رواية عشق الثأر الفصل الخامس عشر 15 بقلم مينة طلال

رواية عشق الثأر الفصل الخامس عشر 15 بقلم مينة طلال

- ماريد يبقى بخاطري

ولااريد اطب بذنبك ..

واتمنى اوصل لمرحلة

لااحبك ولااكرهك ..

___

قاسم : ها أسحاق شكلت ؟ ترة هاي اخر فرصة ممكن اقدمها حاول تستغلها ترة الدنيا مو يوميا تنطيك فرصة هيج ..

أسحاق: استاذ اشكرك ماقصرت بس اني ماريد اوصخ روحــي بيهم ، اني منتضرهم للزمان اريدهم همه يفضحون روحهم بروحهم ..

- وانت شعليك بس اشر واحطلك عشرة جوة ايدك ينفذون .. وانت تفرج من بعيد

- أستاذ اني ..

يـٰس : أسحاق اجة عمي هاشم اجة أسحاق.. قبل شوية طب

اجانا يـٰس يضحك ومكيف والولد من ركضة رفعو اسلحتهم بوجها هوه رفع ايدة

- شـَڪو اسحاق منو هذول شيريدون منك ؟ منو انتو

- ماكو شي. ، شباب كرايبي نزلو سلاحكم

باوعت لقاسم : استاذ

اشرلهم قاسم نزلو اسلحتهم باوعلي وكال : جنت حاب اخلصك بس الظاهر انت متونس بعذابك .. طلعت من ذنبك

حجة هل جملة فتحولة الباب صعد وشخطو السيارات وراه وراحو ضليت بمكان الدخان يطب يريت يشبة دخاني المحترك من سنين حجة يس

- أسحاق شجاي يصير وياك انت شنو تشغل ؟ يوم يطبون بيتك يوم تشيل ارقة مبايل هسه هذول وسلاحهم فهمني

- وانت منو وافهمك ؟ دروح بابا روح

دفعتة مني طالعة روحــي اتجهت للجادر واشوف ذاك الرجال طولة طول زيد هييتة صوتة وزانتة خلتني انطق الكلمة الصار سنين حارم روحــي منة

- عمي عمي هاشم .. بوية هاشم بوية

ندار بسرعة يباوعلي ركض وراية يـٰـس يكول

- عمي اسحاق

اسمي خلة عمي يركض بتجاهي يحضني بقوة وبادلتة الحضن بنفس القوة ودموعي تنزل من حضن ابوية واني محروم من الحنية

- بوية هاشم بوية تفرهدنا وراك عمي تفرهدنا ..

غايب : على كيف عمي هستوة عمك جاي من سفر

هاشم : هش هش محد يحاجي محد سكتو

صاح بيهم وهوه حاضني واني عبالك رجعت هذاك الطفل الينتضر الليل حتى يلمة حضن ابو حسيت عمي بية ريحة ابوية هذا ابوية مو عمي ابوية اجة بهيئة هاشم ..

وخرت امسح دموعي واحجي : ليش مكلتلنا تجي اليوم عمي جان اجيناك للمطار

هاشم : وانت بيا حال وتجيني ياعمي

- البقية بحياتك عمي ماردنا نشوفك بهل ضروف

جر حسرة باوع لخوانة وكال : عمي اسحاق اني ما ضال هنا راح ابقى فترة بهاي المدة اريد اعيش وياك..

_______

عائشة ..

من كال قاسم جملتة عبالك صحة جانب بعقلي جان كلبي متجاهله هذا الجانب الي حافظ الي كدامي منو .. هذا مو الدكتور الجامعي المثقف الهمة عائلتة وشهادتة .. هذا مجرم قاتل جوة ايدة الالف الناس المستعدين يسون اي شي يكوللهم علية

بلعت ريكي مجاهله هاي الافكار وكلتله : مااندم على اي قرارر اني اسوي بحياتي مهما جانت نتائجة اتحملها بس الندم مموجود بقاموسي ..

قاسم : اندار فدوة لقاموسج

ابتسمت بس كلبي ممرتاح حاولت ابين روحــي طبيعية كدامة بس هوه نفسة احسة تغير مو نفس الي الصبح بي طاقة حب وشوك احسة عيونة جاي تجدح ناس علية ..

