رواية عشق الثأر الفصل السادس عشر 16 بقلم مينة طلال

رواية عشق الثأر الفصل السادس عشر 16 بقلم مينة طلال

- جبت كلشي

وعفت كلشي

ومدري شلون جيت امشي

اجيتك ردت اكلك شوف ..

ردنا نعوف كُلشي وما كدرنا نعوف ..

___

دموع ..

هواي عشنا امور بهاي السنتين

كلشي تغير وخاصتاً اسحاق صار انسان ثاني

انسان حب الحياة تغير ستايلة وشخصيتة بعد رجوع عمي

عبالك كل اهلنا رجعو مو بس هوه

بعدني دائما اكعد واذكر ذاك اليوم ...

شغلت جكارتي وصفنت واني استرجع ذكرياتي..

قبل سنتين ...

شنو الي اتفقة عمي واسحاق مااعرف

الي اعرفة اسحاق كام يتواصل وياهم ويوديني لبيت عمامي

الي ماطبيتة من سنين ..

اباوع عليهم احس عدهم شي مخططين لشي بس شنو ما حجو ولا كالو بس الي يباوع على اسحاق يعرفة ذاك وينة ضام ضمة

بعد شهرين من رجعو عمي واستقرارة تخرج اسحاق وعينة هوه

كام اسحاق يكعد الصبح يكشخ ويروح لشغلة وماشفت عده لا حبة ولا سلاح

اني اخذت الحبة الثانية وضليت اللوب اطب انفش غرفتة نفس

كلشي مااللكة اضل اكل بروحي ..

شفتة كام يدخن ضليت عيني على باكيتة وين مايعوفة اخذ وحدة وحدة حتى ما يحس كمت بليل افتح الشباك واضل ادخن الي بايكتهن منة اله اخلصهن وافتح لبنكة واحس الريحة تطلع اعطر الغرفة وانام..

شنو الي وصلني لهل حالة

انقلاب حياتنا خاصتاً اني مافرحت بعمي مثل اسحاق

لان دائما همه سوة واني وحدي بالبيت

وبعدي عن الشغل والطلعة وفراك عمة وتخرجي وانتي انتضر تعين عكس اسحتق كبل تعين ..

واديان الزعلت من صارحتها انو مستحيل تصير علاقة بينهم..

وصباح الي صار روحها من الدنيا اسحاق

احس الدنيا ضغطتني فوك طاقتي

هاي كلهن صارن هل شهرين هوه الي ولد عدي ضغط

وكمت احاول اخذ اي شي ينسيني الوجع ..

تعودت على جكاير كمت ماابوك من اسحاق اطلع اشتري تكات واضمهن بداخليات حتى لا يفكر اسحاق يفتش ..

تعودت عليهن وكامت اعصابي تتلف اذا تمر ساعة وماادخن

وبليل اسوي مود احط الجاي وباكيتي والراديو واحط قنوات الاغاني والشعر اضل للصبح اسمع وادخن

البجي ابجي ويا والحب اضل اتخيل وياهم ..

وبيوم مثل العادة خلصت شغلي سويت جاي صبيت بالكوب

طفيت البيت كالعادة اسحاق ويا عمي طالعين

صعدت لغرفتي فتحت الشبابك وشعري طلعت الراديو ضليت اكلب الاغاني وطلعت قناة الشعر..

هستوة بدة يقرة فتحت البايكت الجديد شغلت جكارة جريت نفس واني اكلب بشعري وعايشة اللحظة مااسمع الة صوتة يصيح ..

يــٰس : صدگ الخلف ما مات شمتوقعج تطلعين منو امج ؟

- اذا انت ابن قادر بس ضل بمكانك

يـٰس : نزلي نزلي خل اشوفج شسوين

لميت شعري شمرت الشال علية وحطيت الجبة حط نزلت ركض بدون ما اشغل الاضوية كل ارزلة وارجع لمودي

فتحت القفل وطلعت للباب فتحت الباب الخارجي ومديت راسي جان واكف باتجاه غرفتي فشافني ..

دموع : شتريد مني ؟ شعدك كدام غرفتي وانتي شدخلك بية ها ؟؟

يس : شعدج ادخنين شنو خركانة سفنج ؟ طالعة خلقتج بشارع الرايح والي يجي يتفوج عليج ..

