رواية نارك جنة الفصل الحادي عشر 11
رفع راسه وانفاسه عالية وجسمه يرجف وحط وجه على وجهها وغمض اعيونه : جنة ..نبيك ..نبيك نبي انموت عليك ..من اول يوم لامستك فيه ..وريحة عطرك ساكنة ومعشش في راسي 
سفيان : جنة
جنات دايخة : همم
سفيان : أنتي نار مش جنة
ومشى بيها سفيان لعند السرير وهي بين ايديه ترجف ..نزلها على السرير ..ونزل عليها : نبيك مراتي الليلة
جنات ساكتة وسفيان نزل عليها و وبدأ ايبوس في رقبتها ونزل لعند كتفها ورفع ايديه يفتح في بطم البيجامة ..وجنات مسكت ايديه : سفيان لا
سفيان وقف بصدمة ونفس مقطوع : ليش
جنات : أنت مصدقني والا لا قبل
سفيان نزل ايبوس في خدها : مش وقته الكلام هذا جنة
جنات برغم أن حواسها كلهن مايبنش بعد سفيان عنها..بس كانت اتفكر في ابعد من هكي دفته من عليها وقمعزت اتصكر في بيجامتها
سفيان صبا امعصب وحط يده في شعره وعض على فمه ..كان رفض جنات صعب عليه
سفيان برم شورها : نقدر نفهم شن قصدك ..ليش ماتبيش اتكوني مراتي ..من شنو خايفة
جنات صبت : خايفة منك ..خايفة من الشك ..مانبيش انعيش معك للحظة وبعدين نندم العمر كله سفيان
سفيان : شني لليلة الغاز هيا ؟؟..فسري كلامك
جنات : كلامي واضح سفيان ..أنت مصدقني والا لا ..اذا كنت امصدقني ماعنديشي مشكلة ..بس كل شي يبي ايتغير واولهم منى وهبة وتوفيق بيتحاسبوا على كل شي داروه فيا ..أم اذا كانت هذه مجردة رغبة وتبي اتعيش معايا اللحظة وبكرا انردوا للموال القديم ..يبقى لا خليك بعيد عني مانبيش انكون مراتك لا الليلة ولا في اي لليلة اخرى
سفيان قرب منها : تلوي في ذراعي يعني ...كيف نبي نصدقك ..شن هوا دلليلك ..
جنات : دليلي قل..
سفيان قاطعها على طول ورفع يده : لا لالا ردي بالك اتقولي مازلت بنت ..هذي ليها الف حل ..ماهواش دليل أبدا
جنات اعيونها دمعوا وقلبها وجعها : تعرف ليش ماخليتك اتكمل الليلة ..عشان مانبيش بكرا انوض على الوجع اللي حسيته توا ..من شكك وعدم ثقتك فيا
بس باهي اللي وقفتك بدري أنت اصلا ماتبيش اتصدق ..عقلك مش مستوعب أن العيب والغلط يطلع منكم ..تبي اتلمع صورة العائلة الشريفة قدام الناس ..
لكن جنات ماكملتش كلامها لان سفيان مسكها من رقبتها وخنقها ..ماتعرفش أنها جاته على الجرح وحطت ملح
سفيان اعيونه نار ومعصب يخنق فيها : أخر مرة تفتحي فمك على عائلتي ..مش كان ضحكت اشويا تحسابيني طيب وقلبي احنين ..أنا اصلا ماسك روحي عليك بالغصب
ودفها لعند طاحت على السرير تبكي وترجف من الصدمة والخوف
وهو مشى لعند لاقى تيشرته لابسه وخذا جاكته من على الكرسي ولابس وقبل يطلع التفت شورها : وردي بالك اتصدقي كلمة من اللي قلتها لك امبدري ...كلام ممكن يطلع من اي شاب في للحظة زي هدي ...عادي يعني.
وطلع ..وخبط الباب
نزل سفيان وهوا مقهور ومعصب ...ليش بعد السنين هذه كلها طلعت جنات في حياته ..ليش يبي ايصدقها ومش قادر يكرهها وهوا المفروض يبي ينتقم منها ...ليش تعود علي البنت اللغط اللي المفروض يكرها ليش وليش ...والف سؤال ماليش جواب عند سفيان....مشى قعد في الكافي لوطى لعند هدأت اعصابه ..ورد رقى للدار فتحها وكان الجو هادي ..خش بالشويا ..وحول جاكته ورقد على الكنبة ..وعقله ايودي وايجيب
جنات كانت في السرير ودارت روحها راقدة ..بس هيا من طلعت سفيان وهي تبكي واتفكر فيه ..وكان عندها نفس السؤال ..ليش سفيان بالذات ..شن حبت فيه ..من اول يوم وهو معاملته امعاها قاسية وكل مرة يجرح فيها أكثر
بس الحب وقت ايجي لا يسأل فينا اذا كان هذا الشخص المناسب والا الوقت المناسب ..ايجي من غير وقت ومن غير سبب واضح ..ايسيطر عليك ..وعلى تفكيرك ..يا تعيش امعاه احلى أيامك
ياما حيقلب حياتك جحيم ومعاش تقدر اتسيطر على شي في حياتك ..وتبدأ كيف الفراشة اللي تحرق في اجنحتها على نور متخيلته ان هوا طوق النجاة
**********************
الصبح سفيان ناض قبل جنات غسل وصلى وجاء فخري نزل امعاه وفطروا في الكافي ..أما جنات ناضت امصدعة من كثر ما بكت ..قمعزت في سريرها اتبحت في الدار ..واتفكر شن تبي ادير ...بس كلام فخري في بالها ..سفيان عنده عملية ولازم اتحمل ...تنهدت بتعب وصبت خشت للحمام
غيرت جنات دبشها وطلبت فطور ...فطرت ...واتصلت بمودة كان لها يومين ماكلمت ..لكن سفيان عبلها رصيد ..
مودة : خيرات ياحبي
جنات : اهلين نجك ليا
مودة : شن اخباركم ..وشن الجو عندكم
جنات : تمام ..الحمدالله ..شن اخبار اجديدة ..وجلال
مودة : بخير الحمدالله ..جلال مازال محبوس
جنات تنهدت بحزن : كيف صار مش قلتي خالي بيطلعه من يومين
مودة : مشوا للراجل صاحب المحل ...لكن عطه ضربة في بطنه طلع امتاع فلوس ومايبيش ايتنزل عن حق لبضاعة
جنات : اتلوميه وتعذريه ..حقاته..وجلال ربي امعاه
مودة : أنا مقهورة جيجي ..لاني أنا السبب ..حاسة بالذنب
جنات : لا ماتلومي روحك حبيبتي أنتي الله غالب عليك ..كله من الصايع الحقير عيسى ...إن شالله ربي ينتقم منه هالواطي
مودة : باهي احكيلي شن صار في كيكتك فتحت والا مازال
جنات ضحكت
: لا مازال اليوم موعد دخول المستشفى ..أدعي ربي تنجح عمليته
مودة : يارب إن شالله ..وربي يهنيكم حسيته راجل اكويس ..بالك ربي ايعوضك خير بعد زواجك لاول
جنات غمضت اعيونها وتنهدت : إن شالله
مودة : ها شن اخبار تونس ..طلعتي وين مشيتوا ..احكيلي خاطري حتى أنا انسافر برا ليبيا
جنات ضحكت بهزوا بينها وبين نفسها ..كيف محبوسة في دار الفندق من يوم جت والمرة الوحيدة اللي طلعت فيها هزبها سفيان
جنات تبي اتغير الموضوع : تمام ..تمام مودة توا نحكليك مرة اخرى ..توا سفيان جاء انشوف شن صار امعاه
مودة : ياعيني حبيب القلب جاء ..عدي ياحنة ربي ايخليكم لبعض
جنات : إن شالله ..اوكي غلاتي
مودة : باي
صكرت جنات وصبت تبرم في الدار ..مش عارفة شن صار مع سفيان ..لعند الباب انفتح وخش سفيان
سفيان : سلام
جنات : اهلين
سفيان : جنة ..في شنطة صغيرة حطي فيها كم غيار ليا عشان ناخذها امعايا للمستشفى
جنات : خلاص اليوم بتدخل للمستشفى
سفيان تنهد : إن شالله
جنات حست بتوتره كيف باين على ملامح وجه
طلعت جنات الشنطة وبدأت اتحط في كم قطعة غيار ..ولابستين لسفيان ..وحاجاته الخاصة ..وتت الشنطة
جنات : سفيان كل شي تمام ..تبي حاجة ثانية
سفيان امقمعز صبا : هاتيها وغيري ادبشك عشان تمشي امعايا
جنات : صاح ؟!!
سفيان : املا بنسيبك ابروحك هنا ..هيا البسي وانزلي نستنوا فيك لوطى
جنات : تمام هيا
خذا سفيان الشنطة وكان فخري يستنى فيه برا ونزلوا لوطى ..غيرت جنات ونزلت ..ركبوا تاكسي ومشوا للمستشفى ...
خش سفيان واستقر في وحدة من غرف المستشفى بعد نهوا اجراءت الدخول ..وجنات قعدت امعاه في الدار وفخري عدا ايشوف في الدكتور
سفيان كان في الحمام ايغير في دبشه ولابس توتة ..جت جنات خذت منه ادبشه وطبقاته ..وقمعز سفيان على السرير
وجنات امصبي على روشن الدار متوترة
سفيان : جنة
جنات التفتت : همم
سفيان : تعالي قمعزي نبيك في كلمتين
جنات خافت زعما شن بيقول وجت قربت وقمعزت على الكرسي مقابلة سفيان : نعم
سفيان بوجه جدي أكثر : جنة اسمعي نبي نتفق امعاك ونبيك تسمعيني للاخر قبل ماتردي عليا
جنات : نسمع فيك ..شن في
سفيان : أنتي ممكن مش عارفة بس أنا اليوم او بكرا عندي عملية على اعيوني . وأنا مش عارف اذا كانت حتنجح او لا
جنات : إن شالله تنجح
سفيان رفع حاجبه مستغرب ردة فعل جنات لان واضح كان عندها علم بالعملية ..وعض سفيان على فمه وطبس ابتسم لان عرف فخري هوا اللي أكيد قاللها
جنات اتبحت فيه عليش يضحك : كنك
سفيان رفع راسه يمسح على للحيته : لا مافيش شي ..المهم أنا اللي نبي انقوله أني ماعنديش استعداد لاي مشكلة او اعصاب ازيادة لان نفسيتي ماعدش تتحمل اكتر من هك ..جنة نبي يومين راحة من اي اعياط واي مشاكل واعصاب ..اللحظة هذي نستنى فيها من كم سنة
جنات اتبحت فيه وحست كم سفيان نفسيته متغيرة
سفيان : أنا صاح تاقلمت مع مشكلتي وممكن اغلب اللي يشوفني ايحس أني تعودت وتكيفت امعاها وكأني انسان طبيعي ..بس أنا مليت خاطري انعيش انسان طبيعي نفس باقي الشباب ..نطلع وقت مانبي وانرد وقت مانبي ..مانبيش نعتمد على حد وخاصة فخري تعبته امعايا ..مع أن عمره ماشكى او حسيت بيه مل مني ...بس عارف أن فخري نص اللي ايدير فيه لان حاس بالذنب لان متخيل أني فقدت البصر بسببه هوا
جنات ساكتة وتسمع ومنصدمة كيف سفيان قاعد ايفضفض ويحكيلها
سفيان : ياجنة أنا بنرد للحياتي القديمة نبي انسوق السيارة .نبي انرد للشغلي ..نبي انشوف وجه سليم ..نبي انشوف اوجه الناس اللي اتحبني ..نبي انشوف وجه...
