رواية نارك جنة الفصل الثاني عشر 12
قبل الغداء بشويا جنات اترن على سفيان ماردش عليها ...وبعد اشويا سمعت حد خش ..اطلعت تحسابه سفيان روح لاقت خوها جلال 
جنات منصدمة : كيف صار
جلال ضحك وجاء ضمها : جنات شن اخبارك
جنات ضماته وتبكي : نجك ليا ..أمتى طلعت ..وكيف
مع خشت سفيان وفخري وراءه ..وجنات وخرت عن خوها تمسح في ادموعها : جيتوا ...جلال هذا سفيان ..أكيد مش...
جلال أبتسم وبحت في سفيان : لا كيف ..نعرفه اكويس
جنات اتبحت فيهم وحست في شي مش فاهمته : ككيف مافهمتش من وين تعرفه
جلال : تعالي جوا ليش امصبيين هنا ..وتوا انقولك
خشوا وجنات اعيونها على سفيان ..قمعزوا في دار المعيشة ..وجلال خش على سليمة في المطبخ : خييير ياسلوما شن اخبارك
سليمة التفتت عليه ومش مصدقة وجلال جاء بسرعة وضمها : امرايف عليك وحق ربي
سليمة ضماته وتبكي : الحمدالله على السلامة ..زينك ساعة اللي شفتك فيه ..الحمدالله على السلامة ياجلال
جلال : خلاص ورأسي ماتبكي ..اااها شن البنة هذه ..شن امطيبة ..زيطة عاد جايتك جنات ونسيبك
سليمة : اسسس عيب يسمع فيك الراجل
جنات امصبية على باب المطبخ اتبحت في جلال وسليمة وتضحك وتبكي في نفس الوقت ..وسفيان قاعد امركز عليها ..وكانت هذه اول مرة سفيان ايشوف جنات مع عائلتها ..وكل مرة ايزيد ايفكر هل فعلا جنات دمرت حياة توفيق ؟!!
طلع جلال وخش للحوش وجنات امعاه ..ايطلع في دبش يبي يدوش ..وجنات تبي تعرف كيف طلع
جنات : هيا جلال احكي حرقت دمي راه
جلال خذا دبش من دولابه وطلع : ياسلام ..تبي تقنعيني انك مش عارفة شي
جنات تلحق فيه : جلال وربي مش عارفة شي ..تعال فهمني قبل
جلال اتكى على باب الحمام : يعني راجلك طلعني من غير مايقولك
جنات انصدمت : راجلي ؟!!! قصدك سفيان
جلال : ليش أنتي كم متزوجة واحد
جنات : بلاسماطة جلال ..والله تحكي جد ..سفيان هوا اللي طلعك
جلال : شوفي أنا قاعد ماد وجهي ..ويجي العسكري طلعني ..ولما مشيت امعاه قالوا عندك افراج ..بعد طلعت القيت صاحب المحل وامعاه فخري و واحد اخرى ..وطبعا طلع سفيان
جنات : باهي ..شن صار بعدها
جلال : ماصار شي ..أنا طبعا نعرف فخري بس . سلمت عليه ...وصاحب المحل عدا على طول ..وفي الطريق فخري عرفني على سفيان ..ومنهم عرفت أنهم خلصوا صاحب المحل في بضاعته وطلعت
جنات : يانعليا عليك فضايح ..سفيان مازال يبي منك فلوس ..ومشى خلص دينك اخرى
جلال فتح باب الحمام : إن شالله انردهم له
جنات حطت يدها على الباب : من وين ياحسرة .وانت حتى الشغل ماتشتغل
جلال : حولي نبي اندير دوش توا ..مش وقت كلام ..وإن شالله تفرج
جنات : ااا
سليمة : جناااات تعالي
جنات اتهز في رأسها : مازلت ماكملت امعاك راه
جلال ضحك وصكر الباب
جنات طلعت : نعم ياجديدة
سليمة : هيا تعالي وتي امعايا الغداء واتي
جنات بحتت في سفيان وهو ايبحت فيها ونظرته اتهبل
ومشت اتساعد في سليمة ..على بال ماطلع جلال ...وبعدها قمعزوا ايتغدوا مع بعض ..وجلال يحكيلهم على قصص سمعهم في الحبس
بس جنات وسفيان ..طول الوقت نظرات وجو فايح
بعد الغداء جنات لمت الحوسة ..وطيبت قهوة .وسفيان وجلال ايهدرزو ..وفخري طلع عشان ايشوف السيارة ...مع طلعت مودة من حوشهم وامعاها طبق فيه كيكة ..واول ما شافت فخري انحرجت
تمشي وفخري شافها ..صكر السيارة وصبا على الباب ..صااااايع
مودة تبي تفتح الباب وفخري حرجها من كثر مايبحت فيها
مودة : سلام
فخري : اهلين
مودة تبي اتخش وفخري وقفها بيده : على وين
مودة اتبحت فيه بصدمة : نعم
فخري : أنتي مطيبتيها
مودة ماتعرفش عليش يدوي : شنو ؟!!
