رواية هاربة من الماضي الفصل الرابع عشر 14 بقلم مروة ايمن

رواية هاربة من الماضي الفصل الرابع عشر 14 بقلم مروة ايمن 

" السعاده تنتقل بالعدوى ...فلاتنتظر عدوى احد ...كن انت حامل لهذا الميكروب "

انيس منصور

وهو اراد ان يكون ميكروب لهن فتيات قلبه الاميره الصغيره وملكه قلبه لذالك بعد تم الاتفاق على الخطبه واصبحت رسميا خطيبته اراد الحديث معهم للتغلغل بداخلهم اكثر واكثر وهاهو بإحدى شرفات المنزل امامه حبيبته وتجلس على ركبتيه الابنه التى يعطيها من الدلال مابقلبه

آسر::: ها يا رودى هانم عايزه تعيشى فين

ابتسمت الطفله له فهو يدللها بكثره وهى تحبه فهو والدها واخيرا اصبح لها والد تأخذ منه قدر الدلال والحنان وايضا الامان اخذت تفكر بشقاوه محببه

رودينا::: امممم بصى انا عايزه بيت كبيييير لينا كلنا انت ومامى ولولو ونيدو وادهم وشيرى وزومى واونكل حسين

آسر::: والله فكره بس هل كل دول يوافقو طيب هو صعب بس مش بعيد عن ربنا قوليلى بقا عايزه اوضه بتاعتك لونها ايه

رودينا::: عايزه لونها وردى وفيها دباديب كتييير ولعب
بابى هو انت ومامى هاتجيبو نونو اللعب معاه

كان السؤال برئ من طفله حلله عقل الام بخجل وتوتر بينما العابث العاشق فقد حلله بصور واقحه نوعا ما وها هى امامه تتجسد عند النظر للخجوله التى تنظر بجميع انحاء المكان هاربه من نظراته يتفحصها بفستانها الهادئ صاحب اللون الفيروزى وها احمرار وجنتها يكسبها اغراء وتعض على شفتيها فإذا كان الحق ملكه لحرر شفتيها منها ليقتنصها هو بين شفتيه فى قبلات مهلكه راغبه عاشقه طالبه للمزيد ولكن صوت الابنه اوقف خيلاته

رودينا::: يابابى انت مش بترد ليه

آسر::: انتى عايزه نونو يا رودى

رودينا::: ايوه عايزه بنتوته اختى زى مامى ونيدو وعايزه اخ ولد زى ادهم

وها هى ضحكاته ترن للصغيره التى تريد الاخوه ببراءه تملأ قلبه احساس ابوه كاد ان يفقده

آسر::: انتى رايك ايه يا مامى ممكن نجيب اخوات لرودى

رودينا::: ايوه يا مامى بليييز بليييز وافقى

وهاهى الخجوله تنظر لأبنتها بحنان وابتسامه مشرقه على وجهها مع خجل

فرح::: انشاء الله يارودى

قفزت الصغيره مهلهله لأخواتها القادمين مقبله وجنته ابويها ذهابه حيث باقى العائله مردده

رودينا:::: هيه هيه ماما هاتجيب نونو ماما هاتجيب نونو

ضحك الاثنين على براءه الطفله لم تستطع السيطره على ضحكاتها فها هو احساس السعاده يتمكن منها وكأن الابتسامه على وجهه معديه فهى بالفعل معديه ابتسم لها بحنان اقترب منها وامسك بيدها بعشق

آسر::: يارب تدوم الضحكه على وشك على طول وانا اوعدك انى افضل اكون سبب الضحكه دى والفرح الى فى عيونك انتى ورودى

ابتسمت بحنان وخجل اذا لم تعترف له بعشقها فهى غارقه بعشقه حد الثماله

فرح ::: ربنا يخليك لينا يا آسر

ومن حق القلب فى هذه اللحظه القفز فرح وطربا فالحبيبه واخيرا قالت ولو إطراء له ودعوه من القلب لتصل الى القلب

آسر::: الله طب والله احلى آسر اتقالتلى هو انا اسمى حلوه كده

ابتسمت بخجل واحمرار طغى على وجهها ارادت الهروب منه وسحب يديها ولكنه امسك يدها بقوه

آسر::: خلاص بلاش كسوف دلوقتى المهم عايزه تعيشى فين يافرح تحبى اشترى فيله لينا لوحدنا

