رواية فرنسية في الصعيد الفصل الحادي والثلاثون 31 بقلم جودي ياسر
الفصل الواحد و الثلاثون
+
عشق بعدم فهم وصدمه : اسد القاتل .
التفت لها كل من بدر وزجل بصدمه لقد سمعت حديثهم وعلمت ان زوجها هو القاتل اسد القاتل .
عشق بصوت اعلي وهي تقترب منهم بغضب : ردوا عليا اسد اللي موت جدو .
ليل بكذب : لاه يا عشق انتي فاهمه غلط .
عشق وهي تنظر ل بدر بغضب : انا عاوزه ردك انت اسد اللي قتل جدو .
بدر بعصبيه : هو تحجيج ولا ايه .
عشق بغضب : بتتبلي عليه ليه عشان تلبسه مصيبه وتخلص منه دايما بلاحظ الكره في عنيك ليه .
بدر بغضب اكبر : اني اغير من مين من اسد انتي اكيد حصول في عجلك حاجه.
عشق بغضب : وانت كداب وظالم .
بدر وهو يمسك ذراعها بقوه المتها : احمدي ربك انك حرمه والا كت دفنتك مطرحك واني مش كداب فاهمه جوزك جتل جدي ...الغفير شافه وهو خارج ساعه ما انجتل وبيجري موجفش ليه لو مش هو الجاتل مجلش ليه لحد دلوك .
شعرت عشق بالصدمه ترك بدر ذراعها وهو ينظر لها بسخريه وغضب ..
بدر : لسانك جصر يعني ماكان من هبابه طول الجطر دلوك خلاص انكتمتي وحذريه مني لاني هجتله ولو اخر يوم في عمري .
ليل ل اخيها برجاء : بوس يدك يا ولد ابوي همل المكان دلوك .
بدر وهو ينظر إلي ليل بعصبية : اني ماشي .
وتركهم وصعد الي الاعلي الي غرفته....
اقتربت ليل من عشق...
ليل : عشق اهدي احنا لسه متوكدناش من كلام بدر جايز يكون محصولش اكده وكماني جايز يكون جه بعد ما جدي انجتل وجري وخاف ليجولوا انه هو الجاتل .
ولكن عشق ..اين عشق ؟ كانت بدنيا ثانيه تتذكر يوم مقتل جدها والدم علي ملابس اسد وادعائه انها كانت دماء الفرسه وتوتره الغريب حينها الان تاكدت انه هو القاتل .
فجأه وجدت ليل عشق تدفعها من امامها وتذهب الي الخارج مسرعه .
ليل : استر يارب.....
.........
في منزل الجبالي...
كان كمال ينام علي احدي الكنبات ولا يعلم لماذا تذكر ما حدث بالماضي وكان مقتل هشام العزايزه ذكره بمقتل جاسم اخيه الاصغر .
........فلاااااااش باااااك
كان كمال الجبالي يمشي بجانب شابين يدعي واحد منهم خالد والاخر خالد من رجال عائله الصعيدي وتامر من عائله ابو العز .
كمال بخبث : زي ما بجولكم اكده .
خالد بغضب : بجه جاسم العزايزه عاكس خيتي.
كمال : ومش بس اكده اني شفته هيبص علي مرت اخوك يا تامر وهي راجعه من عيند اهلها .
تامر بغضب : هجتله والله لاجتله .
كمال بسخريه : تجتل مين ديه اخو هشام العزايزه يعني يعمل ما بداله .
خالد بعصبيه : يعني ايه .
كمال بخبث : يعني الله اعلم انهارديه بيعاكس بكره يلمس ومنجدرش نتكلم مهو من عيله العزايزه...والله وبجينا رجاله ورج .
( يا اخي دا انت داهيه متحركه على هيأت انسان 😑)
تامر بغل : هجتله والله لجتله .
خالد : مش لحالك يا تامر .
كمال بخوف كاذب : لاه لاه كله الا الدم .
( تصدق صدقتك انا وكل الي بيتفرجوا دول دا انت شيطان بجد يعني 🥲)
ولكن لم يستمع له كل من خالد وتامر وبالفعل ماهي سوي ساعات وسمع عن مقتل جاسم العزايزه ولكن لم يعرف احد من القاتل ذهب الجبالي حاله كحال باقي رجال البلد وجد مصطفى ابن هشام العزايزه .
يجلس ويبدو عليه الغضب والغل لقتل عمه .
اقترب منه وجلس الي جانبه .