فخري عض على فمه وقرب منها فتح على الكيكة : بنذوق منها..عادي
مودة ابتسمت منحرجة : ااها
تفضل عادي
فخري ياخذ في طرف الكيكة بس اعيونه على مودة ...مش قلتلكن صاااايع
مودة قريب اطيح من نظرات فخري ..بعد كمل خشت بسرعة لكن فخري : اسمعي ..قتلك
مودة التفتت فيه : نعم
فخري : لو سامحتي ممكن ..بعد اتخشي اتجيبيلي كاس امية ..نبيه للسيارة
مودة ترجف منحرجة : حححاضر ..وخشت تجري
جنات كملت حوستها ..وتشرب في قهوة مع سليمة وكان خاطرها تعرف ..كيف عرف سفيان ايطلع جلال ..وشن قاعد له ساعة يحكي امعاه
خشت مودة بالكيكة ..وهي وجهها أحمر : سلام
جنات : اهلين
سليمة : تعالي قمعزي اشربي قهوة
مودة نزلت الكيكة : جنات تعالي نبيك
وخشت للمطبخ وجنات لاحقتها : نعم ..كنك وجهك الوان
مودة مسكت ايدين جنات : يا نعليا ..يانعليا ..من الطرف اللي مع سفيان
جنات ضحكت : اسسس عطك الخير ..وين شفتيه
مودة : قاعد برا ..يرزيني فيك ..ماتقوليش عندكم اطروف ..انحن على صاحبتي المسكينة ...اعزمي حتى بالكذب
جنات : اسكتي ..ينعنشكلك ..راه يسمعنا سفيان
مودة : اهييييي
بعد خطرها ..يبي امية للسيارة ..عطيني كأس
جنات : قمعزي توا نعطي جلال يعطيه
مودة : تف على وجهك باهي جلال شن دخله توا.هاتي أنا نبي نعطيه
جنات ابتسمت واتهز في رأسها وعطاتها امية ومودة خذت الكاس وطالعة : أسمعي بسرعة راه يطلع جلال ايشوفك يقتلك
مودة : يمي بعدها هوا ايتحلف فيا غير ايشوفني
وطلعت تجري ..وجنات خذت من الكيكة وخشت على جلال وسفيان ايهدرزوا في الصالة ..عطتهم كيكة ..وهم سكتوا اول ما شافوهم ..وهيا انقهرت تبي تعرف على شنو يحكوا
مودة من فم الباب : أسمع ..يا أنت
فخري كان متكى على السيارة ويحكي بالفون ..ومايشوفش فيها الا بعد سمع صوتها
فخري بحت فيها : اوكي ...توا انكلمك بعدين ...صكر الفون وقرب من الباب واعيونه اتفصل في مودة بالتفصيل ..ومودة قريب اطيح من طريقة نظرته لها
الصايع
مودة : تمام هذه ..اتسد
فخري : قولي فخري
مودة : نعم
فخري : بدال ماتقولي يا أنت ...قتلك أسمي فخري
مودة انحرجت وخدودها حرارة : أسفة ماكنتش نعرف اسمك
فخري مسك كاس لامية ..ولامس يدها : نتعرفوا مش مشكلة
مودة اسحبت ايدها بسرعة : اءاء ..اوكي نبي انخش
فخري : أسمعي
مودة : نعم
جنات منصدمة : كيف صار
جلال ضحك وجاء ضمها : جنات شن اخبارك
جنات ضماته وتبكي : نجك ليا ..أمتى طلعت ..وكيف
مع خشت سفيان وفخري وراءه ..وجنات وخرت عن خوها تمسح في ادموعها : جيتوا ...جلال هذا سفيان ..أكيد مش...
