رواية كفي والمنجمة الفصل السابع عشر 17 بقلم الكاتبة Leo alfatlawi

رواية كفي والمنجمة الفصل السابع عشر 17 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت السابع عشر

ردت اصرخ خله ايده على حلكه

بديت ارفس وخرمش بديه اريده يهدني بس هو جان قوي مااكدرتله

سحب ملابسي شگ قميص النوم على طوله

حسيت روحي انتهيت منو راح ينقذني منه ادموعي نزلت تترجى يتركني بلحضه سريعه دفعني حيل انشمرت للجهه الثانيه وهو ركض للبالكون طفره

صرخت بعلو صوتي

كميه الرعب الحسيت بيها جانت كافيه بموتي

بديت اصرخ حيل اريد احد ينقذني منه اخاف يرجعلي

اندفرت الباب ودخل مؤتمن يركض شافني بالكاع املخه ملابسي وحالتي تعبانه وكف متفاجئ كال اشصابج

مااكدر ارد بشي اشهك واشرله على البالكون اندار شافها مفتوحه ركضلها دخل بيها سمعنه ماطور شغل رجع يركض للكنتور فتحه على السريع وطلع سلاح راح للباكون يرمي بس يمكن مالحك رمه كم طلقه وبطل

على صوت اصراخي والضرب دخلو للغرفه صوت مكرم بره يصيح شكووو

ماكدر يفوت لان وضعي جان يخزي وصوت جدو جوه هم يصيح على الولد

مؤتمن رجع ماحجه ولاكلمه كعد على الكرسي ودنك خله راسه بين اديه جان كامش شلاح بوحده من اديه ماادري اجان يفكر

عمتي اتصرخ ابوجهي اشعملج ولج

احمد كعد يمي سماح اتسد ابملابس اريد احجي مااكدر بس ارجف

--ولج احجي يمصخمه اشسوالج

--ماسوالي شي بس ملخ ملابس وشمرني

احمد. جذااااابه ماعملج شي وانتي مصلخه اشلووووون

لميت روحي وضميت رسي بين اديه كال منو هذا احجيييي

--مااامااعرفه والله حرامي

--بت الكلب حرامي ميدخل غير يمج

--ماادري احمد والله ماادري

كمشني من شعري سحبه بيده حيل غززززل ورحمه ابوي اذبحج احجي منو

--والله ماادري

اشهك وكوه اجاوبه

كام مؤتمن سحبه ودفعه كنبص كدامي حجه بهدوء اشعملج

--والله مسوالي شي بس خنكني وملخ ملابسي

--اخذ شي من الغرفه

--مااعرف اني كعدت سمعتت طكطكه فتحت عيني لكيته يم راسي خنكني وبعدين عافني

--اشلون دخل

--مااعرف يمكن من البالكون

--البالكون مينفتح بس من جوه اشلون فتحه

--مؤتمن والله ماادري يمكن من بره

--بابج مسدوده والجوه كله امأمن اشلون وصل غرفتج

--مؤتمن لويش هيج اتحاجيني لعد اشعرفني اني

-- خير ان شاءالله كالها وكام يمسح بوجهه مثل الماامصدك كل عقله هذه

نزل احمد لان جدو ضل يصيح شكو يريد يفتهم عمتي ام مكرم لفتني بالجرجف مؤتمن خال اديه وره راسه واكف محتار مااعرف شيفكر مكرم اخذ اسلاحه ونزل جوه يشوف شنو الصار مصطفى دخل كعد مقابيلي

جنت ابوضع مزفت مااكدر لاحجي ولاابجي بس ارجف وادموعي تنزل كوه اخذ النفس

--- غزل بويه بس هدئي واحجيلي على كيفج اشلون دخل

--والله ماادري

--تمام هدئي لاتخافين متاكده ماسوالج شي لخاطر ناخذج للمستشفى

--لامسوالي لان كمت اصرخ هو شرد

--خوش حجي كالها وكام راح للبالكون باوعه فتحه سده طلع بره ودخل كال المؤتمن هذه صاعد من بره اكو حبل ممدود منا والبالكون مفتوح من جوه

--اشلون انفتح منو فتحه

--يمكن مرتك الثوله ناسيته

كلتله لاوالله اصلا مااوصل يمه ولاافتحه

--اكو من الفتحه منو دخل غرفتج اليوم

--مااعرف اني جوه جنت ومحد صعد فوك

شلت راسي شفت تهاني بالباب تتبسم خفت منها بسلا هيه امسويتها بس اشلون واشوكت ومنو هذا منين جابته وحتى لوحجيت محد يصدك

عافتنه وارحت

اشويه واجه احمد يركض من جوه ورا عمتي ام مؤتمن دخل للغرفه وسحلني من شعري كال اكتلج واغسل عارج

ركعه مصطفى بوكسي علمود يتركني

--ولك هاي عاررر تفضحنه هالمره لحكنه المره الجايه الله اعلم

مؤتمن. قسما برب الكعبه اخلي طلقه ابراسك وانهيك هسه اذا جبت طاريها مره ثانيه ادفنك مكانك

--اتريدني اسكت وهيه مصيبتها متنحجي

--ولك خبل انته اكو وحده ادخل اصخام وتصرخ عقلك ويننن

--يجوز اختلفت ويااا كلشي اتوقع

هوه كال هيج ومؤتمن اتوله ضرب سكته بمكانه شبعه بوكسات ودفرات كوه فكوه من ايده وطلعو

كلهم يلا كلكم طلعو اعرف اشلون اجيبه لحد يدخل همه طلعو ومصطفى كله هذه تنبيه

--منين تنبيه اني ماعندي عداوه ويه احد

--دير بالك من اهل بيتك يخوي دكدك على متنه وطلع

راح مؤتمن سد الباب و اجه يمي خفت اني هم يضربني زحفت ليوره واشهك

--مؤتمن والله مااعرفه والنبي

--كعد يمي سحبني لحضنه حضني حيل وكال بغلات امج ابروح ابوج غزل احجيلي الصدك وروح عمي ماراح أذيج بس ريحي كلبي لمسج

--لالا والله بس مااعرف لويش هيج سوه بس شگ ملابس وطلع يركض

--متاكده غزل

--والله واذا مامصدك وديني خلي يكشفون عليه

اخذ نفس مثل الارتاح بس بعد يفور حضني حيل كال عدت هدئي وحقج اني اخذ راح اعرفه منهو الخسيس العملها

ضلينه اشويه كاعدين صافن مااعرف بيمن يفكر لمن كال كومي غيري ملابسج

كمت رحت للحمام غسلت وجهي وبدلت ملابسي طلعت

لكيته على كعدته وصفنته شافني كام كعد على الجربايه واشرلي اجي ابحضنه رحتله عصرني بحضنه وورث جكاره من الهبطه والخوف بعد مابيه لاافكر ولاحجي غمضت عيوني

تركته يخلص جكاره يرد للثانيه ماكعدت غير على صوت الاذان وهوه يحرك بيه يريدني اصحصح فتحت اعيوني شفته استوه سابح ينكط مي كال بويه كومي صلي

--لويش

--شنهو ليش كومي غزل

--بس مااعرف

--اني اعلمج يلا بنيتي

--تمام بس اغير ملابسي لو يصير بذني

--يصير لبسي جادر عليهم

كمت وصل يم باب الحمام وكف اندارلي كال غزل اتعرفين اول شي بالصلاة لازم اتكونين طاهره

--يي اعرف

--تعالي اعلمج اشلون تتوضين

--ماما هم علمتني ذيج المره اشويه

--تركي امج لاتجيبين طاريها ويلا بويه فتحي البوي وسمي

كملنه توضى رحت طلعت الجادر من الكنتور الجابه جدو وكفت ورا هو يقره واني وراه اعيد لمن كملنه صلاة الصبح

