رواية تبديل عريس الفصل الثالث عشر 13 بقلم جمانه السعيدي
سلسبيل.... شكد عصبي بابا اول مره اشوفه هلكد.عصبي وصايج رغم الشي الي سوته سميه فعلا ينرفز
يعني اعتبريني خطار
اذا يجيج خطار ماعندج مكان أضيفي
طبعا هيه مو على المكان كل هذا غيره لان بابا يحبني
ويفضلني على الولد وعليها
هيه جاي تشوف سميره كدامها مو سلسبيل
تريد تنتقم من امي بصورتي
بقا بابا كاعد يمي مايقبل يرجع للبيت
سلسبيل...بابا انت تعبان المستشفى و امي والدفن
والطريق اليوم روح نام ارتاح
بابا....اانام هنا وياج بغرفة بنيين ماارجع عليها خلي البيت يفيدها اني اعلمها بسيطه
فعلا بابا نام بلغرفه على جرباية بنيين
بنيين رجعت لكت بابا نايم على فراشها جابت فراش اليه
فرشته بلكاع
فتحت جنطة ملابسي طلعت تراكي لبسته ونمت على الفراش بلكاع
كعدت الدنيا ليل وبابا بعده نايم هلكد ما تعبان
نزلت جوه لكيت بنيين وخاله بلمطبخ
سلسبيل....هلو اخذتنا النومه هلكد ما تعبانيين
بنيين...ولا يهمج نوم العوافي
خالتي....هسه احضرلكم العشى
سلسبيل...لا ولله اني احضر العشى صدكي بعدني شبعانه
من الغده هلكد ما دسم
خالتي...عوافي الف عافيه
سلسبيل...اني احضر العشى واصعد اكعد بابا
طلعت بنيين كبه وكباب من المجمده
كليت شويه ولأن اني مااكدر اكل وكليت بتيته وحضرت زلاطه اخذت الصينيه وصعدت للغرفه
سلسبيل...بابا بابا اكعد ناكل جبتلك العشى
بلكوه فتح عينه الله يساعده شكد تعب بلفتره الاخيره
بسبب مرض امي
طلع من الغرفه غسل بلصحيات الفوك وكعدنا نتعشى اني ويااا
بابا...باجر اجيبلج غرفة نوم واخليها بهاي الغرفه الثانيه
واجيبلج حاسبه حديثه تقرين عليها
سلسبيل...ماكو داعي ليش تكلف نفسك
بابا.. اجيب ثنيين جرابي ووحده اللج ووحده اليه
لان اني ناوي ابقى وياج هنا
بعد مااروح الذاك البيت
سلسبيل...بابا ليش تكبر الموضوع ما مستاهل قابل اني راح ابقى هنا كول عمري
بس يتعدل الوضع وتخلص هاي الازمه ارجع البغداد
حتى اكمل دراستي
بابا.. ولو البيت الي ماتكعد بي بنتي مااكعد بي رجلي على رجلج ووين ما تكونين اكون
سلسبيل...بكيفك راح انزل تريد جاي هنا لو
تنزل وياي
بابا...لا انزل اشرب جاي ويا عمج
سلسبيل...نزلنا اني وياا اني غسلت المواعين وخدرت جاي
أخذته للمضيف دكيت الباب
طلع عزام هلو سلسبيل
سلسبيل...هلو هذا جاي اجيبلك
عزام...... مااريد اتعبج
سلسبيل....وين التعب بس اصب واجيب
جمانه السعيدي
سلسبيل .....عزام دخل الجاي ورجع عليه
عزام...شنو اختصاصج
سلسبيل...صيدله( اعذروني كتبت تحليلات بذاك البارت خربطت )
عزام..معهد لو كليه
سلسبيل...كليه
عزام...ياسنه
سلسبيل...ثانيه
عزام. هاي السنه الكتروني راح تخلص شلون مجان
سلسبيل.. شلون مجان اذا واحد مدارس شلون ينجح
عزام...يمعوده كلاوات اي دراسه
سلسبيل...انت شمخلص
عزام...هندسه
سلسبيل...اي اذكرت بابا كال مهندس متعين
عزام.. اي معاون مدير بلبلديه انشاء الله مشروع
مدير ايجوز بعد كم سنه اصير مدير البلديه
سلسبيل...اي عندك واسطه ما ينخاف عليك
عزام...شنو تستهونين بقدراتي اني خريج
دخلت بنيين....اهووو هم عزام
عزام...اسكتي لان بس انفخ عليج اطيرين زيتونه
( زيتونه زوجة بباي)
بنيين...رشيقه احلى منك تغار لان ماتكدر تضعف مثلي
عزام.. مثلج هههه هههه يابوي بطني
مثلج غير اموت نفسي انتي شايفه نفسج