- لك منو ب٣ بليل يفتر غيرك يالعتوي شتريد ها مالك دخل بية ، اني مو صغيرة وتجي انت تتحكم بية اخوي ابوي

- لا اخوج السكط ولا ابوج الله يرحمة اني محترك كلبي عليج ذاك الشهر مدري شنو تبلعين هذا الشهر ادخنين شبيج مادكليلي ؟ صح ادري ضروفج جانت صعب وتعبتي بعمر صغير واجهتي هواي امور صعبة بس الي اعرفة انتي ملتزمة وعلاقتج زينة ويا رب العالمين ليش هيج تضيعين روحج

ضحكت هاي الضحكة الي نضحكها واحنا نحاول نضم حزنة وكلتله : كلشي ماتعرف انت وارجع والكلك لا تدخل ..

- وج اني احبج ليش ماتفهمين ؟

- ماعدي مشاعر الك اني الله وياك ، لاتجبرني ادخل اسحاق

جنا هذا كله نحجي مادة راسي من الباب وهوه داير وجهه يخزرني ويرجع يندار من كلتله هيج بحركة سريعة دفر الباب طب وسدة تقرب علية لزمني من زنودي وقربني لوجهه همس : كليله هسه اريد تحجيله كلشي كليله اني اشرب مخدرات وجكاير وخليت ابن عمي يحبني واكلة مااريدك

جان يحجي ويقربني الة دفعتة وصحت : شعلية اني شسويتلك حتى تحبني ؟

- منو نام بحضني وباسني لعد ؟

- ما جنت بعقلي بيومها وجان علية ضغط وتعرف وضعي بيومها ..

- معلية تلعبين علية انتي

- روح يس لاتسويلي سالفة

- شنو يعني اكلهم احبها واريدها

تقرب علية اكثر وكال : احبج اني دموع احبج ليش ماتفهميني ؟

- واني مااحبك مااحبك افهم ..

يس : بس فرصة اطيني لا تسديها بوجهي

- روح يس لا يشوفونا انت لو تحبني ماتخليني هيج موقف وراح يحجون بسمعتي من وراج

وخر مني واطاني نظرة : يا سمعة ام الجكاير

- ديلا يلا

- رايح بس مراح امل الة اخلي تحبيني ..

———- الان ——-

صباح : دموع دموع فدوة بس تعالي لزمي زيد

بين ما اكمل طبخ راح يجي اسحاق من الشغل

سمعت صباح تصيحني طفيت جكارتي ونزلت الها اني وانزل اذكرت الايام الجنت انزل والكة عمة متخصرة تغلط وتفشر اترحمت عليها واني اباوع للبيت مفروش ومشتغل قران وبخور وريحة اكل صباح طاشة بالبيت وزيد يناغي

الله كلب حالنا لغير حال لأحسن حال لو احنا ساعين ليل ونهار جان ما وصلنا لهل وضع بس الله اطانة فرصة ما استغليناها...

بس يمكن الانسان السيء يتعود على السوء ؟...

شلت زيد وضليت اشمشمة من ركبتة وابوس بي واعضعضة هوه يتنعوص لحد موصلت لصباح الجاي تسوي مركة بانية لاسحاق الي سمن فوك العشر كيلوات على ايدها من كد مانفسها طيبة

اصلان هيه عبارة عن براءة وطاقة خير تفتر بيتنا مثل النسمة ..

بس دائما الناس الطيبة تكون ضريبة الخير الي ينطو ويرجع شر يدمر حياتهم وللاسف اخر شي تمنيتة اني واخوية ندمر هل عائلة ...

كعدت يمها على الطاولة واني ابوس بزيد ابنها هيه تطبخ ساكتة ومشغلة قصائد واني حطيت زيد على رجلي واجتني هاي الكحة القوية ضليت اكح اختنكت جان صباح تعوف الاكل اخذت زيد من ايدي واطتني مي

صباح : دموع شوكت تبطلين تدخين شوفي صحتج بنازل

شربت مي وجريت نفس كتلها : عساني بالموت يمعودة ..

