رواية كفي والمنجمة الفصل السادس عشر 16 بقلم الكاتبة Leo alfatlawi

رواية كفي والمنجمة الفصل السادس عشر 16 بقلم الكاتبة Leo alfatlawi

البارت السادس عشر

قبل لايكعد جان ضهره الي ويمه صبوحه كامشه ايده كمشت ايده الثانيه بثنين اديه وعصرتها اندار شافني اتفاجى بوجوده

عاف كعدته وضل يباوعلي من فوك ليجوه واني ابتسم يباوعلي بتوعد ميكدر يحجي

صبوحه. لاحك على اصخام البين هسه اكعد يم امريتك

جنت بعدني كامشه ايده عصر اديه حيل بيده حسيت اتكسرت عضام اديه

--همست مؤتمن والمسيح اصرخ بين النسوان ماعندي مانع اسويها مناحه اهنا

--امشي انعل ابو اصلج اليوم

صبوحه. ويين تريد تفشلنه جدام العالم بس لبسها ذهبها واطلع

--روح ستري روحج احسن مااسترج بالجفن كالها ودفعني

كعد واني وكفت على صفحه بدت تكفل صبوحه واتهوس كدامه وشعشبونه وياها هسه ذني افتهمنه ام مكرم وياهن لويش متشوفين بتج اتنوح هوه عود خجلان بس والله كاعد على اعصابه ذاك ويا امبين يااشر روحي درت وجهي

اجه وقتي مااعرف ليش من اريد اخبث اشوف صوره مصطفى كدامي

هيفاء. غززل دخلي جوه واستري علينه

--ولي من يمي والله اذا مااخرب واخلي يطفر مااطلع غزل

--دخيلج غزل خلي يكمل اليوم على خير

--عوفج منه ولج دااحس روحي مختنكه

--من اعيون النسوان وانتي جايه مصلخه لو لان شفتي كاعد وياها

--لالا اني اعرف راح يتزوج بس لويش هيج من شفته حسيت ولج كلبي وجعني

--ههههه على شنهو كلبج وجعج دشوفيها اشلون اتريد تكمش ايده ويدفعها خلي اروح انطي الذهب ساعه وطكها وفضحنه

--كون الله صدك اتسويها وتنطي الذهب حتى امرعطج اهنا ولي اوكفي على جها وضمي لمن اكلج

--ولج اخيي راح ينجلط شوفي اشلون يمسح بگصته من العرك وحنه ابنص الشته اصلا مامقتنع بگعدته الله يهدي جدتي اشورطته

--عوفي هاي من الفرحه ماخذ النعجه مالته

--ربي يحرسه من العين دخيل الله اشلون يباوعله راح ياكلنه

--والله موحبآ بي بس اهواي على تهاني كلش مالايكتله

--تدرين اكبر منج هاي 10 سنوات

--بس امبينه اكبر من مؤتمن اكلج هذه اخوج شنو

يلطش اعمار شو مامبين عليه جبير

--تراه موش جبير بعز شبابه بس انتي زعطوطه

بعدي خلي اودي الحنه

--اني اوديها جيبي

اخذتها منها رحت يمه قدمتها اله دنكت عليه

بالمبارك يبن عمي شايف الخير تتهنه

شال راسه بس يباوعلي وجهه محتقن كاز على اسنونه كال نوصل ماضل شي

--هاك حني عروستك

--بعدي لاافلشه على راسج وروحي ستري روحج خره بااصلج

تهاني. جيبي اني احني روحي

--هاج وخلي ابطريقج لشعرج لان عيب من العالم طالع الشيب ستري وانته حبيبي خلي اخليلك اشويه

--الصبر ياصاحب الصبر كالها ومسح وجهه

دنكت على بسته ابخده صار شعري بحضنه همست يم اذانه تستاهلها

سحب شعري بيده كال كلتلج ضمي شعرج اتنزعين ملابسج غزل يلا كدامي عالسياره

وخرت راد يكوم رجعت صبوحه اتهوس كدامه وكعدته واني وصرت وياها اتمايل وكلمااشوفه يضغط على ايده يعصرها اكثر اتماوع كدامه هوست ويه صبوحه وكل مااطفر تنشال تنورتي ليفوك خليت النسوان يعوفن العروس يباوعلي شافهن هيج فول كام راد يطلع بيبي صارت كدامه كالتله لبسها الذهب واطلع

--بعدي لااحرك ابو اصلها خزرني حجه من بين اسنونه غضب الله تعالي وراي كالها راح اتجاه الباب

راحت وراه سماح اني سحكته رديت لتهاني احر بيها

والله نعلت والدي للعرس الحمد الله خربته

بس كلبي يوجعني دااحس بي اضحك جذب اعرف روحي

رحت كعدت على جهه كمشت كلبي لويش هيج دااحس شنو غزل نسيتي السواه بيج ديربالج اتحبي لامااحبه مستحيل بس لويش مختنكه جذب والله دااجذب على روحي ادري نزلت دمعتي مسحتها قبل لاواحد يشوفني

مشاعري مخربطه اكرها وضايجه على زواجه بنفس الوقت

اجت سماح كالت مؤتمن يصيحلج كمت كمشتني كالت تره امعصب حيل غزل لاتعاندي

--وخري عني هم متزوج وهم امعصب خوش والله

دفعتها وطلعت اكو طفل واكف صحتله كلتله وين مؤتمن

-- هذه العريس قصدج

--يي

-- تعالي اهنا

رحت ويا بس الطفل صافن على بطني ضحكنتي واني ضايجه وصلت لكيته واكف مدنك بيده جكاره وصلت يمه

--شنو مؤتمن

--خره بيج وبمؤتمن لبسي وتعالي ابسرعه

--ماااا

--شنهو ما ولج عليش اتخليني اشيلج ورگعج بالكاع

--لويش حضرتك ضايج لان لابسه هيج

--يالبس هذه ولج انتي اشلابسه من اشتعلت امج

--مؤتمن لاتضل تغلط شوف روحك اشسويت بالاول وبعدين حاسبني تره قبل ثواني انته جنت يمها كدامنه موحيوانات احنه لويش لبالك كلها مثلك ماكو احساس

--اندار مسح وجهه يريد يكتم غضبه ضغط على اسنونه كال لبسي وبالبيت نتفاهم

--مااروح راح اضل واريد اشوف شنو حتسوي راح تضربني عادي اتعودت شنو شعورك وانته كاعد يمها واحنه كدامك هاا شنو مرتاح مو العبيد مالتك داير مدايرك ويردن بس رضاتك مو

شراح اتزودلك من اتجيبها لوهيج حاله اله اتكوم نسوان اتگول حيوانات عندك بلا مشاعر

هم فكرت بينه بشنو دانحس مؤتمن اخاف جنت اكرهك اشويه هسه اتضاعف كرهي الك تعرف

--شنهو هاي مشاعر ضهرت بالحلقه الاخيره بالله بلكي اتوضحيلي اكثر

--ماضهر شي ولاتحلم يجي يوم واحبك

--يابه ميخالف كالها وهوه يبتسم رجع كال يلا حبابه روحي بدلي وتعالي امتانيج بالسياره لاتتعطلين وطلع