اجة النادل جاب الاكل وزعة على الطاولة وجابو المي واللبن وكل شي جان حلو ومرتب المكان الاكل احنا بس احس ثنينا جوانة قلق ومو مرتاحين كل واحد جو عقلة عاصفة ..

اني بطبعي من اقلق واضوج مااكل ضليت احرك بتمن واوخر الجلد عن الدجاج بينما قاسم عكسي تمام راح يخلص الدجاجة ويحول علية دنكت متوترة رفع راسة باوعلي : شبيج عائشة ؟

- مابية شي بس مااشتهي اكل واني برة ..

قاسم : اخذلج سفري ؟

- لا بالعافية اكلت

ضل مركز بعيوني واني اجاهل نظرات العبالك تريد تقرة افكاري واصلان لكطني من كال : ندمتي لان وافقتي علية ؟

- مو هيج

- لعد ؟

- توترت شوية مو اكثر ..

- شوفي عائشة اني مستحيل اجبرج على شغلة انتي ما تريديها اذا تحسين روحــج مو حابة هل زواج لا تضغطين على روحج

- قاسم شنو معناه هل حجي ؟ مو كلتلك مشاعري اتجاهك شنو ؟ بعد عليمن هل حجي كساع تكول ما قابلة ندمتي ! خاف انت بطلت

- افا ، لو غيرج جان ما ستغربت بس انتي الي عشتي كل هل عمر وياي هيج تحجين ؟...

كلامة هذا ذكرني بااول ايامة من طلع وعشنا سوة وحدنا لاول مرة ...

____ الماضي ______

بس دخلنا البيت تلكتنا مروج ..

مُروج : عمي ...

ركضتلة تبجي وحضنتة بادلها الحضن كعدو بالكاع ثنينهم يبجون واني ابجي على بجيهم بالكوة كومتهم طبو جوة حاضنها من صفحتة ويمشي

مُروج :شـَڪد ردت اجيك وما قبلت ليش عمو ليش

بجت وهوه حضنها ويمسح على راسها وكساع يبوسها

قاسم : انتي اميرتي شلون اخليج اطبين هيج اماكن ولله لو متت هناك جان ماقبلت تجين

كمت عفتهم براحتهم فتحت غرفتة الي من صبح نطفتها وعطرتها طلعتلة ملابس ورحت للحمام حضرت مناشف جديدة وتاكدت كلشي موجود ورحت للكطبخ احمي اكلتة المفضلة تبسي دجاج متبل ويا التمن الاصفر شغلت الفرن حتى شوية تحمة ورجعتلهم ..

جانت حاطة راسها على جتفة وتحجيله تفاصيلها اليومية وهوه يمسح على راسها ويسمعها قاطعتهم : استاذ فوت اخذ حمام دافي حتى ترتاح بين مااحط الاكل ...

هز راسة بدون مايجاوبني وباسها براسها وكام عبرني يباوع بعيونة تفاصيل هذا البيت ماتشبه ذاك الجان كلة ذوق مرتة هذا كلة من تفاصيلي وتفاصلي مُروج كلة حياة وحب وبساطة بعيد عن الغش والخداع الجان عايشهن ..

طب يسبح واني ومروج رتبنا السفرة وكساع وحدة تسال الثانية شناقص شنو نحط عبالك جان اول يوم العيد عدنا جان اهم شي نريد نفرحة ونحسسة هوه بمكانة الصح ...

طلع من الحمام وتجة لغرفتة الجنت لازكة على بابها صور كتب وفوكاها تحفياته الصغار الي جان يحبهن ويجيبهن ويا من الدول جانت مرته تحطهن بالمخزن لان ميعجبنها ..

ضل شوية بغرفتة جان يصيح : عائشة ممكن تجين ..

اشرتلي مُروج روحــي واني ركضت كل البالي معجبنا الملابس ويريد غيرهن طبيت شفتة لابس وجاي يمشط كلتله : نعم استاذ

رفع راسه وهوه لابس تراكة الجوزي وشعرة مسوي نايم على صفحة راسة تقدم علية : شلون اشكرج وافي حقج مااعرف

- ماكو داعي استاذ .. واجبي هذا

- لا عائشة مو واجبج تحتوينا اني وبنت اخوية وتساعديني وتسنديني وتركضين وياي هل سنين كلها ..