وسكت سفيان كان خاطره ايقول انشوف وجهك
جنات : كمل ليش سكتت
سفيان : مش مهم ..اللي نبيه منك ..نتفقوا ..أنسي اي شي صار بينا ..انسي قصة توفيق ومنى ..قصة زواجك مني ..وليش ..انسي كل شي ليومين بس ..لعند اندير عمليتي وانشوف شن ايصير امعايا ...نبيك امعايا أخت . صديقة ..زوجة ..مش مهم ..المهم مانبيش اي مشاكل او توتر
جنات اعيونها دمعوا اول مرة اتشوف سفيان يحكي وكان واضح أنه محتاج لواحد يوقف امعاه ...قربت منه ومسكت يده ..وسفيان توتر
جنات : ماعندكش مشكلة ...أنا جنبك ..وبننسى كل شي صار امعانا ..المهم أنت خليك قوي زي ماعرفتك
سفيان انصدم في كلامها ..كان متوقع جنات بشخصيتها العنيدة ترفض واتخليه ...جاء يبي يحكي لكن الباب انفتح وخش فخري
جنات سيبت يد سفيان وصبت : شن صار
فخري مبتسم : كل شي تمام ...عمليتك بكرا الصبح إن شالله
سفيان : ليش مش كانت اليوم ؟!!
فخري : دكتور محمد بيجي اليوم في الليل ..وبيحضر عمليتك بصفته الدكتور المتابع لحالتك من زمان ...وأنا بصراحة تريحت أكثر لما عرفت
سفيان : تمام ..مش مشكلة ..اليوم وبكرا واحد
فخري : شن وضعك أنت ..في حاجة ناقصتك
سفيان : لا ..كل شي تمام .والا جنة
جنات بحتت فيه بصدمة وبحتت في فخري : اها تمام
فخري ابتسم : اوكي بكل ...جنات أنا قاعد برا لو تبي اي شي رني عليا
جنات : ماعنديش رقمك
فخري : هاتي فونك
خذا فونها وسجل رقمه ..وطلع
جنات حست بتوتر بعد فخري طلع....هيا وسفيان في مكان واحد شن تبي ادير ..شن تحكي امعاه ..صاح سفيان فتحلها قلبه وحكى امعاها ..بس مازال هوا سفيان بشخصيته اللي ماتقدريش اتوقعي شن بيدير او يقول
سفيان اتكى على السرير : لو مالة وتبي اتروحي للفندق كلمي فخري ايروح بيك
جنات : لا نبي نقعد امعاك
وغمضت جنات اعيونها لانها حست روحها فلمت ..ياغبية ليش تحكي بدون تفكير
سفيان ابتسم وخذا فونه حط السمعات في اوذانه ..وقعد يسمع في اغاني ..وغمض اعيونه
جنات اتبحت فيه ..ياريتني تعرفت عليك بظروف غير هالظروف ...ياريتني نعرف شن في ..في قلبك ..شن مازلت داس عليا
برمت جنات في الدار مكسدة ..لاقت مجلات على الطاولة ..خذت وحدة وقمعزت اتفرج على الصور ...اتفرج بس ماعندهاش نية تقرأ ...كان تبي تقرأ راهي كملت جامعتها
كملت جنات وتنهدت بملل .. وبحتت في سفيان مغمض اعيونه ..ويهز في رجله شكله منسجم مع الاغنية ...جنات قربت منه دوبها تسمع في صوت..الاغنية ..وعرفتها نفس الاغنية
جنات : سفيان
سفيان مايسمعش فيها ...وهيا قربت منه وحولت وحدة من السمعات : سفيان
سفيان انفجع : نعم
جنات ابتسمت : شن قاعد تسمع
سفيان نزل رجليه من على السرير وقمعز : تعالي
جنات قربت بحذر وقمعزت جنبه : نعم
سفيان لابسها وحدة من السمعات : اسمعي
جنات تسمع وتبحت في وجهه ...وهذه كانت النعمة الوحيدة اللي مستفيدة منها جنات في عمى سفيان انها تقدر اتبحت في وجه وتشبع منه من غير ماتنحرج منه
جنات : الاغنية مش عربية أنت عارف شن تحكي..بس واضح انها حزينة
سفيان : عارف اغنية ايرانية
جنات : أنت تفهم اللغة الايرانية
سفيان ابتسم : أنا انجليزي ويالله ..من وين نبي نعرف اللغة الايرانية
جنات : وكيف تعرف معنى كلماتها
سفيان فتح فونه : شوفي هنا ...فيديو فيه الاغنية مترجمة
جنات خذت الفون وقعدت تسمع في الاغنية وتقرأ ..في الترجمة ..وعجباتها الكلمات
سفيان : شفتي.....فخري قرألي الترجمة
جنات حولت السمعات وعطاته فونه : اغنية حزينة ليش تسمع فيها
سفيان رد رفع رجليه على السرير واتكى : انحب نسمعها تعودت عليها ...جنة
جنات صبت : نعم
سفيان : بنرقد اشويا ...اليوم نايض بدري
جنات : تمام ...أنا نطلع اشويا مليت
سفيان رقد وغمض اعيونه : لا خليك هنا
جنات اوووفه بسم الله كيف رد لسفيان القديم في لحظة قمعزت بعصبية على الكنبة : باهي
سفيان ضم المخدة ورقد ..وجنات اتقلب في اعيونها في الدار ..وبعدها رفعت رجليها واتكت على الكنبة ..واتفكر ..اتفكر ..وراحت في النوم
رقدوا هما لاثنين لان لليلة امبارح مش مرقدين اكويس ..بعد ليلة عاصفة
فخري جاء بعد الغداء فتح الباب لاقاهم مرقدين ..ابتسم وطلع صكر الباب
*************************
في بنغازي منى كانت قاعدة على نار ..سفر جنات وسفيان مع بعضهم ...كانت فيه خطورة ينسف كل اللي كانت منى اتخططله عشان تنتقم من جنات
وهي اللي قعدت ايام اتزن على رأس سفيان وتملا في قلبه حقد على جنات عشان ينتقم منها
وطبعا كان لازم تتصرف بسرعة قبل ما الفأس توقع بالرأس وسفيان يعرف الحقيقة ...ومن ثالث يوم للسفر جنات منى الصبح بدري ناضت
منى تلبس في كندرتها وهبة امصبية دوبها نايضة من النوم
هبة حاطة يدها على نصها : نقدر نفهم وين ماشية على صبح ربي
منى لابست كندرتها وصبت : ماشية امشرق ..ليش تسألي
هبة : شن تبي ...وين ماشية
منى خذت مفتاح سيارتها : مالكش دعوة ...اهم شي زي ماوصيتك عينك على خوك وعطيه الدواء في وقته
هبة : منى ردي بالك اتخشينا في مشكلة جديدة ماصدقنا البنت سكتت ..والمشكلة عدت بخيرها وشرها
منى : ومن قالك البنت سكتت ...أكيد تستنى في الوقت اللي تفضحنا فيه كلنا
هبة تلحق في منى برا : يامنى ارحمينا ..وفكينا من المشاكل الله ايخليك ...أنتي عارفة سفيان شن ممكن ايدير فينا لو يعرف شن درنا في جنات
منى افتحت باب سيارتها وبحتت في هبة قبل تركب : عارفة شن قاعدة اندير ...وماتخافيش ..كان صار اللي في بالي ..سفيان مجرد مايجي راح ايطلقها ويلزها لاهلها بالدبش اللي عليها
هبة اتهز في رأسها مش عاجبها تصرفات اختها ..وصكرت الباب وخشت
صالحة امقمعزة جنب سليم تعطي فيه دواءه وخشت عليها ملاك وسليم اول مانفتح الباب ابتسم ولما شاف ملاك رد للحزن
صالحة ابتسمت وحطت يدها على خده : نجك ليا ياحبيبي ..مع أنه مش فاهم شي ..بس واضح انه فاقد سفيان ..إن شالله ربي ايرده بسلامة وتفرح بشوفته
ملاك قربت منه ومسكت يده باستها : إن شالله حتى أنا رايفت عليه ...الحوش كساد من غيره هوا وفخري
صالحة : أكيد
ملاك : تصدقي رايفت حتى على جنات ...تعودنا عليها ..وعلى تصرفاتها اللي يضحكوا فيا
صالحة : إن شالله ايروحوا طيبين ..ويصفي قلوبهم
ملاك : مش مصدقة بصراحة أن جنات تقدر تاذي اي أنسان وأنتي ؟!
صالحة : الله أعلم ...بس مصيره ايجي يوم ونعرفوا كل شي ...هيا صبي اطلعي خلي خوك يرقد اشويا
ملاك باست سليم على رأسه ونكشت شعره وسليم ضحك وطلعت هيا وصالحة وصكرن الباب
************************
ناضت جنات من نومتها بحتت في الدار مستغربة ..وشويا لعند استوعبت وين قاعدة ..بحتت على السرير سفيان مش قاعد
اشويا وطلع من الحمام يمسح في وجهه
جنات : خير
سفيان : اهلين
جنات في بالها هذا كنه ..حتى أنا كنت راقدة ..عليش قالب وجهه ..عرفينك كنت راقد
سفيان : جنة ..في صلاية
جنات صبت : اها في
عطاته الصلاية ..وخشت الحمام غسلت وجهها وتوضت ..طلعت قمعزت اتفرج على سفيان ايصلي ...كان فايتهم الظهر ..بعد كمل سفيان صلت جنات
قبل العصر جاء فخري وكسد امعاهم في الغرفة ...وكمل اليوم من غير احداث مهمة لعند الساعة عشرة ..جاء فخري وامعاه الدكتور محمد
وجنات تعرفت عليه ..وعرفت أن هوا دكتور سفيان في بنغازي
والدكتور محمد طمن سفيان وقاله إن شالله نسبة نجاح العملية فوق 75% وسفيان الحق ارتاح اكثر لما جاء دكتوره
في الليل بكل فخري روح للشقة ..وجنات قبل سفيان يبيها اتروح عشان ترقد في الفندق لكن هيا رفضت ..واصرت تقعد امعاه ..وهوا رضى لان اتفق امعاها معاش يبي نقاش ومشاكل
طبعا لا جنات ولا سفيان عرفوا يرقدوا لان العملية في الصبح وكانوا متوترين ...وفي الصبح جاء ممرض عشان ايجهز سفيان للعملية ...وقبل يطلع سفيان من داره للعمليات جاته جنات ومسكت يده
جنات : إن شالله بالنجاح ...ماتخافش ربي كريم
سفيان ماتكلمش وضغط على يدها بس ...وجاء الممرض خذاه وكان فخري والدكتور محمد في انتظاره عند العمليات ..وخش سفيان للعملية ..وجنات وفخري ..قعدوا يستنوا على نار
************************
مودة اتصلت بجلال ورد عليها : نعم
مودة : شن اخبارك
جلال : مانحكيلك بكل ...الجو في لندن ابرد من درنة ...والبنات صقع بكل مش كيفك يا شتشوتا
مودة عارفته هازي على وضعه في الحبس : جلال والله نفسيتي صفر وحاسة بالذنب عشان خاطرك
جلال كلامها يلمس في قلبه لكن هوا ايكابر : والله ...خذيلك شكلاطة اتغير نفسيتك
مودة : خزيه عليك والله نحكي جد يابارد
جلال : وشن تبني انديرلك ..ماغيرت نفسيتي ..خليها ساكتة بالله
مودة : أنا اللي غلطانة انكلم فيك ومنشغلة عليك ..وأنت اتزعم الكبد
جلال : معاش تاكلي مني ..مادام انزعم الكبد
مودة تعصبت : ااااه باااارد وتافه
جلال ضحك لان هذا اللي يبيه انها اتنرفز : وربي غير انشوفك يافرخة ..بالكف على وجهك
مودة : امم إن شالله تعفن في الحبس املا
جلال : خليك ..خليك ..احكي شن تبي توا ...لكن لما نشدك من شعرك ..رد بالك تبقي اتفقفقي وتجدي فيا
مودة : صقع عليك ..موت بعلتك وصكرت الفون
جلال :
***********************************
بعد ساعتين كانوا كأنهم يومين على قلب جنات وفخري ..طلع الدكتور محمد من العملية .وطمنهم على وضع سفيان ..بس النتيجة اتبان بعد ينوض سفيان من البنج
وبعد فترة اخرى طلعوا سفيان من العمليات وحطوه في غرفته ...وبدأت رحلة انتظار اخرى لعند يوعى سفيان
جنات امقمعزة على الكرسي جنب سرير سفيان وماتبيش اتحرك لعند اينوض ..وفخري حكي مع الدكاترة ..ومشى يشرب في قهوة كان مصدع
سفيان بعد وقت بدأ ايتحرك ..وجنات اتبحت فيه
سفيان رفع يده لامس اللصقة على اعيونه : جنة ..فخري