رحت للغرفه معقوله حس بيه لا بس اني ماكلتله شي بس ردته يحس على روحه اي بس هوه يحجي وياي بستهزاء اني اشسويت لويش حجيت ويا هيج

دخلت للغرفه اريد البس شفت تهاني كاعده تبجي ويمها الحبابات يسكتن دخلت بلا صوت دنكت ردت اشيل غراضي وهيه طفرت ابوجهي

--خربتي ارتاحيتي هسه

--شنو الخربته شمتانيه من واحد متزوج يعني ياخذج بالاحضان لو شرايده بالضبط

--غزل والله راح اندمج

--امم عود بسيطه دتعالي وثبتي روحج وبعدين ندميني

--لاحبيبتي ردته واخذته لبالج مااكدرلج

--اخذتي بمزاجه اني كلتله اتزوج لان مااريد اخرب جسمي وهوه خطيه يريد طفل كلتله جيبلك حيوانه اتخلفلك

--غزل طلعي منا لاكتلج

--طالعه اصلا مؤتمن واكفلي بره امتانيني يغار عليه حتى من النسوان ميريد يشوفني

واذا بيج حظ سويها والله اخلي يسحلج وانتي عد اهلج

--اذا ماكرهتج عيشتج واخلي يسويج خدامه يم رجليه سهلا

--تره اهواي طالعه بحلامج بنتي منو يسويني خدامه مؤتمن تره مؤتمن حتى شعري هوه يغسله الي وملابسي ينطيهن لسماح تغسلهن يلا هسه بعد انتي اجيتي انوب اتغسليهن الي

اجت يمي اعيونها طالعه مثل الضفدع هيه ضخمه اتخوف جرتني من شعري صرخت ركضت سماح وهيفاء كمشنها كللها عيب هسه يكولون نسوان مؤتمن اتعاركن ابااول يوم كوه هدني من ايدها خفت على وجهي لاتشخطه وتخربه اتكول غورله

سماح. طلعي ابسرعه تره امهاتها هسه يكتلنج ذني ميتامنن

تهاني. اذا ماخليته يركنج بس للخدمه مااطلع بت ابوي بس تاني جايتج باجر اذا ماخليته يشمرج مثل ماشمر امج

--شنو شمر امي ؟

سماح. غزل طلعي

--شنو شمر ماما اشتقصد

--غزل عوفيها بعدين اكلج

--مااطلع اذا متكليلي والله هسه اروح افضحه وتعرفيني اسويها

--غزل شو تعالي

اخذتني للصاله وعفت تهاني تبتسم بعد ماشمرت الاحجايه وخلتني صافنه مااعرف شنو اكو

طلعت ويه سماح كالت شوفي غزل هاي اتريدج تتعاركين ويه مؤتمن لان بهذه شكلج تعرف مؤتمن ماراح يفوتج وهيه اتريد من هسه اتكوش على كلشي

--عوفج من لطامه كولي شنو شمر ماما

--اجت وراج من اجابوج قبل كم يوم جانت واكفه هيه من اجت امج تتوسل بمؤتمن بس اتشوفج مؤتمن طردها

--بس هذه الشي سماح لاتقنعيني ادري اكو سالفه كولي حبابه شنو والله واخربلج اليله عليهم واخذلج ثارج منها بس كليلي والله ماراح اكله انتي ولاافتح الموضوع ويا فدوه راح اتضل تاكل ابكلبي وصدك راح اتعارك ويه مؤتمن اذا ماعرفت لان راح تجي الف فكره ابراسي

--غزل حبيبتي عقلي

--خلص رايحه انتي لاتحجين

--انتضري هيه اجت وجانت تحجي ويا بهدوء وتتوسل بس اتشوفج

--ايي

--بعدين طلعت اصواتهم دفع قتيبه وصاح على امج كلها اعتبريها ماتت مااريد المح شكلج لواسمع واصله حدود البصره اندمج

--وبعدين شنو الصار

--عمج اخذ مؤتمن على صفحه يتفاهم ويا وامج اجت تتوسل بيه ادير بالي عليج بس تهاني كالتها بتج اجتني بوقتها اقلها تخدمني مابيه حيل للشغل امج انفعلت من سمعت ردت اسكتها بس ماسكتت ضلت تغلط تالي تهاني كالتها اذا ماخليتها اتصير خدامه للبيت كله وجوه رجليه وخلي يصبحها بكتله ويمسيها بكتله مااطع بت ابوي طلعت اصواتهن اجه مؤتمن يريد يشوف شنو

--اي كملي اكيد تهاني ارتكبت وخلته يطرها موو

--اي عفيه لمن خلته يطردها من صدك كال لقتيبه اذا اجيتو اردكم بتوابيت وقد اعذر من انذر

--تمام لعد شوفي اشلون حخليها باجر تستمتع

هيه الجابتها لروحه

--شنهو راح اتسوين

--مالج دخل وخري

رحت المؤتمن لكيته امتانيني اول ماصعدت صاح ابوجهي الزمال الشتلتي وراج ماحسبتي احسابه وين جنتي

--مااعرف نسيتك

--شنهو ولج

--هااا

--ومررررض وشنهو هالبس غزل منو ضل اليوم ماراح يتخيلج

--تره بس نسوان

واذا نسوان تصلخين لج غزززززل راح اتخبليني بعقلج هذه الخره النسوان ماراح اتسولف حرمت مؤتمن اشلونها

--تره لابسه وهاي حنه يعني عادي لويش امكبر الموضوع

--اني كلت هيج وهوه طلع غضبه بالستيرن يضرب بي رد اندارلي كازو على اسنونه نوصل واعلمج اشلون كبرته

--يعني انته مخليتني اطلع اشتري وهسه اتحاسبني

--موجبتلج اصخام عليش مالبستي

--تره جايبلي انته ثوب مال حج مومال حنه تره اكو فرق

مد ايده راد يسحلني لميت روحي هوه هم ضغط عليها ورجعهه كال نوصل ويصير خير

خفت من صوته خنست مارديت لان جان امعصب شغل السياره وداس حيل وصلنه من الباب الخلفي كال يلاااااا على وجهج للغرفه

نزلت ركض لغرفه عمتي ام مكرم لان طلعت قبنله اكيد وصلت دفعت الباب ودخلت لكيتها واكفه اتلف ابشيلتها عمه لحكيني حيكتلني

--يايمه اسم الله منهو يطكج

بعدني ماكلت مؤتمن وهوه دخل مثل الثور الهايج ركضت عمتي كمشته من صدره تدفع بي

--عمه لاتدخلييين رحمه لرببببج طلعي منها

--يعمه هدي دخيلك بهاي عصبيتك اذا لحتها اتموت بيدك

--ماشفتهاااا بله هيه متفتهم انتن اشبيجننن متكللي ماعرفتي اسحليها وتلبسيهاااا

--يعمه حنه وفرحانه بس نسوان وانته اشبيك يعمه راح تنجلط من عصبيتك ييمه هاي اني منا وجاي مسؤوله عن لبسها بس عوفه بداعتي لخاطري يعمه عوفها ولك شنهو مالي خاطر عندك

