رواية الهجرس الفصل الحادي عشر 11 بقلم رواء هادي
نزلقت للكاع لأزمة اركبتي مكان العضة وابجي بصوت ناصي كلمة وحدة مطلعت قلبي يريد يطلع من مكانه دكاته صارت قوية وصرت اسمعهن
بأذاني" سمعت صوته جان يحجي بثكل"
عوفيني.... ماريد... اففف... عوفيني
ماتجرأت ارفع راسي وأشوف شبي ويامن دا يحجي حسيت بي جرني من أيدي قوي ورفعني متت بدمي كمت اصرخ "ااااااه عوف....
بعدني مامكمله الكلمة سد حلكي بيده فكيت اعيوني بصدمة من شفت عيونه يخوفن جان الدم مخبوط بيهن خبط ولونهن مايله للسواد.
حجه من بين اسنونه"
تسكتين او املص اركبتج
قترب مني أكثر بهل الأثناء ردت أفقد الوعي جرني من خصري بقوه وضمني لصدره حضني باثنين ايديه خنكني بضمه لي .
_سلي احبج
فكيت عيوني بصدمة شنو يحبني؟ هذا اكيد تخبل وراكبه جني هو يحب الزركة حنونه رفعت ايديه اريد ادفعه ماكدر جان قوي لعبت نفسي
هسه تشوفنه حنونه لو اخوي تصير مشكله مالها حلول ويتهموني بشرفي حجيت بالكوة " عوفني شتريد مني ولك عوفني... اااه خنكتني عوفني اااه...
شد على جسمي بجسمه اكثر وركز راسه على جتفي حسيته نخلع الثكل لبي مو ثكل انسان عادي
عبالك ثكل جبال
_لتشلعين قلبي تره اشلع قلبج واخلي كدامج
بلعت ريجي وكمت ابجي وارجف بحضنه رخى ايديه وبقى حاضني بيد وحدة وايد الثانية يمسح على راسي من وره ويحجي بهدوء
_ حبيني وشوفي شلون انطيج كل الحب.. وشتريدين اجيبه الج حتلوه اقتلج بشر المهم
عندي رضاتج سلي
فزيت من باسني بخدي بوسه خفيفة بعد وكال "
لتخافين مااذيج... يله كولي احبك حتى
اعوفج ترتاحين
بلعت ريجي ولزمته من تيشرته قوي باثنين ايديه ورفعت راسي مشجعة ارده واوكفة عد حدة" أكرهك ولا تحلم احبك بيوم... لك عوفني دا تسووووي
اااااه الحكولييييييييييي محمد
لحكللللللي.. ااااااه
أني كلت ماحبك لو تخبل شالني باثنين ايديه وشمرني فوك الجرباية وصار فوكي كمت أصيح على اخوي واعيط بصوت عالي
لزم ايديه اثنينهن بإيديه الاثنين وصار يتحرش بي كمت اشيل وادك بروحي جواه واصرخ
بعلوا صوتي "عوفنييييي
ااااه لحكللللللي محمد لحكللللي
_ إلا اندمج على كلامج القاسي
صرت اعيط واصرخ هو يبوس بي بوحشية لعبت نغسي وكمت اغلط عليه تعصب وضربني راشدي كل قوته ماتحملت فقدت الوعي ماتحمل أني هيج عنف وخوف بعدها ماحسيت على روحي.
حنونه توني طلعت من الغرفة ادور على فرقد طلع بعد مارجع شفت اخو سلسبيل يخزر بي دنكت راسي توني مشيت خطوتين فزيت وفز الكل
وياي من سمعنه صراخ سلسبيل تطلب المساعدة
" هاي شبيها جدة؟
طفر اخوها واحنا وراه عدل لغرفة جديتي حلوة فتح الباب ودخلنه والصدمه النه غير متوقعة جانت فرقد صاعد فوك سلسبيل وجاي يتحرش
بيها وهي مثل الميته جواه جانت صحت"
عزززة العزززاك فرقد سويت
بالبنيييية؟
راحله أخوها يضرب بي وجره من فوكاها انا بقيت ابجي بحركه ماجنت متوقعة بيوم فرقد يطلع هيج انسان فاسد ويعتدي على بت أقاربه
اخوها راد يضربه ماخلاه لزم أيده وضربه راشدي هناك وين كلبه بالكاع وصاح بي" اكسر ايدك... بعدي
حلوة وعوفيها
جديتي راحت على سلسبيل تجرجر بيها جر جديتي قوي وشمرها هناك وين فرقد أبد مايسوي هيج ويه جديتي حلوة وما يصيحها باسمها
جدي موسى كام يتعوذ الشيطان ويقرأ قرآن ويقترب ناحيته راح تمدد فوك سلسبيل وتأمل ملامح وجهها ويبتسم اخوها تخبل
محمد_ ولك بعد عن اختي يا ناقص...