جنات مسكت يده : نعم ..شن تبي
سفيان ايحرك في جسمه وحس فمه جاف : نبي نشرب عطشان
جنات : استنى نسأل الدكتور قبل
وتبي اتصبي لكن سفيان شد يدها : شن قال الدكتور
جنات حطت يدها لاخرى على كتفه : قاله العملية تمام ..لكن النتيجة اتبان بعد ايشيلوا اللصقة من على اعيونك
سفيان هز راسه وطلق يدها ..وجنات طلعت اتشوف فخري والدكتور ..وجاء الدكتور محمد والبرفسور وفخري ودكتور تونسي ..وخشوا على سفيان
وكان الوقت القاتل وقت النتيجة اللي كلهم كانوا حاطين ايديهم على قلوبهم شن يبي ايصير
جاء دكتور محمد وسأل سفيان كم سؤال ..وبعدها بدأ البرفسور يفتح في اللصقة ..وجنات خايفة وتبحت في فخري
كمل الدكتور وطلب من سفيان يفتح اعيونه بعد ما نظفهم من برا قبل
فتح سفيان اعيونه اشويا اشويا ...وملامح وجه بدن ايبان عليهم العصبية
دكتور محمد ايحرك في يده قدام وجه سفيان : شنو سفيان شن شايف
سفيان برم وجه : مش شايف شي مازلت نفس قبل
جنات بحتت في فخري وفخري هز رأسه معصب وغمض اعيونه
د محمد حكى مع الدكاترة اللي امعاه باللغة اجنبية كم جملة وبعدها قرب من سفيان وحط يده على كتفه : سفيان مانبيكش اتخمم في شي ...مازال بدري على الحكم في نتيجة العملية ...بس نبي نسالك قبل
سفيان : نعم
د محمد : شن شايف توا ..الرؤية نفس قبل والا تغيرت ..شن اتحس
سفيان يمسح في اعيونه لانهم يحرقوا : يعني أحسن من قبل ..بس مازل في كيف الشاش الابيض قدام اعيوني
د محمد رد حكى مع البرفسور ..وبعدها كلم سفيان : عموما أنا متفأل خير ..والدكتور قال مازال في دواء ..عشان تأثير العملية والجراحة على اعيونك ...نبيك اليوم اتريح وبكرا انشوفوا شن ايصير
سفيان هز برأسه من غير مايرد ..والدكاترة طلعوا بعد ماتمنوا الشفاء لسفيان ..وفخري طلع وراهم يبي الدكتور محمد
جنات اتبحت فيه كيف وجه حزين واعيونه فيهم لمعة دمعة ماسكها بالغصب ..وجت قربت منه ومن غير تفكير ضمت رأسه على صدرها : ماتخافش سفيان خليك قوي زي ماعرفتك ..وربي كريم ماينسى حد ..وانت اا
سفيان غمض اعيونه ودفها باعدها عنه بالراحة : خليني ابروحي لو سامحتي
جنات اعيونها دمعوا : حاضر ..براحتك
وطلعت برا تبكي على حال سفيان ..وهوا مجرد ماسمع باب الدار اصكر وراء جنات ..عزق راسه على مسند السرير وتنهد بالم وغمض اعيونه ..وادمعوا نزلوا على طول
جنات امصبية برا تبكي وجاء فخري قعد ايهدي فيها ويطمن في قلبها ..ويبي ايخش على سفيان لكن جنات قالتله خليه ابروحه اشويا
وجاء د محمد بعد ما حكى مع الدكتور ..وخش على سفيان حطله دواء في اعيونه وطلع
*****************************
منى روحت ثاني يوم لبنغازي ..وجت خشت على هبة في دار توفيق : خير
هبة تمسح في فم توفيق : اهلين ..امتى روحتي
منى حطت شنطتها ومفاتيح سيارتها على الطاولة جنب توفيق : توا ..شن اخباره اكويس
هبة شالت سفرة الغداء : نفس ماهو ..وضعه القديم
منى قمعزت بتعب على الكرسي : شن اخبار هل تونس مافيش اخبار عليهم
توفيق ايبحت فيهن وساكت
هبة : مافيش جديد ..ايكلموا في صالحة وقالوا مازلوا على المراجعة
منى صبت وخذت شنطتها : نبي نمشي ندوش خليك امعاه لعند انجيك
طلعت ولاحقتها هبة شايلة السفرة : وين كنتي
منى تمشي ومابحتتش فيها : مش شورك
هبة نزلت وراءها من الدروج :توفيق يسأل على جنات
منى وقفت وبحتت في هبة بعصبية : وليش شن يبي فيها
هبة : شن عرفني ..بالك فقدها
منى نفخت بعصبية وكملت تنزل : مش عارفة كيف ايفكر خوك ..كيف نسى شن دارت فيه البنت هذه
هبة لاحقتها تنزل : شكلك أنتي اللي نسيتي شن درتي فيها ...وفي خوك من قبلها
منى فنصت في هبة : صكري فمك وماتنسيش أنك امعانا في اللعبة
ونزلت منى وحست حد تحرك بسرعة ..لكن مافيش حد لوطى ..التفت على هبة : صكري على الموضوع هذا ومعاش تفتحيه عشان ماننفضحوا ...وأنتي عارفة شن يبي ايصير فينا بعدها
هبة تخزرت في منى وخشت للمطبخ
***********************
جنات بعد وقت جت وافتحت الباب بالشويا وخشت على سفيان ...بس كان راقد
صكرت الباب وجت قربت منه وقمعزت على الكرسي جنب السرير ..وتمت اتبحت في ملامح وجه ..واتفكر شن يبي ايصير كان سفيان فشلت عمليته ..أكيد بتزيد عصبيته وكله بيجي على رأس جنات
فكت وشاحها وحطت راسها على المخدة جنب راس سفيان وغمضت اعيونها تدعي ربي ايساعدها ..وترتاح من الهم في حياتها
وبعد تفكير طويل نعست ورقدت على نفس الوضع
سفيان بعد فترة تحرك وفتح اعيونه ..وحس بنور قوي ..غمض اعيونه وفتحهم نفس الشي ..حط يده على اعيونه يمسح فيهم ..وفتحهم من جديد ..والصدمة كانت أن النور كان من اللمبة فوق رأسه
برم سفيان وجه للجهة الثانية وحك اعيونه بيده ورد فتحهم ..على احلى وجهها كان متمني أنه ايشوفه من فترة طويلة
غمض اعيونه اخرى ورد فتحهم ..حس بغشاوة ولما مسح بيده رد شاف وجه جنات ...سفيان قلبه ايدق بسرعة وخايف ايكون يحلم ...مد يده بالشويا وحطها على خد جنات ..لامسها ومسح على شعرها ...وجنات حست بيه افتحت اعيونها
لاقت سفيان ايبحت فيها : اخيرا نضت ..الحمدالله على السلامة
سفيان ابتسم لما شاف بسمتها اللي اتجنن
جنات بحتت فيه مستغربة ليش ابتسم ومسحت وجهها وتثاوب : اااه ..وين فخري شكله مازال جاء ..أنت اكويس توا ؟؟
سفيان مش امصدق انه قاعد ايشوف فيها ..تخيل وجهها واجد بس عمره ماتخيل كمية اللطافة في ملامحها : أكيد في الكافي يشرب في قهوة
جنات حولت الوشاح وترفع في شعرها فوق : بصراحة جوا
قهوة ...تبي انجيبلك امعايا
سفيان ارتفع وقمعز ..وقعد منسجم ايتفرج على وجهه جنات وحركاتها : تعالي
جنات لفت شعرها فوق وحطت الوشاح على اكتوفها وقربت منه : نعم
سفيان حط يده على السرير جنبه : تعالي قمعزي هنا
جنات اتبحت فيه زين ..واول مرة اتحس بنظرة سفيان متغيرة فيها شي غريب ..قربت منه وقمعزت : نعم
سفيان ايتأمل فيها من قريب : ليش امحولة وشاحك تخيلي ايخش اي حد علينا توا ويشوفك
جنات من غير انتباه لكلام سفيان : سفيااان واللهي مليت من أمس وأنا لابسته ضايقني ...أنا عارفة أنك معصب عشان اااا
وسكتت جنات فجاة وافتحت اعيونها وفمها بصدمة : كككيف عرفت أني من غير وشاح
سفيان ابتسم ورفع يده حطها على شعر جنات وسحب سلك كان عالق في شعرها من الوشاح ومسك يدها حط السلك وبحت في اعيونها : شفتك ..زي ماشفت السلك هذا وسط شعرك الاسود
جنات اعيونها دمعوا وجسمها كله يرجف ..بحتت في يدها وشافت السلك ..وردت بحتت في اعيون سفيان : قققصدك أنت شايفني توا ...أنت اتشوف سفيان...تقدر اتشوف
سفيان ايبحت في كل جزء من ملامحها وركز في اعيونها : أكيد ..انشوف فيك ومش امصدق
جنات عضت على فمها وبكت مع ابتسامة طالعة من قلبها ..ومسكت وجهه وقربت باسته على خده ...وضماته تبكي ..وسفيان مات من اللقطة وقلب رجف
جنات وخرت عنه بسرعة : الحمدالله ياربي ..الحمدالله ..والله دعيت واجد أنك ترجع اتشوف سفيان
سفيان ايبحت فيها كيف تبكي ورفع يده يبي يمسح دمعتها والباب دق وانفتح وخش فخري : سلااام
جنات صبت ابسرعة وتضحك من وسط ادموعها : تعال شوف فخري
سفيان فنص فيها : جنننننة ويأشرلها بيده على وشاحها
وجنات خافت منه ومش فاهمة وبعدها بسرعة لابست الوشاح على رأسها ..وضحكت كيف سفيان ..حتى في الوقت هذا مازال ايحاسب فيها : وربي أنت مش طبيعي ..هذا وقته
سفيان طبس وضحك وبحت في فخري
فخري واقف في وسط الدار ايبحت فيهم ومش فاهم شي
: كنكم تضحكوا
سفيان بحت في فنجان القهوة في يد فخري : كنك جايب لروحك بس ..حتى نحن نشربوا فيها القهوة
فخري نفس ماصار لجنات في الاول مافطنش ..لكن نظرة سفيان قاعدة واضحة انها فيها روح ..ومتغيرة ..مش مجردة نظرة فارغة
فخري فاتح فمه ويبحت في جنات تضحك وسفيان مبتسم : سسفيان أنت ..أنت قادر اتشوف ؟؟
جنات هزت راسها اها ..وسفيان ابتسم لفخري ...والاخير جاء يجري وضم سفيان بالقوة ..هوا أكثر أنسان كان متمني اللحظة هذه من اسنين ..وقعد يبكي
سفيان بحت في جنات ..وضرب فخري على كتفه ..و وخره عنه اشوي : تي بلاش اهبال ..اسكت حتى أنا مابكيت ..كنك شن صار
فخري يمسح في وجه ويضحك : وربي كنت ميت على اللحظة هذه ياشيباني أكثر منك
سفيان ايبحت فيهم : خلاص فكونا من جو لادراما اللي درتوه
فخري بحت في جنات وضحك : نحنا جو دراما ...املا أنت شن درت ....ماشفت وجهك امبدري لما الدكتور شال الشاش من على اعيونك
جنات ضحكت ..وسفيان برم وجه معصب منهم لانهم يضحكوا عليه
فخري صبا : خليني نمشي انبشر الدكتور محمد ..من بدري يسال عليك
سفيان صبا : نمشي امعاك ..نبي انشوف الدكتور محمد نبي انشوف اوجوه الناس ..نبي انشوف كل شي
فخري : هيا ..تعالا
طلعوا كلهم ...وجنات وفخري ايبحتوا فيه كيف ايبحت في كل شي بشغف ..ويملا في عينه ..من كل شي
المهم عدوا وبلغوا الدكتور ..وكلهم فرحوا بالخبر وخاصة دكتور سفيان لانه يعتبر نجاح العملية نجاح له ..لان مشارك فيها
وردوا لدار ..لان وضع سفيان مازال حساس ..بالنسبة لعيونه بعد العملية ...طول اليوم وهم ايهدرزوا ويضحكوا ..وجنات كانت تنحرج لما اتشوف سفيان كيف ايبحت فيها
وبعدها روح فخري ..وجنات قاعدة مع سفيان في الدار ..لكن سفيان حس بتعب ...وارتفعت حرارته اشوي ..والدكتور قال من تأثير العملية مافيش خوف ..المهم يرتاح لعند الصبح
وجنات قعدت جنبه لعند الصبح اتشوف في حرارته ..وخايفة عليه
**************************
ثاني يوم الصبح سفيان كان وضعه احسن الحرارة اختفت ..وحتى الحرقان في اعيونه وقف ..والرؤية كانت افضل ...والدكتور ..قال مافيش مشكلة يطلع ..بس ايحاول يلبس نظرة كم يوم عشان ايحافظ على اعيونه
