رواية كفي والمنجمة الفصل الخامس عشر 15 بقلم الكاتبة Leo alfatlawi

رواية كفي والمنجمة الفصل الخامس عشر 15 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الخامس عشر

اول مكالت امج ومؤتمن اندفر الباب دخل مؤتمن

--صاح عممممه

--يعمه لحت گلت اريح كلبها

--وترحين كلبها بهاي الطريقه ابوها اشلون انچتل وروح عمي اول ماوصلت وگالو عمتي يم غزل عرفت السالفه شنهو

--يعمه هيه كبرت وهم منحقها تعرف اشلون مات لحدمن انضل ضامين هالشي

--عمه عممممه شي اذا اريدها اتعرفه اني اكلها بي من اتجي تطلب منج معناتها مااريدها تعرف

--يلا يعمه ابكيفك امسحها ابوجهي لاتگدر روحك وانتي هذه رجلج تريد اتعرفين شي بعد لاتجيني كليله لاتوكعين بمشاكل وياه يلا وخري من جدامي

عافتني وطلعت واني عقلي يضرب اخماس بسداس شنو مؤتمن وماما

سدت الباب اباوع لمؤتمن واكف بكل برود ينزع بساعته

--مؤتمن انته كتلت بابا

--شنو ولج

--عمه كالت امج ومؤتمن

--وانتي چلبتي بمؤتمن اخاف امعوزه اطياح حظ سالفتي گلتي اكملها

--لعد شنو انته وماما

--غزل بويه عوفج من هالسالفه الماوراها غير وجع الراس ابوج الله ايرحمه راح لدار حقه

--اشلون مات

--انجتل

--منو كتله

--لخاطر ترتاحين ولاتضلين اتزنين يم راسي ابوج انتحر وجنه اني وامج الشهود

--لويش انتحر وتركنه وهوه يحب ماما

--استغفر الله هاي منين اجتني المصيبه يابه محد يعرف عليش انتحر هيج صبح بي حاله نفسيه وطك روحه ونص حجايه بعد مااريد بهذه الموضوع اذا هيست حسج اخليج اتلحكي

راح للحمام يسبح واني اصلا ماامصدكه بالكاله لويش انتحر بابا وهوه جان ميت على ماما شنو الصار خلاه يخطي هيج خطوه شنو الشافه وحس بي وخلاه ينهي حياتي بهالطريقه

كل يوم اكتشف مصيبه جديده بهذه البيت بعد شنو ضامي كعدت عالكرسي وحيلي مهدود ضايعه مااعرف منو اليحجي صدك ومنو اليجذب

طلع من الحمام لاف منشفه على خصره وينكث ابشعره جسمه كل اثار مال اخياط ابمتنه وحده وبطنه وهاي حديثه وبزنده وحده وبضهر هذه اشكد مضروب وطالع منها صدك من يكولون عار هسه شفته اكبالي

مشط خله عطر واندارلي عاكد حواجبه لان مامحضرتله ملابس اشرلي اطلعهن اله

كمت للكنتور طلعتله بنطرون وقميص وديتهن اله اخذهن

-- بعد فانيله لاتستغبين انتبهي

--موغبيه بس نسيت

--عقلج شغلي وشيلي الافكار السوده من راسج

باوعتله وسكتت رجعت كعدت لبس واجه يمي وكف كمش وجها ورفعه كال

-- ابوج مات صارله قرن لاتضلين اتبحشين بشغله مرت صارلها دهر لو نعرف اله حق يم واحد وسبب موته ناخذه منتركه

بس عمي الله يرحمه ضيع حقه بيده ابسبب هاي عملته لاعرفنه عليش انتحر ولاعرفنه شنهو المر بي وخلاه يخطي هيج خطوه فجأه لكيناه طاك راسه بطلقه على شنهو مندري

فلااتضلين اتفترين على شي ماله جواب عقلي وبطلي ولو ادري هاي السالفه منهو خلاها ابراسج وهذه ميتوب اذا ماطيح حظه من صدك

--لاموهوه لويش سديت السالفه ويه عمه وصحت بيها وانته لويش هيج دتكره ماما

--استغفر الله هاي شتحاجيها مااكره امج واصلا مااشوفها چدامي

--يعني ماما هيه الكتلته معقوله بسلا مستحيل هيه جانت اتحبه

--غزل اشوكت حجيتي ويه مصطفى

--ماحجيت وياه ولاشفته اصلا

-- لاواضح يلا بلكي تطلع عدكم وراثه لانج لاحگتها وخلصان

اشرلي على السلاح بالكنتور وطلع

لميت روحي كعدت اجت ماما ابالي اشلون اتزوجت عمو قتيبه من الاربعين اشعرفها هوه رجع من السفر وهيه ومؤتمن واحد يتمنه الموت للثاني اكو سر جبير لان اثنينهم نفس رد الفعل من احجي وياهم

ياربي عقلي حيوكف اني معوزه هم وكملتها هسه

غمضت اعيوني واخذت نفس احس راسي حينفجر

راح اضل وراها لمن اطلع السالفه بس وداعت بابا اذا مؤتمن وراها اله اندمه اخلي يمشي ويحجي ويه روحه افضحه فضيحه بالديره حتلو موتي بيها بس مااخلي يشوف الراحه بعمره

كمت للكنتور فتحت وطلعت قميص خفيفه لان امبين ماكو عشه خلي انام احسن

غيرت ملابس واحس معتدي توجعني من الجوع هسه اشلون انزل لوهم يفشلوني وميخلوني اكل وياهم

طلعت نساتل اكلت همزين سماح خاله بالثلاجه مانزلتهن وياها

خليت راسي كوه كدرت انام افكار امخربطه براسي

كعدت على فتحت الباب وعرفته اجه حسيت بطني لوتني شي يقشعر البدن من اشوفه كدامي شمر ملابسه وسحب الغطه وتمدد يمي سحبني يمه

--اخذتي الحبابه

--هئ ومابيه حيل مؤتمن الله يخليك والله جسمي يوجعني من التعب

--كومي اخذيها

--مؤتمن فدوه بس اليوم عوفني

دخل اصابيعه بفروه شعري على كيفه وبعدين ضغط حيل كال من اكول اتكومين لاتجادلين اسمعتي

--ااا اي بس عوفني

--يلا ودفعني اجيت اطيح من الجربايه كوه سيطرت نزلت واني ابجي والله كارهه وجوده مدااتقبل قربه

اخذت الحبابه وشهك كوه بلعتها كل يوم يتضاعف كرهي اله اشكد اتمنه موته اشرلي تعالي

ضليت وكفه مكاني اخاف اتحرك بس ادموعي تنزل كلمااتذكر شنو يسوي بيها يزيد رعبي وكرهي اله

كام اجه يمي

-- من شنو مخلوقه عليش متسمعين الكلام

--مؤتمن تعبانه دااكلك

--ضغط على وجهي بيده حيل كال كم اعيدها اشوكت تفتهمين

--مااريدك افهم مادااتقبلك

--ويطبج مرض اتقبلتي اولا اخر همي

--مااريدك اكرهك يااخي مؤتمن والله دااتاذيني فدوه عوفني

مارد بس شالني وشمرني عالجربايه هوه ساكت وهذه حالي ويه مؤتمن كل يوم يعدي يزيد كرهي اله

