رواية مملكة العشاق الفصل السابع 7 بقلم اسماء ابو شادي
الحلقة (7) رواية ( مملكة العشاق)
بقلم:-أسماء أبوشادي Ana Amera Habeby
_________________________________________
استغفر الله العظيم الذي لا إله إلا هو الحي القيوم وأتوب إليه اني كنت من الظالمين
نور بصراخ / لاااااا لااااء سما سمااااا
ورفع راسه الدكتور اختفى من ادامه ومالقاش حد حواليه
دخل الأوضة اللي فيها سما بسرعة
ولقاها على السرير والدكاترة بيسعفوها
الممرضة / لو سمحت ماينفعش حضرتك تبقى موجود هنا انتظر برة
نور بجنون / سما سما عايشة صح. لسه عايشة انا متأخرتش مش كدة
الدكتور / اطمن احنا وقفنا النزيف لكن النبض بطئ جدا واحنا بنسعفها
نور ركع على الأرض ورفع وشه لربنا / الحمد لله. الحمد لله يارب نجيها
ممرضة قربت منه وبتحاول تساعده يقف وهو وقف وخرج برة علشان يسيبهم ينقذوا حبيبته
أول ما خرج وقع على الأرض تاني وقعد مستنيهم يطمنوه عليها حالتها
وبعد وقت طويل قام وقف لما شاف الممرضات خارجين بسرير متحرك عليه سما
نور بلهفة / انتوا رايحين بيها على فين
الممرضة / هننقلها أوضة خاصة
نور مشي معاهم و دخلوا بيها اوضة خاصة في المستشفى وجايين ينقلوها للسرير في الأوضة هو رفض وشالها بنفسه نيمها والممرضة طلبت منه يطلع برة علشان يغيروا هدومها بلبس المستشفى
وهو اتحرك وخرج برة والخوف لسه مالي قلبه وبيحمد ربنا ان اللي حصل من شوية كان وهم وخيال من صنع عقله نتيجة خوفه مش اكتر
بعد شوية ممرضة خرجت وراحت عرفت الدكتور أنهم جهزوها.
وبعد نص ساعة تقريبا الدكتور خرج والممرضات
نور / طمني لو سمحت
الدكتور / هي دلوقتي كويسة ونايمة واللي حصلها نتيجة لأنها اتعرضت لضغط شديد
احنا هنسيبها نائمة دلوقتي لأن الحمد لله الضغط انخفض شوية نتيجة للحقن اللي اخدتها وكمان ضربات القلب المحلول هيظبطها. وأن شاء الله الصبح هتبقى كويسة
لكن تبعد عن الضغوطات والتوتر لأن ده هيضرها جدا. لأنها معرضة لجلطة في المخ
@@@@@@@@@@@@@@@@@@@@@@
النهار طلع والشمس دفاها وصل للارض
وشمس في حضن مهاب ومع أنها نايمة إلا أنها مبتسمه جدا للحياة وقلبها مليان سعادة
مهاب صاحي وبيراقبها زي عادته كل يوم. ومبسوط بأبتسامتها اللي مرسومة على وشها
شمس وهي لسه مغمضة / ماذهقتش
مهاب / عمري ما اذهق
شمس فتحت عيونها / صباح الخير حبيبي
مهاب بابتسامة/ اجمل صباح على اجمل عيون
شمس / وأجمل عيون بتموت فيك وبتقولك اوعى تزعل مني تاني
مهاب بأبتسامة / قوليلها اني ماقدرش ازعل منهم أبدا دول هما شمس حياتي
شمس بدون مقدمات/ انا عايزة عنب
مهاب بدهشة / نعم
شمس / عايزة آكل عنب بناتي أخضر ويكون مذذ بس مسكر
مهاب بضحك / انتي بدأتي تتوحمي
شمس / معرفش بقى انا عايزة اللي قولتلك عليه مع الفطار
ويكون جبنة قديمة وبيض عجة
مهاب بأستغراب / شمس انتي بتقولي ايه. ايه الحاجات الغريبة اللي بتطلبيها دي
شمس بصوت عالي وتذمر بعد ما قامت من السرير / ماليش دعوة. انا عايزة افطر جبنة قديمة وبيض عجة ومعاهم عنب أخضر مذذ بس مسكر
مهاب بذهول من تصرفها / طيب. طيب اهدي هكلم الخدم يجهزولك اللي انتي عايزاه
شمس / طيب يلا عشان جعانة اوى. حاسة اني هموت من الجوع
مهاب بلهفة / ماتجيبيش سيرة الموت يا شمس
5 دقايق والفطار اللي طلبتيه هيكون جاهز
وخرج مهاب علشان ينفذ طلب حبيبته
وهي قعدت على السرير مبسوطة جدا. وبتفتكر كلام سيلين وأن فعلا كان معاها حق
وبعدين افتكرت سما.