جرته جديتي حلوة ماخلته يروحله "
لتروحله لاياذيك وياذيها
محمد _ جدة عوفه يغتصب اختي كدام اعيوني
شلون تقبلينها
حنونه _ هذا مو فرقد والله فرقد مايسويها جدي سوي شي راح يعتدي عليها جدييييي
محمد _ جاي يسووووي؟
بكل صلافة وكدام الكل رجع يبوس بوجهها وشفايفها اخوها تخبل راحله جره جدي منه واشرلي يصيح "علكي قرآن متلبس بي هجرس
والج أمشي
محمد _جدي عوفني
حجي موسى_ماتكدرله هذا جن مو فرقد
محمد _شنو جن؟
حلوة_ رجعله هجرس وتلبسه من صخام براسنه.. ولك فرقد عوفها خطية لااااا ولك لااااا
حنين لازمه تلفون جديتي وارجف من الخوف ادور على البرامج أريد اطلع ملف الموسيقى لكيته توني ضغطت على سورة الكرسي
وكع التلفون من ايدي من راد ينزع تيشيرتها راحله محمد وجدي يجرون بي بقيت مصدومة بمكاني انا شمزوجه مزوجه أنسان موصاحي وبي
جن ومايعرف يتحكم بروحه والجن يتحكم بي "وتوصل ويا يعتدي على بنات العالم كدام
اهلهن بكل صلافة وجرئة
بشفعات ياعلي يله جروا من فوكها وجرتها جديتي حلوة بالكاع وخلتها بحضنها تبجي وتصرخ على فرقد فزيت من فرقد راد يضرب جدي
قبل لايضرب جدي جدي ضربه راشدي وصاح بي"
شتنتظرين انتتتتتتي ماتعلكيييين!
كعدت بالكاع اخذت التلفون حيلي كله يرجف ماعرف شلون علكت قرآن كريم عفت التلفون وشردت يم جديتي حلوة ابجي من الخوف
لأن ضرب محمد دفره هناك وين كلبه رجع على جدي جره من دشداشته يريد يأكله أكل بنظراته من سمع صوت القرآن شمر جدي فوك الجرباية
قطه اذاناته باثنين ايديه وصار يصرخ بصوت عالي صارت تطلع منه صرخات غريبه موصوته هذا محمد بي مابي جر سلسبيل لحضنه
حضنها ويبجي مثل...النسوان من الخوف عليها وانا حضنت جديتي وابجي جدي كام لعنده من شافه كعد بزاويه الغرفة ويضرب راسه بالحايط
قوي ويردد " سل دم حنين إلا انتقم منها سلسبيل ملكي سدوا صوت ياذيني سل دم....
بقى يكرر سل دم ومتحلف بي حضنت جديتي كل قوتي واصرخ" جدة يريد يموتني
جدي لحكيلييييي
حلوة_ من صخام براسك فرقد تخبلت تالي عمرك ليش ربي ليش هيج صار بي...
جديتي حاضنتني وتبجي من كل قلبها جدي راحله جره قوي مايخلي يضرب رأسه بالحايط صاح بي" كافي فرقد راح تفجر رأسك
_سده سده
_لتخليهم يسيطرون عليك فرقد أرجع كافي ولك كافي
تعصب جدي وضربه راشدي مرتين ورجع حضنه هذا جدي هم مخبل شلون يقتربله وهو بهاي الحاله مايحس على روحه السورة بقت تكرر نفسها
شوي هدى حسيته ماتحرك من مكانه بقى بحضن جدي بعدت عن جديتي راحت لمحمد تحجي ويا خطية محمد أمر من حالتي حالته ميت من الخوف
ويمكن اول مرة بحياته شاف هيج شوفه قذرة يتحرشون باخته كام اعيونه فزينه كلنه من سمعت صوت فرقد صرخ وراها فقد بحضن
جدي صحت من مكاني "
جدي شبي؟
جدي _ فقد كومي علكي سورة البقرة وتصلي بعمج وائل خل يجيب الشيخ
ويجي بسرعة
حنونه_ اي هسه
كمت بسرعة للغرفة جبت ديجة صغيرة عندي علكتها شفتها بعدها فاقده الوعي اخوها وجديتي يصحون بيها جدي مخلي راس فرقد بحضنه
ويفرك برأسه ويقرأ طلعت اتصلت بعمي وكاتله جيب الشيخ وتعال فرقد فقد ومايحس بروحه تعال بسرعة كمت ابجي بالتلفون فزيت من سمعت
صوت صراخ سلسبيل سديت الخط بسرعة ودخلت للغرفة ارجف من الخوف رجليه كوه شايلة جسمي من عتبه الباب باوعتلها حاضنه اخوها وتبجي
لأول مرة بحياتي انقهر علمودها جانت مثل الطير المجروح وترفرف بحضن اخوها هو هم حاضنها ويبجي جديتي كامت راحت يم جدي
تبجي وتنده بفرقد فرقد ماكو له حس...اخاف أدخل الغرفه اجت بالي اشرد من البيت واروح لبيت اهلي يصحون بي ماكو مايكعد
بس نفس يروح ويرجع صاحلي جدي "
جيبي مخدة خلي جوه راسه لما
يوصل الشيخ
حنونه _ماا اخاف بي شيطان
جدي _حنييييين
حنونه _والقرآن مااوصل
وكعدت بالباب ابجي من الخوف على نفسي أخاف يكعد فرقد ويهجم عليه جدي واخو سلسبيل ماكدروله انوب انا بيد وحدة ينهيني وينهي الخلفوني
سلسبيل تعيط وترجع ليورة ماعرف شبيها جنها مخبله تصرخ اخوها حاير بيها مايعرف شلون يسكتها عاد كامت جديتي خلت جوه رأس فرقد
مخدة وراحت أخذت سلسبيل وطلعت خارج الغرفة بقيت اباوعلها وابجي يمكن تخبلت هاي منورة رجلي وإذا تخبلت شراح يخلصه من أهلها
جدي سحب اخوها على صفحة واسمع بي يكله لتجيب طاري فرقد تحرش بأختك حتى لأهلك لتكول تدري بي من هو وصغير بي مس وهسه المس رجعله
تره مايدري بروحه شيسوي مايسوي واحنا أهل ماريد تخرب العلاقة بيناتنه منورة جن ملعون متلبس فرقد واختك تصير زينة هسه مصدومة وخايفة
باع مرته هم حالها من حال اختك مصدومة وتخاف منه سمعت شلون جان يحجي ويكول الا انتقم منها وأنت تدري بي شكد يحب مرته
تتوقع يطلع هيج من فرقد
باوع لفرقد فاقد الوعي لا ايد ولا رجل رجع كال "
أعرف فرقد حق المعرفة انسان محترم واعي وماعنده سوالف طايح حظها بس لازم تعالجوا بأسرع وقت تره موزين يبقى هيج لايروح
يبتلي ويه بنات الناس لو يروح يكتل واحد من عدكم .