يستمتع من يشوفني اتوسل بين ادي مايتركني لمن يشوفني مابيه مقاومه بعد

مااصدك يخلص اليل تستلمني عمتي من الفجر متوليني من ايد الايد

واكفه اغسل اماعين واسمع عمتي اتصيح اصخاااام وييينج غلست رجع صاحت

سماح. غززل متسمعين عمتي تندهلج

--عوفيها مثل الجلب اتصيح وتسكت وحدها ماعدها غير غزل مسحي غزل كنسي غزل غسلي

--- يااا خيه اشمالج المره انبح حسها

--ولج ميته تعب حيلي انهد وهاي اتكعدني من الفجر استعداد اتكول انضباطيه وانوب ميعجبها اذا مااعيد الشغله مرتين

--خيه لان احمد عزل زاد الشغل وانتي خيه لاتزعلين تره شغلج اعوج متعرفين يلا تتعلمين

--ولج يااتعلم عمري حيخلص والشغل ميخلص وبعدين شنو اعوج انتو تتحججون موجنت يم ماما هيج اشتغل شو متعيب

--هههههه ضحكتيني ولج هيه امج اشلون جانت تشتغل ساعتين يالله تغسل استكان شتعيب سكتي خيه

--يلا اشوكت اتصبون غده جوعانه

-- الولد ميجون للغده اليوم صبي واكلي انتي اول وتالي متكعدين ويانه

--موالخدامه مالت اهلهم يخلوني اكل بالمطبخ

--بس يمر وقت وينسون تردين تاكلين وياهم وبعدين كم مره مؤتمن كلج صعدي غرفتج اكلي اهناك لاتاكلين بالمطبخ

--خلي يطير هذه الثاني اشكد بطران شيصعدني ماطول هيج خايف على مشاعري لويش ساكت ولج دااحس اديه مجمده

--خلص مي السخان وانتي بعدج غاسله بس ماعونين خره بغيرتج غزل

- اووف ربي هم يجي يوم والله يتوب علينه من هالتعب

--ياعيني وينه التعب شتكولين على ذني اليطلعن للكيعان وشغل البيت هنه اماعين وكنس عندج

--عزا هذه كله وماكو تعب صدك دتحجين

--خيه انتي مايعه ذني بدقايق اكملهن اني

-- شو سكتي اكلج مو مؤتمن كال اجيب وحده وياجن اتساعدجن بالشغل لويش بطل

--لاهاي شيليها من بالج ماطول جدتي موجوده متخلي اذا كلش شافت منلحك اطك مؤتمن بوحده رابعه

--ياريت بعد احسن

--غزل كملي غسل اماعين احسن مااهفج بالجفجير

كملت سويت لفه وكعدت اكل استوني خلصت دنضحك ودخلت الشعشبونه ام مؤتمن وهالمره غير حجي عدها وكفت يمي اخذتلها صفنه كالت كم مره ندهتج

--ماسمعت

--عساج كونج صدك تنطرمين وذني اضافيرج تعلب روحنه من شوفتهن كصيهن

--عمه تره انضاف اضافيري والبس اجفوف من اشتغل يعني مويمج

--غزل انتي امبينه ابيوم المتنطكين اتضلين اتشامرين سم

--تره اني موحيوان حتى انكتل كاليوم واضافيري محكصهن

--اتراددين بت فريال

--عمه مدا ارادد بس شغله مماذيتج بيها لويش مصره اله اسويها

--شوفي بت فريال وداعت ابني اذا ماانكصن اليوم اخلي مؤتمن يسحل بيج البيت كله

--اي والله لعد ماعدكم تسليه غيري

بالنهار انتي اتسحلين بيه وبليل ابنج يسحل بيه كرهتوني ابعيشتي ويجي الاحمار يكلك لويش انهزمتي من السعاده العايشه بيها وياهم هيج اتبطر وشردت

--ولج ويامن تحجين انتي

--وياج عمه احجي وياج انتو ناس متخافون الله وتردون بس اذيه غيركم الله ينتقم منكم وان شاءلله حوبتي تطلع بيكم

--يااا انه امك يمؤتمن تدعين عليه ولج وهاي سهله هسه جاي ونشوف هذه السانج اشلون

--موبس عليج تره دعيت حتى عليه لاتنسين وصليها كامله

هيه سمعت وهيه بدت اتغرد مااعرفت منين تنطفي لم كمشت الجفجير ردت اكتلها لان وصلتلي حدها

ركضت سماح كمشتني كالت ولج يذبحج مؤتمن غزل نعلي الشيطان

--سمااااح ولي لااركعج انتي وياها

--غززل غززل بروح ابوج انطينياه بالعباس يموتوج

ام مؤتمن. عوفيها ييمه خليها اطك ابراحتها جاغير فرعنها الجبير

--انتي خافي ربج يعني تتبلين وتغلط وامشغلتني خدامه وتعالي سوي الي على مزاجي واعرف تهاني الدازتج انتي اصلا مامنتبه لهيج شي ولج سماح هدينييييي

---يبوووو يبووووو ولكم لحكوني راح اطكني

احمد. شكووو عمه شنهو هالصوت

---تعال ولك تعال ليه يرجل بتي تعال شوف اختك

قبل لايدخل شمرت الجفجير وطلعت اركض على غرفتي هذه غبي ضرباته مومال بشر متحيون اشكد يضربني مؤتمن مومثل ضربه وحده من ضرباته

دخلت ابسرعه سديت الباب اعرفه ميتجرء يدخل وحده من غرف مؤتمن يخاف جبان

شلت ايدي اباوعهن اتريد اكصجن والله بطرانه متدري الاضفر الواحد يسواها هيه وصبوحه وعشيرتهن

دخلت للحمام المي صاير دافي سحبت من التعب وجسمي عركان جان هالكد مااشتغلت طلعت من الحمام ميته هالكانه كبل اتمددت على الجربايه اشلون راح تخلص وياكم يبيت صبوحه

غمضت رحت بالنوم كعدت على صوت مؤتمن يصح غززززززل

طفرت من مكاني وين انضم هذه يكتلني هسه اندارين بالغرفه محتاره مؤتمن هوه يريدها من الله كتلي وهسه لكاها حاضره متجاوزه على امه راح يشنقني

احتاريت وين انضم افتر شفت البالكون ركضت لان سمعت خطواته عالدرج سريعه

اكو سرقي من بره سلقيتها كنبصت همزين البالكون امسيجه مينشاف من البره

دفر الباب ودخل صاح وينج

خنست ضل يفتر بالغرفه يدورني لباله ماموجوده بعدين انتبه كاعده بالبالكون

--طلعي

--ماا

--خره بعشيرتج طلعي غزل لاتخليني اكسره واسحلج

--والله مسويت شي هيه تتحارش بيه

---غززززل فتحيييي

--مااا والله ماافتحه روح مؤتمن موكدرتك بس عليه شوفها لويش خاله نكرها من نكري

--لج غزل وروح عمي اذا مافتحي اكسره واطيح حظج طلعي احسلج

شفته عصب صدك ويدفر بالجام خفت ابسرعه نزلت ادموعي اتوسل يعوفني بس هوه جان مصر افتح الجام واطلع

