رواية الهجرس الفصل العاشر 10 بقلم رواء هادي
بسرعة كعدت دخل وسد الباب وراه رفع رأسه وباوعلي بهدوء تقدم ناحيتي متت بدمي من الخوف ردت أكون رفع أيده وكال "أبقي بمكانج اجيت اسألج
كم سؤال ؟
سلسبيل _اي اسأل بس أبقى بمكانك عفية
هجرس _تمام
رجعت بمكاني جريت البطانية قطيت جسمي كله بس رأسي طالع واباوعله انتظر يطرح اسألته نفخ هوى حسيته متوتر ومتضايق راد يحجي ندك الباب
هجرس_منو ؟
مناوي_انا فرقد
هجرس_ روحي بعدين تعاي
مناوي_حنونه دزتني
هجرس_انا شكلت مناوي
مناوي_ماشي
من طرد مناوي وماهتم لحنونه بكت طن هوى بلعت ريجي حيلي كله صار يرجف فرك حنجه بكف أيده مبين متوتر ومايعرف شلون يبدأ بسألته
سلسبيل _تسأل لو تطلع؟
هجرس_اسأل
سلسبيل _يله لعد اسأل
هجرس_شنو نوع العلاقة بينج وبين دلشاد
سلسبيل _علاقة صداقه
هجرس_ طيب هم منطيته كلمة وعد تقبلين
بي بالمستقبل ل؟
سلسبيل _ لا بس شنو هاي الأسئلة؟
هجرس_اجيج من البداية دلشاد وراج وراج باقي وراح يسببلج مشاكل ماتخلص الأفضل الج تبتعدين عنه بأسرع وقت كان و الافضل الج
تبقين هنا عايشة علمود تتفادين المشاكل .
تفاجأت من كلامه بعدت القطه بسرعة ونزلت من فوك الجرباية صبعي صار يوجعني ماهتميت وكلتله بخوف "
شكو شصاير هجرس ؟
هجرس_ماكو شي بس تنبأت بالمستقبل
سلسبيل _يا مستقبل؟
هجرس _اخذتلج استخارة بخصوص دلشاد وطلعت الاستخارة أبد موزينة
ضحكت بمسخرة على كلامه "
هههه من كل عقلك دا تحجي أنت ..تصدك بهذولة الدجلة عبده الشيطان والجن ؟
هجرس_مو الكل بس هذولة كلامهم مضبوط ومايجذبون ابد ويشيكلونه
صح يطلع مرات
سلسبيل _ أنت تصدك وتأمن بيهم اما أني مااصدك ولا أمن بيهم والغيب لايعلم به غير الله سبحانه وتعالى وهاي اتنبأت مالاتكم كلها شرك بالله
وحرام عليك أنت
تأمن بيهم وتصدك بكلامهم .
هجرس_سلسبيل لا تستخفي بالكلام
سلسبيل _أعذرني ماامن غير بالله
هجرس _ونعم بالله بس لج...
سلسبيل _أترجاك لتكمل كلامك ..وتفضل اطلع بره ماريدك تبقى وياي الواحدنه ومرتك تفكر بغير شي أني مجرد خطار عدكم اليوم باجر رايحة أريد
اطلع بالوجه البيض .
هز رأسه وكال "
تمام أخذي راحتج
فتح الباب بهدوء وطلع رجعت بمكاني بعدني مامتمددة دخلت مناوي وسدت الباب وجت لعندي
"شكالج فرقد ؟
سلسبيل _مكال شي .