شمس لنفسها / يا ترى حصل معاها ايه كلمت نور ولا مارضيش يسمعها زي كل مرة
طب وأنا أغلب نفسي ليه هتصل بيها اتطمن
ولا ليكون اتصالحوا و لسه نايمين
لا لا اكيد صحيت من بدرى علشان تجهز نورسين للمدرسة
وبعد تفكير كتير. مسكت الموبايل بتاعها واتصلت على تليفون سما
و التليفون رن شوية وبعدين الخط اتفتح
شمس / السلام عليكم
نورسين / وعليكم السلام ورحمة الله وبركاته ازيك يا انطي شمس
شمس / نورسين حبيبة قلبي. عاملة ايه يا قمر
نورسين / الحمد لله.
شمس / اومال فين ماما وانتي ماروحتيش المدرسة ليه
نورسين / ماعرفش ماما فين الدادة بتقول أنها راحت مشوار مع بابي. وأنا زعلانة علشان مش اخدوني معاهم ورفضت اروح المدرسة طلاما مامي مش موجودة وهتساعدني في اللبس وتفطر معايا كمان
شمس / حبيبتي ليه كدة. مامي هتزعل منك انتي شطورة اسمعي الكلام ولما تيجي ماما قوليلها أنك زعلانة لكن ما ينفعش ماتروحيش المدرسة
نورسين / حاضر يا انطي
شمس / طيب هي مامي سابت التليفون في البيت يعني
نورسين / مش عارفة. انا دخلت مكتب بابا لقيته على المكتب بيرن و رديت على حضرتك
شمس / طيب حبيبتي أعطى الموبايل لأي حد من عندك
نورسين / حاضر
نورسين نادت على واحدة من الخدم وطلبت منها تكلم شمس
الخدامة / الو يا ست شمس
شمس / الو مين معايا
الخدامة / انا وفاء حضرتك
شمس / طيب فين سما هانم يا وفاء ماتعرفيش
وفاء بتوتر / أصل. أصل
شمس بقلق / لو في حاجة ابعدي عن نورسين واتكلمي
وفاء بعدت عن نورسين / سما هانم تعبت بالليل و نور بيه اخدها المستشفى ولسه لحد دلوقتي مارجعوش و صفية هانم عمة نور بيه موجودة هنا.
شمس بخضة / ايه مستشفى وصفية. طيب ماتعرفيش مستشفى ايه
وفاء/ لا والله يا ست شمس
شمس قفلت معاها بسرعة ولبست روب طويل فوق البيجامة بتاعتها واخدت طرحة على راسها وخرجت بسرعة من الجناح ومهاب قابلها في الطرقة
شمس / الحقني يا مهاب. سما. سما
مهاب بخضة / في ايه يا شمس
شمس بدموع / سما في المستشفى من امبارح بالليل وأنا ماعرفش لازم اروحلها بسرعة.
