رواية الهجرس الفصل الرابع عشر 14 بقلم رواء هادي
جاء بارق هو سكت بعد ماجاب طاري بارق بنيته يتعلم يستخدم السلاح بحترافية خطية مايعرف وعمي مستهين بي مايقبل يشيل سلاح يكول
أخاف يروح يكتل واحد ونبتلي ايده رخيه عاد اخذناه انا وياسر الكاع جزيرة طير الطاير ماكو هناك دائمآ أتدرب على رمي السلاح خلوا ابطاله كزاز
وقواطي كعدت ارمي كلهن صوبتهن وحدة ماضيعت بالرمي وراي ياسر بس وحدة ضيعها
ياسر_هاي شلون ؟
هجرس_اعمت عينك ههههه
ياسر _يمكن صدك هههه
بارق_انطوني خل أرمي
هجرس_دخيلك لتكتلنه
بارق_انجب شنو اكتلك دنطيني عاد حسرة بقلبي صارت لزمة السلاح الزعاطيط ترمي
وانا لا انطيني .
هجرس_ههه خرب ملخ أيدي
ياسر_ملهوف هههه
بارق_اي
بقيت أراقب بي ....ضرب فوك ال٨ طلقات وكلها خالي بلاش ماكو نيشان عنده رحت وراه لزمت أيديه بيديه وصوبت المسدس بتجاه قوطية
صوبت اجت فيت بيها .
هجرس _خلي ايديك ثابته وتركيزك على الهدف
بارق_تمام ...
ياسر _يله ياسبع يله يابطل يله بارق البطل صوب
صوب بارق اجت بالمكان طير القوطية خطية طار من الفرحة وصار يكمز مثل الجهال الصغار
بارق_شفتوا بنص اجت ههههه
ياسر _مو كتلك بطل هههه
هجرس_اي عفيه عيد مرة الثانية
بارق_لعيونك هاي
ياسر_عيونه يموتن الكلب ابن الكلب هههههه
بارق_اي وعلي هههه
هجرس _طاح حظك مخلي عينك على اعيوني .. هسه ينعمن أعوذ بالله من عينك تحرك
الخظر على اليابس
بارق_هههه
ياسر_اعيونك اعيونك كتلوني كتل ابن وائل
ضرب بارق وهم بالهدف خزرت ياسر أدري بي عينه تصوب وبالمكان هسه يصير بي شي ... جوووز مني كلب ابن الكلب جووزز لا يصير بي شي ؟
بارق_كلشي مايصير هههه
ياسر_هاي شبيك فرقد ابو عيون حلوات
هجرس_اليوم انعل ابو يابو الخلفوك تعاال كلب تعاال .. وين تروح اكضك اكضك .. تعااال
هو يركض وانا اركض وراه سريع جان كلش عبالك غزل ويطفر كل طفره بطول بارق وانا وراه اصيح " اوووكف .. ولك اوووكف ابن قحطان اووكف .. .
ادري غزال وتكمززز
ياسر _غزال ومايصيدونه هههه ..
خايف لا يكتلونه ههه..
بارق_ههههه جهال بالقرأن أنتو ههههههه
هجرس_ولك اوكف تعبت بالقرأن اوكف
ياسر_مو كتلك غزال ومايصيدونه خايف لايكتلونه ..تريدني اوكف وتصيدني وتكتلني ههههه ..
وكفت ... مابي حيل أركض وراه هو مثل العزال برق يركض ويكمز نحنيت ظهري وخليت ايديه على اركبي والهث من التعب هو واكف لازم صفحته
ويلهث ويباوعلي بضحكة ...
كبرت فرقد ههههه
هجرس_ انعل عرضك
ياسر_هههههه
بارق_ من عابتلكم جهال وتتعاركون
ياسر_وانا شعلي هذا اخوك المخبل فوك ماتغزل بي ماعاجبه ويريد يكتلني هو منو متغزل
بي وجه النعال .
بارق_هو مره وتتغزل بي
ياسر_مو شفت بعيونه اعيون لاحبها ههههه
بارق _ههه خرر.. بيك ياسر مالكيت غير عيون هجرس تشبها بعيون حبيبتك شايف هجرس
حبيبتك هههههه
ياسر_ااخ هو ...
اعيوني صاروا برأسي كمت ركضت وراه هو طار تعثر وكع وكعت فوكاه كفرت بي كفران "... عينك عينك تتغزل
بأختي كلب ناقص ..
ياسر_ااااخخخ ولك ااخخخخ كسرتني مخبل ... بالقرأن اشاقه شبيك ااااايييي لحكلي بارق اااخخ والك كافي
موتني كافي ..اااخخ
بارق_خرررر.. بيكم اثنينكم ساعة السودة من طلعت وياكم عبالي خوش اوادم طلعتوا جهال وتتعاركون .. شو عوفه ولك عوفه تخبلت فرقد عوفه
جرني بارق دفعته وجريت ياسر نومته على بطنه وكعدت فوك ظهره شمرت كل ثكلي "
هجرس_ تجرأ وتعيدها
ياسر _توووبه إذا عدتها توووبه اروحلك فدوة انزل.. راح يصير بي انزلاق
بارق _ولك تخبلت فرقد؟
كمت من فوكه اباوعله بعصبيه كعد لازم ظهره واعيونه كلها دموع بس مابجه كدام بارق عينه كوية
وتحمل الوجع يخزر بي
ياسر _الشاخط المخبل
هجرس_شجابك علية
ياسر_مو لا...
