي
_شبي
_شبي يخبل الله لايوفقهن ان شاءالله مايشوفن
الفرحة بيوم
_الله لايهنيهن شلعن قلبه شلع
_قادر الله بقى عايش و مانجلط ومات
_بعيد الشر عنه
_ شبعت قهر من شفته يبجي مثل الطفل الصغير
قهره راح يكتلني كتل
بقوا يحجون عليه جديتي حلوة تحجي وتبجي قلبها متفطر تفطر على فرقد دموعي نزلوا تلقائي نفسي انا بعدني أحبه مثل قبل وأكثر بس ماكول
ولا أبين لأحد ماريد أكشف نفسي واهين نفسي وأنزل كرامتي وكرامه أهلي نمت وكعدت ويه الصلاة الفجر قبل جديتي وامي صليت وطلعت
اشرب ماي عطشانة
دخلت للمطبخ شفت هجرس يشرب ماي من البراد حبيت اخوفه جانت نقطة الكهرباء قريبة مني مديت ايدي
وطفيت الضوه وكلت بصوت مثل
الفحيح الأفاعي "
سل دم هههههههه
وطكيتها بضحكة رجعت فتحت الضوه شفت يباوعلي ورافع حاجبه بستغرب ...
_خفت مو؟
_هه اخاف من سل دم وراها ضحكة طويلة
_هههه عبالي تخاف
_لا ماخفت تردين ماي
هزيت رأسي...
اي عطشانة
رجع للبراد ترس كلاص ماي ورجع انطانياها اخذته من ايده شربت وكال "بالعافية
_الله يعافيك شلون صرت ؟
_ليش شبي انا وتسألين؟
_اممم حسيتك مو على بعضك البارحة من رجعت
_جنت تعبان
_هاا ..اممم وين رايح
_أرجع أنام
_ماتشبع من النوم
_احجي شعندج ؟
_اريد أشوفك
_هويني كدامج شوفيني عدل
_ لامو هيج
_لعد شلون ؟
_اريد احجي وياك تعال اكعد
_خير ان شاءالله
_اكعد أول
جريتله الكرسي اشرت عليه يكعد ..
اكعد هنا
جر الكرسي من ايدي وكعد اشرلي اكعد كدامه كعدت كدامه اباوعله هو يباوعلي ينتظر
مني احجي
_فرقد عليك الله ساعدني
_خير ان شاءالله شصاير وياج ؟
_باع فرقد ماعرف شلون اكولك
_شتكوليلي
_اني ماريد ابن عمي وابوي جبرني اقبل بي
_ليش جبرج
_منورة دلشاد الحقير
_شبي دلشاد
_قبل فترة جان سكران ويحجي بكيفه كدام أهلي وابوي من سمعه تخبل علية وخيرني لو اقبل بي لو بأبن اخو و اني اطريت أقبل بأبن عمي علمود
ماقبل اخذ دلشاد
_وانا شكلتلج مو كلتلج دلشاد موراحة بعدي عنه
_شمدريني يطلع واحد حقير
_عوبة ماعليج عتب
_اي عوبة وغبية هسه تساعدني
_بشنو اساعدج
_حجي ويه ابوي وكله خل يخابر اخو ويكله
سلسبيل ماتريد ابنك
_أعذريني ماكدر أتدخل بخصوصياتكم
_فرقد
كام بسرعة راد يطلع حجيت بقهر "
دومك تتهرب مني وماتساعدني مو صوجك صوجي اني اطلب المساعدة منك
بقى واكف ماتحرك من مكانه كمت بسرعة وطلعت قبله حتى ماباوعتله نزلوا دموعي بسرعة صدك غبية وثولة عبالي راح يساعدني ويوكف وياي
طلع هو هو ماتغير أبد ولا راح يحبني ولا يساعدني أو يديرلي بال رجعت للغرفة لفيت رأسي ونمت كعدت
الصبح بدلت لبست فستان
أحمر قصير جوه الركبة بردان أطوال مشطت شعري وخليت حمرة سحرية ورشيت عطر أخذت التلفون وطلعت
طلعت بوجهي هباوي
هباوي_الله الله على الجمال
سلسبيل _حبيبتي الجمال جمال اعيونج
هباوي_حياتي أنتي
سلسبيل _قلبي وين سيفو
هباوي_يم فرقد
سلسبيل _امم
هباوي_راح اسويلج ريوك
سلسبيل _ لاا لاا حبيبتي ماريد ريوك
هباوي_شنو ماتردين لامايصير هسه اسويلج
سلسبيل _مااكل الصبح اني
هباوي_ياا صدك تحجين
سلسبيل _اي والله مااكل متعودة ماتريك الصبح
وابقى للغدا
هباوي_ هاا نسيت انتو بغداد ريوكم هو غداكم
سلسبيل _لايابة اهلي من وجه الصبح يكعدون واني هم بس ماتريك ماحب اكل من اكعد
هباوي_واني اكول ليش ضعيفونه
سلسبيل _ جسمي هو ناعم ماعليه الريوك بي
هباوي_ لاعليه
سلسبيل _والله ماعليه
هباوي_ براحتج يقلبي
عافتني ومشت دخلت للاستقبال شفت الكل كاعدة من الباب كلت "صباح الخير
ردوا _صباح النور
هجرس مارفع رأسه مخلي ابن بارق بحضنه ويلعب بي ضجت شبي وياي صاحتلي امي "تعاي ماما اكعدي
سلسبيل _اريد اطلع
حلوة_وين طالعة
سلسبيل _بره وره البيت
بارق_الواحدج
سلسبيل _اي قابل شكو
بارق_وبهذا الشكل
باوعت على نفسي مابي شي شكلي ...
