رواية كفي والمنجمة الفصل الثاني عشر 12 بقلم الكاتبة Leo alfatlawi

رواية كفي والمنجمة الفصل الثاني عشر 12 بقلم الكاتبة Leo alfatlawi

كفي والمنجمه

للكاتبه leo Alfatlawi

بارت الثاني عشر

دا سد الشباج وانتبهت لمكرم واكف يسنط اجه كال شنو السمعته مصطفى اتريد اتشرد مرة مؤتمن وتفضحنه بالديره انتي عاقل لومخبل لهنا وصلت بيك الحقاره من شنو مخلوق انتي ولك هذه اخوووووك يالمطي اخوووك

اندار باوعلي وانتي شنو احجي وياج والله حرمات اتعب روحي واحجي ويه وحده مثلج ناكر الطيب متستاهلين واهد مثل مؤتمن

--مكرم فدوه

--خره بيج وبمكرم ولج اشلون تردين اتعوفي بعد ماترك كلش لخاطرج غزل صاحيه انتي لولا ولكم انتو شنو عليش ها عليشششس شنو مقصر وياكم ذاب روحه بالموت لخاطركم لخاطر اتعيشون عيشه مال اوادم

مصطفى. كافي مكرم لااتطلعه نبي ابراسنا والمضحي وانتي متدخل لاوحق الكعبه تعرف اشلازم عليك اخليك اتنام عمرك بالحبس لاتدخل اولااتضل اتشمر حجي

--لك منو يثق بيك بعد اذا اخوك اتغدر بي حتى الحيوان احسن منك شنو السواه مؤتمن ويستاهل كالهذه منكم لونفس الطينه مخلوقين اثنينكم

--عفيه نفس الطينه وانته لوعندك ذره كرامه اتولي لهلك ولاتدخل بينه متشوف روحك زودتها عايش عاله علينه وساكتين روح بويه ذولاك اهلك خلي يلفوك

مااشوف غير مكرم كمش مصطفى من ياخته وانطاه بوكس وكعه بالكاع رجع ذاك كام ضرب مكرم وصارت بيناتهم ضرب قوي اني اباوع واطفر

كله ابسببي يتعاركون ضليت اصيح على مكرم فدوه عوفه بطلت لااروح ولااسوي شي فدوه تركه اندار مكرم صاح بيه دخلي جووووه

دخلت ردت اسد الشباج شفت مصطفى كام من الكاع امدمه سديته ورجعت جوه ميته خوف هذه اذا كال المؤتمن يعدمنه ماعنده مانع ولاواحد راح يكله ليش اشلون يحبونه احنه الاثنين

ياربي دخيلك كون ميكول بسلا مستحيل مصطفى يخلي

يعرف مؤتمن يذبحني اذا دره وحتى مكرم مراح يجازف ويكول

اعصابي تلفت من التفكير كوه اجر النفس من الخوف الدقايق اتمر من عمري امتانيه اشوكت تندفر الباب ويدخل مؤتمن يكتلني لميت رجليه لحضني وارعش مر الوقت بس هدوء ماكو شي بلكي مصطفى حلها ويه مكرم اي يحلها يكدر

اقنع ابروحي وارجع اكول لاراح يكول مكرم وانكتل عيني بالساعه وبالباب

لمن سمعت الشباج يندك طفرت رحت كلت منو سمعت مصطفى رد كال غزل لاتفتحين الشباج بس اريد منج احجايه اخيره ترحين لولا

--هااا

--احجي ولج ابسرعه

--مؤتمن دره

--لاماراح يدري حليتها ويه مكرم بس احجي

--اييي اروح

--خوش الساعه 4 اجيج الكاج حاضره

--تمام

رجعت لفراشي ليش كلت اي طبعا اكول اي خومواضل عمري كوله عايشه بهالخوف اي غلطه احس موتي شنو هالحياه ياحب هذه مااريده

خليت راسي على المخده وافكر السويته صح لو غلط اكدر اروح منا وانجح بحياتي بدون مؤتمن صح مصارلي اهواي ويا بس حسيت ويا حياتي غير مااعرف اوصفها شي مثل الحمايه امأامنه من يصير شي يحميني محد يوصلي ابنفس الوقت خايفه منه شعور متناقض اخاف عليه ومنه بنفس الوقت

سمعت الباب تندك اتذكرت اني قافلتها كمت فتحتها دخل مؤتمن كال عليش قافلتها

--مو ردت انام وخفت لان وحدي

رجعت لفراشي وهوه كالعاده لازم ياخذ دوش يالله ينام حتلو الجو امثلج اباوع لخطواته هذه اخر يوم حكون بي وياك

طلع من الحمام وكف على الميز ينكث ابشعره من المي باوعلي وضحك كال اشبيج

--مابيه شي

--عليش اتباوعلي معقوله هالكد مشتاقتلي لو زعلانه لان سحبتج من شعرج

--هئ

--شنو الهئ شفتهمت هسه

--مؤتمن تذكر من شفتني اول مره

--طبعا من اشتكيتي عليه اشلون انساها

--ههه لاصدك شنو حسيت من شفتني

--اني جان المفروض مااجي بس صدفه جان عندي شغل قريب على بغداد وخابروني كالو صارت مشكله تعال

--يعني صدفه صار لقائنه الاول

--واحلى صدفه يعله كلبي

--مؤتمن اتحبني صدك

--اجه يمي وخر الغطه وتمدد يمي خلاني بحضنه كال مااحبج اني عشكج اخذ نفس وكال انتي الهوه الاتنفسه العله الي كلبي اتورط بيها

--اذا يجي يوم وابتعدنه راح تنساني

--اليعشك مينسى لمن يموت عليش تحجين هالشكل غزل شنو الصاير

--ماكو شي بس هيج خطر على بالي

--لايخطر على بالج هيج شي مااعوفج بس من اموت

--لاتموت مؤتمن كلتها وبجيت

--غزل بويه بيج شي عليش تبجين شصاير

--لا بس مااريد يصير بيك شي ابسببي

--عليش ابسببج شنو اعامله وخايفه كولي والله ماراح احاسبج لاتضلين تبجين

--هئ هزيت راسي بماكو شي بس ضايجه

--باجر وين تردين اخذج وحتى نقال اشتريلج بعد امري شنو تردين اني حاضر

--مااريد شي بس لاتتأذه ابسببي

--اكو شي ضامته غزل ماراح اضغط عليج هيه تطلع وحدها واذا على الاذيه امني شبعت مذله منج من صرتي لسه

--شنو يعني من صرت

ضحك وكال جنه نتاعرك عليج اني ومكرم ياهوه يراقبج وكحه اله اطلعين للشط عناد محد يكدرلج وحنه واجبنه اناطرج اخاف اتغركين هوه يصيح بت عمك انته لازم تتحمل

واني مبتلي لاساعه ولااثنين اتلعبين ولازم اضل اي زله منج لو وكعه اگلي كتله معدله لومن جدي لو ابوج