--مؤتمن والله ماراح افتحه ولااطلع لمن تهدء

--يلا هاي اني هديت فتحي غزل

كعدت مكاني لميت روحي يكول هديت وهوه مشعل مال نار يفور يدفر بالباب يمكن اذا كمشني هسه يصلخني

--متفتحي مو تمام خليج اهنا لمن ترتاحين من صدك اريدج اتريحين عالااخر

غلق البالكون من يمه وراح

الدنيا ضلمه صاير اليل والجو امثلج واني بطرگ ملابسي خفاف وشعري بعده مبلل

لميت رجليه وكعدت ادفي روحي بنفسي هسه يهدء ويجي يطلعني

مرت ساعه واني على كعدتي لاواحد صعد ولاهوه اجه لااكدر اكوم راح يشوفوني اذا وكفت اخاف ابين منا العالم حسيت روحي اتكسرت بس ميته برد

مرت ساعه والثانيه والوقت مر وهوه ماكو الساعه صايره مقابيلي عيني بيها اشوكت يجي متت خوف وبرد صرت قطعه ثلج

عزا ابعيني هسه مويوميه اكل كتله وانجب شكو عندت

دكيت على الجامه بلكي يسمعني ماكو احد فتحت السرقي ادفع هم مينفتح انوب اليوم يم سماح يعني ميجي ياربي بسلا نساني هذه

احس اديه جمدت كمت ادفر بالباب اريده ينفتح ماكو دكيت صحيت محد يسمعني

رجعت كعدت صارت ال11 محد اجه تعبت لميت رجليه ضميت راسي بحظني وكمت انفخ بحضني اريد ادفه عيني بالدقايق التمر الجو احسه ياخذ من روحي على شدت البرد اصابيعي اباوعهن جامدات مااكدر احركهن الساعه تمشي واني على كعدتي هذه ناوي يموتي اليوم كلبي وكف هم برد وهم خوف

الجلاب صوتهن عالي بالمزرعه الجواي غمضت ابعد اصواتهن عن مخيلتي من شده الخوف اتتخيلهن يصعدلي وارجع اقنع روحي فوك ميلوحني

فتحت اعيوني الدنيا هندس العالم امطفيه الاضويه كلها هسه اذا اجه حرامي منو حيسمعني اذا صرخت واني مشموره اهنا

بس راح يكتلوني ثاني يوم غسل عار هاي فالحين بيها مؤتمن راح يتفنن بكتلي يمكن يصلخني بالاول وبعدين يذبحني

ياربي دخليك

سمعت طكطكه جوه نزلت ادموعي من الخوف عصرت نفسي حيل خفت غمضت اعيوني حيل وعصرت نفسي

كل مااسمع شي يتحرك جوه اكتم النفس احس قلبي يريد يوكف من الخوف الله ياخذك مؤتمن انته وامك الله ينتقم منكم الله يحركم بنار جهنم

اتعده اليل من عمري الدقايق احسبهن احساب عيني بالباب بلكي قلبه يرف ويجي

اباوع للغرفه واتحسر على الدفو البيها خليت راسي عالحايط اني وين عايشه ويامن لويش هالكد يكرهوني اريد افتح اعيوني بعد مااكدر حسيت كلبي جمد من البرد شعري المي البي صار مثلج

وصار وكت الاذان واني بديت افقد من البرد وكت نزل الندى احسه جسمي صار قطعه من الثلج بعد مااحس بي عيني بدت اتغمض احس روحي رخت بعد ماعندي طاقه كلها استنزفت كال الله اكبر وهذه الشي اخر شي سمعته بعد ماحسيت

فتحت عيوني على صوت مؤتمن وضرباته على خدودي

--غزل اتسمعيني

اتحسين بشي بويه احجي

--امم

--فتحي اعيونج شوو بويه باوعيلي شتحسن

--همست كوه بارده

--هسه تدفين

شالني للجربايه خلاني غطاني بالديباج وتمدد نام يمي ضمني اله دفعته كال كافي بس تدفين ابعد لو ميته خره بيج

--انته حبستني كلتها وبجيت

--وروح عمي نسيتج وصلت تعبان وذبيت روحي نمت نسيت اني مسلقي البالكون

--اجيت اموت من الخوف والبرد كوه حجيتها جنت ارجف واحس روحي مويمي كوه تطلع الكلمه

مارد بس باس راسي وضمني اله حيل بس بعدني احس برد موطبيعي رجعت نمت اوفقدت مااعرف بس مااحس بشي اسمع اصواتهم يمي مااكدر افتح اعيوني

مؤتمن يحجي وياي اسمعه وصوت عمتي يمي احس كمادات على راسي جسمي جمر على برد ماادري شعور مخربط انام وارجع اكعد على نفس الاصوات

حسيت شالني فتحت اعيوني كوه دخل للحمام فتح الدوش لميت روحي بردت

--همست كوه بارده

--ميخالف خلي تنزل الحراره راح اتموتين من انعل عشيرتج على هذه الاعناد

--مؤتمن فدوه سد البوري بارده

--ياعله كلبي صبري مو شعتلي اهلي

بجيت لان البرد ماتحملته حسيت مثل السجاجين تنزل على جسمي شافني ابجي لفني بالمنشفه وشالني رجعت للفراس بس صحصحت صدك المي صحاني ملابسي امبلله راد يغيرلي دفعته هوه هم بطل كام سماح ساعدتني اغير ملابسي ولفيت شعري

رجعت للفراس نمت شافني صحيت كعد مقابيلي امنتجي على رجليه يباوعلي بقلق عكسي جنت اباوعله بكره

سماح. كوم ماطولها صحت روح ناملك ساعه

--خاف هم تصعد حرارتها

--لااني يمها اذا ردت الصخونه اصحيك

كام اجه يمي خله ايده على راسي يشوف حرارتي دفعته وباوعتله بغل

--كومي اخذيلج راجدي عليش اتباوعيلي هيج

--اطلع

ضحك وكال استغفر الله ربي- ماطول رجعتي لخبالج يعني صحيتي اندار لسماح ساعه وكعديني كالها وطلع

--غزل راح اجيبلج شوربه راح اتشيل الصخونه منج

--مااريد مااشتهي

--ياعمري اكلي بلكي اتطيبين ولج صارلج يوم ونص فتيتي كلبنه

-- عزا هلكد نايمه وماادري بس هم مااريد يلا بلكي اموت علمود يرتاح

--منهو اليرتاح ولج ولله لواتشوفين اشلون طفر من نومته وصعد يركض كال ماالحك عليها ماتت يبوو صعدت وراه لكيته متسودن محتار بيج خالج بحضنه يتوسل اتفتحين اعيونج يكول والله نسيتها