مابي شي ؟
بارق_لاوالله ماتطلعين بهذا الشكل بره واحنه عدنه قرود
سلسبيل _قرودتكم على اهلها مو علية اني
طلعت صاح وراي "
سلي ترجعين لو اكسر رجلج
سلسبيل _هاي العايزة تكسر رجلي ابو سيوفي
بارق_وعلي اكسرها ارجعي بدلي وانا اخذج بنفسي وين ماتردين
سلسبيل _والله هاي اني وهذا لبسي واطلع بي بكل مكان
بارق_تره هنا غير هناك
سلسبيل _ماكو فرق عندي
بارق_اووف مو عناد صايرة
سلسبيل _احسن
طلعت بره شفت مرت عمو وائل بره تخابر من شافتني أبتسمت رجعت الإبتسامة الها ومشيت بره يم الباب
فتحت الباب وطلعت بره الله
بساتين ديالى مُجرد ما تمشي بيهن نفسيتك ترتاح من كد ماريحتها طيبة وحلوة .
بقيت أتمشى بصف ... البستان أخاف ادخل جوه قطفت كم وردة صفرة من الكاع خليت بشعري وره اذاني ورد شفت ولد عمو جدوع تلاثه واكفين برأس
الساقي " النهر "ويباوعولي خفت منهم وقررت أرجع رجعت بسرعة بس مادخلت للحوش بقيت بره واكفه واباوع للكاع واشم بالريحة الطيبة
أنتبهت على صوت مرت عمو وائل "
شلونها الحلوة
التفتت عليها أضحك "
زينة عمه أنتي شلونج ؟
_بخير حلوة الأجواء
_كلش
_الظاهر تحبين أجواء الريف
_أعشقها
_واني هم أحبها بيها راحة
_اي
_ شوكت تكطعين مهر
_والله ياريت ...
سكتت من شفت هجرس طلع وشايل كسرية بجتفه وحزام الفشك شاده على خصره وراه بارق باوعلي
وابتسم رجع بارق صاح بي
بارق_شكم مرة كايل ماتطلعين بره بهذا لبسج
سلسبيل _وانت شعليك
بارق_علية ونص
سلسبيل _لاوالله ماعليك بي اهلي قابلين انت شكو بعد تحجي من يمك
بارق_ ياربي شكد حلوة من تتعصب
سلسبيل _بارق كافي
مرت عمو وائل _ بارق موعيب
بارق_انعل ابو العيب ابنية جنها لعابة طالعة الوحدها بره وهناك قرود سودة واكفه على راس الساقي
" النهر " ترديني اسكت
سلسبيل _عندي تماسيح زاحفة واكله للحوم البشر ماخاف منها عاد تريدني أخاف من قرود واكفه
على راس الساقي "النهر "
بارق_ منو هذولة ولج ؟
سلسبيل _ عالم ماتعرفها
باوعت الهجرس علك جكارة ومشى قبل بارق اشر لبارق بيده وكال " تجي لو تبقى تناقش
بارق_اجي بس انتظر شوي..اي كملي
سلسبيل _مالك دخل
بارق_ايي من طبج مرض لتحجين انتظر هجيرس ادري تركض خوما تركض تره مامحيودين
هجرس_ انا لاحود مو انحاد
بارق_ ايي بس انتظر
هحرس_شسويلك اذا رجليك عوج
بارق_انا رجلي عوج ابو رجلين الطوال
هجريس_تغار ابو دودة
بقوا ينكنكون جنهم جهال باوعت لمرت عمو وائل ..