مناوي_مو جان يمج وحتى طردني من الغرفة
وتكولين مكال شي ؟
تمدد فوك الجرباية وسحبت القطه وكتلها "
سأل عن شخص
مناوي_على منو سأل ؟
سلسبيل_على واحد ضابط جان ويا بالكلية
مناوي_وانتي شمعرفج بي ؟
سلسبيل _الولد جان ساكن يمنه بالمنطقة
مناوي_هاا طيب على شنو سأل
سلسبيل _مناوي شايفه نفسج شكد حشورية
وتدخلين بشي مايخصج
مناوي_ اي أعرف بس أحب أعرف ههههه
سلسبيل _ياربي شكد فطيرة أنتي
مناوي_كلش فطيرة ...يله أخذي راحتج رايحة انا
رادت تطلع وتذكرت ياسر السنجاب "
اوكفي مناوي
ندارت علية "
هاا
سلسبيل _تعاي اكعدي بصفي أريد احجي وياج
مناوي_اييي ههههه
سلسبيل _ياربي هالبنية تخرب على السوالف هههه
مناوي _أعشق السوالف هههه
اجت كعدت بصفي متلهفة أبتسمت إبتسامة السنجاب صاحت بي " هاي شنو سلي؟
سلسبيل _سنجاب ههههه
مناوي_ويععع تلعب النفس لسويها بعد فدوة
سلسبيل _العاشق الولهان يسويها ههههه
مناوي_هلاوو صار بيها عاشق الولهان ولج احجيلي فدوة منو هذا العاشق الولهان مالتج
سلسبيل _العاشق مو مالتي
مناوي_مال منو لعد؟
سلسبيل _مالج هههههه
مناوي_خاب دنجبي منو يباوع لجهرتي ويعشقها
سلسبيل _السنجاب ههههه
مناوي_ولج ياسنجاب هذا ؟
سلسبيل _الضابط ياسر صديق هجرس
مناوي_ انجبي هم صايرة مثل حنين خل اكوم احسلي عبالي سالفة براسها خير طلعت تافهة وماتسوه
رادت تكول جلبت بيها "
بالقرأن ياسر يحبج
دفعتني رجعت جلبت بيها قوي من قبل "
والقرآن شبيج
مناوي_اهووو سلي عوفيني لو اكتلج عوفيني
سلسبيل _مناوي بالقرأن احجي الصدك شبيج ماتصدكين بي
مناوي_شصدك ولج عوفيني شبيج لازكة بي عوفيني
حضنتها حيل من وره ظهرها كبست عليها كبس "
داز عليج ابنية مصورتج
بخطوبة عمي وائل
مناوي_ عزززة العزاني صخام الصخمني هسه يذبحوني سلي ولج عوفيني وتعاي كليلي منين تعرفين
عفتها اندارت علية خايفة "
احجي منو كالج ؟
سلسبيل _محد كالي ..
مناوي_لعد شمدريج ؟
سلسبيل _ سمعته يحجي ويه ابنية بموضوعج
مناوي_متاكدة علية انا
سلسبيل _اي والله وكالها سحلتني سحل من شفتها
مناوي_ لاا مستحيل علية أكيد على وحدة غير اي مو انا
سلسبيل _والله عليج شبيج ماتصدكين
كامت تبجي "أهلي يذبحوني سلي
سلسبيل _وليش يذبحوج شمسويه أنتي
مناوي_مو تكولين يكول معجب بي وعنده صوري
سلسبيل _اي
مناوي_واذا شاف الصور فرقد عنده يذبحني
ويكول انا دازتهن له
سلسبيل _ أنتي شعليج أني اشهد واكول سمعته يحجي ويه ابنية امشي خل نكول الهجرس
نزلت جلبت بي "
تعاي وين موليه
سلسبيل _لهجرس
مناوي_تردينه يذبحني ويذبحج وياي ولج ثولة مراح يصدك راح يكول دكيتن دكه ومن وكعتن بيها
اجيتن تشردن منها
سلسبيل _مناوي اهلج ماعدهم ثقة بيج
مناوي_ هم بنفسهم ماعدهم انوب بي والله أمي تذبحني بالمنجل بس تسمع بالسالفة ساعديني
سلي فدوة
صارت تبجي تندمت كتلها عبالي قوية وشجاعة وراح تروح تكول لهجرس طلعت جبانة كعدت بصفها
" لتبجين والله اساعدج
مناوي_ منين جتني هالمصيبة ياربي
سلسبيل _ منورة هجرس جابه بعرسه وطلعلج لما هو ماعازمه مجان صار لصار
مناوي_ صخام برأسي
سلسبيل _كافي مناوي شبيج موتي روحج