--اشلون نساني اكو بشر يحبسله واحد وينساه

--والله ماعدنه زعاطيط ينظمون هيج ضمه من قبل بس اريد اعرف عقلج وين من دخلتي هيج مكان وعندتي اطلعين انوب هوه جاي تعبان نام حتى بملابسه نسه وراه خبله امسويتلها مصيبه وخاتله

--خاف اموت و يشيل ذنبي مو

--ياذنب ولج غزل اشوكت تفتهمين مؤتمن يحبج وانتي شايله عقل طفله واعناد شليتي كلبه

--لامبين بدون لاتكولين من شده حبه الي يوميه يضربني

--غزل انتي اتبطين الجبد والله يضربج ويضل ياكل ابروحه ولج تره هذه رجلي المفروض اغار

--اي لعد لويش دتحجين

--لان اعرفج ماراح تاخذي مني امأامنه خلي يحبج احسن مايحبلي وحده شو منين ويجيبها على راسي تشلع كلبي

-- ولويش ميحبج انتي

--اني مو ميحبني بس بالعكس يحترمني بس زواجنه جان غلط اول شي اني اكبر منه وثانيا ميصير عندي اطفال وهوه من حقه ذني اثنينهن من حقه وحده ازغيره يحبها واتجيبله من يشيل اسمه بس اريده يضل يمي واشوفه سعيد هاي كافيه عندي

--متغارين مني

--اجذب لواكلج مااغار بس بعد ماعشت وياج وشفت فطاريتج وخوف مؤتمن عليج لاراحت الغيره حسيتج مناسبه لحياتنه انتي راح اتكملين النقص العدنه ماراح اتخربين بينه حسبتج مثل اختي يشهد عليه رب العالمين

--بس اني مااكدر اكمل ويا جنت قبل لااروح يمكن اشويه متقبلته بس هسه ابد مااطيقه

وفوك هذه كله صار عندي مشاعر كره اله

--هاي الكره قبل الوشم لوبعده

--لااتباوعيلي هشكل تره بدون قصد سويته لبالي اخلص منه ويضل ذكرى من اكبر اشوفه واتذكر المريت بي ايام زمان ماادري راح ارجع لنفس الصخام كله من وره مصطفى هوه كلي سوي

--يمه اصخام الصخمج غزل ولج شافه مصطفى

--لاوالله بس هوه اختار الرسمه

--بلكي يسمع مؤتمن يشلع راسج

--على شنو تره مصطفى اخوي وعلى فكره مصطفى اكثر واحد بالبيت محبوب مااعرف هوه لويش يكرها

--شوفي غزل هوه مويكرها ولايريد يبعدج عنه لانو يكرها لا لان خايف عليج انتي بفتره مراهقه عقلج مويمج بعدج اصغيره وفوك هذه كله نافرته ومصطفى الله يسلمه حلوه وزغير من عمرج يكول بهذا العمر الابنيه تتاثر باي كلمه وخاف مصطفى بداعي الانتقام يفر راسها وهيه ثوله راح اتصدك بكلشي

--تره رجلج معقد ويشك حتى ابروحه واني مو مراهقه تره جبيره عمري 16 سنه

--يلا عيني لاتضوجين روحج جبيره بس كليلي مصطفى ماضحك عليج وخلاج اتنهزمين تره كلنه نعرف هاي فكرت مصطفى

--بس هوه حباب والله ماعدنه شي احسه اخويه اكثر من احمد

--للامانه واحد يحجيها حتى هوه اشوفه يباوعلج نفس النضره وخايف عليج مثل ميخاف على اخته لوشايفه اشلون اتعارك ويه مؤتمن لان سمع حابسج يوووو سواها هوسه ويا علكت بينهم للضالين كوه

فكوهم

يلا هسه اكوم اجيبلج اكل تاكلين تره زواج مؤتمن ماضال شي اله اريد اتشدين حيلج خو موهيج تستقبلين العروس الجديده

--والله اذا ماكرهته بالزواج سهله

--غزل انتي مو هسه جنتي فاقده ومريضه

--اي والله بعدني احس حماوه تطلع مني

--جا ردي لفقدانج وعوفي مؤتمن احسن وبلكي الله كم شهر ويطلكها

--ولويش خومن هسه مياخذها اصلا

--روحي قنعي جدي على فكره تراه متخبل مستعجل اكثر منه

--على شنو مستعجل عالطفل قصدج بس مؤتمن مااشوفه ابحال الطفل

-- اشلون موبحال والله من يشوف الطفل تلمع اعيونه وجدي كاتل روحه بعد اكثر يكول دخل الثلاثين هاي السنين كلها منتضرين اخلف تالي الله مارزقني أيسو وهوه هم الله هداه على تهاني بعد ماجان قافل اجت عدله وياهم

--بس مؤتمن يحب تهاني تره مولخاطر الطفل اخذها

-- والله شكلج محد يعرف شكو ابراسه لوباقيه ماشارده يمكن جا اختلف الوضع ماصار هذه كله

-- خلي يتزوج بس شوفي شحسوي والله اسود عيشته وارجعله شنو سوه بيه

--اووو يغزل اتحبين المشاكل يلا اقلها خلصي مواتكولين كارهه قربه راح اتخلصين منه شهر يبقى يمها

--اي والله وانوب كل3 ايام يالله يوصلي السره هم احسن هسه لويجيب الرابعه يكون افضل

--اكول يمكن الصخونه اثرت على عقلج خلي اكوم

ضحكتني ساعه اتغار وساعه لا متعرفيها الها ناس معينين اتغار منهم ولو حقها تهاني اتسوي اسحور هوه مؤتمن من غير سحر خبل انوب اتشربه عزا اله نشرد

هذه الاسبوع زواج مؤتمن والكل يحضر لزواجه ومخبوصين الحمد الله وره مااتمرضت عافني بعد حتى لويجي لغرفتي مايضغط عليه يشوفني ابتعد ميحاجيني يعوفني لان بعدني اسحل ابروحي

اتمرضتلي مرضه تسوه عمري اسبوع واني لاطشه بالفراش

يكلي تستاهلين حتى اتبطلين اعناد ومشاكل بس كلما تصعد اصخونتي هوه يبتلي للصبح يسويلي كمادات تعب ابمرضتي اكثر مني اني كاضيتها نوم مااحس وهوه مبتلي للصبح يكعد لمن اتحسنت صارلي يومين رجعت لصحتي

مصطفى معتذر منه وراده العلاقه بينهم بس مومثل قبل هيه قبل ومتعثره اشلونها وهسه انوب زادت بس يتحاجون قليل يعني مو كلش من بعيد

نضفت غرفتي صار اسبوع مؤتمن يفتر ويهوس صايره طشار خالها سوك مال باله موغرفه الملابس بكل مكان كملتها على السريع ونزلت جوه لكيت تهاني بالبيت جايه هيه وامها اووف حبيبت كلبي صارلي اشكد مشايفتها رحت سلمت ردت هلاشنو لحكتي اتشبعين من امج