هجرس_وتالي ياسرررر
ياسر _من كرص لكرصك شبيك تصيح هو انا شكلت
وكبيت من مكانك
هجرس_يله كدامي للبيت لو اعوفكم وأمشي وخل تاكلكم الجلاب والضباع والذياب
بارق_دخيلك ربي أمشي ياسر هذا مخبل ويسويها
ياسر_قابل ماعرفه
مشوا كدامي مشيت وراهم نظراتي على ياسر ادري بي مو قصده ولسانه فليت مايكدر يضبه بس لازم اسويله جر أذان علمود لايعيدها مرة اللخ .
ويتغزل بأختي كدامي .
رجعنا للبيت ياسر بات عدنه راد يروح ماخليته الطريق مو أمان هو بيته بالمدينة والطريق كله مخاطر وداعش
بكل مكان متواجد صح بمنطقته أمان وماكو شي بس بغير مناطق وقريبة عنه عناصر
داعش منتشرين بكثره ... وأخاف يصادفوا ويقتلوه عاد نام بغرفتي فوك وانا بغرفتي جوه حنونه صايرة بين اعيوني كل ليلة مكابل صورها واكعد
لو افتح مقاطع فيديو واكعد اباوعلها بشتياق رفعت رأسي جانت الساعة بال١٠ ليلاً فزيت من سمعت صوت باب الغرفة يندك سديت التلفون وكمت صحت من مكاني
_منو ؟
_شنو مامشتاقلي فرقدي ؟
أبتسمت تلقائي نفسي من سمعت صوت حنونتي بس دكيت ثكل ورديت " شسوين جايه ؟
_اجيت أشوف لمايسأل عني وعن احوالي
فتحت نص الباب ولازمه بيدي واباوعلها جانت كاشخة
ومكياج وجايبه غراضها وياها بقيت مصدوم
طلع جدي وراها وكال
جدي_هاي جبتلك حرمتك مو تكول حالف ماترجعها انا رجعتها الك يله دخلها جوه وبس تحجي اكسر
راسك وراس الخلفوك .
هجرس_ تفضلي
جدي_ عفيه عليك تصبحون على خير
هجرس_وأنت من اهل الخير جدي
فتحت الباب الها دخلت مبتسمة رجعت دخلت غراضها بقلبي طاير من الفرحة وأخيرًا رجعت حبيبه قلبي حنونه لمشتاقلها موت بس كبريائي عالي مايخليني أنزل
نفسي وأروح ارجعها
نزلت الغراض وسديت الباب ورجعت قفلته نزعت الحجاب تفاجأت شعرها قصير صاير ويادوب شادته ذيل حصان صغيرون وصابغته بني
_هاي شنو وين شعرج ؟
_قصيته
_شلون تقصي بدون علمي
_هه صارلك أشهر ماتسأل ولا تكول همزين حسيت على نفسك عندك مره جان شعرها طويل
وجاي تعاتب بيها .
_من ايدج ماسأل عنج
_وشمسويه اني
_هلاوو مطورة اني
_اي وهذيج حنونه ماتت هاي غير هذيج
_واضح هواي وياريت متغيره للأفضل
_ليش قبل أسوء
_اي
_بنظرك يمكن بس بنظري لا .عالعموم فرقد اريد
احجي وياك بموضوع مهم
_اي احجي ست حنين جدوع
راحت كعدت خلت رجل فوك رجل اباوعلها بتركيز ضعفانه أكثر من قبل وصاير بيها شوي شبه طول من ضعفت
قبل لا تحجي حجيت
_ضعفانه ؟
_اي سويت دايت
_اووي دايت ههههه
_شبيك ؟
_ماحب هيج انا احجي عدل
_مشكلتك هاي ...اسمع انا رجعت علمود جدي جاء ورجعني والله لما جدي فلا أرجع لعندك واخليك تحلم تشوف
طولي وتنام بطولي فرقد
_ هه
_تستهزء !!
رفعت جتوفي الها نزلت رجلها بسرعة وكامت تخزر بي أبتسمت تك خد وكتلها " عادي مايهمني
_مايهمك ؟
_اي
_تحجي بكل ثقة فوكاها
_هذا انا من يوم يومي واثق بنفسي
_هاي ثقتك الزايدة بطلها فرقد
_ولما بطلتها شراح يصير ؟
_اعوفك للأبد
_شليفه هذاك الباب يوسع جمل ترديت تروحين
روحي مالازمج
_تطردني فرقد
_مطاردج انا بس جاي اكولج تهديد ماينفع وياي
انا لاهدد مو اتهدد فهمتي
_هيج صارت
_تعرفيني سريع الغضب وتخلى عن نفسي نفسها إذا عارضتني مو حبيبتي وحبيبه الطفولة احسلج اكعدي عاقلة وصيري حبابة علمود اصير حباب وياج وارجعج
لمكانج قبل معززة مكرمة .
_من لضربني ؟
_انا
_منو الطردني من البيت ؟
_جدي
_مو أنت؟
_مطاردج انا بس كتلتج لان جذبتي علية وكتي هاي حوبتي طلعت بمناوي وتدرين بي أكره الكذب هالمرة عدت على خير وسلامة المرة الجاي ماتعدي بالقران فاعذر
من أنذر حنين
_ ولما جريت ؟
_اطلقج من الصبح واتزوج
_تزوج ؟
_اي
_لازم عندك وحدة جوه ابطك
_اكو وحدة تتمناني بروح واشارة مني تجيني ركض
تعصبت كلش واجت عود تريد تجرني من تيشيرتي ماوصلت لزمت ايديها الأثنين بيديه
وابتسمت بخباثه
_مو السنة السنة الجاي هي هنا موجودة وسطحها على سطحي وحايطها على حايطي وتدرين بيها شكثر
تعشقني وتموت بي .