--ستغفرررر الله كالها ومسح وجها

--يعمه طفله متفتهم وشافت عرس كيفت يلا ييمه لخاطري اتركها

--للحنه متنزل اذا لمحتها موجوده ادفنها

--ميخالف مااخليها بس اهدء واطلع

--اني خنست يم الكنتور اخاف احجي لان اشوفه مشتعل همزين عمه كامشته بس يباوعلي يريد ياكلني كوه قنعته وهدئته وطلع رجعت كالت راح اتسودنين الزلمه انتي

--لويش عمه فوك ماامعرس

--استوج ماذكرتي اغزيلان لمن راح من ايدج روحي عمه لااطك مرارتي

--خلص عمه رايحه بس شوفي اخاف بعده وتالي يلكفني من اطلع

--لاماكو راح للديوانيه طلعي ابسرعه لايجيج

طلعت ركض للغرفه صعدت دخلت سديت الباب

ذبيت الجبه وبالي يم ماما خطيه اشكد ذلها واني اكول لويش مااجت وراي

سوده عليه ماما اشلون اوصل الها كلبي نار عليها

اتمددت مابيه حيل ابدل تعبت من الهوسه شمرت الحذاء وغمضت استسلمت للنوم من التعب

كعدت على صوت حسره يمي فتحت اعيوني شفته كاعد مقابيلي على الكرسي مالت الميز ويدخن

قبل لايحجي لو يصيح كعدت لميت روحي و بجيت خفت انكتل

كام اجه يمي كال اذا انتي هيج اتخافين عليش اتعاندين

--بعد مااعيدها خلص هسه البدله انزعها واشمرها

--اممم خلص وقتها لازم عندج غير سالفه امدبرتها

مارديت وهوه كعد طفه الجكاره انتجه وغمض اعيونه امبين تعبان

--مؤتمن

--هممم

--لويش طردت ماما

فتح اعيونه كال منهو كلج

مارديت ضليت اشهك محترك كلبي منه لويش هيج ديسوي بينه سحبني لحضنه ردت ادفعه بس شدد على حضنته وباسني من راسي كال شنهو التردي يعلة كلبي عليش تبجين

--مااريد بس وخر

--جاعليمن هالدموع

--اشتاقيت الماما

سمع اسمها اتعصب وخر عني وكمش وجهي بيده ورفعه كال شنهو كلتلج غزل

--والله اشتاقيتلها

--تنسيها اسمعتي تنسيهاااا هالشيطان متذكرين اسمهاااااا

--مااكدر

لااتكدرين امج اعتبريها ماتت لاتجيبين طاريها ماطول متردين تنطكين

دفعني ورجع غمض

هاي الشغله متفيدني مال ابجي هذه اذا اضل ويا لباجر هيج مراح يباوعلي وذيج راح تتشمت بيه كلتله مؤتمن

--هممم

--وانته شنو اتضل هيج اتعاملني ماخلصت عقوبتك

--شنهو التردي مو شعلتي عشيرتي

--اريد اترد مثل قبل وياي

--اهااا ترديلج اثول مثل قبل اتضحكين عليه ولج والله خليتيني مااثق حتى ابنفسي

--اني اسفه والله مااعيدها مؤتمن تره اذيتني اهواي

--شنهو التغير خلاج اليوم اتبدلين كلامج

--مااعرف

ضيك اعيونه وكال غزل شنهو الي ابالج هم شفتي مصطفى اليوم

--لاشفك مرتك الجديده

--اهاا يلا سهله ذني ملابسج غيريهن يغزل اذا شفتج كدام اي كائن يكون بهيج لبس مره ثانيه اصلخج

--ؤك هسه ابدل

--لاهسه تعالي بعدين غيري رجع ضمني لحضنه يلعب ابشعري اخذله اشويه كال عليش واشمه اسمي بطنج

--لبالي حتموت واتضل ذكره

--اهاا يعني عاملته وره ماانظربت

--امم

--لاواضح

--مدااجذب ولااتباوعلي هيج تره امسحه

مارد ابتسم و خله راسه بركبتي ونام اني شبعانه نوم بس ضليت امسايرته لان ماكو طريقه غيرها لمن اتصلو بي وكعد رد عليهم كال يلا نازل

كعد يمسح بوجهه كام للحمام يغسل وجها طلع كال كومي غيريهن لاتضلين بيهن لايدخل احد

--هسه بس صدك نسيت اكولك

--خير

--اليوم خطبني اثنين نسوان

--وانتي كيفتي

--لاع كلتلهم عيب اني مرت مؤتمن كالن يااا ازغيره امبينه ابكد بته

--امم وبعدين

--شنو بعدين شنو انته متغار مرتك خطبوها اشو تحجي وياي بستهزاء

هز ايده وطلع ماعبرني شنو هذه بس والله وراك وراك اذا مارجعتك مثل قبل واركعك بوري بسيطه

رحت غيرت ملابسي وخففت مكياجي ونزلت لان اصواتهم وغناهم ايجنن نزلت ركض لكيتها صايره هوسه رحت للمطبخ اشوفها كلها مخبوصه عمتي صاحت كعدي سوي لفات ويه البنات ابسرعه

--ياعمه يالفات موجايبين حاضر بعد شنو

--لا ميكفن جابو بعد كعدن لفنها

كعدت لفيت وياهن بس سماح -لعد وين سماح

سمر. بغرفتها امسويتها مناحه

--وين مؤتمن

--راح يمها اشكد ضل يقنع بيها بس هيه كلبها محترك

--خطيه

ام مكرم. منهو الخطيه مؤتمن لو بتي

--لويش مؤتمن طبعا بتج

--لاوالله ابني اخيي الي انشلع كلبه ساعه فوك يرضي بيج نزل لكه هاي كالبتها مناحه

--لعد منو كله يتزوج والله يتحمل غصبا عنه

--اوووف لو موعقلج الزغير جان هسه الكل مرتاح بس شنكول الله يهديج

--انتو لويش كلكم امحمليني المسؤوليه

صاحت شعشبونه كافي ولفي ابسرعه مال انلفج ابجفن ان شاءلله

همست كون انتي وصبوحه ان شاء الله خزرتني عمتي ام مكرم سكتت

رجعت الف وياهن خلص الاذان واشتغل الرمي وبدت الحفله ركضنه للسطح صعدنه انباوعلهم الحنه جانت اتخبل بس مؤتمن ابد مافرحان مااعرف هو هيج دزاينه ثكيل كوه تطلع الضحكه منه لو اكو شي

مصطفى ركص لمن الله كله بس هوه ومكرم لعبو جوبي كوه سحبو وياهم اشويه ورجع مكانه

همه كملو اشكد حلوه حنت الزلم مومثل حنت النسوان

صعد راسه مكرم شافنه انباوع من السطح اشرلنه ودخل جوه وحنه صرنه طشار كلمن ركضت بجهه نزلنه اني ضليت فوك كعدت على الدرج علما كمل رزالته الهن وطلع نزلت رحت لغرفه سماح لكيتها لافه راسها ونايمه رحت يمها كلتلها كاعده

--فتحت اعيونها حمر وتبجي

--لويش هالبجي ياعيني

--ولج مؤتمن راح انسي بعد

--لويش هياته ديركص وين راح قابل

--غزل هاي تهاني يعني الشر هاي جايه حاده اسنونها وحبها من الزغر تدرين اذا مؤتمن رجع لذيج الايام ولحبه الها احنه انتهينه