فرح::: ليه يا آسر هو انت مش عايز تعيش مع عمك

هو اراد راحتها فهى خجوله جدا

آسر::: مش قاصدى يا حببتى والله بس يعنى علشان الخصوصيه وكده وتاخدى راحتك

بحنكه هادئه فرح::: انت عايز ايه

آسر::: انا لو عليا اعيشك جو قلبى انتى ورودى مطلعكوش ابدا

ابتسمت بخجل فرح::: انا معنديش مشكله نعيش مع ادهم واونكل حسين على فكره

وهذا بالفعل ما اراده فهو بعد ان عاد لطبيعته القديمه وعلم انه ابتعد عن اخيه الصغير فتره كبيره وايضا ابوه الروحى وعمه العزيز يحتاج له بجانبه اراد شكرها ولكن بطريقته المميزه

آسر::: روحى يا شيخه اللهى يخليكى ليا انا رودى ومنتحرمش منك ومن حنانك علينا ويديكى الصحه علشان العيال الى عايزين نخلفهم

قهقهت بسعاده فهو يشاكسها بحب وهى ارادت مجاراته بإستمتاع

فرح ::: عيال !!! ليه هو انت ناوى على كام واحد

ها هو يعدل من هندامه بغرور مصطنع وابتسامه عابثه وغمزه وقحه

آسر::: بعد اذن ربنا يعنى انا مش طماع عايز اربعه اختين واخين للغلبانه الى لسه داخله جوه دى

من حقها الدهشه والصدمه وها هى تنظر له ببلاهه

فرح:: كتيير يا آسر

نظر لها بحب وبعد الحزن والتيه ايضا

آسر::: نفسى فى عيال كتير يا فرح عايز عيالى يتربو تحت ايدى

وهنا التعاطف والحنان من حقه فا هى تعلم مدى اشتياقه للاطفال ومدى تعلقه بإبنتها و ها هى بداخلها الان اقسمت على اسعاده امسكت كفيه بحنان

فرح::: رينا يديك الصحه ويخليك لينا انا والعيال واحاول اسمع جنانك بقا وامرى لله هو انا عندى كام آسر يعنى

ابتسم لها بحنان وعشق واوقف نظراتهم نداء ليلى من اجل الطعام
بعد ان نادت عليها ليلى استعدوا ووقف للذهاب للداخل ولنها اوقفته امسكت بمعصمه وهو التفت لها بدهشه ولكنه تفجأ بنظرات عينيها فها هى لمعه عشقه بين جفنيها نظرات حنان خالصه وحب اقتربت منه بهدوء تام خجوله ضربات قلبهمت تذداد فهى مغيبه امام عينيه احساسها بمدى معاناته احتياجه لها ارادت منحه الإحتواء الحنان وهاهى تقترب منه حد اختلاط الانفاس تتنفس انفاسه السريعه نتيجه لإقترابها المهلك منه هاميه امام شفتيه بهمس مغرى سحره

فرح::: انت وعدتنى تكون سبب فرحتى وانا اوعدك انى اكون امك قبل مراتك صديقتك قبل ام عيالك

