رواية نارك جنة الفصل العاشر 10
مشت لعند المطبخ ..تبي اتخش شافت سفيان امصبي يشرب في قهوة ...لكن في وحدة امصبية جنبه اتهدرز امعاه وتفصعن وتدلع...ومدت يدها تلعب على شعر سفيان ورقبته من لاوراء
جنات : هذه من
وخشت جنات : احمم
سفيان متحركش وكمل يشرب في قهوته ..أما البنت التفتت على صوت جنات
جنات : صباح الخير
البنت : صباح النور
جنات منحرجة ومش عارفة هذه من ..وسفيان مش مدورها تعرف او لا
جنات : وو وين صالحة وملاك
البنت : مشوا يسلموا على ماما وخويا
جنات ابرمت ودارت روحها اتصب في مية : ننننن
البنت ردت تحكي مع سفيان وتضحك ..وسفيان قاعد يسمعلها ..وفايت جنات ...وهيا عصبت منهم
البنت مش سمحة واجد بس من النوعية المهتمة بروحها بزيادة ..اظافرها لابستها ..بنة عطرها القوية...وجها من كثر الاهتمام لعند يلمع ..ولا غلطة
جنات طلعت من المطبخ ومشت قمعزت على سفرة الفطور ..معصبة وحطت اعصابها في الخبز ...تأكل وتهزب ودايرة عركة بروحها
بعد شويا خشت صالحة ..من الجنان
صالحة : صباح الخير
جنات : صباح النور
صالحة بحتت فيها زين واستغربت ليش قالبة وجهها ..ومشت خشت للمطبخ ولعت الغاز على الشاهي
وجابت باقي الفطور اتحط فيه على الطاولة : جنات تعرفتي على نصراء
جنات : من ..اي نصراء
صالحة : نصراء أخت معتز ...اليوم هبة عازمة عربها ..وأنا كنت انسلم عليهم وعزمتهم على الفطور
جنات تمتم : كنتي خليتهم يسمسموا عندها
صالحة اتنظم في السفرة : شن قلتي ؟!!
جنات : مرحبا بيهم ديما صاحبة واجب.......وتبي اتموت اعيونها على المطبخ
صالحة : سلمتي
مع خشت ملاك : صباح الخير
جنات : اهلين
صالحة : ملاك ..جنات صبوا ساعدوني ..قبل ايجوا .هيا بسرعة
جنات صبت بلا نية : اوووفه
خشن للمطبخ بس سفيان ونصراء مش قاعدين ..شكلهم طالعين من باب المطبخ للجنان ...وجنات كانت اتجهز امعاهن وعقلها عند سفيان ...زعما وين وشن ايدير ..قاعدة مع نصراء ..باهي شن بينهم ...البنت كان واضح واخذا وضعها مع سفيان على لاخر
جنات اتنظم في السفرة وخش فخري : صباح الخير
جنات صباح النور
فخري مستعجل خذا خبزة وفتحها وبدأ ايدير في ساندويتش
جنات اتبحت فيه : قمعز أفطر أمعانا
فخري كمل وحط زيتون في فمه : لا مستعجل ..نبي نطلع ورايا شغل واجد ...وطلع
حطن باقي الفطور ..وخشت منى وهبة وأمعاهن مراة كبيرة اشويا ..وعيل ممكن في الاعدادي ..
هبة اتبحت في جنات : هذي مرات سفيان ..جنات
المراة سلمت عليها : اهلين كيف حالك ..مبروك ..جيت حضرت الفرح ..بس أكيد متذكرينيش
جنات : الله ايبارك فيك ...لا بصراحة كان زحمة ..مش مركزة
هبة : جنات ..هذي عمتي أم معتز ..وبنتها نصراء ..توا كانت هنا اكيد شفتيها ..وهذا حماي الصغير
جنات : اها ..اهلين بيهم
صالحة : هيا تعالوا تفضلوا قمعزوا
قمعزوا كلهم ...وجنات اعيونها على الباب وقلبها نار ..وين سفيان والبلا اللي امعاه
اشوي اخرى وخش سفيان ..ونصراء ..وهيا تضحك ...وجنات في بالها عليش تضحك ..حد علمي سفيان مايعرفش يضحك عشان ايضحك الناس
قمعز سفيان جنب جنات ..ونصراء رن فونها ..مشت تحكي ..
سفيان : وين معتز ...مالهش حس
هبة : معتز عنده شغل طلع بدري
سفيان : أمس ليش ماجاء ..مش طلبت منه ايجني
هبة : أمس روحنا متأخر من العيادة ..ولما سأل عليك كنت أنت طالع
سفيان : خليه ايجيني اليوم بعد ايروح
هبة بحتت في منى : إن شالله
سفيان مستغرب جنات ماطلعش صوتها بكل ...حرك رجله تحت الطاولة وخبط فيها
جنات : اااه ...وبحتت فيه
لكن هو على اساس مش فاطن ..وبدأ يشرب في شاهي
جنات تخزرت فيه وتبي تفطر بحتت مافيش طاسة ..كلهم يشربوا ..صبت
صالحة : وين ماشية خليك ..افطري
جنات : توا انجي ..انجيب طاسة للشاهي
صالحة : قمعزي توا اتجيب ملاك
جنات : لا والله خليها تفطر ..توا انجيب
صالحة شافت نصراء كملت مكالمة : جنات على طريقك جيبي حتى لنصراء ولا تصغري
جنات بحتت في نصراء وهي مخطمة : إن شالله
مشت جنات لعند المطبخ ..طلعت طاستين من الدولاب ..وهي في عقلها ..شن صارلي عليش معصبة ..وكان في شي بينهم ..أنا شن دخلني ...ينفلقوا
طلعت جنات وجت تبي اتقمعز في مكانها لاقت نصراء مقمعزة ..جنب سفيان ..ومقرب منه اتهدرز وتضحك...والكرسي الفاضي كان جنب منى ..وأم نصراء .بعيد يعني
جنات حطت الطاسة على الطاولة قدام نصراء ...ودمها يغلي ...وصالحة اتبحت في جنات ..وحست بيها عصبت ..لكن ماتبيش اتكلم قدام الضيوف
صالحة : تعالي قمعزي هنا
جنات في للحظة قررت أنها معاش تبي اتقمعز ...لانها عصبت بكل : لا ماعنديش نية ..تعرفي ..أفطور صحة
صالحة : معقولة ..تعالي كلي حتى اشويا
جنات برمت وتبي ترقى : لا والله أنحس في معدتي ناضت عليا ماعنديش نية ..أفطروا أنتم
سفيان بصوت جدي وحازم : جنة ...تعالي قمعزي وأفطري
جنات فاهمة نبرة صوته ..بس أنتن عارفات جنات ..أكيد تبي ادير اللي في رأسها
جنات رقت مع الدروج : ماعنديش نية ..مش بلغصب
ومشت لدارها ..خشت واخبطت الباب ..كانت معصبة من وقاحة نصراء ..شن تبي من سفيان راجل متزوج ..والا حتى هيا عارفة بالقصة اللي بينهم ..وتفكيرها هذا زاد عصبها
جنات قمعزت على سريرها وباب الدار انفتح ..وخش سفيان
جنات صبت وخافت من شكل سفيان كيف معصب واعيونه نار ...خش وقربع الباب
جنات امصبية وترجف
سفيان يقرب منها : لما انقول كلمة مرة أخرى ..المفروض تسمعيها وتنفذيها
جنات خايفة منه بس مستحيل تسكت : بس أنا مانشتغلش عندك
سفيان معصب قرب منها مرة وحدة وهي وخرت خلاص لاصقت في سريرها : ماحد قال أنك تشتغلي عندي ..لكن المفروض أنا زوجك وتحترميني قدام الناس
جنات قربت منه معصبة : وحتى أنا زوجتك المفروض تحترمني
سفيان لاصق فيها : ليش أنا شن درت
جنات توترت وحاولت اتوخر عنه بس مافيش وين تمشي وسفيان زاد قرب منها
سفيان : نسأل فيك ..شن درت
جنات بحتت فيه بتحدي وارفعت صوتها معصبة : أنت مادرت شي ..وهذه المشكلة سفيان ..البنت قاعدة اتلصق عليك قدامي . وأنت ساكت
سفيان كل ماتعصب وتعاند ..كل مايزيد ايموت منها أكثر ..واتزيد النار في قلبه
حط يده في شعرها من لاوراء وشدها نزلها على السرير وطبس عليها ..وقرب وجه من وجهها ..وهي ترجف من الصدمة : وأنتي ليش معصبة ..وشايطة منها ..شن مشكلتك
جنات : مش معصبة منها ..بس أنا المفروض زوجتك ..وهي مش محترمتني ..الا اذا كانت ..
سفيان : كانت شنو ؟!! كملي
جنات معاش تحملت قربه منها ..دفاته وصبت : كانت عارفة بقصة زواجنا كذبة
سفيان صبا : مافيش حد من برا العئلة عنده العلم بالقصة
جنات : شن عرفك ..يمكن منى او هبة حكولها
سفيان : مستحيل ..مافيش حد يقدر ايقول اي شي..متأكد
جنات : معناها هيا قليلة أدب .كيف ادير امعاك هكي وقدامي
سفيان عض على فمه عشان مايضحكش ..لان حس بيها اتغار عليه من نصراء : لا بس هيا هذا طبعها ..ونحنا تعودنا عليها
جنات تبي اتموت : حتى أنا هذا طبعي مانحبش حد يقلل من قيمتي ..وأذا هيا مش عارفة حدودها فلازم أنت اتحطلها احدود ..على الاقل قدامي
سفيان بكل برود : تمام ..من حقك
جنات :
ومشى فتح الباب : أغسلي وجهك عشان تهدي اشويا ..وأنزلي ..عيب عندنا ضيوف
وطلع وصكر الباب ..وجنات ماتت من بروده ..وكيف قاعد يلعب بعصابها
***********************
انردو قبلها بيوم
جلال : شن دار فيك عيسى يومتها
مودة ترجف : مافهمتش شن قصدك
جلال : ماتكذبيش عليا مودة ..أنا عارف أن في شي صار ..أحكي بروحك خير ما مانقلب أم الحوش هذا فوق رأسك وتحكي غصبا عنك
مودة ادف فيه : حول جلال ..أمي توا اتشوفنا
جلال زاد ضغط على يدها : أحكي مودة خيرلك .ماتخلينيش اندير شي نندم عليه بعدين
مودة عارفة أن جلال مش حيسكت الا بعد يعرف : باهي ..باهي توا نحكي لكن اوعدني تسمعني من غير ماتعصب
جلال : أحكي مودة كل ماطولي في الدوة أنا انزيد انعصب
مودة : اا أنا كلمتني جنات يومتها تسأل على اجديدة وطلبت مني نمش.....