ماعليج منهم هاي هم
_ادري بيهم
_خوما اخذتي على خاطرج من بارق
_لاابد اعرف بارق يخاف علية
_اي هنا غير بغداد والعالم تحجي
_والله آخر همي كلام الناس اني مقتنعه بنفسي ماكو داعي تجي العالم تحجي من مكانها
_ اي تدخلين جوه
_لا أبقى
_براحتج اني داخله
_تمام عمه
راحت دخلت جوه بالعناد بقيت أخذ ....صور لنفسي واسرق النظر على هجرس وبارق دخلوا للبستان صار رمي دقائق طلعوا بارق شايل بيده طيور
واجوي ناحيتي بقيت واكفه مطيتهم ظهري التفتت من سمعت صوت هجرس" راح نقفل الباب تدخلين
سلسبيل _ لا عوفه مفتوح
أبتسم بخباثه ودخل ودخل وراه بارق فكيت اعيوني من قفل الباب وكال " ابقي هنا هههه
خفت كلش هنا الكاع مفتوحة وكلها بساتين وعالم وحيوانات مفترسة رحت ادكدك بالباب واصيح "هجرس افتح الباب ليش خبيث افتح هجرررس افتح عليك
الله افتح شبيك ساكت هجرس
هجرس_ مو تردين تبقين أبقي
سلسبيل _ والله أخاف افتح شبيك
هجرس_ ههههه والله مافتح باي
سلسبيل _هجررررس تعااال افتح الباب تعاااال بارق عليك الله الله افتح الباب يمة يممممة تعااالي
افتحي البااااااب تعالووووا
بقيت أصيح صوتي راح من الصياح نفتح الباب طلعت بوجهي هباوي " شبيج سلي
سلسبيل _هجرس الخبيث قفل علية الباب
هباوي_غير مايدري بيج
سلسبيل _لا يدري وبالعمدة سواها
هباوي_ اففف تعاي ادخلي
دخلت امسح بدموعها بيديه ....واشهك طلع هجرس جكارة بالحلك والتلفون على اذنه ويحجي باوعلي أبتسم ونفخ دخان الجكارة علية
من بعيد ردت اتعارك وياه بس ترددت لان دا يخابر .
هباوي_ يشاقه وياج
سلسبيل _هو يعرف يشاقه
هباوي_وليش لا
سلسبيل _هذا خبيث من يوم يوما باعي ايدي دا يرجفون من الخوف
هباوي_وعليش تخافين ماكو شي يخوف
سلسبيل _لاخطية ابد مو اكو سعلوة واكو واوية وجلاب كلشي اكو هنا
هباوي_ بس بليل يطلعون
سلسبيل _بالنهار هم يطلعون اني اعلمك هجيرس
هباوي_عزززة بعينج تتحلفين بالرجال
سلسبيل _والله اله اضمها له
هباوي_اكرصي بمكانج واسكتي والله راشدي واحد منه الج مايلحكون بيج للمستشفى
سلسبيل _مو تايهة لايده
هباوي _لعد ترديه يسكتلج اذا سويتيله شي فرقد واعرفه مايسكت أبد وايده والرد
سلسبيل _اعرفه عربيد أسود
هجرس_ وأنتي فارة بيضة هههههه
سلسبيل _ملعووون اني اعلمك
هجرس_ تعاي وعلميني منو لازمج هههه هباوي روحي لسيوفي جاي يعيط خطية
هباوي _ماشي عيني
راحت هباوي عرفت بي طردها عفته ومشيت وكفت من
حجه وياي" راح ترحون هسه لبيت الحبيب
التفتت عليه "
ياحبيب ؟
_بيت غدير
_بيت عمي
_اي ابوج موجود وينتظرج
_مو كال نبات هنا ثلاث ايام يله نروح
_هاي العايزة تنامين على قلبي ثلاث ايام هو يوم ماتحمل وجودج انوب ثلاث أيام
_شمسويتلك اني وهيج تكرهني
_من الله ما احبج
_هو هذا انت تحب بس اليذيك وليهينك
_ولج
_وقابل مجذبه تحب الإهانات والضربات
ماتحب الأحترام .
_من اجي
_اكسرلك راسك
_لسانج طولان شرشبيل
_لعد تريدني اسكتلك ابو الهجارس والشياطين
_ربي راح تخليني اكفر بيها كفران
_اييي خطية تايهة لايدك تكفر بي كفران
_شرشبيل
_هجيرس
_مو من اجي
_ماتجي منو لازمك
_اسوي شي مايعجبج
_وشكد خايفة عاد
بقيت اباوعله وامثل القوة واني العكس راح اموت بمكاني من الخوف جر نفس طويل من الجكارة وشمرها بالكاع ونفخ الدخان من خشمه وحلكه بلعت ريجي
تقدم ناحيتي رجلي صاروا يطخون بعض اني وين هو وين ماشاءالله علية طوله بطول عامود الكهرباء واني ايدي تكسر رجلي على كوله هباوي راشدي واحدة
منه مايلحكون بي للمستشفى هو صار قريب مني طفرت بسرعة للطرمة صاح وراي "وين طارت الهيبة
_تريد تموتني
_مو تكولين ماخاف تعاي ارجعي خل اعلمج شلون توكفين بنص وجهي
_اوكف بنص وجهك ودش بعيونك الاثنين
_وااااو قوية شرشبيل
تخوصرت فوك الطرمة والاوعله امنت هنا هو بعيد عني أبتسم بخفه صحت بي " لو انت رجال تعال
اوصل حدي