_اذبحك أنت وياها بالقرأن فرررقد
_مشتاقلها
_فرقد كافي لتجيب طاريها على السانك أنت تحبني ماتحبها كافي عليك الله كافي ماريد اسمع
اسمها ماريد ماريد
_لعد جري عدل
_والله اصير خوش آدمية بس لتعوفني وتروحلها
_بيدج بعد
صارت تبجي عفت ايديها ومشيت من يمها كعدت فوك الجرباية اباوعلها شلون تبجي من ودي اكول احضنها واهديها بس لا ماريد أنزل نفسي وابين الها
ضعيف واحبها وماكدر أعيش بدونها لازم اخلي مخاوف بقلبها مني. علمود ماتسوي شي موزين وتجبرني أتركها وانا ماكدر اتركها للأبد اجت وكفت كدامي تبجي
_والله اصير خوش آدمية وماحجي ويه احد ولا اجذب وشتريد اسويلك وحتى اشتغل بالبيت بس
لتعوفني وتزوج سلسبيل
_وهذا لريده انا
_اي اسوي والله
_تمام راح انطيج فرصة وحدة استغليها حنونه
ولا تضيعيها من ايدج
_والله ماضيعها وراح اثبتلك اني تغيرت
_تمام روحي غسلي وبدلي وتعال نامي مبينه تعبانه
هزت رأسها وراحت فتحت جنطة طلعت ملابس نوم بدلت كدامي واجت بسرعة نام بحضني مانطيت رد فعل بقيت بارد وهي تحضن بي وتبوس
_فرقدي مامشتاقلي ؟
_نامي
_احجي مامشتاق لحنونتك
_نعسان كافي لغوة
_فرقدي شبيك بارد صارلنه أشهر متزاعلين وهسه تراضينه ليش بارد ؟... شنو مليت مني ؟ ماتريدني بعد ...
احجي فرقدي شبيك ؟
وجك ثكيل علية ... احجي .. شبيك ...
صارت تبجي ..... بحضني جريت أيدي من جوه رأسها وانطيتها ظهري وكتلها " اكره الكذب ليش
كذبتي علية ؟
_والله انجبرت
_انجبري على كلشي بس لاعلى الكذب
_والله خفت
_تخافين !!!
_اي خفت من جدي ومنك تضربوني
وتطردوني من البيت
_كذبتي ونكشفت كذبتج وكتلتج وجدي طردج من البيت ماستفاديتي شي من جذبج غير الاذية لنفسج وثقتي تهزهزت بيج حنونه
_لافرقد فدوة لتكول هيج
_بالقرأن الكريم ثقتي تهزهزت بيج
اجت كعدت بصف رأسي تبجي "
فرقد عليك الله باوعلي ماتحمل اني تبتعد عني باوعلي فتح اعيونك شبيك فرقد .. احجي عليك الله ... كافي تعذبني تدري بي ماتحمل .. فرقد
سديت اعيوني ...وانطيتها أذان الطرش ولسان الخرس عفتها تبجي وتتوسل بي قلبي صار يدك حيل يريد يطلع من صدري من القهر عليها دست
على قلبي وعقلي
ماريد اصير انا الضحية وهي الصياد اريدها هي الضحية وانا الصياد واخليها تخاف مني بدل ما انا أخاف منها واخاف بيوم اخسرها لان أدري بنفسي ماراح أتخلى
عنها بيوم من الأيام
صح ازعل واحجي بس أبقى أحبها.
كعدت الصبح مالكيتها بالغرفة كمت ....بدلت وطلعت شفت ياسر كاعد بالصالة يتريك ويه جدي ويضحك صبحت عليهم وطلعت للمطبخ عدل
شفت حنونه تسوي ريوك بقيت اباوعلها متفاجأ يايوم تسوي ريوك بالدفرات جنت اكومها من الفراش اليوم من وجه الصبح كاعدة وتسوي
امي تجهز بصينية.الريوك وتأخذ من أيدها عفتهم وطلعت شفت مرت بارق هباوي كاعدة بالحديقة خطية مبين عليها التعب والحمل متعبها كلش
بصفها كاعد بارق "
هجرس_اويلي عليكم ههههه
بارق_هااا ولك مرجعين مرتك الزركة
هجرس_اي ههههه
هباوي_الف مبروك
هجرس_الله يبارك بيج هباوي
بارق_يكولون جدي مرجعها ومسويها مفاجأة
هجرس_جان انجلطت من سمعت صوتها هههه
بارق_وانا مثلك من شفتها الصبح كدامي
الا شوي تخربطت هههههه
هباوي_هههه
هجرس_ حرامات لو متخربط
هباوي_ هههه
بارق_جان ابتليت بي
هجرس_جان كومتك بالدفرات وماي البارد هههه
بارق _كلب ماعليك عتب
هجرس _انجب
بارق_شيحاجيك عمي اليوم نايم لصبح بحضن الزركة
هباوي_بارق عيب
بارق_وين العيب بالموضوع
هباوي_والله عيب شبيك كول مرتي يمي كاعدة
بارق_وانتي مزوجة قابل ابنية وتستحين
هباوي _عززة فضحتني ولك اسكت
بارق_شبيج هباوي
كامت هباوي خجلانة خطية خجوله أكثر من لازم كام بارق يضحك وانا اباوعله ليسمع صدك نايم بحضنها لصبح اشو منطيها ظهري واتحسر عليها
بقلبي ههههه.