مناوي_حقج أنتي ماتعرفين اهلي شنو تفكيرهم عبالج كل الناس مثل أهلج منطينج كل الثقة والحرية اهلي لاا ناس متشددة كلش وكلشي ولا الشرف عدهم
سلسبيل _قابل أنتي كتيله تعاي صورني
مناوي_ هاهية برأسي صارت
سلسبيل _هاي شلون مصيبة ولج صيري قوية وروحي واجهي وكليله احذف صوري لو
تصير موزينة
لطمت على خدودها بقوة وصاحت بي "
عزززة العزاني ترديني احجي
ويا واهدده فوكاها
سلسبيل _اي
مناوي_تردين اورطيني سلي
سلسبيل _من طيح الله حظج انا أروح احجي ويا وشوفي شلون اشكه بالنص واعلمه شلون يدز بنات تصور بناتنا يله كافي امسحي دموعج
مناوي_شراح تسوين
سلسبيل _راح اسوي فيس بوك وهمي وادخله
واحجي ويا
مناوي_ شتكليله يمعزاية ؟
سلسبيل _شعليج أنتي كومي غسلي وجج وتعاي
خل نطلع
مناوي_وين نطلع ؟
سلسبيل _نجيب الهايشة
مناوي_انا بيى حال وأنتي بيى حال
سلسبيل _وكلي امرج لرب العالمين وماعليج يله كومي عوبة جبانه طلعتي ولاجن اخوج هجرس ابو
الشياطين والهجارس
مناوي_حقج مصايرة بيج
سلسبيل _صاير بي النكس يله كومي
مناوي_شنوو؟
سلسبيل _راح تفتح باب جديد الجبانة كومي يله
مناوي_راح أثق بيج سلي
سلسبيل _هاهية خليها على ام الهجارس ههههه
مناوي_اعوذ بالله
سلسبيل _هههه يله بسرعة غسلي
كامت راحت للحمام رحت اعرج فتحت كنتور جديتي حلوة حرت شختار شال ملابس جديتي حلوة كلهن حلوات عاد جريت شيله بيضه لبستها عدل
باوعت بالمراية لايكتلي كلش ومطلعتني حلوة بقيت باوع لشكلي بالمراية صاحت بي المخبلة " سالمين عيني حجاب وتتمضحكين بالمراية
نداريت بسرعة اشوفها متخوصرة بعتبه الباب
وتخزر بي "خيرج ؟
حنونه _جنتي شسوين ويه فرقد بالغرفة الوحدكم
سلسبيل _ بدت رحمة الله وياج
حنونه_تحجين لو اجي اشكج بالنص بالقرأن
سلسبيل _اطلعي بررره
حنونه_الظاهر جلدج يحكج وتردين كتله
اجت لعندي من كل عقلها تريد تخلي رأسها برأسي ماتدري بي دفرة وحدة من دفراتي اكومها بمكانها دخلت جديتي حلوة وصاحت من عتبه الباب
حلوة_حنين شعندج بالغرفة ؟
ندارت عليها بسرعة "
هاا
حلوة_شسووين بالغرفة أمشي اطلعي شوفي العشا صار
حنين _اي هسه
طلعت بسرعة وكفت بعتبه الباب تاشرلي عود اصبريلي مشت بسرعة ضحكت بوجه جديتي حلوة باوعتلي وكالت "اللهم صل على محمد وآل
محمد كمر طالعة
سلسبيل _والله حلوة
حلوة_عين النبي عليج تخبلين والحجاب يلوكلج
طلعت مناوي من شافت جديتي باكت طن هوى بسرعة كتلها "نمتي بالحمام أريد
مناوي _ ااءء
حلوة_شبيج مناوي
سلسبيل _تعاركت وياها وكتلتها هههههه
حلوة_صدك ؟
مناوي_اي ضربتني وخلتني ابجي مخبله هاي جدة
حلوة_ليش ولج سلي تضربين اخيتج مناوي
سلسبيل _مو آدمية هههه
حلوة_عيب جدة مناوي أكبر منج
سلسبيل _ماكو بيناتنه عيب صارت اخيتي
حلوة_ ماشي صدك ماسالتج وين طالعة ؟
سلسبيل _نجيب الهايشة
حلوة_مو مجروحة رجلج
سلسبيل _راح الوجع واريد اطلع أتمشى
حلوة_بعد وكت على الهايشة
سلسبيل _أريد أطلع بره
حلوة_اطلعوا
أخذت مناوي وطلعت أعرج مدت رأسها حنين من باب المطبخ تباوعلنه مديت لساني عليها هزت رأسها متحلفة اوووف من عائلة الجهارس
ماخلص منهم .