--لعد لويش هيج مخبوصين خو حبسوني لاتخلوني اطلع لو عينك بيه من ذاك الوكت

--لايابه ولاامفكر بيها اني جبير وكتها وانتي جنج كتكوت طالع من البيضه بس ركض لاتركدين ولاعندج عقل

عمي المخبوص اتكول اول طفل عنده يصير طاير بيج جنت اصفن اكول عليش يميزج عن باقي جهاله

--وعرفت لويش جان يميزني بابا

--امم عرفت ماناويه اتجيبيلي طفل خلي اشوف احبه مثل مااحبج

صفنت ابوجها تدري اخر يوم اني بحضنك مؤتمن وانته وين تحلم دمعت اعيوني غصبا عني جانن ادموعي تنزل

كعد مسح ادموعي كال اشبيج غزل ولااتكولين ضايجه بويه كولي اكو شي احد وياج بس احجي لاتخافين ورب الكعبه ماراح احاسبج مهما يكون العاملته

--دا اكلك ماكو شي بس اشتاقيت لماما

اتحسر ومسح ادموعي كال حقج بويه انطي مجال بس تهدأ الاوضاع واحل شغلت تهاني واخليج اتشوفيها

سكتت مارديت وهوه رجعني لحضنه عصرني حيل اشتمني وباسني خليت راسي على كلبه كأنما اريد اسمع دكات كلبه واشبع من عطره لااخر مره

--غزل بويه والله قلقتيني متكليلي اشصابج

مارديت غمضت اعيوني

اليلةكله كاعده مانامت عيني للصبح

اباوعله حفضت تفاصيله كلها لحيته شعره سماره دورت وجهه طبره بگصته مال وكعه لو ضربه اكيد مؤتمن يشتري العركه بفلوس خليت ايدي اتلمست لحيته على كيفي حس سحبها وباسها فتح اعيونه باوعلي حس اكو شي بس ماضغط عليه مكال شكو جان امتانيني اني ابدي اكله شنو ضل يباوعلي ورجعني لحضنه اتحسر و ضمني اله حيل

اليل صار اشطوله ماكدرت انام وهوه كل اشويه يكعد يتاكد مني نايمه لولا يغطيني ورجعني لحضنه وينام

اباوع للساعه 4 اله ربع كمت اريد اعوفه مااكدر ولااكدر ادنك ابوسه اخاف يكعد ادموعي تنزل على السريع كمت على كيفي وصلت للباب رجعت انداريتله لكيته غاط بالنوم خفت شهكتي تطلع ويحس يكعد خليت ايدي على حلكي اكتم الشهكه كعدت بالكاع مااكدر اتركه اشوف اشلون نايم مرتاح هم راح ينام وراي هالنومه

ماعرفت انو اني وكتها صلحت غلط بغلط اكبر منه وراح اندم على السويته

كمت فتحت الباب على كيفي وطلعت ابسرعه اذا ابقه بعد اشويه ماراح اطلع بس كلبي عاصرني عليه لكيت مصطفى واكف يدخن اول مشافني اشرلي تعالي وراي

اني حتى بالتراك جايه مابدلت وحتى نعالي مالبسته ماعندي اي كلب اباوع للغرفه مالتي طلعت للباب انداريت للبيت باوعته شنو شفت بيك اشلون دخلتلك واشلون طلعت مؤتمن هم يجي يوم وتسامحني ماعندي جرءه اباوع لباب غرفتي العبره كامشتني مااتخيلت يجي يوم وراح احب مؤتمن لواتعلق بي

حسيت مصطفى سحبني كال ترحين لولا

اشرتله اي ماكدرت احجي بس ادموعي تنزل

اخذني صعدنه سيارته وشغل كال غزل اخر مره اسالج ترحين لو اترجعين

--لااروح كلتها وبجيت

--اتهون راح تنسين حرك سيارته ومشينه

الطريق كله ادموعي مترضه اتبطل

--على شنو تبجين متكليلي هوه انتي اشفتي بهذه البيت

--مؤتمن

--خره بلشت مؤتمن جابج تبجين منه وطلعتي تبجين علي استغفر الله

مااعرف اشلون حبيته بس مستحيل اكدر اكمل ويا ولاويه اهلنه عدهم قوانين صارمه وصعبه اهواي عانيت وياهم اني اتربيت على الطبيعه ماكو قانون يحكمني اهواي واجهت صعوبه وياهم اهواي عانيت وراح اواجه الاصعب اذا بقيت اني موكدهم ولااكدر اكمل وياهم بس حب مؤتمن الاذاني بتركهم اشكد جنت ابعد روحي عنه مااريد اتعلق بس سحبني بحنيته غصبا عني حسيت الدنيا ضلمه عليه حسيته حلم وكعدت منه بس هذه موحلم هذه عذاب ورا مرض الي مااراح اطيب منها

الطريق طويل صار الصبح وحنه بعدنه حسره ابكلبي واعيوني وحدهن ينزل ادموع

سمعنه جهازه يرد وكف طفه السياره واشرلي ولانفس رد وسوه روحه استوه كاعد كال الو -- يم

-صاحبي اشصاير.-- من البارحه طالع من البيت

ماادري عليش --وين اتولي تلكيها يم البنات.

اووو عمه هسه اشويه واجي فشله العالم نايمه

اشلون تطلع --- يلا لالا ماتعاركنه بس سوء تفاهم من اجي اكلج----عمه تره مصار ساعه من نمت

لااتخبليني خلي اصحصح وارد احاجيج --لاماانام يلا الله وياج

--شنو صاير مصطفى

--مصاير شي سلامتج بس غزل مختفيه يالفاهيه استغفر الله

--هسه يعرفون انته المشردني

--لاامني البارحه طلعت كدامهم بعد مااتعاركت ويه مكرم يعني متاكدين من رحت يم صاحبي

--لعد اشلون لكيتك بالبيت قبل اشويه

--مارادلها شطاره عبرت الحايط

--مؤتمن شنو حيسوي

--كلشي يخطر على بالج راح يسوي حارك البيت وراج

--اذا لزمنه شنو يسوي

--كلشي ماكو بس طلقه ابراسج وطلقه ابراسي وكان الله يحب المحسنين

--اشوكت نوصل

--ماضل شي دخلنه بغداد

خليت راسي اتخيل شكله

-- مؤتمن شنو ديسوي هسه اكيد متخبل

--اكيد يخاف على سمعته مرته شردت اشلون يكون منظره كدام العالم

--بس اني هم حقي مااكدر اضل وياهم حتى لوجان وياي زين هم اضل ماامنتله ادري حيتزوج اذا موتهاني غيرها مؤتمن الجبير مال العائله اكيد مثلهم اقل شي يتزوج 3 حاله حالهم واني اذا اتعلقت بي اكثر راح اموت ومااكدر احجي

--هاي هيه ماطول اخذتي قرارج لاتضلين تاكلين ابروحج انكتمي وخليني اوصلج وارد بسرعه سطرتي راسي

وصلنه لكيت ماما بالباب امتانيتنا قبل لاانزل مصطفى انطاني الغتره كال راح اتنزلين خليها على راسج ابسرعه صعدي بسيارتهم لااتخلين واحد بشوفج