وقعدت مودة تحكي لجلال شن صار يوم حاول عيسى يعتدي عليها ..وجلال يسمع فيها ومع كل كلمة ايزيد ايعصب ويحقد على عيسى
جلال : هذا بس ...متأكدة ماصار شي أكثر من هكي
مودة اتهز في رأسها واعيونها دمعوا : لا لا والله هذا اللي صار بالحرف
جلال خبط الباب برجله بالقوة وطلق السانه ايسب في عيسى : يا نع
بوه الفاسد ...ولد الحرام ...يحساب روحه راجل ..وربي انكسره وانوريه الرجولة كيف ...يحسابها سايبة ال
وفتح الباب وطلع ومودة تلحق فيه : جلال ..جلال فكني من المشاكل ارحم بيك وأمك مادير شي ...ياجلال اسمع وين ماشي ....أنت وعدتني
جلال طلع من الحوش وخبط الباب ...ومودة تندب وخايفة ..ايصير مشكلة وايجيبوا أسمها في القصة ويسمعوا هلها
وردت مودة جوا اتساعد في أمها وسليمة ..لكن عقلها عند جلال ...وبعد كملن روحن للحوش ...ومودة تتصل بجلال لكن مافيش رد
جلال طلع من الحوش ..وعدا لعيسى يشتغل في محل ..أمصبي فيه ايبيع ...وخش تعارك امعاه ومن كلمة لكلمة تعاركوا وتم ضرب وتكسير في المحل ...بس المرة هذه جلال هو اللي ضرب عيسى طريحة سمحة
******************************
جنات حاولت تهدأ ...وبعدها قررت تتصل بمودة
مودة : اهلين
جنات : كنك حتى أنتي جوك خارب على الصبح
مودة : جنات جلال عرف كل شي ومشى تعارك مع عيسى
جنات : اهيييي وشن صار فيه
مودة : مشى ضربه في المحل وتعاركوا عركة كبيرة
جنات : وجلال شن صار فيه ..امبارح حكيت امعاه ماقال شي
مودة : أكيد مايبيش ايخوفك ...لكن أنا خايفة ياجيجي
جنات : خلاص كان تبي اتصير حاجة راه صارت مادام متعاركين من أمس
مودة : جنات ..جلال محبوس هو وعيسى ..وأنا خايف يحكوا سبب العركة
جنات انفجعت : جلال محبوس أمتى وكيف صار ..امبارح وهو قاعد ..شن في مودة
مودة : صاحب المحل بلغ فيهم هو وعيسى عشان كسروا المحل ..والشرطة جت خذاته في الليل متأخر
جنات : يا نعليا ياخيي وأنت من قصة لقصة عليك بخت بختنا
مودة : امعاه تليفونه كان تبي تطمني عليه غير أنا مابش
ايرد عليا
جنات : باهي صكري خليني نتصل بيه انشوفه
مودة : جنات عشان خاطري قوليله مايجيب سيرتي في المشكلة والله بوي يقتلني
جنات : ماتخافيش جلال مستحيل يحكي من غير ما انقوله ..بس أحسن خليه تلزمه عيسى الخنقة عجبني جلال عشان ضربه ...بالك ايحط حد للحقير هذا يحساب بنات الناس ارخاص ومافيش حد يوقفه عند حجم الطبيعي
مودة : باهي جنات بعد تتصلي بيه كلميني نطمن عليه
جنات : حاضر ..او كي
مودة : باي
وكلمت جلال رد عليها : الو
جنات : شخبارك جلال شن داير
جلال : تمام ..بخير
جنات : جلال خلاص فكنا من المشاكل والله تعبت أنا معاش عندي حيل ..أعصابي تعبت بكل
جلال قلب اعيونه بعصبية : حكتلك الفرخة مودة ..والله انوريها مازلت وراءها
جنات : لا جلال حرام عليك البنت ابروحها خايفة
جلال : خايفة من شنو ...ليش ماجت حكتلي على طول ..والا عجبها اللي داره عيسى
جنات : شن تخرط جلال ..البنت قبل ماتت من اللي صار ..لكن خافت هلها يعلموا ويضربوها
جلال : حتى أنتي والله انوريك اتخنسي امعاها ...ليش ماقلتيلي
جنات : غير اشقى بهمك وأنت تبي اتوري الناس كلها ..البنت كانت خايفة اتصير مشكلة بينك وبين عيسى ...وكان عندها حق
جلال : وربي غير فكوه من بين ايديا ..قبل نبي نقتله
جنات : بلا اهبال جلال تقتله ..شن تبي تستفيد ..ايركوك في الحبس طول عمرك على واحد مايسوى عفست رجلك
جلال : اصلا النوعية هذي ماتفهمش الا بالدق على الرأس ..عشان اتربى من جديد
جنات : باهي شن صار ..عليش حابسينك توا ..عيسى شكى عليك والا كيف
جلال : محبوس أنا وعيسى ..صاحب المحل بلغ فينا عشان حق التكسير والبضاعة في المحل
جنات : يعني مش عشان عركتك مع عيسى
جلال : لا ...صاحب المحل يبي تعويض
جنات : ومن وين تبي اتجيب فلوس
جلال : ماعنديش له فلوس ..لكن خالك أكيد توا يطلع ولده
جنات : وأنت ؟!!
جلال : ماتخافيش عليا ربي كريم
جنات : نجك ليا ..والله عقلي عندكم وامرايفة عليكم ..ياريتني نقدر انشوفك
جلال : جنات بالله ماتزيديها عليا ...أسكتي الله ايربحك ..مش اول مرة ننحبس
جنات تمسح في ادموعها : باهي خلي بالك من روحك ..وأنا توا انعاود نتصل بيك بعدين
جلال : تمام
جنات : جلال ...رد على مودة كان اتصلت بيك ..راهي خايفة عليك
جلال : فكيني من سريبها معصب منها ..وكان انشوفها أنتش شعرها هالفرخة
جنات ابتسمت وسط ادموعها ...وهي اتفكر هابا يا جلال لو تعلم حتى أنا عيسى شن كان امعايا قبل ما نتزوج
جنات : هدي أعصابك سلم خيي ..وماتنساش أن مودة خوافة اتخاف من زولها ..ماتلومش عليها
جلال : ايصير خير ..ماتبي شي ..خايف يكبسوني انكلم فيك ..التليفون امعايا بالسرقة
جنات : لا خلاص اوكي ...رد بالك من روحك ..وطمني عليك بس
جلال تنهد : إن شالله
صكرت جنات وصبت غسلت وجهها وتوضت للظهر ..وعدت شافت توفيق لاقاته امكمل فطوره ...عطاته دواءه ...وكان هادي نفس عادته في اخر فترة ...وجنات حست أنه طيب غير المرض مأثر فيه
******************************
بعد صلت الظهر جنات نزلت لوطى لكن سفيان مش قاعد ..واستغربت من نصراء وأمها مازالن قاعدت ...ايهدرزن في الصالة...وجنات مشت وخشت على صالحة في المطبخ اطيب في غداء وحايسة
جنات : انساعدك في حاجة
صالحة : ياريت والله ...على الاقل خير من ملاك اللي ملتهية مع نصراء وتهدرز
جنات ضحكت وبدأت تساعد فيها
صالحة طبعا حاولت اتغير على جنات بعد الكلام اللي سمعته من منى ..لكن مش عارفة ليش مش قادرة ..ممكن لانها حاسة بيها بنت طيبة
جنات : ليش مكثرة ..اتقول عازمة حد
صالحة : اها مسكتهم عشان ايتغدوا عندنا ...وهبة تبي ادير عشاء بعدين في حوشهم
جنات : صاحبة واجب بكل حسيتك ...ماشور شي ...ايسد الفطور
صالحة اتقطع في الخضرة ..وابتسمت كانت حاسة بغيرة جنات على سفيان من نصراء
طاب الغداء ...وكان الفطور بس على الطاولة ..وقت الغداء ..كل حد تغداء في مكان ...الرجالة ابروحهم ...والصبايا في مكان ثاني ...بعد الغداء هل معتز عدوا مع هبة ومنى للحوشهم ...وملاك وجنات ايحوسن مع صالحة في الحوش
سفيان بعد الغداء حكى مع فخري وهوا قاله نهيت الامور . والجوازت يومين ويكونن جاهزات ..وفخري طلع وعدا ...وسفيان كان برا خش للحوش يسمع في جنات اتهدرز وتضحك مع ملاك وصالحة في المطبخ ...ابتسم ورقى فوق ..مشى شاف سليم ..وبعدها خش ايريح في داره شويا
معتز طالع عشان يبي االسوق وطلعت وراءه هبة
هبة : معتز راك تنسى تمشي لسفيان بعد اتروح ايسد أمس توا ايشك فينا
معتز : تمام ..إن شالله خير
هبة : خليك على نفس الكلام الي اتقفنا عليه بس ..وإن شالله مافيش خوف
معتز تنهد وركب سيارته وطلع من المزرعة
**************************
مودة كلمت جلال كم مرة لكن هوا معصب ومايبيش ايرد عليها
مشت رنت على جنات وحكت امعاها واطمنت على جلال ..وجنات قالتلها اطمني جلال مستحيل ايسببلك في مشكلة مع هلك
قبل المغرب جنات كانت مدوشة وتمشط في شعرها امقمعزة في دارها وكانت منسجمة لان منى اليوم بعد الصبح معاش شافتها لاهية عند هل معتز
خشت عليها صالحة : خييير
جنات : اهلين
صالحة : مازلتي مالابستي
جنات : ليش ..عشان شنو
صالحة قمعزت جنبها على السرير : مش قتلك بدري معزومين عند هبة ..عندها عشاء
جنات قلبت اعيونها وتلف في شعرها : ساد اليوم عيت نصراء فطور وغداء ..عشاء اخرى واجد راه
صالحة ضحكت : هيا عيب هبة عزمتنا ومايجيش نمشوا وانخلوك ابروحك...يابال صبايا اعمامي معزومات توا يسألوا عليك
جنات تنهدت : حاضر عشان خاطرك بس
صالحة صبت : يجبر بخاطرك ...البسي وحطي مكياج حلو ..راكي مرات سفيان الشيباني ومازلتي عروس
جنات ابتسمت لصالحة وحست قلبها نغزها ..لان كلمة مرات سفيان وجعتها لان زواج غير أنتقام ...سفيان معتبرها سبب مرض ولد عمه ...وهيا عايشة امعاه في نار
لابست جنات احلى حاجة عندها وحطت مكياج حلو ..واول مرة اتثقل مكياجها ممكن عشان تقهر نصراء ...وبخت عطرها ..وافتحت الدولاب عشان اطلع عباتها انفتح الباب وخش سفيان
جنات بحتت فيه طالع ايجنن ..لابس تيشرت اسود وسروال جينز ازرق وجاكة سوداء ..وساعة اتهبل ..وبنة عطره اللي اتحبه جنات واتحس قلبها ايدق بسرعة اول ما تشمه
سفيان واقف على الباب : تبي تمشي
جنات طلعت العباية وصكرت الدولاب : إن شالله
سفيان : مافيش راجل تسأليه قبل ...مرات مانبيكش تطلعي
جنات عزقت عباتها على السرير : ماتبينيش نمشي عادي نقعد ..مانيش ميتة على شوفت نصراء والقعدة امعاها
سفيان ابتسم ويبي يحكي مع خشت ملاك بسرعة اخبطت فيه وهي خاشة : اهي اسفة شيباني مانشوفش فيك
خشت وبحتت في جنات : حي نجك ليا اتهبلي ...طالعة اتجنني جنات
جنات انحرجت لان سفيان يسمع فيها : نجك ليا ..حتى أنتي اتهبلي
سفيان سمع كلمة ملاك وتمنى ايشوفها ...ميت عليها خلاص خاطره ايشوف وجهها
ملاك مدت يدها لجنات : جيجي ...صكريلي السوارة هذه ماعرفتش كيف
جنات طبست رأسها اتصكر فيها ..وسفيان تكلم : أنا نازل ..لما تمشوا قولولي
جنات ساكتة وملاك ردت : حاضر
