رواية عشق الثأر الفصل السابع عشر 17 بقلم مينة طلال
_ هيه هيج ترخص روحگ للغريب ؟
هيه هيج تعوفني ؟ وانه الحبيب ! ...
___________
دُموع ...
فزيت على صياحة عليها
سديت المي وركضت لغرفتهم جانت حاضنة ابنها على كلبها
وهوه يصيح وكفت كدامها وصرت بوجها
- صلي على النبي خوية شجاكم آلرحمن بينكم
أسحاق : دموع طلعي انتي وياها وعدن اليوم الله يعدي أيامنا
عوفوني الله واكبر واحد ميكدر يكعد وحده
صفنت ؏َـليۿ شبي هذا جريت صباح وطلعنا سديت الباب علية
كعدنا بغرفة عمي لان راح يكمل معاملاته يريد يرجع فترة ويرجع يجي
مسحت على جتفها وهيه تمسح بعيونها وتهز زيد برجلها
- شبيج صباح
صباح : وروح ابوج كون حاجيته كلمة تغث
غير كلتله شمالك اليوم ضايج خلكك هل تشوفي بركان وهاج
عبالك نار وشمرت عليها بانزين
- ميخالف يروحي تلكينة عده لود شغل احد مضوجة ميخالف
، انتي مرتة وراحتة هسه بس يهدء يجي يحجيلج اكيد لا تنقهرين
- لا ولله ممقهورة بس نصدمت بية فجاة ضل يصيح
- تصير تصير كعدي هنا انتي هسه اكيد يجي
وتشوفين اخذي راحتج عمي ميجي اليوم
عفتها تمددت ترضع ابنها وغطيتهم وطلعت
رحت لغرفتهم اسحاق يمكن مدخن الجكاير كلها الغرفة متنشاف من الدخان
دكيت الباب باوعلي وكال : فوتي خوية ..
- شفوت اسحاق شمالك حبيبي شصاير وياك
احجيلي ممكن تفهمني انت تعرف تكدر كلشي تحجيلي
جر حسرة شكت كلبي قبل كلبة وكال : راحت دموع
دنكت ضايجة وكلتله : قصدك مُروج ؟
- اي دموع راحت ومكدرت امنعها ..
- شلون راحت وين ؟
- عمها دز عليها وهيه كالت بعد علاقتنا مستحيلة
لان صار عدي ولد وعافتني دموع راحت بعد مااشوفها
خلص خسرتها اني خسرتها
- اسحاق كافي حرام عليك شنو ذنب بنت الناس وياك
لاتسمع هاهيه كلامها وفعلها عين العقل انت هسه عدك عائلة ،
فكر باابنك اسحاق لاتصير اناني شنو ذنب صباح هسه من عصبت عليها
- وكلبي دموع شلون اقنعة
، ادري مالهم ذنب بس اني هم مجان الي ذنب بكل الي صار
- دوس علية اسحاق دوس علية ولاتهجم بيتك ..
____ الماضي ____
من بعد فضفضة ساعتين عرفت قصة حب اخوية الاسطورية
الحسيتها مسلسل تركي جنت فرحانة واشجعة يتقدم ويزوجون ..
ورة ٣ شهور من هاي الكعدة
جنت متعودة من يرجع اسحاق يجي يحجيلي على طلعاتة ويا مروج وشنو سوو
كعدنا اليوم كلعادة راح لشغلة وننجمع الظهر بالغداء
عمي راح لعمامي واسحاق راح للشغل واني رحت للجامعة..
التمينا الظهر كاعدين على الطاولة واني اصب واسحاق ياخذ من ايدي ويرتب
خلصت هستونا جاي ناكل عمو صافن وضايج بس كالة شبيك اسحاق كله
هاشم : قادر جاي يموت
صفنا ثنينا على عمي شنو يموت شلون يموت قبل فترة مابي شي
مااجرأت اسال اسحاق كلة : شبي عمي ليش شصاير ؟
هاشم : ولله ممَاެدࢪيہٰ شكلك ، اكو ابن حرام بالمنطقة ضاحك بعقلة ومخلي يتعاطى
وهسه حالته ميأوسة حتى نسبة شفاء ماكو
اني سكتت لان ماعرفت شنو احجي
اسحاق اطاني نظرة عبالك يكلي شفتي ليش رزلتج
سكتنا كلنا كالـ أسحاق: عمي خل نروح نشوفة
اسحاق : اي عمي صار
عافو الاكل عمي راح لغرفتة مدري شيطلع واسحاق صعد يبدل
وهم يجي غراضة اني بطلت اكل نسدت نفسي شلت الاكل على حطته رجعتة
وبديت انظف بالمطبخ كملو صبيتلهم جاي شربو وطلعو
قفلت الباب وراهم وحطيت كتبي وكعدت اقرة الامتحانات
وكل بالي يمهم يعني هاي الحبوب الصغيرة جان ممكن تنهي حياتي لو مستمرة عليهم !