خلص اندارلي سحبني وباسني من راسي ورجع سجد مااعرفت انو لازم اني هم اسجد لولا

--مؤتمن لازم هم اسجد

--لايروحي هاي سجدة الشكر لان الله حفظج الي

مؤتمن يعني جنت شاك

--لا يعلة گلبي بس ردت ارتاح اكثر واعرف اشلون الكفه

--ماعدكم كامرات

--بس مقدمه البيت ماخال بالضهر امأمن و ماعدنه شي بس المزرعه وهاي شي مومهم يلا لمي سجادتج وتعالي

كمت لميت السجاده رحت للفراش اجه نام وسحبني يمه اتذكرت من اجه بليل طرگ البنطرون ملابس قميص يعني جان وياها الصخله والله اعرف هيه وره الشغله بس ادري اذا حجيت محد يصدكني هسه يكولون غيرانه

صدك من كالت سماح هاي محد يكدرلها عزااا بعد مالي دخل بيها

--مؤتمن حنام بس مواتعوفني

--لامااعوفج وهوه عرس وانعلتي ابو اصله اشبقيتي بي يوميه سالفه

--احسن علمود متفكر اتجيب وحده لخ. بس تره هيه فگر كلما اتريد تزوجها اتصير مصيبه همزين خلصت على هاي السالفه بعد لاتروحلها

--اممم

--شنو معاجبك لازم اتريد اتروحلها مكافي البارحه يمها وبعدين اني اخاف انام وحدي

--نامي غزل من خره بشكلج

--متروح

--غزززل انكتمي وخمدي

رجعت راسي على صدره ونمت لان صوته اتغير لويش اكلي بسطه انام اشرفلي

كعدت على صوت الهلاهل فتحت اعيوني لكيته يطبك بردان قميصه كلتله صباحووو منو الاتزوج بعد شو هلاهل

--هلا صباح النور ماكو سلامتج بس اكو ازمال البارحه سحلتي من فرشته جان عريس علااساس

--لعد لويش دااسمع هلاهل هوه عرس وخلص

--كومي بويه غيري ملابسج ولحكيني اني نازل

--مؤتمن

--هلا

--اخاف انزل ويضلون يحجون عليه فدوه خليني اهنا

--اليفگ حلگه افرغ البارود بي كومي بويه لاتخافين يلا لاتتكاسلين

عافني وطلع

كمت غسلت وغيرت ملابس نزلت وراه شفتها بالباب تضحك ويه شعشبونه واتباوعلي بحقاره وصل يمها دااعبرها اسمع عمتي اتكلها

-- معروفه بت اصل وناس ميحتاج اتراوينه يعمه مومثل عالم ماعرفناهم شنو اشو طلع مؤتمن لفلف السالفه وتيهه علينه لاشفنه علامه ولاشي

--شنو قصدج عمه يعني اني موبنيه من جابني

--وعليش اخذتيها على نفس

--يعني منو عنده مؤتمن قابل سماح دتحجين عنها طبعا اني وبعدين ابنج ذاك روحي كليله شنو موتحجين من ورا وتتهميني بالباطل

--روحي لج بت مامعروف منين جابج يوميه ابحض خلينه ساكتين عن فضايحج

--فضايح شنو صدك انتي باطله اذا على البارحه شوفي منو دخله تره معروفه السواهه واذا على شغله العلامه هسه اصيحلج مؤتمن واتاكدي ابنفسج ميعتاز اتشمرين حجي

--ياااا شوفي البت اتريد اتمشكلنه ويه ابني منو جاب طاري هالسالفه تردين اتعلكيها بت فريال شوفي لج تنعدلين وتمشين وانتي ساكته واتخلين يومج مثلهن لو وادعت اهلي شغله ثانيه اخلي يكتلج هلمره خلاص

--عزااا يعني انتن السويتنها

--روحي لج لاتذبين بلاج علينه وداعت مؤتمن اذا سمعتج جايبه طاري هالموضوع اشمرج بوحده انكس منها وهااا موبس انتي لااا انتي وبن عمج هالمره فد مره اخلص منكم

--سمعتها خفت هاي كلشي اتسوي عفتها مارديت نزلت صافنه على اسوالفهن اني وين طحت ويامن

رحت للصاله لكيت جدو كاعد ويمه الولد سلمت وكعدت يم مؤتمن صافنه على حضي الحمد الله محد فتح موضوع البارحه امبين مؤتمن سده من يمه يخافون يجيبون طاريه بعد

خلو الريون مجنت اشتهي اكل

طلعو الولد للشغل وجدي للديوانيه اجت سماح يمي كعدت كالت اشبيج

--ولج عمتي وتهاني هنه المسويات هاي الشغله البارحه

--وعلي اذا دره مؤتمن يذبحهن خلن واحد يكشف على مرته

--اشلون اكشفهن

--والله متكدرين لاتكشفيهن ولاانصحج اتسويها لان يجذبنج ومؤتمن ميصدك امه اتسويها وراح يدبرلج اكبر منها

--هو مؤتمن لويش هيج يحترم امه ويسمع حجيها مع العلم باطله

--اول شي مؤتمن ميسمع حجي احد ميمشي غير البراسه واذا اتشوفي يكلهن اي بس حتى يسكتهن ويخلص من الهوسه وشغله ثانيه تراه زلمه جنوبي يعني عنده امه فوق الكل اهم شي رضاتها فلااتحاولين

--لعد اشلون اسكت

--انتي بس ابتعدي عن تهاني وانتي بخير

نزلت تهاني من فوك تضحك والله حكول المؤتمن اليصير خلي يصير شيردن يسون قابل

اجت كعدت يمنه وشاكه حلكها كالت عمه اعضامي كلها امكسره رايده شي يدفيني وتضحك

عمتي. يبعد عمتج يوم الولد الصالح التفرحين كلب ابني بي هسه اسويلج شي دافي يلم اعضامج

ابوع سماح كاعده وتاكل بضافيرها قهرتني كلتلها

على شنو ضايحه سموحه لاتصدكين بالحجي تره اليله هم كضاها بحضني يمكن بس سلم مالحك يسوي غيرها بس اهم شي العلامه هم صح كملي حبيبتي ضحكج

سماح. ولج غزل اشلون بيج انكتمي خيه

--على شنو اسكت عود لبالي يتزوج اخلص منه اشو هم ضل لاطش

--يحبج خيه ميكدر

--كله من وراج ضحكتي عليه كلتي خلي يتزوج وهو راح يعوفج شهر كامل يضل يم عروسته خليتيني اوافق

--والله هوه عالاساس هيج بس شكلج مؤتمن شكله هون امبينه لهفته راحت هالكد ماصارت قديمه

--عزززا اخاف هذا فاهم السالفه مكلوب بس يلا ذكريني كل كم يوم ادزه الهه فد ساعه بلكي اتحبل خلي نستفاد شغله منها

اني احجي وسماح تكرص بيه اتريد اسكت وذيج وجهه اسود ومااسمع غير عيطت بيبي وراي

مصطفى.