_ رجال واوصل لحدج بس مع اسف أنتي مو مره وتشردين بس اقترب ههههههه
_اي حقي إذا انت بطول عامود الكهرباء وضخم وقوي واني جني عصفور شابع ماي كدامك
_الشي الواحيد لاعشقه بيج صراحتج
_ الحمدلله طلعت تحب شي بي
_بس هذا الشي
_اي مو أعمى بس تشوف الزركان والجكمان والقزام
مالومك يا اخي مالومك
_تضربين مسامير شرشبيل
_ايي
_انا الج
_اوووي شكد خايفة
_انتي بس اوكفي مكانج عود من اوصل لحدج كولي شكد خايفة
_ ماجايزة من روحي
_هههه
_لا تضحك هجيرس
_والله أنتي تضحكين ساعة قوية وساعة أضعف من العصفور نفسه هسه اثبتي لو
قوية لو جبانة
_أني الكل سوية اصير بلحظة وحدة
_ شاخطة مالومج
_اي طالعة عليك ابو الهجارس بي طكه خبال
_لا إله إلا الله محمد رسول الله شلون راح اكوم اكفر بيها
توني ردت ارد صاحلي أبوي "
سلي يله تعاي جيبي غراضج
_ماا ماا ماروح ابقى هنا
_لا تعاندين يابة عمج عازمنا على الغدا وعيب مانروح
_انتو روحوا اني ماروح
_سلي
_اهوو هسه كوه اروح
_اي غير راح يصيرون عيال بيتج لازم تتعودين عليهم
مارديت باوعت الهجرس يباوع بصمت سحب نفسه وطلع للمظيف عدل دخلت جوه خليت مكياج ولبست حذاية وخليت الجنطة بركبتي وطلعت ويه ابوي وامي ويانه جديتي حلوة
السيارة جانت بالمظيف لمحت وردة جوري حمرة دم من بعيد رحتلها ركض صاح بي ابوي_وين رايحه
سلسبيل _احوش ورد
امي_ولج عيب تحوشين بورد الحديقة
سلسبيل _لاموعيب
حلوة_خلوها تحوش روحي حوشي جدة
توني دخلت الحديقة شفت هجرس كاعد فوك الكرسي ويجر جكاير ماهتميت له رحت حشت الوردة خليت بيها غصن طويل علمود اخليها بالماي
هجرس_صفيتي ورد الحديقة على ايدج
التفتتت عليه اضحك "
الورد للورد والشوك للشوك
_وتالي
_ربه عالي
_ولج عقلي يابت الناس وعوفي الورد مرتاح بأمه
_الورد مايرتاح كدام الشوك
_استغفرالله ا...
راد يحجي سكت من صاح بي ابوي "
مايله سلي
_جاية يابة ...اروح فدوة لهل العيون الحلوات امممح
فتح اعيونه بصدمة طلعت من يمه أضحك شايله الوردة واركض اعرف شلون اغثه هههه رحت وكفت يم ابوي هو جاء سلم على اهلي ويخزر بي
بقيت أضحك بوجه جديتي حلوة كالت "
فرحانه راح تشوفين خطيبج
_ويعععع
حلوة_هااا شبيج
ابوي_سلسبيل
امي_سلي شنو هاي موعيب
سلسبيل _ لاموعيب اني ماريد اروح ماحبهم
أبوي_اي ماتعرفينهم ولايعرفونج غير مرتين تلاث شفتيهم لازم نراجعهم ويراجعونه علمود
تتعودين عليهم
حلوة_ خوما جبرج ابوج
امي_لاعيني ماكو هيج حجي
سلسبيل _لا باختياري
حلوة_لعد عليش ماتردين ترحين
سلسبيل _ماحبهم وماعرفهم
هجرس_انطي مجال لنفسج تتعرف عليهم
سلسبيل _اممم
ابوي_هي ماتنطي مجال اخر مرة ماقبلت تطلع على الولد
سلسبيل _من حقي ماطلع
حلوة_ليش من حقج ؟
سلسبيل _ماعرفه واستحي
هجرس ضحك ردت جديتي حلوة "
من شوكت تستحين جدة
سلسبيل _والله استحي اني شبيكم ماتصدكون
هجرس_اي خطية هههه
صاروا يضحكون علية اريد هجرس يحس بي احبه ماكو إحساس مثل كوم حجار بله مشاعر انزعجت وصعدت بالسيارة شوي وصعدوا اهلي باوعتله من
الجامة يباوعلي بنظرات عادية
طلعت لساني عيبت علية أبتسم بخفه ورفع حاجبه وغمزلي عين فرحت كلش وحسيت فراشات صاروا يطيرون فوك قلبي رجعت ظهري للخلف وخليت الوردة
على صدري فرحانة بي
_هاا يابة شبيج ؟
_فرحانه هههه
امي_شجاج وفرحتي توج كالبة خلقتج
ابوي_هاي هي ساعاتها ساعات هههه
سلسبيل _اي
بقيت اشم بالوردة وأفكر بهجرس طول الطريق سويت الطريق لبعقوبة قصة حب بيني وين هجرس المتحجر
ابو قلب الميت ابو الجكمات
بس وصلنا بيت عمي تعكر مزاجي تعكر ومن شفت غدير طلع بره هو وأهله ردت ابجي غدير وين فرقد وين ماريد غدير اريد فرقد صارلي سنوات صابرة على فرقد هسه اجي اخذ غدير على الحاظر لاوالله
ماريده نزلت سلمت عليهم غدير يضحك بوجهي امه واخواته وابوه الكل يضحك وفرحان على أساس واني ماشوف
الفرح بيهم احسهم يمثلون لا أكثر .