نزلت ركضت لماما الها اشكد مشتاقتلها شبكتها وضليت ابجي بحضنه مااعرف من اشتياقي الها لو على تركي لمؤتمن

عمو قتيبه. خلصت بابا لاتبجين

عفت ماما ورحت شبكت عمو قبل لايبوسي سحبني منه مصطفى كال غزل رجعتج ميخالف بس لاتتجاوزين احدودج اشرتله ايي عرفته مارضه لان حضنت عمو قتيبه

عمو اتشكر من مصطفى وكال يلا ابسرعه قبل لايحجي زوجج رحت ردت اودع مصطفى كلتله هسه صار وكت اودعك

-- روحي غزل اني اضل وياج عالمخابره مااحب هيج لحضات

--دير بالك على مؤتمن

--شخليتي لمؤتمن وبعدج توصين علي روحي بويه روحي مودعه الله بس امانه غزل حافضي على روحج ولااتركين حجابج اتذكرينا احنه وراج خلينا خاطر يمج لاتنزلين روسنا

عافني وراح لسيارته

واني صعدت سيارت عمو وانطلقنه للشمال مناك طيارتنه

من التعب والتفكير حتى راسي صدع همزين سياره عمو جبيره خليت راسي على الكشن بسلا يطيح بيها مصطفى خطيه واني لحيت علي يعني ابسببي مؤتمن ماراح يرحمه اذا عرف تعبت من التفكير والنعس اخذ عيني نمت

مرت كم ساعه واني بعدني على نومتي لمن ماما صحتني كالت يلا ماما وصلنه قبل لاانزل لكيتها امحضرتلي ملابس وحذاء نزلو واني غيرت ملابسي وشلت شعري ردت انزل حسيت روحي خاليا وين مؤتمن يشوفني بلا حجاب نازله عصرني كلبي ودموعي نزلن مسحتهن ونزلت

--شنو ماما اشو فندق

اي حبيبتي حاجزين بي كم يوم لان طيارتنا موهسه ماحصلنه تكت سريع

--لعد لويش خليتيني من هسه اجي

--خفت كلبج ياخذج لغير مكان غزل انتي متتأمنين بعد عقلج مااعرف شنو صارله اشلون غسله الج مؤتمن مااعرف يلا خلينه اهنا كم يوم هم اتفرهي خلي انطلع الضيم الشفناه من خلفه صبحه

دخلنه للفندق جان كولش راقي ومكان حلو حجزنه اخذنه سويت عائلي غرفتين صعدنه اخذت الغرفه الي شباجهه مطل عالخارج البنايه لان المنضر منا تحفه ماما جانت امحضره كلشي جايبه وياها ملابسي القديمه ومشتريتلي ملابس بعد اضافيه

عقلي امشوش احس راسي دايخ بي اهواي امور تاهت عليه بين تفكير على خوف على فراق حسيت روحي دخت

ماما. عزا ابعينج غزل بسلا حامل

--لاماما والله ماقربلي بس تعبت من السفر هسه اخذ دوش اصحصح

--اخذي ذني ملابس غيري وهاي منشفه

اخذتهن رحت للحمام اخذت دوش وطلعت

دكمت الصدر كوه تنسد باوعتلي ماما صفح قبل لاتحجي كلتلها تره وره ماطرحت سمنت لايروح بالج بعيد

--ضحكت كالت لامواهواي سمنانه كم كيلو امبين

--امم عود انزلهن

--لالاخليج هيج احلى لايكلج طالعه اتخبلين

--يلا اقلها استفاديت من صبحه لحمه اشويه من اكلهم الدسم

-- دتعالي امشطلج

--حيل ماما من اشوكت فاقده هيج احساس من اطلع واتكولين تعالي امشطلج

--سوده عليه ماما والله دائما انتي ابالي ادري شعرج يتعبج وخاصتا من اتمرضتي شلت همج

--لا من اتمرضت جانت عمتي اتمشطلي ومؤتمن يضل يحجي عليه ميقبل احد يمشطلي مامااتصوري يغار حتى من عمه

-- غزل اذا كل اشويه متذكرته ماراح يروح من عقلج شيلي حبيبتي اعتبريها مرحله واتعدت حلم وكعدتي منه هسه الحمد الله خلصنه وراح نرجع لمكانه خلصي من ذكرياته علمود ترتاحين

--ييي ماما بعد ماافكر خلص

--يلا هسه خلي نطلع نفتر واشتريلج كم حاجه منا قبل لاانسافر

--لاماما اريد انام والله تعبانه خليها لليل

--يلا ابراحتج روحي نامي ومن اتكعدين ننزل ناكل

ماما طلعت واني رحت لفراشي اشكد حاولت انام بس ماكدرت اغمض عيني اتذكر مؤتمن هسه شنو يسوي اشلون حاله ساعه واني على هاي الحاله كمت لان اذا ضل هيج راح تدمر اعصابي غيرت قميصي اخذت اعرض مااعرف بس كلمات مصطفى ابأذاني وغيرت مؤتمن ابعيني طلعت لكيت ماما كاعده كلتلها ماما جوعانه

--نطلب ماما هسه

--لااريد انزل ناكل جوه اغير جو

--يلالعد حبيبتي

نزلنه جوه كعدنه طلبنه الاكل دناكل اجه ابالي مصطفى كلتلها ماما انطيني النقال خلي اتصل بمصطفى

--يااا نقال غزل من اشوكت

--يوو ماما يلا انطيني الفون

اخذت الفون اتصل على مصطفى بس يرفضه كم مره لمن عفته خفت واكف يمهم اشويه واجاني مسج اني اتصل بيج

عفته حتى مااشتهي اكل عفت ماما تاكل طلعت بره افتر وحده اكو بره جان مكان تابع للفندق كولش حلو مثل شلال اصطناعي ومي بالكاع رحت كعدت يمه اتلفلفت زين بالقمصله لان يم المي والشمال كولش بار جانو اثنين شباب كاعدين كدامي وياهم ابنيه يمكن متزوجين حديث لان علاقتهم وضحكهم جان يجنن

والولد اليمهم يضحك عليهم اجه ابالي مصطفى من جان ينصب على احمد ورجاء يكول امصدكين روحهم عصافير حب حرام جنهم غربان كاتلهم الوصخ

ضحكت شفت الولد كدامي يضحك دنكت ابسرعه هسه لباله اضحك ويا لهيت روحي ويه الفون

مصطفى.

