رواية عشق الثأر الفصل العاشر 10 بقلم مينة طلال

رواية عشق الثأر الفصل العاشر 10 بقلم مينة طلال

( وانت اخر نفس وشكد عزيز تصير ..)

_________________

دموع..

- شـَڪد مااوصف شعوري هسه مااعرف اوصفة هل هوة زعل ضياع قهر ؟... مااعرف الي اعرفة جانت عمة اخر شي من ريحة اهلنا وراحت..

شـَڪد جنت احجي عليها وامقتها بس لو ارجع للماضي هية جانت ويانة بهواي مواقف وهوة ضلت ويانة بلاخير كل انساجانب زين وموزين .. لهسه اذكر من ماتت بيبي وجانت تحطني بحضنها حتى لااخاف وتخلي اسحاق بظهرها..

من جانو بيت عمامي يمنعون عنها المصرف جانت عدها ذهب هواي بزمن جدي كل مانحتاج موسم غراض تبيع شغلة وتسوك وتجيب كلشي لحد مكبرنا وشغلتنا..

صح جانت قاسية بس يمكن هيه هيج او طبعها هيج بس جانت من ابوية شكلها حجيها تصرفاتها ...

كاعدة بفاتحتها كل نسوان عمامي وبناتهم اجو واني مااذكر منهم بس الملامح الناس الها الظاهر ومن شافوهن يتحركن بالبيت عبالهم ماعايفينة ..

الحجي اشكال والجذب بلاش اسمع منا اطلع منا كمت لغرفتة وذكرت اخر شي وهية مقهورة من حجت وياي ونامت ... جانت نومتها الاخيرة ماكعدت وراها ..

كعدت على جربايتها اذكر كلشي عشنا سوة خاصتاً بعد وفاة جدي ..

________ الماضي ______

- بعد اسبوعين من بقاء ابوية بالمستشفى خابرو عمامي عمتي واحنا جنا كاعدين بغرفة بيبي اني وعمة وبيبي جنت العب باللعابة الحياكة الجانت مسويتها بيبي الي جان اصرخ عمة ...

كفاح : يبووووووي يازيد ياخوية ...

رفعت راسي ابوعلها مستغربة جانو كلهم لابسين اسود على جدي بيبي وكفت تكللها ها وعمة نهارت تلطم وتصرخ راح اخوي

طفلة بعمري امها عايفتها وجدها مات كدامها وابوها شافتة خارك بدمها مجان صعب عليها تستوعب ابوها مات...

انعادت نفس تفاصيل فاتحة جدي لطم وناس وهوسة بس الي ستوقفني حجي الناس الي بدة يطلع زيد نكتل زيد كتلو مرات يكولون هوة وابو متقصدين كتلوهم..

لحد ما يوم اسمع عمامي بالمطبخ يرزلون عمي غايب

جاسم : هسه هية اخلاص شنو وتدنة نفسك عليها ؟ لك من وراك كتلنا اخونا وابونا

قادر : ورطتوني واني كتلكم معلية ورطتوني الله لا يوفقكم ..

غايب : ديلا لاتستشرفون وتشمروها كلها براسي .. جا انتو بس سمعتو بالورث والاملاك نسيتو كلشي ..

جاسم. : هسه شلون ابنة مجاي يسكت خاف يفضحنا بدة يطلع حجي ليوم مرتي كالت صدك كتلو زيد ..

قادر : يالله يالله

غايب : اش اسكتو اني ..

جاي يحجي وكعت الصينية ندارو كلهم عليه وكف كلبي من الخوف تلعثمت ماعرفت شسوي واطلع روحــي من هل موقف اتقربو مني وغايب كعد بطولي

غايب : عمي شسوين هنا

مسح على شعري وفاتح عيونة واني كمت ارجف بلكوة حجيت : اشرب مي

لزم ايدي وكال : شربي مي وروحي ولاشفتينا ولاشفناج احسلج خوش؟

قوة لزمتة بيدي نزلت دموعي واني اكلة خوش

كرص خدي بقوة اخذت مي ورحت ركض حضنت بيبي وهيه تسمي علية

شكران : شـَڪو بنيتي اسم الله الزهرة ام الحسن

كفاح : خاف خافت لان وحدها راحت مو كتلج اني اروح

- شمدريني يمة لاتخافين بنيتي احنا يمج ماكو شي

هزيت راسي واني بحضنها واذكر كل حجيهم كلمة كلمة ..

فززتني صباح بنت عمي قادر هيه ودك الباب

صباح : عادي افوت؟

- فوتي عيني

طبت وكعدت يمي

- صلي على نبي دموع هذا بجيج مو زين عليها ادعيلها اقريلها قران هم ترتاحين وهم هيه ترتاح..