طلعنا بره بالكاع نتمشى من بيعد جانه صوت بارق "
اللهم صل على محمد وآل محمد القمر منين طالع
اليوم سلي تحجبت هههههههه
سلسبيل _عززة هذا اخوج ليزر
مناوي_اي ليزر ههههه
جان يمشي بصف البستان رفع أيده يضحك طلع من البستان هجرس شايل كسرية بيده وشايل طير بيده الثانية شمره على بارق أخذ نظره
سريعة علينا
وراها مشى مشى وراه بارق .
سلسبيل _يتصيد المغرب ؟
مناوي_بكل الأوقات يتصيد
سلسبيل _اشوف هجرس لزك بي
مناوي_اي مايأمن شنسويله
سلسبيل _منو مايأمن ؟
مناوي_فرقد
سلسبيل _بطرانه أنتي
مناوي_شنوو؟
سلسبيل _أكثر واحد يأمن بهاي السوالف هجرس
مناوي _أبد مايأمن
سلسبيل _أني اكلج يأمن
مناوي_وانا اكلج لا
سلسبيل _يأممممن
مناوي_لاااا ويله أمشي
سكتت مارديت تطمطم لهجرس عود مايأمن ماتدري بي عابد السحرة والشيخ عبادة وشيكلوله يصدك بي خررب بحظي شلون يصدكون بيهم هذولة الدجلة .؟
كعدنا دقائق وفزينه على صوت طلاق نار ماكو غيره هجرس ضرب أكثر من مرة صار طلاق النار الشمس غابت جبنه الهايشة ورجعنا هو بعده يتصيد
بالبستان وإطلاق النار ماوكف أبد خفت كلش لا تجينه طلقة تايهة من عنده ربطت الهايشة بسرعة مناوي وكعدت تحلب على السريع كملت وطلعنا..
سلسبيل _شنو من بشر هجرس بس كليلي اكو واحد يتصيد هسه أسمعي اذن هو
واخوج مالها طك
مناوي_تحجين تصيرين موزينة أمشي سلي
سلسبيل _ عيش وشوف خبال هجرس
مناوي _مو بس هو الكل هيج مثله
سلسبيل _واشوف كلها مخابيل وراكبهم هجرس
مناوي_يجي يوم انا وياج هم يركبنه هجرس من وراهم
سلسبيل _أني شعلي اليوم باجر طافرة البغداد
مناوي_مو راح ترجعون
سلسبيل _بس أهلي يرجعون أني مارجع
مناوي_وين تبقين هناك الواحدج ؟
سلسبيل _ابقى يم بيت عمو شاكر لأن دوام عندي بس بالعطلة اجي هنا حسبة أيام وأرجع
مناوي_هنيالج على اهلج
سلسبيل _الحمدلله أهلي ناس واعية ...يممممممة من صخام براسك هجرس ويه الاذان وتقتل هم الله
يوفقك بس كلي هم يوفقك
مناوي_وج اسكتي ماعليج هسه تسمعج الهجرسة
حنونه وتتعارك وياج
سلسبيل _عرفنه ماعنده احترام للعالم بس على الأقل
يحترم الاذان
مناوي_ منو يكول هو
سلسبيل _هو ماكو غيره
عفتها ودخلت جوه غسلت أيديه ورجلية الجرح صار يوجع ورجع نزف دم رحت للغرفة فتحت الجرح رجعت عقمته وراها كمت صليت وكعدت بالغرفة
بالكاع سندت ظهري على البوفية وراي المخدة والباب الغرفة مفتوح دخلت مناوي " سويتي فيس؟
سلسبيل _لا انطيني تلفون
مناوي_اممم
راحت جابت تلفون لي وكعدت بصفي سويت حساب فيس بوك وهمي ودخلت على حساب هجرس طلعت ياسر السنجاب دزيتله طلب مصادقة
وانتظره يوافق .