رجعت للبيت لكيتهم كالبي اول ماوصلت شفت مؤتمن متخبل كاعد واخال ادي على راسه مايعرف شنو يسوي ويمه مكرم جان يباوعلي بنضره عرفته شيقصد بس اذا بي حظ خلي يحجي وحق الكعبه اخلي ينام جوه الكاع

رحت سويت روحي ماادري الصار

--خير شكو

عمتي. غزل انهزمت كالتها وبجت

كام مؤتمن كمشه مكرم كله يخوي خلي نتاكد وين اتروح

بس هوه مارد راح لسيارته شغلها وطلع عرفته راح لبغداد وراها يدور

رحت لغرفتي اريد انام اجه مكرم كمش ايدي يريد يلغي دفعته وشرتله اششش رحت شمرت روحي على الجربايه لان ادري وراي مشكله لاصارت ولاراح اتصير مثلها يلا خلي يستوي اشويه يدور وبعدين افجر القنبله بسفرها

نمت لليل من التعب

كعدت على صوت اتصال غزل رفضته رجعت اتصلت اشكد اتلح دزيتلها اني اتصل بيج رجعت نمت كعدت نص اليل امترس نوم اشصار ماصار ماعرفت

كمت طلعت بره جوعان رحت للمطبخ لكيت عمتي كاعده بعدها

--هاااعمه تره جوعان

--تعال يبعد عمتك اكعد هسه اسويلك اكل

--عليش كاعده لسه

--يمه اخوك كاسر كلبي راح يموت وره مرته رجع مناك متخبل كالوله هاجرو اليوم واتاكد غزل وياهم

--وينه هسه

-- بره مادخل لسه

--يلا سويلي لكمه خلي اكل واشوفه

كعدت سوتلي مخلمه اكلت وطلعت ورا اشوفه شنو احوال هذه البطل بعد ماعافته مرته شفته يم الشط كاعد يدخن خال راسه ابين ادي وكاعد هههههه

تذكر يخوي من اجينه اني وامي نتوسل بيكم اتخلونه وياكم وتعترفون بيه اشسويت لبالك مااكبر واردها الك

والله واجه اليوم الااشوف كعدتي نفسها من طردتنه

رحت يمه كعدت شال راشه جانت اعيونه حمر ويدخن بحركه اشفايفه ترجف من القهر من يسحب النفس من الجكاره

--كول يالله خويه راحت خلي اتولي تجيك غيرها لاتسوي بروحك هيج

--عليش راحت ماقصرت وياها بشي جنت مستعد انطيها عمري كلشي تتمنا كلتلها احقق الج

--يخوي متكدر اتعيش اهنا هاي انته اتغشم روحك

--عليش خلتني احبها عليش دمرتني اذا ناويه اتروح

--مااعرف بس يجوز جانت ماناويه وبعدين قررت

--اشلون راحت راح اتخبل جانت ابحضني اشلون كدرت تنهزم جااني اشكد زمال انهزمت من حضني وماحسيت

جان يحجي بحركه كلب ويرجف مااتوقعت هالكد يحبها ساعه يلوم روحه ويطلعلها اعذار وساعه يكول انهزمت لان البارحه ضربتها بس والله ماقاصد اسحبها من شعرها شفته بده ايخربط بالحجي خفت يتخبل اني اسويت بي هذه كسر خاطري اول مره اشوف مؤتمن بهذه الشكل ادموعه بعيونه لاهنه الطايحات ومرتاح ولاهوه المقوي روحه ومتجاوز الشغله باقي يطحن بروحه هذه للصبح اذا بقى على هاي الحاله يتسودن

احتاريت شنو اسويله امبين جرحه غميج لايتضمد ولايصيرله جاره

(شوازانا وعشكنه المايصير النه )

اخذتله صوره من خلفه ورحت وره البستان

خبرت غزل اول رنه ردت امبين هاذي الثانيه نفس الصخام الي لسه مانايمه اول ماكلت هاغزل

ردت اشلونه مؤتمن

--عليش اتسالين موش تركتي

--شنو وضعه

--والله لايسر عدو ولاحبيب يم الشط يدخن ومتسودن

--روح يمه خطيه لاتعوفه وحده اخاف يصير بي شي وجدو اشلونه

--جدج مااعرف عنه شي بس سمعت متخربط ومودي للمستشفى يمكن صاعد ضغطه هذه السمعته من عمتي لان جنت نايم استوني كعدت

--ومؤتمن شنو سوه

--راح وراج لبغداد كالوله مسافرين وانتي وياهم

--اي ماما اموصيه الجوارين كالتلهم اذا سال كولوله هيج واكدت عليهم

--اشكد نغله امج متفوتها فايته انتي شنو وضعج

--كاعده بره

--غزززل شكو بهالوكت بره

--تره الناس كولها كاعده عادي مصطفى هاي حياتي تره عمري كوله كضيته بهالشكل ليش متفاجى تره الحياة العايشتها تختلف عن عيشتكم

--اهااا صح ورجعتي لطياح حظج

--لاوالله لبست مستور وكاعده ماما وعمو قتيبه وياي

--تمام يلا ديري بالج على روحج امودعه بالله

--باي

--بايات يابه بايات

سديتها منها ورسلتها صوره مؤتمن لعلها ترجع بحجايتها واتكول تعال اخذني اشكد ماردت اخطو هيج خطوه

صح بالبدايه ردت انتقم من مؤتمن بس اتغير فكري من عاشرتها لكيتها تختلف عن باقي البنات تتصرف بفطاريه جانت متمنيه ترجع لمها اهوي ضاغطين عليها اهنا مااكدرت ارجع بكلمتي من اتوسلت بيه وكالت انطيتني امل لاترجع بي

للصبح ومؤتمن مانايم يفتر يروح ويجي على الشط استوه طلع الضوه رجع صعد سيارته رجع البغداد يدورها اتخبل رسمي هذه

رجعت لغرفتي اخذت دوش وطلعت للمصنع

اشويه وخابروني كالو جدي اتخربط بالمستشفى رحتله لكيته على اخره كوه رجع لوضعه ورجع الضغط اله

للعصر رجعنا للبيت ومؤتمن مامبين لسه يخبرو بس ميرد

اجتمع بينه جدي كال مااريد واحد يدري بالصار بلكي نلكه البت

يابت جدي طارت والله انتي اثول مثل حفيدك عفتهم ورجعت للمصنع لان احمد اثول من اخته ميتامن وحده لليل لمن حسيت روحي تعبت من صدك اتكسرت تكسير رجعت نكضان وصلت اتكلتني عمتي تبجي خير عمه اشصابج

--يعمه مؤتمن من البارحه لسه ماخله لكمه ابحلكه هسه يطيح

--وينه هسه

--بالبستان كاعد استوه رجع من بغداد يكول ماخليت مطار ولابر ماسالت كالو ماكو هيج اسماء طلعت منه

--اهووو هذه ميمل يابه هاجرت البت عوفوها

خليلي اكل علما اغير ملابس

غزل.