_هسه يوصل الشيخ وان شاءالله يعالجة
_ان شاءالله
فزينه كلنا من فرقد شهك شهكة طويلة ورفع صدره ليفوك ونزل بسرعة كمت مرعوبة من المظهر الصار جدي طفر لعنده
يصلي على محمد وآل محمد ويقرأ معوذات بوجه اخو سلسبيل كعد يم رأسه ينده بي صاحوا بي "كومي جيبي ماي كمت بسرعة
للمطبخ جبت كلاص ماي عفته بعتبه الباب أخاف اقترب لفرقد وبي جني صحت "هذا الماي انا
رايحة يم جديتي
عفتهم وطلعت اركض يم جديتي جانت بغرفة الخطار كاعدة يم سلسبيل وتهدي بيها خطية حالتها تكسر الخاطر نايمة على رجل جديتي
وترجف مثل السعفة رحت دحست نفسي جوه ابط جديتي أرجف من الخوف "جدة أخاف جرتني لحضنها باستني برأسي وكالت "لتخافين ان شاءالله
مابي شي
حنونه _سمعتي شكال الجني يريد ينتقم مني
حلوة_هسه يجي الشيخ ويطلعه لتخافين جدة أنتي سباعية حنونه
كمت اعيط مثل الجهال "
أريد أمي ماريد
فرقد بعد
حلوة_سم الله الرحمن شبيج جدة تخبلتي
حنونه_والله لو ادري بي هيج تصير حالته من يدخل بي الجني فلا قبلت اتزوجه قشمرتوني بي ماريده بعد رجعوني لأهلي رجعوني
حلوة_استغفر الله العلي العظيم تعوذي ابليس جدة
حنونه _ هو ابليس شتعوذ جدة شفتي شلون جان يتحرش بسلسبيل كدامنا عينك عينك ولا خجل ولا
استحه هذا ملعووون جدة ملعووون
كمت ابجي واصيح سدت حلكي "
ولج انجبي صوتج البنية مخروعة وأنتي تصيحين ماريده ماريده .. هسه الزلمة من يتمرض نشمره ومانريده هاي تاليتج ولج تعوفين
فرقد هو بامس الحاجة الالج هم صايرة مثل امه عافته وراحت شافت حياتها ويه رجال وعافته يتعذب اكطع لسانج بس اسمع كلمة ماريده منج بالقرأن اشوفج شي بعمرج ماشفتي
عافتني بعدت عنها كعدت اباوعلها وابجي رفعت رأسها سلسبيل وكعدت مسحت دموعها وكالت " حسبي الله ونعم الوكيل بيج حنين
حنونه _انا شعليييي
سلسبيل _انتي الملعونة مو هو
حنونه _هيييي تدافعين له شفتي شسوه بيج مو راد يغتصبج الله لايجذبني جنتي فرحانه
يتحرش بيج
حلوة_انجبي حنين
سلسبيل _الله ينتقم منج فرقد مريض ومايعرف شيسوي وأنتي تحجين عليه فوك ماتدافعين
له وتوكفين ويا
حنونه _ تردينه مني الج هدية اخذي شايفة خيره
انا رايحة لأهلي
حلوة_ولج عوبة تعاي ارجعي لتفضحينه تالي الليل
حنونه _مارجع فرقد مخبل شلون تردين أمن على نفسي ويا مجايزة من روحي ابقى
يم رجال مخبل
توني طلعت شفت الشيخ دخل ويا عمي فواز وبارق وعمي وائل رجعت بسرعة وسديت الباب
"جاء الشيخ
حلوة_اكرصي بمكانج حنين وكلمة وحدة ماريد منج
حنونه _لا والله
حلوة_الله مطولج ياروح ...شلون صرتي سلي
سلسبيل _قلبي يوجعني جدة
حضنت جديتي وصارت تبجي حقيرة جلبة تحرش بيها وراد يغتصبها وتدافعله بكرون حديد تأكدت بعدها تحبه وتموت عليه ساعتين احنا
كاعدين بالغرفة
لاجديتي خديجة ولاجوري الهن طك ولا مناوي اندك الباب ونفتح دخل بارق لونه مخطوف سد الباب يباوع لسلسبيل شلون مرعوبة رجع باوعلي
ميته من الخوف كال "
عندج ديج دجاج أبيض ؟
حلوة _اي بس شلك بي
بارق_الشيخ يريد يعزم على فرقد
حنونه _عزززة العزاني
بارق_صخام براسج رجلج صاير عش للهجارس انوب بي أثنين فحل وانثية ويتعاركون علموده واحد يكل للثاني هذا حصتي هذا حصتي