صار كم يوم رجعت للمصنع ويه مؤتمن بعد جر وعر ويا كوه اتصالحنه

جان الصلح بشروط وطبعا هاي الشروط الطيحت حظي بس ميخالف لان ادري بروحي زودتها وياه والعملته جان غلط المفروض مااعمل هيج ويا صح اريد انتقم بس الطريقه جانت غلط

وانطيت كلمه واتورطت ويه غزل الحمد الله كلش رجع مثل ماهو بس ثقته انعدمت من ناحيتي نهائيا

يابوووي مااصدك يصير الصبح واركض للشركه غير روحي صار امعلكه بيها خاصا من اشوفها داخله بصدريه المدرسه ابخاطري اركض احضنها واخذها وياي موش بت دخيل الحمزه اتكول فراشه

دخلت لكيتها كاعده تطبع اووويلي اشتعلت صبوحه شوف الخدود اتكول تفاحه نازلات وانوب ماامعبرتني كل شغلها وحجيها وين ابو سبع حضوظ

وصلت يمها سلمت شالت راسها موعيون اتكول بحر دخيل محمد هيه تحجي واني تايه باارض الله فاك حلكي

--استاذ مصطفى تسمعني

--من يرحولج مصطفى وهله فدوه حممم اي بويه كولي

--طبعت ذني ممكن تلقي نضره عليهن واذا اكو غلط اعيده

--لايبوي كلهن صح

--بس انته ماشفتهن اشلون عرفت صح

--حتلو غلط هم صح اشتغلي بويه واذا تعبتي عوفيهن مؤتمن يطبعهن مكانج شنو شغله اهنا اشو كاعد عطال بطال شاطر بس يجيب نسوان ويكوم على روسنه

--العفو بس لازم تلقي نضره لان قبل كم يوم رزلني گال خلي مصطفى يراجع وراج لان اكو اخطاء

--اشلون شغله جيبيهن لاتگدرين حالج من فدوه مؤتمن ونسوانه يرحولج

كعدت لبالي راح اتضل على كعدتها اشتم عطرها بس خرب ابسرعه كامت اتكترت على جهه

خره بحظك مؤتمن لوتنطيني ربع من حظك اكعد وزن البت شارده وخايفه من رد فعلك واني قدمت العشيره كلها فداء الها مامعبرتني حضوظ خرب

--يلا بويه تمام ماعندج غلط اشوكت اطلعين

--نص ساعه وتجي سياره المدرسه

--عليش مااوصلج اني

--لااستاذ شكرا اكو خط يمر عليه

ممكن ادخل ذني للمكتب استاذ مؤتمن لان شكله امعصب اليوم اخاف ادخل ويصرخ ابوجهي

--هو يايوم مؤتمن ضحك مااعرف شيطي رب العالمين بعد ويخلص من هالتكشيره

--لازم عنده مشكله بالبيت

--لاابشرج عنده 3مشاكل وحده اتكول حولي والثانيه ازغر من جدتي بسنه والثالثه دخيل ربها مزروعه بالثول تشمرها منا اترد على وجهك ابمصيبه

--خطيه الله يساعده

--عليش ميساعدني اني الباقي حديقه ساحل روحي وره عالم متحس منطي 3 اكلج من اشتعلت صبوحه عليش اتخليني اسبه

ضحكت ودنكت خجلانه يبوووي موضحكه ضيم الله بيها

بعدني مامنطي اعجابي بضحكتها وفتح الباب رجل المسعدات

--مصطفى روح لشيخ علوان كله العصر انجيبلك اوراق الكاع اذا موجود خلي يناطرنه واخذ بطريقك هذه الملف اله

--اي سهله

--مصطفففى

--هااا يخوي اشرايد

--وين امدولغ سمعت اشحجيت

--ايي شنهو

--تعال تعال ادخل للمكتب اذا اتضل اهنا للصبح اعيد وماراح تفتهم

--اووف اشلون شغله هذه ميخلي الواحد ياخذ راحته لابالبيت ولابالمكتب كايم يخوي روح جاي وراك

كمت وراه دخلت بعدني ماكلتله هااا اجه وجرني من قميصي كال شوف لك تشتغل مثل باقي البشر هلابيك بس اتباوع للموضفات واتخلي عينك على طفل اشلعهن الك سمعتتتت

--تراها موش طفله ابكد مرتك هاي

--خره بيك وبمرتي مطصففففى لاتخبلني

---ناويها بالحلال

--ناويها بالحلال اتروح تخطيب لاتكعد تتزومل يمي وتضحك عالبت تراها ترجع بعرضك

--موش اشوف ردت بعرضك من طلكتها واخذتها من رجلها

بعدني ماكملت الكلمه وهجم عليه مثل الثور جرني واعيونه ناطه هالمره حجيتها مره ثانيه اخلك بتابوت اسمعتتتت

--اي يابه ماكلنه شي على شنهو اعصابك مفوله

--مصطفى قسما برب العز اذا سمعت جايب طاري هذه الشي اندمك وغزل سهلا ماضل واحد ماكايلته

--ابغلات امك لاتجيسها السالفه وانسدت والبت صارت من نصيبك اشو شابعه مغمه وساكته لاتزودها عليها تراها طفله ومتفتهم مؤتمن بغلات الخوه عوفها وروح عمي محد يدري بس اني وسماح لاتحاجيها

--اطلع مصطفى كالها وهوه يمسح بوجها اعرفه فول اخوي واعرفه من ينجلب هسه يطكها ضليت بالساعه اتوسل بي وشبعت سب وغلط بس ميخالف اتهون بسلا تنطك هالثوله كوه قنعته محد يعرف وراح تنسد السالفه هسه اني شحجاني هم اثول صاير مثلها

طلعت اكمل شغلي ورحت للشيخ علوان وصلت لبيته نزلت يم ديوان اكو ازلام واكفين رحبو بيه كلتلهم جاي عالشيخ

--ياهلا تفضل

--بس بلا زحمه بلكي اتصيحو ليه لان مستعجل

--دقايق كالها ودخل للمضيف طلع وياه شيخ جبير هيبه كال حي الله ودوم ياهلا تفضل

--هلا بيك شيخنه لاوالله مستعجل اريد ارد للشركه مؤتمن دز ذني الاوراق ويكول العصر اذا موجود حتى انكمل اجرائات الارض

-- لاهاي مامرجيه منك تحجي بالباب اتفضل يبوي وهذه هم مضيف اخيك عن جريب ان شاء الله

--اعذرني والله مستعجل وهنه اهل ان شاء الله ماكو فرق هم بيتنه هذا

--اشلونه مؤتمن ان شاء الله بخير

--بنص الخير لاتخاف عليه

--ههههههه ان شاء الله دوم ويربع حتى يطبق شرع الله وهالمره منه

امم حتى يتسودن رسمي ضل الزلمه يمدح بي سواليا نبي معصوم موهذا الساحلته الثوله وراها كعد ساعه يمدح بخلاقه وهيبته طرن راسي

اتفقت ويا واتشكرت منه سلمت وطلعت بوجهي للمصنع

جاي انزل واشوف جماره كلبي شايله جنطتها على متنها وتصعد للسياره رايحه للمدرسه دخيل ربها موش مره ملاك

راحت احس كلبي راح وراها مودعه يبعد هلي من اتروح صبوحه فدوه لهل وجه اتكول طماطه

طمطايه الله يطيح حضج غزل كرهتني بسمها

دخلت للمصنع جان وكت الضهر لكيت حفيد صبوحه مخبوص يرد معاملات ويجيب معاملات اول ماشافني صاح وييين جنت

--غير وديتني لعلوان

--استغفر الله علوان شنهو ولك رجال ابكد جدك شيخ مشايخ علون اتكول

--يابه شيخ علوان حفظه الله وراعاه اتريد اصفك وراها لو هيج يكفي بالغرض

--روحي مصطفى من وجهي اخذ السجلات وسجل معاملات اليوم بالتاريخ لاتثول اسمعت

--لو سمحت هذه لقب مرتك لاتنسبه لواحد غيرها وتضلمه

--استغفر الله هاي شيخلصه ويااا مصطفى وليرحم موتاك فضني

اخذت السجلات ونعل ابو اصل جدي يالله كملتهن للوحده واني اشتغل لمن اجه كال يلا للبيت وكت الغده لو تبقى اتكملهن

--ياا ابقى يمعود وين مكرم واحمد

--هسه بالطريق جايين

--اي جاخلي نطلع كتلني الجوع اكل وارد بعدين اكمل

--تمام جا يلا استعجل لان جدي خابرني اتعطلنه عليه ماطولك ترجع تعال بسيارتك

--طبعا ارجع اشعد باقي قابل مثل غيري يسوي قرعه يشوف بياغرفه ينام اسو مشعول ابوي اضل اتكلب مثل الزمال للصبح

مارد هز ايده وطلع كلمن بسيارته رجعنه وصلنه بس تعبان مابيه حيل اتحرك رحت كعدت بالصاله وهوه راح يسلم على جدي اشويه ورجع اجه اتمدد ابصفي