سحره الاقتراب ذاب قلبه من همسها وصعق عندما حطت شفتيها على خاصته بقبله رقيقه كرفرفه الفراشات خجوله ثم هربت وهو تركها تهرب لأنه اذا لم يتركها لن يتركها سوى بعد امتلاك يعلم انه لن يشبع منها واخيرا اعلن الامبراطور سقوطه آسير هذه المرءه
~~~~~~~~~~~~~~~~~~~~~~~~~~~
الحقائق صعبه جدا فهى مؤلمه لذالك يلجأ البعض للنكران وهى قويه يعد ان علمت حقيقه موت والديها قررت الاستكشاف ولكن نظرات اختها وزوجها المستقبلى فرحه الام الروحيه يعد غياب الفرح منذ سنوات اشرق وجهها منذ متى والفرح يقترب منهم لذالك قررت الهدوء قليلا والاستمتاع الفرح القادم لقلوبهم وهاهم ينتهون من عشاء دسم على شرف زوج الابنه الكبرى المستقبلى وتحديد موعد الزفاف بعد اختبارات نصف العام

حسين::: طيب نستأذن احنا بقا

ليلى::: شرفتونا والله

ابتسم لها بعشق نظراته لم يغفلها العاشق والعابث وايضا الفتيات لم تغفل عن احمرار الوجنه توتر اليدين المصافحه الابتسامه ولمعه العين فالام عاشقه

آسر::: فرح لو سمحتى هاننزل علشان نشوف العفش الجديد بكره ده بعد اذنك يالولو

نظرت له الام بخبث ومشاغيه اقتربت منه امسكت اذنه كاعقاب الابناء فى تلصغر

ليلى::: بقولك ايه يا لد انت دى مجرد خطوبه مش اكتر الخروج بحساب والدخول بحساب انا مش ناقصه كلام الناس

آسر:: براحه يالولو بتوجع والله خلاص اسف اسف مش هاعمل كده تانى

ضحك الجميع على توسلات آسر لها بينما عبثت الصغيره واقتربت منهم

رودينا::: كده يالولو بتضريبى بابى انتى زعللانه منك يالولو انا مش بحبك سيبى بابا

وقد كانت الصاعقه للجميع من رد فعل الصغيره وخصوصا الجده التى تركت مشاكسه الابن ونزلت لمستوى حفديتها الغاليه

ليلى::: رودى حببتى انا بهزر مع آسر

رودينا::: لأ انتى بتضربيه بابى

آسر::: اممم علشان انا زعلت لولو وبيعدين هى كبيره لازم نسمع الكلام

فرح::: وبابى نوتى شويه علشان كده لولو بتعاقبو

ليلى::: بس علشان آسر اول مره يغلط وانا بحبو وهو شاطر ديما انا بشاكسه بس

رودينا::: يعنى انتى مش زعلانه من بابى يا لولو

احتضنتها بحنان واخذت تهربت على شعرها بهدوء

ليلى::: انا بحب آسر ومش زعلانه منو

اقتربت الطفله من والدها الروحى

رودينا::: متبقاش نوتى تانى يابابى وتزعل لولو منك ماشى

آسر ::: ماشى يا روح قلب بابى مامى فرح ينفع رودى تبات معايا النهارده

فرح::: خليها مره تانيه علشان امتحانتها هاتبدا الاسبوع الجاى

آسر::: خلاص اخر يوم فى امتحناتك يا رودى هتيجى تباتى معايا ماشى

اومأت الصغيره راسها وقبلته قبله وداعه مؤقت
حتى آخر يوم بإمتحانها
~~~~~~~~~~~~~~~~~~~~~~~~~~~
خرج الرجال بعد وداع مؤثر كلا لحبيبته وكأن رجال عائله الانصارى قد كتب عليهم نساء هذا العائله
ويأتى دور المرح فالسعاده والحب قد طرقت محياه الفتيات وقد سقت كبيرتهم بالحب وقد مسكت بالجرم المشهود بعد وداع محمل بمشاعر كثييير وكأنهم عاشقان منذ زمن بعيد هم كذالك بالفعل ولكن من منهن تعلم ويأتى دور المشاكسه الصغيره فى محاوله لتقليد امها الروحيه

ندى بتمثيل مبتكر::: مع السلامه يا حسين

نظره خجوله مع رفرفه الاهداب اقتربت من التى تشاهدها بضحك وخجل ثم دغدغتها بخفه فانتفضت

ندى::: اركب اهوى ايوه يا لولو يا جامد وسمعنى سلام حبيتك وبحبك وهاحبك على طول

قفزت الاخرى بمرح شديد محاوله لنسيان ماقد سمعته فهى تحاول ان تعيش سعاده هذه اللحظه

شرين::: ولا فرح مع السلامه يا آسر يا لهوى على جمالهم بجد

ام ندى اخذت احدى الاسكارفات البيضاء وضعته على رأسها واخذت باقه من الورد وهميه واخذت تندن هى وشرين ويطفو حول فرح ويرقصن ومعهن الصغيره المنطلقه بفرح

ندى::: قالتلى بريدك يا ولد عمى تعالى دوق العسل سايل على فمى
على مهلك على ما بحمل الضمى على مهلك على دة انا حيلة ابوى وامى
نعناع الجنينة المسقى فى حيضانة شجر الموز طرح ضلل على عيدانة