حلوة _بارق اسكت كافي
سلسبيل_ هسه شلون ؟
حنونه _شلون تخبل الزلمة ودوني لأهلي بارق
بارق_خاب ماتنجبين ياهلج رجلج بين الحياة والموت وانتي تردين اهلج انزع الشحاطة هسه وكطعها فوك راسج هم احد يلومني
حلوة _ روح أخذ الديج بسرعة
يارق _اي رايح
طلع بارق كمت كعدت يم جديتي ارجف من الخوف اباوع لسلسبيل تبجي مبينه ماتبجي على روحها تبجي على فرقد صحت بيها
حنونه _تبجين على حبيب القلب
ضربتني جديتي على ظهري قوي بيدها "
خاااب ماتنجبيين حنين احنا بيا حال وأنتي بيا حال من صخام براسج وراس الخلفوج ماصارلج شهرين من عرستي ورجلج بين الحياة والموت
وأنتي تحجين بكيفج ولج وين اوديج وين بس
فهميني وييين
صارت تبجي وتلطم على ...صدرها روحها مفرفحة على فرقد وانا كاتلني الخوف أخاف يطلع الجني منه ويجي لعندي بقينا كاعدين لحد الساعة
بال١١ بالليل وهم مالهم حس سلسبيل مكرفصة نفسها ودموع مانشفت أبد جديتي كذالك انا كذالك مانشفوا دموعي من الخوف اندك الباب
صاحت جديتي "
منو
محمد _انا جدة
بسرعة جريت الشال خليته فوك رأسي صاحتله "
دخل جدة وبشرني
دخل وسد الباب مبين من ملامح وجهه الوضع موزين بقى ساكت كامت جديتي بوجهه وكالت "
ولك بشرني شلونه فرقد
أخذ نفس طويل وراها زفر وكال "
خبل الشيخ تخبل كل ساعة يطلع
جني شكل بي
حلوة _شنو ؟
محمد _جن كافر وجن مسلم بي واثنينهم مربوطين ويه بعض من سنوات طويلة ويردون واحد يفك قيدهم ويخلصهم وهسه متلبسين بفرقد
على أمل يجي واحد ويفتح السحر عنهم .
حلوة_حرامك جدة إذا فهمت شي وضح أكثر خل افهم لعله بحفيدي فرقد شنو ؟
محمد _سل جنية مسلمة جانت تخدم مرت الساحر وهجرس جن كافر يخدم الساحر ...هجرس من شايف سل تتنقل بالبيت متعصب لأن مسلمة
ورايح قاتل مرت الساحر وكايل للساحر سل قتلتها والساحر مامصدك بي ومنتقم منهم اثنينهم ورابطهم ويه بعض بصف قبر مرته
صارلهم مربطين ويه بعض أكثر من اربع تالاف سنة .
حلوة _من صخام براسك هجرس وهسه شنو الحل ؟
محمد _الحل الوحيد ينبشون الكاع ويطلعون
السحر ويفتحوا
حلوة_شيلكي السحر متكلي ؟
محمد _ لما لكوا أقري السلامه على فرقد
لطمت على خدودها قوي وصاحت "
صخااام برأسي شيردون من حفيدي
لازكين بي مالكوا غير فرقد
محمد _فرقد نصه خير ونصه شر هم واحد خير واحد شر هو الوحيد يكدر يفتح سحرهم
ويحررهم من الكاع
حلوة_شايفين فرقد ساحر أنتو ؟
محمد _ السحر ماينفتح الا بدم بني آدم ولازم يكون نصفه خير ونصف شر والجن يعرف يميز الأنسان الطيب والخبيث وعرفوا فرقد شنو أصله
حلوة _ تردون تذبحوون فرقد وتقدموا غربان للشيطان
محمد _لا جدة موهيج
حلوة _لعد شتفسر دم بني آدم
اندك الباب ودخل بارق " حنين وسلسبيل كومن لبسوا عبي يريدكم الشيخ
محمد _شله بيهن ؟
بارق_سل جاي تتبع سلسبيل وهجرس يتبع حنين ولازم يسوي احجبه ورقي الهن أخاف يخلص فرقد منهم يرحون يتلبسون بيهن
كمت ارجف من الخوف سلسبيل صارت تبجي "
صخام براسي تالي عمري اصير ام الهجارس ودونييي لامي ودونييي
كمت اصيح واعيط ماسمعوا مني فزيت من شمر عليه عباية عبالي جني طفر بحضني كمت اكمز واصرخ جاء بارق سد حلكي .