اجت سماح اتمرغ برجلي طلعت النقال التهي بي علما يصبون اجن اتسطرن نسوانه وبلشن ثبر حجي

عمتي. عمممه مصطفى موش احجي وياك

--حرام اذا سمعتج متشوفين اشگد يلغثن نسوانه متكليلي شسمع

--ولك عمه مكرم خابر يكول مويتعطل مامكمل شغله خلي يرجع يكمل

--هاي هيه عمه بس اتسمم ورجع

--هسه يعمه راح انصب

-- انداري شوفي منهو نزل وراج

--معتاز اندار من التطفر عرفتها غزيلان

--يلا بالله تطفر كل درجتين سوه بالعباس خبله وراح اتخبل رجلها وياها وانوب شوفي اشلابه انعال مطي مدري امسلبه بزون وصالخته

مؤتمن. غززززل بويه نزلي مثل البشر

اباوعها ولاعبرته كملت نفس الثول وعلي راح اتطك افيوزاته

اجت يمي على نفس التطفر وصلت كعدت يمي عرفتها اتريد شغله اول مكالت مصطفى

--مرض ذاك رجلج لاتحجين

--لافدوه كوم جيبلي جبس ونساتل قبل لايصبون الغده حباااااااب

-- جا طولتيها بعد غزل خويه ذاك رجلج كومي

--تعبان خطيه جاي من الشغل

--خره بشكلج بت المنغوليه جااني وين جنت مووياه بالشغل لك مؤتمنننن مترد

مؤتمن. خليها بليل اجيبلج هسه تعبانين

غزل. شوف والله ميكوم كوم انته حبااااااب

--انتضري اشويه اجيبلج بس اتغده

تهاني. شنهو زعطوطه وتردين نساتل شهالعياره

مؤتمن. انكتمييي

--متشوفه اتزعطط بنفسها هيه كالتها وصاح بصوت واحد كمزها كلها على غرفتج متنزلين لمن انخلص غده وانام

كامت ولاصوت خرب بغيرتك خوش امسيطر اشرت لغزل اتعلمي يالثوله شوفي ماراددته سمعت كلامه وماعاندت

برطمت الثوله لبالي اتاثرت كالت اني جوعانه

--استغفر الله كومي جيبلي افلوس لوهم مني

--لاع هسه اخذ من مؤتمن

غزل. مؤتمن اريد افلوس

--يمج بالمحفظه

--وين محفضتك

--بالستره عالقنفه

كامت اتجيب فتحت محفضته اشرتلها تلطش اهواي وهيه ماقصرت سحبت شكو حمره

همست كافي

--تمام جيبي كافي

اجت تركض فرحانه دخيل الله اشكد ثوله خامطه نص افلوسه علمود جبس اخذتهن طلعت جبت كم شغله اشتريت رصيد ونطيت الدين العليه اجت عدله رجعت للبيت اول مادخلت لكيتها كابه عركه والصريخ وين واصل

غزل.

عاطت بيبي كومي بت فريال لاتضلين تتمضحكين يلا عالشغل

--لعد موهاي كاعده

--هاي عروس جاعده يلا بلالغوه كومي جايفات بس اسوالف وعلي الاسمع صوتها منجن اجسر اسنونها يلا

اي بيبي كايمين بس حبابه كولي لتهاني خلي تسبح تره ريحتها وصلت لهنا

ام مؤتمن. كومي يالمعفنه اتضحكين على تاج راسج انضف من امج هاي

همست لسماح طايحتلنه وصخات امعفنات هيه يمكن صار 6 اشهر اخر تسجيل دخول الها بالحمام

--كومي وانكتمي اذا لكفتج تسحل بيج البيت

رحنه للمطبخ ضلينه للضهر متنه تعب دبكنه من الشغل والبرنسيسه فوك اتمكيج وتحضر لمؤتمن راح يجي

خلصنه قبل الغده صعدت اخذت دوش وغيرت ملابسي نزلت لكيتهم واصلين

الثلاجه فارغه خالصه كل الحلويات اصريت على مصطفى كوه قبل يكوم يجيبلي

صعدت للغرفه اودي سترت مؤتمن دااعبر الغرفه مالتنه لان غرفت تهاني صايره ابصف الدرج طلعت شعشبونه صارت ابوجهي هاي من الصبح لسه ساكنه غرفت ابنها الثالثه دااعبرها سحبت سترت مؤتمن من ايدي كال تعالي تهاني اخذيها لان هالايام ينام يمج

--يلا انشوف اشلون حيبقى يمها

--غزيلان تنعدلين واذا فكيتي حلجج لو خليتي يدخل غرفتج اخلي شمرج بالشارع مؤتمن ميطلع من هاي الغرفه منا لمن تحبل تهاني

--امم عود ميخالف بس خاي يسمع اول منو الدخل عليه الولد

دااتحرك ومااحس اله وهيه جارتني من شعري ردت ادفعها مكدرت هيه اجر وجنتها تضرب اتولني ضرب خرمشته من وجهه ردتها اتوخر وكمت اصرخ صعد مؤتمن على صوت اصريخي فجأه عمتي طاحت سوت روحها مغمي عليها

هو ركضلها شال راسها ويدكدك على وجهه ويصيح جيبولي ماييي وتهاني تبجي عزااا والله عيارات

وكفت صافنه على اعيارتهن

كعدت عالاساس اتريد اتموت بيده وهو مخبوص ميعرف الصار

--ترضاهه ييمه مرتك اتطكني

--منهو منهن هسه اسحكلج على راسها وانعلج ابو اصلها

--يمه شوف وجهي اشلون ملختني بظافيرها

اندار غزرني عرفني اني كلتله والله مسويت شي بس لان ردت اكلك هنه الدخلن الولد البارحه

اول ماكلتله كمز سحلني وامه تبجي اتكله موش كلتلك يمؤتمن مثل مها هاي راح اتذب تهم

--والله مؤتمن مسويت شي فدوه عوفني

-- نسيت ولك من عمج شافها وياه وانتحر هاي نفس امها تاليتك اتفضحك بالديره وهم تكتل روحك

مؤتمن. كافيييييي كافي يمه سدي الموضوع

--ردت تبجي اتكله شوف وجهي كله املخته بضافيرها

واني كامشه بيده ابجي واتوسل اكله جذب وهيه اتصيح شوف ولك اجذبني يبوووو ولكم ضاع تعبي يبووو

--والله جذابه خافي ربج مره عجوززز ولله جذاببببه

مااحس غير الراجدي طير وجهي ردت اشرد سحلني من شعري صك على اسنونه كال اشلون اني اكتل روحي واخلص من المصايبج لو شنهو فهميني

--فدوه لاتضربني بعد مااغلط علؤها كلتها وشكهت اضافيره جنت امنبتتهن بيده حتى يتركني دفعني حيل رجع لمه كعد يمها اخذها لحضنه وباس راسها وهيه بدت تسولفله اشلون شافتني يم الشباج اباوع لواحد شال راسه باوعلي اشرتله جذب خفت منين طلعت بهاي السالفه

ركضت للغرفه كعدت يم الجربايه لميت رجليه شراح يخلصني كاعده وكلبي يريد يطلع من الخوف اكيد هسه يدخل يموتني اني شورطني وياهن دخيلك ياربي ذني حتى يحلفن جذب دخيل الله

اشويه واسمع صار هدوء يمكن فضت ونزلو اندفرت الباب دخل شافني اشهك اجه يمي كال شنهو العملتي غززل

--والله مؤتمن والله هنه الصبح اول شي كالتلي انتي موبنيه مؤتمن لفلف السالفه ومشفنه نيشان

--ايي وبعد شمصخمات

--وهيه كالتي اذا متصيرين ادميه اوكعج بمصيبه اكبر من البارحه والله مؤتمن والل

كافييييي لاتحلفين غزل انتي راح اتسودنيني اثاري صدك مثل امج نفس الطينه

--والله مسويت شي لويش متصدكني يعني اني جنت عايشه اهناك ماسويتها اجي يمك اسويها شنو اتخبلت