طلع سفيان وجنات لابست عباتها ونزلت مع ملاك لوطى ..لاقن صالحة تستنى فيهن ...عدن مع بعضهن للحوش هبة ومنى في اخر المزرعة
سفيان بعد نزل ..جاءه معتز
سفيان : قمعز
معتز قمعز وهو متوتر : قالولي دزيت عليا
سفيان قمعز : من أمس قتلك نبيك
معتز : اها أمس طولت ماجيت ولما سالت عليك قالوا طلع
سفيان يبرم في ساعته في يده : هات أحكيلي ...شن درتوا في السنة اللي غبتوا فيها برا بنغازي
معتز زمط : شن نحكي ...عادي زي ماتعرف من منى وهبة
سفيان صبا معصب وزق الكرسي اللي كان مقمعز عليه : مانعرفش شي ...شوف أنا ليا كم شهر ساكتلك ..لاني مش فاضي كنت مركز في توفيق ومرضه ومشاكله ...لكن خاطري نعرف كيف طلعتوا من بنغازي وعليش
معتز صبا خايف : مافي شي ...نفس ماقالتلك منى ...توفيق صكر راسه يبي ايعدي لدرنة ..ومنى حاولت تمنعه لكن هوا شي عناد
سفيان : وأنت شنو مانكش راجل ..تجري في جرت صبايا وخلاص ..ليش ماجيت وحكيت امعايا
معتز : سفيان الجو كان متوتر مع بنات عمك ...ونحن طلعنا من المزرعة بعد عركتك مع منى ..ولما جينا نبوا نمشوا للدرنة ...منى قالت مانبيش حد يعلم
سفيان امسكه من دبشه : وأنت طبعا ذيل الصبايا ...حتى هلك مايعرفوا وين مشيتوا ...سألناهم وقالوا مانعرفوش
معتز ايفك في ايدين سفيان وخايف : وسع بالك شيباني ..حتى هلي والله ماكان عندهم علم بمشيتي لدرنة الا بعد شهر لما استقريت كلمتهم
سفيان دفه : تعرف نكره أم الراجل اللي ماعنداش شخصية ويتبع في كلام عيت حنة وخلاص ...هذا عليش مانيش لايم عليك
معتز ايحك في وجه منحرج : ماتبي مني شي اخرى
سفيان ضحك بهزوا : شن نبي منك...اصلا واضح محفظاتك الدرس اكويس وأنت ماتعرف رأسك من رجليك ...لكن وديني ومانعبد يامعتز ..اتعاودها مرة اخرى وتمشي في جرت عيت حنة ...المزرعة هذه معاش تحلم اتخشها اخرى
معتز زمط وطلع بسرعة : إن شالله ..اوكي عندي ضيوف
طلع ورد خايف : سس سفيان بيش اتجي للعشاء
سفيان تنهد بعصبية ومعتز طلع يجري
وصلن للحوش خشن الحوش معبى هل معتز واعمام سفيان اللي يسكنوا امعاهم ..سلمنا وقمعزن ...وطبعا نفس العادة الانظار كانن على جنات لانها مازلت عروس جديدة عليهم ..وهذه اول مرة ايشوفوها بعد عشاء الحفلة اللي بعد الفرح
كان عشاء عادي ...لكن جنات تضايقت من نظرات منى لها ..كل ما اتخش او تطلع ...بعد العشاء جنات صبت تبي الحمام تغسل ..افتحت باب تحسابه الحمام ..لاقاتها دار ...بس لافت نظرها غطاء السرير والدبش ...وتذكرت دار توفيق في الحوش اللي في درنة ..وعرفت أن هذه دار توفيق هنا
صكرتها بسرعة وهي خايفة لانها تذكرت ايام رعب تبي تنساهن باي شكل
بعد العشاء روحوا للفيلا ..وكل حد خش لداره ...مافيش جديد ...بس جنات كلمت جلال تطمن عليه ...وكلمت مودة تسأل على سليمة ..ومودة قالتلها اكويسة ..أمي كانت عندها بعد العشاء ..صاح زعلانة على جلال لكن صحتها تمام
ثاني يوم ناضت جنات ...مافيش جديد يوم عادي نفس الروتين ..فطرت امعاهم لكن سفيان وفخري مش قاعدين ..ومشت عشان اتشوف توفيق
خال جنات عبدالعليم دفع للفلوس لصاحب المحل وطلع عيسى ...لكن جلال مازال محبوس
طبعا جلال ماحكى شي ...وقال متعارك امعاه وعدوا اسالوه ليش ...وعيسى مستحيل يحكي السبب أكيد لبوه وعمه ...قاللهم ايدور عندي في الحس وخلاص
عدا اليوم عادي لعند العشاء مقمعزين ياكلوا ...وسفيان يحكي مع صالحة
سفيان : بعد يومين ماشي أنا وفخري لتونس
صالحة : صاح ...عشان شنو ؟؟!!
جنات تأكل وحست قلبها طاح ...لان سفيان برغم قسوته امعاها كانت حاسة أن هوا اللي يقدر يحميها من منى وبطشها ...وفكرة أن سفيان يسافر ويسيبها ابروحها خوفتها
سفيان : عندي مراجعة عشان اعيوني ...وانشوف امتى ممكن اندير عملية
فخري يأكل ويبحت في سفيان ...وعرفه مايبيش ايقول عندي عملية عشان ماينشغلوا عليه
صالحة : تبي اطول غادي
سفيان : مش عارف على حسب الجو ...بس نبي انوصيك على سليم ..ردي بالك منه وخليك ديما جنبه
صالحة : تمشي واتجي طيب ...وسليم في اعيوني ماتشيلش همه بكل
سفيان : عارف وأنا مستحيل كنت انسيبه ابروحه لو مش متأكد منك تهتمي بيه
صالحة ابتسمت : مهما اندير مانقدرش انرد شي من جمايلك أنت وعمي أمعانا
سفيان سكت ورد يأكل ..وجنات معاش عندها نية تأكل ولما بحتت في منى لاقتها اتبحت فيها بنظرة اتخوف ..خافت وصبت : الحمدالله
صالحة : قمعزي وكملي ...ماكليتي شي
جنات : لا خلاص شبعت الحمدالله ..سفرة دائمة ورقت بسرعة
خشت لدارها وهي ترجف ..هل كانت ترجف من الخوف من منى بس ..والا كان في سبب ثاني ...أكيد مش بس هك ...جنات مش قادرة اتخيل الحوش من غير سفيان تعودت عليه وعلى عصبيته وكلامه ..حتى على حنيته اللي مغلفة بقسوة مزيفة
طولت وهي تفكر ومتحملة ...وبعدها معاش قدرت قعدت تبكي وهي مش فاهمة ليش تبكي
************************
جلال مال من الحبس وقاعد ايدخن ..ورنت عليه مودة وقرر ايرد عليها
مودة : الو جلال وأخيرأً رديت عليا
جلال جبد من السبسي : نعم شن تبي
مودة : نبي نطمن عليك ...جلال ليش درت هكي
جلال : تسألي فيا ليش درت هكي ...تي باهي ما قتلته ولد الكلب ..وربي مازلت وراءه
مودة : لا جلال خلاص فكنا ...اجديدة بدري قالت كلمت خالك عبدالله عشان يمشي لصاحب المحل بالك يقدروا يقنعوه يتنازل ...نبيك تطلع بسرعة
جلال : أنتي ادعي ربك مايطلعونيش لاني كان طلعت نبي نقتلك ...وحق ربي انشعفك عليه الكذب
مودة :
جلال : أحكي كنك سكتي
مودة تمت تبكي : لا والله لا ورأس جلال ماقصدي نكذب عليك ..لكن كنت خايفة ..والله قريب متت من الخوف جلال
جلال سكت ومعصب :
مودة تشهق : جلال
جلال خذا جبدة ونت فيها : ها كنك
مودة : جلال سامحني والله مش قصدي نخبي عليك لكن اا...
جلال : خلاص بطلي بكاء ...عليش اتفقفقي توا
مودة : خايفة منك
جلال مش عارف ليش حس روحه يبي يضحك عليها ..لكن مسك روحه عشان الهيبة متاعه
جلال : خليك خايفة ..أحسن لاني مازلت وراءك
مودة : باهي خلاص حرام عليك
جلال : اوكي توا ..نبي نرقد
مودة عارفته يكذب لكن ماتبيش اتنرفز أكثر : باهي تصبح على خير ورد بالك من روحك
جلال : ماعندك عليش اتحايلي عليا وربي امغير انشوفك انتش شعرك يافرخة
مودة ضحكت : باهي غير اطلع قبل
جلال : أضحكي توا ...لكن توا اتشوفي
مودة صكرت ...وجلال اتكى على فراشه في الحبس ايفكر ..وصورة مودة قدام اعيونه ...بس هو كان ايفكر ان هو خاف عليها لانها نفس جنات أخته بس
***************************
جنات تقلبت واجد في سريرها ورقدت وهيا خايفة من قصة سفر سفيان...لعند خش عليها سفيان ..قمعزت في سريرها
جنات : شن في
سفيان خش ويلمس بعصاه لعند وصل السرير قمعز : اسمعي نوضي وتي شنطتك
جنات اعيونها طلعوا : ليش
سفيان : بكرا نبوا نطلعوا امشرق عشان انسافروا من مطار لابرق ..بعد بكرا
جنات مازلت مش قادرة اتصدق : وأنا شن دخلني
سفيان : جنة فكيني من كثرة الدوا ...وصبي وتي شنطتك عشان نبي ناخذك امعايا
جنات حطت ايدها على فمها واحمدت ربها أن سفيان مايقدرش ايشوف وجهها توا ..لان واضح كيف فرحت بالخبر
جنات تحاول تصنع انها عادية : ييعني قصدك بنسافر امعاك لتونس
سفيان صبا : املا بنخليك ونمشي
جنات : وليش
سفيان برم شورها : لان ماعنديش فيك ثقة ..ومانتريح انخليك مع عائلتي ونمشي
جنات انقهرت منه : خاف من عائلتك عليا قبل
سفيان : نوضي وتي روحك بسرعة ..وبلا دوا زايدة بكرا طالعين بعد الفطور على طول
وطلع سفيان وصكر الباب وهي مش مصدقة ..صاح وجعها كلامه ...بس ألاهم انها ماشية امعاه ...وصبت بسرعة ولعت الضي طلعت شنطتها وبدأت اتفكر شن اتحط فيها ...وأخترت انها اتحط قطعة من كل دبشها احتياط ..ماحد عارف شن ممكن ايصير غادي
وتت جنات روحها ...وخشت سريرها ..وطبعا ماقدرت ترقد لعند الصبح من التفكير في سفيان وكل شي صار امعاها
أما سفيان مشى ورقد جنب سليم على سريره لعند الصبح
ثاني يوم الصبح لابست جنات وانزلت بشنطتها وكانوا كلهم على سفرة الفطور
جنات : صباح الخير
كلهم ايبحتوا فيها مستغربين الا فخري طبعا كان عارف
صالحة : صباح النور ...وين ماشية إن شالله خير
جنات تبي تحكي قاطعها سفيان : ماشية امعانا امشرق أنا وفخري
ملاك بخوف : تبي اتوديها لاهلها
سفيان : لا ..جنة ماشية امعايا لتونس
منى اتبحت في جنات وتبي اتموت : كيييف
سفيان : مافيهاش كيف ..كيف ماسمعتي
منى صبت : وتوفيق
سفيان زق الكرسي وصبا : مش مراته بالساعة هيا ...خوك تقدري تهتمي بيه لعند انروحوا
جنات :
منى خبطت ايديها على الطاولة بعصبية ورقت فوق ..وفخري بحت في جنات وضحك وجنات ابتسمت..ومش عارف ليش فرحلها ..بس ديما ايحب ايصبي في صف جنات 
صالحة : تبوا تمشوا توا ...مش طائراتك بكرا
سفيان : نمشوا اليوم أفضل ...سفر مرتين في نفس اليوم تعب
صالحة : وليش ماحجزت من بنغازي ليش ماشي امشرق
سفيان بعصبية : خلاااص اسئلة ...جنة افطري بسرعة ..وطلعي علينا برا
فخري طبس يضحك كان عارف لشنو مخطط سفيان ..وصبا لاحقه للسيارة