--ماراح يرجع لاتخافين عمه اتكول حب مراهقه وعناد بهلها لان ردو هيج صمم ياخذها

--غزل انتي متعرفين اشلون عايشين اهنا ولاتعرفين شنو هاي

--اعرفها سحاره مثل ام مؤتمن

--عفيه يعني اذا ماردته بكيدها اترده بسحورها

--عادي خلي تاخذه

--استغفر الله هاي اشتحجين وياها

--انتي بس كومي ولاتبجين واني اخربلج ليله عرسهم واطيحلج بيها لمن اهججها

--غزل سكتي رحمه لبوج

--والتخربها شنو تنطيني بس كون الله لاينكلب غول واني اعرف اشلون اخلي يجيني

--والله يغزل لاتگدريلها ولاراح اتعيشيلج يوم براحه ماطول راح تدخل

--ؤك هسه انتي مالج شغل بس كومي خلي نتونس الاغاني حلوه هاي اول مره اسمعهن واني اخذلج ثارج

كوه قنعتها وطلعنه بس بعدني لحد الان ماعندي فكره اشلون اخذه باجر واخرب عليهم طلعنه عمتي جانت كاعده وخاله ايدها على خدها خطيه على بتها من شافتنه طلعنه واني اشرح لسماح اشلون راح اخلي تهاني اتكمز وهيه تضحك رد الدم ابوجها كامت اجتي كالت ييمه اشلون صرتي

--كولشي مابيها عمه هاي اعياره تره

--الله يخيلج يعمه طلعيها وياج لاتخليها وحدها

--امم ماخلصو

--لاودو اللفات يعني خلصو

رحنه كعدنه على الدرج اجه ابالي هوه اليوم يمها كلتلها سماح اليوم سوي روحج زعلانه ولاتخلي يجي يمج

--لااتخافين هوه مراح يجي اصلا

--تمام بعد احسن خلي حامي لباجر

--غزل اشناويه مال يعوف عروسته ويجيج شيليها من بالج

--تمام باجر انشوف

دنحجي واجه مصطفى كال هاي يالثولات راح رجلجن بقيتن مثل الارامل

--عوفك من رجلي وانطيني هاي البراسك

--ولي غزل عندي شغل بعدي من يمي

--لاعفيه حباب

--غزل خويه ولي اكو وحده بغرفتي روحي اخذيها

--ؤك بس انتضر علمود اتسويها الي اذا اتحركت الطمك بالكاع

--شنهو ولج كالها وجرني من شعري

--ااااي شعري غير انتم اتكولون هيج

--وانتي اتسوين نسخ ولسق لحجينه بدون لاتفتهمين شنهو

--اسفه يعني هاي غلطه

--روحي بويه خبله ماعليج عتب

ركضت لغرفته جبتها واجيت كلتله هاك سويها يلا

--ذاك رجلج روحيله

--لاعفيه انته

--بويه بعده مااتزوج حاليا بعد يذكرج امشي اجفيني شرج

--لا لا حباب انته

دار وجه وصاح مؤتمننن

اندارله مؤتمن واشر شكو

كله تعال خلصني من العله مالتك

اجه مؤتمن ميدري شكو وصل كال شنهو بويه

--سويلي هاي مثلكم

هز ايده شافني برطمت كال تعالي اخذها مني ولفها على راسي صار قريب عليه ردا يضبها من وره ماانداريت اتعمدت اصير قريبه من حضنه وهوه يلفها اجه عطره بداخلي غمضت همس يم اذني لاتلعبين وياي غزل

باوعتله شنو دتقصد مارد بس ابتسم عصر اخدودي وغمزلي وراح

رجعت كعدت يم سماح همزين الولد ممنوع يدخلون للبيت بس ولدنا و مخبوصين بالنكل يطلعون صواني بره

مرت ساعه وهمه بعدهم اجه مصطفى واحمد كعدو مقابيلنه على الزوليه رحنه يمهم كعدنه اتمدد مصطفى كال اشتعلت لشتك مؤتمن انته اتعرس واحنه نبتلي

--مصطفى

--هاخويه

--يكلي لاتلعبين وياي شنو يقصد

--منهو مؤتمن

--امم

--لايانغل عرفج مو انتي ثوله مفضوحه

--لعد شسوي

--ربي من خلقتها معقوله نسيت تنطيها عقل

--يووو مصطفى

--امري

--شنو اسوي

--ولج لوعندي نص شكلج افره فر بس انتي رب الثول

انتي اذا بيج حظ من صدك واكول عليج مره حوك خربي علي ليله باجر

--هوه اني اريد هيج اسوي بس مااعرف

--انطيني مجال هسه ادبرلج شغله

ضليت امتانيه شنو حيدبرلي اجه مكرم هم اتمدد من التعب مؤتمن يم جدي اجن البنات كعدن حجيت ابصوت عالي صدك مصطفى اليوم خطبو هيفاء وعمتي كالت خوش ناس حضر روحك للعرس الجاي

--المن احضر روحي شنو اركص بعرس اختي اشو انتي موبس ثوله طلعتي

--لايعني حضر روحك للطلعات لعد اشلون اتجهز

--اهااا سهلا خلي يجي والله كريم

--لاع همه كالو وره عرس مؤتمن نجي

اباوع الهيفاء صافنه لان جذب بس ردت اشوف رد فعل مكرم الي جان متمدد وكام كعد اول ماخلصنه حجي عنها كام راح من يمنه بس شكله اتخربطت احواله اول ماطلع من باب البيت كمز مصطفى جرني من الغتره كال كلتلج صيري اصخام مو اتبلشين بختي

--ااااا مصطفى شعري عوفني

--لج قندره لبالج مااعرف جذب هلمره كلتلها مره ثانه تنطكين

--ولك شعري مؤتمننننننن اااا ولك هدني

--غزل لعبي ويه مؤتمن مالج شغل بالباقين اسمعتي

--اييي هدني ميخالف

هوه جان كامشني من الغتره وشعري سوه مسحوله واني اسحب بيده اجه مؤتمن وكف صفن علينه وضعنه همزين احمد كاعد جان فكر غير شي كال شصاير

--شنو شكو متشوفه اشلون سحلني

مصطفى. غزل لاتخليني اكوم اسحلج بالصاله انكتمي

--سمعت مؤتمن هاي كدامك

--لج سكتي لااكوملج اطيح حظج

--عاااا مؤتمن متحجي

مؤتمن مارد هز ايده وعافنه راح اصلا ماعبرنه

خرب الغتره وكام مااعرف اشلون اسويها احمد مثل الاثول مو يمنه متمدد مدري ميت اشو ماله صوت

كمت رحت يم الباب البره يمهم وهمه يلمون بالكراسي لكيت مكرم يشيل ويشمر حيل بالكراسي ضحكني اذا اتحبها لويش متاخذها استغفر الله عائله غريبه ذوله