سفيان يلبس وفخري امصبي جنبه ..وجنات قاعدة برا تراجي فيهم
فخري : من زمان ماشفتك رايق هك
سفيان لابس التيشرت امتاعه ويمشط في شعره : اوووه ..تعرف في خاطري حاجات واجد انحرمت منهم فترة طويلة
فخري : قولي شن تبي ..وأنا نخدمك بعيوني
سفيان يلبس في النظارات ويبحت في شكله في المراية : رايفت على وجهي اتصدق
فخري :
سفيان : تعرف خاطري انسوق ..نبي سيارة
فخري : هذي بس ..اطلب اعيوني نعطيك ...كم ساعة وعندك أحسن سيارة
سفيان : شن نبي فيهم اعيونك ...خلاص سلم اعيوني
فخري ضربه بوني على صدره : بديت اتفشك على طول ..حقاتك ياسي
سفيان يضحك وفتح باب الدار وشاف جنات ..وهي قلبها دق لما شافته يضحك ...ملامحه أحلى بالضحكة
طبعا سفيان طلب منهم ماحد يعرف من هله بنجاح العملية الا بعد يمشوا غادي
طلعوا ومشوا للفندق ..عشان جنات خلاص لها يومين في المستشفى وتبي تدوش واتغير ..وحتى سفيان
نزلت جنات من السيارة وكانت اتحاشى في نظرات سفيان ..ورقت فوق على طول
خشت الحمام ادوشت واطلعت لابست سروال جينز ازرق وبلوزة بيضاء فيها نقشة خفيفة دانتيل ..وحطت مكياج خفيف وجففت شعرها على السريع
انفتح الباب وخش سفيان ..وطبعا نظرته المرة هذه تختلف لانه شايف كل شي ..جنات انحرجت ماكنتش تحساب الموضوع صعب بالطريقة هذه ...ثاريتها كانت عايشة في نعمة وسفيان اعمى ...توا كل شي بحسابه
سفيان : صحة
جنات درت روحها اتلم في الدار : سلمك
نزل شنطته ويسرق في النظرات لها من تحت لحت ..وحول التيشرت امتاعه ..وجنات وجهها احمر ..وهوا ملاحظ تأثيره عليها في كل خطوة
خذا دبش وخش ادوش ..وطلع لابس تيشرت عنابي .وسروال جينز ..وكان وجه منور بطريقة غريبة
سفيان ايبخ في عطر : البسي عشان نطلعوا
جنات : وين
سفيان : نمشوا انغيروا جو ...وناخذوا برمة في تونس ..لان خلاص بكرا مروحين
جنات فكرة الترويحة خوفتها لان سفيان هنا بعد العملية نفسيته تغيرت 180 درجة ..خايفة بعد ايروح بنغازي ..ايرد لطبعه القديم
جنات : لابسة غير انحط وشاح بس
سفيان بحت لنفسه في المراية وفتح الباب : نبي ننزل الحقيني
نزل وبعد اشويا لاحقاته لوطى ..وكان فخري مأجر سيارة عشان سفيان ..ركبوا فيها ومشوا لكم مكان ..سفيان كان مختلف بشكل كبير ..وجنات تمنت يبقى ديما هك
شرواء هديا ..لصالحة وملاك ..وسليم ..شروا حتى لمنى وهبة
وسفيان قال لجنات اشري اللي تبيه عشان اجديدتك وجلال ..جنات رفضت في البداية لكن سفيان وفخري خلوها تشري بالغصب وشرت حتى لمودة
طلعوا من المحلات ومشوا تعشوا في مطعم ...وكان يوم كله ضحك ..وجنات كأنها اكتشفت سفيان جديد في تونس
بعد العشاء امروحين وفخري قال لسفيان نزلني في قهوة نبي شباب غادي ..وطبعا فخري كان يبي ايخليهم ابروحهم بس
نزل فخري ...وسفيان طلع بالسيارة وقعد يبرم بيها في الشوارع
جنات : أكيد امرايف على كل شي من حياتك القديمة
سفيان بحت فيها وركز على الطريق : يعني ..مش كل شي
جنات : قصدي على الحاجات اللي كنت ادير فيهم ابروحك ..زي سواقة السيارة مثلا
سفيان تنهد : هذه أكثر حاجة كنت متشوق ..وخاطري فيها
جنات : واضح من الفرحة في اعيونك
سفيان بحت فيها بنظرة تجنن وهي انحرجت : وأنتي هادية على غير العادة
جنات : شن قصدك ..يعني أنا هرجتي واجدة
سفيان ضحك : شوفي نفسك ...من لما جيتي لبنغازي ..شن درتي ..مانبيش نذكر يوم حاولتي تهربي من فوق السور هبلة وربي
جنات طرمت اشويا وبعدها خطرها عليها الموقف حطت يدها على وجهها وتضحك
سفيان ايبحت فيها وذايب في ضحكتها
جنات انحرجت من نظرته وتبي اتغير الموضوع ..بحتت فوق في سقف السيارة : تبي اتشوف اهبالي بجد ..توا انوريك
سفيان ايبحت فيها بصدمة وهي فتحت الفتحة في سقف السيارة وطلعت منها ..سفيان : انزلي جنة
جنات ارفعت ايديها فوق وعيطت بصوت عالي : نوضي ياتووووونس ...سفيان ايشوووووف ...سفيان رجعله نظره ويشووووف
سفيان ماعرفش يضحك والا ايتعصب عليها شدها من بلوزتها : انزلي فضحتي بينا ..جنة أنزلي
جنات انزلت وقمعزت تضحك : مافيش حد ..الدنيا لليل والناس مرقدة
سفيان : ايهز في رأسه : وربي مافيك عقل
جنات بحتت فيه : اجديدة ديما اتقولي كيفك
جنات تضحك ومش منتبه لسفيان كيف ايشوفلها ..واعيونه يلمعوا ...البنت تبي اتهبله بحركاتها
في الطريق سفيان حط ديسكة لكاظم الساهر ..اغنية(( يالي نارك جنة ))..وجنات انحرجت وقلبها ايدق بسرعة حست الاغنية سفيان حطها قصدا
وصلوا للفندق ...وسفيان كان خايف ينزل وايكون امعاها ابروحهم في الدار ..نزلها ورقى امعاها لعند فوق ..وقاللها نبي نمشي لفخري والشباب
جنات طبست : تمام
عدا سفيان ...وجنات خشت وهيا طايرة من الفرحة ...متمنية الدوم السعادة هذه للابد ..وقعدت كلمت مودة وتحكيلها في اخبار اليوم وكل شي
*************************
روح سفيان متأخر وكانت جنات راقدة ...وهو ماجاءهاش نوم ..وطلع كمل باقي السهرة مع فخري في كافي الفندق
الصبح الساعة خمسة كانوا جاهزين للسفر ...خذوا نوع دواء كان الدكتور كاتبه لسفيان عشان باقي العلاج ..وروحوا في اول طائرة لمطار لابرق ...وسفيان طول الرحلة راقد
وصلوا وبعد ساعة او اكثر طلعوا من المطار ...خلال ساعة كانوا في درنة ..وجنات هذه ثاني مرة سفيان ايخليها اتشوف هلها
كانت الساعة حوالي العشرة الا لما وصلوا للحوش سليمة ..نزلوا وجنات ادق على الباب فتحت اجديدتها ..وجنات خذتها بالحضن ..وتضحك ..وسفيان وفخري ايبحتوا فيها ويضحكوا
نزلوا وسلموا على سليمة ..وطبعا جنات كانت قايلة لسليمة عنده مشكله في اعيونه بس مش اعمى ..عشان ماتبيش كثرة اسئلة منها
خشوا جوا ..سفيان وفخري المرة الاولى قعدوا في المربوعة لعند الصبح ..اما المرة هذه خشوا مع جنات للحوش وقمعزوا في دار المعيشة
طيبت سليمة شاهي وجنات اتساعد فيها وتحكيلها على مشيتهم لتونس ...وهما يسمعوا فيها
حطن فطور وافطروا مع بعضهم ...وبعد الفطور جنات طيبت قهوة ..عطتهم يشربوا ..ورقت مع السور اتنادي في مودة ..طلعت مودة وسلمت عليها ..ونفس المرة لاولى ضحك واعياط وبكى
المهم جنات تحكي مع مودة وتسأل فيها على جلال وسفيان يسمع فيها
طلع سيفان برا هوا وفخري ..وقعدوا في السيارة ..وجنات خشت جوا حكت مع جلال بالتليفون ..وقعدت تبكي لان مافيش حد دار حل او حاول ايدير حل عشان يطلع ..وكملت وهيا طالعة من الدار تسمع في سفيان ينادي عليها ..مسحت وجهها وطلعت من مدخل المربوعة
جنات : نعم
سفيان بحت في وجهها : كنك شن صار
جنات تمسح في وجهها : مافي شي ..عليش
سفيان قرب منها : جنة شن في ..عليش تبكي
جنات طبست : مشاكل في العئلة مش شورك
سفيان مسك وجهها بين ايديه : شن في جنة ..أخر مرة نسألك
جنات خافت ايرد يعصب عليها جاوبت : جلال خويا محبوس من قبل نمشي لتونس ..ومازل لتو ..ماحد طلعه
سفيان تنهد : شن داير المرة هدي
جنات انحرجت : عركة ...وضرب واحد في محل وكسر ابضاعته ..وصاحب المحل حبسه
سفيان : مايتوبش بكل خوكي هذا ..لعند امتى وهوا عايش بالطريقة هذه
جنات : مش منه هوا غصبا عنه ...جلال مالاقاش من يرعاه وهو شاب مراهق
وابرمت تبي اتخش وسفيان شد يدها وسحبها شوره : تعالي هنا ..كنك زعلتي
جنات ماتبيش اتحبت في اعيونه : مش زعلانة سفيان ..خليني
سفيان شدها أكثر ليه وطبس عليها : بحت فيا ...جنة شوفيلي هنا نحكي امعاك
جنات ارفعت راسها خايفة لانها اتموت في اعيونه وتضيع ومعاش تقدر اتحكم في جسمها يرجف كله : نعم
سفيان قرب منها أكثر وحط يده تحت حنكها ..وحرك صبعه على فمها اللي يرجف ...اعيونه ذابلة ونزل ايبحت في فمها وهي غمضت اعيونها ..وهو باسها على فمها بوسة ناعمة ..ورفع وجهه وهو مغمض اعيونه وحرك خشمه على خشمها وشدها من خصرها أكثر : جنتي
جنات : نعممم
سليمة من جوا : جناااات
جنات دفت سفيان وترجف وتلخبطت ..وسفيان حط يده على ياقة التيشرت ينفض فيه وينفخ
جنات : نننعم يا اجديدة
سليمة طلعت عليهم : تعالي نبيك ياماما
سفيان ايحك في رقبته متوتر : تمام عدي شوفي اجديدتك شن تبي ..وأنا طالع اشويا ..بس ديري احسابك بعد الغداء بنمشوا لبنغازي
جنات طبست تضحك على شكل سفي
سفيان : جنة
جنات دايخة : همم
سفيان : أنتي نار مش جنة
ومشى بيها سفيان لعند السرير وهي بين ايديه ترجف ..نزلها على السرير ..ونزل عليها : نبيك مراتي الليلة
جنات ساكتة وسفيان نزل عليها و وبدأ ايبوس في رقبتها ونزل لعند كتفها ورفع ايديه يفتح في بطم البيجامة ..وجنات مسكت ايديه : سفيان لا
سفيان وقف بصدمة ونفس مقطوع : ليش
جنات : أنت مصدقني والا لا قبل
سفيان نزل ايبوس في خدها : مش وقته الكلام هذا جنة
جنات برغم أن حواسها كلهن مايبنش بعد سفيان عنها..بس كانت اتفكر في ابعد من هكي دفته من عليها وقمعزت اتصكر في بيجامتها
سفيان صبا امعصب وحط يده في شعره وعض على فمه ..كان رفض جنات صعب عليه
سفيان برم شورها : نقدر نفهم شن قصدك ..ليش ماتبيش اتكوني مراتي ..من شنو خايفة
جنات صبت : خايفة منك ..خايفة من الشك ..مانبيش انعيش معك للحظة وبعدين نندم العمر كله سفيان
سفيان : شني لليلة الغاز هيا ؟؟..فسري كلامك
جنات : كلامي واضح سفيان ..أنت مصدقني والا لا ..اذا كنت امصدقني ماعنديشي مشكلة ..بس كل شي يبي ايتغير واولهم منى وهبة وتوفيق بيتحاسبوا على كل شي داروه فيا ..أم اذا كانت هذه مجردة رغبة وتبي اتعيش معايا اللحظة وبكرا انردوا للموال القديم ..يبقى لا خليك بعيد عني مانبيش انكون مراتك لا الليلة ولا في اي لليلة اخرى
سفيان قرب منها : تلوي في ذراعي يعني ...كيف نبي نصدقك ..شن هوا دلليلك ..