بارق_ولج انجبي فضحتينه
ساد حلكي بيده شفت سلسبيل لابسة حجاب ومخليه عباية على جتوفها وجديتي حلوة هم لابسة عباية عافني وشمر علية العباية'
بارق_هاج لبسي راح يجي الشيخ
حنونه _أخاف بارق
بارق_ماياكل الشيخ عوبة لبسي بسرعة راح يجي
لبستها شلون مجان ورحت يم جديتي وكفت مجلبه بيها سلسبيل انكس مني صايرة تبجي اخوها واكف بصفها يهدي بيها مو مثل حظي ماكو احد
يهديني كلها تصيح وتعيط بوجهي بارق كتم ضحكته بس جتوفه تهزهز من الضحك طلع بره بسرعة شوي ودخل الشيخ سلم وكعد
صاحلنه نكعد كدامه أول مرة سأل علية"
منو منجن حنين زوجه فرقد
حنونه _انا
الشيخ _هاا تمام ابنيتي انطيني اسم امج ومواليدج
انطيته مواليدي واسم أمي كعد يكتب بورقة بيضه بقلم زعفران رسم كله طلاسم ماعرف شنو كمل الحجاب لفه بتيب وخلاه بصفه كالي تقدمي
خفت أتقدم نبزتني سلسبيل الخبيثة تقدمت خله ايده
وصار يقرأ فوك رأسي احس كهرباء بيده وتنتل برأسي بخفه كمل قراية انطاني الحجاب
وكال " سوي على شكل كلادة ولبسي هسه وديري بالج تشمري لو تفتحي وتقرين لبي مفهوم
حنونه _مفهوم
الشيخ _يله كومي سوي ولبسي
كمت بسرعة وكفت يم بارق نبزته "
بارق سوي لي كلادة ماعرف
أخذه من ايدي وكال "
أريد قطعة قماش بيضة وخيط وابره عندج
حنونه _اي بالغرفة
بارق_روحي جيبي
حنونه_مااروح أخاف أنت روح وجيب
بارق_هاي شلون ورطة هاج خلي بيدج لما أجيب
راح بارق بقيت واكفه واباوع للشيخ يكتب حجاب لسلسبيل كمله وهم لفه بتيب وخلاه بصفه وصار يقرأ فوك رأسها ويفر برأسه ماعاجبه
وضع سلسبيل مرتين قرأ عليها وانا مرة وحدة عود ليش رجع بارق انطيته الحجاب وكعد يسويلي وانظاري على سلسبيل كعد يحجي وياها ويه اخوها
وجديتي حلوة انخطف لونها وسلسبيل هم ماتت بدمها نبزت بارق تعصب "شبيج عوبة
حنونه _ شكو
بارق_شمدريني
حنونه _باوع وجوه الكل انخطفت وهاي سلسبيل راح تنجلط ساعة الساعة
بارق _اكيد كاللها أنتي المرة الثانية لفرقد ههههه
حنونه_بارق انجب
بارق_مو توج تكولين ماريد فرقد رجعوني لأهلي هسه شختلف ام الهجارس ههههه
حنونه _بارق لتكول ام الهجارس
بارق_والله هجرس كال انا أدافع لحنونه واحبها هو كافر وخبيث سبحان الله حتى الجن
يعرف الخبيث هههههه
حنونه_جذاب
بارق_بالقران ماجذب سمعته بأذاني
حنونه _شلون سمعته ؟
بارق_ من جان يعزم الشيخ على فرقد صار يحجي
حنونه _وفرقد شلونه هسه
بارق_لتردين حالته طيح حظه الشيخ بالكتل
حنونه _ليش يكتله ؟
بارق_لعد شلون يعذب الجن ويخلي يحجي غير بالكتل
حنونه _وفرقدي شنو ذنبه
بارق_هذا أمر الله والحمدلله والشكر على كل حال
حنونه_وهسه طلعوا منه
بارق_طلع هجرس بس سل بعدها بي ومعنده
حنونه _الله يلعنها شتريد
بارق_ولج انجبي لا تسمعج وتجي تنتقم منج
حنونه _قابل شسوي هسه يطلعها الشيخ مثل ماطلع هجرس الاقوى منها
بارق_هجرس لاشي كدام قوتها هي بضربه وحدة منها لهجرس تسوي رماد
حنونه _شلون ؟
بارق_جنية مسلمة ومن...
حنونه_شنو يعني ...
بارق_من أقوى الجن هذا الجنس من الجن وشكلهم قريب لشكلنا أحنا بس أقوياء بشكل موطبيعي وهي هسه معنده وطلبت طلب
صعب احد ينفذه
حنونه _شطلبت ؟
بارق_ماكدر اكول هاج لبسي ام الهجارس هههه
حنونه _كافي بارق
بارق_شراح يخلصج من الساني يله كومي جهزي غرفة للشيخ راح يبات عدنا
حنونه _ليش يبات
بارق_الفجر هم يعزم على فرقد والظهر احنا بالكاع هجرس نحفر الكاع ونطلع السحر علمود المغرب
يفتحوا ويه غروب الشمس
حنونه_وراح يصير زين ؟
بارق_بحيل الله واهل البيت (ع)
حنونه _بارق أخاف تعال وياي
بارق_بله هاي شلون ورطة وياج هسه اتصل بمناوي تجي هي وجداتي بعد
حنونه _اي أتصل بسرعة
انتبهنه من كالت سلسبيل "
أعذرني ماكدر
الشيخ_بالحلال
سلسبيل _ حتلوه ماكدر
الشيخ _شلون لعد هسه يبقى معلك ويه سل
لاخر يوم بعمره
محمد _بلكت تغير رأيها وتطلب غير شي
الشيخ _هم طلبهم واحد ومايغيروا فكري بكلامنا بنيتي
سلسبيل _مايحتاج أفكر
كامت سلسبيل كعدت بصفي دموعها بعيونها قتربت منها وهمست بصوت ناصي "شطلب منج
سلسبيل _هيج
حنونه _سل شتريد منج ؟
سلسبيل _شنو؟
حنونه _ماتحجين شنو كالج الشيخ بالحلال وأنتي رفضتي وكمتي هنا اجيتي
سلسبيل _ سدي الموضوع نفسي لعبانة بالقرأن هاك بارق سويلي الحجاب
باوع صفح وضحك وأخذ الحجاب من ايدها وكال "انا مبتلي بن... هسه اكمله الج
سلي ههههه
بارق راد يكول كلمة بس سكت سلسبيل لازكة بي لزك بعدتها عني "واخري شبيج لازكة بي
سلسبيل _أخاف
حنونه _مو سوالج حجاب
سلسبيل _شيفيد الحجاب
حنونه _ ليش شيفيد راح يحمينه منهم
سلسبيل _الله يكصف عمري شجابني لعدكم مو وليت صارلي سنوات شرجعني
صارت تبجي كمل الحجاب الها بارق خذته خلته بيدها كام أخوها صاحلها أخذها وطلع طلعت وراهم انا وجديتي الشيخ قبل لا يدخل
صاحلها "
تعاي شوفي حالته بلكت تغيرين رايج
سلسبيل _ماريد اخذني محمد
الشيخ _براحتج ابنيتي أخذها أخوي خطية
خايفة من لجرالها
نزعت العباية انطتها لجديتي وبقت بس لابسة الحجاب باستها جديتي وماعرف شحجت وياها كامت تبجي رجعت مسحت دموعها وهم باستها
وبوست محمد وطلعت وصلتهم للباب ورجعت رادت تدخل تشوف فرقد ماقبل الشيخ وكال أبقى ويا لصبح اعزم عليه على أمل تطلع سل .