فى عشق البنات انا فقت نابليون طرمبيلى وقف عجلاتة بندريوم
قدمت شكوتى لحاكم الخرطوم اجل جلستى لما القيامة تقوم

سألت ايش الاسم قالو البنات نعمات ام صبعين رطب والباقى بلح امها



تراقصت الفتيات بفرح شديد لخطبه العاقله واخيرا هاهى السعاده تطوف بهن واخيرا وصلت قولبهن الى المحطه الاخيره

بينما على الجانب الاخر فقد كان رجال الانصارى فى حاله هيام من الدرجه الميؤس منها وكأن هؤلاء الفتيات قد سرقن قلوبهن واصبحن لعنه قلوبهم دخلو الى المنزل فقد اشتاقو لهن منذ ترك يدهن اثناء الوداع
والعبث للعابث والمشاكسه ايضا فقد ترك الاشتياق واخذ يراقب كبيرهم الذى اكتشف انه عاشق فى الخفاء لملكه بيت الفتيات فأراد ان يربك كبيرهم

ادهم::: ايه ياسحس روحت فين يا كبير

نظر له وابتسم فاعشقه اصبح مكشوف للصغير وها هو يعبث معه ولكن الى اين يا صغير فا انا استاذ العشق قبل ولادتك

حسين::: مع نفس المكان الى كانت دماغك فيه يا بن محمود

وامام استاذ العشق يسقط كلام الاطفال وفى روايه اخرى بصوت الشوالى"وجون وجون وجون قصف جابهه محصلش الله عليك يافنان الله عليك ياكبير"

ادهم::: وماله يا سحس بقينا بنقصف جبهات اصلها تقيله بردو عيون زرق وشعر اسمر طب والله اخت فرح الصغيره

وهنا استرد الامبراطور العاشق وعيه عند سماع مليكه قلبه

آسر::: هاه مالها فرح

ادهم::: ده انت مش معانا اصلا ايه يا عم هى فرح واخده عقلك للدرجه دى

حسين::: فرح بس ده فرح وبنت فرح

آسر::: هوب هوب ايه يا سحس مالك انت وادهم على الاقل خطبتى حبيبتى مش اشوفك فى الكليه يا نيدو وسلام ياليلى اهدو كده انا الكسبان الى فيكو اصلا

اقترب الصغير من الاستاذ وفى حركه مشاكسه ضم احدى كتفيه

ادهم::: تصدق يا سحس الواد ده صح

حسين::: خدت عليا جامد اوى

ادهم::: لغوش على الكلام يا نمس وانبى لغنيلكو

احم احم تست تست اسمعو بقا

الحب نادانى
جابنى و ودّانى
عالحلو رمانى
واحلو زمانى
خطفتنى رموشه
مقدرتش احوشه
وان شوفت خياله
بياخدنى جماله
واحد اتنين تلاته اربعه
ولا واحد ولا مية
ولا الف وتلتميه
ولا كل الدنيا دى
ولا ولا مليون
ده حبيب القلب هو
واللى ساكن قلبى جوة
ولا غير الواد ده هو
ولا مليون
ياما ياما قالوا عليه
غاروا من سحر عنية
قولوا قولوا قولوا عليه
برضه روحى فيه
ان مشى مشى
انا حمشى وراه
وان نسى نسى
مقدرش انساه
خد قلبي يابا
بيه مجنون

ولا واحد ولا مية

ولا الف وتلتميه

ولا كل الدنيا دى

ولا ولا مليون

ده حبيب القلب هو

واللى ساكن قلبى جوة

ولا غير الواد ده هو

ولا مليون

رقص الاخين والعم على انغام الاغنيه بفرح وقلوب تتراقص فرحا بعشق اخيرا صب لها رضى العقل ووقع القلب بعشق البنات

واجتمعت الاصوات بين المنزلين على الرغم من المسافات ولكن هذه المسافات تجمعها خيوط تصل القلب

ليلى:::: يا يا يا واد يا تقيل
يا يا يا مشيبنى
يااااااااااااه دنا بالى طويل
وانت انت عاجبنى
بس يا النى بلاش تتعبن
عشان عمرك ما هتغلبنى
يا يا يا يا يا يا واد يا تقيل

