رواية عشق الثأر الفصل الثاني عشر 12 بقلم مينة طلال

رواية عشق الثأر الفصل الثاني عشر 12 بقلم مينة طلال

رجعنا منين ماجابتنا الايام ..

__________

نيويورك/ امريكا ...هاشم

واكف كدام تمثال الحرية لابس ملابسي الشتائية وبيدي كوب القهوة اشرب واني اتأمل جمال الطبيعة والشوارع والناس ناسي ماضية ومنو اني وشلون اجيت ..

بس شلون الانسان يشرد من نفسة ؟ حتى لو غيرت إسمك وبلدك ورحت لاخر الدنيا اكو جزء بيك يضل يذكرك منو انت وشنو اصلك! .. شنو انسى منو اني وشنو عشت قبل لاجي

شربت اخر رشفة من كهوتي قبل لا يتصل بية قادر ..

وخرت من المكان الصوت وجاوبت ..

- هلا قادر شعجب اجيت ابالك اول تالي ..

قادر : اكو شي لازم تعرفة

- خير ؟

- اختك كفاح اذا تذكرها يعني

- هسه بلا تمسلت قادر شهل حجي كول شبيها

- اطتك عمرها اليوم

- شنو ؟ شبيك قادر شهل حجي؟ شنو اطتني عمرها كلشي مجان بيها شلون ماتت ؟ فهمني قادر شلون

- شنو شلون هاشم يومها والله اخذ امانته حبيت ابلغك خاف حاب تجي لفاتحتها ..

حجيت بلعبان نفس اني وامسح دموعي : انتو شنو لخاطر الاسلام يكلي بدم بارد خاف تجي ولك انتو شنو شنو حيوانات الله ياخذكم ...

سديتة بوجهة وكعت بالكاع منهار ابجي واذكر كلشي صار كدام عيني اذكرت ذاك اليوم عبالك فلم ونعرض كدامي

الماضي ..

جنا كاعدين اني وابوية وزيد وامي جاي نحاول نهدي زيد

زيد : بس الكف غايب هوة وذيج الساقطة موتهم على ايدي وكولو كال زيد..

- صلي على نبي خوية انت مو طلكتها جلب وشمرتة خل تولي شعليك بيهم ماتسوة تضيع عمرك علمودهم

صابر : ابني وداعة عيونك الغالية علية ازوجك اغاتها وانعل والدين غايب بس اصبرلي ولاتسوي شي تندم علية

زيد : يابة ليش محسسيني شغلة سهلة لعبة اخذها وميخالف زيد اسكت نشتريلك غيرها .. ولك يابة هاي جانت مرتي وزنت ويا اخوية بيتي جاي تفهم شصار وياي ولك خوية هاشم حاجيني سهلة هاي يمة احجي انتي ..

شكران : ولله يمة الله يلوم الي يلومك بس يايمة ابوك واخوك خايفين عليك يكلولك همة وياك وحاسبن بيك وبمصيبتك بس ياابني عدك جهال لخاطرهم خلي ابوك يحلها

زيد : نار بكلبي يمة نار شسويلها وتطفى لو احركهم كدامي ماارتاح ..

عافنا وكام مقهور طلع للطرمة يدخن مانحس ورة عشر دقايق بيتنا نهز هز بالطلق وصوت زيد يصيح لا طلعون بس شيصبرنا ويصبر امي مااعرف حظ او متقصدين صرت بوجهم لا ضربوني ولا رمو يمي عبالك هدفهم زيد ..

وابوية الي ركض ورا طلعت وراهم وثنين صاعدين بيكم شايلين مسدسات وملثمين كسرو الجامات وضربو زيد بجتفة وبطنة .. ابوية بس طلع زرفو تزرف عيني كامت ماتستوعب الي تشوفة ابوية وكع كدامي كل جسمة ينزف حتى زيد نسيتة حاولت اشيلة حتى اركض اسعفة بس انتهى كلشي من شهك وغمض عيونة

حطيتة بحضني اصيح وطلعن على صوتي امي وكفاح الجانن خاتلت بالمطبخ وامي بس شافت ابوية بهل منظر وزيد يون وكعت مجلوطة ..

ضليت حاير بين اخوية وامي وابوية اصيح بااسامي الولد ولا واحد يجاوب جاوبتني كفاح وهيه تشهك : طلعو من الصبح كلهم خوية ..

طلعت برة مفزع الناس والناس خابرو الشرطة والاسعاف شلنا امي وزيد الي باقي بيهم روح وبس وصلت الاسعاف غطو ابوية يرددون ان لله وان اليه راجعون ..

ركضنا بزيد بالاسعاف وامي بسيارة الثانية وابوية حطو ويا زيد جاي اصعد ركضو الولد جان هستوهم جاين بس الي خلاني اشك وماارتاح ما تفاجئو ولاعبالك اهلهم ماتو لا عبالك شغلة عادية ....

___ الان____

ركبت الباص واتجهت لشقتي نزلت من الباص امشي والدخان يطلع من خشمي وحلكي من البرد ..