جوي مناوي وجداتي تخبلوا من عرفوا بحاله فرقد متدهورة وفدمرة صايرة والجنية ماتقبل تطلع الا بطلبات صعب التنفيذ .
وإذا طلعوها بالجبار لو تقتله لو تخبله شكد سألت شنو طالبة الجنية سل محد قبل يكول تعبت ونمت بصف مناوي بغرفة جديتي خديجة .
بارق لوجه الصبح الشيخ يعزم على فرقد وماتقبل تترك جسم فرقد ثانية وحدة عاد الظهر طلعنا للكاع وفرقد ويانه جان مكلبشين أيديه نخاف منه لأن سل متلبسته لحد الأن موته كتل الشيخ بس رادها تغير رأيها
انوب تخبلت بالزايد لو هذا .... الطلب لو ماطلع بس تطلعني بالجبار اقتله لو اخبله جدي صار يخاف كل ساعة متصل بأهل سلسبيل
ويحجي وياهم يكولون مابيدنه شي احنا كله بيدها هي بقيت صافن بفرقد بعدها ماطالعة جانت هي تتحكم بجسم فرقد ودلت على مكان السحر
بصف القبر يبعد عن القبر مترين فقط . الكل كمز من صاحت بصوتها على هجرس" مانطيكياه صار حصتي بس تقترب اقتلك واقتل نفسي
واقتل فرقد احسلك تبعدد
الشيخ باك طن هوى ورجع سألها هي مركزة عيونها بمكان فارغ وتخزر ' كم عمق المكان
لمانوصل للعمل ؟
سل _ست أمتار
الشيخ _عميق كلش حجي شلون هسه ؟
جدي _نحفره بكرين بارق أتصل بعزيز وكله خل يجيب الكرين ويجي
بارق_صار جدي
والله أتصلت بعزيز ابن عمي مارد تصلت مرتين تلاث يله رد تعبان كلتله تعال أنت والكرين لكاع هجرس بسرعة ولماجيت جدي يجيك بنفسه
_شكو شعدكم بكاع هجرس ؟
بارق_ فرقد تخبل وبين الحياة والموت تعال بسرعة
_هااا جاي لعد
فصلت الخط وكلت لجدي "
جاي جدي
ربع ساعة وصل عزيز وعمي ويا فرقد راح كعد على حدود الكاع ويحجي متعارك ردنا نروحله الشيخ ماقبل كال عوفوا هذا هو هم هاي سل
متعاركة ويه هجرس بس نفتح السحر راح ينفتح قيدهم ونكدر نتخلص من هجرس بسرعة وهي لازم ننفذ الطلب يله نكدر نخلص فرقد منها .
المهم صار يحفر عزيز بالمكان بقى يحفر وكف من كال هذا العمق لو لا باوعت للمكان شكد عميق صار صاح الشيخ لفرقد "سل تعاي
كام فرقد جاء علينا بعدت عنه بسرعة أخاف منها تتحكم بجسم فرقد لطوله بطول عامود الكهرباء وضخم راشدي منعده يشمرني بالحفرة .