مناوي_بس يوافق تراسلي
سلسبيل _اي
مناوي_شتكليله ؟
سلسبيل _كلشي بوقته حلو
مناوي_ راح اجيبلج الاكل هنا نأكل انا وياج
سلسبيل _ماشي
كمت شوي ورجعت بيدها صينية الأكل كعدت أكل أني وياها كملنا أكل كمت غسلت وهي شالت الصينية وطلعت وره شوي سمعت صوت
حنين تكول الفرقد
حنونه _صلاة ماصليت ورايح تشوفها ولك تعال
هجرس_ بس تجين وراي اكسر رجليج
حنونه_هاي تاليتي تعوفني علمود البربوك
هجرس_ منو عايفج بت الكلب اشو صايرة ماتعرفين تحجين وتشكين بي
حنونه_شسمي لعد تصرفاتك توك جيت من الصيد ورايح تشوفها بدل ماتسبح وتذكر الله
هجرس_صار أيام تارك الصلاة
حنونه _ليش تركت الصلاة
هجرس_لتدخلين ويله روحي منا
حنونه_حسبي الله ونعم الوكيل
بلعت ريجي تارك الصلاة وتوه جاء من الصيد ويريد يشوفني كمت بسرعة سديت الباب وقفلته بالمفتاح بقيت واكفه وراه ندك الباب "
هجرس_ليش قفلتي الباب ؟
سلسبيل _شتريد مني ؟
هجرس_ماريد شي بس اشوفج واطلع
سلسبيل _عليش تشوفني ؟
هجرس_اكحل اعيوني بشوفتج لعابتي فتحي الباب
سلسبيل _لو تموت مافتح امشي ولي مناا لو اصيح لجديتي
هجرس_ بسيطة لعابتي
سلسبيل _الله ينتقم منك عندك مره وجاي علية
هجرس_ سلسبيل حكها الروح تعشك والعشك مو عيب
بس عيب اليخلي الروح ملچومه
سلسبيل _شتكول ؟
ختفى صوته وكلامه يرن بأذاني صار نزلوا دموعي هذا جاي يخربط فتحت قفل الباب بسرعة وفتحت الباب طلعت مالكيته ولا لكيت أحد حيلي كله صار
يرجف هجرس دا يخربط شنو قصده بكلامه رجعت للغرفة شلت التلفون وتصلت باخوي هسه يجي يأخذني مابقى ليله كشرة بعد هنا أخاف يسويلي
شي متخبل هالرجال " فتح خط أخوي وكلتله تعال أخذني هسه مشتاقه لنورة وللجهال "كال خوما صار شي وياج "لا كلشي ماصاير بس مليت والله
وروحي طكت وتدري بي ماحب حنين وحرب وياها أخاف تتعارك وياي وحاله أعصاب اضربها وتصير
مشكلة تعال واخذني
_ماشي مسافة الطريق واجي اخذج جهزي نفسج
_ماشي
سديت الخط بسرعة طلعت الجنطة لميت ملابسي وتلفون خليته بالجنطة وبدلت لبست تراك طويل ومشطت شعري ولبست طوك أبيض
وخليت حمره سحرية
شفايفي زركوا من الخوف وخدودي هم خليت وارنبة خشمي اهمشي هاي اخليلها باوعت لشكلي حلو مابي شي ومابين عليه خايفة اصلآ