قلبي يقولي يانى يانى يانى يانى يان
ودا قلبه ولا يعانى ولا يعانى ولا يعانى
عنده برود اعصاب اسماله
ولا جراح بريطانى
ويبص ازاى
كده كده هو
ويمشي ازاى
كده كده هو
والضحكه ازاى
كدهو
ويقف ويقول انا اهو
تمثال رمسيس التانى
يا يا يا يا يا واد يا تقيل

حسين::::  البت بيضه بيضه بيضه البت بيضه وانا اعمل ايه
يا ولدى يا ولدى انا حبيته وبنار الهاوى انكاويت

وظل الجميع فى سعاده ورقص فأخيرا دق الحب باب القلوب
~~~~~~~~~~~~~~~~~~~~~~~~~~~
وبين مرح القلوب وسعاده نقاء الانفس هناك ايضا النفس الخبيثه بالمرصاد بإحدى المخازن بالاسكندريا الساعه الثالثه فجرا حيث وحشه الظلام والسكون تصدح صرخات الابرياء كما يعتقد البعض

منصور :::: اه اه اه اه اه اه حرااااااام والله حرام الى بيحصل فيا ده الحقونيييييييي يا ناس

احدى الرجال:::: مش كفايا عليه كده ولا ايه

رجل اخر::: البيه بيقول نسويه لحد ما يوصل

الرجل الاول::: البيه وصل اهو

وبين الاضاءه الخفيفه واثار التعذيب الكثيره والتعب يحاول اكتشاف الوجه الذى يقبع امامه وها هو يبدا الادراك

منصور::::: عز بيه ابوس ايدك اعتقنى حرمت والله

يقف بشموخ قاتل وبرود رؤيته تثير الرعب فى بدن الضعفاء

عز::: امممممم مش انا قولتلك تسمع الكلام يا منصور

منصور ببكاء::: والله مكان قصدى اقسم بالله غلطان بس ارحمنى

وياتى الرد ببرود قاتل::: لأ لأ عيب كده ياراجل هو فى راجل يعيط ده انت لسه مشرف معانا

وتأتى اجابه تأوهات تعب وبكاء وعويل من شده الالم

منصور:::: يابيه ابوس رجلك سبنى انا عندى عيال

وهنا اشتد الغضب وقف واقترب منه امسك ذقنه بقضب

عز::: مفكرتش ليه فى عيالك قبل ما تكلمنى لما حسين مشي من عندك هاه

منصور::: يابشا والله خفت الا يكون شك فيا

عز:::: ما اكيد شك يا غبى ازاى من عشرين سنه كنت سواق كحيان ودلوقتى بقيت صاحب اكبر معرض عربيات فى اسكندريا اكيد لو دور كويس هايعرفلك سكه وانت من اول قلم هتقول انى بعت ابن عمك الميكاميكى علشان يلعب الفرامل علشان اخلص من رؤوف وخلاص تليفونك بقا متراقب وبقيت الكارت الخسران يا منصور

دب الرعب بأعماق الرجل فهو امام من لا يرحم

منصور::: تقصد ايه يا بيه

تركه واقترب لإحدى المسدسات بعد ان قام بإرتداء احدى القفازات منعا للبصمات وقام بتوجيه للقابع امامه وعينيه ممتلئه بحقد

عز::: يعنى وقتك انتهى يا منصور

دوى صوت الرصاص بالمكان بينما سقطت الجثه بإيدى الرجال لإلقائها بمياه البحر بينما الروح صعدت لبارئها بذنب كبييير

عز::: انا مستحيل اخلى اى حد يوقف بطريقى علشان اوصل لليلى وانت بقى يا حسين انت وعيال محمود انا عارف هاخلص منكو ازاى ههههههههههههه ومعاكو كاميليا وليلى تبقى ليا لوحدى

صدحت ضحكاته المحمله بالكره والحقد فها هو اكبر مثال للنفس الخبيثه
~~~~~~~~~~~~~~~~~~~~~~~~~~~
"منصور اتقتل" نفس الجمله تكررت على مسامع اكثر من شخص فا الاولى كانت بإحدى نوادى القاهره الشهيره تمارس هوايتها المعتاده التحدث مع سيدات الطبقات الراقيه ونشر الدعم لجمعيتها الخاصه وجاء الخبر الصادم على لسان احدى مصادرها
وهو "اسعد "احدى رجالها المخلصون