صعدت بالشقة واني اتلفت بأرجائها عيوني تذكرني باول يوم اجيت لهنا من اجيت مكسور وضايع ماعدي احد غير احزاني وامراضي ..

عفت كلشي اتجهت للغرفة بديت اطلع ملابس وغراضي طلعت الفلوس ومتمسكاتي طلعت وثائق الجامعة ركزت على اسمي الكامل .. الاستاذ هاشم صابر هادي

جامعة نيويورك...

- ميخالف هاشم كمل الي ماسويتة قبل وارجع هنا ..

______

أسحاق ..

رجعت للبيت اظلم ضحت حيل لان عفت دموع وحدة طبيت لغرفة عمتي واشوفها نايمة بمكانها ومتغطية مشيت على كيف كعدت يمها وامسح على راسها هيه هادئة ماتحركة همست : دموع

دموع : يـٰس يــٰس لا تحجي لاسحاق

- شنو شبيج دموع

- لاتحجيلة حباب يـٰس لاتحجي

اسحاق : دموع كعدي دموع

فزت رفعت راسها وحضنتني : وينك وينك شلون تعوفني وحدي ها شلون ؟

- شبي وياج يس ؟ شـَڪو

- شبي؟

- اني جاي اسألج ليش تكولين لاتحجي

- اهو راسي يوجعني شبيك من الصبح ، يا يس يابطيخ اكلة ليش عفتني يكلي يس خرة عليهم كلهم من الصبح

- شبيج دموع ؟

- راسي راسي

عكدت حاجبي مركز وياها : شبي راسج شـَڪو

- اسأل بعد اسأل وخر اسحاق مالي خلك

عافتني وراحت للمطبخ صعدت كبل لغرفتي مقفولة على حطة ايدي بس فتحتها نفس الترتيب بس فتحت الكنتور جاي اسوف العلاكة واشوف حيس البريق مفوتح كفخت كصتي وركضت جوة ..

- دمووووع ضخمة دموع

صحت وركضت الها لكيتها تحمي بالكهوة

- اني شمضرطت على الحبوب شكلتلج ها شكلتلج؟

- عوفني اسحاق راسي مالي خلك

- شعوف غبية شعوف ولج تدمنين تكومين تنطين روحج علمود حباية ولج ثولة سم علي سم..

- خوش افهمت يلا وخر

ضليت حاير شسوي وياها هسه طلعت صينية حطت فنجانين صبت كهوة وراحت كعدت يم الصوبة باوعتلي..

- ماتشرب هاي من فاتحة عمتك..

- شنو معناها هاي تصرفاتج مجاي اعرفج ولله ..

- ولا اني اعرف شجاي اسوي اسحاق كل الاعرفة ردت انام ماكدرت من القهر التجأت الها

- وشنو صار وياج ليش تحجين باسم يس

- مااذكر

لطمت على رجلي : ماتذكر بت اخلاص ماتذكر ..

- اني مو بتها اني بت زيد .. اسحاق نتبه لحجيك

- وانتي هم نتبهي لطريقتج وياي شبيج تخبلتي

- خوش

سكتت اخذت الكهوة وصعدت للغرفة خابرت سليم

- الو سليم

- ها اسحاق

- طلعت ؟

- هاي جايك بطريق

- خابر قاسم كلة البضاعة اليمي راح اغير مكانها

- ليش شصار؟

- دموع بدت تتعاطى ...

________

دموع ..

مااذكر شصار وياي بس اذكر اني بست يـٰس ليش بستة اني وشنو الدافع الخلاني هيج اسوي مادري..

اجة اسحاق الصبح شفتة على راسي ضلينا نتناكر ماعدي خلك ولا حيل اضغط على روحــي ادري الجاي اسوي غلط بس الجاي يصير وياي فوك طاقتي ..

شلت الصينية غسلتها وبديت انظف بالبيت اجت مرت عمو قادر بس شافتني كالت : مااجة اخوج ؟

- اجة عمة ليش

- اكول ليش ضل يمج يس للصبح يلا اجة ذب روحة ونام ..

- ماادري عمة وراج طبيت ونمت ماادري شوكت راح ولكيت اخوية بالبيت الصبح

- الله كريم .. نظفتي البيت راح تبدي تجي النسوان

- اي هسه طالعة للطرمة

عفتهن جوة يرتبن الباقي ويطلعن غراض الطبخ والجاي واني اخذت الماسحة وطلعت امسح بطرمة رشيت الكاع كفيت ايدي ورفعت الدشداشة جاي امسح وطب يس كبل نزلت ثوبي

يس : اسف ممَاެدࢪيہٰ بيج هنا

- ولا يهمك اني غلطانة مجان لازم اخذ راحتي بهيج يوم ..

- شلون اليوم

باوعتلة ودنكت : زينة ليش!

- لا بس البارحة ضل بالي مجنتي زينة

- لا صرت احسن حمدلله

سكتنا ثنينا جاي يريد يفوت يم امة جان اكلة : يس فدوة لا تحجي اي شي صار البارحة لاحد ...

أسحاق : ليش شصار البارحة ..؟

_____

يُتبع .

الثالث عشر من هنا

تعديل المقال