توني ردت اطلع دخلت حنونه صايرة بركان سدت الباب "شعندج فرقد وياج؟
_روحي سألي رجلج شعنده وياي كل ساعة جافتلي للغرفة صرت أخاف على روحي منه
_و أنتي فرحانة
_ لا والله أتصلت بأخوي وهسه جاي يأخذني
_روحي وديري بالج تفكرين ترجعين لهنا حتلوه بعرس عمي لو بارق لتجين بس تجين بالقرأن اسويلج سحر واموتج احسلج ابعدي منا
_ اعوذ بالله منكم انتو ماتمشون بدون ماتسون سحورة الله ينتقم منكم كلكم
_وغلات فرقد عندي اموتج وامحيج عن الوجود
_حسبي الله ونعم الوكيل بيج أنتي ورجلج ماتلام امج من تكول الهجارس
_ حذرتج انا بعد
_ ماتخافين من الله تسوين سحورة
_همشي عندي فرقد مايروح من ايدي
_تفضلين فرقد على طاعة الله
_انجبي ام طاعة لو تعترفين بالله أنتي جان تحجبتي مو مصلخه صلوخ وتغرين برجلي
_ وج أنتي شنو من بشر
_ فرقد خط أحمر افتهمتي
_انعل ابوج يابو فرقد وياج امشي اطلعي بره لو افضحج كدام الكل اكول تهدد بي تسويلي
سحر وتموتني
_والله انعل ابوج يابو الخلفوج يابو لفوج علينا
_تغلطين على جديتي ؟
_اغلط على أكبر واحد ومايهمني شي اهمشي عندي فرقد
_ قليلة تربية وأخلاق
_خلي التربية والاخلاق الالج لأن تفيدج
_تفوووو
تفلت بنص وجهها ماتحملت واجت لعندي تريد تضربني لزمتها من شعرها وهي هم لزمت شعري قوي وكسرت الكوق بشعري اذتني كلش و تعصبت منها رفعت رجلي وضربتها على بطنها
رأسن عافت شعري وكعت للكاع نمت عليها موتتها ضرب صياح وعياط صار اجوي الكل على صياح وعياطنه فقدت كلشي ماشوف
كدامي غير حنين
الزركة نهيته نهي طلعت ضيم سنوات كله بيها ماحسيت على روحي مشيوله من فوك حنين واسمع هجرس يكول" ادري زلم وتعاركن من
طيح الله حظجن
سلسبيل _عوفني خل اموتها لماتخاف من الله ام السحووورة عوفنييييي
هجرس_انجبي لتصيحييين
حلوة_ من صخام براسجن شكو متعاركااات
حنونه _هي بدت وياي ااااه بطني راسي كطعت شعري الحقيرة ااااه راح اموووت
حجي موسى _لا إله إلا الله كوميها حلوة وأنت الثاني عوفها لتكتلك فوكاها
أريد هجرس يعوفني مايقبل يعوفني شايلني وظهري مسنود على صدره غرزت اظافري بلحم أيديه قوي وصيحت "نزلنييي نزلنييييي
سمعته همس يم أذاني "
لو لوحدج هيج تسوين جان عرفت
شلون تصرفت وياج
نبره كلامه خبيثة جانت صاح بي جدي موسى "