دخل الكراسي صرت ابوجه امنعه كال غزل بعدي خلي ادخل

--لويش ضايج

--بويه بعدي لاتتعوين غزل مولعبه هذه روحي شوفيلج شي التهي بي

--اممم صح مثل اروح يم وحده كاعده تبجي على واحد ماامعبرها

--منهو هاي

--وحده بس شنسوي للعالم البلا احساس

--ابغلات امج صدك تحجين

--اذا انته هالكد اتحبها لويش متخطبها

--مينطوني

--منو مينطيك تره مؤتمن حاسبك اكثر من اخو

--اي حاسبني بس من توصل للنسب ميخلي ايده بيدي

--لويش

--بعدي غزل خلي ادخل

--تره جذب محد خطبها

--شنهو ولج

--والله بس ردت اشوفك شنو حتسوي

--هسه من الطمج بالكرسي اكو احد يكلي عليش

جان شايل الكرسي يريد يضربني بي

ودخل مؤتمن كال بويه اشبيج متركدين انتي كل اشويه الكه واحد طاكج غزل بنيتي استجني

--تره همه يتحارشون بيه

--استغفر الله بعدي منا خلي الولد يدخلون الكراسي

--هسه دااساعد مكرم خطيه وحده

بقيت يمهم مكرم يناوش ومؤتمن ياخذ يسفط واني بس احسب وكل اشويه اغلط ومؤتمن يعصب يكلي عيدي كملنه طلع نقص واحد مؤتمن ماواثق من حسابي وكف يعيد احسابهن

اجه مصطفى كاله وانته مالكيت غير هاي الثوله المكوكه عكس تعتمد عليها

رد مؤتمن امضيك اعيونه اشلون مكوكه عكس

--يخوي ادزها على شغله اتسويها مكلوب

--شنهو جاي ادبرون انتو الاثنين

--شدبر خويه دخلي تثبت بالاول لاتنكسر واتسويلنه مصيبه بهليل

--همم اطلع مصطفى كمل البره ولم باقي الغراض وانتي يلا على غرفتج مااريد اشوف جهرتج اهنا

رحت صعدت للغرفه دخلت وقفلت الباب غيرت ملابسي وشمرت روحي ميته تعب نمت واني افكر اشلون اخرب ليله باجر وهذه الاحمار كلشي مكلي

عزااا بسلا ماتخرب غير انط واموت اذا تهاني فازت يمه كلبي نمت واني الف فكره الراسي اشلون انفذها باجر

كعدت على صوت الدمام الصبح كعدت متكسره كمت اتمغط رحت للحمام غسلت غسل مضبوط خلي اشوف شنو حسوي اليوم ويه مؤتمن طلعت نشفت شعري وبالي كله بي

بس هذه مينغلب مو وحده مثلي ثوله تجي تضحك علي

بالي مشغول اشلون حدبرها كملت مكياجي على السريع ولبست شلت شعري خليت شال وطلعت لكيت مؤتمن كدامي بالغرفه مالته واكف يعدل بساعته كلبي عصرني وهاي مواول مره احس هيج احساس لويش الشي البدينه منحس ابقيمته لمن نفقده يالله نكتشف شنو ضيعنه

احساس غريب جان غيره على ندم شي فقدته من ايدي

رحت وكفت بالباب كلته صباحووو

شال راسه وبتسم اشرلي تعالي

رحت يمه فتح ادي دخلت بحضنه جان شعور حلو وبنفس الوقت خفت منه اخاف اتعلق ويرجعلي السويته بي

شلت راسي باوعتله

--مؤتمن بعدك اتحبني

--شتكولين انتي

--مااعرف اذيتك اهواي مو

مارد بس رجعني وشدد حضنته حيل باسني من راسي كال اشتردين غزل بالضبط

--مااعرف

--هاي المااعرف مالتج اتخوف

--لاوالله دااحس كلبي يوجعني

--عليش بويه

--مااريدك اتحب غيري

--حييل كلش متاخره جايه

--يعني حبيتها موو كلتها ونزلت ادموعي

مسحهن ودنك باسني الكلب مياخذ بس وحده بس كون على الله تستاهل

--يعني شنو مافهمت

--ميعتاز اتفمهمين يلاننزل نتريك ورانا اهواي شغل

نزلنه جوه حضرنه الريوك بس مااشتهي احس نفسي مسدوده مااعرف لويش بس راسي امطبل احسه يمكن من هوسه البارحه

لو من شفته داخل غرفته حسيت بالغيره هذه مالتي اني اتخليت عنه وخليته يروح لغيري اني البارحه مابيه شي واضحك على سماح لويش هيج دااحس مااتخيلت روحي راح اشوف بغرفتها وراح اضوج هيج او احس هيج احساس كلبي مقبوظ

غزل وين انتقامج وين كرهج اله شنو الاتبدل و هيج كلبج يدك لولان شفتي راح الغيرج ومااعبرج متعوده همه يتوسلون ويجوج اي يمكن لان شفته عافني وراح لغيري هيج دااحس

اوووف ياربي شنو الديصيرلي وخر صفنتي مكرم وهوه يكول غزل ناوشيني دبة الماي

انطيته المي كال خويه بيج شي

--هئ

--خير ان شالله غزل بويه اي شي تعتازي ميردج غير لسانج اعتبريني اخوج مو ابن عمتج

باوعتله وماارديت احس روحي مقبوظه

--غزل خويه وضعج موطبيعي بيج شي احجي

--مااعرف احس روحي تعبانه والدنيا تفتر

--كومي اخذج للمستشفى

--لاحنام اشويه هسه ارتاح

ردت اصعد شفت روحي مابيه حيل دخلت غرفه بيبي لان الولد طاشين بالصاله بس هاي الغرفه مابيها احد بس هيه وعمه دخلت لكيت عمه ام مكرم اتسبح كاعده عالسجاده رحت يمها بدون لااحجي خليت راسي بحضنها عمه راسي دايخ

--اشبيج يعمه

--ماادري بس تعبانه اقريلي شي مثل متقرين للبنات

--اكلتيلج عين من البارحه اطفرين وانتي امصلخه اركدي يعمه اركدي

--عمه راسي حينفجر كلتها وبجيت

بجيت مو من راسي بس كلبي وجعني مااعرف شنو صارلي من شفته بالغرفه مثل السحر ودخل كلبي اني نمت بليل ماافكر بي فجأه هيج صار بيه

سمعتني اشهك

كالت ياع اسم الله يعمه اشصابج

بيبي. صابها الوجع مابيها شي بس اتريد تشغل صاحب العله لسبالها امااعرفنها والله يغزيلان اجسر راسج وحبسج بالحمام بس اسمع نفس منج

ام مكرم. يمه دتركيها متشوفيها مريضه

--ماكون صدك والله ياخذها

ماردت عمه خلت ايدها على راسي وبدت تقره ايات غمضت اعيوني اريد اشيله من راسي ادري بروحي راح اتعب اذا ضليت احس هيج احساس اني موكدهن ولااكدر اتعامل وياهن اذا حبيت مؤتمن راح اعاني اهواي بدون حب وجايبتها كوه

انفتحت الباب ودخل جدي شافني ماحجه بعد ضايج بس شفت بعيونه القلق ردت اكوم لان مااريد يتضايق من وجودي كال لاتطلعين الزلم صعدو لغرفه مؤتمن خليج هينه