جنات قمعزت افطرت بسرعة ..وسلمت على صالحة وملاك واطلعت اركبت امعاهم في السيارة
ركبوا وطلعوا ومافيش اي احداث طول الطريق ...بس جنات كانت اتفكر وين يبوا يقعدوا لعند بكرا ....والجواب كان لما سيارة فخري طلعت من لابرق متجهة لمدينة درنة ...وجنات اعيونها طلعوا ..تبي تسأل وخايفة من الجواب ...لكن نظرة فخري في مراية السيارة طمنتها ان اللي قاعدة اتفكر فيه صاح
خشوا لدرنة بعد الغداء بواجد ...وفخري مشى بيهم لعند حوش اجديدتها و وقف ..جنات على طول انزلت طايرة حتى ماراجت سفيان ايقول شي ...وفخري قاعد يضحك...اما سفيان كان ميت في حركاتها ...وروح الطفلة اللي ساكنتها
نزلت جنات وطقت على الباب افتحت سليمة وجنات ضمتها وقعدت تبكي امرايفة عليها
وبعدها نزل سفيان وفخري وخشوا للمربوعة بعد ماسلموا عليها ...واول مرة جنات اتحس انها متزوجة وجاية لاهلها زيارة حتى وأن كان زواج مزيف
بدون تفاصيل جنات كلمت مودة وكانن مرايفات على بعضهن هدرزن واجد وبكن وضحكن ..جميع المشاعر ...وأخيرأ جنات حكت لمودة عليش امسافرين لتونس ومودة انصدمت ماكنتش عارفة أن سفيان اعمى ...بس جنات حاولت اتلم الموضوع من غير ماتشرح لمودة شن صار بالضبط
عدا اليوم وجنات امقمعزة وسط سليمة ومودة قبل ماتعدي للحوشهم في الليل ...تعشوا بعدها وطاحوا رقدوا من التعب بدري
ثاني يوم الصبح ناضوا فطروا ...وجنات كان خاطرها اتشوف جلال لكن مازال محبوس
بعد الفطور جنات رنت على مودة عشان اتجي اتسلم قبل تمشي ...وبعدها طلع سفيان وفخري وركبوا السيارة ومودة قرصت جنات
جنات : اااه ياباردة
مودة : تستاهلي ياحنة ...من وين حصلتي هالكيكة
جنات بحتت في سفيان راكب في السيارة وابتسمت : هوا اللي حصلني
مودة : اااها عليك ثقة ...عشان اعمى مثلا...وحق ربي ايهبل ...انحصل واحد كيفه مش مشكلة عادي
جنات ضربتها على كتفها وضمتها تضحك ..وفخري يستعجل فيها بكلاكس السيارة ..واطلعت ركبت
********************************
#تسريع_للاحداث
وصلوا الفندق في تونس ...وكان فخري حاجز دار وحدة لسفيان وجنات
رقت جنات للدار وسفيان قرب من فخري : ليش دار وحدة مش قتلك احجز دارين جنب بعض
فخري : مافيش ..وقت صيف وزحمة ..القيت دار وحدة
سفيان : كنت شفت فندق اخر
فخري : وليش الفندق قريب من المستشفى..الدار خليها لجنات ونحن نمشوا انشوف شقة مع شباب من ليبيا قريب من هنا
سفيان بعصبية : تبيني انسيبها ابروحها هنا
فخري : خلاص خليك امعاها وانا نمشي مع الشباب
سفيان : هذا الي يبي ايصير اصلا
فخري : تمام
وهذا اللي كان يبيه فخري اصلا
اول يوم عدا ..وفي الليل سفيان رقد على الكنبة وجنات في السرير حكت مع مودة وطمنتها لعند كمل الرصيد وهي تحكي ...ومن التعب رقدوا على طول بعدها
اليوم الثاني بعد الفطور ...سفيان طلع مع فخري للمستسفى عشان يبدوا في اجرأءت الدخول والكشف
أما جنات ناضت فطرت وقعدت ترجى فيهم ...بعد الغداء ومازالوا ماجاواء ...وجنات حست باللية في بطنها وظهرها ..صبت خشت للحمام ...وانصدمت ..جتها الدورة ومش وقتها بكل ...بس ممكن من الضغط النفسي اخر ايام ...المهم جنات مش عابية عليها ...حاولت تتصل بسفيان
بس ماعندهاش رصيد ...فتشت شنطة سفيان لاقت فلوس تونسيات .. لابست وانزلت ...في محلات قريبة من الفندق
سفيان روح للفندق مالاقاش جنات شاطت فيه النار ..ونزل لفخري تحت وقعدوا ايدورو فيها ...بعد اشويا جت جنات وسفيان كان معصب ...مسكها من ذرعها ورقى بيها فوق وفخري لاحقهم
سفيان فتح الباب ودفها جوا : وين كنتي نقدر نفهم
جنات : بالشويا كنك ...كنت نشري
سفيان قرب منها بعصبية : شن تشري ...ماتخلينيش ننفصل عليك ...جنة ..وين كنتي
فخري امصبي برا ويسمع
جنات عزقت فيه كيس الالويز : كنت نشري في هذا ...وأنت ماعندكش فيا ثقة ليش جبتني امعاك هنا
سفيان تلمس الكيس وعزقه على السرير : ماعنديش فيك ثقة لانك ديما تكذبي ....لانك
جنات تبكي : خلاص سفيان خلاص ..وربي تعبت ..تعبت من هالعيشة ...ارحمني والله تعبت
سفيان زاد تعصب لانها تبكي ...يضعف لما يسمع بكاها
سفيان قرب منها ومسكها من ذراعها : ليش ما اتصلتي بيا ..ليش
جنات اتخبط فيه بيديها على صدره : ماعنديش رصيد كمل امبارح ...سفيان طلقني طلقني ..تعبت منك تعبت
سفيان زمط ريقه بالغصب ..وشدها لحضنه عشان تهدا : اششش خلاص ...خلاص
جنات بكت في حضنه وهو ضمها اول مرة من يوم عرفها
سكتت جنات وسفيان وخرها عنه اشويا ...ومسحت دمعتها ..وقبل اتقول اي شي ..طلع وسيبها
جنات غسلت وغيرت وقمعزت في السرير اتفكر ليش ايصير امعاهم هك
عدا اليوم وسفيان برا ...ماجاءش الا في اليل ...وجنات راقدة ...خش ورقد
الصبح جنات مقمعزة بعد مافطرت هي وسفيان بدون اي كلام ...وبعد طلعت سفيان بربع ساعة ..جاءها فخري ودق عليها الباب
جنات فتحت : نعم
فخري : شن اخبارك
جنات استغربت جيته : تمام ...في شي
فخري قرب منها : جنات اسمعي نبي نقولك ياريت اتحملي سفيان اشويا اليومين هذين لانه عصبي ازيادة
جنات : ليش شن السبب
فخري : سفيان عنده عملية على اعيونه بعد يومين واعصابه على نار ...خايف مايصير شي من العملية
جنات : صاح وليش ماقلتوا من قبل
فخري : أنتي عارفة سفيان وطبعه مايحبش ايخلي حد منشغل عليه ..وخايف مايصير شي من العملية مايبيش هله ايتأملوا على الفاضي
جنات : باهي اللي قتلي ...وأنت خلك جنبه ورد بالك منه
فخري : شيباني خويا ..من غير ماتوصي
جنات : شكرأ فخري بجد ...شكرا
فخري : العفو ...خلي الموضوع سر بينا ..تمام
جنات ابتسمت : تمام
فخري : اوكي نمشي قبل يفقدني
نزل فخري ...وجنات خشت وقعدت اتفكر في حالة سفيان وقررت ..اتحمله واتحمل عصبيته لعند ايدير العملية
بعد ثلاث ايام مازال يوم وسفيان يدخل للمستشفى ...كان طالع مع فخري ...وجنات ابروحها في الفندق بعد العشاء ...دارت حمام جنابة ...والبست بيجاما ..ومقمعزة على المراية اتحط في كريم على وجهها وايديها ...مع جيت سفيان خش وصكر الباب ...وعلى طول شم بنة عطرها مخلطة بريحة الشامبو
خش متوتر ..: سلام
جنات : اهلين
سفيان حول جاكته وعزقه على الكنبة ...خش الحمام ادوش وطلع ..في سروال بيجاما أسود بس
قمعز على الكنبة ..وجنات اعيونها عليه ...واتقول الحمدالله انه مايشوفش فيها كيف اتبحت فيه ..خلاص مش قادرة اتحبه
جنات ابرمت وصبت : سفيان نبي نحكي امعاك
سفيان عض على فمه وهز راسه يسال فيها بعيونه : شنو
جنات تنهدت : سفيان ننن نبي نحكيلك كل شي صار
سفيان رفع حاجبه : شن قصدك
جنات ترجف : كل شي صار سفيان من اول ماعرفت منى وتوفيق
سفيان حط رجل على رجل : أحكي نسمع فيك
جنات استغربت انه هادي وقرر يسمعلها ...تهندت وبدأت تحكي
سفيان قاعد يسمع فيها ...والصدمة كانت على ملامح وجه ...بس ساكت
جنات : وهذا اللي صار
سفيان ضحك على جنب : وين شايفه الفيلم الهندي هذا من قبل
جنات ترجف وعصبت منه واعيونها ادموع : قصدك مش مصدقني
سفيان صبا : عطيني دليل واحد وأنا انصدق
جنات أتفكر وحست روحها عاجزة ...ماعندهاش دليل ..ابرمت وادموعها انزلوا : ماعنديش دليل سفيان
سفيان : كنت متاكد انه ماعندكش دليل
وبرم يبي يلبس التيشرت ...لكن جنات فكرت بسرعة ..وجت قربت منه : عندي دليل
سفيان برم شورها ورفع حاجبه : دليل شنو
جنات : دليلي امعايا
سفيان : وينه وريه ليا
جنات : مش هما قالوا أني تزوجت توفيق بس عشان انغطي على فضيحتي زي مايقولوا
سفيان بأهتمام : اامم
جنات : أنا مستعدة نثبتلك أني مازلت بنت وهما يكذبوا عليك
سفيان نزل التيشرت على الكرسي وقرب منها : كيف تبي تثبتيلي
جنات : مستعدة من بكرا نمشي لاي دكتورة تكشف عليا واتشوف كيف مازلت بنت
سفيان عض على فمه وضحك على جنب وقرب منها اكثر وهي اتوخر ...خافت منه ..لعند الصقت على الساس ..وسفيان لاصق فيها وحط يده وراء ظهرها وشدها ليه أكثر : وليش ناخذ فيك لدكتورة ..نقدر نعرف ابروحي اذا كنتي مازلتي بنت
جنات وجهها أحمر ..حطت ايديها على صدره ..وتبي ادفه لكن سفيان شدها أكثر ...وهي جمدت مش قدرة تبعده عنها ..او ممكن كانت ماتبيشي يبعد عنها
سفيان حط ايديه لاثنين وراء ظهرها وطبس عليها ..ايشم في ريحة شعرها ..نزل على خدها ..رقبتها ..ومع كل مرة ايشم عطرها ..ايزيد يقرب منها ..وهي خلاص داخت بين ايديه ..وسلمت نفسها ...وهو معاش قدر يمسك روحه عليها أكثر ..شد ايديه عليها اكثر ورفعها شوره ..وبدأ ايبوس في رقبتها ..وخدها ..وقرب همس من وذنها : جنة ..جنة
جنات مش قادرة اترد عليه وهو شد شعرها من لاوراء ...ونزل ايبوس فيها على فمها ...بس بشغف ايوازي كل الايام اللي كان امعاها ومش قادر ايمسها
رفع راسه وانفاسه عالية وجسمه يرجف وحط وجه على وجهها وغمض اعيونه : جنة ..نبيك ..نبيك نبي انموت عليك ..من اول يوم لامستك فيه ..وريحة عطرك ساكنة ومعشش في راسي
سفيان : جنة
جنات دايخة : همم
سفيان : أنتي نار مش جنة
ومشى بيها سفيان لعند السرير وهي بين ايديه ترجف ..نزلها على السرير ..ونزل عليها : نبيك مراتي الليلة
جنات ساكتة وسفيان نزل عليها و..