اليوم كوه خلص كل اشويه اطك ابراسي ارجعله واعتذر

اتذكر ماما كالت اروح واعوفج اخاف اخطو هيج خطوه اخاف اندم تالي مؤتمن يعوفني وماكو احد اروحله

حسيت روحي دخت وعيوني اتغوش دخلت جوه غيرت ملابس كوه نمت من الصداع

كعدت على صوت ماما وهيه اتكلي كومي اجه سيف

--شنو ماما

--اشبيج سيف اجه

--لويش ماما كلتيله تره بعدنه اهنا اخاف احد يشوفني والله يذبحني مؤتمن

--دكومي يامؤتمن يلا الولد امتانيج غيري وتعالي كالتها وطلعت

كمت على السريع بدلت ملابسي وطلعت لكيته جوه بالاستراحه كاعد اول ماشافني كام وضحك فتح ادي لبالي مثل قبل كبل اجه اسلم امحاضن خرب بحظي غير مؤتمن يشتم عطرك على بعد اميال ويجي يشنقك

وصلت يمه اشرتله بيدي هلاوو كعدت هوه اتفشل بس كعد عادي كال اشخبار الحب

--ممم الحمد الله

--اهااا الحمدالله لاامبين متغيره اهواي

--اي عفيه متغيره اهواي والي يوصل يمي اكله

افتهمت جنت احجي اشرله علمود يعرف شنو قصدي

--لااني هم اعرف مولبالج مثل الهمج الجنتي عايشه وياهم مااخذج غصبا اتانيج تتطلكين اعرف حدودي وياج

--الله كريم لويش اجيت سيف

--عندي شغل اهنا باجر راجع وراح احضر اموركم علما توصلون

--لعد اذا اكو هيج سفر لويش منروح احنه هم

--لااني جاي ويه شركه مسؤوله عن الشغل همه يردوني وياهم عوفج هسه من الحجي كومي نفتر اشويه قبل لاارجع خلي اشوفج متدرين اشكد مشتاقلج

--مااكدر اطلع تعبانه

ماما. دكومي ياامي طلعي متكليلي اشبيج يلا روحي ويا

--ماما مابيه حيل

--دروحي ولاتتعطلون اشويه ورجعو

ضلت مصره وهوه يسحل بيه طلعت ويا كلت مااتعطل

رحنه مكان جان حلو مثل الحديقه بس حلو نفتر وكف اشترالي عصير سفري اخذنا ونفتر يسال اشلون جنت عايشه وشنو سويت اكثر الكلام مالي خلك ارد اسكت لحد مااشفت واحد يباوع عليه من بعيد وغمزلي انتبه صار اعصاب لبالي راح يكتله اشو هذه يكول وين البوليس وراح يدور عليهم وعافني

خرب بحضي خرب بغيرتك مؤتمن خليتني اشوف الزلم من بعدك كلها نسوان اتصلت بمصطفى رد واني امسنكره من الضحك كال الووو

--هلو مصطفى وين انته

--بالخره المصنع اشبيج عليش اتضحكين

--شفت موقف اتذكرتك وضحكت

--شنهو خير

--تذكر من كلتلي اكيد جنتي ماخذه واحد مثل فهاوتج ابااول راجدي طلكج

--شنهو متاكد غير الف بالميه متاكد بس عليش اتذكرتي هيج شي

--مودامشي ويه سيف واحد غم

--شنهوووو غزززل خره غزززززل وحق الكعبه اجي اسحلج من الشمال للبصره من شعرج لج خرررره اتردين عدل للفندق واني جايج بسيطه

سد الفون خرب بحضي هسه اشحجاني اني ويه مصطفى يعني نفس اسوادين مؤتمن هذه يربي رجعت اتصل هوه يرفض بس لحيت لمن رد كلتله فدوه بس اسمع

--شسمع خره شسمع ولج بعدج على ذمه مؤتمن انتي

--والله حرجع للفندق بعد مااطلع

--وهذه ابن الزفره اشجابه يمج

--عنده شغل الصبح حيرجع لامريكا اني هسه حروح للفندق مااطلع منا لباجر فدوه بس اهدء

--غزل الدنيا كايمه اهنا وراج وانتي دايحه ويه الكلب هذه

--لالاحرجع يلا بس شنو صار ليش هيج معصب مؤتمن صارله شي

--يابه دولي

غلق الفون اني هم مارجعت عزااا همزين خلصت يعني ذوله ناوين يحبسوني ويغلفوني محد يشوفني هم الحمد الله من خلصت اوووف مؤتمن يجي يوم وهم انساه اصلا موذاك الحب الكتلت روحي وراه يمكن جنت حاسه بتانيب الضمير هذه موحب

رحت كعدت بالحديقه اجه سيف ويا البوليس انوب ذوله اكراد وهوه احمار بالكردي ميعرف بس انكلش وعربي وذني اثنينهن ميعرفوهن يحجي وياهم من المترجم الالي مالت الفون كوه سيطرت مااضحك والله جان حليتها ابوكس يالاغبر

ربي رزقني بثنين اوبزت واحد يشتري العركه بعمره واحد يخاف من خياله استغفر الله

مااعرف شلغو ويا المهم اشويه وراحو اجه يمي عالاساس ضايج كعد

--كال اشكد خياس

--لالاتغلط عيب تره ميصير

--اتضحكين غزل عليه لان ماضربته تره اكو شي اسمه قانون ناخذ حقنه لو غير عقلج الحيوان الجنتي عايشه وياه

--سيف مااسمحلك تغلط

--اتحبي غزل

--هذه الشي راجعلي مااتصور يهمك

---اشلون ميهمني وانتي راح اتصيرين مرتي

اباوعله اشلون جنت اخاف منك قبل ومااكدر اردك والله عجيبه يعني مجنت اشوفه بهالهيئه

من صدك اخاف وهوه امسيطر عليه ي معقوله لان جنت عايشه اهناك وهذه تقريبا ارجل واحد بيهم هيج اشوفه لو لانو مجنت اصلا اشوف رياجيل احمد الي اضحك عليه شايل غيره ابكد عشيرته

رن فوني اشرت السيف يسكت رديت مصطفى

--كال فتحي كام غزل

--لويش

--اكلج فتحي كام غززززززل

--بس صوتك اهدء تره يمي صديقات ماما

--لايمج سيف وبعدج بالحديقه والله موصوجج صوك الزمال الماعنده شرف ودزج لهناك بيده من انعل عشيرتج اليوم كومي غزل يلا وهااا لاتغلقين النقال يلا عدل للفندق فتحي كام يلااااااا

فتحت الكام لان ضل يصيح خفت منه خبل هسه يكول المؤتمن ميهمه ينكتل بس كون عرضهم ينستر ضليت ويا الطريق كله يسب ويغلط طلعني بت ملاهي وماخله واحد ابكبر ماطلعه نكثه ورجعهه لاوالله هم مارجعه يمكن شمره بالزبل على هذه الغلط

لمن وصلت للفندق ودخلت كال كل عشر دقايق اتصل اذا لكيتج طالع اجي واسحلج وغلق الفون

يعني شنو هاي كل عقله هذه لعد اشلون حرجع لامريكا اضل هم محبوسه ومااشوف احد وانوب لازم اتحجب ياربي ذرت عقل ماكو

غيرت ملابسي دخلت ماما كالت شنو الصار تره سيف ضايج يكول عافتني وراحت اتخابر

--ماما اريد اسكت مصطفى منا لمن انسافر تره هذه امخبل يجي لهنا

--لاامني ميندل

--لويش ميندل عالاساس احنه بجزيره واق واق هيه اربيل هلكدوتها

اقتنعت ماما وطلعت اتقنع سيف لخاطر لايزعل واني فتحت الفون ورجعت ليام زمان اباوع فلم رعب المشكله بعد مااخاف مثل قبل اكبر رعب شفته بحياتي ويه اهلي يعني جانت صبوحه الزمبي وام مؤتمن الجن المتسول استغفر الله هاي شنو صرت مثلهم احب احش بالعام

مصطفى.