رجعت كعدت ماحجيت

اجه يمي گال اشمالج يجدي

--مابيه شي بس تعبانه

--اخلي الولد ياخذوج للمستشفى

--لاجدو مابيه شي هسه انام واصير زينه

بيبي. كلشي مابيها اصحه مني عساها بالسل

--بسج يحرمه فوتي حال البت

--ياع اتسكتني لخاطر هالصفر

--يبووي تركي البت ابحالها خلي ابنج يرتاح ابكبره الله اكبر

سكتت بيبي وهوه غير ملابسه وطلع رجعت راسي على رجل عمتي كلتلها شو جدو صاير حباب

--عليش يمه جاهوه اشوكت موزين تراه كلبه حنين

--امم كولش من كال المؤتمن اذبحها

--اي ويعرف مؤتمن ابسرعه حد سجينته وذبح

غزل المثلج بديرتنه تنجتل حمدي ربج طحتي بيد جدج ومؤتمن

--امم خو مؤتمن من كثر حنيته كمت اوزع للجوارين

--منهو يتصور مؤتمن ياخذ بت فريال وروح اخوي لوكايليها بذاك الوكت جاكلت الحجاها امسودن اووف حمدي ربج يعمه من زرع حبج ابكلبه

--يجي يوم واعرف السر الضامي

--ماكو اسرار يعمه بس مؤتمن اهواي قست عليه الدنيا تره اكثر واحد انضلم شاف اشياء العقل ميستوعبها

ييمه نصيحه محد راح يحميج ولاواحد يكدرلهم غيره خليج جوه اجناحه لاتعلين كلبه تراه ملجوم چثير

--يايحميني عمه تره شابعني ضرب

--لو ماواجعه كلبه مايچيسج

يشوفج نافرته وهوه محتر كلبه يخاف ترحين من ايده تراه يعشكج ومتسودن بيج بس انتي الله يهديج ماكو عقل

انسولف ودخلت عمتي تسال بيبي على الزفه وعلى دجاجه فدوه للعرس مااعرف شنو

باوعلتي كال اشبيج يالمصخمه

--مابيه شي بس دخت

--ولج اخاف حبله

--لاعمه اليوم غسلت ماعندي شي

--تجين للزفه يالمصخمه

--اي بس خلي ارتاح اشويه واكوم ابدل

--لاع خليج شكو جايه ماعدنه مجان زايد خلي الولد فرحان بعرسه لاتصخمي بجهرتج تالي اطكي عين

--من حسن ابنج واحسده لوابيض جان اشسويتي

--ترحين انتي وامج فدوه لسماره وطوله وهيبته

--لحني عمه وكعدي ابصف صبوحه سون ادويتو

بيبي. ياع البت تغلط

--لابيبي هذه دعاء للعافيه

عمتي غمتني وطلعت واني غمضت انفتحت الباب كلتلها بيبي غرفتج على حضي صارت مزار ردت انكتمي بت فريال كطعيه مثل امج تفوو عليجن

سكتت كمت نمت على قريولة جدو

اخذتني النومه للضهر كعدت على صوت هلاهل كمت هاي اشكد نايمه الغرفه ضلمه ومحد موجود كمت طلعت لكيت الكل متحصر والزفه اتريد تطلع صدك اني هالكد نمت نزل مؤتمن من فوك يضحك هوه ومكرم واحمد

والهلاهل اشتغلت جان لابس قاط اسود وقميص سمائي كلبي وجعني من شفته لويش مجنت اشوفك بهالشكل

رجعت للغرفه مااريد اشوفه ولااخلي يشوفني مااريد يحس بضوجتي كعدت بالغرفه مااروح للزفه على شنو رايحه اشوفه اشلون يطلعها من بيتهم معززه مكرمه واني جابني سحل وكتل لهنا

اتذكرت اشلون عقدني بالكتل احس روحي اشتعلت نار ودموعي تنزل لميت رجليه لحضني مؤتمن اني اكرهك اي اكرهك ماحبيتك عمري بس لويش هيج احس النار مشتعله ابكلبي شنو الاتغير

انفتحت الباب لبالي هوه مسحت ادموعي ابسرعه شلت راسي لكيت مصطفى كدامي دخل يضحك كال هايالنجره طحتي

--هئ

--لاامبين

--لويش مرحت للزفه

--منهو كلج مارايح بس اطلع وراهم علما يجيبون المره اني اطلع

--اها

--اي غزل شنو الجديد

--ماكو شي

--غزل لاتضحكين على روحج انتي قبل لاترحين اتحبي وكلتلج ونصحتج بس اصريتي

--تره موابحاله ولاخالته ابالي غلطان بس شوف اشلون امسويلها عرس واني اشلون جابني

--عادي رديها اله وخربي ليلته الاولى مثل ماعمل بيج

--اشلون وهوه مستعد ورايح ضحكته واصله للشارع الثاني

--والله بعدها العبه بيدج اتكدرين اتكلبين الموازين

--اشلون

--بالنسبه لليوم بيدج صار ساعه اشحن بي كلتله مريضه وعلى اخرها وراجع اخذها للمستشفى

--اكيد كيف مو

--تردين الصدك راد يعوف الزفه ويجي يشوفج كوه رديته كلتله اني رايحلها لايضل بالك

--من اشوكت هالحنيه

--شوفي غزل مال حب وغرام واسوالف عشاق ماكو يم مؤتمن ذني كلهن طمامه بيهن انطي دواوين وعركات ومطاگك يطلع بزوده هسه عوفج منه وحضري روحج

--يعني شنو اروح للمستشفى هسه

--ربي منين اجت اهاي ولج بويه من يجي من الزفه راح ترحين غرفتج وانتي وشطارتج بعد هاي يمج ضلت افتهمتي لو اجيبلج امي اتفهمج

--ؤك فهمت

--عفيه هسه راح للزفه وانتي استعدي

--تمام بس لويش دتساعدني

--لان اخيتي انتي وطحتي بيد ناس متستاهلج

بس شغلي عقلج تره الطوبه بيدج والملعب فارغ شوتيها عدل كالها وكام طلع

رحت للغرفه ركض اريد الحك لكيتها كلها رايحه للزفه دخلت للغرفه للحمام عدل غسلت طلعت حضرت روحي ميكب مضبوط طلعت قميص نوم حلو لبسته عدلت شعري اتذكرت الحب اخذت وحده كملت وضليت افكر شنو حسوي كلبي يدك والله اخربها على تهاني اخربها مااخليها تتنهنه

اباوع للساعه وافكر اشلون راح اخلي يبقى يمي واموتها قهر ترتكبين على ماما واتخلي يطردها مو تهاني ام السحور بسيطه ماضل شي

سمعت الزفه اجت ركضت لبست كلبيتي وشال وطلعت وكفت على الدرج تانيته يدخل اريد اشوف شكله وهوه زافي اشلون بلكي كلبي يقتنع ويعوفه

اسمع الرمي اشتغل دخل من الباب ساحل ورا الصخله هيه وبدلتها الضلت ابنفسي البسها ذبح مصطفى جوه رجليهم دجاجه دخلو وصل للدرج ديصعدها اتفاجى بوكفتي

كوه عصرت روحي علمود لاايبين عليه شي

ماحجه صعد وساعدها تصعد والهلاهل والجكيت مستمر صعدو وصلو يمي سويتله مجال يتعده دخل لغرفته وسدوالباب احس كلبي وكف رحت لغرفتي كلبي مشتعل نار دخلت دخلت وراي هيفاء كالت