مر وقت لا ساعة ولاساعتين وماكو خبر
ندكت الباب رحت عبالي رجعو انصدمت يس
واكف وحالته تعبانة شعرة مخربط وعيونة مورمة كال
يــٰس : ممكن تنطيني جناسي ابوية وعمي
باوعتة مستغربة كلتله : ياجناسي ؟ ليش شصار
دنك مقهور وكال : مات ابوية دموع راح ابوية نكسر ظهري راح
شهكت وحطيت ايدية على حلكي مصدومة
مااعرف شنو اكلة لو شلون اوسي نزلت دموعة ومسحهن بسرعة
لازم ظهرة عبالك مكسور خنكتني خنك العبرة بس مجاي تطلع
طبيت لغرفة عمي ركض ضليت افتح بكنتورةً
لكيتهن بعلب غراضة طلعت مستمسكاتهم استغربت شعدهن يم عمي
نوب طلعت ركض للولد اطيتهن واني اباوعلة
الخنكة ذبحتني بس ماادري شكلة همست : البقية بحياتك الله يرحمة
هز راسة وراح سديت الباب ورا وكعدت صافنة
هسه شسوي اروح لعمامي لو انتضر اسحاق وعمي يجي شسوي ..
كمت بدلت وكعدت ضليت انتضر بطني ضلت تلويني من الجوع والتوتر وماكو خبر من احد
مشت ساعات طب اسحاق يلهث عبالك راكض صاح : امشي بسرعة اوديج لبيت عمي قادر
وارجع لعمي
- اسحاق خطية شلونهم همه
- شلونهم يادموع غير مصيبة وصارت على راسهم
- الله يساعدهم ولله حتى مااعرف شسوي
- روحــي ويا بناته خطية ولله كريم
اخذني ذبني بيتهم وراح اني من نوع قليل اعبر
ماعرف افوت مثل هل نسوان واصيح والطم واسوي شو
رحت كعدت مقابيل البنات الجانن لازكات وحده بثانية وفاصلات عنة
اصلان ما بالهن منو موجود وشجاي يصير
حسيت بيهن لان ما مرت ذيج الفترة القوية على صدمتي بعمتي
حضنتهن وكعدت اصبر بيهن اقرة عليهن ورحت لعمة اخذت بخاطرها
وكمت ويا بنات اختها جانن يخدمن النسوان اشتغلت وياهن لل ١١ جابو تابوته
وياريتهم ماجابو ياريت لو يلغون هل فقرة من الحياة
لان تحسسك خلص اكطع نفسك هذا عزيزك راح شوفة بتابوت دك الطم ملخ روحك
مراح يرجع لو البجي يفيد ويرجع الراح جا خلصنا عمرنا بالبجي
بس هيه هاي الدنيا غدارة ومو صاحبة احد
ممكن تنام مابيك شي بس ماتكعد تسولف ويا اهلك وتوكع ويخلص عمرك
فا هذا الي صار عمي عبالك جان حاس عمرة راح يخلص بدنيا
طالب من اسحاق يبري الذمة بس ماراضي
واني جان يتوددلي وكامو يجونة ونروح بس بعد هذا الي صار
شمرن روحهن بناته ومرتة تقربت حطيت ايدي على التابوت وكلبي يرجف
حجيت بتلعثم " محالل وموهوب " الله يرحمك ويغفر الك ويدخلك جناتة
مجنت ادري بناتة وعمتي حاطات بالهن وياي
مدري اني جنت احجي بوضوح ومباشرة
صرخن من كلبهن صرختهن سمحت للخنكة البداخلي تطلع وابجي وياهن
بجينا هواي لحد مطبو يس واسحاق وعمامي يريدون يشيلو ولهسه منضر صباح بالي ملخت شعرها ووجها ماتقبل ياخذو
حضنها ثامر اخوهم الجان الوحيد الي مو منهار مثلهم
عكس يس الي ولاعبالك اخته هاي تحسه مو ويانه
الله يساعدهم على مصابهم
عافوها وشالو التابوت راحت عمة وخواتها ونسوانا الكبار وياهم للدفن
الزلم مشو وهمه يرددون لا اله الا الله ومشو الفرع كله وناس وراهم
لحد مصعدو سيارات واتجاهو للنجف الي اخذت كل عزازنا ترسنا الكاع عزاز
من جدي لحد هسه عمي " بس منو العزيز الجاي ؟"
من عاداتنا لازم نرتب البيت ونطبخ حتى من يجون من الدفن نستقبلهم بنفس فاجعة
كنسنا ومسحنا وطلعت للطرمة غسلتها ورحت للمطبخ
جابو الذبيحة حتى نسوي التشريب صفنت على الدنيا..