جنات : دليلي قل..
سفيان قاطعها على طول ورفع يده : لا لالا ردي بالك اتقولي مازلت بنت ..هذي ليها الف حل ..ماهواش دليل أبدا
جنات اعيونها دمعوا وقلبها وجعها : تعرف ليش ماخليتك اتكمل الليلة ..عشان مانبيش بكرا انوض على الوجع اللي حسيته توا ..من شكك وعدم ثقتك فيا
بس باهي اللي وقفتك بدري أنت اصلا ماتبيش اتصدق ..عقلك مش مستوعب أن العيب والغلط يطلع منكم ..تبي اتلمع صورة العائلة الشريفة قدام الناس ..لكن جنات ماكملتش كلامها لان سفيان مسكها من رقبتها وخنقها ..ماتعرفش أنها جاته على الجرح وحطت ملح
سفيان اعيونه نار ومعصب يخنق فيها : أخر مرة تفتحي فمك على عائلتي ..مش كان ضحكت اشويا تحسابيني طيب وقلبي احنين ..أنا اصلا ماسك روحي عليك بالغصب
ودفها لعند طاحت على السرير تبكي وترجف من الصدمة والخوف
وهو مشى لعند لاقى تيشرته لابسه وخذا جاكته من على الكرسي ولابس وقبل يطلع التفت شورها : وردي بالك اتصدقي كلمة من اللي قلتها لك امبدري ...كلام ممكن يطلع من اي شاب في للحظة زي هدي ...عادي يعني.
وطلع ..وخبط الباب
نزل سفيان وهوا مقهور ومعصب ...ليش بعد السنين هذه كلها طلعت جنات في حياته ..ليش يبي ايصدقها ومش قادر يكرهها وهوا المفروض يبي ينتقم منها ...ليش تعود علي البنت اللغط اللي المفروض يكرها ليش وليش ...والف سؤال ماليش جواب عند سفيان....مشى قعد في الكافي لوطى لعند هدأت اعصابه ..ورد رقى للدار فتحها وكان الجو هادي ..خش بالشويا ..وحول جاكته ورقد على الكنبة ..وعقله ايودي وايجيب
جنات كانت في السرير ودارت روحها راقدة ..بس هيا من طلعت سفيان وهي تبكي واتفكر فيه ..وكان عندها نفس السؤال ..ليش سفيان بالذات ..شن حبت فيه ..من اول يوم وهو معاملته امعاها قاسية وكل مرة يجرح فيها أكثر
بس الحب وقت ايجي لا يسأل فينا اذا كان هذا الشخص المناسب والا الوقت المناسب ..ايجي من غير وقت ومن غير سبب واضح ..ايسيطر عليك ..وعلى تفكيرك ..يا تعيش امعاه احلى أيامك
ياما حيقلب حياتك جحيم ومعاش تقدر اتسيطر على شي في حياتك ..وتبدأ كيف الفراشة اللي تحرق في اجنحتها على نور متخيلته ان هوا طوق النجاة
**********************
الصبح سفيان ناض قبل جنات غسل وصلى وجاء فخري نزل امعاه وفطروا في الكافي ..أما جنات ناضت امصدعة من كثر ما بكت ..قمعزت في سريرها اتبحت في الدار ..واتفكر شن تبي ادير ...بس كلام فخري في بالها ..سفيان عنده عملية ولازم اتحمل ...تنهدت بتعب وصبت خشت للحمام
غيرت جنات دبشها وطلبت فطور ...فطرت ...واتصلت بمودة كان لها يومين ماكلمت ..لكن سفيان عبلها رصيد ..
مودة : خيرات ياحبي
جنات : اهلين نجك ليا
مودة : شن اخباركم ..وشن الجو عندكم
جنات : تمام ..الحمدالله ..شن اخبار اجديدة ..وجلال
مودة : بخير الحمدالله ..جلال مازال محبوس
جنات تنهدت بحزن : كيف صار مش قلتي خالي بيطلعه من يومين
مودة : مشوا للراجل صاحب المحل ...لكن عطه ضربة في بطنه طلع امتاع فلوس ومايبيش ايتنزل عن حق لبضاعة
جنات : اتلوميه وتعذريه ..حقاته..وجلال ربي امعاه
مودة : أنا مقهورة جيجي ..لاني أنا السبب ..حاسة بالذنب
جنات : لا ماتلومي روحك حبيبتي أنتي الله غالب عليك ..كله من الصايع الحقير عيسى ...إن شالله ربي ينتقم منه هالواطي
مودة : باهي احكيلي شن صار في كيكتك فتحت والا مازال
جنات ضحكت
: لا مازال اليوم موعد دخول المستشفى ..أدعي ربي تنجح عمليتهمودة : يارب إن شالله ..وربي يهنيكم حسيته راجل اكويس ..بالك ربي ايعوضك خير بعد زواجك لاول
جنات غمضت اعيونها وتنهدت : إن شالله
مودة : ها شن اخبار تونس ..طلعتي وين مشيتوا ..احكيلي خاطري حتى أنا انسافر برا ليبيا
جنات ضحكت بهزوا بينها وبين نفسها ..كيف محبوسة في دار الفندق من يوم جت والمرة الوحيدة اللي طلعت فيها هزبها سفيان
جنات تبي اتغير الموضوع : تمام ..تمام مودة توا نحكليك مرة اخرى ..توا سفيان جاء انشوف شن صار امعاه
مودة : ياعيني حبيب القلب جاء ..عدي ياحنة ربي ايخليكم لبعض
جنات : إن شالله ..اوكي غلاتي
مودة : باي
صكرت جنات وصبت تبرم في الدار ..مش عارفة شن صار مع سفيان ..لعند الباب انفتح وخش سفيان
سفيان : سلام
جنات : اهلين
سفيان : جنة ..في شنطة صغيرة حطي فيها كم غيار ليا عشان ناخذها امعايا للمستشفى
جنات : خلاص اليوم بتدخل للمستشفى
سفيان تنهد : إن شالله
جنات حست بتوتره كيف باين على ملامح وجه
طلعت جنات الشنطة وبدأت اتحط في كم قطعة غيار ..ولابستين لسفيان ..وحاجاته الخاصة ..وتت الشنطة
جنات : سفيان كل شي تمام ..تبي حاجة ثانية
سفيان امقمعز صبا : هاتيها وغيري ادبشك عشان تمشي امعايا
جنات : صاح ؟!!
سفيان : املا بنسيبك ابروحك هنا ..هيا البسي وانزلي نستنوا فيك لوطى
جنات : تمام هيا
خذا سفيان الشنطة وكان فخري يستنى فيه برا ونزلوا لوطى ..غيرت جنات ونزلت ..ركبوا تاكسي ومشوا للمستشفى ...
خش سفيان واستقر في وحدة من غرف المستشفى بعد نهوا اجراءت الدخول ..وجنات قعدت امعاه في الدار وفخري عدا ايشوف في الدكتور
سفيان كان في الحمام ايغير في دبشه ولابس توتة ..جت جنات خذت منه ادبشه وطبقاته ..وقمعز سفيان على السرير
وجنات امصبي على روشن الدار متوترة
سفيان : جنة
جنات التفتت : همم
سفيان : تعالي قمعزي نبيك في كلمتين
جنات خافت زعما شن بيقول وجت قربت وقمعزت على الكرسي مقابلة سفيان : نعم
سفيان بوجه جدي أكثر : جنة اسمعي نبي نتفق امعاك ونبيك تسمعيني للاخر قبل ماتردي عليا
جنات : نسمع فيك ..شن في
سفيان : أنتي ممكن مش عارفة بس أنا اليوم او بكرا عندي عملية على اعيوني . وأنا مش عارف اذا كانت حتنجح او لا
جنات : إن شالله تنجح
سفيان رفع حاجبه مستغرب ردة فعل جنات لان واضح كان عندها علم بالعملية ..وعض سفيان على فمه وطبس ابتسم لان عرف فخري هوا اللي أكيد قاللها
جنات اتبحت فيه عليش يضحك : كنك
سفيان رفع راسه يمسح على للحيته : لا مافيش شي ..المهم أنا اللي نبي انقوله أني ماعنديش استعداد لاي مشكلة او اعصاب ازيادة لان نفسيتي ماعدش تتحمل اكتر من هك ..جنة نبي يومين راحة من اي اعياط واي مشاكل واعصاب ..اللحظة هذي نستنى فيها من كم سنة
جنات اتبحت فيه وحست كم سفيان نفسيته متغيرة
سفيان : أنا صاح تاقلمت مع مشكلتي وممكن اغلب اللي يشوفني ايحس أني تعودت وتكيفت امعاها وكأني انسان طبيعي ..بس أنا مليت خاطري انعيش انسان طبيعي نفس باقي الشباب ..نطلع وقت مانبي وانرد وقت مانبي ..مانبيش نعتمد على حد وخاصة فخري تعبته امعايا ..مع أن عمره ماشكى او حسيت بيه مل مني ...بس عارف أن فخري نص اللي ايدير فيه لان حاس بالذنب لان متخيل أني فقدت البصر بسببه هوا
جنات ساكتة وتسمع ومنصدمة كيف سفيان قاعد ايفضفض ويحكيلها
سفيان : ياجنة أنا بنرد للحياتي القديمة نبي انسوق السيارة .نبي انرد للشغلي ..نبي انشوف وجه سليم ..نبي انشوف اوجه الناس اللي اتحبني ..نبي انشوف وجه...