- لان انت هم ساعدتني وماعفتني من احتاجيتك

- مراح انساج طول حياتي

حجة هل جملة وحضني ضليت ارمش بحضنة مشاعري متخربطة شي يريد يحضنة اكثر وشي مستحي ومتوتر وخر وكال : عذريني على جرئتي بس تحضيرج لتفاصيلي ترتيب غرفتي اكلي الاحبة وكفتج وياي خلتني اصدك الدنيا بعدها بخير ...

__ الان ____

قاسم : يلا نكوم

- تمام

طلب الحساب دفعة وكام كمت ويا لزم ايدي وطلعنا رجعنا لطريق الامام وسأل تاس عن العقود ودلونا وصلنا للاخير غرفة بيها سادة كاعدين طبينا الهم

حجة وياهم قاسم انو احنا ماعدنا اهل ونريد نزوح ومتفقين بينا طلعنا مستمسكاتنا اتفق هوه والسيد على المهر اني ما رضيت لان المبالغ جبيرة بس قاسم اصر وبدة السيد يتلو العقد همس لقاسم : عادي نعقد على مذهبك ؟

قاسم : طبعا عائشة شنو الفرق ماكو ..

- بس ردت اتاكد..

كمل السيد الايات والحجي كال عيدي وراي بنتي

- اني انا البنت البكر عائشة محمد سلمان اوفق على زواجي من قاسم حسن موسى بدون اي ضغط او اجبار ..

كررت ورا الجملة رجع كال لقاسم : كول وراي ابني

انا قاسم حسن موسى اقبل نكاح عائشك محمد سلمان بدون اي اجبار وبكامل قواي العقلية

عاد ورة قاسم كال هسه راح اسالج من اكمل كولي نعم وانت وكيلي هزيت راسي واعصر بيدي بتوتر لزمني قاسم وكال : عائشة محمد سلمان هل تقبلين بـ قاسم حسن موسى زوجاً لكي على سنة اله ورسولة بمهر مقدمه ٢٠ مليون ومأخره ٥٠ مليون فاذا قبلتي قولي نعم وانت وكيلي ..

عائشة: نعم وانت وكيلي ..

السيد : قبلت الوكالة ..

- سيد قاسم حسن موسى هل تقبل بالسيدة عائشة محمد سلمان زوجة لك على سنة الله ورسولة على المهر المتفق بينكما ؟

- نعم سيدنا

- عيد الاجابة

- نعم اقبل

- مرة اخرى

- نعم اقبل

- مبارك لكما من هذا المكان الطاهر اعلن انكما زوجان على سنة الله ورسولة

باركولنا اسادة واطو عقدنا لقاسم وقنا وبصمنا كلة يأكدة بالمحكمة سلم عليهم وطلعنا لزم ايدي وباسها : اوعدج تكونين اسعد انسانة وياي ..

____

دموع..

صار اليوم الثالث

بليل عمي بلغني راح يجي عمي هاشم

سمعت من نسوان اجة وشاف اسحاق وتلاقو ويحجن على لقائهم بس اسحاق ماطب للبيت ولاشفتة ولاشفت عمي ..

اليوم الختمة والناس جاين اشكال والعدد زاد من سمعو عمي جاي

تعب جسمي حيل وتعبت من المجاملات والشغل وبعدي عن اخوي واختلاف حياتي الي صار ..

اجت اديان وتتعذر لان جانو بالشمال يم اجدادهم وما درت اله هسه عذرتها وضلت وياينا تشتغل وامها هم ماقصرت ويا نسوان عمامي صباح احسها تحسست من اديان واديان هم وخاصتا من طب اسحاق العصر وصاح صباح : خوية صباح فدوة لعينج سويلنا صينيا اني وعمي هاشم

صباح : ادلل من عيوني

صباح عبالك مو كللها سوي اكل عبالك طببها للجنة حلكها نفتح مترة واديان كام طاخ ما طاخ بالغراض تركع امها تخزر بيها واني اباوع عليهن بلة هذني لو درن شنو يشتغل يتعاركن ؏َـليۿ ؟...

هوه مجاهلني عبالك مموجودة اني نفس المشاعر هم اجاهلته ولاعبالك هوه هنا اشتغل بدون مااباوعلة كال لصباح : خوية اكو ناس من موقف بسيط تعرف شنو قيمتك عدهم

دنجت ساكتة هيه بس باوعتلة مافهمت علية بس اني فهمت يقصدني نزلت دمعتي ومسحتها بسرعة هوه هم طلع من الباب خلصت صباح شالت الصينية طلعت اطتهيا واجت

صباح : شبيج ويا اخوج شنو حسدوكم جنت شحلاتكم ..