بارق_ مبين ضلوعك طاكة من الزركة
هجرس_طاح حظك خجلت مرتك
بارق_هي خجولة شسويلها انا
هجرس_غير تراعي مشاعرها
بارق_ مو بيدي . شنو شعورك من رجعت زركة مالتك
هجرس_ عادي
بارق_جذاب
هجرس_دولي
بارق_جذاب جذاب بالقران جذاب شعورك ابد ماينوصف
هجرس_اروح أكل اشرفلي من مكابل وجك الجرب وكاعد
بارق_شايف وجهك بالمراية شلونه
هجرس_انا أجمل رجل بالمنطقة
بارق_اووي عيني صاير ساحرة مرت ابو فلة هههه
هزيت رأسي بضحكة ودخلت جوه كعدت بصف جدي جابتلي ريوك امي تريكت وكمت حتى
ماحجيت ويه حنونه .
أخذت بارق وياسر وصلنا ياسر لأهله وطلعنا جان عندي شغل كضيت شغلي ورجعت مريت بالمحلات نزلت
اشتري كم شغله لحنونه
بارق صاح عليه من السيارة "
جيب حب
_بعد
_هاهية
اشتريت حبشكلات الحنونه وامي وجداتي جكاير وحب وبارق هم جبتله توني دفعت الحساب وشلت العلاليك شفت بصفي واكف خالي ابو طلال
يخزر بي وكال بصوت ناصي "
ابني راح ينعدم وامك راح تطلك من وراك حسبي الله
ونعم الوكيل بيك هجرس ادعي الله ماتشوف
الفرحة بعيونك
رديت بصوت ناصي "
وانا شدخلني
ومشيت فرحان طاير من الفرحة أمي راح تطلق وأخيرا راح تنذل وتحس بي شمرت الغراض على بارق من الجامه باوعتله مبتسم تك خد اباوعله متغير كلش
وضعفان ومبين عليه الكبر .
صعدت بالسيارة حركت بارق يباوع بالغراض "
هاي جايب ؟
_حبشكلات للزركة مالتي
_جاي يعلفها خطية ضعفانه ههههه
_اي هههه
_اسبوع وتردها مثل الهايشة
_انجب شنو هايشة
_بدون زعل سمينة وقصيرة تلعب النفس
_انا عاجبتني انت شكو بعد تحجي من يمك
_انطي رأيي
رأيك خلي الالك
_تمام
رجعنا للبيت كلت لبارق ودي الغراض لحنونه انا طالع على الزرع افتر ساعة زمان وأرجع طلعت وكفت السيارة كبال الزرع وفتحت الباب اباوع للزرع وأفكر
استغليت اسم سلسبيل علمود أخوف حنونه مادري تصرفي خطأ لو صح ؟ بس اكيد خطأ البنية راح ترجع ويه اهلها بس تكمل دراسة وهي مابقالها غير سنة والسنة الجاي
تتخرج من المعهد وأخاف ترجع وحنونه تغار منها
ويتعاركون
من وراي اوووف اطلع من ورطة ارجع ادخل
نفسي بورطة شكل .
طلعت من شرودي على نغمة إتصال التلفون شلت التلفون شفت المتصل ياسر فتحت خط وفتحت ميكرفون
" الوو هلأ ياسر
_هلأ بيك ولك بشر حجيت ويه أختك
_لا
_شتنتظر لعد؟
_بالليل تجي لعدنا واحجي وياها
_عود قنعها بعد ماوصيك فرقد
_الله كريم
_لعد الله بخيل يافرقد
_لاتستعجل ياسر في العجلة ندامة
_رحمة لاهلك ياندامة هاي انا صارلي اشهر انتظر
وتكلي عجلة ندامة
_ أنت بيك دودة الزم الدودة وخلني انا اتصرف
_وهاي لزمت الدودة يله تصرف أنت
_ماشي
_عليك الله رجعلي خبر حلو اريد اعرس
_ههههه
_شرايحلك انت اخذت حبيبتك ولافها بحضنك لصبح مو مثل حضي حاضن المخدة ونايم لصبح .. حس باخوك ضاربه جفاف وحتى الكاع متفطرة بي
_ههههه
_مو اكلك شرايحلك
_كض نفسك ياولد
_ماكدر
_انجب تكدر
_والله ماكدر تدري بي ماعندي صبر ماعرف شلون
تحملت كم شهر
_تحمل وليدي شوي بعد
_دخليك لتكلي تحمل بعد الضغط صعد للخشم
اقل ضغط انفجر
_ ولايهمك احجيلك وياها
_سجل صوتها
_نعم ؟
_لتعصب سجل الحجي يدور بيناتكم اريد اسمع كلامها
_ماتثق بي
_مو مسأله ثقة بس حاب سمع
_ماشي
_اشكرك فرقد على تفهمك وكفتك وياي بكل روح رياضية
_ولايهمك ياسر انا وياك اخوان مو غربة
_أعرف والله
رجعت للبيت حنونه تباوع بوجي وتضحك أبتسمت بوجهها ورحت كعدت بصف جديتي خديجة جانت تشرب جكاير بحاله اعصاب جريت الجكارة من ايدها
وصرت اشرب بيها ...