--هى بس مؤتمن ميكدر على فراكي اجه اتوسل علمود ارجعله

سماح. حمم غزل حبيبتي صعدي لغرفتج

--لويش غير ارحب بشريحتي الجديده

--غزل مؤتمن على جيه حبيبه

--اي والله عمري مشاتقتله صار كم ساعه مشايفته

--اني اكول خلي اشتياقج ابكلبج لايطلعلج شي يطلع الاشتياق من اعيونج

--دوخري انتي اكلج تهاني مادريتي غرفتي صارت لزك ابوجه غرفتج

-تهاني -عليش انتي موش جوه

--لاع نقلني فوك يمج كال اول ايام لازم اكضيها يمها ومااكدر على افراكج اريدج هيج لزك بخلقتي

--اي عليش لا غير حرمته

--اي عفيه خليها ابراسج اذا ماحرمت عيشتكم مااطلع غزل

عفتها ادردم وحدها ورحت للمطبخ لكيت مصطفى يبحوش بالثلاجه

--شدسوي

--ولج جوعان وماكو اكل

--همه افكور اشوكت جابو اكل

--خره بشكلج اليسمعج يكول صدك بس كولي الجلبات يفرغنه

--يي موهاي رجاء وسمر صارلهن يومين اهنا علمود زواج التحفه ذني اوافي ميخلن شي

-- عوفج من الاوافي شوفيلي شي اكله

--تمام اعرف اسوي مخلمه

--ولي غزل كلما اشوف المخلمه اتذكر كسر رجلي كله ابسبب مخلمتج

--هههه لعد كايلتلك صير اثول وافضحني وياك

--لج بابا لاتتجاوزيييبن

--اااا شعري وخر العفو يلا مااغلط بعد

كعد واني اسويله المخلمه واكفه يمه عالطباخ

--مصطفى

--هلا

--اشلون انكتل بابا

--انتحر من وره صبوحه ومؤتمن

--الله عليك

-- لايابه مااعرف كل الي اذكره عركه امي والجلب ابوي من راد ياخذ امج بس عليش اتسالين

-- اكو شي ضامه مؤتمن ميرضه يكوله هوه وماما

--مؤتمن اذا اتعصر يفيض منه اسرار الدنيا خرب بلشته اشكد يحب يكتم ولايهمج انطيني كم يوم اجيبلج ابوج من كبره مو بس السر

-- شتكول انطي املاكي لجدو مقابل يطلكني من مؤتمن ويرجعني لماما

-- اكبر غبيه وروح عمي مؤتمن يحركج انتي واملاكج ومايطلگج لاتصيرين غشيمه لعبيها صح غزل شغلي مخج لاتضلين اتطلعين من طينه اتطمسين بغيرها

--اشلون

-- شغله ماكو اسهلا منها خليج وراي انسويلهم جلطه ثلاثيه الابعاد شرط جدي وصبوحه نفس اليوم اذا ماانجلطو مااطلع ابن الاثول ابوي

--ومؤتمن

--هذه ميهمه الفلوس هذه جلطته يمج يلا ماخلصت الطلابه البيدج

--لاهياتها خلصت

كملتها خليها يمه وكعدت اكل ويا اكولك مصطفى انته هذه طولك طبيعي لو تاخذ فيتامينات

--تره اني اكصر من رجلج

--لاعيني موهيج انته اطول

--ولج وداعت صبوحه اكصر بس هوه ضايع بالعرض ماامبين عليه

--سديت نفسي هسه انته اله اتجيب طاري

--حممم

--شكو غصيت مو داكلك لاتجيب طاريه هذه عكره حتى الواحد يغص من يذكره هيج احسلك اشتعل مؤتمن

اني مستمره بالغوه شفته ايااشر وراي هوه اشرلي بحواجبه وحسيت الضربه ابراسي من وراي اجيت افوت بالماعون شلت راسي شفت مؤتمن كال عليش سكتي كملي

--هااا

باوعلي صفح وكال هاي شمسوين

--مخلمه

--سويلي مجال كالها ودفعني كعد -- وانته عليش مااجيت للمصنع اليوم

--جان عندي معامله جددت هويه السوق

--تمام حضرو السيارة للزفه شوفو شنو ناقصكم لخاطر انجيب الباقيات لاتفشلونه چدام العالم

--لاكلشي حاضر لاتشيل هم

--ميحتاج اشيله الهم يمي متربع

انداريت كلتله اكولك مؤتمن

--كولي بويه

--اريد ملابس واروح للصالون

--ملابس لبسي من سماح وصالون ماكو

--لويش يعني

--هذه الموجود

كالها وكام بيده لفه امسويها ياكل بيها اشلون حرك دمي خلاني اكمز من الحركه

--سمعته

--ولايهمج اني اجيبلج لاتضوجين

--اي علمود يسويها كربله عليه مااريد اصلا مااروح

--ثوله ولج روحي ولعبي لعب حركيهن اشكد اعلمج بيج

--لعد اشلون اروح امعفسه

--وعلاساس رايحه لقصر الاميرات ولج انتي رايحه لحديقه الحيوانات روحي خوي و مااوصيج طلعي شكو غل ابكلبج بيهم خربي العرس ولاتهتمين اني ابضهرج

--اشلون يعني

--لج بابا لعبي لعب واذا على الملابس اخذ هيفاء واجيبلج التردي واذا بيج حظ حتى ليله العرس هم خربيها عليه

--اشلون اخربها

ضرب كصته كال اني اعلمج يحضي من امداي انتي هم مره لو شنو وضعج وين كيد الانساء ولج ربع كيد ماعندج انتي رب الثول

--لعد غير اتعلمني اشعرفني واخاف مؤتمن يكتلني خلي يمعود يتزوج بلكي لنه امطلكني

--ميطلكج لوتطلع نخله ابراس صبوحه لج بنتي افتهمي

--تمام ادبري شغله وحتى ملابس مااريد راح يعرف منك هسه يسويها هوسه عندي بدله قصيره مال زواجي حلبسها نفسها محد شايفها

--حلوو روحي والهوه ابضهرج

بعد يومين عن زواجه واحنه مخبوصين بالشغل باجر الحنه طلعت ارواحتنه بالشغل

اخر شي كمت ابجي لان تعبت جان داخل وشافني ابجي اشرلي شنو الصاير كلتله تعبت اشتغلت اهواي هز ايده ضحك ودخل

وهاي اول مره اشوفه يضحك بعد رجعتي لهنا ابد ماشفته يضحك

كلهم لبالهم مقهوره على زواجه بس اني اي مشاعر ماعندي اتجاهه يعني يمكن فرحانه بالعرس حالي حالهم ماعندي غيره او احس شي داخلي

حياتي ويا ماشيه على قانون انو لازم استمر واعيش لااكثر ولااقل بالنهار ويه اهله اشتغل بليل يوم يمي ويوم يم سماح بس لازم حقوقه الزوجيه ياخذها كامله

هاي جانت المنغصه حياتي لو يعتقني متحمله عيشتهم ماشيه وياهم لحد مالله يفرجها يجي يوم وتفرج عندي امل بالله جبير