وها هى بإنفعال خاص بها

كاميليا::: ازاى ده يا اسعد مش فاهمه

اسعد::: يا هانم زى مابقولك كده لقو جستو مارميه فى البحر ومضروب رصاصتين والعربيه مولعه على طريق اسكندريا القاهره الصحراوى

كاميليا::: يعنى بعد ما نوصلو يتقتل

اسعد::: ما هو ده الخبر الجديد

كاميليا::: ايه الى حصل

اسعد::: لقينا ابن عمو الميكانيكى

بينما المستمع الثالث فقد كان يجلس بحديقه منزله يروى الورود فقد اصبح يهوى الورود كحبيبته وجاء الهاتف الصادم

حسين::: ازيك يا مراد ليك واحشه والله

مراد::: حسين بيه ازى حضرتك كان فى خبر بخصوص منصور كده

حسين ::: اتقتل مش كده

وكانت الصدمه من نصيب الشرطه

مراد::: هو حضرتك عرفت

حسين::: ده المتوقع المهم نلاقى الميكانيكى ابن عمو

مراد::: جارى البحث يا باشا فى ظرف يومين هايكون كل حاجه تخصه عند حضرتك

حسين::: تسلملى يا مراد

وبعد ان انهى مكالمته قرر اتخاذ هذا الخبر حجه للقاء مسروق مع هاربته ومعذبته الوحيده ليلاه
~~~~~~~~~~~~~~~~~~~~~~~~~~
والانكسار كان من حقها فهى للتو علمت ان والدها متهم بقتل خالتها وعمها ما هذه المعادله القاتله كيف للاخ ان يقتل اخيه وما علاقه خالتها بحسين الصياد التفكير يضخم عقلها فالاختبارات اقتربت وهى بالنادى مع ادهم وندى لمذاكره

ندى::: مالك يا شيرى مش مركزه ليه

شرين::: مش عارفه دماغى تعبت هاريح شويه وهاروح اتمشى

ادهم::: خلاص ناخد بريك وبعدين نرجع نكمل

غادرت الشارده وبقت الاخرى امامه حبيبها هتلر قلبه وهى ايضا شارده بنفس الموضوع

ادهم::: مالك يا ندى انتى مش كويسه من ساعه ماشوفتك

ندى::: مافيش يا ادهم كويسه

ادهم::: عليا بردو قولى فى ايه

انفجرت به دون مقدمات

ندى::: انت مالك انت هاه مالك مدايقه مالك بيا يا اخى

ادهم::: انا اسف يا ندى عندك حق عن ازنك

كاد ان يغادر ولكنها امسكت برصغه متأسفه

ندى::: انا اسفه يا ادهم بس فعلا انا مش كويسه

اقترب منها واحاط وجهها بكفيه بحنان

ادهم::: ندى محدش فاهمك ادى بس عايزه اعرف مالك

كادت ان تجيبه ولكن جاء صوت من خلفهم

الصوت::: ده احنا نجيب شجره ولمون هنا بقا

التفت بغضب للصوت وكانت الصاعقه من هتافها

ندى::: لؤى

لؤى::: ايه يا نيدو مش تعرفينا

ندى::: انت مالك انت تتعرف ولا متتعرفش انت مش هاتبطل بقا تتحشر فى خصصوياتى

لؤى::: خصصيات ايه بنت عمى وخايف عليها اظن من حقى اعرف مين البيه

كاد ان يرد عليه ادهم رد لازع ولكن الاجابه جائت من جهتها

ندى::: لا مش من حقك يابن الصياد

وجاء الاسم وكانه مألوف لادهم فاراد الاستفسار

ادهم::: انا الى عايز اتعرف تسمحلى

نظر له الاخر نظرات تقيميه فهو على علم بعلاقه ندى وادهم المتطوره حاليا

لؤى::: لؤى عز الصياد ابن عم ندى

ادهم::: عز الصياد صاحب شركات الصياد جروب

لؤى::: بالظبط كده يابن الانصارى

ندى::: هو انت تعرف اونكل عز يا ادهم وانت يا لؤى تعرف ادهم منين

ودب الرعب فى ابن العم فهو يعلم بالماضى بجميع تفاصيله واصغيره لاتلم شئ

لؤى ::: مش وقتو اتفضلى معايا

امسكها من معصمها بقوه للمغادره مما زاد من انفعال ادهم ولكن ندى اوقفته

ندى::: معلش يا ادهم انا هامشى

غادرت مع ابن العم تحت نظرات الانكسار مع الحبيب

