رواية عشق الثأر الفصل الحادي عشر 11 بقلم مينة طلال

رواية عشق الثأر الفصل الحادي عشر 11 بقلم مينة طلال

{ وشبينا حظنا ويا النحبهم ماكعد مثل البشر

وشبية من اشتاك الاكي الدنية صحرة بنص مطر

صوتة والسنطة ومن انام وارجع اسهر..

من اغاني تجر اغاني ومن شهر يطبك شهر

من اكللهم نسيتة واضحك بنص القهر ..}

_______

دموع ...

- اجة الليل وشطولة وشصعبة الليل الصوت راحت الناس اسحاق ماكو ضليت وحدي بالبيت نصدمت من جاي يطلعون بنات عمو قادر وصاحني يـٰس ..

يـٰس : يمكن طلعلة شغل أسحاق تعالي ويانة نامي يم البنات بين ميجي..

- مشكور خوية مستحيل اطلع بدون ما اكلة روحو لاتهتمون هسه اقفل وانتضرة .. ماعلية شي اعتبر عمة موجودة بس نايمة

حجيت عل جملة وغصيت بيها

يـٰس : وشلون اعوفج وحدج مااكدر ، لو تجين لو نبقى احنا..

حجت امة بضوجة : هسه يايمة قابل صغيرة هيه هسه يجي اخوها وين راح قابل دمشينا يلا تعبنا ، باجر هم ورانا تعب وراح نرجع من الصبح هيه هم تعبت هسه تقفل وتنام بين ما يجي اخوها .. هوة وبنة اخوج صدك دموع ؟

جاوبها بصيح : اذا هيج روحــي ويا ابوية اني مااطلع اذا ميجي اسحاق ، من كل عقلج بنية حديثة وحدها بالييت صار مصار..

شـَڪد حجت حاولت مافاد ايست وطلعت بس تباوعلي وتخزرني هزيت ايدي بوجها هيه وين واني وين يـٰس طلع كرسي من مالات الجادر حطة كبال الباب وكعد باوعت علية..

- بشرفك شلون اطب هسه واعوفك هيج ؟ ومااكدر اطببك للبيت راح اطر اضل واكفة كبالك واني حيلــي راح..

- روحــي نامي معليج اني تكعدين ماتلكيني لان اكيد يجي اسحاق..اخذي راحتج

- تريد مي جاي اكل ؟

- عدنا اكل ؟

- زاد خير من الله اسويلك؟

- ولو اتعبج لان مااكلت شي من الصبح تعرفين التهينا نعزب بس اذا تعبانة خليها عليج الله

- صدك جذب هسه اسويلك صينية مامو تعب لايهمك ..

طبيت للمطبخ طلعت طاوات حميتلة من صلصة الفاتحة وياها تمن ولحم وطلعت مي ولبن وخضرة رتبتها وطلعت اطيتهيا ركضت جبت طبلة خليتها كدامة..

يـٰس : شلعت كلبج بس ماردت ارفض هيج عرض منج ما يتفوت ، وبطنس تزقزق..

- شسويتلك الف عافية .. راح اروح اني جوة اذا تحتاج شي صيحني تمام؟

- اخذي راحتج ولله بلكي هسه جاي اسحاق واروح اسف لإزعاج بس مايطيني كلبي اعوفج وحدج ..

- لا .. رحم الله ولديك فكرت بية قبل ثواني شلت هم أسحاق ، كلت هسه وينة وشعجب عافني وحدي ويدري بعد مالي احد غيرة ..

يـٰس : دموع شنو شغل اسحاق

- عامل غير

- كتيلي ... فوتي لا تتمرضين

طبيت حاطة ايدي على كلبي شجاهم ليوم كلها تسأل على شغلة بالكوة جذبت على صباح المغرب هسه هوة معقولة شاكين بي ؟..

ماهتميت شنو يخوفونا اسحاق صار قوي مو ذاك المراهق الي اخاف علية .. منو هذول مسربتين لزمتني خنكة مو طبيعية حسيت البيت كبس على كلبي ..