صار اليل رحت لغرفته سماح اريد اشوف شنو البس باجر لكيتها امسويه هوسه بالملابس تلبس وتنزع دخلت اساعدها بالاختيار بس متقنع طلعتلي فستان مستور وطويل كالت هذه الج مؤتمن جابه

--صدك كل عقله البس هذه

--والله غزل هذه الموجود

--تمام بس اكسسوارات شنو حلبس ويا

--مااعرف وين ذهبج

--سوده عليه منيلي ذهب رجعت لكيت كلشي ماكو

--اوكفيلي خلي اشوفه كنتور مؤتمن اخاف ضامه عنده

--فتحت كنتوره طلعت علبه صدك بيها المداليه والكلاده الجابها جدو الله يحركه شفت الفون مالتي اشكد كلبي نتف علي شلته اول شي ماقبلت كلتلها بس اشوف البداخله والله اشتاقيت لذيج الايام

كعدت فتحت الصور ضليت اكلب ودموعي تنزل هاي ماما وهنا كاعدين نضحك اهنا بالمدرسه ويه صديقاتي عمو قتيبه حاضني ويضحك هاذي شقتنه ذكريات طفولتي غرفتي غمضت اعيوني اتخيل روحي داخل غرفتي بين العابي بعدني ذيج الطفله الكل همها اتخلص دراستها واتشوف فلمها المفضل وين اني بهاي الذكريات اشجابني اهنا لويش اتدمرت وضاعت احلامي شنو السويته وخسرت حلمي

انفتحت الباب فتحت اعيوني ومسحت ادموعي ابسرعه لان دخل مؤتمن شمرت الفون وكمت طلعت رحت صعدت لغرفتي

يردوني اعيش واتااقلم وياهم بكل سهوله لازم اتحمل كل اذيتهم وضل بس اخدم لامستقبل ولاحتى رجل وياي هاي اني متزوجه واحد ماطايقته وباجر تجينه الثالثه والله اعلم اشوكت تجي الرابعه نخدم ننضرب ننهان كلها لازم منعترض نكول تم

راسي راح يطك والله يمؤتمن اذا ماكرهتك بروحك واخليك تندم عالسويته مااطلع غزل سهله على كولتك

انته صدك ميمشي وياك غير كيد النساء وهذه الشي راح اسوي وياك حتى لو اجي على روحي ميخالف اتحمل بس انتقم منك انته وجدي كل واحد راح يكون انتقامه بالشكل الي يحبه انته اعرف شنو ابراسك وجدو الفلوس وذني اثنينهن عندي

قررت من صدك انتقم منهم ذوله سودو حياتي لازم اسود حياتهم واكلبها حجيم

كمت للحمام غسلت وجهي بدلت ملابس رحت للكنتور طلعت بدلت زاوجي اشلون زواج بس هاي تكفي بالغرض خلي العب على اعصابه اشويه

اخذتها ورحت يم الميز طلعت مكص فصلت الصدر عن البدن بيها احزام هيه رهمت شلعت التور الي بالصدر وكصيت من طول التنوره مالتها رتبتها خليتها متبين اني امسويتها رحت ضميته عن لايشوفها دخلت للحمام غسلت شعري غسل مضبوط وسويت جسمي اليوم مجازه بعدني يعني مؤتمن بح ماكو يطبك مخدته وينام

كملت رحت انام دخل مؤتمن راح للحمام عفيه اشكد يسبح

طلع كالعاده لازم ينكث شعره مينشفه ويجي ينام كعد انتجه وورث جكاره اخذله اشويه وكال عليش جنتي تبجين

انداريت لجهته عدلت المخده رديت اشوكت

--من جنتي بغرفه سماح

--مااعرف

--بعدج اتحبي

--منو هذه

--غزل جاوبي ادري كلبج وين واعرف كل رفضج الي لان بعدج تردي

--تره انته فاهم غلط ماعندي شي ويا وكم مره كلتلك لويش مدتصدك

--كم مره طلعتو من رحتيله

--ماطلعت

اندارلي شفت اعيونه حمر كال احجي بعد متفرق كولي بعدج اتحبي كولي مااكدر بلياه

--والله مااحبه لويش متصدك

--اتكرهيني غزل

--مااعرف

--لاتحبيني مااريدج اتحبيني بسلا اتكرهيني بغلات امج صح زواجنه وحياتنه صارت كلها غلط ومااجت عدله واعرف ضلمتج اهواي وياي بس جنت مستعد اسوي كلشي لخاطرج جنت مستعد اصلح كل الغلط السويته بس انتي غدرتي

--اني ماغدرت مؤتمن اني ماكدرت اكمل وياكم ليش متصور الشغله سهله اتجيبلك وحده واتكلها هذه زوجج ولازم اتعيشين ويا ومتعترضين وانسي كل حلم حلمتي بي واني كل العشتي واطبعي مو لانو ماما موعلى وافاق وياكم وكالتلي عوفيهم لااي وحده جان سوت السويته

--عليش خليتيني اتامل عليش كلتي انطيني مجال واني اطبع خليتني اعيش بوهم وصلت مرحله اردت احققلج كل احلامج

--مااكدرت اكمل والله مؤتمن وداعت ماما اهواي حاولت كلتها وبجيت

لان مااتحمل واحد يشيلني ذنب جان يحجي ويانه مبين مجروح من الي سويته مااتحملت نضرته الي وهوه يعتب

--كافي لاتجين التردي يجرالج يبت عمي

كالها واندار نام

--مؤتمن

--نامي غزل

كالها و اخذ حسره طويله وسكت ماسمعتله صوت شنو يقصد يجرالج التردي معقوله راح يعوفني اذا طلبت منه لو شنو قصده

صار الصبح كعدت على صوت طكطكته بالغرفه شلت راسي جنت نايمه على وجهي باوعلي رمشت اخذتلي صفنه اريد احمل سالفته شفته يضحك واني بعدها النعسه بعيني رجعت نمت

اجه يمي حسيت كعد قريب

--غزل اليوم زواجي

--اممم

--شنهو امم شفتهمت منها هيج يعني مافارقه وياج

--اذا كلتلك بطل راح اتكنسل

--شتكولين تستاهلين اسويها ؟

--لعد هاي هيه ماراح يجيب اعتراضي نتيجه

--مااكنسل بس اكو اهواي اشياء تتغير

--مؤتمن وخر اريد انام

اخذ حسره وكام كال صار الضهر كومي

--لويش ابيش الساعه

--ب8

--وهاي الضهر يعني هسه كايمه يلا بس اصحصح

--البارحه جبتلج فستان يم سماح اخذي وهذه شعرج لاتفتحي من ترحيت

--لويش بعد خوكلي لبشي شيله

--صوتج لاتعلي لاادوس على راسج

--مؤتمن انته ملاحظ شنو دتحجي

--غزل مترحين اذا لكيتج متحركه من الباب اصلخج كالها وطلع امعصب على شنو يعصب يعني صدك ديحجي اشلون حركان دم من الصبح يربي يعني ابقى بس اشتغل وحتى للعرس مااروح