خديجة _من شوكت تشرب جكاير؟
هجرس_اول مرة أجرب
خديجة _انطينياها لتشرب موزين عالصحة
اخذتها من ايدي باوعتلها اضحك "
تنطي نصائح للعالم وماتنصح نفسها
خديجة _وانا شباقي بي وأخاف من جكارة تكتلني
هجرس _ولعد انا شباقي بي علمود أخاف من الموت
انطيني رحمه لاهلج
جريتها من ايدها وصرت اشرب حنونه تباوعلي وتضحك دخل جدي باوعلي اشرب جكاير هفه بيده وكال "
جنه تلاثه وصرنا أربعة
خديجة _ الظاهر كاتله القهر وجاي يذب حركته بالجكارة
جدي _شبيك ؟
هجرس_ضيم الله كله واكع برأسي
جدي_خير ؟
جريت نفس طويل من الجكارة ونفخت الدخان وكلت ...
طلال راح ينعدم والخلفتني راح تطلق واهل الخلفتني يذبون لصوج بي وانا مالي صوج .
جدي _منو كالك ؟
خديجة _صخام براس أمك لاحلت برجيلها لاخذت سيد علي
هجرس _ لاعاب حلكج جدة .. والله ابو طلال شافني بالمحلات وكالي بهمس مبين مقهور
ومكسور الخاطر ههههههه
جدي _لاحولة ولا قوة الا بالله العلي العظيم
خديجة _استغفرالله العظيم واتوب اليه.. وأنت شلك دخل
هجرس _دخلي فاتح زيجي وادعي عليهم المغرب هههه
جدي _لا إله إلا الله
خديجة _ كافي تضحك جدة
هجرس_ماتصوورين شكد فرحان
جدي _لا تشمت تره بينك وبين الله شعر وحدة ساعة
الساعة تنكلب الآية عليك
هجرس_ عوفني جدة بفرحتي
كمت فرحان طاير ... من الفرحة هسه راح ينهجم بيت اهل الخلفتني وبيتها دخلت للغرفة أتصلت بجواد وستفسرت منه عن موضوع طلال وكال محكوم بالعدام
شنقا حتى الموت ..
وطالع بسنة ٢٠٠٨ يشتغل إرهابي وشكد خاطف ناس وقاتل هو وابن عمه نايف وشكم واحد وياهم وهسه متحوله القضية لجهاز مكافحة الإرهاب هم يتولون
مهمة إلقاء القبض
كمت اطك اصبعتين من الفرحة جنه أثنين وصرنا تلاثه طلعت حجيت السالفة للأهل وكالوا حيل وابو زايد بيهم طلعوا إرهابية وخل يتحاسبون على أفعالهم الشنيعة شنو ذنب العالم البريئة يخطفونها
ويقتلونها ..من فرحتي تصالحت ويه حنونتي وبعد نسيت مافاتحت مناوي مر اسبوع وعلاقتي بحنونه زينه ورجعت طبيعي وياها وهي هم طبيعية وتشتغل
بالبيت حالها من حال امي
هباوي عود ماتخليها تشيله أمي تسوي الاكل وتجيبه الالها تكول خطية حامل والحمل متعبها حرام علينا
نشغلها ونتعبها فوك ماهي تعبانه .
شكد ماوصفلكم كمية الحنية عند مرت أبوي ماراح اكدر أوصف تعتني بالكل برغم عدها دوام بالمدرسة تكعد الصبح تعجن وتخبز وتسوي ريوك وتمشي
ابوي للشغل وشوف جداتي وجدي شمعتازين مامعتازين يله تفكر تروح للدوام ' فعلآ أبوي صبر والله انطاه مره
على كد صبره وايمانه بي .
المهم لزمني ياسر حرك سلفة سلفاي شنو انت تضحك عليه عمي إذا ماتريد تساعدني وتحجي ويه اختك ادزلها خالتي لو أمي تره هاي موحاله انتظر وكلشي ماكو منك
_خاب ماتنجب هو انا شفت كاضيها مشاكل بمشاكل ...
اليوم احجيلك وياها
_حدي وياك لليوم
_هاهية لليوم
_صدك اكلك الضباط فراس استشهد البارحة
_الله يرحمه
_الله يرحمه جان خوش ادمي من كالي ابوي نعصر قلبي عصر وخفت على أبوي
_الله الحامي وكل شخص يموت بيوما
_اي بس أخاف الموصل أبد مو أمان وكل دقيقة يوكع شهيد الطريق صاير كله توابيت تجر للنجف
_الله يرحمهم وهنيئا الهم الشهادة
_اي
_ياسر شبيك مرتعب
_ولك ويه أبوي جان وابوي يكول عافني ساعة زمان رجعوا لي شهيد حيلي كله يرجف وامي كالبتها عززة بالبيت
وابوي صارله شهر مانازل
_قلبي مطمن ان شاءالله يرجع الكم سالم
_ان شاءالله قبل شوي جنت احجي وياه وسألني عن مناوي
_ههه هذا ابوك بنص الموت كاعد ويفكر بيك
_اي شايل همي
_غير أنت كرمعت راسه
_اي كلتله تعال اخطبها لي بنفسك وكال بس انزل ثاني يوم اخذ عمامك وخوالك واروح اخطبها
الك من الحجي
_ان شاءالله خير
_ان شاءالله
إنتهى الدوام بوجي للبيت سبحت وبدلت وطلعت لبيت عمي سلمت عليهم وصحت لمناوي بالاستقبال حجيت وياها على السالفة الصايرة بينها وين ياسر بقت
تصفن بوجي وماتحجي
_شبيج صافنه
_منو الصادك بيهم ؟
_طبعآ ياسر
_انا ماصدك بي
_وانا اصدك وأعرف الولد حق المعرفة واعرف شبي مابي
_اخاف تدافعله علم...