مابيج خمس كيلوات لحم
سلسبيل...دخل قائد سمع عزام يصنف على بنيين
قائد...عزام شعندك هنا عوف هاي المسكينه بحالها
امشي اطلع للمضيف ابوي يريد جاي
عزام...كمت أمري لله مااكدر ارتاح بهذا البيت
قائد...على اساس انت هسه مشرمها كوم
قائد...سلسبيل باجر معزومه بيتنا للغده
سلسبيل...باجر عزا امي لازم احضر نفسي شكرا على العزيمه
قائد...خليها بعد باجر والغده راح يكون على روح امج
سلسبيل...شكرا الله يحفظك
صعدنا اني بنيين لكيت مثنى دازلي رساله
شلونج سلسبيل
شلون صارت امج
سلسبيل... الله يرحمها
مثنى...البقيه بحياتج
سلسبيل...حياتك الباقيه
مثني....انتي هسه بيت خالج
سلسبيل....لا بيت عمي طلعت من بغداد
مثنى. ليش
سلسبيل...ما بقالي احد رجعت الاهلي بابا اخذني
مثنى...اعذريني ماكدرت اوكف وياج سامحيني
سلسبيل...الناس كلمن ملتهي بنفسه خايفين من المرض
مثنى ..لو ببغداد جان اجيت اطمن عليج
سلسبيل...شكرا ماتقصر
سلسبيل قفلت التليفون ورجعت نمت لان كلش تعبانه
ثاني يوم كعدت على هوسه بلبيت باوعت الساعه تسعه الصبح بنيين ماكووو
خليت شال على راسي ونزلت جوه
لكيت خالتي وبنيين وبعد ثنيين من الجوارين جاي
يفشرن وينظف بلبيت
سلسبيل...صباح الخير
كلهن ردن عليه صباح الخير
سلسبيل...اساعدكم
خالتي.. خلصنا مابقى شي روحي اتريكي
دخلت للمطبخ لكيت جاي شربت وطلعت اساعدهن
هنا اصلا مخلصات كلشي
دخلنا للمطبخ وبدينا نحضر بلغده
اتجمعنا كلنا على السفره بس قائد ماكوووو
تغدينا ونضفنا المواعين دخلت سبحت لبست ثوب اسود طويل وحجاب وطلعت لكيت النسوان بدن يجمعن بيت عمي
بعدين الاستقبال انترس نسوان
ولا تكول كورونا وممنوع الاختلاط
بغداد محد اجا للعزا بس اني وزوجت خالي كاعدين
اني كعدت بصف خالتي كل الي تدخل تعرفها عليه
هاي سلسبيل بت المرحومه سميره
كل اقاربنا اجن اله زوجت ابوي ماحضرت لا هيه ولا زوجات اخواني اكيد هيه منعتهن يجن
اجت زهراء بت عمي هيه وجهالها تعرفت عليها
زوجت قائد اجت تعرفت عليه ورجعت أكدت على العزيمه
بيتهم جمانه السعيدي
اكو نسوان تباوس اكو يجن لابسات كمامه
دخلت الملايه وبدت تقرأ بعمري ماسمعت صوت هلكد حزين صوتها يخبل عبالك كاعده بكلبي وتحجي
شلون تكدر توصف وصف دقيق للمشاعر هيج
متت بجي على امي صدك طلعت كل حركت كلبي
ساعتين من الحزن والبجي
طلعت كل ضيم كلبي للمغرب طلعن النسوان من البيت
اما مجلس الزلم صار بليل
عزام واخواني كلهم واكفين وكفه يخدمون الزلم
بلبدايه قران وبعدين محاضره ومجلس
بس مجلس حلو مرتب حتى القارء صوته شجي
خلص المجلس والعالم راحت
اجا عمي وبابا بلبيت
عمي...هااا عمو مرتاحه عدنا
سلسبيل...تسلم ماقصرتو بيتكم عامر بااهله
عمي... الله يحفضج ويبارك بيج
بقينا كاعدين للساعه ١٢ نسولف بابا واخواني اربعتهم
وقائد وعزام وبنيين وخالتي
بعدين طلعنا وعمي كال البابا اريدك بسالفه لاتروح
هاي الفتره بابا وقائد كاعدين لان المحاكم مسدوده
بسبب كورونا
طلعنا وبابا بقا هو وعمي بلمضيف
عمي هلكد ما انعجب بشخصيتي شكلي وبطريقتي بلكلام
قرر يخطبني العزام
عمي...اريد احجي وياك بموضوع مهم
بابا...اي كول
عمي...اريد سلسبيل العزام
بابا...اني ماعندي مانع بس البنيه حزينه على امها
خل تعدي هاي الفتره وبيك خير ودلل
اني احجي وياها وارجعلك خبر اني اكيف سلسبيل تصير
بيتكم محد يحافظ عليها غيركم انتم اهلها