البارحة جان عمي الصبح بيتة تريك ويا عائلتة شبسرعة حضرتو لطبخ فاتحته ؟
اجت صباح تتوجه بالحيطان تريد تشوف الطبخ رحت لزمتها مانعتها
- روحــي حبيبتي اني هنا لا يضل بالج
حجت بصوت مبحوح من الصياح : ماريد تخرب فاتحة ابوية دموع
هذا ابوي ابوي الي مقصر وياي بشي من اول يوم لحد اخر لحظة بحياتة
بجت حضنتها وراحت ترجع يمً اخواتها
بديت اطلع بهارات واطي لهذني النسوان اللزمن الطبخ ضليت جو ايدهن من غير الجايات والمايات يعني هستوة الفجر صار والنسوان ما شاء الله مدري منين يجن
نوب الي تجي ماتكول فاتحة ومهجوم بيتهم ادور خدمة في اي بي
خلصنا التشريب تمن ماكو وهواي نريد مسواك والغرض محد اكو نوصي
كتبتهن بورقة ورحنا كعدنا نهد حيلي على ريوك البارحة
اني وكاعده غفيت بس يمكن نمت هواي
لان كعدت على الصريخ واللطم ومدري منو مغطيني بعباية وخرتها
كمت افرك بوجهي هستون اجن النسوان من الدفنة تكابلن يلطمن بنص وصباح سودا علية تكول لامها " دفنتي ورجعتي هذا صاحب عمرج شون نطاج كلبج "
خلتها امها تشيل روحها وتركعها
موتت روحها باللطم مجنت ادري بيها لهل درجة تحبه
طلعت من صالة نسوان كلمن يصيح ياروحي
بنات اختهن حايرات رحت وياهن نطينا مي للنسون وخدرنا كتلين
سوينة للدفانة ريوك جان المح يس مديت راسي وغطيت وجهي عن الزلم
دُموع : يــس يـس
جان جاي يدخن على صوتي التفت اشرتله بيدي
عكد حاجبه لان متلفلفة بس اكيد عرف صوتي اجاني كبل
يــس : ها دموع ليش مادة راسج زلم لاتجيج حجاية
وترة اليحجي اطلع بي ظيمي كلة
- اول شي البقية يحباتك خاتمة الاحزان
_ الله يسلمج
- ثاني شي صح مصيبتك مو سهلة
بس انت جيير بيتكم كل المسؤلية هسه عليك شد حيلك
دنك يهز راسه هوه ويسمعني رفع راسه عيونة مليانة دموع مسحهن وكال : رحم الله والديج بس ما كتيلي ليش صحتيني حتى نحجي؟
_ لا اكيد اني مو تافهه اصيحك اضرب سالفة وياك وانت بهل وضع
بس هاي فاتحة ابوك وبيتكم مهجوم والنسوان كلمن حايرة بروحها
عدنا نقص هواي بالغرض ابسط شي تمن ماعدنا لاتخلي احد يحجي عليكم و
يكول قصرو بفاتحة ابوهم لو ما دبروها
- عادي تكتبيلي شمحتاجين وهسه ادز يجيبون
_ كتبت اصلان هسه اجيبها
ركضت طلعت الورقةة ضفت جاي وشموع وغراض الختمة واطيتها الة
بعد ما شفتة بس ورة ساعة اجة ابن عمي غايب صاح يالله كبل طفرت اتخبل منهم
حط كل الغراض ضعف العدد وطلع
ابتسمت ونسوان تسولف منو جاب ومنو وصه اني الاثاث يحجي واني مااحجي
على كد شغلتي لان مجتمعهن بس نفاق
طبخنا التمن ودزولنا الخبز والمي واللبن وتمر
اني كل ما صاحو يالله ابتسمت واضم حلكي اغم روحي بالفاتحة اتبسم شكد فطيرة
كمت اسوي لفات تمر حتى نوزعهن
نسوان لزمن الخضرة وقسم بدن يصبن صاح يس من برة يريدون خبز تمر
غلست بس شفت ولاوحدة اهتمت صاح يالله هم محد مغلسات
لفيت روحي نفس الصبح وطلعتله
_ ها خوية
باوعلي عبالك نصدم بية جر حسرة وكال : بعد اخوج كم لفة تمر رايدين الزلم مال ثواب
_ عدي ٣٠ سويت يفيدك!