*******نهاية الحلقة #10
جنات : هذه من
وخشت جنات : احمم
سفيان متحركش وكمل يشرب في قهوته ..أما البنت التفتت على صوت جنات
جنات : صباح الخير
البنت : صباح النور
جنات منحرجة ومش عارفة هذه من ..وسفيان مش مدورها تعرف او لا
جنات : وو وين صالحة وملاك
البنت : مشوا يسلموا على ماما وخويا
جنات ابرمت ودارت روحها اتصب في مية : ننننن
البنت ردت تحكي مع سفيان وتضحك ..وسفيان قاعد يسمعلها ..وفايت جنات ...وهيا عصبت منهم
البنت مش سمحة واجد بس من النوعية المهتمة بروحها بزيادة ..اظافرها لابستها ..بنة عطرها القوية...وجها من كثر الاهتمام لعند يلمع ..ولا غلطة
جنات طلعت من المطبخ ومشت قمعزت على سفرة الفطور ..معصبة وحطت اعصابها في الخبز ...تأكل وتهزب ودايرة عركة بروحها
بعد شويا خشت صالحة ..من الجنان
صالحة : صباح الخير
جنات : صباح النور
صالحة بحتت فيها زين واستغربت ليش قالبة وجهها ..ومشت خشت للمطبخ ولعت الغاز على الشاهي
وجابت باقي الفطور اتحط فيه على الطاولة : جنات تعرفتي على نصراء
جنات : من ..اي نصراء
صالحة : نصراء أخت معتز ...اليوم هبة عازمة عربها ..وأنا كنت انسلم عليهم وعزمتهم على الفطور
جنات تمتم : كنتي خليتهم يسمسموا عندها
صالحة اتنظم في السفرة : شن قلتي ؟!!
جنات : مرحبا بيهم
ديما صاحبة واجب.......وتبي اتموت اعيونها على المطبخ صالحة : سلمتي
مع خشت ملاك : صباح الخير
جنات : اهلين
صالحة : ملاك ..جنات صبوا ساعدوني ..قبل ايجوا .هيا بسرعة
جنات صبت بلا نية : اوووفه
خشن للمطبخ بس سفيان ونصراء مش قاعدين ..شكلهم طالعين من باب المطبخ للجنان ...وجنات كانت اتجهز امعاهن وعقلها عند سفيان ...زعما وين وشن ايدير ..قاعدة مع نصراء ..باهي شن بينهم ...البنت كان واضح واخذا وضعها مع سفيان على لاخر
جنات اتنظم في السفرة وخش فخري : صباح الخير
جنات صباح النور
فخري مستعجل خذا خبزة وفتحها وبدأ ايدير في ساندويتش
جنات اتبحت فيه : قمعز أفطر أمعانا
فخري كمل وحط زيتون في فمه : لا مستعجل ..نبي نطلع ورايا شغل واجد ...وطلع
حطن باقي الفطور ..وخشت منى وهبة وأمعاهن مراة كبيرة اشويا ..وعيل ممكن في الاعدادي ..
هبة اتبحت في جنات : هذي مرات سفيان ..جنات
المراة سلمت عليها : اهلين كيف حالك ..مبروك ..جيت حضرت الفرح ..بس أكيد متذكرينيش
جنات : الله ايبارك فيك ...لا بصراحة كان زحمة ..مش مركزة
هبة : جنات ..هذي عمتي أم معتز ..وبنتها نصراء ..توا كانت هنا اكيد شفتيها ..وهذا حماي الصغير
جنات : اها ..اهلين بيهم
صالحة : هيا تعالوا تفضلوا قمعزوا
قمعزوا كلهم ...وجنات اعيونها على الباب وقلبها نار ..وين سفيان والبلا اللي امعاه
اشوي اخرى وخش سفيان ..ونصراء ..وهيا تضحك ...وجنات في بالها عليش تضحك ..حد علمي سفيان مايعرفش يضحك عشان ايضحك الناس
قمعز سفيان جنب جنات ..ونصراء رن فونها ..مشت تحكي ..
سفيان : وين معتز ...مالهش حس
هبة : معتز عنده شغل طلع بدري
سفيان : أمس ليش ماجاء ..مش طلبت منه ايجني
هبة : أمس روحنا متأخر من العيادة ..ولما سأل عليك كنت أنت طالع
سفيان : خليه ايجيني اليوم بعد ايروح
هبة بحتت في منى : إن شالله
سفيان مستغرب جنات ماطلعش صوتها بكل ...حرك رجله تحت الطاولة وخبط فيها
جنات : اااه ...وبحتت فيه
لكن هو على اساس مش فاطن ..وبدأ يشرب في شاهي
جنات تخزرت فيه وتبي تفطر بحتت مافيش طاسة ..كلهم يشربوا ..صبت
صالحة : وين ماشية خليك ..افطري
جنات : توا انجي ..انجيب طاسة للشاهي
صالحة : قمعزي توا اتجيب ملاك
جنات : لا والله خليها تفطر ..توا انجيب
صالحة شافت نصراء كملت مكالمة : جنات على طريقك جيبي حتى لنصراء ولا تصغري
جنات بحتت في نصراء وهي مخطمة : إن شالله
مشت جنات لعند المطبخ ..طلعت طاستين من الدولاب ..وهي في عقلها ..شن صارلي عليش معصبة ..وكان في شي بينهم ..أنا شن دخلني ...ينفلقوا
طلعت جنات وجت تبي اتقمعز في مكانها لاقت نصراء مقمعزة ..جنب سفيان ..ومقرب منه اتهدرز وتضحك
...والكرسي الفاضي كان جنب منى ..وأم نصراء .بعيد يعني جنات حطت الطاسة على الطاولة قدام نصراء ...ودمها يغلي ...وصالحة اتبحت في جنات ..وحست بيها عصبت ..لكن ماتبيش اتكلم قدام الضيوف
صالحة : تعالي قمعزي هنا
جنات في للحظة قررت أنها معاش تبي اتقمعز ...لانها عصبت بكل : لا ماعنديش نية ..تعرفي ..أفطور صحة
صالحة : معقولة ..تعالي كلي حتى اشويا
جنات برمت وتبي ترقى : لا والله أنحس في معدتي ناضت عليا ماعنديش نية ..أفطروا أنتم
سفيان بصوت جدي وحازم : جنة ...تعالي قمعزي وأفطري
جنات فاهمة نبرة صوته ..بس أنتن عارفات جنات ..أكيد تبي ادير اللي في رأسها
جنات رقت مع الدروج : ماعنديش نية ..مش بلغصب
ومشت لدارها ..خشت واخبطت الباب ..كانت معصبة من وقاحة نصراء ..شن تبي من سفيان راجل متزوج ..والا حتى هيا عارفة بالقصة اللي بينهم ..وتفكيرها هذا زاد عصبها
جنات قمعزت على سريرها وباب الدار انفتح ..وخش سفيان
جنات صبت وخافت من شكل سفيان كيف معصب واعيونه نار ...خش وقربع الباب
جنات امصبية وترجف
سفيان يقرب منها : لما انقول كلمة مرة أخرى ..المفروض تسمعيها وتنفذيها
جنات خايفة منه بس مستحيل تسكت : بس أنا مانشتغلش عندك
سفيان معصب قرب منها مرة وحدة وهي وخرت خلاص لاصقت في سريرها : ماحد قال أنك تشتغلي عندي ..لكن المفروض أنا زوجك وتحترميني قدام الناس
جنات قربت منه معصبة : وحتى أنا زوجتك المفروض تحترمني
سفيان لاصق فيها : ليش أنا شن درت
جنات توترت وحاولت اتوخر عنه بس مافيش وين تمشي وسفيان زاد قرب منها
سفيان : نسأل فيك ..شن درت
جنات بحتت فيه بتحدي وارفعت صوتها معصبة : أنت مادرت شي ..وهذه المشكلة سفيان ..البنت قاعدة اتلصق عليك قدامي . وأنت ساكت
سفيان كل ماتعصب وتعاند ..كل مايزيد ايموت منها أكثر ..واتزيد النار في قلبه
حط يده في شعرها من لاوراء وشدها نزلها على السرير وطبس عليها ..وقرب وجه من وجهها ..وهي ترجف من الصدمة : وأنتي ليش معصبة ..وشايطة منها ..شن مشكلتك
جنات : مش معصبة منها ..بس أنا المفروض زوجتك ..وهي مش محترمتني ..الا اذا كانت ..
سفيان : كانت شنو ؟!! كملي
جنات معاش تحملت قربه منها ..دفاته وصبت : كانت عارفة بقصة زواجنا كذبة
سفيان صبا : مافيش حد من برا العئلة عنده العلم بالقصة
جنات : شن عرفك ..يمكن منى او هبة حكولها
سفيان : مستحيل ..مافيش حد يقدر ايقول اي شي..متأكد
جنات : معناها هيا قليلة أدب .كيف ادير امعاك هكي وقدامي
سفيان عض على فمه عشان مايضحكش ..لان حس بيها اتغار عليه من نصراء : لا بس هيا هذا طبعها ..ونحنا تعودنا عليها
جنات تبي اتموت : حتى أنا هذا طبعي مانحبش حد يقلل من قيمتي ..وأذا هيا مش عارفة حدودها فلازم أنت اتحطلها احدود ..على الاقل قدامي
سفيان بكل برود : تمام ..من حقك
جنات :
ومشى فتح الباب : أغسلي وجهك عشان تهدي اشويا ..وأنزلي ..عيب عندنا ضيوف
وطلع وصكر الباب ..وجنات ماتت من بروده ..وكيف قاعد يلعب بعصابها
***********************
انردو قبلها بيوم
جلال : شن دار فيك عيسى يومتها
مودة ترجف : مافهمتش شن قصدك
جلال : ماتكذبيش عليا مودة ..أنا عارف أن في شي صار ..أحكي بروحك خير ما مانقلب أم الحوش هذا فوق رأسك وتحكي غصبا عنك
مودة ادف فيه : حول جلال ..أمي توا اتشوفنا
جلال زاد ضغط على يدها : أحكي مودة خيرلك .ماتخلينيش اندير شي نندم عليه بعدين
مودة عارفة أن جلال مش حيسكت الا بعد يعرف : باهي ..باهي توا نحكي لكن اوعدني تسمعني من غير ماتعصب
جلال : أحكي مودة كل ماطولي في الدوة أنا انزيد انعصب
مودة : اا أنا كلمتني جنات يومتها تسأل على اجديدة وطلبت مني نمش.....