ماتنزلها عاد
نزلني بسرعة حيلي ... كله يرجف أيديه يرجفون رجف عبالك جنت بالثلاجة مناوي دخلت وراها بارق هم دخل سألوا شكو صاير ؟
رد هجرس_الحلوات متعاركات
بارق_عليش متعاركات
هجرس_خبال بنات امشي اطلع
بارق_اي يله مناوي أمشي
جت لعندي مناوي "
شبيج سلي
كمت ابجي وكتلها"
هي اجت لعندي وتعاركت وياي
والله ماعلية أني
مناوي_ اوووف يله مصار شي حبيبتي تعاي غسلي
بارق_كملي وتعاي انظرج بالصالة
مناوي_شوي واجي
حنين واكفه بصف جديتي حلوة وتبجي وتكول "
هي لعالت بي مو انا
سلسبيل _جذابة بالقرأن هي
حنونه _أنتي جذابة مو انا موتتني جدة
هجرس_اثنينجن ماتكعدن راحة تعاي حنونه
حنونه _فرقد
هجرس_تعاي لقلبي
راحت لهجرس تبجي أخذها وطلع بره الغرفة دخلت للحمام ويه مناوي اغسل كتلها "والقرآن هيج اجت عليه للغرفة وره ماطلعتي وتكلي عندج شي
ويه هجرس تقبليها مناوي هيج تكلي
مناوي_لا ماقبلها اعرفها تغار يله ماعليج منها وغسلي
سلسبيل _الله ينتقم منها
مناوي_يله غسلي حيلج كله يرجف
سلسبيل _مامتعودة أني على المشاكل
مناوي _الله يعينج عليها
غسلت وطلعت مالكيت أحد كعدت فوك الجرباية مناوي راحت فتحت الكنتور وطلعت حجاب وعباية لبست استغربت وين راح تروح ؟
سلسبيل _وين طالعة ؟
مناوي_خوالي جايين لعدنا ودازين علية يريدون يشوفوني ساعتين تلاث وارجع ديري بالج على نفسك وماعليج منها ومن حجيها
ماشي قلبي
سلسبيل _أصلا راح أروح
مناوي _وين ترحين؟
سلسبيل _هسه راح يجي اخوي محمد يأخذني
مناوي_ هاا احسلج والله روحي يم اخوج راسج بارد ومرتاح هاي حنين راح تلعب بيج
جوله بس تبقين هنا
سلسبيل _توه إذا اجيت بعد لهنا
مناوي _لاا عليج الله تعاي
سلسبيل _أبد والله
مناوي _سلي اتكطعين بينه
سلسبيل _ماكطع بيج طمني أبقى على تواصل وياج
مناوي_اي عفية لتعوفيني
سلسبيل _لا أبد ماعوفج تعاي خل ابوسج راح
اشتاقلج مناوي
مناوي_وانا هم تعودت عليج
اجت لعندي حضنتها أني وكاعده بوستها وبوستني ودعتني وراحت كمت وياها ودعت بارق طلع هجرس من الغرفة ماحجه شي صعد فوك
بغرفته الثانية صاحولي جدي موسى وجديتي حلوة حجوا وياي كتلهم كلشي هيج وهيج تحجي وياي وتهددني تسويلي سحر تفلت عليها
هي تهجمت علية وأني دفاع عن النفس ضربتها .