--لاناويه اتخبليني

--مؤتمن والله جذب

ماحجه بعد يمكن مامصدكها اصلا بس راح للجراره طلع مكص واجه يمي رجعت ليورا مااعرف شنو ناوي جرني من شعري كومني سحب ايدي راد يكص اضافيري واني كمت اكمز واتوسل بي يعوفني

بس هوه مصمم جان يكصهن اول اضفر كصه لو احس شلع روحي ويا ابجي واتوسل وهوه يكص بيهن ديكص سحبت ايدي منه اجه المكص بالحلم شاطت روحي مو اضفر متت

ضغط على اصبعي بيده حيل وباوعلي واني ميته اطفر من الالم كلتله عوفني فدوه اني اكمل الباقيات سحبت ايدي ورحت اخذت اكلنس لفيت اصبعي احس روحي راحت من شفت الدم بصبعي الدنيا كامت تفتر مااعرف لان شفت الدم لومن الالم وهلكت مابجيت

فرك وجهه وطلع ركع الباب وراه حيل

اشلون فرن السالفه دخيل الله بس شنو جانت تقصد بابا شافهه وياه وانتحر منو هذا لويش مؤتمن انجن من سمع وسكتها

باوعت اضافير مكصوصات 3 منهن يعني ادمرن كمت جبت المكراضه وكعدت كملت البقيه ودموع تنزل ويه كل اضفر الله لاينطيكم عساها ابختج عمه

كصيت اضفري المكسور على كيفي احس روحي اتشوغ ويا كملته لفيته حيل مانزلت للغده ولاواحد صعدلي ضليت للمغرب بالغرفه لمن دخلت هيفاء كالت مؤتمن يكول خلي تنزل اتنام يمج لاتضل بالغرفه

--هذه كل عقله كام يشك بيه لو شنو

--غزل فدوه لاتطوليها سوي اليريده سوده عليه حتى غده ماتغده طلع ضايجه واستوه دخل

--تره امج وحده باطله اني ماسويت هيج ولا مديت ايدي عليها وهو لباله ضاربتها صدك

--ندري تره موش غشيمين احنه بس انتي اتجاوزتي عليها تدرين لو صدك ماده ايدج جان مؤتمن كسرها الج بس عرف ماضاربتها بس شاف الشخط الابوجها وغلطتي كدامه عليها تراه موش عار يسمع ينغلط على امه ويسكت

--تره جنت ادافع عن نفسي ماادري اشلون صار ابوجهه وهسه خلي يرتاح شلع اضافيري

--ولج والله كسر خاطري روحه طافره اول مادخل صاحلي سال عنج نزلتي اتغديتي لولا من كلتله مانزلت كال صعديلها خلي تنزل ولاتضل فوك خلي اتنام يمج

--يي وهوه يضل يم الابرنسيسه مالته

-- خيه ياابرنسيسه راح يفضحنه چدام الناس عروس لحد الان ماداخل غرفتها بس ساعه

--محد كله يجيني مشكلته هاي

--لخاطر محمد هو اسبوع بس خلي يكمله وياها حتى نخلص من الحجي و كومي وياي ولاتحجين وياه عود زعلي عليه بس غزل غيري الاتراك لان جاي مكرم

--مم واني اكول حلكج شاكته من الضحكه

--اوووف اليسمعج يكول صدك

--والي يكلج شغله يخليج اطفرين

--شنو ولج كولي ابعرضج اني والله كلبي راح ينط وهو ماكو

---ولج قبل كم يوم من كلت انخطبت اتخبل لكيته بره يشمر بالكراسي رحت ورا كلتله اذا اتحبها لويش متخطبها

--اي وشكلج

--يكول مينطوها عود لويش مينطوج

--حيييل شغله قديمه بينهم وانضافلها من جدو اتعارك ويه خالي وجابهم اهنا كملت صارت بعد انكس

--بس هو يحبج والله

--والله غزل عليج الله صدك كال احبها

--اممم واني كلتله هيه هم اتحبك

--اصخام ابوجهج غزل صدك تحجين اشلون اراوي وجهي بعد

--انتو لويش امصعبين الامور تره كولش عادي يعني واذا

--غزاله حبيبتي انتي بالبصره مو بامريكا اكو فرق تره عيب عدنه الوحده اتحب

--دولي عيب لعد مواخوج حب هالصخله وجابها لو همه عادي وانتن لا

--عوفج منهم اهم شي طلع يحبني وهسه يلا نزلي وياي لايصعدلنه مؤتمن وهالمره انطگ وياج

غيرت ملابسي لبست كلبيه ونزلت وكت العشه رحت لغرفه هيفاء مااريد اشوف وجهه اشكد حقدت عليه ماعنده ضمير اشويه ودخلت سماح بيدها صينيه جنت متمدده عالجربايه دخلت تبتسم كالت كومي اكلي عمي راح يتسودن باقيه بلا اكل

--على شنو يتسودن شوفي اشسوه ابوجهي

--غزل تره انتي طاكه امه اشتردين يحضنج ويطبطب عليج طبعا يطكج

--بس والله مكتلتها

--عود رووحي قنعي كليله ماكتلتها تره امك اتجذب

--والله كلتله هيج وهوه ضربني

--استغفر الله عوفج من الضربه وين اصبعج المشوط روحه وراه يكول كصيت اصبعا اذيتها شو اشوفه

--هياته لعد هوه ضايج على اصبعي وهاي خدي شلعه من الراجدي ماهمه

--لاخدودج هنه يسون الواهس واحد يطكج عليهن حلوات يطبطبن وايده الطكج بيها شفتها امطلعه دمها بضافيرج شنهو ولج جلب خوموجلب امشخطه العالم كلها

-- بعد راحن هنه ذني سلاحي الوحيد بس والله ابلش بيهم عض

--حتى يشلع اسنونج

--تهاني وين

--اووو تهاني عيد عدها اليوم واخيرا استفردت بي اليوم الها محد يزعجها

--خليها تشبع بلكي تجفيني شرها

--اني راح اروح ويه مكرم لهلي خطيه امي عدها شغل متكدر وحدها غزل ابروح اهلج اتكتري عنهن لاتخلين بالي يمج تراج متكدريلهن

--اكولج متقنعين امج تخطب هيفاء خطيه تره اتحب مكرم

--والله شطالع بيدي غير هو هم ميت عليها بس لو يقتع جدي

--عزا بعينه هذه اشوكت يموت

--يااا خلي اكوم ماضل وقت وانتي اكلي لاتضلين بلا اكل تالي اطيحين

طلعت واني اكلت خلصت كمت شلت الصينبه طلعت للمطبخ وديتها غسلت لكيت مصطفى بالباب وكف كال والله الاجباس والنساتل نقذني بالمكتب اكلتهن

--وخر مصطفى

--اوكفي ولج انطكيتي يالثوله

--ايي

--دتعالي وياي كاعدين غربان البين خلي نزعجهم

--منو الغربان ذوله

--الحولي ورجلها

--اهااا بس نعسانه والله ومااريد اشوف وجهه قرفانه من شكله شوف اشسوه بوجهي وايدي

--يلا يخوي اتهون لاتكدرين حالج تعالي خوش كعده محتفلين بزواجهم ذوله خلي انخربه

--مصطفى والله كلبي يوجعني منه مااريد اشوفه كلتها وبجيت

--هاي شنهو عليش تبجين تعالي سحبني وطلع

مسحت ادموعي لكيته كاعد وهيه يمه باوعلي ودار وجها يسولف ويه الصخله مالته اني بدال ماابطل بجي ادموعي زاددت كعدت يم مصطفى بس صوت الشهكه تطلع كوه اكتمها مااريده يسمعها بس اسمع صوت حسرته

مصطفى كل اشويه يخزرني ميريدني ابجي لان تهاني جانت تضحك بصوت عالي واني اطحن من القهر ردت اكوم كمش ايدي صرخت لان كمشته اجت على اصبعي تركني وضل صافن كال اشصابج يخوي