- صباح انتي ماعايشة شعور الماعندة اهل .. جانت كفاح اشوفها ابوية رغم كل عيوبها جانت من ريحة اهلي الباقين وراحت..

صباح : الله يرحمها كلنا يمج لاتخافين شتحتاجين بس كولي..

مسحت على ايدها : ماتقصرين تسلمين..

دنكت ساكتة نوب باوعتلي عبالك بحلها حجي سكتت شوية واني اباوع بالغرفة اذكر كل سنة عشناها الليالي الي نمتها هنا يمها كالت صباح : دموع اسحاق شنو يشتغل ؟ ...

________

اسحاق ...

من شفت منظر سليم ممَاެدࢪي شلون تمالك روحــي وكبل شكيت قميصة حطيت اذاني على صدرة بس حسيت بي نبض حطيتة على ظهري ومشيت بي للشارع ..

من خوفي علية مافكرت بشي لافكرت بشكله ولافكرت شلون اشيلة كلشي سويتة واني خارج سيطرة عقلي الي اعرفة اريدة يعيش اخوية هذا مااخلي يموت هيج

فتحت السيارة وبالكوة شلتة ورة وسقت بسرعة اكثر من مرة جان نكلبت ضليت حاير مااندل اقرب مستشفى وبس شفت شاب لزمتة

- خوية فدوة اقرب مستشفى اخوية راح يموت

الولد بس شاف وضعي صعد وياي يدليني منين ميكلي فوت افوت مافكرت للحظة وحدة اجذبة طبينا بالفرع وجان نصير كدام مستشفى الاعظمية خطية الولد شال سليم وياي وركضنا بس شافونة الممرضي اخذو بسدية وركض الدكتور ..

- انتحار ؟

- اي دكتور بس بي نبض ابوس ايدك ساعدة

- راح نسوي الازم لاتخاف يحتاج دم اكيد تعرف دمة ؟

- Ab + اني اتبرعلة دكتور ...

____________ ____________

مُروج ..

سديت التليفون وكمت بنشاط مرتاحة من يوم عرفت عمي مالة دخل بموت اهلي رتاحت نفسيتي وتغيرت هواي بقى بس شغل عمي المضوجني دزيت رسالة لخوالي فهمتهم كلشي وخبرتهم مراح اجي ...

لبست فستان جوزي ورتبت شعري نزلت اتريك ويا عمي كعدنا نامل بهدوء من شفتة راح يخلص كلتله ..

- عمو ممكن اطلب طلب

قاسم : لا

- استغرب وكبل تحسست ماكدرت احجي رفع راسة وكال : انتي ما تطلبين انتي تأمرين..

وكعت دمعتي وركضت كمت من مكاني حضنتة وهوة يبوس بيدي

قاسم : شتريد بنيتي الحلوة

- ممكن اطلع ضايجة حتى لو بس افتر

- ميخالف بس وياج الحرس لان اخاف عليج

- ماشي

- مو شردين منهم

- لا ولله مااشرد

- ضحك وخابر سليم اني كيفت مدام خابرة ماكو داعي اشرد اتفق ويا ياخذني بعد ساعة بستة وصعدت لبست بنطرون وبدي شتائي ونزلت كعدنا اني وعمي شوية واجة الحارس كال وصل سليم ..

سلمت علية وعائشة حضنتني ونزلت

ركبت ورا سلم علية وطلعنا من منطقتنا بس طلعنا كلتله ..

- ضل بالي شنو الموضوع ؟

سليم : بس خل نشوف مكان هادئ ننزل نحجي

- براحتك

فر السيارة واخذنا لمطعم على النهار والمصرف الشكل والإطلالة خرافية نزلنا وكعدنا طابق ثاني طلب كهوة واني اباوع للنهر ثنينا ساكتين لحد ماجاب الويتر طلبنا حجيت : اي سليم

- مااعرف منين وشلون ابدي بس راح اجيلج مشاعري بوضوح وصراحة

مروج اني احبج .. صار سنتين اني احبج واريد اصارحج ومتردد ..

- خالد اني .. مااعرف شكلك صدمتني

- كولي كلشي تريدي بس لا تكوليلي خالد كولي سليم ..

اريد اسمع اسمي بصوتج

دنكت متوترة حرجني حيل بس اني مااحس اي مشاعر اتجاهاه من يومي اشوفة حالة حال حرس الباب او الي يشتغلون عدنا كلتله : سليم

- عيونة

- لاتصعبها علينا

- شنو يعني

- يعني اني مااشوفك غير رجال يشتغل عدنا اي مشاعر ماعدي الك ..انتو شغلكم وعالمكم يختلف عني سليم ..

- وعيونج الغالية علية اعوف الدنيا واختارج ..

- سليم الشاعر مو بالغصب !

- ادري ولله ادري بس شيقنع كلبي فهميني ؟

مروج : سليم الصراحة اني عدي مشاعر لأسحاق ..