كعدنا ماكو دقائق واذن كمت صليت كملت صلاة دخلت اخت غدير الوسطانية عمرها ١٧ سنة "تخوصرت
كدام الميز وتباوعلي
_عود شني تسمين صلاتج
_شنو ؟
_صلاتج ماتوصل لباب الغرفة
_وأنتي منو وتحكمين على صلاتي
_جاي اكول لاعرفة صلاتج مامقبولة والأفضل الالج تتركين الصلاة لان صلاة بله فائدة
_ مو أنتي تحكمين على صلاتي ومحتمل صلاتي اني مقبولة وصلاتج أنتي ما مقبولة ورب العالمين هو يختار صلاة منو تنقبل وصلاة منو ماتنقبل .
_هه باع البطرانة شتحجي بابا شايفه نفسج شنو لاحجاب لالبس محتشم وتردين صلاتج تنقبل
_رب العالمين يقرأ القلوب واني نيتي صافية من أصلي
_الله يتقبل صلاة المؤمنين والمؤمنات
_لعد اني يهودية ؟
_هههههه والله تضحكين سلسبيل
_ هسه شتردين
_والله ماريد شي بس اخوي يريد يحجي وياج
_شيريد اخوج
_هسه يجي وتعرفين شيريد اخوي
طلعت شوي ودخل غدير سد الباب خفت منه أبتسم بخفه وتقدم ناحيتي بعدت عنه وكفت
بصف الجرباية
_لا تتقدم عفية
_شبيج خايفة
_ماحب تقترب أكثر افضل تخلي مسافة بيناتنه
_تمام ...أريد احجي وياج بخصوص لبسج وحجابج
_شبي لبسي
_ مايعجبني اريدج تغيري وتلبسين كله طوال وتنانير بدل البناطير وتلبسين حجاب من هاي للحظة
_والله
_اي والله
_والله اني ماغير لبسي علمودك أنت واذا مايعجبك لبسي تكدر تنسحب وتشوفلك وحدة مثل
ما انت تحب
_سلسبيل بدون كلام زايد نفذي المطلوب
_أعذرني هاي أني وهذا لبسي يعجبك اهلا وسهلا مايعجبك هم أهلا وسهلا
_تكسرين كلامي
_منو انت وانفذ كلامك
تعصب مني وقترب مني بسرعة لزمني من زندي قوي وحجه من بين اسنونه " تنفذين المطلوب وغصب على راسج
وراس الخلفوج افتهمتي
جريت زندي من قبضته بسرعة وكلتله "
ماكو شي غصب وياي
_سلسبيل لتختبرين صبري نفذي المطلوب بدون كلان خر... تره اشوفج شي بعمرج كله ماشايفته
_هه مو سلسبيل لتمشيها على مرامك ومزاجك
_فوكها تلاسنين
_كلتلك هاي أني ومستحيل اتغير علمودك لو علمود غيرك
_ تتغيرين وغضب على راسج اريد
_لاعزيزي ماتغير وإذا مايعجبك تكدر تنسحب لو تتغير علمودي أنت
_شو عيدي شكلتي
_تتغير علمودي وتصير مثل اهلي شكوللهم يكولون صار تدللين وتعوفني على مزاجي
_بطرانه أنتي
_والله جابك لي تعال خل اكولك شنو اني ومنو
_شنو انتي بله ؟
_أني رسامة وتعلم الرسم ويه رجال وثاني شي عندي أصدقاء زلم واحجي وياهم واروح لبيتهم وثالث شي صديقي المقرب اللي اربعة وعشرون ساعة احجي وياه وابات بيتهم هو فرقد ابن عمو وائل
_ شنووو ؟
_اي والله صديقي الضابط فرقد ابن عمو وائل تعرفه مو
_لاربحت علية الضباط
_اموت على الضباط
_أنتي شنو بس فهميني ماتستحين على نفسج
مصاحبه الزلم
_وليش استحي هاي اني من يوم يومي كلشي عندي عادي يعني بالخط العريض حياتي تشبه حياة الأجانب كلشي عدهم عادي وإذا تزوجتك باجر لتكول ماكلتلك تره ماكطع علاقتي بيهم ابد وابقى على تواصل وياهم
_شماخذ اني كوستر لو ابنية
_ كوستر شنو ؟ اشو ماتعرف تحجي أنت