-- اصبعي كلتها وبجيت اجت من الله رايدتلي اشي ابجي عليه

--والله يخوي ماادري بيج شو خلي اشوفه وين اتعورتي

--لالااا عوفه يااذيني هسه يصير زين بسلا اتكمشه

--خطيه هوه لباله عورني ضل يسكت بيه مؤتمن ماانطه رد فعل ضل على مدنك ويدخن

مسحت ادموعي صب كهوه مكرم وانطاني حجه على كيفه كال شربي يخوي تره بطريقه للجلطه اشرلي بحواجه على مؤتمن

كعدن البنات واجه احمد كعد يمي شافني كال عليش باجيه

بالبدايه خفت ارد لان احمد مزاجي متعرفه كل ي ساعه شكل حسب مرته رد كال موش احجي وياج

--مابيه شي اتعورت وبجيت

--وانتي مثل الزعطوطه على كلشي اتنزلين ادموعج

برطمت ضحك وسحبني خلاني بحضنه شفت مؤتمن ياكل بشفته عرفته غار اني زوتها صرت لزك بااحمد وكمشت ايده درتها عليه وخليت راسي على صدره خلي ابو عقلين يغار حتى من اخوي اشكد حقنه

همزين ميكدر يحجي بس يطحن بروحه اول ماباوعتله لكيته عاكد احواجبه واشرلي كومي درت وجهي ماهتميتله شاورت احمد كلتله شوف خدي اشلون انضرب بوسه علمود يطيب

باوعلي متفاجئ رجعت برطمت ضحك ضربني على راسي وباسني من خدي وحضني حيل ضحكت ورجعت راسي على صدره

--

تهاني. مصطفى شو ما وجبتنه

--واني منيلي اصخام واوجبج اشو لامحصل لاحق ولاباطل من رجلج وفوك هذه غزيلان شافطتهن اول باول نساتل

--هسه اقلها اهديلنه اغنيه مباركه

--افا صدك جذب جنج على اغنيه

اندار گال غزاله شتحبين اغنيلج

--مااعرف الاغاني العربيه - غمزلي واشر على مؤتمن وبده يغني

ربع حبي يعادل كل اليحبون ونص حبي الك ماحبتك امك

من تنجرح انته ايسيل منك دم دروح وفحص وشوفه دمي لودمك

گبلك جنت احب وچني ماحبيت لان شفت الكلب مثل الطفل يمك

مااحرك ارموشي اكبالي من اتصير اخاف ابالحضه اندم ماشفت رسمك

افرشلك اعيوني ويه جفني اتنام واكلك اغفه بيه وكلشي لايهمج

داخذ بيه جرح واذكرني بيها ارجوك يضل ينزف عطر لو فكر يلجمك

كام مؤتمن حتى الاغنيه ماكملها طلع بره ومصطفى طكها ضحكه واندارلي كال اشلونج

--تمام اكولك هاي الاغنيه شنو جديده اشو اول مره اسمعها

--ياجديده ولج هاي قبل اصدر صبوحه نزلت

ضلو كاعدين يسولفون اجت هيفاء يمي كالت غزل مؤتمن يريدج بره

كمت بس مارحتله ادري وراها رزاله رحت لغرفه هيفاء نمت جفي للصبح

كاعدين بالصاله الولد واحنه انحضر الريوك سماح ماهيه يم اهلها هيفاء ودت الصينيه

اخذت الخبز طلعت وراها نزل مؤتمن من فوك ويا تهاني جان يلبس بالستره وهيه تمسح على ضهره اتعدلها اله

نزلو احس الغيره اكلت كلبي كعدت بس جان عيني بيهم وكف يعدل بسترته وهيه ويا اتعدل بالياخه مالت قميصه احس ايدها من اتخليها على صدره اتكول تعصر بيها كلب

مااعرف اشكالتله دنك عليها وحجه على كيف وضحكو جان يباوعلها اشلون تضحك وهيه تهمسله عصر وجها وضحك اندار باعلي بطل ضحكته ودار وجهه

احس النار مشتعله جواي كلبي وجعني حتى انسدت نفسي عن الاكل

همه ياكلون واني افكر شنو كالتله وهوه غازلها ويضحك بعد مااشوف احس انعميت من القهر

عفت الريوك وكمت طلعت بره كعدت بالبستان احس روحي مخنوكه ماجنت ماجنت اتصور انو هيج احس اذا اتزوج لبالي زواج وخلص بس دااموت من اشوفه يباوعلها لويغمزلها اشتعل وانطفي

وهيه طايره بي

اسمع احد يمشي وراي مسحت ادموعي عالسريع اسمح حمحم عرفته هوه لميت رجليه ومسحت اخدودي عن لايبينن باجيه وصل يمي دفعني سوه مجال وكعد

--عليش تبجين

--ماابجي منو كلك بجيت وعلى شنو ابجي اصلا

--اهااا هم صدك اشلون صار اضفرج

--مابي شي طاب

--جااعليش مااتشتغلين بويه امي تشكي منج

--طبعا تشكي اذا خاله تهاني فوك اتكول اميره واحنه نخدم وكلها لويش متنزل جنتها تشتغل لوحضرتك متقبل

--او اوف شنهو يابه لسان رشاشه وهاي عود مكسر لو تحجين طبيعي جااشلون

--تضحك على كلامي مؤتمن

--يعلة كلب مؤتمن مشتاقلج بكد رحمه الله

باوعتله وشهكت ضحك سحبني لحضنه عصرني حيل وباسني كال عليش يابويه البجي

--مااحبك

--شعور متبادل

--لعد لويش حاضني هيج

--طفله تبجي اشلون مااحضنها

--اني موطفله لويش كلكم اتكولون هيج -مؤتمن

--اعيونه

-- بعدك اتحبني

اخذ حسره ورجع راسي لحضنه دنك همس يم

اذني كال اعشگج وحك علي يعلة كلبي

وخرت راسي من حضنه كلتله طلكها

باوعلي مارد اخذله اشويه وكام كال يلا بويه لاتضلين بره بارده دخلي جوه ولاتكربين يم المي يلتهب اصبعج عافني وراح

كمت دخلت للبيت لكيت تهاني شاكه حلكها من الاذن للاذن صافووو

--هلااا

--ابربك موتهاني تشبه الضفدع شوف حلكها وعيونها

--هيه اصلا جانت ضفدع قبل لايسحكها مؤتمن وتتحول

--لامصطفى موهيج القصه تره يبوسها الامير مويسحكها

--وانتي جلبتي بالسحكه وعبرتي مؤتمن امير خره ابشكلج

--هم صدك ماكو امير اجلح

--حمم

ضميت اخدودي ابسرعه وغمضت كلتله لااتكول الاجلح قصدي مؤتمن وراي

--چلمه موكدها عليش اتكوليها -دمغني وطلع

رحت للمطبخ كعدت عالميز دخلت تهاني كالت كومي عيني سماح ماكو بس هيفاء ايدج وياها

--مؤتمن كال متوصلين للشغل لمن اصابيعج اتطيب

--وين عمتي

--بالغرفه يم صبوحه روحي صيحيلها بس من يجي اكوله تهاني سوت مشكله وانتي اتعرفين شنو وراها

--انتي عليش مومثل البشر

--طبعا لان اني ملاك كلتها وحركت شعري بديه واثقه كلش بس صدمتني من كالت قصدي متلبسين كلبيه عليش دومج بالبجامه مثل الزلم فشلتني بت الصكعه

--ابكيفي عندج مانع ويلا لاتضلين تلغين اشتغلي

دخلت عمتي صاحت كوميييي يلااا للشغل يالجايفه

--عمه مؤتمن كال لاتشتغلين

--الكنس ماله شغل بنعالاتج كومي لااركع بالچدر

كمت بدون معارضه لان انجلف محد اهنا بس ذني خفت

وكالعاده كرب لان كل تشويه جاي احد يبارك من بعيد ماطلع عرس لليل واحنه متنه تعب

صعدت لغرفتي عالاساس اليوم الي

حضرت روحي سمعت صعدته عالدرج لبالي راح يجي بس اتفاجئت من دخل غرفه تهاني اشكد استحقرت نفسي كلمااريد ابده صفحه جديده انكسر اكثر رجعت لفراشي احس كلبي من كدماانقهىرت كام يوجعني كوه نمت