وقعدت مودة تحكي لجلال شن صار يوم حاول عيسى يعتدي عليها ..وجلال يسمع فيها ومع كل كلمة ايزيد ايعصب ويحقد على عيسى
جلال : هذا بس ...متأكدة ماصار شي أكثر من هكي
مودة اتهز في رأسها واعيونها دمعوا : لا لا والله هذا اللي صار بالحرف
جلال خبط الباب برجله بالقوة وطلق السانه ايسب في عيسى : يا نع
بوه الفاسد ...ولد الحرام ...يحساب روحه راجل ..وربي انكسره وانوريه الرجولة كيف ...يحسابها سايبة الوفتح الباب وطلع ومودة تلحق فيه : جلال ..جلال فكني من المشاكل ارحم بيك وأمك مادير شي ...ياجلال اسمع وين ماشي ....أنت وعدتني
جلال طلع من الحوش وخبط الباب ...ومودة تندب وخايفة ..ايصير مشكلة وايجيبوا أسمها في القصة ويسمعوا هلها
وردت مودة جوا اتساعد في أمها وسليمة ..لكن عقلها عند جلال ...وبعد كملن روحن للحوش ...ومودة تتصل بجلال لكن مافيش رد
جلال طلع من الحوش ..وعدا لعيسى يشتغل في محل ..أمصبي فيه ايبيع ...وخش تعارك امعاه ومن كلمة لكلمة تعاركوا وتم ضرب وتكسير في المحل ...بس المرة هذه جلال هو اللي ضرب عيسى طريحة سمحة
******************************
جنات حاولت تهدأ ...وبعدها قررت تتصل بمودة
مودة : اهلين
جنات : كنك حتى أنتي جوك خارب على الصبح
مودة : جنات جلال عرف كل شي ومشى تعارك مع عيسى
جنات : اهيييي
وشن صار فيهمودة : مشى ضربه في المحل وتعاركوا عركة كبيرة
جنات : وجلال شن صار فيه ..امبارح حكيت امعاه ماقال شي
مودة : أكيد مايبيش ايخوفك ...لكن أنا خايفة ياجيجي
جنات : خلاص كان تبي اتصير حاجة راه صارت مادام متعاركين من أمس
مودة : جنات ..جلال محبوس هو وعيسى ..وأنا خايف يحكوا سبب العركة
جنات انفجعت : جلال محبوس
أمتى وكيف صار ..امبارح وهو قاعد ..شن في مودة مودة : صاحب المحل بلغ فيهم هو وعيسى عشان كسروا المحل ..والشرطة جت خذاته في الليل متأخر
جنات : يا نعليا ياخيي وأنت من قصة لقصة عليك بخت بختنا
مودة : امعاه تليفونه كان تبي تطمني عليه
غير أنا مابشايرد عليا
جنات : باهي صكري خليني نتصل بيه انشوفه
مودة : جنات عشان خاطري قوليله مايجيب سيرتي في المشكلة والله بوي يقتلني
جنات : ماتخافيش جلال مستحيل يحكي من غير ما انقوله ..بس أحسن خليه تلزمه عيسى الخنقة عجبني جلال عشان ضربه ...بالك ايحط حد للحقير هذا يحساب بنات الناس ارخاص ومافيش حد يوقفه عند حجم الطبيعي
مودة : باهي جنات بعد تتصلي بيه كلميني نطمن عليه
جنات : حاضر ..او كي
مودة : باي
وكلمت جلال رد عليها : الو
جنات : شخبارك جلال شن داير
جلال : تمام ..بخير
جنات : جلال خلاص فكنا من المشاكل والله تعبت أنا معاش عندي حيل ..أعصابي تعبت بكل
جلال قلب اعيونه بعصبية : حكتلك الفرخة مودة ..والله انوريها مازلت وراءها
جنات : لا جلال حرام عليك البنت ابروحها خايفة
جلال : خايفة من شنو ...ليش ماجت حكتلي على طول ..والا عجبها اللي داره عيسى
جنات : شن تخرط جلال ..البنت قبل ماتت من اللي صار ..لكن خافت هلها يعلموا ويضربوها
جلال : حتى أنتي والله انوريك اتخنسي امعاها ...ليش ماقلتيلي
جنات : غير اشقى بهمك وأنت تبي اتوري الناس كلها ..البنت كانت خايفة اتصير مشكلة بينك وبين عيسى ...وكان عندها حق
جلال : وربي غير فكوه من بين ايديا ..قبل نبي نقتله
جنات : بلا اهبال جلال تقتله ..شن تبي تستفيد ..ايركوك في الحبس طول عمرك على واحد مايسوى عفست رجلك
جلال : اصلا النوعية هذي ماتفهمش الا بالدق على الرأس ..عشان اتربى من جديد
جنات : باهي شن صار ..عليش حابسينك توا ..عيسى شكى عليك والا كيف
جلال : محبوس أنا وعيسى ..صاحب المحل بلغ فينا عشان حق التكسير والبضاعة في المحل
جنات : يعني مش عشان عركتك مع عيسى
جلال : لا ...صاحب المحل يبي تعويض
جنات : ومن وين تبي اتجيب فلوس
جلال : ماعنديش له فلوس ..لكن خالك أكيد توا يطلع ولده
جنات : وأنت ؟!!
جلال : ماتخافيش عليا ربي كريم
جنات : نجك ليا ..والله عقلي عندكم وامرايفة عليكم ..ياريتني نقدر انشوفك
جلال : جنات بالله ماتزيديها عليا ...أسكتي الله ايربحك ..مش اول مرة ننحبس
جنات تمسح في ادموعها : باهي خلي بالك من روحك ..وأنا توا انعاود نتصل بيك بعدين
جلال : تمام
جنات : جلال ...رد على مودة كان اتصلت بيك ..راهي خايفة عليك
جلال : فكيني من سريبها معصب منها ..وكان انشوفها أنتش شعرها هالفرخة
جنات ابتسمت وسط ادموعها ...وهي اتفكر هابا يا جلال لو تعلم حتى أنا عيسى شن كان امعايا قبل ما نتزوج
جنات : هدي أعصابك سلم خيي ..وماتنساش أن مودة خوافة اتخاف من زولها ..ماتلومش عليها
جلال : ايصير خير ..ماتبي شي ..خايف يكبسوني انكلم فيك ..التليفون امعايا بالسرقة
جنات : لا خلاص اوكي ...رد بالك من روحك ..وطمني عليك بس
جلال تنهد : إن شالله
صكرت جنات وصبت غسلت وجهها وتوضت للظهر ..وعدت شافت توفيق لاقاته امكمل فطوره ...عطاته دواءه ...وكان هادي نفس عادته في اخر فترة ...وجنات حست أنه طيب غير المرض مأثر فيه
******************************
بعد صلت الظهر جنات نزلت لوطى لكن سفيان مش قاعد ..واستغربت من نصراء وأمها مازالن قاعدت ...ايهدرزن في الصالة
...وجنات مشت وخشت على صالحة في المطبخ اطيب في غداء وحايسةجنات : انساعدك في حاجة
صالحة : ياريت والله ...على الاقل خير من ملاك اللي ملتهية مع نصراء وتهدرز
جنات ضحكت وبدأت تساعد فيها
صالحة طبعا حاولت اتغير على جنات بعد الكلام اللي سمعته من منى ..لكن مش عارفة ليش مش قادرة ..ممكن لانها حاسة بيها بنت طيبة
جنات : ليش مكثرة ..اتقول عازمة حد
صالحة : اها مسكتهم عشان ايتغدوا عندنا ...وهبة تبي ادير عشاء بعدين في حوشهم
جنات : صاحبة واجب بكل حسيتك ...ماشور شي ...ايسد الفطور
صالحة اتقطع في الخضرة ..وابتسمت كانت حاسة بغيرة جنات على سفيان من نصراء
طاب الغداء ...وكان الفطور بس على الطاولة ..وقت الغداء ..كل حد تغداء في مكان ...الرجالة ابروحهم ...والصبايا في مكان ثاني ...بعد الغداء هل معتز عدوا مع هبة ومنى للحوشهم ...وملاك وجنات ايحوسن مع صالحة في الحوش
سفيان بعد الغداء حكى مع فخري وهوا قاله نهيت الامور . والجوازت يومين ويكونن جاهزات ..وفخري طلع وعدا ...وسفيان كان برا خش للحوش يسمع في جنات اتهدرز وتضحك مع ملاك وصالحة في المطبخ ...ابتسم ورقى فوق ..مشى شاف سليم ..وبعدها خش ايريح في داره شويا
معتز طالع عشان يبي االسوق وطلعت وراءه هبة
هبة : معتز راك تنسى تمشي لسفيان بعد اتروح ايسد أمس توا ايشك فينا
معتز : تمام ..إن شالله خير
هبة : خليك على نفس الكلام الي اتقفنا عليه بس ..وإن شالله مافيش خوف
معتز تنهد وركب سيارته وطلع من المزرعة
**************************
مودة كلمت جلال كم مرة لكن هوا معصب ومايبيش ايرد عليها
مشت رنت على جنات وحكت امعاها واطمنت على جلال ..وجنات قالتلها اطمني جلال مستحيل ايسببلك في مشكلة مع هلك
قبل المغرب جنات كانت مدوشة وتمشط في شعرها امقمعزة في دارها وكانت منسجمة لان منى اليوم بعد الصبح معاش شافتها لاهية عند هل معتز
خشت عليها صالحة : خييير
جنات : اهلين
صالحة : مازلتي مالابستي
جنات : ليش ..عشان شنو
صالحة قمعزت جنبها على السرير : مش قتلك بدري معزومين عند هبة ..عندها عشاء
جنات قلبت اعيونها وتلف في شعرها : ساد اليوم عيت نصراء فطور وغداء ..عشاء اخرى واجد راه
صالحة ضحكت
: هيا عيب هبة عزمتنا ومايجيش نمشوا وانخلوك ابروحك...يابال صبايا اعمامي معزومات توا يسألوا عليكجنات تنهدت : حاضر عشان خاطرك بس
صالحة صبت : يجبر بخاطرك ...البسي وحطي مكياج حلو ..راكي مرات سفيان الشيباني ومازلتي عروس
جنات ابتسمت لصالحة وحست قلبها نغزها ..لان كلمة مرات سفيان وجعتها لان زواج غير أنتقام ...سفيان معتبرها سبب مرض ولد عمه ...وهيا عايشة امعاه في نار
لابست جنات احلى حاجة عندها وحطت مكياج حلو ..واول مرة اتثقل مكياجها ممكن عشان تقهر نصراء ...وبخت عطرها ..وافتحت الدولاب عشان اطلع عباتها انفتح الباب وخش سفيان
جنات بحتت فيه طالع ايجنن ..لابس تيشرت اسود وسروال جينز ازرق وجاكة سوداء ..وساعة اتهبل ..وبنة عطره اللي اتحبه جنات واتحس قلبها ايدق بسرعة اول ما تشمه
سفيان واقف على الباب : تبي تمشي
جنات طلعت العباية وصكرت الدولاب : إن شالله
سفيان : مافيش راجل تسأليه قبل ...مرات مانبيكش تطلعي
جنات عزقت عباتها على السرير : ماتبينيش نمشي عادي نقعد ..مانيش ميتة على شوفت نصراء والقعدة امعاها
سفيان ابتسم ويبي يحكي مع خشت ملاك بسرعة اخبطت فيه وهي خاشة : اهي اسفة شيباني مانشوفش فيك
خشت وبحتت في جنات : حي نجك ليا اتهبلي ...طالعة اتجنني جنات
جنات انحرجت لان سفيان يسمع فيها : نجك ليا ..حتى أنتي اتهبلي
سفيان سمع كلمة ملاك وتمنى ايشوفها ...ميت عليها خلاص خاطره ايشوف وجهها
ملاك مدت يدها لجنات : جيجي ...صكريلي السوارة هذه ماعرفتش كيف
جنات طبست رأسها اتصكر فيها ..وسفيان تكلم : أنا نازل ..لما تمشوا قولولي
جنات ساكتة وملاك ردت : حاضر