طبيت لغرفة عمة من جديد تمددت بفراشها كساع تطلع صورتها بعيني تبجي لو مخنوكة اختنكت كمت طلعت مشيت للحمام

باوعت من الشباك يـٰس كاعد عفتة ورحت للحمام توضيت صليت بغرفتها صليت الوحشة والليل وكل صلاة مارتاحيت احس جبل على كلبي ضليت الوب .. يارب دخيلك ..

اخذتني رجلية لغرفة اسحاق فتحتها ماتفتح مقفولة طلعت القفالة من غرفتي ساعة يلا لكيت البديل مال غرفتة فتحتها وطبيت بحركة بطيئة جسمي يرجف .. عقلي .. مايفكر بذيج الثانية غير الحباية كلت بس من اخذها راح اضحك وانسى كلشي وتروح هاي الخنكة ..

دورت هواي غرفتة فارغة لافلوس لاسلاحة ايست الكة حبوب كلت يمكن لان اخذت منة بعد مراح يجيب فتحت الكنتور كمحاولة اخيرة واشوف علاكة مجانت موجودة قبل ..

افتحها واشوف خمس جياسة حبوب انوع والوان جذبتني وحدة بيها حب ناعم حيل لون وردي فاتح جان مكبوس فتحت الكبس بحذر وكلت يممَڪن هاي لان صغيرة مفعولها مو قوي ..

اخذت ثنين ورجعت الجيس نسيت اسد الكبس ورجعت العلاكة شلون مجانت كل ضني مراح يلكفني اسحاق ..

طلعت من غرفتة وعيوني تتلفت خايفة من شنو ممَاެدࢪي يمكن لان جاي اسوي غلط ڪُلـش جبير ممكن يكلفني حياتي وحياة اخوية ؟ واني ماادري ..

طبيت لغرفتي اخذت بطل مي من البطالة الي مكومة من فاتحة عمتي حطيت الحباية وضميت الثانية بكنينس بالمجر .. تمدد انتضر مفعولها عبالي نفس القديمة راح اضحك واتونس وانام

نتضرت نتضرت شو جسمي بدة يصخن تلمست روحــي باردة بس احس حرارة شعلتني شعل كمت افتر بالغرفة مفرفحة يارب شسويت بروحي طلعت امد راسي بلكي اسحاق يطب واكلة على المصيبة السويتها ويلكالي حل .. مثل ما ذيج المرة ساعدني

ضليت عشر دقايق اباوع ماكو نزلت وكل جسمي ينبض وحرارة وانفاسي سرعت من خوفي انو اموت رغم بيوهم شـَڪد تمنيت الموت بس الروح عزيزة ..

كمت استند على الحايط بس اريد اوصل ليـٰس حتى يشوف حالتي ويساعدني كمت احس رحمي حار وينبض قوي لزمت بطني وامشي بالكوة وصلت لباب المطبخ دكيت دكيت كام بسرعة

بس شافني لازمة السنك وبطني فتح الباب بسرعة حتى شال محاطة جنت وبطرك الشلحة بس فتح خايف كال بسرعة : شبيج دموع شبيج يوجعج شي شبيج ؟

دموع : راح اموت اني يـٰس مااريد اموت واعوف اسحاق وحدة .. الحكني ..

- اسم الله شمفاولة على روحج شبيج شنو يوجعج اخذج للمستشفى .. شبيج كولي

- بس تعال الزمني راح اوكع .. دايخة حيلــჂ̤ راح..

جان يحجي وياي بعد مسافة ومتوتر طلبت منة يلزمني وهوة مايدري اني مو بكامل وعي ومجاي اعرف شسوي ! تقرب لزمني من زندي وكعت من ايدة لزمني اقوة ولزمني من ايدي الثانية ميريدني اوكع بالكاع اني سويت الي مااسوي لو شاربة كل حبوب اسحاق من تقرب علية هواي لزمتة من ركبتة وبستة .. ضليت ابوس بي وهوه منصدم من فعلتي هاي وخرت منة شامرة روحــي على صدرة ..