كعدت الصبح على هوسه شعشبونه باوعت الساعه صايره ال10 اشعجب خلوني نايمه هالكد

كمت غسلت وغيرت ملابسي فتحت الباب البيت هادء رحت اردت انزل شفت تهاني اترش مي من شافتني بطلت عفتها ونزلت ماهتميت رحت للمطبخ لكيت هيفاء وحدها تكرب خطيه صباحوو

--هلاخيه اتااخرتي

--لعد ماكعدتوني

--مؤتمن كال تعبانه لحد يصحيها خلوها تصحه وحدها

--سماح مااجت

--لاوالله ماكو بلكي يجيبها مكرم بليل مانكدر وحده وخاصه الناس بعدها تجينه اخليلج ريوك

--اي والله تايهه بدون سماح هيه اتسويلي يروك

--يلا دقايق واحضره الج حتى نطلع نجلف الطارمه ونضف الحديقه

--وتهاني افندي اشوكت تبدي تشتغل

--خليها يمعوده خلصانين من شرها لاتنزل خلي يخلص الاسبوع فرد مره

اتريكت وبلشنه بالشغل طلعت سماح شايله كل الشغل عنه واحنه ماحاسات متنه علماخلصنه حتى غده مااشتهي اتغده صعدت غرفتي ردت بس انام خليت راسي ماصحيت غير بليل معدتي تعصرني اباوع فرشتي مامتحركه من الجهه الثانيه يعني هم مااجه شنو هذا ناوي يركني لو شنو

كمت طلعت من الغرفه داانزل واسمع ضحكتهم بالغرفه احس نار طلعت مني كوه كملت الدرج حتى الجوعه طارت احس كلبي وجعني كعدت عالميز صافنه على حالي شنو ذنبي واني بهالعمر اتحمل كل هذا

والله لانو بت فريال ولازم ماضيها اني اشيله

غمضت اريد اشيل ضحكتهم من اذاني كمزتني عمتي وهيه اتكول شكووو اهنا

--عزا عمه نزلت جوعانه

--واكل ماكو لاتوصخين المطبخ يلا صعدي ماضل شي للصبح

--مااوصخه اسوي لفه واصعد اكلها فوك

--مؤتمن يم امرته اليوم هم مو اي عليش ميروح غير هاي حب عمره مو وحده مامعرفه اصلها منين وفوكاها اتدخل زلم نص اليالي صدك ولج اخاف حبلتي وتالي اتجيبيلنه نغل كولي حتى نتلاحك انزلنه لايبتلي ابني بي

--عمه شنو هالحجي والله اصعد اكوله

--ههه وعالاساس هوه مامفكر بيها جاانتي ثوله متشوفي ركنج حتى يتااكد خاف حامل وهم لعبانه روحه من كربج بعد مييباوع وجهج

--يعني قصدج يشك بيه

--غير تربات امج شتطلعين قابل نفس الشي بس اني اعرفن شمشربه الولد وخالته ميشوف كدامه يلا همزين هسه عرف شنو طينتج وركنج اقلها اتفيدينه للشغل ويلا صعدي ولي لاتضلين بالمطبخ وعلي كيفج من اتصعدين لاتزعجيهم يمه كون يتهنون بسبع اسعادات هيج ربي وتكمل فرحتي وتاخذها جاغير النذر ابيومها اوزعه

عفتها ورحت اصعد ردت اعبر غرفته سمعت صوت ضحكتها وهوه يكلها بويه صوتج ورد ضحك وياها حسيت بخنكه موتتني

رجعت نزلت طلعت للبستان ردت بس شي يوخر الخنكه مني

الجو بارد حيل كعدت على حجر بره

الهوه جان يدخل بداخلي احسه يثلجني كلبي يفور ميرضه يبرد غمضت اعيوني واخذت نفس اريد اهدء بس زادت حالتي بالعكس نزلت ادموعي غصبا عني اتخيله نايم بحضنها وديغازلها

ضليت اشهك اريد اطلع القهر البكلبي لان راح اموت اذا ضليت كاعده وين اروح اشلون اخلص روحي منه

لويش اني هيج ضعيفه وين شخصيتي لويش مااخلص منه شنو الي يخليني تحت رحمته وانوب حتى بعد ميعبرني اي صح هذا يشك بيه واله لويش لسه مااجاني اني اشبيه لويش هيج ضعيفه شنو ناقصني واقبل اعيش ويه واحد متزوج هالكد

على شنو خايفه اخطو خطوه وحده شنو اليخليني ابقى وياه

لويش مااطلك بلكي اخلص من هالشعور الراح يموتني اقلها اعرف هو موالي ابطل اغار

اي احسمها وياه اني ماناقصني شي لويش قابله بهذا الوضع فوكاها كام يشك بيه ونايملي بحضن تهاني

كمت مسحت ادموعي ورحت صعدت فوك دكيت الباب عليه وضليت وره الباب امتانيه محد فتحها

رجعت دكيت اقوه انفتحت الباب لابس بس بنطرون وهيه نايمه على صفحته امبينه جانت ابحضنه وموخرها استوه جان كوه فاتح اعيونه اتفاجى من شافني كال خير صاير شي

--اي اريد احجي وياك

--غزل بويه روحي الله يهديج خلي يصير الصبح وانزل وكولي التردي

--مؤتمن تجي هسه وتسمعني لاوالله ماراح يصير خير

طلع ضايح كال صوتج ودفعني للغرفه مالتي امشي خلي اشوفه شنو الطياح الحظ الرايدته

دخلت للغرفه كلتله اول شي موطياح حظ وثاني شي شنو هذه الدسوي وياي

--شعامل

--شنو شمسوي مؤتمن انته شايف روحك شنو دسوي صدك مؤتمن دتشك بيه

--اهوووو وانتي مكعدتني نص اليل على هيج تفاهه بويه كل عقلج انتي تحجين

--ابنضرك تفاهه بس ابنضري لا اني مو حيوانه عندك وابكيفك اتقرر مصيري تره بشر وعندي مشاعر شنو صارلك يومين مامعبرني تره موخدامه مالت اهلك اني بس للشغل اهنا

--غزل اختصري لان تعبان وراسي مسطور

--اي حقك تعبان غير عريس لويش لا تدلل بس خليها ابالك تره اهواي حاولت وياك وعانيت كلمااريد. اجي للطريق وكمل وياك اشوف شي يكرهني بيك

--مم وشنهو الجديد

--ماكو جديد اني ازغيره وحلوه ومن حقي اخذ واحد يكون من عمري ويكون خاص بيه مواتاني كل كم يوم يالله يوصلي السره تره مامجبوره على هذه الشي والف واحد يتمناني

لويش اضيع بدايه حياتي ويه واحد ابكدك ومثل ضروفك مؤتمن اني مااكدر اكمل وياك افهم دتفهم شنو داكول

مارد كام مسح وجها واخذ نفس كال كملتي يلا بعدي عن طريچي ونزلي لغرفه هيفاء لاتضلين اهنا

-- اتشك بيه موووو تره خبلتنييييي مؤتمن اراح انجن من تصرفاتك يااخي اكرهم وكل يوم يزود كرهي الك

--غزل اني لوشاك بيج واحد بالميه جانهيتج وماخليتج لسه تشتمين هوا

--شنو هيج عندك سهلا الكتل ويارت بذنب صح تره امك السوت الشغله

--بويه بسسسسج ماتملين وخري عن طريقي خلي اولي اخمد

--مؤتمن طلكني مااريد ابقى وياك

شفته سحكني وكمل طريقه اصلا ماعبرني شاطت روحي يعني كل هذا ورجعلها احس النار اشتعلت بيه