طلع سفيان وجنات لابست عباتها ونزلت مع ملاك لوطى ..لاقن صالحة تستنى فيهن ...عدن مع بعضهن للحوش هبة ومنى في اخر المزرعة
سفيان بعد نزل ..جاءه معتز
سفيان : قمعز
معتز قمعز وهو متوتر : قالولي دزيت عليا
سفيان قمعز : من أمس قتلك نبيك
معتز : اها أمس طولت ماجيت ولما سالت عليك قالوا طلع
سفيان يبرم في ساعته في يده : هات أحكيلي ...شن درتوا في السنة اللي غبتوا فيها برا بنغازي
معتز زمط : شن نحكي ...عادي زي ماتعرف من منى وهبة
سفيان صبا معصب وزق الكرسي اللي كان مقمعز عليه : مانعرفش شي ...شوف أنا ليا كم شهر ساكتلك ..لاني مش فاضي كنت مركز في توفيق ومرضه ومشاكله ...لكن خاطري نعرف كيف طلعتوا من بنغازي وعليش
معتز صبا خايف : مافي شي ...نفس ماقالتلك منى ...توفيق صكر راسه يبي ايعدي لدرنة ..ومنى حاولت تمنعه لكن هوا شي عناد
سفيان : وأنت شنو مانكش راجل ..تجري في جرت صبايا وخلاص ..ليش ماجيت وحكيت امعايا
معتز : سفيان الجو كان متوتر مع بنات عمك ...ونحن طلعنا من المزرعة بعد عركتك مع منى ..ولما جينا نبوا نمشوا للدرنة ...منى قالت مانبيش حد يعلم
سفيان امسكه من دبشه : وأنت طبعا ذيل الصبايا ...حتى هلك مايعرفوا وين مشيتوا ...سألناهم وقالوا مانعرفوش
معتز ايفك في ايدين سفيان وخايف : وسع بالك شيباني ..حتى هلي والله ماكان عندهم علم بمشيتي لدرنة الا بعد شهر لما استقريت كلمتهم
سفيان دفه : تعرف نكره أم الراجل اللي ماعنداش شخصية ويتبع في كلام عيت حنة وخلاص ...هذا عليش مانيش لايم عليك
معتز ايحك في وجه منحرج : ماتبي مني شي اخرى
سفيان ضحك بهزوا : شن نبي منك
...اصلا واضح محفظاتك الدرس اكويس وأنت ماتعرف رأسك من رجليك ...لكن وديني ومانعبد يامعتز ..اتعاودها مرة اخرى وتمشي في جرت عيت حنة ...المزرعة هذه معاش تحلم اتخشها اخرى معتز زمط وطلع بسرعة : إن شالله ..اوكي عندي ضيوف
طلع ورد خايف : سس سفيان بيش اتجي للعشاء
سفيان تنهد بعصبية
ومعتز طلع يجري وصلن للحوش خشن الحوش معبى هل معتز واعمام سفيان اللي يسكنوا امعاهم ..سلمنا وقمعزن ...وطبعا نفس العادة الانظار كانن على جنات لانها مازلت عروس جديدة عليهم ..وهذه اول مرة ايشوفوها بعد عشاء الحفلة اللي بعد الفرح
كان عشاء عادي ...لكن جنات تضايقت من نظرات منى لها ..كل ما اتخش او تطلع ...بعد العشاء جنات صبت تبي الحمام تغسل ..افتحت باب تحسابه الحمام ..لاقاتها دار ...بس لافت نظرها غطاء السرير والدبش ...وتذكرت دار توفيق في الحوش اللي في درنة ..وعرفت أن هذه دار توفيق هنا
صكرتها بسرعة وهي خايفة لانها تذكرت ايام رعب تبي تنساهن باي شكل
بعد العشاء روحوا للفيلا ..وكل حد خش لداره ...مافيش جديد ...بس جنات كلمت جلال تطمن عليه ...وكلمت مودة تسأل على سليمة ..ومودة قالتلها اكويسة ..أمي كانت عندها بعد العشاء ..صاح زعلانة على جلال لكن صحتها تمام
ثاني يوم ناضت جنات ...مافيش جديد يوم عادي نفس الروتين ..فطرت امعاهم لكن سفيان وفخري مش قاعدين ..ومشت عشان اتشوف توفيق
خال جنات عبدالعليم دفع للفلوس لصاحب المحل وطلع عيسى ...لكن جلال مازال محبوس
طبعا جلال ماحكى شي ...وقال متعارك امعاه وعدوا اسالوه ليش ...وعيسى مستحيل يحكي السبب أكيد لبوه وعمه ...قاللهم ايدور عندي في الحس وخلاص
عدا اليوم عادي لعند العشاء مقمعزين ياكلوا ...وسفيان يحكي مع صالحة
سفيان : بعد يومين ماشي أنا وفخري لتونس
صالحة : صاح ...عشان شنو ؟؟!!
جنات تأكل وحست قلبها طاح ...لان سفيان برغم قسوته امعاها كانت حاسة أن هوا اللي يقدر يحميها من منى وبطشها ...وفكرة أن سفيان يسافر ويسيبها ابروحها خوفتها
سفيان : عندي مراجعة عشان اعيوني ...وانشوف امتى ممكن اندير عملية
فخري يأكل ويبحت في سفيان ...وعرفه مايبيش ايقول عندي عملية عشان ماينشغلوا عليه
صالحة : تبي اطول غادي
سفيان : مش عارف على حسب الجو ...بس نبي انوصيك على سليم ..ردي بالك منه وخليك ديما جنبه
صالحة : تمشي واتجي طيب ...وسليم في اعيوني ماتشيلش همه بكل
سفيان : عارف وأنا مستحيل كنت انسيبه ابروحه لو مش متأكد منك تهتمي بيه
صالحة ابتسمت : مهما اندير مانقدرش انرد شي من جمايلك أنت وعمي أمعانا
سفيان سكت ورد يأكل ..وجنات معاش عندها نية تأكل ولما بحتت في منى لاقتها اتبحت فيها بنظرة اتخوف
..خافت وصبت : الحمدالله صالحة : قمعزي وكملي ...ماكليتي شي
جنات : لا خلاص شبعت الحمدالله ..سفرة دائمة ورقت بسرعة
خشت لدارها وهي ترجف ..هل كانت ترجف من الخوف من منى بس ..والا كان في سبب ثاني ...أكيد مش بس هك ...جنات مش قادرة اتخيل الحوش من غير سفيان تعودت عليه وعلى عصبيته وكلامه ..حتى على حنيته اللي مغلفة بقسوة مزيفة
طولت وهي تفكر ومتحملة ...وبعدها معاش قدرت قعدت تبكي
وهي مش فاهمة ليش تبكي************************
جلال مال من الحبس وقاعد ايدخن ..ورنت عليه مودة وقرر ايرد عليها
مودة : الو جلال وأخيرأً رديت عليا
جلال جبد من السبسي : نعم شن تبي
مودة : نبي نطمن عليك ...جلال ليش درت هكي
جلال : تسألي فيا ليش درت هكي ...تي باهي ما قتلته ولد الكلب ..وربي مازلت وراءه
مودة : لا جلال خلاص فكنا ...اجديدة بدري قالت كلمت خالك عبدالله عشان يمشي لصاحب المحل بالك يقدروا يقنعوه يتنازل ...نبيك تطلع بسرعة
جلال : أنتي ادعي ربك مايطلعونيش لاني كان طلعت نبي نقتلك ...وحق ربي انشعفك عليه الكذب
مودة :
جلال : أحكي كنك سكتي
مودة تمت تبكي : لا والله لا ورأس جلال ماقصدي نكذب عليك ..لكن كنت خايفة ..والله قريب متت من الخوف جلال
جلال سكت ومعصب :
مودة تشهق : جلال
جلال خذا جبدة ونت فيها : ها كنك
مودة : جلال سامحني والله مش قصدي نخبي عليك لكن اا...
جلال : خلاص بطلي بكاء ...عليش اتفقفقي توا
مودة : خايفة منك
جلال مش عارف ليش حس روحه يبي يضحك عليها ..لكن مسك روحه عشان الهيبة متاعه
جلال : خليك خايفة ..أحسن لاني مازلت وراءك
مودة : باهي خلاص حرام عليك
جلال : اوكي توا ..نبي نرقد
مودة عارفته يكذب لكن ماتبيش اتنرفز أكثر : باهي تصبح على خير ورد بالك من روحك
جلال : ماعندك عليش اتحايلي عليا وربي امغير انشوفك انتش شعرك يافرخة
مودة ضحكت : باهي غير اطلع قبل
جلال : أضحكي توا ...لكن توا اتشوفي
مودة صكرت ...وجلال اتكى على فراشه في الحبس ايفكر ..وصورة مودة قدام اعيونه ...بس هو كان ايفكر ان هو خاف عليها لانها نفس جنات أخته بس
***************************
جنات تقلبت واجد في سريرها ورقدت وهيا خايفة من قصة سفر سفيان...لعند خش عليها سفيان ..قمعزت في سريرها
جنات : شن في
سفيان خش ويلمس بعصاه لعند وصل السرير قمعز : اسمعي نوضي وتي شنطتك
جنات اعيونها طلعوا : ليش
سفيان : بكرا نبوا نطلعوا امشرق عشان انسافروا من مطار لابرق ..بعد بكرا
جنات مازلت مش قادرة اتصدق : وأنا شن دخلني
سفيان : جنة فكيني من كثرة الدوا ...وصبي وتي شنطتك عشان نبي ناخذك امعايا
جنات حطت ايدها على فمها واحمدت ربها أن سفيان مايقدرش ايشوف وجهها توا ..لان واضح كيف فرحت بالخبر
جنات تحاول تصنع انها عادية : ييعني قصدك بنسافر امعاك لتونس
سفيان صبا : املا بنخليك ونمشي
جنات : وليش
سفيان برم شورها : لان ماعنديش فيك ثقة ..ومانتريح انخليك مع عائلتي ونمشي
جنات انقهرت منه : خاف من عائلتك عليا قبل
سفيان : نوضي وتي روحك بسرعة ..وبلا دوا زايدة بكرا طالعين بعد الفطور على طول
وطلع سفيان وصكر الباب وهي مش مصدقة ..صاح وجعها كلامه ...بس ألاهم انها ماشية امعاه ...وصبت بسرعة ولعت الضي طلعت شنطتها وبدأت اتفكر شن اتحط فيها ...وأخترت انها اتحط قطعة من كل دبشها احتياط ..ماحد عارف شن ممكن ايصير غادي
وتت جنات روحها ...وخشت سريرها ..وطبعا ماقدرت ترقد لعند الصبح من التفكير في سفيان وكل شي صار امعاها
أما سفيان مشى ورقد جنب سليم على سريره لعند الصبح
ثاني يوم الصبح لابست جنات وانزلت بشنطتها وكانوا كلهم على سفرة الفطور
جنات : صباح الخير
كلهم ايبحتوا فيها مستغربين الا فخري طبعا كان عارف
صالحة : صباح النور ...وين ماشية إن شالله خير
جنات تبي تحكي قاطعها سفيان : ماشية امعانا امشرق أنا وفخري
ملاك بخوف : تبي اتوديها لاهلها
سفيان : لا ..جنة ماشية امعايا لتونس
منى اتبحت في جنات وتبي اتموت : كيييف
سفيان : مافيهاش كيف ..كيف ماسمعتي
منى صبت : وتوفيق
سفيان زق الكرسي وصبا : مش مراته بالساعة هيا ...خوك تقدري تهتمي بيه لعند انروحوا
جنات :
منى خبطت ايديها على الطاولة بعصبية ورقت فوق
..وفخري بحت في جنات وضحك وجنات ابتسمت..ومش عارف ليش فرحلها ..بس ديما ايحب ايصبي في صف جنات صالحة : تبوا تمشوا توا ...مش طائراتك بكرا
سفيان : نمشوا اليوم أفضل ...سفر مرتين في نفس اليوم تعب
صالحة : وليش ماحجزت من بنغازي ليش ماشي امشرق
سفيان بعصبية : خلاااص اسئلة ...جنة افطري بسرعة ..وطلعي علينا برا
فخري طبس يضحك كان عارف لشنو مخطط سفيان ..وصبا لاحقه للسيارة
جنات قمعزت افطرت بسرعة ..وسلمت على صالحة وملاك واطلعت اركبت امعاهم في السيارة