_جيبي
طبيت شلتهن نطينه ورجعت اسوي وحدة من كرايب عمة كالت : جا يمة شضل للنسوان كلهن نطيتيهن عود شوفني نادرة
_خالة جاي اسوي الخير هواي
فرت حلكها تتبسبس ويا البصفها هزيت ايدي
عفية بشرلاتتاثر بموت لاصخام بعينجن
سويت 50 وحسيت ايدي نملت وبدت الدوخة تفرني
كمت احط لبن وحضرة على صياني الغداء واودي يم النسوان
لحد مخلصت حسيت راح الحك عمي صباح حاسة بية تريد تكوم اشرلها كعدي
كلهن كعدن رحت للمطبخ حطيت بماعن تمن فوكاه سوب وشوي لحم
اخذت بطل لبن كعدت حتى اكل اريد اسند حيلي ضليت ارجف
اكلت شوية وايدي ترجف طب يس صاح يالله
ماتحركت باوعلي يمكن نتبه ايدي ترجف كبل كال : شبيج ؟
_ مابية
_ شبيها ايدج ليش وحدج كاعدة احد حاجاج ضوجج؟
- لا يس شبيك شنو سالفة بس من بارحة مماكلة
يمكن صار عدي هبوط هسه راح تكل واصير زينة
_ وليش وحدج ليش مو ويا النسوان
_ يس مصاب هذا مو حفلة اكعد اكل واسولف وياهن
مع احترامي بس هذني سفيهات مايهمهن بس ياكلن وياخذن غيبة ويولن
سكت كلتله : شردت انت؟
_ جاي هذا مطبب كل الجاي يمجن حتى الكهوة
كمت اريد اطي لزم ايدي : كعدي عليج الله بس دليني
وخرت ايدي منه واشرتله فوك الكونتر اخذ نص الكمية رجع الباقيه وطلع
مسحت ايدي مكان لزمتة وكلبي اليدك بسرعة كمت اقرة ايات اهدي روحي شهل مشاعر هاي
خلص اليوم الاول والثاني نفس الشي
اخر يوم دز علية اسحاق الي نساني من اجة عمي كال بليل يجوني نرجع للبيت
قبلت لان هلكت وصباح وعمة بس يشكرن ويمدحن بيه
النسوان الي تعزز ياهن والي تغار وماراضيات
خلصنا الختمة المغرب غسلنا البيت كلة والنسوان بدن يحسن ويولن
خطية تعبو بيت عمي سلمت على عمتي ولبنات وهنه بس يشكرن طلعت بره
كل عمامي ولدهم صار بوجهي ثامر ويس يس ضل يباوعلي وثامر نتبه عليه وخرو سولي طريق مشيت لعمي الباسني من راسي وكال : صيتج وصل الزلم يابنت زيد كلها تحجي بندارتج
ايتسمت خجلانة اسحاق لزم جتفي مشينا للسيارة صعدنا ساكتين
مادري شبيهم بس اني اريد بس احضن مخدتي وفراشي افيش يا بيتك محد مثلة..
وصلنا كتلهم تصبحون على خير لاجاي لاماي بس اريد انام
صدك سبحت وفتحت شعري نمت والنومة نومة ماكعدت للصبح الباب يندك
اسحاق: ماتكومين وترحمين بحالنة نريد اكل
ابتسمت لان ابد ميطلب اكل هوه
لميت شعري وفتحتله الباب حضنته وبستة: صباح الخير اي مو يدلل الاستاذ اسحاق
ابتسملي ونزلنا سوة رحت بست راس عمي وصبحت عليه
رحت للمطبخ كبل سويت بيض وبصل يحبو وجاي وطلعت الاجبان والدبس
سويت صينية حطيتها كدام عمي صحت اسحاق وكعدنا ناكل بهدوء
خلصنا صبيت جاي وشلت الصينية رجعت يمهم
اريد اسمع شصار بالفاتحة شسوو حجة قبل اسحاق
اسحاق : عمي هسه شراح تسوي
_ مدام لمينة الفاتحة اليوم لعصر نحاجيهم هل غيرة سزز
ستغربت شبيهم كتلهم: شصاير؟
هاشم: عمي هذول عمامج مدري شنو ملتهم راضعين حليب خنزير مدري شنو سالفتهم
من كد ما تشبيها مؤذي سكتت اشرت بعيوني لاسحاق كال : يريدون يبيعون بيت عمج قادر ويتقاسمون الورث ويطلعوهم ....
_____. يُتبع
الثامن عشر من هنا