صباح : شهل حجي اسم الله عليج شبيج حبيبتي مضوجج يس احد محاجيج شبيج

- اخ اخ ياصباح ليش شوكت اني مرتاحة شعلية يس

- شـَڪو ؟

- ماكو شي انسي شو اتاخر اسحاق شعجب ؟

- لا يمعودة هسه تلكي على طبة

سكتنا ثنينا وهيه كملت طبخ حطتلي ماعون كمت اذوق بزيد واحنا ساكتين بس على صوت القصايد ومناغة زيد جان يطب اسحاق

دك الباب وفات رغم بس اني ومرتة بس ممَاެدࢪيہٰ ليش يدك الباب يكول خاف اكو احد يمجن وافوت ؏َـيب .. راحت صباح تفتح واني ضليت اذوق زيد الاكل رجعت صباح لمكانها وطب اسحاق للغرفتهم كبل حتى ما سلم مثل عادتة كتلها : شبي ؟

صباح : يممَڪٰٖטּ شي ويا صاير بشغلة مضوجة عوفي براحته من يرتاح اكيد يحجي

سكتت واني اباوع بوجهه شنو من مرة شايلة صبر وتحمل هيج اني من حجة وياي كلمة رديتة بعشرة .. مااعرف الله جاي يعوض اسحاق . لو يختبرة ؟ اتشكر ام تكفر ...

- طفت الجدر واخذت زيد تغسلة كمت اطلع صحون وارتب ميز الطعام اجة اسحاق بهدوء بدون ما يحجي كلمة اخذ زيد من ايد صباح وباس راسها وتقرب باسني

- شلونك حبيبي شخبارك..

أسحاق : بخير ياروحي

- احسك مضايق شنو تعبان بشغل

- لا حبيبتي بس هيج شغلة بالي

باوع لصباح الجانت جاي تبدي تصبح وكعد وزيد بحضن رحت اخذ منها الصحون وكمت اخلي على الطاولة كملنا وكعدنا ناكل طفت القصايد وحطت الجاي وكعدت ويانة ..

كعدنا ناكل بهدوء كل واحد عقلة بمكان ويفكر باشياء كساع ابوك نظرة على اسحاق بس ايدة تتحرك وعقلة وبالة بغير مكان صباح تاكل بهدوء وتشرب بس سوب لزيد واني مااشتهي اجبر روحـي اكل كدامهم

خلصنا مسرحية العائلة السعيدة كمنا نشيل الصحون وصباح تحضر الجاي مسحت الطاولة ورجعت كعدنا نشرب جاي كام اسحاق اخذ زيد من حضن صباح وراح للغرفة طلبت منها تلحكة واني انظف المطبخ بعد ساعة من الاصرار وياها قنعت وراحت حطيت المواعين بسنك فتحت مبايل شغلت اغاني حطيتهن بسماعة وكعدت اغسل وعقلي يذكرني بكلشي ...

_____ الماضي ____

ما مر اقل الشهرين عن فاتحة عمتي بيتنا هدء عمو هاشم استقر يمنا صح علاقتي بي مو قوية مثل اسحاق بس وجودة سوة عدنا فرق مو طبيعي

حسيت رجعنا صغار ونفس الشعور من جانت بيبي تاخذني يمها وافرح لان اعوف امي حسيت عل شعور برجعة عمي ..

هم ملة هل فراغ الجبير الجان بروحي البعد عن القرابة وكلمة العم النحرمنا منها السند والامان كلهن رجعن ويا ..

وبوم جنت مخلصة تنظيف الليل انظف خفايف حتى من نكعد بيتنا نظيف شغلت بخور وجاي اسد الباب طب اسحاق سلم وفات بغرفة عمة الصار لعمو هاشم حجو شوية وصعد لغرفتة ..

اني بس قفلت الباب رحت لعم دكيت الباب ..