مااذكر الي صار بعدها اسمعة يحجي هواي يسولف يصيح يضرب بخدي بس اني مغمضة مااجاوب حسيتة شالني وغمضت نايمة ...

___________

اسحاق :

- اي سليم وشنو يعني؟ واذا تحبني حبها ربها شـَڪو زعلت وانتحرت ليش اني خنتك وانت نكسرت ونتحرت ولك نسوان الدنيا مايسون اظفر منك عدي .. صدك تحجي سليم احنا نسوان تفاركنا ؟

سليم : مو هاي المسألة اسحاق ، المسالة ..

- اسكت اني احجيلك .. الواقع طلع صديقي السبع البطل الي تحدة الماضي والحاضر وا الخوف والدنيا كلها طلع اكبر جبان وكسرتة مرة ..

- اسحاق انت ممجرب الحب ، الحب يكسر اكبر واحد ماتفهمني انت.. ماتفهم من تحب شخص وتقدم سعادتة وراحتة عليك تشوفة قبل روحك من تفرح تتمنى يكون وياك وتكبر فرحتك من تزعل تتمنى يمك ويهون عليك .. من تنام اخر شي يجي هوة بالك ومن تكعد هوة اول واحد تذكرة..

- حجي يفيدك .. حتى ما اكدر الوم البنية ، لا املتك ولا انت بينت مشاعرك من البداية..

تذكر شـَڪد جان يدزك قاسم ادورها وانت تتهرب بحجة تعبان ؟ لو تحبها صددك جان هاي المدة ؏َـدڪم طن جهال .. سليم انت محبيتها انت بس لان تشوفها حلوة وصايرة كدامك بس هيه خليتها بعقلك ومشكلتك من تخلي شي بعقلك الى تسوي وترتاح ...

- اسحاق اكو واحد ينتحر علمود بنية ميحبها ؟

- اي اكو ، اكو الاناني المثلك الي مافكر كال البنية ممجبورة تحبني فجاة واني ما مسوي اي فعل تخليها تحبني ..

سليم : اسحاق احجي الصدك انت تحبها ؟

- شحب منها ولك ؟ صعطوطة هاي اني وين وانتو وين ؟ ولك تدري اختي وحدة بالبيت ماادري شصار بيها مصار عمتي ليوم دفنتها جنت اتوقع اشوفك وكف وياي ساندني بس شوف انت وين وتفكيرك شنو !

سليم : اسحاق اني بس ..

- لا تبسبس اني رايح .. الصبح يطلعوك مابيك شي اذا حبيت توكف ويا اخوك بمحنتة تندل بيتي ..

عفتة وطالعت ضايج حيل منة اني والحب وين مروج وهوة وين كاللها احبج كالتله تحبني هزيت ايدي وطلعت جكايري شغلت وحدة واني امشي جريت نفس طويل اريد احرك كلبي واخلص من كل هل هموم .. طلعت لسيارتي صعدت وكفختني زفرة الدم هسه اذا تلزمني سيطرة منو يصدك هذا مال سليم !..

شغلتها وسقت بسرعة للبيت بالي يم دموع بس شسوي على الاقل مطمئن هاي عايشة هذا لو عايفة يموت ، هوة وياها اغلى ثنين على كلبي اتمنى كلشي يصير بية عادي بس ما يصير بيهم شي

لسوء حظ مُروج صاح الله واكبر اني وجاي اطب منطقتنا واشوف الناس من شباب وشياب يتوجوهن للحسينية حتى يصلون صلاة الصبح وكفت السيارة صافن على جمال منظرهم ..

كلهم وجوهم تنور مريحة للمظر شباب اصغر مني واكبر الي جاي ويا ابو والي جاي وحدة الي شايل ويا مصلية والي يطب هيج ضليت ارقبهم يطبون وروحي مفرفحة احسها تكلي فوت وياهم احنا هنا مكانة وين اخذتني ولوثتني..

اني وجاي ضميري ياكلني توصلني رسالة من مُروج كاتبة : أسحاق كلتلك لازم نحجي ليش مااجيت ليش داز سليم ارجوك لازم اشوفك ، عدي حجي كلشي مهم ..