مر اليوم الثاني ومؤتمن لاماكل ولانايم صار طريق بغداد البصره عنده هوايه رايح جاي والله اذا لاح غزل يشلع راسها على الحركه الشايلها

اني ابتليت بالمصنع لان وضع مؤتمن مخربط بعد يدور عنده امل يلكاها بالنهار اخلصه بطلاع الروح خرب بغيرتك مؤتمن اشلون متحمل هالتعب وحده وساكت من انعل ابو المصنع على اطياح الحظ هذه

رجعت بليل هلكان اريد بس اشبك المخده ونام كالعاده مؤتمن ماهوه يفتر يدور اكلتلي لكمه ورحت لغرفتي لان ماعدهم غير دورو غزل وين راحت اشسوت

احمد ابجهه مكرم ابجهه وجدي مخبوص كل اشويه للمستشفى ماخذي همزين ابتله بلي كاظم رجل حبيبه

رحت شمرت روحي على الجربايه نمت بلا احساس كعدت وجه الصبح طلعت بره لان هدوء جوه ماكو كلها نايمه شفت مؤتمن كاعد يم الشط وهم يدخن رحت يمه كعدت ها يخوي اشلونك

--اشلوني شتكول انته

--يخوي انتى تدري من البدايه موش الك عليش متريد تقنع

مارد عينه بالشط بغير عالم ويدخن اشويه وكال كالتي انطيني مجال اتعودك عليك واني الزمال صدكت اثاري اتكلي انطيني مجال انهزم

--استغفر الله يابه انته لو اتحبها صدك اتركها خليها اتكمل مثل متريد لاتغصبها على شي

--ميعتاز بعد اتركها هيه تركتني

كالها وكام بس شكله مكسور ماعرفت يجي يوم ومؤتمن ينكسر هيج كسره هم كلبه اللجم وهم كيانه ادمر والاكثر كدم العالم مرته انهزمت جان اكبر كسره بحقه

مؤتمن اتغير يوم عن يوم اتزيد حالته اشوفه محتار يروح ويجي لبغداد مايأس ابد ضل يدور بس صار بالنص مرات يكسر خاطر من اشوفه كاعد عالشط والله يخوي لوادري يصير بيك هالشكل ولاخليتها اتروح

انتهي مؤتمن لايهتم لاشغل ولامصنع كله تركه وميسال عنه

شنو من حب حبها هذه يعني هذه اليعشك هيج يكون حاله لويموت ولاهذه العذاب

جدي بعد ماصحى وراها خايف من شماته

شيوخ معروفين بالمنطقه بتهم تنهزم وحالته اتزيد من يشوف مؤتمن بهالشكل اعز احفاد الله بلا بيهم دائما يكول خايف مؤتمن يصير مثل جده ويروح مني

ذيج راحت وهذه يتسودن

يوميا يتحلف اذا لاح غزل يكتلها ويخلص من العار غير مؤتمن يذبحك وراها اشكد فايخ هذه

اما غزل فتورطت بيها لازم اراقبها اربعه وعشرين ساعه لاتعرف اهل وراها لاسمعه طايشه وخبله ابشكل موطبيعي وامها امشجعتها على هذه خلتني اندم واعض اصابيعي لان ساعدتها ساعات اكول اروح اشحطها واجيبها وخلي يصير اليصير وساعات تكسر خاطر رجعت لعالمها الصح خلصت من جبروت هالعائله هوه اني لويطيح بيدي اشرد وراها واخلص منهم

بعد الحرمان العشته هسه الفلوس كلها بيدي سبحان الله اشلون يدور الدنيا ويقلب الموازين بثواني

مر اسبوع على شغلت غزل مؤتمن ساءت حالته ماخله لامعارف ولااحد ماسئله

كاعدين العصر واجت عمتي كالت غزل اتصلت كالت وصلت لامريكا

جده . الله ياخذها فضحتنه بالديره غلطتنه من اول مره انهزمت كون نذبحها

--وشعرفنه يايمه تنهزم

--غير تربات فريال جاامها موش هم انهزمت وخلت سمعتنه بالگاع

جدي. باين قسمتنه عوجه وكل وكت تندار بينه

مؤتمن. مكرم يخوي حضر جوازاتنا وقدم فيز عمل

--وين يخوي تراهه 50 ولايه وين نحصلها

--قتيبه معروف عنده شركه اكدر اوصل

--يخوي فريال ماراح تخلي تعرف هيج نعمل وحتى لورحت وراها ماتكدر كلشي تسوي تراها مجنسه

--لحد يدخل اعمل الكتلك عليه وانكتم

جده. يبووو ناوي اتروح تذبحه وتروح بيها ولك يعدموك وراها

مارد اشوفه انهار من سمع الخبر يمكن جان عنده امل يحصلها اهنا تحس جبل حزن شايل على امتونه

مر يومين مؤتمن وبلش يحضر بالجواز والفيزه

جنت اسوق وهوه وياي بالصدر صاعد مرينه من طريق شفته ابتسم وكال اكيد مرتاحه هسه خلصت مني وسكت مؤتمن من نوع ميبين شنو الابداخله للمقابل اتشوفه ابحسرته وعيونه اهواي حجي بيهن بس ميحجي ابد

وصلنه للمصنع قبل لاننزل خابر جدي كال رجعو خلو بس احمد ونتو تعالو

ماعرفنه شنو الصار رجعنه هذه كله ومؤتمن مويمي وصلنه للبيت رحنه لغرفته كال المؤتمن هذه الاسبوع تتزوج واتجيب بت العالم كافي طولتها اهواي انته

--مووكتها جدي

--لاوكتها تروح اتجيب المره ونص احجايه ماني سامعلك

--وانته مصطفى تعقد على سمر

--لاابربك كول والله

--اكتم وحشم روحك لااكسر العصه عالراسك

--سمر السوده حرام انهزم مثل ماسوت غزل والله عيب ابحقي هيه تنهزم واني الزلمه اتلبس فلتتها واتذكرت مؤتمن شفته امدنك يهز رجله بتوتر اتحسه على ساعه ينفجر ر

جدي. شوف يمصطفى تتزوج لوتنحرم من الورث

--انحرم من الورث خومومن حياتي

--ان ماعجبتك جيب فوكها حرمه ثانيه

--واني اضل اجيب نسوان واكوم صدك تحجي جدي اشبيك

--هذه العندي يااتلم اجويلاتك وتفارجنه ياتتزوج

--تراها رايده اخوي جانت هاي اشلون اباوع لجهرتها

--موش غزل اختها واخذها مؤتمن

--جدي خاف الله انته اجيب غزل لسمر اشلون رهمتها بس اريد اعرف عمي شيحس من خلف سمر

--هاي سمر الماعاجبتك تسوه راس غزل واهلها اقلها مستوره لوماغزل بعدها على ذمه مؤتمن جان خليته يعقد عليها