مهاب / طيب اهدي بس ان شاء الله مافيهاش حاجة
شمس / لا انا مش متطمنة حاسة ان نور عملها حاجة اتصل بيه شوفهم في مستشفى ايه بسرعة
مهاب / طيب يا حبيبتي اهدي وغيري هدومك على ما انا أكلمه وبلاش توتر يا شمس ارجوكي
( شمس دخلت تغير هدومها و مهاب دخل علشان ياخد موبايله ويتصل على نور و يغير هدومه هو كمان )
@@@@@@@@@@@@@@@@@@@@@
في المستشفى عند سما
نور قاعد على كرسي جنب سريرها طول الليل
بيكلم فيها ويعتذر منها ويفكرها بأحلى أيام حياتهم
لكن سما في دنيا تانية ومش سمعاه ابدا
وفي الاخر قعد جنبها يراقبها ويشبع من ملامحها وبحمد ربنا انه ماخسرهاش
تليفونه رن وهو في جيبه وطلعه بسرعة علشان الصوت مايزعجش سما وخرج برة يرد لما شاف رقم مهاب
نور بأرهاق / الو يا مهاب
مهاب / نور أهلا يا نور. مدام سما مالها
نور / تعبت امبارح بالليل واحنا فى المستشفى
مهاب / طيب حالتها ايه دلوقتي ولا حصلها ايه
نور بصوت أوشك على البكاء/ نايمة يا مهاب. كانت هتضيع مني انا كنت هخسرها وهضيعها
مهاب / طيب اهدا بس وقولي انتوا في مستشفى ايه علشان انا جايلك انا وشمس
********************
بعد وقت كان نور لسه قاعد جنب سما بعد ما اتصل بالسكرتيرة بتاعته وبلغها انه مش هيروح الشركة وماتتصلش بيه خالص النهاردة
لكن استغرب أن سما طولت اوى فى النوم
مهاب وصل هو وشمس ادام الأوضة
وشمس خبطت على الباب ودخلت و مهاب وقف برة
شمس بلهفة / سما حبيبتي مالم يا قلبي حصلك ايه
نور بخفوت / هي نايمة دلوقتي يا مدام شمس
شمس / هي مالها حصلها ايه
مهاب دخل لما نور وقف وفتحله الباب يدخل. لأن سما شعرها متغطي
مهاب / الحمد الله على سلامتها يا نور
شمس / سلامتها ايه انت مش شايف شكلها عمل ازاي
دي اللي كانت معانا امبارح بالليل. سما. سما اصحي يا حبيبتي انا شمس
مهاب / بس يا شمس اهدي ماتعمليش كدة
شمس بدموع في عيونها / هي مابتصحاش ليه يا مهاب دي حتى نومها
ليه مش بترد عليا حصلها ايه
مهاب قرب عليها وضمها / يا حبيبتي سيبيها يمكن واخدة مخدر ولا حاجة علشان ترتاح
نور وهو عيونه مرهقة وحمرة/ هي نايمة من امبارح مافقتش اصلا والدكتور قال هتفوق الصبح والممرضة من شوية قالت هتقول للدكتور
شمس بخوف / بيقول مافقتش من امبارح. شوف الدكتور بسرعة يا مهاب ليكون جرالها حاجة
مهاب بضيق / يا شمس اهدي بقى بيقولك نايمة. نايمة
شمس / نايمة كل ده. و
وسكتت شمس لما الباب خبط ودخل الدكتور المتابع لحالتها ومعاه ممرضة
الدكتور / الممرضة بتقول ان المريضة لسه نايمة ماصحيتش
نور / أيوة وانت قولت بالليل أنها هتصحا الصبح. ليه لسه نايمة
الدكتور / طيب ممكن تستنوا برة شوية حضراتكم علشان افحصها
شمس رفضت تسيبها وتخرج. و مهاب اخد نور وخرج برة
والدكتور حاول يصحي سما وطلب من الممرضة حقنة تجيبهاله. وبعد 5 دقايق.
سما فتحت عينيها وغمضت تاني
الدكتور / مدام سما. مدام سما حضرتك سمعاني
شمس / سما حبيبتي ردي عليا انتي صاحية
سما فتحت عيونها تاني وبصت لشمس وغمضت بألم
شمس بدموع وصوت عالي / سما. سما ردي عليا. حصلك ايه يا حبيبتي عملوا فيكي ايه
مهاب سمع صوت شمس دخل بسرعة ونور كمان اتخض على سما ودخل
نور / سما مالها يا دكتور أنطق
الدكتور / لو سمحتوا ما ينفعش كدة. الكل يتفضل برة والمدام كمان لأن حالة المريضة ماتتحملش كل ده
مهاب حضن شمس واخدها وخرج وسحب نور من ايديه
و وقفوا برة ادام الباب وبعد شوية الدكتور خرج
نور بلهفة / خير يا دكتور
الدكتور / للأسف المريضة نومها ده بأرادتها يعني هروب من الواقع وهي حاليا صحيت لكن.