_____

أسحاق

خيطو ايد سليم واطيتة دم حطولة بطل والثاني احتياط ومغذيات ساعتين يلا بدة يكعد بس فتح عيونة نهار يصيح ويعيط ركضو الممرضين علية الي صدمني بس تقربت منة احضنة طلب منهم اطلع ...

_____

سليم :

بس شوفني اسحاق الرسالة جنت انتضر اوصل للبيت لحظة لحظة حت ارسلها الدنيا ما شالتني من وافقت تشوفني

اختاريت مكانة المفضل واخذتها ..

جان ممكن اتقبل رفضها الي بس الي خلاني مااندل دربي هوة اعترافها الي وجه لوجه بحبها لصاحبي !

عقلي ماضل براسي ماادري ماادري شلون رجعتها للبيت ورجعت لبيتي شسويت بروحي ماادري ..

بطريق رجعتي دزلي اسحاق عمتة توفت اني ادري هوة مالة ذنب وماعدة شي وياها بس شسوي شسوي ...

خابرت الولد دزيتهم الة بس وصلت للبيت اتجهت للمطبخ مااعرف الشصار بية حتى بدون مااخذ حتى اي مادة مخدرة بس احس عقلي طفة كلبي الي يتحكم كلبي مات وحكم علية بلاعدام ..

شكيت ايدي بحركة سريعة مشيت للجرباية اخر شي اذكرة لزمت المبايل وراسلت اسحاق دخت غمضت عيوني مستسلم للموت برحابة صدر ...

شنو صار شـَڪد مر وكت مااعرف بس شـَڪد كرهت الدنيا

نوب لكيت روحــي بالمستشفى ردت اكتل كل دكتور هنا منو كللهم ينقضوني ؟ منو كللهم اريد اعيش اني اريد الموت ليش ما خلوني ارتاح واموت ..

بس شفت اسحاق عرفت هوة السبب هوة الجابني بس جنت تحت تأثير الصدمة ضليت بس اطلب منهم يطلع هوة نصدم طلع بس اني متاكد ماعافني ضليت احاول اهدء نفسي اجة ممرض جك ابرة بالمغذي الحاطينة الي غمضت عيوني استرخي نمت شوية وكعدت على صوتة ..

اسحاق : اخذة دكتور اختصاص شسوي شلون بية ؟ دكتور فدوة اخوية هذا ماعدي غيرة فدوة

الدكتور : ابني هوة مابي مرض جسمي بس الضاهر عدة ضروف صايرة احجو ويا افهمو احتضنو اعرضو على طبيب نفسي

سليم : مابية شي دكتور اني ردت اموت وما خليتوني مشكورين حتى هاي الراحة استخسرتوها بية ..

الدكتور : حرام ابني هل حجي الله مايرضى قتل النفس مو بكيفك هيه كل ما ضجت قررت تنهي حياتك ..

ضحكت مستهزء : ولله لو تدري شمسوي تكتلني وتكسب بية اجر ..

- مهما جان الي مسوي ربك فاتح كدامك طريق التوبة وطريق الرجعى لاتخسر دنيتك واخرتك..

اسحاق : دكتور ممكن نحجي وحدنا

طلع الدكتور تقرب مني كعد على الكرسي الكدامي..

اسحاق : اسمعك .. ممكن شنو هل مشكلة العظيمة الي تريد تعرف اخوك وتعوف الدنيا وتروح. ؟

- اسحاق مالي مزاج احجي

- ولا اني المرتاح وجاي اتونس يمك ! لك انة دافن واحد من اهلي وجيتك تعرف شحسيت من شفتك غارك بدمك .. ولك نسيت الاول والتالي نسيت روحـي نسيت اهلي نسيت الدنيا انت بس صرت بعيني وشوف انت شسويت ماادري شنو صار وياك بس اكيد مو اكبر من وضعي هسه .. شحجي وياك ؟ ماادري ولله ماادري ..

سليم : اسحاق اني الدنيا من يومها ملوعتني مليت اني مليت مااريد هل حياة خل تولي عوفني اموت وارتاح

- وتعوفني ؟

درت وجهي مجاهل نظراتة الخنكتني نزلت دموعي والخنكة كتلتني كتل وكف يمي : تبجي سليم عمت عيني اخوك شصاير وياك فهمني

- شفت مروج اليوم الصبح ..

- وأي شصار شنو الست ماقبلت بيك وقررت تنهي حياتك ؟

- ياريتها على هيج

- لعد شكو استاذ شو احجيلي شـَڪو شصار ؟

سليم : كالتلي وعينها بعيني

سكت شوية رجع فاتح عيونة الحمر بوجهي وكال : كالت تحبك انت اسحاق تحبك ...

____

يُتبع

الحادي عشر من هنا

تعديل المقال