--انته عليش امحسسني سمر الاميره عزيزه تره فحمه اتكول عبسي شنو تردون اتلبسوها ابراسي يابه شوفولكم واحد غيري من الاخير سمر مااخذها

--تعلي صوتك وتراددني يمصطفى

--جدي مارادك بس مارايدها وحدي جانت عينها بخوي اخذها اشلون راح اتقبلها

--واني ماعندي غير هالكلمتين ويلا كوم فارجني عندي چلمه راس ويه مؤتمن

اكله اتحب اخوي يكلي اخذها ويهددني بالورث ميدري ثلثين الورث بيدي صار استغفر الله عائله شاخطه ذوله شفت عمتي كدامي امكشره خير

--عمه شوراج

--ياعمه غير زواجج بعد كم يوم فرحانه بيك

--عممممه يازواج لاتورطوني اني ويني وين العرس

--عليش يمه ناقص ايد رجل اشو شباب اسم الله عليك طول بعرض

--وهاي هيه عدكم الطويل لازم يتزوج شو عمه وخري مالي خلك اجاوبج عفتها ورحت للغرفه اخابر هالثوله اشوفها وين اموليه اليوم

غزل.

جنت دااكل بالمطعم يم صديقه اتعرفت عليه رن الفون ابسرعه صعدت الكلاوي مالت القمصله ردين

--هلو مصطفى شخبارك

--الحمد الله وين انتي

--بالمطعم دااكل

--ويامن

--وحدي قصدي صديقتي وياي اتعرفت عليها اهنا بس والله ابنيه كولش حبابه

--فتحي الكام يلا

--تمام

فتحت الكام وضليت اسولف ويا طبعا وجها انطعن منشافني بلا حجاب وكال شطلعت غزل تره والله كرهتيني بروحي

--تره لابسه هذه امغطي شعري

اخذ نفس واستغفر كال شحجي اذا امج خارطه المستحه وماامستره اريدها اتسترج

شفته بلش بماما راويته صديقتي ردت الهي عني بس شاف رزان ضل صافن كال خرب بلشتك جدي تعال شوف الخلقه اشلونها واتريد تلطمني بعبسي ضل يذب حجي وهاي الفطيره تضحك

--مؤتمن اشلونه

--زين

--يعني نساني

--والله نساج مانساج مااعرف بس والله يغزل اذا لاحج اله يكظي التوبه بيج حتى ذبحج ميشفي

كلبه عليش لسه ماسافرتي

--الجواز مالتي خالص صارله كم يوم رحنه للسفاره الامريكيه قدمنا طلب وديشتغلولي بالجواز الجديد بس يطلع انروح

--وين جانت امج عليش ماسوته من زمان

--اله اني احضر ميصير

--يلا خوش بيها الخير بس استعجلو يكون احسن

وانتي اشوكت تتحجبين

--مولاسبه هذه اشبيك

--غزززل لااتخليني اجيج مولبالج بعدتي محد يلوحج اتأدبي وامشي عدل وهذه صخام وله لوبعده

--لاراح قبل كم يوم

--انتو عايشين نفس الشقه بأمريكا

--لاهوه شقته وحده

--اهاا خوش صدك قبل لااسده مؤتمن هذه الاسبوع زاوجه اذا اتحبين اتحضرين كلت خلي اعزمج

--الله يوفقه تهاني مو

--اممم تهاني واني زواجي على سمر

--لاع عزااا والله طحت ابشر اعمالك ماكو غير سمر ولك لويش

--جدج الشفيه لو يحرمني من الميراث لواخذ حفيدته

--خلي يولي ياميراث انقذ روحك ولك هاي اشلون حتباوع ابوجها جنها سعلوه حتاكلك

--هااا غزل لادخلين بالمحضور

--تره ماقصدت بس انته عقلك فاسد يلا الاكل برد روح

--اتسممي يلاولي

--اتريد ادزلك سفري تره الاكل يجنن اهنا

--والله لوادزيلي صاحبتج سفري اكون ممنون

--روح مصطفى الله وياك

سديت الفون ورجعنه كملنه الاكل وطلعنه بره الثلج استوه بده ينزل الجو خرافي صح بارد بس اشتاقيت لهيج اجواء صار اهواي مفارقتهن ضلينه نفتر لمن تعبنه وجرشنه بالبرد اتعرفنه على صديق هم بس كردي يحجي امكسر عربي بس نفتهم على زين كولش اكيوت وحباب

عزمنه على كهوه رحنه ويا للكافي اهناك اشويه دفو اتفقنه نطلع لدهوك ثاني يوم كال اهناك الاجواء ساحره احلى طبعا ماما متعارض هيه اتريدني اطلع فبسرعه وافقت اريد اعوض على الاشهر العشتهن بيت جدوو اشلون ايام عشتها عيع اجه ابالي من انشمرت من الدرج واجتني هاي الجده غمضت اعيوني حسيت برجفه لمن رزان ندستني كالت شكو غزل

--لاماكو شي ذكرى عابره ولت

--غزل انتي متزوجه

--لويش

--مودااشوف بيدج حلقه

--اي متزوجه وانفصلت

--لعد لويش لابستها لسه لازم اتحبي

--لابس اتعودت عوفج منها خلينه نستمتع بالاجواء الحلوه لااتذكريني بالماضي

صار اليل وحنه بعدنه كاعدين انسوالف اشكد حلوه الحريه احس روحي عصفر وطلقو من القفص جنت امأايسه ارجع لحياتي الطبيعيه اصبح بوجه صبوحه وامسي بوجه ام مؤتمن بس والله اشتاقيتلهن

وخاصه سماح اشكد اشتاقتلها هسه شنو شعورها من مؤتمن راح يجيب تهاني اكيد متخبله حقها هم عايشه ويه هيج عالم وهم اشريجه وانوب مؤتمن يحبها

رجعت للسويت لكيت ماما وعمو كاعدين ديباوعون TV كعدت وياهم اشويه فلم مومن مودي عفتهم رحت للغرفه خليت راسي على المخده اجه مؤتمن ابالي راح يتزوج حسيت كلبي انعصر نزلت ادموعي دخلت ماما كالت كمت مسحت ادموعي

--شكو ماما لويش دتبجين

--مؤتمن راح يتزوج

--وشنو الجديد اكيد يتزوج وانتي موعفتي خومويضل عمري امتانيج

--- يعني نساني ابسرعه هوه يحبها اكيد راح يدللها هم راح يخليها بحضنه ويبوسها

--اي لويش لا غير حتصير زوجته راح يدافع عنها وميخلي احد يوصل يمها ويحاجيها وخاصه جدتج راح اتدللها دلال لاصاير ولاصار هاي الجانت تتمناها