كلتله تحجي على سيف اي احبه ويسوه راسك ولااتفكر يجي يوم احبك ابكد ربع حبه اكرهك تعرف شنو اكرهك مااريدك تعرف مااريدك طلكني خليني ارجعله خلي عندك كرامه

اندار اجه يمي خنكني اريد اوخر ايده مااكدر صاك على اسنونه كال من انتي على ذمتي واتجيبين طاريه تستاهلين الموت

كطع النفس اجيت اشهك خلص الاوكسجين بديت افقد شافني موت بيده عافني طحت بالكاع كوه اسحب النفس ماحسيت غير دفر الدولاب اليمي لمن طكه بالنص

-- اتحبي مو وتردين تطلكين عليش لا تامرين

--اي مااريدك

--ومنو كلج ميت عليج

كمت كوه دفعتها من صدره واشوف حمرتها على صدره

-- شوف شنو هذا يعني بس كلتلك احبه انجنيت لعد انته شنو متحسسسسسس ولك نايم بحضنها واني اتانيك بلكي اتحن وتدخل غرفتي

لويشششش حيوانه ومااحس الله ياخذك الله ياخذك مؤتمن ارجعلها خلص اليل وياها شتريد اكلك احبك واني اشوف اثار ها على جسمك لومن اتخيلك نايم وياها وتغازلها انته هم حاسب روحك بشر ولك الحيوان ارحم منك الله ينتقم منك اطلع مؤمننننن دفعته

حسيت كلبي تعب بعد ماكدرت اجر النفس انهاريت كعدت بالكاع بعد مااكدر اخذ نفس فتحت السحاب مالت البلوزه اريد اسحب الهوه ماكو عيوني بدوت اتغوش

كعد يمي يفرك بظهري رفع راسي بيده انخبص يريدني اجر النفس

يصيح اخذ نفس غزززل غززل بيوي اشصابج ولج اخذي نفسسسسس غزززل

باوعتله كوه كمشت ايده ردت يساعدني احس الخنكه موتتني وهو يتوسل اسحب الهوا

عصرت ايده لان حسيت نهايتي

شالني ركض للحمام فتح البوري يغسل بوجهي بس اني اعيوني انطفن بعد مااكدر افتحن كعد بالكاع وخلاني بحظنه يدكدك على خدودي

اني اسمعه بس مااعرف اشصارلي مااكدر ارد ولاافتح اعيوني اسمعه يصيح بسمي اشويه اشويه اختفى الصوت

مصطفى.

نايم وكعدت على صوت مؤتمن وهو يصيح مصطفففففى

-- طفرت لبالي انوخذنه طلعت اركض

--هاولك شصايررر

--الحك يخووووي ماتت ولك مفتاح السياررره ابسرعه

جاي جاي اطلع كدامييي

ركضت للغرفه سحبت المفتاح وطلعت اركض وراه

حتى نعالي مالحكت البسه وصلت

خلاها بالسياره وصعد صعدت ورا اشوفه متخبل وحتى البت جايبها بالتراك بلا غطه شغل وداسلها كلت راح يكلبنه بويه هدييي راح تكلبنه

--ماتتت وبعد مالحكلهااااا

--بسلا كتلها اعرفك امسوددددن وعلي ولك عليش وياها

--ماكتلها هيه طاحت ماكتلتها كلبها وكف ماتت ماتت

انداريت شفت البت زركه مابيها نفس واني اتخبلت صدك ميته هاي انداريتله ولك صدك ميته يابن الكلب عليش ولك عليششششش

مارد بس جان يسوق مثل المسودن حتى قميص مالابس بطرق البنطرون بطريقنه جانت سيطره كسرها وطلع اشتغلت سياره الشرطه ورانا لبالهم شو منهو احنه

مااهتم اشكد ندهونه لمن وصلنه للمستشفى نزل بلحضه فتح الباب وسحبها وراح يركض للطوارء اني ضليت يم الشرطه كال هويتك

سبدي ابروح اهلك شوفني حتى بلانعال جاي ياهويه

شكو خيركم

بتنه وكف كلبها ويمكن ماتت واليرحم موتاك خليني ادخل

سلامتها ماعليها ان شاء الله بس عدكم مخالفه راح ناخذ رقم السياره وتجون للمرور

ميخالف ميخالف كلتها ودخلت اركض

لكيته مثل الطفل كاعد مكنبص كدام الباب ويرجف ماحاجيته ولاعاتبته كافي الهو بي تيها من ايده چتلها

اجيت يمه خليت ايدي على متنه شال راسه اعيونه حمر كوه طلعت الحجايه منه

--ماراح اتموت يباوعلي بترجي يريدني اطمنه

--كعدت يمه خله راسه ابين ادي ودنك مكسور مااعرفت شحاجي اعاتبه اغلط عليه اواسي

اشلون طاحت

--مااعرف مااعرف هيه صارلها كم يوم اشوفها موش طبيعيه بس مااتوقعت راح توصل لهنا

--طكيتها مؤمن

--اي اي طكيها جتلتها بيدي راحت غزل كالها وباعلي ادموعه تلمع

عفته و كمت رحت لغرفه اريد احد يطلع ياامنه ماكو دكيت الباب محد يرد اخر شي دفعته شفتهم يسوولها تنفس اسطناعي البت زركه منتهيه ردت اسد الباب لخاطر لايشوفها

لكيته واري واكف خال ادي على راسه وصافن عليها سديت الباب ابسرعه وكمشته

بعد يخوي لخاطر محمد موش كلتلك وكف كلبها ماتت ولك ماتتتتت

بس اصبر بعدها لاتكول ماتت هسه ترجع اهدء

كنبص بالكاع انتجه عالحايط بعد رجلي متعينه مؤتمن انهد بثواني موذاك هو الجبل كسر كلبي واني اشوفه يرجف

جدي ومكرم اجو يتراكضون وياهم عمتي وجدتي صاح جدي شصابكم شنهي الجره

--غزل كلبها متوقف

جدي. لاحول الا بالله هايمعتصم خذيتها يالله ارتاحيت شفتنه موش كد الامانه

مؤتمن. جدي چتلتهه بيدي

جدتي. وشمالك ييمه كاتل روحك كلمن حد يومه هيه خلصت خبزتها هسه الله وياها

ام مؤتمن. شفتها من الصبح وجهه موش طبيعي عرفتها بزر اخره

مكرم. كول يالله يخوي كالها وكعد مقابيله ميعرف شيواسي بس صافن

عفته ورحت يم الباب امتاني رحمه الله اشوف مؤتمن حاير مثل التسودن ميعرف شيسوي صافن عالباب مهدود ميكدر يكوم يلوب اخر شي كام اجه وكف يم الباب ردت ابعده دفعني اباوعله اشلون مكسور يباوعلها وهمه مخبوصين يردونها تستجيب وياهم ماكو فاقده

مرت مودقايق دهر من العمر

-- هم بجت عليه من انضربت

--فقدت وراك

--مااستاهلها اني عليش رجعتهه اشلون دليتني مكانها لك عليش ماسفرتها وخلصتها مني

--كول يالله يخوي هسه اتكوم

--ماراح اتكوم عافتني كالها وكعد بالكاع ضم راسه بين ادي

مؤتمن وصل حد الانهيار الدقايق المرت اكتشفنه عشكه لغزل شي فوق الخيال اسمعه يهمس بس شنو ماسمعته يترجه رب العالمين مدري يتوسللها مافهمت عيني بالدكاتره الواكفين

اشوف الدكتور اخذ نفس مسح كصته براحه وركب الاوكسجن على خشمها اندارلي ضحك وانطاني اوك

--ولك مؤتمنننننن فاقت يخوي كووووم

شال راسه وعيونه حمر ماامصدك ماكدر يكوم مديتله ايدي كمشها قبل لايتحرك

صاحت جدتي ولك مؤتمننننننن الحك اممممك راحتتت

وراها صاحت يبووووووو -

الثامن عشر من هنا

تعديل المقال