ركبوا وطلعوا ومافيش اي احداث طول الطريق ...بس جنات كانت اتفكر وين يبوا يقعدوا لعند بكرا ....والجواب كان لما سيارة فخري طلعت من لابرق متجهة لمدينة درنة ...وجنات اعيونها طلعوا ..تبي تسأل وخايفة من الجواب ...لكن نظرة فخري في مراية السيارة طمنتها ان اللي قاعدة اتفكر فيه صاح
خشوا لدرنة بعد الغداء بواجد ...وفخري مشى بيهم لعند حوش اجديدتها و وقف ..جنات على طول انزلت طايرة حتى ماراجت سفيان ايقول شي ...وفخري قاعد يضحك
...اما سفيان كان ميت في حركاتها ...وروح الطفلة اللي ساكنتها نزلت جنات وطقت على الباب افتحت سليمة وجنات ضمتها وقعدت تبكي
امرايفة عليهاوبعدها نزل سفيان وفخري وخشوا للمربوعة بعد ماسلموا عليها ...واول مرة جنات اتحس انها متزوجة وجاية لاهلها زيارة حتى وأن كان زواج مزيف
بدون تفاصيل جنات كلمت مودة وكانن مرايفات على بعضهن هدرزن واجد وبكن وضحكن ..جميع المشاعر ...وأخيرأ جنات حكت لمودة عليش امسافرين لتونس ومودة انصدمت ماكنتش عارفة أن سفيان اعمى ...بس جنات حاولت اتلم الموضوع من غير ماتشرح لمودة شن صار بالضبط
عدا اليوم وجنات امقمعزة وسط سليمة ومودة قبل ماتعدي للحوشهم في الليل ...تعشوا بعدها وطاحوا رقدوا من التعب بدري
ثاني يوم الصبح ناضوا فطروا ...وجنات كان خاطرها اتشوف جلال لكن مازال محبوس
بعد الفطور جنات رنت على مودة عشان اتجي اتسلم قبل تمشي ...وبعدها طلع سفيان وفخري وركبوا السيارة ومودة قرصت جنات
جنات : اااه ياباردة
مودة : تستاهلي ياحنة ...من وين حصلتي هالكيكة
جنات بحتت في سفيان راكب في السيارة وابتسمت : هوا اللي حصلني
مودة : اااها عليك ثقة ...عشان اعمى مثلا...وحق ربي ايهبل ...انحصل واحد كيفه مش مشكلة عادي
جنات ضربتها على كتفها وضمتها تضحك ..وفخري يستعجل فيها بكلاكس السيارة ..واطلعت ركبت
********************************
#تسريع_للاحداث
وصلوا الفندق في تونس ...وكان فخري حاجز دار وحدة لسفيان وجنات
رقت جنات للدار وسفيان قرب من فخري : ليش دار وحدة مش قتلك احجز دارين جنب بعض
فخري : مافيش ..وقت صيف وزحمة ..القيت دار وحدة
سفيان : كنت شفت فندق اخر
فخري : وليش الفندق قريب من المستشفى..الدار خليها لجنات ونحن نمشوا انشوف شقة مع شباب من ليبيا قريب من هنا
سفيان بعصبية : تبيني انسيبها ابروحها هنا
فخري : خلاص خليك امعاها وانا نمشي مع الشباب
سفيان : هذا الي يبي ايصير اصلا
فخري : تمام
وهذا اللي كان يبيه فخري اصلا
اول يوم عدا ..وفي الليل سفيان رقد على الكنبة وجنات في السرير حكت مع مودة وطمنتها لعند كمل الرصيد وهي تحكي ...ومن التعب رقدوا على طول بعدها
اليوم الثاني بعد الفطور ...سفيان طلع مع فخري للمستسفى عشان يبدوا في اجرأءت الدخول والكشف
أما جنات ناضت فطرت وقعدت ترجى فيهم ...بعد الغداء ومازالوا ماجاواء ...وجنات حست باللية في بطنها وظهرها ..صبت خشت للحمام ...وانصدمت ..جتها الدورة ومش وقتها بكل ...بس ممكن من الضغط النفسي اخر ايام ...المهم جنات مش عابية عليها ...حاولت تتصل بسفيان
بس ماعندهاش رصيد ...فتشت شنطة سفيان لاقت فلوس تونسيات .. لابست وانزلت ...في محلات قريبة من الفندق
سفيان روح للفندق مالاقاش جنات شاطت فيه النار ..ونزل لفخري تحت وقعدوا ايدورو فيها ...بعد اشويا جت جنات وسفيان كان معصب ...مسكها من ذرعها ورقى بيها فوق وفخري لاحقهم
سفيان فتح الباب ودفها جوا : وين كنتي نقدر نفهم
جنات : بالشويا كنك ...كنت نشري
سفيان قرب منها بعصبية : شن تشري ...ماتخلينيش ننفصل عليك ...جنة ..وين كنتي
فخري امصبي برا ويسمع
جنات عزقت فيه كيس الالويز : كنت نشري في هذا ...وأنت ماعندكش فيا ثقة ليش جبتني امعاك هنا
سفيان تلمس الكيس وعزقه على السرير : ماعنديش فيك ثقة لانك ديما تكذبي ....لانك
جنات تبكي : خلاص سفيان خلاص ..وربي تعبت ..تعبت من هالعيشة ...ارحمني والله تعبت
سفيان زاد تعصب لانها تبكي ...يضعف لما يسمع بكاها
سفيان قرب منها ومسكها من ذراعها : ليش ما اتصلتي بيا ..ليش
جنات اتخبط فيه بيديها على صدره : ماعنديش رصيد كمل امبارح ...سفيان طلقني طلقني ..تعبت منك تعبت
سفيان زمط ريقه بالغصب ..وشدها لحضنه عشان تهدا : اششش خلاص ...خلاص
جنات بكت في حضنه وهو ضمها اول مرة من يوم عرفها
سكتت جنات وسفيان وخرها عنه اشويا ...ومسحت دمعتها ..وقبل اتقول اي شي ..طلع وسيبها
جنات غسلت وغيرت وقمعزت في السرير اتفكر ليش ايصير امعاهم هك
عدا اليوم وسفيان برا ...ماجاءش الا في اليل ...وجنات راقدة ...خش ورقد
الصبح جنات مقمعزة بعد مافطرت هي وسفيان بدون اي كلام ...وبعد طلعت سفيان بربع ساعة ..جاءها فخري ودق عليها الباب
جنات فتحت : نعم
فخري : شن اخبارك
جنات استغربت جيته : تمام ...في شي
فخري قرب منها : جنات اسمعي نبي نقولك ياريت اتحملي سفيان اشويا اليومين هذين لانه عصبي ازيادة
جنات : ليش شن السبب
فخري : سفيان عنده عملية على اعيونه بعد يومين واعصابه على نار ...خايف مايصير شي من العملية
جنات : صاح
وليش ماقلتوا من قبل فخري : أنتي عارفة سفيان وطبعه مايحبش ايخلي حد منشغل عليه ..وخايف مايصير شي من العملية مايبيش هله ايتأملوا على الفاضي
جنات : باهي اللي قتلي ...وأنت خلك جنبه ورد بالك منه
فخري : شيباني خويا ..من غير ماتوصي
جنات : شكرأ فخري بجد ...شكرا
فخري : العفو ...خلي الموضوع سر بينا ..تمام
جنات ابتسمت : تمام
فخري : اوكي نمشي قبل يفقدني
نزل فخري ...وجنات خشت وقعدت اتفكر في حالة سفيان وقررت ..اتحمله واتحمل عصبيته لعند ايدير العملية
بعد ثلاث ايام مازال يوم وسفيان يدخل للمستشفى ...كان طالع مع فخري ...وجنات ابروحها في الفندق بعد العشاء ...دارت حمام جنابة ...والبست بيجاما ..ومقمعزة على المراية اتحط في كريم على وجهها وايديها ...مع جيت سفيان خش وصكر الباب ...وعلى طول شم بنة عطرها مخلطة بريحة الشامبو
خش متوتر ..: سلام
جنات : اهلين
سفيان حول جاكته وعزقه على الكنبة ...خش الحمام ادوش وطلع ..في سروال بيجاما أسود بس
قمعز على الكنبة ..وجنات اعيونها عليه ...واتقول الحمدالله انه مايشوفش فيها كيف اتبحت فيه ..خلاص مش قادرة اتحبه
جنات ابرمت وصبت : سفيان نبي نحكي امعاك
سفيان عض على فمه وهز راسه يسال فيها بعيونه : شنو
جنات تنهدت : سفيان ننن نبي نحكيلك كل شي صار
سفيان رفع حاجبه : شن قصدك
جنات ترجف : كل شي صار سفيان من اول ماعرفت منى وتوفيق
سفيان حط رجل على رجل : أحكي نسمع فيك
جنات استغربت انه هادي وقرر يسمعلها ...تهندت وبدأت تحكي
سفيان قاعد يسمع فيها ...والصدمة كانت على ملامح وجه ...بس ساكت
جنات : وهذا اللي صار
سفيان ضحك على جنب : وين شايفه الفيلم الهندي هذا من قبل
جنات ترجف وعصبت منه واعيونها ادموع : قصدك مش مصدقني
سفيان صبا : عطيني دليل واحد وأنا انصدق
جنات أتفكر وحست روحها عاجزة ...ماعندهاش دليل ..ابرمت وادموعها انزلوا : ماعنديش دليل سفيان
سفيان : كنت متاكد انه ماعندكش دليل
وبرم يبي يلبس التيشرت ...لكن جنات فكرت بسرعة ..وجت قربت منه : عندي دليل
سفيان برم شورها ورفع حاجبه : دليل شنو
جنات : دليلي امعايا
سفيان : وينه وريه ليا
جنات : مش هما قالوا أني تزوجت توفيق بس عشان انغطي على فضيحتي زي مايقولوا
سفيان بأهتمام : اامم
جنات : أنا مستعدة نثبتلك أني مازلت بنت وهما يكذبوا عليك
سفيان نزل التيشرت على الكرسي وقرب منها : كيف تبي تثبتيلي
جنات : مستعدة من بكرا نمشي لاي دكتورة تكشف عليا واتشوف كيف مازلت بنت
سفيان عض على فمه وضحك على جنب وقرب منها اكثر وهي اتوخر ...خافت منه ..لعند الصقت على الساس ..وسفيان لاصق فيها وحط يده وراء ظهرها وشدها ليه أكثر : وليش ناخذ فيك لدكتورة ..نقدر نعرف ابروحي اذا كنتي مازلتي بنت
جنات وجهها أحمر ..حطت ايديها على صدره ..وتبي ادفه لكن سفيان شدها أكثر ...وهي جمدت مش قدرة تبعده عنها ..او ممكن كانت ماتبيشي يبعد عنها
سفيان حط ايديه لاثنين وراء ظهرها وطبس عليها ..ايشم في ريحة شعرها ..نزل على خدها ..رقبتها ..ومع كل مرة ايشم عطرها ..ايزيد يقرب منها ..وهي خلاص داخت بين ايديه ..وسلمت نفسها ...وهو معاش قدر يمسك روحه عليها أكثر ..شد ايديه عليها اكثر ورفعها شوره ..وبدأ ايبوس في رقبتها ..وخدها ..وقرب همس من وذنها : جنة ..جنة
جنات مش قادرة اترد عليه وهو شد شعرها من لاوراء ...ونزل ايبوس فيها على فمها ...بس بشغف ايوازي كل الايام اللي كان امعاها ومش قادر ايمسها
رفع راسه وانفاسه عالية وجسمه يرجف وحط وجه على وجهها وغمض اعيونه : جنة ..نبيك ..نبيك نبي انموت عليك ..من اول يوم لامستك فيه ..وريحة عطرك ساكنة ومعشش في راسي
سفيان : جنة
جنات دايخة : همم
سفيان : أنتي نار مش جنة
ومشى بيها سفيان لعند السرير وهي بين ايديه ترجف ..نزلها على السرير ..ونزل عليها : نبيك مراتي الليلة
جنات ساكتة وسفيان نزل عليها و..
*******نهاية الحلقة #10