وسكت سفيان كان خاطره ايقول انشوف وجهك
جنات : كمل ليش سكتت
سفيان : مش مهم ..اللي نبيه منك ..نتفقوا ..أنسي اي شي صار بينا ..انسي قصة توفيق ومنى ..قصة زواجك مني ..وليش ..انسي كل شي ليومين بس ..لعند اندير عمليتي وانشوف شن ايصير امعايا ...نبيك امعايا أخت . صديقة ..زوجة ..مش مهم ..المهم مانبيش اي مشاكل او توتر
جنات اعيونها دمعوا اول مرة اتشوف سفيان يحكي وكان واضح أنه محتاج لواحد يوقف امعاه ...قربت منه ومسكت يده ..وسفيان توتر
جنات : ماعندكش مشكلة ...أنا جنبك ..وبننسى كل شي صار امعانا ..المهم أنت خليك قوي زي ماعرفتك
سفيان انصدم في كلامها ..كان متوقع جنات بشخصيتها العنيدة ترفض واتخليه ...جاء يبي يحكي لكن الباب انفتح وخش فخري
جنات سيبت يد سفيان وصبت : شن صار
فخري مبتسم : كل شي تمام ...عمليتك بكرا الصبح إن شالله
سفيان : ليش مش كانت اليوم ؟!!
فخري : دكتور محمد بيجي اليوم في الليل ..وبيحضر عمليتك بصفته الدكتور المتابع لحالتك من زمان ...وأنا بصراحة تريحت أكثر لما عرفت
سفيان : تمام ..مش مشكلة ..اليوم وبكرا واحد
فخري : شن وضعك أنت ..في حاجة ناقصتك
سفيان : لا ..كل شي تمام .والا جنة
جنات بحتت فيه بصدمة وبحتت في فخري : اها تمام
فخري ابتسم : اوكي بكل ...جنات أنا قاعد برا لو تبي اي شي رني عليا
جنات : ماعنديش رقمك
فخري : هاتي فونك
خذا فونها وسجل رقمه ..وطلع
جنات حست بتوتر بعد فخري طلع....هيا وسفيان في مكان واحد شن تبي ادير ..شن تحكي امعاه ..صاح سفيان فتحلها قلبه وحكى امعاها ..بس مازال هوا سفيان بشخصيته اللي ماتقدريش اتوقعي شن بيدير او يقول
سفيان اتكى على السرير : لو مالة وتبي اتروحي للفندق كلمي فخري ايروح بيك
جنات : لا نبي نقعد امعاك
وغمضت جنات اعيونها لانها حست روحها فلمت ..ياغبية ليش تحكي بدون تفكير
سفيان ابتسم وخذا فونه حط السمعات في اوذانه ..وقعد يسمع في اغاني ..وغمض اعيونه
جنات اتبحت فيه ..ياريتني تعرفت عليك بظروف غير هالظروف ...ياريتني نعرف شن في ..في قلبك ..شن مازلت داس عليا
برمت جنات في الدار مكسدة ..لاقت مجلات على الطاولة ..خذت وحدة وقمعزت اتفرج على الصور ...اتفرج بس ماعندهاش نية تقرأ ...كان تبي تقرأ راهي كملت جامعتها
كملت جنات وتنهدت بملل .. وبحتت في سفيان مغمض اعيونه ..ويهز في رجله شكله منسجم مع الاغنية ...جنات قربت منه دوبها تسمع في صوت..الاغنية ..وعرفتها نفس الاغنية
جنات : سفيان
سفيان مايسمعش فيها ...وهيا قربت منه وحولت وحدة من السمعات : سفيان
سفيان انفجع : نعم
جنات ابتسمت : شن قاعد تسمع
سفيان نزل رجليه من على السرير وقمعز : تعالي
جنات قربت بحذر وقمعزت جنبه : نعم
سفيان لابسها وحدة من السمعات : اسمعي
جنات تسمع وتبحت في وجهه ...وهذه كانت النعمة الوحيدة اللي مستفيدة منها جنات في عمى سفيان انها تقدر اتبحت في وجه وتشبع منه من غير ماتنحرج منه
جنات : الاغنية مش عربية أنت عارف شن تحكي..بس واضح انها حزينة
سفيان : عارف اغنية ايرانية
جنات : أنت تفهم اللغة الايرانية
سفيان ابتسم : أنا انجليزي ويالله ..من وين نبي نعرف اللغة الايرانية
جنات : وكيف تعرف معنى كلماتها
سفيان فتح فونه : شوفي هنا ...فيديو فيه الاغنية مترجمة
جنات خذت الفون وقعدت تسمع في الاغنية وتقرأ ..في الترجمة ..وعجباتها الكلمات
سفيان : شفتي.....فخري قرألي الترجمة
جنات حولت السمعات وعطاته فونه : اغنية حزينة ليش تسمع فيها
سفيان رد رفع رجليه على السرير واتكى : انحب نسمعها تعودت عليها ...جنة
جنات صبت : نعم
سفيان : بنرقد اشويا ...اليوم نايض بدري
جنات : تمام ...أنا نطلع اشويا مليت
سفيان رقد وغمض اعيونه : لا خليك هنا
جنات اوووفه بسم الله كيف رد لسفيان القديم في لحظة قمعزت بعصبية على الكنبة : باهي
سفيان ضم المخدة ورقد ..وجنات اتقلب في اعيونها في الدار ..وبعدها رفعت رجليها واتكت على الكنبة ..واتفكر ..اتفكر ..وراحت في النوم
رقدوا هما لاثنين لان لليلة امبارح مش مرقدين اكويس ..بعد ليلة عاصفة
فخري جاء بعد الغداء فتح الباب لاقاهم مرقدين ..ابتسم وطلع صكر الباب
*************************
في بنغازي منى كانت قاعدة على نار ..سفر جنات وسفيان مع بعضهم ...كانت فيه خطورة ينسف كل اللي كانت منى اتخططله عشان تنتقم من جنات
وهي اللي قعدت ايام اتزن على رأس سفيان وتملا في قلبه حقد على جنات عشان ينتقم منها
وطبعا كان لازم تتصرف بسرعة قبل ما الفأس توقع بالرأس وسفيان يعرف الحقيقة ...ومن ثالث يوم للسفر جنات منى الصبح بدري ناضت
منى تلبس في كندرتها وهبة امصبية دوبها نايضة من النوم
هبة حاطة يدها على نصها : نقدر نفهم وين ماشية على صبح ربي
منى لابست كندرتها وصبت : ماشية امشرق ..ليش تسألي
هبة : شن تبي ...وين ماشية
منى خذت مفتاح سيارتها : مالكش دعوة ...اهم شي زي ماوصيتك عينك على خوك وعطيه الدواء في وقته
هبة : منى ردي بالك اتخشينا في مشكلة جديدة ماصدقنا البنت سكتت ..والمشكلة عدت بخيرها وشرها
منى : ومن قالك البنت سكتت ...أكيد تستنى في الوقت اللي تفضحنا فيه كلنا
هبة تلحق في منى برا : يامنى ارحمينا ..وفكينا من المشاكل الله ايخليك ...أنتي عارفة سفيان شن ممكن ايدير فينا لو يعرف شن درنا في جنات
منى افتحت باب سيارتها وبحتت في هبة قبل تركب : عارفة شن قاعدة اندير ...وماتخافيش ..كان صار اللي في بالي ..سفيان مجرد مايجي راح ايطلقها ويلزها لاهلها بالدبش اللي عليها
هبة اتهز في رأسها مش عاجبها تصرفات اختها ..وصكرت الباب وخشت
صالحة امقمعزة جنب سليم تعطي فيه دواءه وخشت عليها ملاك وسليم اول مانفتح الباب ابتسم ولما شاف ملاك رد للحزن
صالحة ابتسمت وحطت يدها على خده : نجك ليا ياحبيبي ..مع أنه مش فاهم شي ..بس واضح انه فاقد سفيان ..إن شالله ربي ايرده بسلامة وتفرح بشوفته
ملاك قربت منه ومسكت يده باستها : إن شالله حتى أنا رايفت عليه ...الحوش كساد من غيره هوا وفخري
صالحة : أكيد
ملاك : تصدقي رايفت حتى على جنات ...تعودنا عليها ..وعلى تصرفاتها اللي يضحكوا فيا
صالحة : إن شالله ايروحوا طيبين ..ويصفي قلوبهم
ملاك : مش مصدقة بصراحة أن جنات تقدر تاذي اي أنسان وأنتي ؟!
صالحة : الله أعلم ...بس مصيره ايجي يوم ونعرفوا كل شي ...هيا صبي اطلعي خلي خوك يرقد اشويا
ملاك باست سليم على رأسه ونكشت شعره وسليم ضحك وطلعت هيا وصالحة وصكرن الباب
************************
ناضت جنات من نومتها بحتت في الدار مستغربة ..وشويا لعند استوعبت وين قاعدة ..بحتت على السرير سفيان مش قاعد
اشويا وطلع من الحمام يمسح في وجهه
جنات : خير
سفيان : اهلين
جنات في بالها هذا كنه ..حتى أنا كنت راقدة ..عليش قالب وجهه ..عرفينك كنت راقد
سفيان : جنة ..في صلاية
جنات صبت : اها في
عطاته الصلاية ..وخشت الحمام غسلت وجهها وتوضت ..طلعت قمعزت اتفرج على سفيان ايصلي ...كان فايتهم الظهر ..بعد كمل سفيان صلت جنات
قبل العصر جاء فخري وكسد امعاهم في الغرفة ...وكمل اليوم من غير احداث مهمة لعند الساعة عشرة ..جاء فخري وامعاه الدكتور محمد
وجنات تعرفت عليه ..وعرفت أن هوا دكتور سفيان في بنغازي
والدكتور محمد طمن سفيان وقاله إن شالله نسبة نجاح العملية فوق 75% وسفيان الحق ارتاح اكثر لما جاء دكتوره
في الليل بكل فخري روح للشقة ..وجنات قبل سفيان يبيها اتروح عشان ترقد في الفندق لكن هيا رفضت ..واصرت تقعد امعاه ..وهوا رضى لان اتفق امعاها معاش يبي نقاش ومشاكل
طبعا لا جنات ولا سفيان عرفوا يرقدوا لان العملية في الصبح وكانوا متوترين ...وفي الصبح جاء ممرض عشان ايجهز سفيان للعملية ...وقبل يطلع سفيان من داره للعمليات جاته جنات ومسكت يده
جنات : إن شالله بالنجاح ...ماتخافش ربي كريم
سفيان ماتكلمش وضغط على يدها بس ...وجاء الممرض خذاه وكان فخري والدكتور محمد في انتظاره عند العمليات ..وخش سفيان للعملية ..وجنات وفخري ..قعدوا يستنوا على نار
************************
مودة اتصلت بجلال ورد عليها : نعم
مودة : شن اخبارك
جلال : مانحكيلك بكل ...الجو في لندن ابرد من درنة ...والبنات صقع بكل مش كيفك يا شتشوتا
مودة عارفته هازي على وضعه في الحبس : جلال والله نفسيتي صفر وحاسة بالذنب عشان خاطرك
جلال كلامها يلمس في قلبه لكن هوا ايكابر : والله ...خذيلك شكلاطة اتغير نفسيتك
مودة : خزيه عليك والله نحكي جد يابارد
جلال : وشن تبني انديرلك ..ماغيرت نفسيتي ..خليها ساكتة بالله
مودة : أنا اللي غلطانة انكلم فيك ومنشغلة عليك ..وأنت اتزعم الكبد
جلال : معاش تاكلي مني ..مادام انزعم الكبد
مودة تعصبت : ااااه
باااارد وتافه جلال ضحك لان هذا اللي يبيه انها اتنرفز : وربي غير انشوفك يافرخة ..بالكف على وجهك
مودة : امم
إن شالله تعفن في الحبس املا جلال : خليك ..خليك ..احكي شن تبي توا ...لكن لما نشدك من شعرك ..رد بالك تبقي اتفقفقي وتجدي فيا
مودة : صقع عليك ..موت بعلتك
وصكرت الفونجلال :
***********************************
بعد ساعتين كانوا كأنهم يومين على قلب جنات وفخري ..طلع الدكتور محمد من العملية .وطمنهم على وضع سفيان ..بس النتيجة اتبان بعد ينوض سفيان من البنج