_اششش مناوي ولاكلمة انا مو من هذا النوع وتهمني مصلحتج قبل مصلحتي وأنتي أختي مو غريبة عني علمود اضحي بيج .. جاي اكلج الولد هاويج من يوم لشافج بي بعرسي وهاي صارله أيام ماكلي رأسي أكل.. يتوسل مثل الطفل علمود احجي وياج واقنعج
_حبني بدون م...
_مناوي مناوي هاي أحنه الزلم نحب من اول نظره مو إلا كاعد وماكل وشارب وياج يله عود أحبج ...لا لا قلبي لا مو هيج الحب الحب إحساس وأمان وراحة
واكيد شاف كل ذني بيج هسه أنتي ماتكيفين تأخذين واحد مثل ياسر خوش ولد وصايم ومصلي ومتمكن مادين واهله خوش أهل وامه حبابه وتحبج .
شتريد البنية غير ذني الأشياء بالرجال ..وهاا أخاف تكولين محلو تره ياسر حلو وصاك ومابي قصور..واخاف تكولين ضعيفون عود اشتريله دكسن وانفخه
_ههههه
_اي عفيه اضحكي هههه
_والله مادري شكلك فرقد .. انا مامفكرة بالزواج
_جا لعد شوكت تفكرين بالزواج من تصيرين عجوز
_فرقد
_قابل مجذب هسه عمرج ٢٤ سنة صار وبعدلج ٦ سنوات وتصيرين ٣٠ سنة .. ولا تنسين القسمة الزينة
مو كل يوم تجي للبنية
_اي
_اييي اكولي موافقة وخل نفرح بيكم
_ خايفة فرقد
_قلب فرقد لتخافين انا وياج
_اخاف اقبل ويطلع موخوش
_غير اطيحلج حظه
_ياا فرقد شنو تطيح حظه
_لعد ترديني اسكت
_موهيج تنحل الامور
_لا هيج تنحل ويانه اصير مثل جدي اخلي الفشك مالها والي فوك الروس ههههه
_هههه
_اي هسه موافقة
_مادري
_مناوي شنو مادري كولي لو اي لو لا وخل اردله الجواب واخلص منه والله شالع قلبي شلع
_أفكر واردلك الجواب
_ماشي فكري
طلعت عمتي سراب مبين عليها سامعة الكلام ...
شنو انا مالي رأي ؟
فرقد_دخيلج لا تكبين وتسوي دراما انا جيت احجي وياها وافتهم منها ماريد ...
سراب_وانا سمعت السالفة من البداية ..ولج ليش ماكتيلي هيج وهيج السالفة بحنه عمج شكم مرة كايله شيصير وياكم توصلوا لاهلكم ليش تسكتون
فرقد_خافت البنية
سراب_هذا مو عذر منورة سكوت البنات صارت مشاكل وصارت قاتل ومقتول
فرقد_وياج عمه بس مناوي من النوع ليخاف وصعب يحجي وهسه ماصار شي جان سوء فهم ونحال والولد
داخل من الباب ويريد يتقدم
سراب_ هاي بت خالته عليش هيج تسوي ؟ وتخرب بسمعه بتي وسمعه الولد ؟
فرقد_تريده
سراب_من عمت عين النسوان لتلحك الزلم من مكان المكان هو مارايدها .. تعاي احجيلي شكالتلج ماكالتلج ؟
مناوي _اممم اءء
سراب_ماتحجين شبيج خرسيتي
فرقد_عمه صلي على محمد شبيج تخبلتي كلتلج سوء فهم صار ونحل ليش تكبرين الأمور وتخربين كلشي بلحظه غضب فكري بمستقبل مناوي وزواجها
مو تفكرين بالمشاكل ..
سراب_مو حركت قلبي حرك بسكوتها انا ماسكت عليمن طالعة تسكت وماتحجي
فرقد_على جديتي جوري كتومة وتكتم كلشي بقلبها
سراب_محد طيح حظها غير السكوت
فرقد_صلي على محمد عمه
سراب _اللهم صل على محمد وآل محمد
فرقد _ جري نفس
سراب_ شكو شبيك
فرقد_جاي اهديج شوي علمود احجي وياج
سراب_اي اسمع
فرقد_تعرفين ياسر صديقي ابن اخت مرت ابوي
سراب_اي اعرفه خوش وليد وذرة مال الله
فرقد_خوش لعد تقبلين بي يصير نسيبج
سراب_وليش ماقبل وين الكه هيج ناس محترمة وحالتهم المادية زينة وهاي مرت ابوك طلعت بت أصل واكيد اختها هم مثلها تدلل مناوي وانا شريد الها غير
اريدلها المكان الزين
فرقد_خوش لعد قنعي مناوي بالليل أمر بيكم علمود إذا موافقه افاتح عمي وجدي بالموضوع
سراب_الله كريم ... انت شلون صارت علاقتك بالزركة
فرقد_خير من الله
سراب_دير بالك على نفسك من قسيمة ام الخيوط اخاف تخيطلك اخيوط بالمخاد بالفراش فتش افراشك
ومختك كل يوم لاتنسى .