وعزام مابي قصور
عمي...تمام اني جنت افكر بزواجه واريدله وحده بت حلال
بعد ماكو احسن من سلسبيل تصير زوجته
بابا...ادلل قابل اناسب واحد احسن منكم
عمي...ابدي اثث بيته شويه شويه منا لمن يكمل
وبعدين نكطع مهر هااا شكلت
بابا...اي هاي هيه مثل ما تكول
سلسبيل...اني مااعرف اي شي عن هذا الاتفاق بس خالتي جانت تعرف لان عمي حجالها
اليوم الي بعده بابا طلب غرفه توصيل كنتور وميز مرايه
وجربايتين ووحده اله ووحده اليه
كل هذا حتى ينتقم من سميه
يريدها تعرف ووين ماتصير سلسبيل اني وياها
اذا بعدتيها عن بيتج ابتعد وياها
الضهر رحنا اني وبابا بيت قائد نتغده اجا ويانا عمو وبنيين
وخالتي وعزام
بيتهم حلو ومرتب وزوجته رحبت بينا
بس هواي تسئل شكد تسئل على كلشي ادقق
يعني مابقت شي ما سئلتني علي الصراحه ضجت
حسيت نفسي بتحقق
كمت اغسل اجت وراي
مها...اكلج نسيت اسئلك البيت باسمج لو باسم امج
التفت عليها راسا اجا قائد بس سمع سؤالها ابتسم
قائد...ليش تسئلين تردين تشاركينها بي ووين الجاي
عوفي الحجي روحي حضري الجاي
مها...اي هم صدك نكمل حجي وسوالف ويا الجاي
سلسبيل...باوعت على قائد وابتسمت
قائد...اليوم تحتاجين شريط بندول على كد الاسئله
سلسبيل....هههه ماكو مشكله
قائد...شكد احاول وياها بس ما تبطل طبعها هذا
سلسبيل....من الفراغ لو عدها شغل ما جان لحكت تنتبه
لو تسئل عن أي شي
هيه خريجه
قائد...اي معهد حاسبه
سلسبيل...وليش ما تشتغل
قائد...اني مامحتاج شغلها تكعد تنتبه على بيتها احسن
سلسبيل.. انت ضد عمل المرأة
قائد...لا مو ضد بس اذا زوجها مكفيها ليش تشتغل
وتعب نفسها تكعد بلبيت تحافظ على أطفالها
تنظف بيتها ترتاح احسن ماتجي من الشغل تعبانه
وماتكدر تنتبه عل بيتها
سلسبيل... يمكن تكدر توفق بين العمل والييت
قائد...وليش تتعب اصلا
سلسبيل...وجهه نضر كل واحد حر بوجة نضره
مها...تجون تشربون جاي
سلسبيل...اي اجينا
قائد...سدي اذانج لان مها ماناويه تعوفج اذا ماتعرف
سابع جد شجان يشتغل
سلسبيل...وشمعرفني شيشتغل قابل اني عايشه وياااا
قائد...مشكلتج اليوم اذا ماتعرفين شيشتغل
مها مراح تعوفج
سلسبيل...اروح اختل يم عمي حتى لا تسئلني هههه
قائد.. خوش حل تعرفين تتصرفين بلوقت الحرج
جمانه السعيدي
لليل وصلت الغرفه وصعدو شدوها الولد الي وصلولها
غرفه تخبل نازكه حيل
من طلعو صعدنا اني وبنيين وخالتي
خالتي جابت فرشه للكاع خمل تركيه تخبل
وجابتلي فرشتين مال جرباية نفس اللون
وحده اليه ووحده البابا
عمي.. اني عليه البرده باجر تروح ام قائد اجيب برده
سلسبيل...تسلم عمووو
عمي...بيتنا نور بوجودج
سلسبيل.. انت ليش مصمم تخليني احبك
عمي...هو اني احبج ههههه
سلسبيل....ياربي مو عم يخبل
بليل بابا نام وياي بلغرفه هدد سميه ونفذ تهدديه
طبعا هيه اتصلت علي مارد عليها
وصلت الحاسبه ثاني يوم
استغربت مثنى ماكو صار يومين ما متصل لا داز رساله
فتحت صفحته لكيت الحساب مغلق
ياستار ليش الحساب مغلق شصاير
من بعدها مثنى ابد مارجع فتح الحساب مره ثانيه
اني اندمجت ويا بيت عمي يعاملوني احلى معامله
بلدنيا كلش مهتمين بيه
اما بابا مأطول ماكو محكمه ولا مكتب كاعد بيت عمي
مايقبل يروح البيته
بديت اقرا وامشي ويا المواد شويه شويه
مااريد تروح هاي السنه عليه
هاي وصية امي لازم انفذها أنجح واتخرج
حتى لا يضيع تعبها