نور بعصبية / لكن ايه
الدكتور / فقدت النطق
شمس ببكاء شديد / لاااااااا سما لاء
نور / انت بتقول ايه. يعني مش هتتكلم تاني خالص
الدكتور بتنهيدة / انا ماقولتش كدة. انا قولت أنها بتهرب من الواقع وفقدان النطق ده مؤقت وبأرادتها. لأن حالتها النفسية سيئة جدا واللي حصلها ده نتيجة صدمة عصبية كبيرة. وفي الحالة دي انا ماقدرش افيدكوا هي لازم تتعرض على دكتور نفسي
( الدكتور خلص كلامه ومشي ونور حط ايديه على وشه بعجز. وشمس بتبكي في حضن مهاب
و مهاب كمان حاسس بالعجز ومش قادر يشوف شمس بتبكي بالطريقة دي ومش نتحمل دموعها. ولا عارف يواسي نور اللي شايفه ادامه بحالة سيئة جدا )
شمس بتحاول تطلع من حضن مهاب / عملت فيها ايه. كانت كويسة بالليل. عملت فيها ايه انت وأهلك دا انا سيباها بتضحك عملتلها ايه حرام عليك
مهاب بحنان وبيحاول يحتويها / حبيبتي ما ينفعش كدة. أن شاء الله هتبقى كويسة انتي مفروض تساعديها وتكوني قوية مش تقعدي تعيطي كدة
وماتنسيش أنك حامل وغلط عليكي كل اللي بتعمليه ده
شمس / غصب عني يا مهاب. سما ماتستحقش كدة ابدا
مهاب / استغفري ربنا يا حبيبتي دا نصيبها وقضاء وقدر لازم نرضى بيه وانتي امسحي دموعك وخليكي قوية وادخلي خليكي معاها واقفي جنبها
شمس سمعت كلام مهاب ودخلت لسما
انا نور سند ضهره على الحيطة و وقف حط ايده على وشه وندمان على اللي حصل
مهاب / وهيفيد بأيه يا صاحبي
نور / انا السبب في اللي هي فيه. مراتك معاها حق
انا اللي عملت فيها كدة.
مهاب / مش هيفيد بحاجة كلامك ده. بس لازم تفوق لنفسك وتقف جنبها وتصلح غلطك اللي وصلها للحالة دي
وتعوضها عن اللي هي فيه وتساعدها تتخطى الموضوع وترجع أحسن من الأول
##############################
بعد مرور شهر
فات شهر على كل العشاق
سيلين وأسر
بيجهزوا بيتهم الجديد
وبنوا قصر وسط القصرين بتوع العيلة. وهدوا الأسوار اللي بينهم و عملوا سور كبير يحاوط التلاتة مع بعض
ولسه البيت بيجهز وبيتشطب
وأسر افتتح الشركة بتاعته وبدأ شغله الجديد والحياة وأظهر ذكاء متوقع من فرد من عيلة تاج الدين وبيحقق نجاح باهر في وقت قياسي جدا
وأعاد تأمين الشركات والمصانع الخاصة بالعيلة حتى المطاعم
الموجودة في إي محافظة داخل مصر
أما سيلين فهي أسعد انسانة في الدنيا طول ماعيلتها حواليها والكل مرتاح ومبسوط
***************
في قصر عادل تاج الدين
سيلين قاعدة مع العيلة على السفرة بيفطروا لكن هي سرحانة ومش مركزة خالص
وأسر قاعد جنبها وملاحظها وملاحظ تغييرها من امبارح لكن مش عايز يضغط عليها بالأسئلة كتير علشان مايضيقهاش ومستنيها هي تحكيله
أسر بصوت خافت / سيلين سيلين
سيلين بانتباه / أيوة يا حبيبي
أسر بابتسامة / مابتكليش ليه وسرحتي بعيد
سيلين/ ابدا ما انا قولتلك امبارح الشغل
أسر / طيب كلي يلا يا حبيبتي علشان ماتتأخريش على شغلك
سيلين/ حاضر يا حبيبي
أسر / انا همشي انا علشان عندي ميتنج بعد شوية ولا تحبي استناكي واوصلك على الفرع الرئيسي الأول
سيلين/ لا روح انت لشغلك علشان الميتنج وأنا همشي براحتي هشرب بس فنجان قهوة علشان مصدعة
أسر / 1000 سلامة يا حبيبتي. استناكي علشان نتغدا مع بعض النهاردة
( هما متعودين اوقات أنهم يتغدوا مع بعض يا في شركة أسر يا اما في الفرع الرئيسي)
سيلين بابتسامة / حاضر يا قلبي
@@@@@@@@@@@@@@@@@@@
نور وسما
سما خرجت من المستشفى بعد ما قعدت يومين فيها
وحالتها اتحسنت شوية لكن لسه مابتتكلمش خالص ولا حتى بتعيط. لكن بتتحرك وبتراعي بنتها برضوه
ومابتسمحش لنور يتكلم معاها ابدا
وماقبلتش العلاج النفسي
أما نور حاول كتير يتكلم معاها لكن هي بترفض وفي المستشفى لما حاول حطت ايديها على ودنها ورفضت تسمع وتعبت وقتها.