فرقد_جا غير تطلعه واخيطه بيها
سراب_ايام الكشف ولت فرقد هسه أنت أنسان عادي وماتحس بوجود السحر . اسمع مني وفتش فراشك غراضك وراقب مرتك تره مرتك عوبة وبسرعة
تقشمرها قسيمة
فرقد _ان شاءالله عمه
رجعت للبيت تلكتني أمي...
بشر شكالولك ؟
_يمة شمدريج ؟
_مو اتصلت بي ام ياسر وكالتلي ياسر مكلفك
_وانا عبالي مكايل
_هو يكدر يضم سالفة
_اي مايكدر مثل بارق شرقية نيوز
_هههه اي صار
_والله حجيت ويه مناوي وامها هم وان شاء الله خير
_ان شاءالله يوافقون
_ان شاءالله
_قبل شوي اتصلت بابو ياسر وكال محتمل بعد يومين أنزل وحجه بالموضوع وكال نخطبها له ونخلص منه
بلكت يعقل هههه
_جان عقل بارق هههه
_سبحان الله كل بيت تلكه واحد مثل ياسر وبارق
_اي
_صدك أمك جاي تطلك
_والله مادري منو كالج أنتي؟
_والله وحدة من المعلمات تقرب الها وكالت جاي تطلك واهلها مايردوها وحتى رجلها شامرها وشامر جهاله
مايريدهم وهسه كاعدة بيت اختها الجبيرة يكولون هي لامته خطية نكسر قلبي عليها
_ هاي حوبتي الله طلعها بيها .. تنازلت عني علمود تزوج وتخلف هاي تزوجت وخلفت ورجلها عافها منو يلمها منو يصيرلها سند مو كتلها يمة ابقي وياي انا اصيرلج سند وحزام لظهرج وماعليج بأبوي هي سمعت مني
سوت لبراسها وخليها حيل وابو زايد بيها .
_تعوذ ابليس يمة محتمل مجبورة جانت محتمل مالكت معامله زينة ونجبرت تترك البيت
_ شفتي بهذا لبيت معامله موزينة ؟
_لاوالله
_خلص لعد
_محتمل بزمنها غير بزمني
_محد حاجي وياها بكلمة وحدة وجانت معززة مكرمة بهذا البيت ابوي راد يتزوج علمود يخلف وانا ادري بي عناد وماراح يتنازل عن قراره كتلها يمة عوفي يتزوج وطلبي منه ضمان الج يسجل قطعة أرض
وأنتي تبقين بهذا البيت بمكانتج وبمعزتج هي بسلامتها ماقبلت وراحت لبيت اهلها وانا حالتي حاله وصلت الموت بغيابها وتلبسني جن اروحلها اتوسل بيها تطردني وتدعي عليه بالموت كليلي هاي هم تسمه ام
هاي هم واحد يحن عليها ويشوفها بعد ؟!
_لا حوله ولا قوة الا بالله العلي العظيم الله يهديكم
_مستحيل انهدي عليها بعد لو اشوفها ميته بالشارع مانزل عد جنازتها واقرالها الفاتحة حركت قلبي الله يحركها ويحرك اهلها وياها شيصير وياهم هذا كله أثر حوبتي انا .
_لايمة موزين تشيل حقد بقلبك
_يكول شجاج ياروحي من ايدج .. وكل لحقد لبي أثرها
هي
_استغفرالله العظيم ..ولايهمك انا أمك
_والله رجال جبير ومتزوج وعوضتيني عن حنان الخلفتني
_ان شاءالله دوام اصيرلك العوض
_ان شاءالله.
دخلت.... بالغرفة حنونه .... بعدها ماراجعة من الدوام ترجع عالساعة بال٣ الظهر او بالربعة مرات حسب الطريق المهم كعدت بفراشي اتصل بي ياسر
_هااا
_بشر؟
_هستوني اجيت من عدهم
_وأخيرا انفكت الجبسة
_امم
_اي احجي
_كالت أفكر واردلك الجواب
_خل اكوم اغسل أيدي بالماي والصابون مرفوض
_لا مقبول هههه
_انا أخاف من سالفة التفكير احسها عذر لا أكثر
_ولك لا والله يقبلون
_متأكد
_اي هسه تقنعها امها
_جا لعد هي ماتقنع بي ؟
_هههه
_جا شبي منغولي وماتقبل بي
_اي تكول منغولي ههههه
_ من اجي اشيلها فوك جتفي واطلع بيها خوش
اعلمها تكول منغولي
_غير لا يستقر سبايدر مان ههههه
_انجب ولك انا الملازم أول ياسر قحطان ترفضني أختك مناوي ياكاع انشكي وابلعيني
_مابي حيل اهفك بزيج واكببك من مكانك هههههه
_ولك انجب لا تسنخف بي
_منو مستخف هههه
_أنت واختك تره ماتعرفوني شنو انا وشكدر اسوي
_تكدر تلغي زايد شسوي قابل
_والله اخطف أختك بس ترفضني
_هههههه
_هجرررس
_ولك أنت بس مال ضحك هههههه
_انجب هجرس انجب انا بيى حال وانت بيى حال
_انا بيى حال والدفان يغمزلي ههههه
_اهوووو... هجرس لتخبلني وتخليني هسه اجي لعدكم
_هلأ بيك عين قطه وعين افراش
_اففففف مشلوع قلبي
_سودة علية مشلوع القلب ينشلع قلبي ولا قلبك
_اختك شلعت قلبي
_هسه شلون نرجع قلبك ؟
_انطيني أختك خل ترجع قلبي من تنام على صدري
_ياسرررر
سد الخط بوجهي شلون عصبني الكلب ابن الكلب المشكلة لسانه زفر وطويل ومن يحجي مايندل حلكه وين
صاير يصير يحجي بكيفه .