_لعد شسمين علاقتج بالولد
_علاقة عادية وطبيعية
_طبيعية ادري ممثله انتي لو مطربة لو مذيعة وكلشي
عندج عادي
_هو دا أفكر بالمستقبل أصير ممثله
_شنووووو ؟
_شبيك تتصيح
_شنو ممثله ولج ؟
_شكو بيها لو صرت فنانة واطلع امثل بالتلفزيون
_هسه لو اخنكج واموتج هم احد يلومني
_شمسوية يمة وتخنكني ؟
_من صخام براسج وراس الخلفوج ولج شنو من ابنية انتي اني الغبي الثولة الزمال لنعجبت بشكلج عبالي خوش ابنية وحبابة وبريئة طلعتي من فوك هالله هالله
ومن جوه يعلم الله
_هيييي لزم حدك شنو هالله هالله ويعلم الله شايفني اشتغل بملهى الليلي وتحجي بكيفك
_انكس من بنات الملاهي أنتي
تعصبت منه وجبته براشدي فريت وجه لجهة الثانية وصحت بنص وجه " ادبسززز واحد مامتربي
لزم خده بيده متعصب بحاله اعصاب راد يجرني فلتت من يمه بسرعة فتحت الباب وطلعت كل قوتي ضربت نفسي نفسي راشدي راشدين تلاث راشديات ضربت نفسي
وكمت ابجي وتصيح سويت دراما من
دراما كدام الكل
من شافني ابوي تخبل وصار يصيح ويعيط عليهم طلع غدير يصيح هاي جذابة كلشي ماسويتلها والله هي الضربتني
مو اني الضربتها
سلسبيل _شايفين مره تضرب رجال يابة اخذني بعد
مابقى هنا
ابوي_شلون تمد ايدك عليهااا
غدير _والله العظيم ماماد ايدي عمي بتك جذابة
سلسبيل _اني الجذابة لو انت الجذاااب ضربتني علمود ماقبلت البس حجاب
كمت ابجي بحضن امي بس بقلبي خربانة من الضحك كلمة مناه وكلمه مناه ابوي ضرب غدير راشدي فر وجه فر خطية وصاير يصيح بوجه ابوي ويغلط علية
وحتى فشر ابوي ماتحمل راد يرجع يضربه فازعوهم وحلف بعد مايدخل بيت عمي ومن اليوم بعد أحنه وياهم كوم اخذنه اني وأمي وطلعنا لبيت أخوي
طول الطريق سويت نفسي ذليله وابجي واشهك بصوت عالي ابوي كلشي ولا تنزل دمعتي يتخبل من يشوفني مقهورة ومكسورة الخاطر يحبني أكثر
من اخواتي الولد
وصلنا بيت اخوي حجه ابوي لصار وياي اخوي كال ..
خليولي لمونه قحط زلم بس غدير زلمة الحمدلله نكشف على حقيقته جان ظلمنه سلي وياه
سلسبيل _اني عرفته واحد حقير
مرت اخوي_هسه تريد تحجب البنية تعال وياها بالاسلوب الحلو مو بالعياط والصياح وتوصل وياك للضرب وأنت
حتى ماصاير خطيبها رسمي .
اخوي _شورطك يابة وانطيتها له مو تعرفهم كطع وحقراء وانذال هسه صاروا خوش اوادم
وامنت بيهم .
ابوي_شمدريني ابنه واحد نذل
امي_خليولون سدوا موضوعهم كومي ماما غسلي وجهج لما نجهز الغدا
كمت رحت للحمام غسلت وجهي باوعت بالمراية طكيتها بضحكة خفت لا أحد يسمع ضحكتي سديت حلكي بيدي امنع صوت ضحكاتي هديت شوي من الضحك
رجعت غسلت وجهي... وكلبت ملامح وجهي كئيبة رجعت كعدت بصف ابوي يباوعلي بحزن جابوا الاكل ميته من الجوع سويت نفسي ماريد اكل ابوي
جبرني على الاكل .
كلت شوي ورحت... لفيت رأسي ونمت بغرفة اخوي شوي وسمعت صوت امي ومرت اخوي يحجون بموضوع ابن عمي غدير تكول أتصل بعمج هسه ويردون
يتعذرون وعمج كاله لا اعرفكم ولا تعرفوني وبعد يحلم غدير انطي بتي سلسبيل ..