- ما شي حبيبتي سوء تفاهم

هزت راسها وكمنا نحضر صينية الختمة اجت الملاية والدنيا لتمت عليها شلنا الصينية وطبينا يمها ساعة تقرة طلعت روحــي من لطم طلعتني صباح سحل روحـي راحت خلتني بالمطبخ وجايت مي تشمر على وجهي وتشربني

صباح : كافي يروحي كافي راح تموتين روحج الله يرحمها مو هيج

يـٰس : شبيها دموع صباح شصاير وياها؟

- تخربطت من لطم

- لبسيها عباية خل ناخذها للطوارى

- بس منو يضل بالبيت

- داكلج امشي..

ركضت اجيبلي عباية منهن واني راسي احسة راح ينفجر وحيلي رايح كل ضني راح اموت شـَڪد اتمنى الموت بس من اذكر روحــي شـَڪد جفصت اكول مااريد اموت هسه..

شالني هوه وصباح تخطي بية اجت امهم ورانا تركض لمت نسوان هوا عافهن وطلع بية واني راسي يطوطح بيك بس طلع من البيت لمحوني الزلم صار صوت واسمع من بعيد صوت رجال ورة شوية سمعت صوت اسحاق يصيح : شبيها دموع شسويتولها ...

اغمى علية وبعد ماادري شصار كعدت اني بالمستشفى ايدي بيها مغذي وصباح واسحاق على راسي بس فتحت صاحت : اسحاق فتحت

ركض يمي : شبيها ينور ؏ـيونَيہ منو وياج ؟ شصار وياج يروح اسحاق ولج من شفتج رايحة روحج اخذتي روحـي وياج ولله اخذتيها ..

همست همس مابية احجي : لاتخاف حبيبي مابية شي تعبت شوية

- وليش تتعبين وياج هواي هاي مو صباح يمج ليش هيج تعبتي روحج

صباح : هاي كدامها ولله اركض وراها حتى تكعد وما ترضى

- ماصار شي حبيبي ميخالف

سكتو واباوع للباب ماكو يس خلص المغدي راح اسحاق يصيح الممرضة كلت لصباح : لعد وينة يس ؟

- راح تعاركو هوّه واسحاق وصلت للظالين رادني اروح اسحاق بس يس مارضى كال ضلي يمها تحتاج بنية وياها

- فدوة لكلبكم ماقصرتو تعبتج انتي ويا

صباح : لا يروحي يا تعب بس دموع ..

حجت وسكت كتلها : كولي شنو

- كلي هيه تاخذ علاج اسأليها وضعها تعب من العلاج؟

صفنت اذكر يا علاج نوب اذكرت جذبتي كتلها : لا بس اعصابي تعبت اول مرة اعيش هيج اجواء الحزن من بعد فراك بيبي

- الله يرحمهم

سكتنا اجة اسحاق ويا الممرضة وخرت الكانونة كالت نص ساعة وطلعو ضلينا ساكتين كلنا لهناك وطب اخر واحد توقعت اشوفة لابس دشداشتة السودة فوكاها الفروة الجوزية ولاف راسة بشماخ طب بشموخ كاسر الصمت الي جان ..

هاشم : يابة سلامتج مابيج بس العافية

صحنا اني وصباح : عمييي ...

_________

بعد مرور سنتين ..

وكفت السيارة بالكراج وركضت للمطار وكفني الحارس ساعة يحجي ردت اتعارك ويا طبيت اركض وادور بعيوني عليها لهناك والمحها شعرها نازل على الجنطة وحاطة سماعت مغطية عيونها وتبجي ركضت يمها ...

أسحاق : لا تروحين دموع راح الكة حل ابقي لاتسوين هيج بية ليش خليتيني اتعلق بيج واريدج نوب درتي ظهرج ورحتي ..

مُروج : توسلتك اني أسحاق ردت بس فرصة .. حاولت وياك هواي لهنا وكافي مااكدر اطي بعد

- لا تنطين بس انتظري لا تروحين ..

- اسفة انت تزوجت أسحاق شتريد مني ؟ تريد تكسر كلبي وكلب ام ابنك روح عيش حياتك وعوفني اصلح الدمار السويتة بية ..

______

يُتبع

السادس عشر من هنا

تعديل المقال