ولما رجعت البيت حاول اكتر من مرة وكانت بتتعب. والدكتور النفسي طلب منه مايحاولش تاني ولا يضغط عليها لأنها رافضة وهتتعب اكتر وحالتها هتسوء
ونور نفذ نصيحة الدكتور ومابيتكلمش معاها لكن بيحاول يسعدها يجيبلها ورد أو هدية لكن هي اصلا بترفض تشوفهم أو تتقبلهم
وبقى بيقضي وقت كتير في البيت ومش بيروح الشركة غير كام ساعة بس ويرجع علطول ورفض رفض قاطع إنها تسيب البيت
ولما انس شاف حالتها واتخانق علشان ياخدها. نور رفض وقاله
( مراتي مش هتسيب بيتها وانتوا عايزين تشوفها في أي وقت الباب مفتوح. إنما أنك تدخل وتاخد مراتي دا ممنوع )
و وقتها سما كانت خايفة جدا لأن لو أنس صمم واخدها نور هيحرمها من بنتها. زي ما قال قبل كدة ( عايزة تروحي براحتك لكن بنتي لاء )
نورسين بنتهم. بتيجي من المدرسة تطلع لمامتها علطول وحالتها النفسية مش مظبوطة ومابتلعبش زي الأول وعلطول جنب مامتها حتى بقت بتنام معاها في اوضتها
*******************
مهاب وشمس
مهاب بيحاول يخفف عن صاحبه وفي نفس الوقت بيراعي شمس ومابيسمحلهاش تبكي أو زعلها يدوم
وبيسيبها تروح عند سما زي ماهي عايزة.
لكن برضوه مابيسمحلهاش تهمل في العلاج أو الفحوصات بتاعتها
وشمس ملتزمة بكل حاجة ولسه برضوه بتعمل بنصيحة سيلين
ولو حست بأي صداع أو دوخة أو إي حاجة بتبلغ مهاب وتروح للدكتورة علطول
ودا مطمن مهاب جدا و خوفه قل عن الأول لأنه شايف بعينيه اهتمام شمس بنفسها وبصحتها
وشمس بجانب كل ده بتروح لسما دايما وتقف جنبها وبتحاول تهون عليها
وبرغم أنها عايزة تعرف ايه اللي وصل سما للحالة دي إلا أنها مابتضغطش عليها ابدا ومابتتكلمش معاها كتير علشان سما لما بتمسك الورقة والقلم وترد عليها بتحزن عليها ودموعها بتنزل
************************
مهاب اخد شمس وراح للدكتورة النسائية اللي بتتابع معاها علشان دا ميعاد الكشف بتاعها واتفقت سما مع مهاب أن بعد الكشف هتروح عند سما وهو يرجع شغله
وصلوا ودخلوا للدكتورة وطمنتهم على صحة الجنين اللي عرفوا نوعه ( ولد ) وعلى صحة شمس اللي كويسة جدا وطبيعية
وهما خارجين من عند الدكتورة مبسوطين وماسكين في ايد بعض
قابلتهم سيلين برة في غرفة الانتظار واقفة منتظرة خروجهم
شمس / سيلين ازيك
سيلين رفعت وشها وافقت من شرودها على صوتها / شمس. انتي هنا
شمس / أيوة انا بتابع مع الدكتورة هنا الحمل بتاعي وانتي حامل ولا ايه
سيلين بشرود / مش عارفة
شمس / ايه ده يعني انتي جاية لسه تشوفي في حمل ولا لاء
سيلين/ أيوة هتأكد
شمس / طيب ممكن ادخل معاكي طلاما مش معاكى حد
سيلين بابتسامة مجاملة / مش عايزة اتعبك معايا ولا اعطل الأستاذ مهاب