غزل بيج شي

--اريد الفون مالتج

--مومؤتمن ميقبل

--هوه اريد اخابر اصخام انطينيا

اخذته كلتلها طلعي طلعت خابرته بس مارد اكيد ملتهي وياها هسه رجعت اتصلت هم مارد شنو بسلا نام وياها شبسرعه رجعت دكيت رد كال ها خير

--مؤتمن تعال

--خير غزل

--مؤتمنننن هسه تجي لاوالله اشمر روحي من البالكون

--بويه اشصاير

--دااكلك تعاللللل مؤتمن لاتخليني اكتل روحي

سد الجهاز شنو لباله مااسويها سهله فتحت الباب رجعت الفون وسديت الباب حيل بكل قوتي رجعت اكل بضافيري ماراح يجي اكيد طبعا شافها املونه اشلون يعوفها

انفتحت الباب دخل عاقد احواجبه كال اشصابج

--اتزوجت وجبتها لهنا خلص متروح بعد يمها

--والله لبالي بيج شي روحي بويه الله يهديج

--والله يمؤتمن وروح بابا اذا طلعت منا اشمر روحي من البالكون

--غزل بويه لاتسودنيني اشرايده

--مارايده شي بس اريدك اتحس بالسويته بيه شوف روحك شنو سويتلها واشلون جبتها واني اشلون فوك هذه اتكلي لويش اتكرهيني كلتها وبجيت

اجه يمي ضمني لحضنه وكال عليش البجي يابويه باسني كال شرايده

--تبقى اليوم يمي

--غزل ميصير العالم امتانيتني

--والله يمؤتمن وكتاب الله اذا رحت يمها اكتل روحي عود بذاك الوكت هم كلهم لااحد يغسلها اغار اني اغسلها بيدي ضل ضالمني حتى ابموتي

--اششش شنهو هالحجي منو جان يمج غزل

--تره اني موحيوانه وفاقده الاحساس واحد يعلمني جاي فرحان وصار يومين اتعدل ابروحك ولابس قاط ورايحلها ميت عليها تذكر لو اذكرك اشلون جانت ليله زواجنه

--استغفر الله اشلون اطلابه هاي

دفعته وكلتله روح مؤتمن بس لاتجي تعتب على الراح اسوي روح عروستك امتانيتك كعدت على الجربايه ابجي

اني متعجبه على روحي منين جبت هالكد ادموع واشلون اشهك

سد الباب واجه يمي حتى سترته بعده مانازعها نزعلها وخلاها على الكرسي وكعد يمي خلاني بحضنه شنو الرايته غزل

--اتضل يمي اليوم

--بويه ميصير باجر اجي يمج

--لعد كوم روح شكو رجعت بس والله ماراح اخليك اتكمل اليوم يمها اذا مابيتك بالمستشفى مااطلع غزل

--خره بقسمتي الكشره عليش اتخليني اربطج وطلع

مارديت ضليت ابجي مسح وجها يريد يهدء نزع حذائته وسحبني كال تعالي نامي هدي اشويه خلي اشوف قسمتي وين تصفى

اتمدد وخلاني ابحضنه عالاساس انام ويروح يمها والله بطران غير دخلت لغرفتي بعد متطلع للصبح والله على جثتي

لباله مثل كل يوم اشويه واغفه غير اليوم شبعت نوم خاله راسي بحضنه وبالي تهاني اشلون هسه كاعده ومنتضره كوه كامشه ضحكتي مااريده يحس شلت راسي باوعتله مؤتمن اتحبها

--منهو

--عروستك

--اهوووو غزل نامي بويه

--بس اني مشتاقتلك

--مووكتها نامي

وخرت ادي واتجرأت بسته من شفته وهاي اول مره اسويها رجعت عضيته على كيفي يوميه اشبع سحل وكتل يالله اخلي اليوم جايته برجليه هوه ابنفسه مامصدك اليصير والله صدك الغل تعمي واتخلي الواحد يتصرف تصرفات خارج عن العقل

كعدت ذبيت الكلبيه هوه صافن شنو دااسوي رجعتله خليته يتيه دربه

-----------

--الساعه ابيش

--مااعرف لويش دتسال

--اذن لوبعده

--هئ يمكن بعده لاتتحرك مؤتمن

--يابه منهو اتحرك متشوفيني مسموط ابوي مثبور يمج

شلت راسي قصدك يعني اني زلكه وانته مبتلي بيه

ضحك واكال احلى بلوه وعلي سحبني رجعني

لحضنه

حسيت بي يريد يأاذن ويكوم يسبح ويروحلها رجعت كررت ويا نفس البديته خليته ينام للصبح جفي على وجهه من التعب

كعدنه على الفون يدك فتح اعيونه كوه شال الفون ورفضه كام راح للحمام يسبح طلع لبس ملابسه واجه يمي باسني وكال طلعتي الغل البكلبج خلصنه لوبعد

--اممم كلتها وضحكت

ضحك على ضحكتي وعفس اخدودي رجع باسني وطلع

كمت والفرحه ماسايعتني كلي نشاط صح جان عنيف اشويه بس عادي اتحمل لخاطر تهاني تستاهل

رحت سبحت ولفيت الخاولي اسمع الهلاهل والضرب يمكن نزل مؤتمن خرب بحضي يلا المهم عرس ميهم اي وحده

طلعت ابوجي اني وخاوليي على غرفت تهاني

لكيت الباب مفتوحه دخلت عضيت شفتي اكتم الضحكه لكيت الحبابات كلها مجتمعه يمها هيه كل عين اشكبرها امبين اليل كله تبجي بيبي كل نفخه تنفخها يمكن اذا لاحتني گبل للكبر وامها يمها هم تبجي

--عزااا اشكد فشله ولجن تبجن على رجال يلا المهم

صباحووو

بيبي. صباحج بالجفن

--عزززا اشقصدج تره صبحت بوجها لاوالله بحضنه

--كومي تهاني كضيها وجيبيها ليه ادوس راسها

--مؤتمننننن تعال راح يكتلوني

--بت فريال ناويه شر مثل امج اتعلميني بيج

--ياشر بيبي هوه طلش يمعود عروستك خطيه كال مااكدر مشتاقلج -حبيبي روح وباجر تعال كال اموت اذا طلعت منا - اشلون ترديني اخلي يموت لعد منو يصير شيخ عشيرتكم

---ااااااخ ولكم كوضوهاااا

اجت سماح تركض جرتني اتريدني اطلع كلتلها بالمبارك وسحبتني

--تره المفروض اتكليلي الي لان البارحه عدنه ليله عرسنه

--غزل كافي طلعي

--بس لحضه صدك السخان مديكفي اشكد دااكله جبي واحد اكبر مديقبل بس يلا انوب اني اسبح بحمامي وادزه يسبح يمج احسن ماباقي المي هيج حرمات

سحلتني سماح لان بيبي كامت وبيدها العصه مااتحملت لان تهاني شاطتت

ركضت للغرفه دخلنه

--ولج والله وطلع بيج البله اشلون خليتي يمج

--لعد اشعبالج ترديني اعوفه الها بس اشلوني خوسويتها صح اعضامي اتحطمت بس عادي

--لاوالله بيج حظ يلا ميخالف هسه اسويلج حليب يدفيج وتردين انشط من قبل تستاهل لعيون تهاني