جلال أبتسم وبحت في سفيان : لا كيف ..نعرفه اكويس
جنات اتبحت فيهم وحست في شي مش فاهمته : ككيف مافهمتش من وين تعرفه
جلال : تعالي جوا ليش امصبيين هنا ..وتوا انقولك
خشوا وجنات اعيونها على سفيان ..قمعزوا في دار المعيشة ..وجلال خش على سليمة في المطبخ : خييير ياسلوما شن اخبارك
سليمة التفتت عليه ومش مصدقة وجلال جاء بسرعة وضمها : امرايف عليك وحق ربي
سليمة ضماته وتبكي : الحمدالله على السلامة ..زينك ساعة اللي شفتك فيه ..الحمدالله على السلامة ياجلال
جلال : خلاص ورأسي ماتبكي ..اااها شن البنة هذه ..شن امطيبة ..زيطة عاد جايتك جنات ونسيبك
سليمة : اسسس عيب يسمع فيك الراجل
جنات امصبية على باب المطبخ اتبحت في جلال وسليمة وتضحك وتبكي في نفس الوقت ..وسفيان قاعد امركز عليها ..وكانت هذه اول مرة سفيان ايشوف جنات مع عائلتها ..وكل مرة ايزيد ايفكر هل فعلا جنات دمرت حياة توفيق ؟!!
طلع جلال وخش للحوش وجنات امعاه ..ايطلع في دبش يبي يدوش ..وجنات تبي تعرف كيف طلع
جنات : هيا جلال احكي حرقت دمي راه
جلال خذا دبش من دولابه وطلع : ياسلام ..تبي تقنعيني انك مش عارفة شي
جنات تلحق فيه : جلال وربي مش عارفة شي ..تعال فهمني قبل
جلال اتكى على باب الحمام : يعني راجلك طلعني من غير مايقولك
جنات انصدمت : راجلي ؟!!! قصدك سفيان
جلال : ليش أنتي كم متزوجة واحد
جنات : بلاسماطة جلال ..والله تحكي جد ..سفيان هوا اللي طلعك
جلال : شوفي أنا قاعد ماد وجهي ..ويجي العسكري طلعني ..ولما مشيت امعاه قالوا عندك افراج ..بعد طلعت القيت صاحب المحل وامعاه فخري و واحد اخرى ..وطبعا طلع سفيان
جنات : باهي ..شن صار بعدها
جلال : ماصار شي ..أنا طبعا نعرف فخري بس . سلمت عليه ...وصاحب المحل عدا على طول ..وفي الطريق فخري عرفني على سفيان ..ومنهم عرفت أنهم خلصوا صاحب المحل في بضاعته وطلعت
جنات : يانعليا عليك فضايح ..سفيان مازال يبي منك فلوس ..ومشى خلص دينك اخرى
جلال فتح باب الحمام : إن شالله انردهم له
جنات حطت يدها على الباب : من وين ياحسرة .وانت حتى الشغل ماتشتغل
جلال : حولي نبي اندير دوش توا ..مش وقت كلام ..وإن شالله تفرج
جنات : ااا
سليمة : جناااات تعالي
جنات اتهز في رأسها : مازلت ماكملت امعاك راه
جلال ضحك وصكر الباب
جنات طلعت : نعم ياجديدة
سليمة : هيا تعالي وتي امعايا الغداء واتي
جنات بحتت في سفيان وهو ايبحت فيها ونظرته اتهبل
ومشت اتساعد في سليمة ..على بال ماطلع جلال ...وبعدها قمعزوا ايتغدوا مع بعض ..وجلال يحكيلهم على قصص سمعهم في الحبس
بس جنات وسفيان ..طول الوقت نظرات وجو فايح
بعد الغداء جنات لمت الحوسة ..وطيبت قهوة .وسفيان وجلال ايهدرزو ..وفخري طلع عشان ايشوف السيارة ...مع طلعت مودة من حوشهم وامعاها طبق فيه كيكة ..واول ما شافت فخري انحرجت
تمشي وفخري شافها ..صكر السيارة وصبا على الباب ..صااااايع
مودة تبي تفتح الباب وفخري حرجها من كثر مايبحت فيها
مودة : سلام
فخري : اهلين
مودة تبي اتخش وفخري وقفها بيده : على وين
مودة اتبحت فيه بصدمة : نعم
فخري : أنتي مطيبتيها
مودة ماتعرفش عليش يدوي : شنو ؟!!