كمت واني كلبي يفور بس واحد يكلي بز ابجي يعني ضاعت كل تحضيراتي بالخالي بلاش نزلت لكيتها صايره هوسه رحت للمطبخ لكيتهم يحضرون الريوك سمر جانت عالسنكي واكفه

وخري خلي اغسل وجهي

--اي عليش لا اخذي راحتج مبروك زواج مؤتمن

--الله يبارك بيج حبيبتي يوم الج بس اشك بهاي خلقتج منو ياخذج

--غزل والله اروح اكله اخلي يطكج

--ولي من وجهي روحي طالعه سمر لاتخليني هسه امرعطج

--صاحت سماح ياااا شجاجن من الصبح

سمر. نزلت اتذب بسمها والله شنو اتزوج وعافها مثل الجلبه ماسال عنها واحنه شنو ذنبنه

--انتي بالذات متحجين عن الزواج عيب بنتي

--شنو يمه عليش عيب تره اني اكبر منج

--اممم بس بايره من واحد لواحد يشمرون بيج فعيب اتجيبين طاري شي نفسج بي وماطايلته

--لاانتي زوتيها هسه اعلمج اذا ماخليت مؤتمن يسحلج

--طيري انتي ومؤتمن اشلون اثنين ولي منا

عافتني ومااعرف وين ولت طلعت كالت سماح

--غزل اشبيج

--كال مترحين للحنه

--اي عادي وشنهو بيها المفروض انتي صدك مترحين اتخلين عندج ذره احساس

--اكلج سماح روحي طالعه لاتحجين هوه يتزوج ومتونس واني لازم اخدم بي هاي وين صايره

--غزل حبيبتي غسلي الاستكاين امبين انتي فايخه وتردين مشكله يلا العالم كاعده

--وشكو العالم جايه من هسه صدك ماعدهم ذوق

دخل مكرم كتل منو ذوله الماعدهم ذوق شصاير من الصبح هوسه

--ماكو شي بس غزل اعصابها تعبانه يلا يخوي تتعودين وهسه اتصيرن صحبه

سماح. ياصحبه هاي ضايجه لان كلها متجين عالحنه

--استغفر الله هاي البيت اذا طلعت شايله ذرت عقل اطلع ماافتهم يلا كملتو الريوك

جنت بس اسمع ماارد لان الدمعه ابعيني ابحال البارحه كله احضر دخل مؤتمن بدون لايحجي ابسرعه سحبني من شعري وكال غزل اليوم بالذات اذا سمعت صوتج اموتج تحترمين نفسج وتردين غرفتج مااريد اشوف وجهج لباجر اسمعتي

--مم

--اسمعتييييي

--اي والله اااا شعري اشبيكم وياه اذا ماكصيته وخلصت منكم سهلا

--حتى وروح عمي اكص راسج وراه اذا بيج حظ عمليها

سحبه مكرم كله يخوي دعوفها اشبيك

اني رحت صعدت لغرفتي الله اعلم شموصلتله سمر

مر الوقت واسمع صوت الهوسه جوه والاغاني شاعله الجو ضليت اطفر كلبي محترك صدك ماانزل عود غير انط واموت بس اخاف انزل ومؤتمن يكتلني كدامهم واتفشل ضليت كاعده واكل بضافيري اشلون لعد حكيدهن ماكو غير مصطفى بسلا مصطفى راح ينكتل وياي مكرم اي ماكو غيره مؤتمن يستحي يحاجي اذا كال روحي ماضل وقت للحنه

كمت نزلت على كيفي واكفه على الدرج اريد احد يمر اصيحله ماكو اختفو موهذه البيت مليان ناس خرب بحظي

نزلت رحت للمطبخ ابسرعه لكيتهم يحضرون صينيه الحنه اول ماشفتها حسيت كلبي نغزني مااعرف شنو بس عصرني كلبي هيفاء اتحضر بيها رحت يمها شالت راسها باوعتلي ودنكت

--لاتضوجين غزل والله يحبج الج وكلنه نعرف هالشي بس هذه رد اعتبار اله لان سويتي هيج بي

--امم رد اعتبار يزوج يلا يمعوده اصلا ماضايجه تره عادي

--الله يبرد كلبج رايده شي

--اي عفيه صيحيلي مكرم

--يااا مالكيتي غيري ولج اني اشوفه وحدي اخرط انوب اصيحله وكدام العالم روحي غزل شوفيلج غيري

--انتي تاليتج يمي تبقين من وره فهاوتج

--شوف منو تحجي على الفهاوه

--فدوه شوفيليا حبابه راح ترحون مو

--اي مابقه اشويه وانروح

--فدوه لخاطري ولج اذا مارحت اموت اهنا بس صيحيلي ابسرعه ولاتحجين من الباب فدوه

--ماادري رايحه بس اذا لكيته يم الولد تره من هسه مااصيحله

رحت واني واكفه اندعي بلكي تلكي وحده اشويه ودخلت وجها احمر ضحكتني ودخل مكرم عاكد احواجبه كال خير غزل شكو

--فدوه فدوه مكرم ماكو غيرك يكدر يسويها

--خير كولي ركبتي الج

--اريد اروح للحنه وميقبل مؤتمن بس اذا انته كلتله راح يقبل

--ههههه ديلا لبالي بيج شي روحي استعدي واني اوديج مالج شغل بمؤتمن اني احاجي

ركضت صعدت احتاريت شنو اسوي اول شي من استعجالي تيهت وخاصه سمعت سيارت النسوان طلعت اجت الدمعه تنزل ابسرعه ابسرعه لبست اتذكرت ماصبغت جسمي اووووف الاستعجال خرب

اخذت نفس غمضت اعيوني حتلو اتعطل ميخالف اهم شي اطلع حلوه غزل اخذي نفس ريلاكس ريلاكس

نزعت البدله صبغت جسمي همزين شعري مخلصه منه قفلت الباب وخليت جسمي ينشف مالبست رحت للميز سويت ميكب نضيف وهادء طلعت الحذاء هسه وقت البدله همزين نشف جسمي لبستها ورجعت مشطت وعفته مفتوح لبست المداليه الزغيره شلت الحمالات حيل طلعت البدله ارتب نزلت التنوره طلعت اشويه من بطني بين الوشم مسحته عدل لان صار على لون ابيض لبست الحذاء لبست حجاب وشال هسه كملت نزلت لكيت مكرم امتانيني يم الدرج شال راسه اشرلي ضمي وجهج

ضميت وجي وطلعنه من باب الخلفي لكيته امقدم السياره صعدت

--گلت المؤتمن

--لا اريدها مفاجئه يشوفج لزك بجهرتج

--عزاا هسه يسحلني بين النسوان

--خلي يثبت روحه وبعدين يتذكر السحل

--اشلون يعني

--سلامتج خويه بس سكتي متنسحلين امني اني انطيج ضمان

--وصلت لكيتها صايره هوسه كال لولابسه عبايه مواحسن

--لاع اطلع مثل بات مان طايره

--استغفر الله انتضري خلي اخبر سماح تطلعلج لاتنزلين

نزل يخبر اشويه وصدك اجت سماح طلعت نزلت دخلت وياها وهوه راح صايره هوسه دخلتني لغرفه جوه كالت بدلي همزين جبت الفستان كلت غزل متكعد هسه تجي