رجعت حنونه من الدوام سبحت وكعدت بصفي مبينه زعلانه
_شبيها الحلوة زعلانه؟
_البنات
_شبيهم البنات ؟
_يضحكون علية ؟
_انعل ابو اليضحك عليج
_سألوني شكد المقدم وشكد الغايب من كتلهم ماكو غايب بس قرأن كريم صاروا يضحكون ويكولون
اهلج شامريج على ابن عمج .
_وأنتي عليش تحجين خصوصياتج للعالم ..العالم شعليها شدخلها بغيرها .. وانا من تزوجتج لاخر يوم بعمري ماتزوجتج يوم ويومين علمود اخليلج غايب .
_ بس اني انظلمت فرقدي
_بشنو انظلمتي ؟!
_جدي من اخذني اخذني مثل الفصلية
_مو أنتي ركضتي كدام جدي وكتي كلشي ماريد اريد فرقد
_اي
_وجععيي بعد شكو
_اريد شي منك اتباهي بي كدام البنات
_مثليش تردين
_اي شي
_ذهب سويتلج وره العرس هم سويتلج شتردين ؟احجي
_اريد تسجل قطة أرض بأسمي بدل المؤخر
_اممم
_والله دريت ماتحبني وماراح تسجل
كامت تبجي خلت ايديها وقطت وجهها اباوعلها وأضحك "
حنونتي .. قلبي .. عمري شيلي ايديج
_ماا ماتحبني طلعت
جريتها لحضني حضنتها حيل وبستها برأسها "
اموت عليج حنونتي
_لو تحبني جان خليتلي ضمان
_انا ضمانج
_ماا أريد شي منك اتباهه بي كدام صديقاتي
_تباهي بي
_فرقد
كلت اسمي وطكتها بعيطة صارت تعيط مثل الجهال انكسر قلبي عليها وقررت اخذلها قطعة أرض واخليها بأسمها بس ماكتلها كلت اخليها مفاجأة .والله بالليل أخذت جدي ابوي وامي حنونه بقت كالت عندي امتحان وجاي اقرأ
ردوا الجواب موافقين فرحت كلش الياسر كلت لامي لترديله الجواب انا ارده له خل أضحك عليه بالأول والله حجيته ويه عمي وكال كل الهلا بيهم نشرف بيهم
بي وقت كان .
المهم رجعنا للبيت نصبت على ياسر وكلتله اختي ماتريدك تكول شنو هذا الضعيفون انا أخذه تخبل صار يحجي بكيفه ويهدد إلا اخطفها واتزوجها وانا اعلمها مو صوجها صوجي انا حبيتها خربت من الضحك .
بقيت ناصب عليه فوك الساعة عاد اجت امي اخذت التلفون مني وكالتله _خايب شبيك تخبلت ولك قبلت بيك
هذا فرقد جاي يضحك عليك
_انعل عرض فرقد حركلي اعصابي موزين
ماجيت هداده عليها
_هاي العايزة
_من حقي
_لاوالله مو من حقك
_خاله
_وجع شبيك تصيح
_أحبها
_اي صارت الك بعد
_مايهدالي بال إلا اشوفها يمي بالغرفة
_عن قريب
_اووف شوكت
_مو كلتلك عن قريب شبيك مستعجل
_أريدها اليوم قبل باجر عندي
_ان شاءالله يله روح كول لابوك خطية هسه كاعد على نار
_ههه اي هسه باي
_على كيفك يمعود لتوكع من الدرج ههههه
_هههههه
سدت الخط وكالت ...
خطية طاير من الفرحة أول مرة اشوفه هيج فرحان
_وانا هم الله يتمم على خير
_ان شاءالله اروح احجي ويه أختي
_روحي
طلعت من الغرفة دخلت حنونه مسويه كلاص حليب وكعدت تقرأ "ماكملتي ؟
_فدساعة وأكمل
_مبينه صعبة الدراسة
_موت أحمر شايف السادس هي زايته قاطات
_الله يكون بعونج انا راح انام
_نام عيني نام
لفيت رأسي ونمت فتحت اعيوني على صوت حنونه تحجي بالتلفون ماعرف ويامن بس سمعت كالت
" اي هاهية يله باي ماكدر احجي
زوجي عندي
بعدت القطه وكعدت اباوعلها واكفه بصف باب الحمام وبيدها التلفون "ويامن جنتي تحجين
تلبكت وكالت "
ويه صديقتي تبو
_منو هاي تبو
_زميلتي بالجامعة
_انطيني التلفون
_شلك بي ؟
_كلتلج انطيني التلفووون
صحت بيها خافت وجابتلي التلفون أخذته من أيدها دخلت قائمة الاتصالات شفت تبو متصله بيها اكثر من مكالمة وهي راده قبل دقائق رجعت اتصلت بيها