حجي موسى _طاح حظها مثل امها انا اعلمها
حلوة_ كافي لتبجين ختولي عقلها عقل زعطوطة
سلسبيل _بس عيب عليها تتهمني عندي شي
ويه هجرس
حجي موسى _ لتخليني هسه اكوم اطيح حظها
سلسبيل _لاجدي عوفها تولي
حجي موسى_لعد سدي الموضوع ولتجيبين طاري لاهلج تعاركتوا علمود هذا الشي
سلسبيل _ماشي جدي
حلوة_شوكت تصلتي بأخوج
سلسبيل _قبل لا نتعارك
حلوة_ زين تسوين
وراها كالولي تعاركتوا علمود شغله تافهة لتجيين طاري فرقد مسحت دموعي ورفعت رأسي شفت هجرس واكف فوك الدرج ويباوعلي
أبتسم إبتسامة خبيثه حجه هو وينزل من فوك الدرج "
جدة تعاي لعندي
حلوة_هاا
هجرس_حنونه زعلانة وماتقبل ترضى
حجي موسى _طبها مرض فضحتنا كدام بت الناس كوم اشمرها على أهلها هي
من كيفه تستعدل
هجرس_اشمر الروح وماشمرها
حجي موسى _طاح حظك
هجرس_رحم الله والديك جدي كومي جدة
حلوة_والله ولا اكوم طبها ألف طوب ماحترمتني وتغلط علية انا وتكول انعل ابو لفاج على سلي منو لفتها لاسلي مو انا ماتحجي شبيك ساكت
حجي موسى _عار ابن عار يخاف من ام شبر ونص
نزل بالصالة مبتسم وكال "
من أكبر واحد مااخاف بس من الخالقني بس حنونه خاطرها جبير عندي وسوت هيج من كثر حبها لالي يعني بالخط العريض نار الغيرة
سيطرت عليها وخلتها تتعدى على الخطار .
حلوة_ لتبرر الها المفروض تحجي وياها وترزلها على غلطها على جديتك واقاربها مو تخليها بكيفها علمود تحبها وتحترمها كلشي وله حدود فرقد
هجرس_انا اتحاسب وياها لتدخلون أنتو بيناتنه
خله ومشى عجبتي محد منهم رده عافوا شوي وتفطنت جديتي خديجة وجوري ماكو ماسألت بعد نص ساعة جاء أخوي حضنته وابجي تخبل من شافني ابجي بعدني عنه وكال "شكو صاير وياج ؟
ردت جديتي حلوة _متعاركه هي وحنين
محمد _عليش متعاركات ؟
حجي موسى _غيرة نسوان تفضل استريح
محمد _ روحي جيبي غراضج وتعاي
حلوة_وين ماخذها
محمد _ماجايز من أختي جدة
حجي موسى _ استغفرالله العظيم تفضل ستريح
وخل نتفاهم
محمد _ماشي روحي سلي جيبي غراضج وتعاي
مسحت دموعي هو كعد ... كعدوا بصفى جديتي وجدي يحجون الحمدلله هجرس ماكو رحت بسرعة للغرفة كعدت بالكاع البس ... بالحذاء صبعي لجم وصار يوجع برغم الوجع لبست الحذاء وكمت خليت الجنطة بركبتي
رحت اشيل جنطة بيدي
توني دنكت عليها نسد الباب ..... رفعت جسمي خايفة باوعت طلع هجرس قطرة دم مابقت
بي أبتسم وكال
_تعاركتوا علمودي
_الله ينتقم منك فرحان
تقدم ناحيتي كلما يتقدم أرجع خطوة ليورة وكفت من لطخ ظهري باب الكنتور رفعت ايديه وخليتهم على
وجي من صار قريب عني
_لتقترب واخر عني
_ليش تشلعين قلبي لعابتي ؟
_مو لعابتك واخررر لتقترررب واخرررر
حسيت بي خله أيديه من كله الجهتين وحصرني نزلت ايديني خايفة وابجي شفته قريب عني كلش ونظراته خبيثة تخوف قترب أكثر درت وجي أريد اطلع
من بين ايدينه قترب أكثر صار رأسه بركبتي يجر نفس من اركبتي قوي نفسي لعبت جسمي كله كش منه
حجيت بصوت ناصي "
_واخررر عني دا تسوي ؟
جر نفس طويل من الركبتي وكال بهدوء "
طاوعيني
_لعبت نفسي واخرر
فزيت من باس اركبتي رفعت ايديه أدفع برأسه مايقبل يوخر عني حسيت بألم بركبتي الحيوان عضني واذاني رفع رأسه متت بدمي بسرعة لزمت مكان العضة
وكمت ابجي اسمع بي كال بضحكة "
طاوعيني لعابتي ؟