وكف على حافة الحفرة واشر بيده على حافة الحفرة "
_هذاك هو طلعوا ؟
الشيخ _ هناك
سل_اي
الشيخ_منو ينزل منكم
جدي _ بارق عزيز انزلوا طلعوا
بارق_دخيلك جدي خل هي تنزل تطلعه
سل _ماكدر
بارق_ماتكدرين بس فالحة تتحكمين بجسم الرجال اطلعي منه علمود ينزل
يجيبه الالج
سل _لا تحلمون اطلع .. هجررس واخرررر
تعاركت ....مره اللخ جدي من شافها تعاركت ويا تخبل علينا اباوع للحفرة عميقة كلش وماي
صار يطلع منها
هسه ثواني تنترس ماي من خوفنه من جدي
نزلنه حبل ونزلنه للحفرة الخوف ذبح قلبي ذبح وعزيز كذالك شبعنه طين وماي والشيخ ياشر بالمكان ندور وكلشي ماكو بقينه فوك الساعة
متنه من التعب والماي صار يزود أكثر صاحت سل بجسم فرقد " مد ايدك أكثر
بارق_الله يلعنج من جنية خبيثة
سل _تسكت لو اطمك بالحفرة...عوفيني الله
يلعنج عوفينيييييي
طلع صوت فرقد يصيح عوفيني وعوفيني واحنا منتهين جدي صاح بينه رجعنا ندور بالمكان حسيت لمست شي حديدي صحت على عزيز
بارق_تعال عزيز يمكن لكيته
عزيز_يالله وينه
بارق_هنا مد ايدك وسحب وياي
سحبنه كل قوتنا طلع ويه طلعته وكعنه على ظهرنه وطلعت قنينة صغيرة كلها طين كعدنا شالها بيده عزيز وصاح " هذا ؟
الشيخ _اي عفيه عليك جيبوا راح يصير الغروب
فرحت مطلعنا سحر صارله سنوات طويلة مدفون تماثلت القنينة جانت حديد لان قوية من اضربها نطلع صوت المهم مد كيله الكرين أبوي
خلاها عزيز ردت اصعد بالكيله مخلاني عزيز وكال وين صاعد لتوكع وتنكسر اركبتك
بارق_راح نغرق ولكم طلعونااا
شمر حبل عمي وائل جلبت بي جرني قبل عزيز وراها عزيز طلع شفت فرقد فاقد الوعي ونايم على ظهره بصفى جدي اووف جدي بتله بي
من صغرة مبتلي بي لحد كبره .
غسلها الشيخ بالماي طلع لونها فضي وغلقها هم فضي حاول يفتحه مانفتح عاد كسره عمي وائل وكعد الشيخ يباوع بيها طلع تمثالين من فخار
واحد مرة واحد رجال وملفوفين ويه بعض بسلاسل حديدية وكله طلاسم مرسوم عليهم شغله جان كله على الفخار ماكو أوراق
الشيخ داخ بيهن ماعرف شيسوي فرش فراش وكعد بالكاع يتماثلهن وعلك بخور ريحة طيبة وريحة كريهة وكال كعدوا فرقد بسرعة
الشمس راح تغرب رحت جبت بطل ماي بارد جبيته فوك رأس فرقد فز خطية وفتح اعيونه يتنفس قوي من رفع ايده مسح وجه كبيت
بارق_منو فاتح ايديه ؟
جدي _انا شلونك فرقد ؟
نايم بالكاع ويمسح الماي من أعلى وجهه "
دمرتني جدي بعد ماتحمل
جدي_ مابقى شي وتخلص منها كوم يله افتح السحر عنهم علمود يعوفوك
فرقد_انطيني ايدك مابي حيل
انطاه ايده جدي وكومه كوه يمشي مابي حيل منتهي خطية من الضرب مال الشيخ وحرب لبجسمه
صارت منورة الهجارس .
كعد بصف الشيخ يقرأ والبخور لعب نفسنه فرقد ساد خشمه بيده مبين نفسه لعبت هو صار المغرب والشمس حمرت الشيخ خله تماثيل المربطة
كدام فرقد وانطاه سجين صغيرة بقيت متفاجأ شراح يسوي ؟ ماعرف شحجه ويا فرقد أخذه وجرح كف أيده صار ينكط دم على التماثيل خركهم بالدم
بارق_جدي جاي يسوي ؟
جدي_يقدم دمه غربان لملك من ملوك الجن
علمود يفتح السحر .
بارق_ هاي شلون سالفة ياربي
ركزت على الشيخ أبتسم ولبس فرقد حجاب بسرعة وشد حجاب ثاني بجتفه وانطه لفرقد حجره سوده الشكل بكد كف اليد فرقد ليصها بالدم
وكسر بيها التماثيل بقوة طحنهن طحن بحركه أعصاب من حركه اعصابه بقى يضرب بيهن وكفه الشيخ وراها خلاهن بوصله بيضه كلها طلاسم
مرسومة بالزغفران ورجع كلشي بالقنينة وانطاه الفرقد خطية كوه كام شمرهن بنص الحفرة صاح على عمي فواز "طمرها عمي
صعد ابوي بالكرين وصار يدفن بالحفرة والشمس غابت كام الشيخ وكال " تخلصت منها بحاله
ضعف هههههه
جدي_يعني طلعت من فرقد؟
الشيخ _اي ستغليت الفرصة طلعت من جسم فرقد من
قدم دمه غربان للجن لبسته الحجبه بعد مستحيل ترجع له إلا في حاله ينزع المحجبه
واكيد هسه متعصبه
لأن قشمرناها اخذوا حذركم البيت رقيته برقيه كامله والبنات هم رقيتهن باحجبه وخل يديرن بالهن لاينزعن الحجبه مهما كان .