( مهاب كان واقف على جنب ومستغرب أن شمس تعرف سيلين تاج الدين وبيتكلموا مع بعض كأنهم صحاب )
شمس بأبتسامة / لا عادي هو كدة كدة هيمشي علشان انا نطلع من هنا على سما هروح أزورها
******************
دخلوا مع بعض والدكتور أكدت لسيلين أنها حامل في شهر واسبوعين
شمس فرحت علشانها لكن استغربت جدا لما شافت ان سيلين مش مبسوطة علشان الحمل وبالعكس ظهر الحزن على وشها
وخرجوا من عند الدكتورة
شمس / سيلين انتي كويسة
سيلين بابتسامة كذابة / أيوة. الحمد لله
شمس / طيب ليه مش حاسة أنك مبسوطة بالحمل
سيلين بشرود / لا انا مبسوطة وبس تقدري تقولي اني من الناس اللي لما بتفرح فرحتهم مش بتظهر على ملامحهم والفرحة بيبقى معاها حاجات كتير اوى وخوف اكبر من الفرحة
شمس / انا صراحة مش فاهمه منك حاجة بس مش عايزاكي تخافي.
سيلين/ أن شاء الله. انا اسفة عطلتك معايا. وعطلتك عن سما. هي عاملة ايه صحيح
شمس بتنهيدة / كويسة
سيلين/ ايه دا انا حاسة ان في حاجة. هي سما مالها
شمس / لا ابدا أصل هي تعبانة شوية بقالها فترة
سيلين/ تعبانة فيها ايه ما كانت كويسة جدا في الحفلة
شمس بحزن / ماهي تعبت من يوم الحفلة بالليل تقريبا بعد ماروحت
سيلين/ ألف سلامة عليها. طيب هي ايه حصلها وازاي بقالها شهر لسه تعبانة
شمس / ظروف بقى
سيلين / طيب انا ممكن اروح معاكى دلوقتي اشوفها ولا دا في مشكلة
( شمس فكرت شوية وبعدين وافقت
لأن سيلين أثرت عليهم يوم الحفلة وممكن دلوقتي برضوه تأثر عليها بالإيجاب وتساعدها )
وفعلا راحوا على قصر نور عز علشان يشوفوا سما
*******************
سيلين ركبت مع شمس في عربيتها و طلبت من السواق والحراسة اللي معاها يمشوا وراهم
في العربية
سيلين / طيب سما مالها تعبانة فيها ايه وعلى فكرة انا مش بسأل فضول لا والله بس بجد عايزة اطمن عليها لأني ارتحتلها جدا
شمس / والله ما اعرف هي ايه اللي تعبها كل اللي اعرفه ان انا وهي قررنا نعمل بنصيحتك وأنا روحت وعملت بنصيحتك زي ما اتفقنا. والحمد لله
والصبح بتصل بيها اطمن على حالها هي كمان. ردت بنتها وانا عرفت من الخدامة إنها تعبانة وفي المستشفى
ولما روحتلها كانت فقدت النطق ومابتتكلمش خالص وماعرفش ايه اللي وصلها للحالة دي. بس اكيد جوزها السبب
سيلين / الله اعلم طلاما ماتعرفيش حاجة يبقى ماتحكميش. وأن شاء الله هي هتبقى كويسة وهتحكي كل حاجة
شمس / انا وافقت أنك تيجي معايا مع اني ما استأذنتهاش. لكن ده لأنك يوم الحفلة لما اتكلمتي معانا ارتحنا لكلامك ويمكن تقدري تساعديها وتاثري عليها تاني
سيلين بشرود / قولي يارب.
و وصلوا القصر ودخلوا لكن حراسة شمس و حراسة سيلين استنوا برة ادام القص