--ماما دااحس كلبي يوجعني

--غزل كافي انسي نسيتي شنو سوو بيج موشبعتي اهاين وضرب على شنو تبجين صار كم يوم اهنا شفتي الراحه اشلون بعد اتفكرين بيهم

--بس هوه كلي اعشكج ومااكدر بدومج وهاي مصار كم يوم حدد زواجه معقوله جان ديجذب عليه

--اي يجذب عليج وناوي يخليج مثل سماح خرسه بس للخدمه والفراش مالج اي حقوق لاحبج ولارادج بس شافج ازغيره طمع بيج كم يوم ويمل ولج هذه حفيدهم الجبير لواتذبحيهم ميخلو يكعد عليج يردون يكثرون نسله

-- خلي يتزوج غيرها لويش هيه

--هيه لوغيرها هوه راح يتزوج بعد انسي ياحبيبتي راح اترجعين لحياتج اهناك ومستقبلج خلي يعيش مثل ميريد لاتفكرين بي فكري بروحج اشلون انطلكج منه علمود اتكمشي عده واتخلصين

--هااا لاماما موهسه اطلك

--لويش عيني ماطولنه بعدنه بالعراق اني حجيت ويه عمج قتيبه كال اشوف اشلون الاجرائات الطلاق الغيابي واطلكها

--لاماما موهسه اخاف يوصله الخبر ويعرف وين اني خلي نرجع وبعدين كملوها

--ياحبيبتي مومااريد اضيع وقت سيف كمل كلشي بس تخلص العده اتعقدون

--شنو لعابه ابكيفكم اطلكوني واتزوجون ماما صدك دتحجين

--لعد شنو تردين اتضلين على ذكرا عايشه

--ماما زواج من سيف ماراح اتزوج خلي اكولج

--ولويش عيني

--مااحبه ولااطيقه

--بعد الزواج راح اتحبي موهذه مؤتمن اخذج سحل وهسه تبجين عليه

--وانتي اتجيبين مؤتمن لسيف ماما صدك دتحجين

--ولويش عيني مااجيب

--ماما مؤتمن جان يغار عليه من ضله

--وسيف نفس الشي جان يخاف عليج ولسه يتمناج كمتي ادورين غيره غزل اهواي اتغيرتي عوفج هسه عقلج بعده متشبع بيهم خلي نوصل والله كريم يلا نامي باجر عدنه طلعه الصبح

--موانتفقت ويه صديقاتي انروح لدهوك

--خلوها غير مره حجزت يم مركز تجميل تعالي غيري وياي بلكي تتعدل نفسيتج

كامت طلعت واني رجعت لفراشي وين عنج عمه ام مؤتمن جان كلتلج شنو مركز طاسه حنه واشويه ابخور اطلعين اتجننين.استغفر الله

ثاني يوم رحنه للمركز من الصبح لان ازدحام وهم يالله

ماما كلبت شكلها كوله واتوسلت بيه اسوي بس اكتفيت بااضافيري وبعدين شفت وحده سرحت سعرها طلع يجنن اني هم سوتليا كالت بس سنه ويرجع تره مودائمي رديت عادي بس اخلص من تمشيطه سنه

خلصت وماما بعدها كمت افتر بالمركز شفت وحده كاعده توشم خطر ابالي اوشم احتاريت شنو اوشم اخر شي خطر ابالي اتصل بمصطفى اخذ رايه اتصلت رد بس شكله طافره الدنيا من عينه لان بالشغل حيل بيك موجنت اتكول كوله ابخت مؤتمن يلا شيل

--انكتمي غردي شكو من الصبح

--دااخذ رايك اريد وشم بس محتاره

--عليش بويه رجلج وتاخذين رايي متولين

--لافدوه بس شوف الرسوم هذني حولت الكام على الرسمات اخذله صفنه وكال غزل كتبي اسم مؤتمن اقلها ذكرى تبقى من زمن بيت جدي

--لاع اني اريد انساه

--ابكيفج يلا عندي شغل ولي ولاتتصلين بعد بس انطيني رنه واني اتصل لايشوفه واحد واتسويلي مصيبه

--تمام باي

--ولي

ضليت محتاره بالرسمات اخر شي اقتنعت بكلام مصطفى ليش مااكتب اسمه اقلها ذكرى من اكبر اتذكر بشنو مريت واول حب منو مريت بي طلعت بطني كلتلها وشميلي فراشه يم صرتي وخلي اسمه فوكاها بس اريدها ازغيره كون اكيوت

صح بالبدايه وجعتني بس بعدين خدر المكان صارت اتجنن الرسمه والاسم طلع زغرفته حلوه

هاي كولها وماما بعدها عزا صدك دتحجي صار المغرب وهيه بعدها

مصطفى.

--يلا لازم نطلع ورانا طريق

مؤتمن. انطيني مجال بس خلي اخذ كم ورقه وياي واخذ سلاحك مصطفى ولااتضل اطفر اثكل يخوي

يابه خليني اروح وحدي شكو جتي وياي

لايخوي الطريق خطر وانته بعدك خام خلي يقوه عضمك اشويه عود استلم مچاني بعدها

ماعرفت صدك خايف عليه ماعرف ماامأمن بيه لو گلبه حسه بالراح يصير وصلنه سلمنه الشحنه واخذنه افلوسنا رجعنه الطريق صحراوي شبه مقطوع مااشوف غير اثنين صارو كدامنه

مؤتمن عرفهم قطاعين طرق فر الاستيرن وداسلها حيل كال ااااادخل جوه الكشننننن

عله بالجو صوت الضرب لمن السياره شحطت بينه يمكن ضربوها

اجت تنكلب بينه كوه وكفها التمو وسحبوني من السياره سحل

نزلوني اخذوني يم واحد واكف مسافه جان املثم وصلنه يمه خله المسدس ابراسي كال وين الفلوس

ماعدنه افلوس

ضربني ابراسي بجعب السلاح رجع كال جيبو ذاك وشوفولنه السياره

جانو ويانه 2 زلام بعد بس همه عددهم چثير نزلو زلمنه وياهم مؤتمن جان قبل لايجي صاح مؤتمن عوفه الفلوس عندي

اشمرهن واخذ صاحبك اي غدر طلقه ابراسه

ماكو غدر الفلوس يمي سلمني اخوي تاخذهن بس هيج ماراح اتشوفهن لوتحرك السياره ماراح تندلهن

سلم نضيف تستلم نضيف

شنو اليضمن متكتله

ماعندي مصلحه اكتله رايد بس الفلوس

الفلوس سهلا تاخذهن

راح للسياره طلع الفلوس وخله السلاح بنصهن كله طلقه وحده بعد ميفيدن رده للسياره وتعال اخذهن

جان رصه مال دولارات بيد مؤتمن

دفعني للسياره رحت اركض لبالي هاي هيه خلصت اشرلي مؤتمن شغل وروح شنو هذه يحجي اكيد اتخبل اشلون اعوفه واروح صاح ابصوت عالي روووووح

بعد جاي بندار ماسمعنه غير الطلقه ثارت ومؤتمن بالگاع غارك بدمه

الثالث عشر من هنا

تعديل المقال