- افوت عمو

هاشم : يروح عمج فوتي بنيتي بدون ما تستأذنين

- من فرحتي بي طبيت حضنته وبس ايده وراسه

ابتسملي ابتسامتة الحلوة النقية وكال : ها بنيتي محتاجة شي ؟

دمُوع : سلامتك لا عمو بس جيت اكلك تصبح على خير لان راح اصعد

هاشم: انتي الخير مال بيتنا بنيتي ، تلاكين الخير حبيبتي اخذي راحتج

بستة من راسه وعفتة يكمل كتابة الأجنبي الجان يقرة رجعت الباب وياي واني وامشي اطفي الاضوية لحد ماخلصت

صعدت لغرفتي شمرت روحــي على الجرباية هلكانة لان من صبح اطلع للجامعة اخر سنة هاي وحيل تعبت بيها وارجع من وكت اطبخ اضل اتففمن بطبخ لخاطر عمي خطية صارلة سنين بالغربة ..

غمضت بتعب اندك الباب عدلت روحــي وكالت تفضل اجاني اسحاق ب مبين مهموم مستحيل قلق كعدت بصفة ..

- ها حبيبي شبيك ؟

أسحاق : دموع اني عفت شغلي اذا لاحظتي

- اي مبين لا اسلاحة لاطلعات بليل لاحبوب

- صح بس صار وياي شي واريد احجيلج من باب انتي بنية ومن باب هم انتي الوحيدة البقيتي الي ..

- احجي حبيبي شـَڪد ما تريد تحجي احجي وصدكني اسمعك لباجر ..

- شوفي اكو بنية تصير بنت اخو للرجال الجنت اشتغل ويا نفسها الي شتغلت وياج يم ام علي

- قصدك مُروج ؟

- اي هيه

- اي حبيبي شبيها ؟

- شوفي اني شغلتي جانت اوزع بضاعة صح بس بسبب ثقتة الجبيرة لعمها بية وشافني شلون لااخدع ولااغش الربع ارجعه اله ربع

- مم . يي

- امني على بنت اخو وخلاني ارقبها ، عاد بدت قصتي وياها ارقبها وين تروح وين تجي شنو تسوي منو محيطها

شلون تخلص يومهم يعني حفطتها حفظ ، بس بنفس الوكت جانت هم مهم صديقي الي هوه اخوية سليم تعرفي مو ؟

- طبعاً حبيبي شلون مااعرفة

- اي من جان عدي لود توزيع جان سليم ياخذ هل مهمة ويراقبها ، اني بسبب الهم والقهر الضيم الجان بكلبي

جنت حتى ناسي اني عدي كلب ويدك عكس سليم الي وكع بحبها من ثاني اسبوع مراقبة وضل يحبها من بعيد سنتين

- بس شلون يحبها اسحاق وعمها مديركم ومجرم ومافيا

- رحم الله والديج

غميت روحــي وكلتله : العفو حبيبي ولله العفو بس يـ؏ـني هيه هاي الحقيقة هذا العالم قدر وما يرحم مو انت هيج كلتلي..؟

- وصح هوه هيج بس بعد المشاعر مو بكيفنا .

- هسه انت ضايج على صاحبك ؟

- ياريت السالفة هنا !

- جا شـَڪو ؟ احجي كلبي ضل يدك

جر نفس احسة شك صدرة شك طلع باكيتة شغل جكارة حاولت اجاهلة والزم روحــي ماافضحخا كدامة كمل هوه : السالفة ياخوية اني حبيتها لهاي البنية

لطمت على رجلي : حبيت حبيبة صاحبك اسحاق ؟

- مو حبيبتة !

- لعد شنو مو كلت يحبها

- اي هوه يحبها بس هيه ماتحبه تحبني الي

- عليك الله احجيلي دخت وضل عقلي يخرط قصص..

اخذ نفس شمرة لبعيد سكت ضليت ارقبة يجر الدخان جر مال واحد مايتين كل اهله وكاعد بفاتحتهم كتلله : يلا اسحاق احجي ..

- شوفي .. كلتلج اني مجان عدي اي شعور اتجاها او اتجاه اي مرة بدنيا الضيم البية كافيني رغم طبينا اشكل اللمكان وشفنا انوع بس روحــي ما رغبت مرة ابد كل ذيج الفترة ..

الي صار انو خلال هل سنتين هيه حبت اهتمامي وخوفي عليها بس مجانت معبرة سليم بس مجانت معترفتلي حلو ؟

- حلو .. كمل

- تمام بوية

طفة جكارته وكمل : بـﻋـَدين مشن هل سنين وقبل لا نبطل جنا بمهم ڪُلـش قوية قبلها بسبوع جانت تتوسل بية اساعدها تشرد من عمها

لان عساس هوه قاتل اهلها كلهم

لطمت : يمة صخام بعيني

- على كيفج طلع مو هوه

- حمدلله ، اي شصار..