-- خليها علمود تعرف ويامن تحجي مره لخ بس مؤتمن من نزل هم ضايج لوعادي

--لاوالله الضحكه تارسه وجها لبالي يمها لمن صعدت وشفتها تبجي عرفت مانايم يمها تنحب اتكول راحت حنتي وليله عرسي اثنينهن غير اجيت اطفر منها اجه احبج ابحلكج

--عيع كافي رجلج ولي منا

طلعت غيرت ملابس ولفيت شعري خليت الشال ونزلت لكيت عمه او شعشبونه بالاصح محتار تمشي واتسولف ويه روحه هاعمي اشصاير

--ولج يعمه باكنه راح يروح بيها ابنيي

--شنو عمه

--راس الدجاجه ماادري وين اختفه

--عزا هوه راس دجاجه شكو مخبوصه

--ولج يغبره هذه يسوون بي سحر هسه يسكطن ابني بي

--ياااا لعد وين راح

--دولي من البارحه منايمه ادور لسه وجايتني الفاهيه اتكول وين راح

عافتني ومشت دخل مصطفى يضحك اشرلي رحت اركض اشوف شنو يريد ها مصطفى

--هلابااخيتي الحوك هلابت الذبيه والله وطلعتي مره من صدك ولج خليتيهم طشار الصبح مخبوصين دخلو لغرفه وطلع من الثانيه يابوي غير انشكت بطني من الضحك

--عوفك من مؤتمن راس الدجاجه انباك

--منهو كلج

--عمه دتدور راح تنجن

--خليها تتخبل

--مصطفى لويش دتضحك انته بايكه مو

--شسوي بيه احنطه بت المنغوليه لاتبليني

--وين وديته فدوه وداعت ماما محكول

--اششش ولج شمرته بالمجري خليها تتسودن واخاف تنسه كل اشويه ذكريها اسمعتي

--اييي اشكد حلو اليوم حنلعب على اعصابها

--يغزل اذا واحد دره اني العملتها اشنقج واشمرج وره الراس

--يعع مالكيت غير المجاري دشمرني بمكان بي حظ

--هوه هذه مكانج الاصلي ويه الجريديه

صاحت شعشبونه ولج اغزيلان اصخيمان مترحين ويه البنات اتساعديهن

مصطفى. وعلاساس اغزيلان راح اتسويها برگنده -- عمممممه عوفي اغزيلان يمعود شوفي الراس وينه

--ولك يعمه ماادري سوده ابوجهي من البارحه ادور

--طلعي بره بلكي شامري بالمزرعه روحي دوري كالها وطلع هيه رادت تطلع اتذكرتني واكفه اندارت كالت يلااااا

رحت ركض للمطبخ قبل لاتعلك السنفونيه مالتها

دخلت شفت عمه كوه كاتمه ضحكتها امدنكه شالت راسها شافتني كالت عملتيها يبت فريال

والله ياخوفي مثل امج اطلعين وتسودنين الزلمه

--اكولج عمه تره انتو انطيتونيا من الاصل ضارب افيوزه

--وكملتيها انتي يعمه يخوفي اطك من صدك ويطكجن بالرابعه

--والله عادي هلابيها تجي على راس تهاني

--غزل عمه غسلي الاستكاين

للضهر وحنه بالمطبخ كرب مال حيوانات ومؤتمن ماشفته بالديوانيه ويه جدو متنه تعب علماكملو الغده وغسلنه اماعين لن روحنه طالعه

صعدت على السريع بدلت ونزلت رحت لغرفه بيبي اتمددت يمها تعبانه

ناس رايحه جايه اشكد عالم عدهم مااجو مثلهم ابزواح احمد امبين الناس تحسبله احساب

اجت يمي سماح ذبت روحها وهيفاء سمر وباقي البنات صارت كعدتهن يم الباب

--تره ماكو هيج هوه يتزوج واحنه نخدم

--كولي لروحج غير خلصنه وفرحنه رجعتيني للصفر

--اشدعوه هالكد عالم جايه

--غير امسوي واجبات والعالم تحترمه ويحسبوله حساب

--لو يشوفن هذه المحترمي البارحه تحت رحمتي اشلونه جان مااجو ولااحتركو

--غزل انضبي تره اغار

--امم امبين لعد خلي يكمل يم تهاني لان اني احبج وماارضه اتزعلين

--لابغلات محمد غزل بديتيها لاخربيها مثل قبل كملي خلينه نرتاح بالعباس مااغار منج جذب

--خليني انام تعبانه حموت

دااغفه وفاتن جوكه نسوان وبده السوالف سطرني وبيبي محرمه علينه انفوت لغرفنه كامن البنات للمطبخ مره لخ للجاي اني مااتحركت ضليت اتسنط اشويه ونزلت تهاني كعدت يمنه

سماح ساكته خوثه اول ماكالتلها كومي خلي اكعد كامت ثول اجت كعدت واني متمدده على القريوله ولااتحركت كلتلها جان ضليتي بغرفتج

--غير عروس والناس جايه اتباركلي

--على شنو المفروض يباركولي الي لان اني العرست البارحه

دكت العصه بيبي بالكاع باوعتلها اشرتلي طلعي بره

--مابيه حيل بيبي حفيدج سكطني

--غزززل انكتمي وطلعي

--مواخاف اطلع وهم يلحكني واطير بعد ليله

شفتها كامت خفت انضرب كدام النسوان واتفشل طلعت ركض لكيت مؤتمن يم الدرج امبين استوه داخل يريد لغرفه بيبي صحتله مؤتمن

--ها بويه

--تعبانه اريد اصعد

--المطلوب شنو اجي اصعدج

--لابس بيبي مترضه وحده تدخل غرفتها واني والله ميته تعب

--روح بويه لغرفتج مالج شغل واذا حاجوج شمريها عليه

--اتمام لعد انته وين رايح

--غزل ولي لغرفتج

صعدت وهوه دخل جان وكت الاغروب وصلت لغرفة تهاني اسمع امها تحجي بصوت واطي يمكن بالفون

مااسمع شنو اتكول بس لفت انتباهي من كالت دير بالك كون بعد نص اليل عفيه بالسبع

عبرت غرفتها وصلت غرفتي فتت سديت الباب غيرت ملابس لبست خفيف وشمرت روحي ميته تعب حتى العشه ماردت وهمه هم ماكعدوني بعد

هدوء امبين تالي اليل

سمعت طكطكه بالغرفه فزيت مااميز شنو مطفيه الضوه بس اسمع حس احد يمشي يمي

فتحت اعيوني اريد اركز عدل منو دخل غرفتي شفت واحد وصل يم راسي جان ضوه قليل داخل من البالكون شبه امبين الرجال ملثم وكف كلبي من الخوف

ردت اصرخ خله ايده على حلكي سده حيل كمت املخ وارفس بي اريده يتركني ماكو بالايد الثانيه خلاها يم صدري

الحماله وقميص النوم سوه سحبهن سحبه قويه لمن انملخن بيده والقميص انشك على طوله

السابع عشر من هنا

تعديل المقال