فخري عض على فمه وقرب منها فتح على الكيكة : بنذوق منها..عادي
مودة ابتسمت منحرجة : ااها
تفضل عاديفخري ياخذ في طرف الكيكة بس اعيونه على مودة ...مش قلتلكن صاااايع
مودة قريب اطيح من نظرات فخري ..بعد كمل خشت بسرعة لكن فخري : اسمعي ..قتلك
مودة التفتت فيه : نعم
فخري : لو سامحتي ممكن ..بعد اتخشي اتجيبيلي كاس امية ..نبيه للسيارة
مودة ترجف منحرجة : حححاضر ..وخشت تجري
جنات كملت حوستها ..وتشرب في قهوة مع سليمة وكان خاطرها تعرف ..كيف عرف سفيان ايطلع جلال ..وشن قاعد له ساعة يحكي امعاه
خشت مودة بالكيكة ..وهي وجهها أحمر : سلام
جنات : اهلين
سليمة : تعالي قمعزي اشربي قهوة
مودة نزلت الكيكة : جنات تعالي نبيك
وخشت للمطبخ وجنات لاحقتها : نعم ..كنك وجهك الوان
مودة مسكت ايدين جنات : يا نعليا ..يانعليا ..من الطرف اللي مع سفيان
جنات ضحكت : اسسس عطك الخير ..وين شفتيه
مودة : قاعد برا ..يرزيني فيك ..ماتقوليش عندكم اطروف ..انحن على صاحبتي المسكينة ...اعزمي حتى بالكذب
جنات : اسكتي ..ينعنشكلك ..راه يسمعنا سفيان
مودة : اهييييي
بعد خطرها ..يبي امية للسيارة ..عطيني كأسجنات : قمعزي توا نعطي جلال يعطيه
مودة : تف على وجهك باهي جلال شن دخله توا.هاتي أنا نبي نعطيه
جنات ابتسمت واتهز في رأسها وعطاتها امية ومودة خذت الكاس وطالعة : أسمعي بسرعة راه يطلع جلال ايشوفك يقتلك
مودة : يمي بعدها هوا ايتحلف فيا غير ايشوفني
وطلعت تجري ..وجنات خذت من الكيكة وخشت على جلال وسفيان ايهدرزوا في الصالة ..عطتهم كيكة ..وهم سكتوا اول ما شافوهم ..وهيا انقهرت تبي تعرف على شنو يحكوا
مودة من فم الباب : أسمع ..يا أنت
فخري كان متكى على السيارة ويحكي بالفون ..ومايشوفش فيها الا بعد سمع صوتها
فخري بحت فيها : اوكي ...توا انكلمك بعدين ...صكر الفون وقرب من الباب واعيونه اتفصل في مودة بالتفصيل ..ومودة قريب اطيح من طريقة نظرته لها
الصايع
مودة : تمام هذه ..اتسد
فخري : قولي فخري
مودة : نعم
فخري : بدال ماتقولي يا أنت ...قتلك أسمي فخري
مودة انحرجت وخدودها حرارة : أسفة ماكنتش نعرف اسمك
فخري مسك كاس لامية ..ولامس يدها : نتعرفوا مش مشكلة
مودة اسحبت ايدها بسرعة : اءاء ..اوكي نبي انخش
فخري : أسمعي
مودة : نعم