وبعد فترة اخرى طلعوا سفيان من العمليات وحطوه في غرفته ...وبدأت رحلة انتظار اخرى لعند يوعى سفيان
جنات امقمعزة على الكرسي جنب سرير سفيان وماتبيش اتحرك لعند اينوض ..وفخري حكي مع الدكاترة ..ومشى يشرب في قهوة كان مصدع
سفيان بعد وقت بدأ ايتحرك ..وجنات اتبحت فيه
سفيان رفع يده لامس اللصقة على اعيونه : جنة ..فخري
جنات مسكت يده : نعم ..شن تبي
سفيان ايحرك في جسمه وحس فمه جاف : نبي نشرب عطشان
جنات : استنى نسأل الدكتور قبل
وتبي اتصبي لكن سفيان شد يدها : شن قال الدكتور
جنات حطت يدها لاخرى على كتفه : قاله العملية تمام ..لكن النتيجة اتبان بعد ايشيلوا اللصقة من على اعيونك
سفيان هز راسه وطلق يدها ..وجنات طلعت اتشوف فخري والدكتور ..وجاء الدكتور محمد والبرفسور وفخري ودكتور تونسي ..وخشوا على سفيان
وكان الوقت القاتل وقت النتيجة اللي كلهم كانوا حاطين ايديهم على قلوبهم شن يبي ايصير
جاء دكتور محمد وسأل سفيان كم سؤال ..وبعدها بدأ البرفسور يفتح في اللصقة ..وجنات خايفة وتبحت في فخري
كمل الدكتور وطلب من سفيان يفتح اعيونه بعد ما نظفهم من برا قبل
فتح سفيان اعيونه اشويا اشويا ...وملامح وجه بدن ايبان عليهم العصبية
دكتور محمد ايحرك في يده قدام وجه سفيان : شنو سفيان شن شايف
سفيان برم وجه : مش شايف شي مازلت نفس قبل
جنات بحتت في فخري
وفخري هز رأسه معصب وغمض اعيونهد محمد حكى مع الدكاترة اللي امعاه باللغة اجنبية كم جملة وبعدها قرب من سفيان وحط يده على كتفه : سفيان مانبيكش اتخمم في شي ...مازال بدري على الحكم في نتيجة العملية ...بس نبي نسالك قبل
سفيان : نعم
د محمد : شن شايف توا ..الرؤية نفس قبل والا تغيرت ..شن اتحس
سفيان يمسح في اعيونه لانهم يحرقوا : يعني أحسن من قبل ..بس مازل في كيف الشاش الابيض قدام اعيوني
د محمد رد حكى مع البرفسور ..وبعدها كلم سفيان : عموما أنا متفأل خير ..والدكتور قال مازال في دواء ..عشان تأثير العملية والجراحة على اعيونك ...نبيك اليوم اتريح وبكرا انشوفوا شن ايصير
سفيان هز برأسه من غير مايرد ..والدكاترة طلعوا بعد ماتمنوا الشفاء لسفيان ..وفخري طلع وراهم يبي الدكتور محمد
جنات اتبحت فيه كيف وجه حزين واعيونه فيهم لمعة دمعة ماسكها بالغصب ..وجت قربت منه ومن غير تفكير ضمت رأسه على صدرها : ماتخافش سفيان خليك قوي زي ماعرفتك ..وربي كريم ماينسى حد ..وانت اا
سفيان غمض اعيونه ودفها باعدها عنه بالراحة : خليني ابروحي لو سامحتي
جنات اعيونها دمعوا : حاضر ..براحتك
وطلعت برا تبكي على حال سفيان ..وهوا مجرد ماسمع باب الدار اصكر وراء جنات ..عزق راسه على مسند السرير وتنهد بالم وغمض اعيونه ..وادمعوا نزلوا على طول
جنات امصبية برا تبكي وجاء فخري قعد ايهدي فيها ويطمن في قلبها ..ويبي ايخش على سفيان لكن جنات قالتله خليه ابروحه اشويا
وجاء د محمد بعد ما حكى مع الدكتور ..وخش على سفيان حطله دواء في اعيونه وطلع
*****************************
منى روحت ثاني يوم لبنغازي ..وجت خشت على هبة في دار توفيق : خير
هبة تمسح في فم توفيق : اهلين ..امتى روحتي
منى حطت شنطتها ومفاتيح سيارتها على الطاولة جنب توفيق : توا ..شن اخباره اكويس
هبة شالت سفرة الغداء : نفس ماهو ..وضعه القديم
منى قمعزت بتعب على الكرسي : شن اخبار هل تونس مافيش اخبار عليهم
توفيق ايبحت فيهن وساكت
هبة : مافيش جديد ..ايكلموا في صالحة وقالوا مازلوا على المراجعة
منى صبت وخذت شنطتها : نبي نمشي ندوش خليك امعاه لعند انجيك
طلعت ولاحقتها هبة شايلة السفرة : وين كنتي
منى تمشي ومابحتتش فيها : مش شورك
هبة نزلت وراءها من الدروج :توفيق يسأل على جنات
منى وقفت وبحتت في هبة بعصبية : وليش شن يبي فيها
هبة : شن عرفني ..بالك فقدها
منى نفخت بعصبية وكملت تنزل : مش عارفة كيف ايفكر خوك ..كيف نسى شن دارت فيه البنت هذه
هبة لاحقتها تنزل : شكلك أنتي اللي نسيتي شن درتي فيها ...وفي خوك من قبلها
منى فنصت في هبة : صكري فمك وماتنسيش أنك امعانا في اللعبة
ونزلت منى وحست حد تحرك بسرعة ..لكن مافيش حد لوطى ..التفت على هبة : صكري على الموضوع هذا ومعاش تفتحيه عشان ماننفضحوا ...وأنتي عارفة شن يبي ايصير فينا بعدها
هبة تخزرت في منى وخشت للمطبخ
***********************
جنات بعد وقت جت وافتحت الباب بالشويا وخشت على سفيان ...بس كان راقد
صكرت الباب وجت قربت منه وقمعزت على الكرسي جنب السرير ..وتمت اتبحت في ملامح وجه ..واتفكر شن يبي ايصير كان سفيان فشلت عمليته ..أكيد بتزيد عصبيته وكله بيجي على رأس جنات
فكت وشاحها وحطت راسها على المخدة جنب راس سفيان وغمضت اعيونها تدعي ربي ايساعدها ..وترتاح من الهم في حياتها
وبعد تفكير طويل نعست ورقدت على نفس الوضع
سفيان بعد فترة تحرك وفتح اعيونه ..وحس بنور قوي ..غمض اعيونه وفتحهم نفس الشي ..حط يده على اعيونه يمسح فيهم ..وفتحهم من جديد ..والصدمة كانت أن النور كان من اللمبة فوق رأسه
برم سفيان وجه للجهة الثانية وحك اعيونه بيده ورد فتحهم ..على احلى وجهها كان متمني أنه ايشوفه من فترة طويلة
غمض اعيونه اخرى ورد فتحهم ..حس بغشاوة ولما مسح بيده رد شاف وجه جنات ...سفيان قلبه ايدق بسرعة وخايف ايكون يحلم ...مد يده بالشويا وحطها على خد جنات ..لامسها ومسح على شعرها ...وجنات حست بيه افتحت اعيونها
لاقت سفيان ايبحت فيها : اخيرا نضت ..الحمدالله على السلامة
سفيان ابتسم لما شاف بسمتها اللي اتجنن
جنات بحتت فيه مستغربة ليش ابتسم ومسحت وجهها وتثاوب : اااه ..وين فخري شكله مازال جاء ..أنت اكويس توا ؟؟
سفيان مش امصدق انه قاعد ايشوف فيها ..تخيل وجهها واجد بس عمره ماتخيل كمية اللطافة في ملامحها : أكيد في الكافي يشرب في قهوة
جنات حولت الوشاح وترفع في شعرها فوق : بصراحة جوا
قهوة ...تبي انجيبلك امعايا
سفيان ارتفع وقمعز ..وقعد منسجم ايتفرج على وجهه جنات وحركاتها : تعالي
جنات لفت شعرها فوق وحطت الوشاح على اكتوفها وقربت منه : نعم
سفيان حط يده على السرير جنبه : تعالي قمعزي هنا
جنات اتبحت فيه زين ..واول مرة اتحس بنظرة سفيان متغيرة فيها شي غريب ..قربت منه وقمعزت : نعم
سفيان ايتأمل فيها من قريب : ليش امحولة وشاحك تخيلي ايخش اي حد علينا توا ويشوفك
جنات من غير انتباه لكلام سفيان : سفيااان واللهي مليت من أمس وأنا لابسته ضايقني ...أنا عارفة أنك معصب عشان اااا
وسكتت جنات فجاة وافتحت اعيونها وفمها بصدمة : كككيف عرفت أني من غير وشاح
سفيان ابتسم ورفع يده حطها على شعر جنات وسحب سلك كان عالق في شعرها من الوشاح ومسك يدها حط السلك وبحت في اعيونها : شفتك ..زي ماشفت السلك هذا وسط شعرك الاسود
جنات اعيونها دمعوا وجسمها كله يرجف ..بحتت في يدها وشافت السلك ..وردت بحتت في اعيون سفيان : قققصدك أنت شايفني توا ...أنت اتشوف سفيان...تقدر اتشوف
سفيان ايبحت في كل جزء من ملامحها وركز في اعيونها : أكيد ..انشوف فيك ومش امصدق
جنات عضت على فمها وبكت مع ابتسامة طالعة من قلبها ..ومسكت وجهه وقربت باسته على خده ...وضماته تبكي ..وسفيان مات من اللقطة وقلب رجف
جنات وخرت عنه بسرعة : الحمدالله ياربي ..الحمدالله ..والله دعيت واجد أنك ترجع اتشوف سفيان
سفيان ايبحت فيها كيف تبكي ورفع يده يبي يمسح دمعتها والباب دق وانفتح وخش فخري : سلااام
جنات صبت ابسرعة وتضحك من وسط ادموعها : تعال شوف فخري
سفيان فنص فيها : جنننننة
ويأشرلها بيده على وشاحهاوجنات خافت منه ومش فاهمة وبعدها بسرعة لابست الوشاح على رأسها ..وضحكت كيف سفيان ..حتى في الوقت هذا مازال ايحاسب فيها : وربي أنت مش طبيعي ..هذا وقته
سفيان طبس وضحك وبحت في فخري
فخري واقف في وسط الدار ايبحت فيهم ومش فاهم شي
: كنكم تضحكوا
سفيان بحت في فنجان القهوة في يد فخري : كنك جايب لروحك بس ..حتى نحن نشربوا فيها القهوة
فخري نفس ماصار لجنات في الاول مافطنش ..لكن نظرة سفيان قاعدة واضحة انها فيها روح ..ومتغيرة ..مش مجردة نظرة فارغة
فخري فاتح فمه ويبحت في جنات تضحك وسفيان مبتسم : سسفيان أنت ..أنت قادر اتشوف ؟؟
جنات هزت راسها اها ..وسفيان ابتسم لفخري ...والاخير جاء يجري وضم سفيان بالقوة ..هوا أكثر أنسان كان متمني اللحظة هذه من اسنين ..وقعد يبكي
سفيان بحت في جنات ..وضرب فخري على كتفه ..و وخره عنه اشوي : تي بلاش اهبال ..اسكت حتى أنا مابكيت ..كنك شن صار
فخري يمسح في وجه ويضحك : وربي كنت ميت على اللحظة هذه ياشيباني أكثر منك
سفيان ايبحت فيهم : خلاص فكونا من جو لادراما اللي درتوه
فخري بحت في جنات وضحك : نحنا جو دراما ...املا أنت شن درت ....ماشفت وجهك امبدري لما الدكتور شال الشاش من على اعيونك
جنات ضحكت ..وسفيان برم وجه معصب منهم لانهم يضحكوا عليه
فخري صبا : خليني نمشي انبشر الدكتور محمد ..من بدري يسال عليك
سفيان صبا : نمشي امعاك ..نبي انشوف الدكتور محمد نبي انشوف اوجوه الناس ..نبي انشوف كل شي