_شنو بتنه زايدة علينا نطيها لغدير الهمجي المتخلف
_اني شعندي بس هالينية ... هسه ماعلينه بي جهزتوا الفلوس
_اي عمه جهزناهن شوكت تودونهن لجدي موسى
_من نروح نرجعهن له
استغربت فلوس شنو يرجعوهن لجدي موسى رفعت القطة شوي اباوع بالغرفة امي نامت بالكاع مرت اخوي طلعت بره الغرفة للعصر ابوي كال لازم نروح لبيت
عمتي حلوة نبات عدهم وباجر الصبح نطلع لبغداد طرت من الفرحة راح نرجع واشوف هجرس الحب مالتي رحت بدلت لبست فستان طويل ومحتشم بلون البيج
وخليت شال أسود فوك رأسي شافتني امي استغربت"
هاا
_هاا يمة شبيج مستغربة
_حجاب ؟
_اي حبيت البس حجاب
_مو تعاركتي ويه غدير وفسختي الخطبة علمود الحجاب
_هو لو جاي وياي بالاسلوب الحلو جان قبلت البس بس جاء وياي بالأسلوب الموحلو وصار يغلط وتجاوز هواي بالحجي واني ماتحمل وأصلا راح تحجب بعد
_اللهم صل على محمد وآل محمد
_اي لايكلي
_كلش لايكلج بس ضبطي علمود لايطلع شعرج
_اي هسه اضبطه
ضبطت حجابي شعره وحدة ماطلعت باوعت الشكلي طالع حلو واخبل خليت مكياج خفيف وطلعت شافني ابوي واخوي تفاجأوا بتغيري السريع
ابوي_متحجبه ؟
سلسبيل _اي راح اتحجب بعد مناه وجاي
اخوي_زينة العقل سويتي
ابوي_لعد ليش تعاركتي ويه غدير ؟
سلسبيل _والله يايابة هو اسلوبه همجي وجان عنيف وياي وايده والضرب اني اجيت اكله راح اتحجب اشو هو كب بوجهي وصار يغلط ويتجاوز
اخوي_هو الهمجي يبقى همجي لو شنسويله
سلسبيل _اي والله مو نروح يابة
ابوي_ايي وين امج
سلسبيل _هسه تجي
طلعت قبلهم وصعدت بالسيارة طايرة من الفرحة اخذت كم صورة لنفسي ردت انزلهم على الانستغرام وكلت لا راح احذف كلشي وبعد من اليوم مانزل ولا صوره لي وراح اسوي كلشي يلفت انتباه هجرس .
وابعد عن كلشي مايحبه علمود يغير نظرته لي ويحبني .
جوي اهلي ساعة ونص تقريبآ وصلنا بيت جدي موسى شفت هجرس واكف بره هو وعباس
من شافنه اجينه جاء ورانه وكف السيارة ابوي نزلت قبلهم هو من شافني بقى صافن بي وراها أبتسم
وجاء سلم وكال
هجرس_ اللهم صل على محمد وآل محمد وأخيرا
شرشبيل تحجب ههههه
سلسبيل _اي
ابوي_صدمتني هههه
هجرس_وانا هم انصدمت
سلسبيل _وليش انصدمتوا ؟
هجرس_مو جنتي تكولين ماراح اتحجب ابد شغير رايج
سلسبيل _مثل مانت جنت تكول ماراح اعوف حنين ابد وبلاخر عفتها واني هم بالاخر تحجبت
نغث من كلامي بالعمدة سويتها بي مشيت دخلت لحديقة المظيف خشت ورده بيضة وجيت هو بقي يباوعلي
واهلي دخلوا قبلي
هجرس_ليش تتعمدين تذكريني
سلسبيل _حب اذكرك اخاف تنسى
هجرس_ شنسى
سلسبيل _بالبوري لاكلته من الزركة ..
شميت الوردة وكالت برتياح "
ريحتها تخبل
مارد عفته ومشيت رجعت درت وجهي عليه يباوعلي "
سالمين هجرس شبيك صافن؟
_صافن بزماني
_شبي ؟
_ماعرف
_دكافي عاد مو موتت نفسك علمود الزركة دصير مثلها وشوف حياتك وطززز بيها وبعشرتها وبحبها ولك شفت
منها بس كلي شفت وهيج متأثر
_حقج مامجربة الحب
_منو كالك مامجربة الحب ؟
_تحبين ؟
_لعد ربي واحد ماحب
_منو تعيس الحظ
_وليش تعيس الحظ
_راح ياخذج ويتورط بيج
_وشبي عيني ويتورط بي اصلا يحمد الله ويشكره على النعمة لاخذها
_منو نعمة انتي
_اي مو بعينك
_ابد
_امداك اعمى ماتشوف كدامك الملائكة بس الشياطين
_تطمين منو
_ههههه انت
ركضت بسرعة للبيت أخاف منه وكفت بالطرمة اشوفه جاء يخزر بي من بعيد ويمسح بلحيته ويكلي اصبريلي طلعت لساني عيبت عليه ودخلت جوه
اول مادخلت صار بوجي بارق "
الف الف مبروك
_على شنو
_ابوج كال فسختي خطوبة من ابن عمج غدير
_اي
_تعال خل ابوسج لعد
_واخررر
_ههههه حميت بالقرأن مامصدك خلصتي منه
_شكو شبيك مامصدك
_انتي مو مال غدير انتي مال واحد كذا وكذا وكذا وكذا
جان يحجي وياشر على صدره عود واحد صدره عالي وياشر على كتوفه عود كتوفه عريضة وعضلات وياشر على كتوفه عو نجم وضابط وياشر على شواربه عود شوارب
واني ماصدكت انطاني مواصفات هجرس كلتله "
اي هذا لاحلم بي فدوة دعيلي الله يرزقني
بضابط اسمراني وحلو ومعضل
بارق_عدنه هذا الضابط
سلسبيل _وينه
بارق_ تردينه والله
سلسبيل _اي والله اريده هذا لاحلم بي أني
وتريدني اضيعه من ايدي
بارق_ اخاف تكولين اممم...