~~~~~~~~~~~~~~~~~~~~~\~~~~~~
غادرت معه بغضب مكتوم لتعلم بماذا يفكر هذا الشخص ولماذا متمسك بها لهذه الرجه

ندى::: ممكن اعرف انت موادينى على فين

لؤى ::: انا لسه واصل من القاهره وطبيعى اكون جعان فى مطعم حلو ناكل ونتكلم ممكن

ندى::: لأ مش ممكن اولا علشان انا مقولتش لليلى انى معاك ثانيا علشان انت بتسد نفسى عن الاكل اصلا

قام بوقف السياره بإحدى الجوانب ونظر لها نظرات مطوله فهو عاشق منذ صغره لهذه المتمرده وهى تقابله بالرفض القاطع بإستمرار

اودعها نظره اخيره بتوسلات التى ظهرت فى حديثه

لؤى::: ندى انا بحبك انتى ليه رفضانى على طول

تنهدت تنهيده حاره ونظرت له

ندى::: لؤى انا مبحبكش انت ليه مش راضى تفهم ده انت ابن عمى وبس

لؤى::: طب ....طب ليه مش راضيه تدينى فرصه اثبتلك حبى

ندى؛::: ياه يا لؤى جى دلوقتى تقولى ادينى فرصه

لؤى مستفهما::: دلوقتى ازاى مش فاهم

كادت ان تنفجر به بقول ان والده قاتل والديها ولكنها سكنت فى اللحظه الاخيره فهى على علم بعمل الاب وابنه الغير شرعى كما ايضا استحوازهم على ميراثها هى واختها الشرعى

ندى::: علشان مبقاش ينفع خلاص قلبى مبقاش ملكى

اول مصارحه بعشقها لماذا خرجت لهذا الاخرق توقيت سئ مع الشخص الاسوء الذى نطق بغضب بجانبه انكسار

لؤى::: حبيتى يا ندى عشقتى ابن الانصارى

نظرت لها مستفهمه تعبيراته غضب عاصفه على وشك الاطاحه بها وبعض الانكسار فهى ابعد من ان تكسر قلب احد لذالك نظرت له ببعض من الشفقه لحاله

ندى::: لؤى انا

غضب بشده امسك زراعها واخذ يكرر بغضب هستيرى

لؤى بغضب وصراخ::: انتى ايه هاه انتى انتى ليه محستيش بيا من زمان وانا كل شويه اظهرلك حبى انتى محدش اهتم بيكى ادى بطولاتك كنت بحضرها كلها نتيجتك كنت بعرفها قبلك حتى لما بتتعبى كنت بفضل قاعد تحت بيتكو وببات فى العربيه لحد ما تخفى وارجع تانى ليه محستيش بيا هاه انطقى

تقاذفت الدموع للخارج من عينيها فهو يغرز اظافره بها بقوه مما جعلها تتأوه

ندى::: لؤى اه اه انت بتوجعنى سبنى يا لؤى

سكن عندما نظر لبكائها وتوسلها

لؤى::: بتحبى ابن الانصارى على ايه هاه بتحبى الراجل الى رباه قاتل اهلك ايوه يا ندى حسين الانصارى هو الى قتل ابوكى وامك

وكانت الصاعقه التى حلت بها

~~~~~~~~~~~~~~~~~~~~~~~~~~~

بعد مقابله اخرى مع الحبيب فى مكان عملها ولحظات من العشق المسروقه له رجعت لمنزلها بشعور مختلف سعيده لإسترجاع لحظات عشقها الوحيد وايضا خائفه من ماضى يحاربها بضراوه وها هو يعود اما مها وتفتح الصفحات القديمه

رنات متتاليه على باب منزلها ذهبت لتكتشف من الطارق وعند فتح الباب كانت الصدمه توقف قلبها

بإبتسامه مستفزه وطوله وهيبته التى تخافها فمنذ قدومها للاسكندريه لم تراه حتى يوم زواج فرح الاول لم يحضر سوى ابنائه وزوجته فها هى تقابله بعد عشرون عام من الحادث

عز :::: ازيك يا ليلى

يتبع

الخامس عشر من هنا 

تعديل المقال