فخري : هيا ..تعالا
طلعوا كلهم ...وجنات وفخري ايبحتوا فيه كيف ايبحت في كل شي بشغف ..ويملا في عينه ..من كل شي
المهم عدوا وبلغوا الدكتور ..وكلهم فرحوا بالخبر وخاصة دكتور سفيان لانه يعتبر نجاح العملية نجاح له ..لان مشارك فيها
وردوا لدار ..لان وضع سفيان مازال حساس ..بالنسبة لعيونه بعد العملية ...طول اليوم وهم ايهدرزوا ويضحكوا ..وجنات كانت تنحرج لما اتشوف سفيان كيف ايبحت فيها
وبعدها روح فخري ..وجنات قاعدة مع سفيان في الدار ..لكن سفيان حس بتعب ...وارتفعت حرارته اشوي ..والدكتور قال من تأثير العملية مافيش خوف ..المهم يرتاح لعند الصبح
وجنات قعدت جنبه لعند الصبح اتشوف في حرارته ..وخايفة عليه
**************************
ثاني يوم الصبح سفيان كان وضعه احسن الحرارة اختفت ..وحتى الحرقان في اعيونه وقف ..والرؤية كانت افضل ...والدكتور ..قال مافيش مشكلة يطلع ..بس ايحاول يلبس نظرة كم يوم عشان ايحافظ على اعيونه
سفيان يلبس وفخري امصبي جنبه ..وجنات قاعدة برا تراجي فيهم
فخري : من زمان ماشفتك رايق هك
سفيان لابس التيشرت امتاعه ويمشط في شعره : اوووه ..تعرف في خاطري حاجات واجد انحرمت منهم فترة طويلة
فخري : قولي شن تبي ..وأنا نخدمك بعيوني
سفيان يلبس في النظارات ويبحت في شكله في المراية : رايفت على وجهي اتصدق
فخري :
سفيان : تعرف خاطري انسوق ..نبي سيارة
فخري : هذي بس ..اطلب اعيوني نعطيك ...كم ساعة وعندك أحسن سيارة
سفيان : شن نبي فيهم اعيونك ...خلاص سلم اعيوني
فخري ضربه بوني على صدره : بديت اتفشك على طول ..حقاتك ياسي
سفيان يضحك وفتح باب الدار وشاف جنات ..وهي قلبها دق لما شافته يضحك ...ملامحه أحلى بالضحكة
طبعا سفيان طلب منهم ماحد يعرف من هله بنجاح العملية الا بعد يمشوا غادي
طلعوا ومشوا للفندق ..عشان جنات خلاص لها يومين في المستشفى وتبي تدوش واتغير ..وحتى سفيان
نزلت جنات من السيارة وكانت اتحاشى في نظرات سفيان ..ورقت فوق على طول
خشت الحمام ادوشت واطلعت لابست سروال جينز ازرق وبلوزة بيضاء فيها نقشة خفيفة دانتيل ..وحطت مكياج خفيف وجففت شعرها على السريع
انفتح الباب وخش سفيان ..وطبعا نظرته المرة هذه تختلف لانه شايف كل شي ..جنات انحرجت ماكنتش تحساب الموضوع صعب بالطريقة هذه ...ثاريتها كانت عايشة في نعمة وسفيان اعمى ...توا كل شي بحسابه
سفيان : صحة
جنات درت روحها اتلم في الدار : سلمك
نزل شنطته ويسرق في النظرات لها من تحت لحت ..وحول التيشرت امتاعه ..وجنات وجهها احمر ..وهوا ملاحظ تأثيره عليها في كل خطوة
خذا دبش وخش ادوش ..وطلع لابس تيشرت عنابي .وسروال جينز ..وكان وجه منور بطريقة غريبة
سفيان ايبخ في عطر : البسي عشان نطلعوا
جنات : وين
سفيان : نمشوا انغيروا جو ...وناخذوا برمة في تونس ..لان خلاص بكرا مروحين
جنات فكرة الترويحة خوفتها لان سفيان هنا بعد العملية نفسيته تغيرت 180 درجة ..خايفة بعد ايروح بنغازي ..ايرد لطبعه القديم
جنات : لابسة غير انحط وشاح بس
سفيان بحت لنفسه في المراية وفتح الباب : نبي ننزل الحقيني
نزل وبعد اشويا لاحقاته لوطى ..وكان فخري مأجر سيارة عشان سفيان ..ركبوا فيها ومشوا لكم مكان ..سفيان كان مختلف بشكل كبير ..وجنات تمنت يبقى ديما هك
شرواء هديا ..لصالحة وملاك ..وسليم ..شروا حتى لمنى وهبة
وسفيان قال لجنات اشري اللي تبيه عشان اجديدتك وجلال ..جنات رفضت في البداية لكن سفيان وفخري خلوها تشري بالغصب وشرت حتى لمودة
طلعوا من المحلات ومشوا تعشوا في مطعم ...وكان يوم كله ضحك ..وجنات كأنها اكتشفت سفيان جديد في تونس
بعد العشاء امروحين وفخري قال لسفيان نزلني في قهوة نبي شباب غادي ..وطبعا فخري كان يبي ايخليهم ابروحهم بس
نزل فخري ...وسفيان طلع بالسيارة وقعد يبرم بيها في الشوارع
جنات : أكيد امرايف على كل شي من حياتك القديمة
سفيان بحت فيها وركز على الطريق : يعني ..مش كل شي
جنات : قصدي على الحاجات اللي كنت ادير فيهم ابروحك ..زي سواقة السيارة مثلا
سفيان تنهد : هذه أكثر حاجة كنت متشوق ..وخاطري فيها
جنات : واضح من الفرحة في اعيونك
سفيان بحت فيها بنظرة تجنن وهي انحرجت : وأنتي هادية على غير العادة
جنات : شن قصدك ..يعني أنا هرجتي واجدة
سفيان ضحك : شوفي نفسك ...من لما جيتي لبنغازي ..شن درتي ..مانبيش نذكر يوم حاولتي تهربي من فوق السور هبلة وربي
جنات طرمت اشويا وبعدها خطرها عليها الموقف حطت يدها على وجهها وتضحك
سفيان ايبحت فيها وذايب في ضحكتها
جنات انحرجت من نظرته وتبي اتغير الموضوع ..بحتت فوق في سقف السيارة : تبي اتشوف اهبالي بجد ..توا انوريك
سفيان ايبحت فيها بصدمة وهي فتحت الفتحة في سقف السيارة وطلعت منها ..سفيان : انزلي جنة
جنات ارفعت ايديها فوق وعيطت بصوت عالي : نوضي ياتووووونس ...سفيان ايشوووووف ...سفيان رجعله نظره ويشووووف
سفيان ماعرفش يضحك والا ايتعصب عليها شدها من بلوزتها : انزلي فضحتي بينا ..جنة أنزلي
جنات انزلت وقمعزت تضحك : مافيش حد ..الدنيا لليل والناس مرقدة
سفيان : ايهز في رأسه : وربي مافيك عقل
جنات بحتت فيه : اجديدة ديما اتقولي كيفك
جنات تضحك ومش منتبه لسفيان كيف ايشوفلها ..واعيونه يلمعوا ...البنت تبي اتهبله بحركاتها
في الطريق سفيان حط ديسكة لكاظم الساهر ..اغنية(( يالي نارك جنة ))..وجنات انحرجت وقلبها ايدق بسرعة حست الاغنية سفيان حطها قصدا
وصلوا للفندق ...وسفيان كان خايف ينزل وايكون امعاها ابروحهم في الدار ..نزلها ورقى امعاها لعند فوق ..وقاللها نبي نمشي لفخري والشباب
جنات طبست : تمام
عدا سفيان ...وجنات خشت وهيا طايرة من الفرحة ...متمنية الدوم السعادة هذه للابد ..وقعدت كلمت مودة وتحكيلها في اخبار اليوم وكل شي
*************************
روح سفيان متأخر وكانت جنات راقدة ...وهو ماجاءهاش نوم ..وطلع كمل باقي السهرة مع فخري في كافي الفندق
الصبح الساعة خمسة كانوا جاهزين للسفر ...خذوا نوع دواء كان الدكتور كاتبه لسفيان عشان باقي العلاج ..وروحوا في اول طائرة لمطار لابرق ...وسفيان طول الرحلة راقد
وصلوا وبعد ساعة او اكثر طلعوا من المطار ...خلال ساعة كانوا في درنة ..وجنات هذه ثاني مرة سفيان ايخليها اتشوف هلها
كانت الساعة حوالي العشرة الا لما وصلوا للحوش سليمة ..نزلوا وجنات ادق على الباب فتحت اجديدتها ..وجنات خذتها بالحضن ..وتضحك ..وسفيان وفخري ايبحتوا فيها ويضحكوا
نزلوا وسلموا على سليمة ..وطبعا جنات كانت قايلة لسليمة عنده مشكله في اعيونه بس مش اعمى ..عشان ماتبيش كثرة اسئلة منها
خشوا جوا ..سفيان وفخري المرة الاولى قعدوا في المربوعة لعند الصبح ..اما المرة هذه خشوا مع جنات للحوش وقمعزوا في دار المعيشة
طيبت سليمة شاهي وجنات اتساعد فيها وتحكيلها على مشيتهم لتونس ...وهما يسمعوا فيها
حطن فطور وافطروا مع بعضهم ...وبعد الفطور جنات طيبت قهوة ..عطتهم يشربوا ..ورقت مع السور اتنادي في مودة ..طلعت مودة وسلمت عليها ..ونفس المرة لاولى ضحك واعياط وبكى
المهم جنات تحكي مع مودة وتسأل فيها على جلال وسفيان يسمع فيها
طلع سيفان برا هوا وفخري ..وقعدوا في السيارة ..وجنات خشت جوا حكت مع جلال بالتليفون ..وقعدت تبكي
لان مافيش حد دار حل او حاول ايدير حل عشان يطلع ..وكملت وهيا طالعة من الدار تسمع في سفيان ينادي عليها ..مسحت وجهها وطلعت من مدخل المربوعةجنات : نعم
سفيان بحت في وجهها : كنك شن صار
جنات تمسح في وجهها : مافي شي ..عليش
سفيان قرب منها : جنة شن في ..عليش تبكي
جنات طبست : مشاكل في العئلة مش شورك
سفيان مسك وجهها بين ايديه : شن في جنة ..أخر مرة نسألك
جنات خافت ايرد يعصب عليها جاوبت : جلال خويا محبوس من قبل نمشي لتونس ..ومازل لتو ..ماحد طلعه
سفيان تنهد : شن داير المرة هدي
جنات انحرجت : عركة ...وضرب واحد في محل وكسر ابضاعته ..وصاحب المحل حبسه
سفيان : مايتوبش بكل خوكي هذا ..لعند امتى وهوا عايش بالطريقة هذه
جنات : مش منه هوا غصبا عنه ...جلال مالاقاش من يرعاه وهو شاب مراهق
وابرمت تبي اتخش وسفيان شد يدها وسحبها شوره : تعالي هنا ..كنك زعلتي
جنات ماتبيش اتحبت في اعيونه : مش زعلانة سفيان ..خليني
سفيان شدها أكثر ليه وطبس عليها : بحت فيا ...جنة شوفيلي هنا نحكي امعاك
جنات ارفعت راسها خايفة لانها اتموت في اعيونه وتضيع ومعاش تقدر اتحكم في جسمها يرجف كله : نعم
سفيان قرب منها أكثر وحط يده تحت حنكها ..وحرك صبعه على فمها اللي يرجف ...اعيونه ذابلة ونزل ايبحت في فمها وهي غمضت اعيونها ..وهو باسها على فمها بوسة ناعمة ..ورفع وجهه وهو مغمض اعيونه وحرك خشمه على خشمها وشدها من خصرها أكثر : جنتي
جنات : نعممم
سليمة من جوا : جناااات
جنات دفت سفيان وترجف وتلخبطت ..وسفيان حط يده على ياقة التيشرت ينفض فيه وينفخ
جنات : نننعم يا اجديدة
سليمة طلعت عليهم : تعالي نبيك ياماما
سفيان ايحك في رقبته متوتر : تمام عدي شوفي اجديدتك شن تبي ..وأنا طالع اشويا ..بس ديري احسابك بعد الغداء بنمشوا لبنغازي
جنات طبست تضحك على شكل سفي