--انطينيا الفستان وطلعي

اخذته وهيه طلعت نزعت لكيت التنور طافره ليفوك خرب بحظي يمكن كصيتها اهواي اشو زغرت هاي صارت شورت مو تنوره خرب

نزلتها كوه رتبت روحي وكفت يم المرايه لمسات اخيره واروح اشوف حبيبت كلبي صبوحه وجناينها

كملت طلعت دخلت للصاله تايها مااعرف الناس بس يباوعلي مستغرباتني ادور على سماح لو وحده من البنات ماكو اكو وحده كاعده كلتلها عفوآ

--دااسالها اشو هاي كالت عليش يخيه غلطتي وجاي تتأسفين

--عزاا هاي العفوا تستعملوها بس من اتغلطون وتعذرون كلتلها لاخاله بس دااسالج عن سماح مرت مؤتمن وين

--يااا منين انتي

--اني مرته الثانيه اني كلت هيج وهيه صاحت ياااا كمزتني من مكاني

هاي انتي بت البغداديه

--اي خاله اني

--يااايخاله جاليش اتزوج من عنده هيج طيره

--لاخاله اني موطيره بشر عفوا بس اكو فرق بين الحيوان والبشر ممكن اتعدلين كلمتج

--يااا وانوب شوف مااعرف اشتحجي يربي ولجن تعالن شوفن هاي مرة مؤتمن

سحبتني وراها وفرت على النسوان اني مثل الثوله اريد الحك عليها مااكدر الكعب لابسته كولش عالي والتنوره طافره استلمني من ايد الايد هاي التجر شعري واتصيح يع هذه شنو يختي شعرج جنه باروكه

وهاي التجر ابتنورتي اخروحده صارت نيتها تكشط بطني اتريد اتشوف الرسمه حقيقيه لوطبع

وكفت اجت ادموع تنزل خفت منهن مااعرف اشلون اشرد واكثر كلامهن يسالني مااعرفه شنو نقذتني هيفاء من اجت كالت وينج اول مشافتني شهكت شنو ولج صدرج كله طالع اذا شافج مؤتمن يذبحج

--عوفج من الصخام خلصيني حيكتلني ذني مومؤتمن

--دتعالي راح يجلون العروس

رحنه دخلنه لمكان جبير بس يمكن ديوانيه مااعرف كاعده العروس لابسه بدله حمره وخاله ستين كيلو مكياج وكاعده يمها صبوحه وشعشبونه يصفكن ويهلهلن وهيه شاكه حلكها من الاذن للاذن

رحت سلمت عليها وعلى بيبي وكل الاسلم عليها لازم تشهك وترزلني اشويه يلا عادي اتذكرت مصطفى من وصاني العب بعصاب مؤتمن وخرب عرسهم ضحكت وكمت صارت وكت الجلوه خلو وصله على راسها وكفت يمها كمشت الشمعه

واتمايل ويه الجلوه المله ضحكت وكالت يم الالج

--لاخاله اني متزوجه وهذه زواج زوجي

--ياا صدك يخاله

--امم

--صدك الله ينطي تراجي للماعنده اذان يعوف هذه الجمال ويتزوج

ضحك وكلتها كمليها خاله يتزوج صخله وطكيتها ضحكه بصوت عالي هيه استحت المله وضلت تتاسف واتكلها لاوالله يخاله انتي هم مامعوزه وحليوه

--بعد ميفيد انتي جفصتي يخاله عزا اريد اسيطر من ضحك ماكدرت

خلصت الجلوه المله غنت اشياء مامطروقه قبل مسامعتها بس حلو واني وهيفاء بالنص نركص اجت سماح جرتني كالت تره مؤتمن على جيه غزل روحي لبسي تره الف مره اكد كال لاتخلوها توصل اذا اجه ولكاج اهنا وبهذه المنضر ماعنده مانع يعوف العرس يسحلج

--تمام بس خلي اكمل اشويه والله حرمات ونسه قبل لايجي ادخل جوه وهوه شكو جاي

-- جدتي اصرت اتريده يلبس الذهب ويطلع

--اشلون قبل

--كالتله اذا مااجيت مااحضر للزفه وروحن بيت احمد بعد متشوف وجهي

--عيع اشكد صلفه متكول خطيه يخجل شي

--لاتخاف على مشاعر تهاني واتريد اتغيضنه مولبالج فقيره هاي

--ؤك خلي اكمل هوسه وياها هسه ارجعلج

--تره مكرم خابرني يكول ماكلتله امعصب ميتحاجه اني وديتها وابتليت مايقبل خلي تتحضر واني جاي عليها

--اي تمام بس اشويه

عفتها ورجعت اهوس بالنص خلي اكيدهن والله بطرانين ذوله يخافون على مشاعر اصخام غير بعد مااطلع منا لوتسحلوني وهم اكمش بصبوحه بيد وايد الثانيه اهامش بيها حتى اتعوفوني والله يالله لعد اشلون ادقكم

صبوحه اتهوس بالنص ولااتكول مره جبيره وشعشبونه وياهه سماح كل عين اشكبرها من البجي غبره متفتهم

واني دخلت ويه صبوحه اهوس اشكد هلوه هوساتهم اطفر وياها واصفك خليتهم كلها صافنه عافو العروس وملتهين يسالون عني اشويه وكالو العريس راح يدخل

كعدت البنات ولبسن حجابات اتحضرن وهيه انسبت اتعدل ابروحه اوووف اشوكت يدخل صار عندي حماس اشوفه هوه وعريس اجت سماح تسحب بيه وتتوسل ادخل جوه لوالبس شي

دااطلع ودخلت هيفاء كالت مايجي مؤتمن ميقبل يدخل يم النسوان انطاني الذهب اني البسها و يكول اتهيرن ماضل وقت

كامت بيبي كالت شنو ابكيفه ميدخل وتهاني امتانيته راحت اتصيحله طلعت وتهاني نزلت ادموعها لان بعدها بلا حنه لسه امتانيته وهوه لطم باام السالفه ميقبل دزاينه يخربه

من سمعت ماكو ميجي سماح عافتني ركضت جوه عدلت مكياجي وعدت تمشيط شعري اسمعهم يهلهلون يمكن دخل عدلت تنورتي ورحت دخلت شفته استوه ديدخل لابس خليجي بس لايكله طالع توب صرت ورا جان امدنك وهوه داخل گوه على اعصابه امبين مغصوب لان بيبي كامشه ايده وداخله وياه

اول شي من شفته حسيت گلبي ينبض مااعرف لويش هالشعور احس بي

نعلت الشيطان اني جايه اخرب العرس ويني وين هالشعور

هزيت راسي شلت الفكره ورحت على السريع وراه وصلت يمه قبل لايكعد كمشت جف ايده بثنين

اديه و اعصرتها حيل دار وجهه ---

السادس عشر من هنا

تعديل المقال