فرقد _ان شاءالله...تعبناك شيخ ويانه
الشيخ_تعبكم راحة تدلل سياتك
كلنا فرحنا الفرقد وأخيرا خلص من الجن وراح يرتاح بحياته كمل دفن أبوي ونزل عزيز أخذ الكرين ومشى. لأهله واحنا هم رجعنا للبيت
والشيخ ويانه كعدنا بالمظيف شوي واخذت فرقد للبيت مابي حيل يمشي مستند علية وانا كاتلني الضيم والتعب وصلنا للبيت صحت بجداتي
بارق_هلهلوا كللوووووش
هجرس_ خررر.. بيك بارق شعندي عرس
بارق_احلى عرس والله هههه
اجوي جداتي على فرقد يبوسون ...بي هو حالته حاله اريده يضحك يبتسم ماكو كالب خلقته كلب حنونه ماده رأسه من باب الغرفة شافها وصاح
عليها " حنونتي حبيبتي تعاي شوفي شصار بحالي
حنونه _اول كلي راحوا منك
هجرس_ حنونه شبيج؟
بارق_ولماراحوا ماتجين تشوفين حبيب القلب فرقدي
حنونه _اي أخاف
بارق_تعاي يمي نزلت لحفرة طولها أمتار وكلها ماي يعني بخط العريض بير مال ماي وادور على السحر ماكلت أخاف يصيبني مس
حنونه _أنت رجال انا مره وأخاف عليك الله بارق طلعوا من فرقد صار زين ؟
بارق_اي والله صار زين
بعد عني وراح حتى ماباوعلها دخل بغرفة جديتي حلوة خزرتها ودخلت وراه رزلتها رزالة مال غسل ولبس ومشيت لبيت أهلي أريد اسبح
كاتلني الوسخ والضيم .
بعد معاناة ويه الجن هجرس وسل كدرت اتخلص منهم بفضل الله وبفضل الشيخ 'رجعت للبيت شفت حنونه حبيبه قلبي قلبي ولهان عليها
ردتها تجيني تخاف تقترب مني وتسأل إذا بي جني ماتجي واذا مابي تجيني انهضمت منها دخلت للغرفة لحكتني جديتي تحجي عليها
_سدي الموضوع جدة وجيبيلي ملابس أريد أسبح
_هسه اجيبلك
راحت جابت ملابس لي اخذتهن ودخلت للحمام سبحت
وطلعت اجت مشطتلي شعري وباستني
بخدودي الأثنين
_تصلي ؟
_اي
_خل ينشف شعرك توضى وتعال صلي
_ان شاءالله
فرشت سجادة الصلاة وصارت تصلي انتظرت شعري نشف وكمت توضيت هي كملت صليت على سجادتها كملت صلاة تمددت فوك الجرباية
اجت قطتني باوعتلها "
حنونه ليش هيج سوي ؟
_مخبله
_احسها ماتريدني وتنفر مني
_زعطوطة
_ جدة احجي شسويت انا البارحة تره كلشي ماتذكر
_ماسويت شي ارتاح
جلبت بيدها "
عليج الله احجي سويت البارحة ليش حنونه ماتريدني خوما ضربتها خوما سويتلها شي ؟!
بعدت أيدي عنها وكالت "
تسأل على لماتسأل عنك
_شكو ؟
_حنونه كلشي ماسويتلها بس...
_كملي جدة ليش سكتي
_ماكو شي ارتاح
_جدة لتتهربين وتعاي احجيلي .
_ارتاح
عافتني وطلعت بقيت بقلق نفسي شمسوي انا ربع ساعة جابتلي الأكل كعدت توكل بي سالت على حنونه كالت جاي تتعشى ويه مناوي
شبعت قهر بقلبي ماكلفت نفسها واجت شافتني شلوني اخباري كملت عشا شالت الصينية رجعت جايبتلي كلاص جاي كعدت اشرب
رن تلفونها كامت ردت من كلامها عرفت سلسبيل تسأل عن احوالي كالتلها الحمدالله والشكر خلص منهم ولكوا السحر وهسه عندي بالغرفة جاي يرتاح
الله يسلمج جدة أنتي شلونج خوما بعدج متأثرةالحمدالله ديري بالج على نفسج وديري بالج تنزعين الحجاب بهاي الفترة
اي عفية عليج .. لا والله شارده .. شسويلها ياجدة عقلها عقل زعطوطة احجي وياها والحجي يطب منا يطلع منا ... الله يهديها ... ان شاءالله
وانتي هم ديري بالج على نفسج زين بعد ماوصيج جدة الله وياج هلأ بسلي ...
سدت الخط عافت التلفون .... فوك الميز واجت كعدت بصفي "سلسبيل تسلم عليك وتتحمدي
على سلامتك
_الله يسلمها ...جدة حجابيش توصين سلسبيل ماتنزعه
_حجاب سوالها الشيخ مال رقي من العيون والحسد
_هاا
_اي .. تنام هنا لو بغرفتك تروح
_يمج انام
_ومرتك شلون ؟
_لو تريدني صدك وقلبها عليه جان اجت سألت مو شارده يم مناوي ولاهامها شي
_زعطوطة جدة وماتعرف تصرف وانطيها حقها
_شنطيها حقها ياجدة صايرة دايرة مره ماتهتم برجلها ولا تعبره وانا طلعت من حلك الموت ماتدرون جان يصير بي مثل النار وتكطع بلحمي
_حاسه بيك بس شسويلها عقلها عقل طفلة
هسه ادزها الك
_لدزين ليريدني هو يجيني مو ندز عليه
_براحتك
طلعت وعافتني شوي ودخل بارق كعد يمي ربع ساعة والتموا كل عمامي ولدهم من ضمنهم عمي جدوع دخلت حنين تبتسم حتى ماسلمت
وكفت يم أبوها تضحك تمنيت ....بهذيج لحظة الكاع تنشك وتبلعني على اختياري لالها عبالي تصيرلي سند وتصيرلي ملجأ لتجأ له وقت الحاجة.