- مصار من طلبت مني وراها كبل المهمات كثرن عدنا ونسيت اتوصل وياها ومصارلي مجال اصلن فا بالمهمة الاخير دزتلي رساله انو تريد نحجي فا اني لان اعرف سليم مشاعرة كلتله روح صارحها واحجي وياها وكلت باكي تطلب منه ويساعدها ويعيشون بعد سوة

، لان دموع اني سليم اخ دنيا اطي روحــي مستعد مو مرة تخربنا اني ويا

- صح وشصار ؟

- الصار راح وحجة وياها واعترف وحاول بس للاسف سوء تصرف منها اعترفت بوجها كالتله مااحبك احب اسحاق

- يمة مسلسل مسلسل

- اكمل لو اروح

- كمل عليك العباس شينومني اليوم

ابتسم وكال : من اعترفتلة جان اول يوم بفاتحة عمتي مشوفيني جانت اعصابي تلفانة وتعاركنا

- ييي

- اي فا بعد ما نهو نقاشهم راحع الافندي لبيتة ومنتحر

- يبوووووي يبوووي بوية تعالي

- بنت ال صوتج صوتج عمي يسمعج شكول

- ولك صديقك مات؟

- لا اذا ميت تلكيني هيج مكابلج واحجي ؟ غير اطم روحــي ويا

جريت نفس وشرب مي من الدولة البغرفتي ونطيتة : اسحاق من تحجي حدث كملة لان راح توكف كلبي وتحير بية

- دكعدي كعدي

رجعت كعدت مقابيلة شغل جكارة ثانية وكال : بيومها استغربت هوه مااجاني رغم دزيتله رسالة كلبي نغزني بس كفو الغداء عفت صحباين بالفاتحة وركضت لبيتة والصدمة من شفتة مدد والدم تارس بيتة وهوه فاقد

مسح عيونة وايده اللزم بيها الجكارة رجفت حيل حجة وصوته مختنك : مااحجيلج شصار بية وكتها دموع من شفت عمتي ميتة مانهاريت مثل ماشفت سليم من حلات روحــي سحلتة بشارع بس حتى الحك اودي للمستشفى ويلحكو روحــي صار ويا

شهكت امسح دموعي المدري شوكت نزلت بس هوه ويحجي كلبي احسه ينعصر والخنكة ذبحتني هوه كمل : حمدلله لحكته جان ماادري شسويت بروحي ويا صدمتي من كعد ورفض يشوفني وبعد ملحتي ؏َـليۿ يلا حجالي الصار

- وانت شسويت ؟

- طيحت حظة ورزلتة وهوه طردني ضليت بالباب الة نام وانطيت للممرضين كلهم فلوس حتى يهتمون بي ورجعت

- اي

- وبعدين ادزلي الست تريد تشوفني رحت وكلي غضب حتى ارزلها لان ماجنت احس بشي الها شلون هيج تجرح انسان وتكول بوجها مااحبك احب صديقك

- صح حقك

- رحت وحجينا وطلبت فرصة رفت سوتها تحدي الة تخليني احبها وصدك فازت ووكعتني بحبها

- وهسه شلون مشكلتك سليم ؟

_ طبعا شلون ازوج او اعلن حبي وهوه بوجهي

- زين وعمها ؟

- عمها زوج ومرتة حامل وجاي يجهز حتى يطلعون من العراق

- وياخذون مروج وياهم ؟

- اكيد علمود هيج اجتج شسوي ماعدج حل تساعديني ؟ عمي كلي صارح سليم بس ماعدي هل جساره اكله خاصتاً بعد الي صار ويا ولله اني لو ادري بيها امل ولو واحد بالمية تحبه جان بتعدت

- صارحة اسحاق لا تضيع حبك من ايدك ، المشاعر هاي ممكن تعيشها مرة بحياتك لا تدوس على روحك لخاطر احد احجي ويا واخطو خطوة حقيقية اتجاها ...

___

يُتبع ...

-

السابع عشر من هنا

تعديل المقال