كمال : النصيبه كبيره جوي المره دي.
مصطفى : عمي كان كيف المرهم يتحط علي الجرح يبرد مين يجتله .
كمال : مفيش غيرهم .
مصطفى وهو ينظر له بلهفه لمعرفه القاتل : مين .
كمال : خالد الصعيدي وتامر ابو العز .
مصطفى بتساول : عرفت كيف .
كمال : على العشيه كنت راجع متاخر شفت جاسم عمك وخالد وتانر بيتعاركوا حجزت بيناتهم وسمعتهم بيجولوه هنجتلك هنجتلك يا جاسم .
مصطفى وهو يقف بغضب ويخرج سلاحه ويتاكد من وجود الطلاقات .
مصطفى : حياه عمي مش جدامها واحد بس اجلو 5 رجاله من عيله الصعيدي وعيله ابو العز .
كمال بخبث : لاه اتاكد لاول .
مصطفى : اني اكده متاكد كتر خيرك .
وتركه وذهب الي عائله الصعيدي وابو العز وبالفعل قتل منهم الكثير مقابل مقتل عمه ولكن حين كان يصوب رصاصه عليهم كانت رصاصه الجبالي الغادره اصابته ووقع قتيلا هو الاخر....
وانتشر العداء بين الثلاث عائلات .
بااااااااااك
الجبالي بفخر : دماغ اني دماغ .......
+
( انت سوااااد مش دماغ )
.......
في الاعلي بغرفه بدر و زجل ...
كانت زجل تقوم بتطبيق الملابس الخاصه بهم التي كانت توجد بالحقائب وترجعها الي مكانها حين دخل بدر وهو يبدو عليه الغضب .
اقتربت منه زجل بهدوء وجلست الي جانبه علي الكنبه .
زجل : احضرلك تاكل .
بدر بعصبيه : معوزش حاجه .
زجل بهدوء وصوت رقيق : مالك يا بدر فيك ايه وبتعاملني كده ليه كاني مذنبه .
بدر بعصبيه : عاوزني اعاملك ازاي اجوم اتحزم وارجص .
زجل بحزن : لو سمحت متسخرش مني .
بدر وهو يستغفر : يا بت الناس همليني لحالي دلوك اني العفاريت كلتها بيتنططوا جدامي .
زجل: حاضر يا بدر .
وابتعدت عنه ورجعت الي ما كانت تفعله ولكن تلك المره ودموعها تنهمر مثل الشلالات علي وجهها...
+
...................
+
في منزل اسد الصعيدي...
دخلت عشق الي المنزل وهي غاضبه بقوه وجدت هنيه امامها .
عشق : اسد فين .
هنيه : راح الاسطبل يا ست هانم ابعت انادي عليه .
عشق وهي تخرج دون ان ترد عليها وتتجه الي اسطبل الخيل وهي تفكر كيف فعلها كيف قتل الرجل العجوز الذي لاحول له ولا قوه كيف هان عليه ان يقتله وبعدها ياتي للنوم الي جانبها بسريرهم وحين يعلم بخبر الوفاه يمثل الصدمه والحزن وهو اول العالمين بمقتله كيف استطاع ان يأخذ منها حقه الشرعي وهو قاتل جدها ويديه مليئه بدماء الجد كيف قدر علي لمسها ويده ملطخه بدماء جدها حبيبها كيف وعدها انه لن يتركها ابدا وهو مخادع وكاذب وخاين بل وقاتل اقرب الناس لها .
أخيرا وصلت الي الاسطبل وجدته يقف الي جانب فرسته وحين راها ابتسم .
اسد : كنت لستني بفكر فيكي .
عشق بسخريه : بجد قلب المؤمن .
اسد : مالك يا عشق .
عشق وهي تدقق بالفرسه حتي تري اذا كان بها اي جرح.
عشق : هي مش الفرسه كانت متعوره .
اسد وهو يندهش فقد نسي ما قاله لها علي الدم : لاه مين جال اكده .
عشق بقوه : انت .
اسد : ميته .
عشق : لما كنت راجع وهدومك عليها دم دم جدي يا اسد اللي قتلته ....
+
***********************
+
يا ترى يا هل ترى ايه الي هيحصل وايه رد فعل اسد على اتهام عشق له بقتل جدها ؟؟
كل دا هنعرفه في البارت الجاي انتظروني دمتم بخير وعافية وفي حفظ الله ورعايته ❤️❤️🥰
+