دزيت بسرعة بعصبية وبدون ماافكر : راح نحجي وراح اشوفج بس صدكيني راح تتمنين لو مشايفتني ..

_______

الخضراء / القصر / بغداد

قاسم : حجي خضير كل السلاح والبضاعة والمخازن من بعد الشهر الجاي راح اسلمهن الك بس اريد اسمي يختفي من تاريخ هل شخص دير بالك اسمعك فد يوم مستخدم اسمي بااي شكل من الإشكال..

خضير : بس اني احتاج رجالك وياي بتنظيم شغلك وتوزيع خاصتاً الساحق والجوة ايدة

قاسم : من ابطل كل زلمي يبطلون ويختفون من الوجود

- كلتلك احتاجهم حتى لو بس فترة بين مايعلمون زلمي على التوزيع ..

- افكر..

- واني انتضرك

سد مبايلة قاسم والجكارة بحلكة وهوة يذكر حجي مُروج ..

عائشة قاسم كتل اهلي ..

ضلت هل جملة بالة وقرر يطلع من العراق ويعوف هل بلد وكلشي عاشة هنا ويبدي بداية جديدة هوة ومروج وعائشة ...

عائشة !

اي عائشة ..

الحب الي ينكرة ويبعدة خوف انو يرجع ينبض هذاك الكلب الي خسرة وضيفتة وحياتة وكلشي بالماضي

عائشة الي ربت بنته الي هيه امانة اخوك ووكفت ويا بكل شدة وجانت البلسم لجروح ، الي ماعافتة من عافو اقرب ناسة وحافظت على بيتة وسرة ودفنت الماضي ويا الماضي ..

رغم حبة الي تارس كلبة جان رافض كل الرفض يطلع هل حب لكن بعد قرارة بطلعتة من العراق قررر يفتح صفحة حديدة ويسمح لكلبة يدك ويعيش من جديد ..

______________

بغداد / بيت غايب ..

غايب : محد من نسوانكم علاقتها زينة ويا دموع .. لازم نحاول نجرها باي شكل من الاشكال..

قادر : بنتي صباح ليوم ضالة وياهم بالفاتحة ومحاجيتهم وتحمدلي بيهم ، كشرتاي كلبي من حجتلي على بجيها ووضعها ..

غايب : دير بالك قادر ، الدم عمرة مصار مي لاتخليها تحن عليهم وتضيعها وياهم.. خليها بعيدة عنهم

- شنو قصدك اضيعها شتريد تسوي غايب ، شوف مو سالفة زيد من هسه مااذي اي بشر بعد اني خوش لهنا وكافي ولك اتعض حط الله بعينك مو البارحة دافن اختك ..

جاسم : لا دوخنا بسالفة قال الله وقال الرسول لو تسبح يوميا بمي زمزم الله ميغفرلك السويتة بااهلك .. تذكر لو نسيت

وكف قادر ضايج : اهوووو يوميا يوميا تذكروني فهمت ولله فهمت ادري حرام وعيب وغلط السويتة واني ناقص ابن حرام ..

بجة بحركة قادر تارك الكل مصدومين من ردة فعلة القوية وضميرة الصحة الممكن يتعبهم او يوكعهم بمشكلة كاملة غايب

غايب : لاتبجي خوية سهلة سهلة

- شنو السهلة ولك غايب شنو تدري ممتهني بحياتي اني ولله ممتهني يوميا احلم باابوية وامي مزاعليني وزيد كلمة حسبي الله ونعم الوكيل مارايحة من عقلي.. ولك لهسه مااستوعب اني كتلت اهلي مااستوعب شلون طاوعتك ماادري شلون خليتك تضحك علية غايب شلون ..

جاسم : الصار صار شنكدر نسوي بعد يا قادر.. هذا قضائهم

قادر : نكدر كلشي اكدر .. وابسط شي مستحيل اخليكم تأذون ولد زيد مادامني اشم الهوة وباجر هاشم راد للعراق ..

______

يُتبع

الثاني عشر من هنا

تعديل المقال