سلسبيل _كول شنو ؟
بارق_ فرقد ابن عمي وائل بي كل هاي الموصفات ترديه
سلسبيل حسيت فرقد صار وراي وكالت "
لا هذا ماريده
يارق_ليش شبي ؟
سلسبيل _مايفيد ابد
بارق_ليش مايفيد ولج ؟
سلسبيل _ضعيف الشخصية وبسرعة يبجي ويتأثر بالرايح والجاي اني اريد واحد قوي الشخصية ومايهتم أبد ويضحك اربعة وعشرون ساعة عندك هيج واحد
بارق_ ولج لاا فرقد قوي الشخصية بس هسه شوي
متأثر بالزركة
سلسبيل _اووي فرقد ششوف منه أخذه ماتكلي نوب يكوم يتخيلني الزركة تاللي الليل
بارق_مو لهاي الدرجة
سلسبيل _وغلات امي وأكثر متأثر بيها يله تعال اكعد خل احجي وياك شوي مشتاقتلك ابو سيفو
بارق_ انتي هم مثله طلعتي
سلسبيل _اروحلك فدوة لتشبهني بي
بارق_شفايتلج لو تشبهينه
سلسبيل _اووي هو شنو بي حلو علمود تشبهني بي
بارق_لابربج صدك تحجين
سلسبيل _ايي كله عيوب من راسه لساسه يله تعال شكد تلح
بارق_ عميان انتو بالقرأن مالومكم
سلسبيل _اي ضاربنه شرجي بعيونه نشوف بس
الجكمين هههه
بارق_ههههه من عداي
سلسبيل _عاد هنا اكول صدك انت تشوف الحلوات
بارق_اي صدك حلوة هباوي
سلسبيل _جننن احلى وحدة جانت بحفلة حنة مناوي
بارق_باعي اختياري صح
سلسبيل _الحمدلله ختيارك صح طلع
بارق_ الحمدلله والشكر يله تعاي
دخلنا ثواني ماكو دخل هجرس ....كعد بصف جديتي حلوة ويخزر بي من وده يشرب من دمي كلما يخزرني ابتسم لو اسد اعيوني واسوي حركات كيوت
خبلته اخر شي سوالي حركة اصبريلي .
هو اريد انفسه واكرهه بروحه علمود يحبني اعرف بي مايحب ليحبه يحب بس المايحبه بلكت الله تنفع وياه ويحس بي ماريد اكشف نفسي احبه واهين كرامتي
اريد حافظ عليها واجيبه لدرب .
المهم بالعشا ماكعد ويانه كال تعبان وراسي يوجعني صعد فوك بغرفته كملنا عشا كمت غسلت المواعين بدل هباوي خطية ابنها بس يعيط شالع قلبها شلع .
بارق اخذها وراح لأهله .... مليت الواحدي هم يسولفون والحجاب موتني مامتعودة البس حجاب ونوب ادور انترنت ماكو مطفينه كمت وكلت
لعمتي _عمه اشو ماكو انترنت ؟
عمتي_اكيد بارق طفاه روحي شغلي
سلسبيل _هو وين صاير ؟
عمتي_فوك بالقاط الثاني بالصالة
طلعت بيدي التلفون فتحت الحجاب وصعدت اصلا نسيت هجرس فوك بغرفته نايم شفت الراوتر طافي شغلته وكعدت بالكاع تربعت انتظر يحمل الانترنت
علمود احجي ويه زهيرة صاحبتي وابشرها بفسخ الخطوبة بلعت ريجي من شفت ضل اسود صار فوك راسي رافعت راسي بسرعة شفت هجرس واكف
فوك رأسي ويخزر بي "
سم الله الرحمن الرحيم شبيك خرشتني
جنك جني واخرر
_شسوين صاعدة فوك
_جاي اكنك شسوي قابل
_ماكو تكنيك تالي الليل
طفه الراوتر تعصبت منه وكمت ويه كومتي صرت قريبه عنه كلش في حيث مسافه قليله تفصل بيناتنه هو بعده واكف كدام الراوتر واني كدامه صايرة
_ليش خبيث عوفني اكنك
_الانترنت عالساعة بال٩ بالليل يطفى عندي
_عندك مو عندي واخرر خل اشغله
_تعاندين ولج
_اي اريد اكنك
خليت ايدي فوك النقطة اريد اشغله هو تعصب وجر ايدي ولزكني بالحايط بيد وحده مخليها فوك صدري متتت من الخوف حتى تلفوني وكعته بالكاع .
