رواية في قبضة الفهد 3 ( عشق الاحفاد ) الفصل التاسع 9 بقلم جنات
»» الفصل التاسع ««
محمد السواق مقدرش يسيطر على العربيه بعد ما العربيه اللى بتلاحقهم خبطتهم بقوة من الخلف .
والعربيه دخلت فى كومه من الرمل والسواق راسه اتصدمت بقوة .
وحياه راسها اتصدمت فى ازاز الشباك .
محمد السواق بتعب:اهربى يا باشمهندسه .
السواق قال كدا واغمى عليه بسبب الخبطه اللى اخدها فى راسه .
حياه بصت وراها شافت العربيه بتقرب ليهم ونزلت بسرعه وفضلت تجرى ودخلت فى شارع وفضلت تجرى وسط البيوت وهى مش عارفه تعمل ايه وكمان من خوفها سابت شنطتها فى العربيه .
حياه كانت بتجرى وهى مرعوبه وخوفها زاد لما شافت اتنين من اللى كانو فى العربيه بيدورو عليها فى نفس الشارع .
حياه اتفزعت لما حد شدها من ايدها وكانت هتصرخ لكن هو كتم صرختها لما حط ايده على بوقها:هشششششش .
حياه اتصدمت لما شافت جاد واتطمنت شويا ان فى حد معاها.
جاد بهمس:اهدى يا حياه انا معاكى .
حياه هزت راسها باه وجسمها كله بيترعش .
جاد شال ايده من على بوقها وبص على الشابين اللى بيجرو فى الشارع وعدو من عليهم من غير ما يشوفهم .
جاد:مشو اهدى .
حياه قعدت على سلم البيت اللى مستخبين فيه وعيطت بخوف .
جاد:اهدى يا باشمهندسه انا معاكى ومش هخلى حد يقرب منك .
حياه وهى منهارة:فهد ... انا عايزة فهد .. فونى نسيته فى العربيه .
جاد:طيب انا هكلمه اهدى .
جاد رن على فهد اللى كنسل عليه وجاد رجع رن مرة واتنين لحد فهد ما رد عليه .
فهد:جاد انا مش فاضى الوقت هكلمك بعدين .
جاد:الباشمهندسه حياه معايا يا فهد .
فهد وقف العربيه:معاك ازاى يعنى ؟!!!
جاد:انا هبعتلك اللوكيشن ولما تيجى هفهمك كل حاجه .. تمام .
فهد:ماشي .
جاد بعت اللوكيشن لفهد اللى خلال دقايق وصل ليهم .... وشاف جاد واقف على باب البيت وقرب منه بسرعه هو ومراد اللى فهد حكاله على الموضوع واخده معاه .
فهد:حياه فين ؟!
حياه سمعت صوت فهد وقامت بسرعه وجرت عليه ودخلت جوا حضنه وهى منهارة وفهد بيبص لجاد ونفسه يفهم فيه ايه .
فهد:حياه حبيبتى اهدى انا معاكى ياروحى .
حياه بدات تهدى لما بقت فى حضن فهد .
فهد بعدها عن حضنه:فهمينى ايه اللى حصل يا حياه ؟!
حياه بصتله بتعب وفجاه اغمى عليها وفهد شالها بسرعه .
مراد:فهد خلينا نروح القصر وهناك نفهم كل حاجه ... تعالى معانا يا جاد .
جاد:اكيد .. روحو وانا هاجى وراكو بعربيتى .
مراد:فهد روح مع حياه على القصر وانا هروح اشوف العربيه ومحمد .
فهد:تمام .
الكل اتحركو من مكانهم .
بقلم الكاتبة جنات
ــــــــــــــــ★ــــــــــــــ
فى قصر الفهد .
الكل كانو قلقانين بعد ماعرفو اللى حصل من مراد اللى اخد محمد السواق على المستشفى وطلب الفهد وعرفه اللى حصل وطمنه على حياه وانها راجعه على القصر مع فهد .
زينه:انا نفسي اعرف انتو بتعملو ايه يا اسر ... روح وشوف هما فين انا هموت من القلق على حياه .
الفهد:اهدى يا زينه ... مراد قال انهم راجعين على القصر شويا وهيوصلو .
سمعو صوت عربيات برا القصر .
وثوانى وفهد دخل القصر وهو شايل حياه .
زينه والكل خافو على حياه .
زينه:مالها يا فهد ؟!
فهد:خلينى اطلعها اوضتها الاول وبعد كدا نتكلم .
الفهد:طلعها يافهد ... تمارا خديهم واطلعى خليكو مع حياه .
تمارا:حاضر .... يلا يا بنات .
البنات كلهم طلعو ورا فهد اللى دخل الجناح الخاص بيه هو وحياه ونيمها على السرير ونفسه يفضل معاها بس لازم ينزل للفهد ولانهم ميعرفوش ان جاد مستنى برا
وبص لتمارا:حولو تفوقوها يا توتا .... وانا هنزل تحت للفهد .
تمارا:انزل يا حبيبي واحنا معاها متخافش .
فهد نزل للفهد اللى بصله اوى:احنا سامعين يا فهد .
فهد:جاد برا يا جدى .
اسر:جاد وايه دخله بالموضوع .
فهد:الوقت هنفهم منه لانى مش فاهم ولا عارف حاجه .
ادم:مراد كلمنى وبيقول انه جايب محمد السواق وجايين على هنا .
حسن:هو محمد كويس يا ادم .
ادم: مراد اخده المستشفى واطمن انه اغمى عليه بسبب الخبطه اللى اخدها فى راسه والحمدلله انه كويس .
الفهد:طب روح يا فهد دخل جاد .
فهد خرج وبعد ثوانى رجع مع جاد اللى سلم عليهم وقعد معاهم .
فهد:ها يا جاد اتفضل فهمنا بقااا .
جاد:انا كنت نازل من الشركه فى الوقت اللى الباشمهندسه حياه كانت نازله ونزلنا سوا فى الاسانسير وبعدها عرضت عليها اوصلها وهى قالت ان السواق منتظرها وانا ركبت عربيتى وهى بردو بس هما اتحركو قبلى لانى جالى مكالمه مهمه ورديت عليها .... وبعد ما خلصت المكالمه واتحركت بالعربيه وانا طريقى نفس طريق القصر بتاعكو وكان وقتها الطريق فاضي بس لاحظت ان فى عربيه بتحاول تعترض طريق عربيه الباشمهندسه وكانت بتخطبها خبطات قويه وانا فضلت وراها بس على مسافه منهم وتقريبا السواق مقدرش يتحكم فى العربيه فدخلو فى كومه الرمل اللى على طرف الطريق ووقتها شوفت الباشمهندسه نزلت من العربيه وكانت بتجرى وهى مرعوبه ودخلت فى شارع وانا لما شوفت الشابين نزلو وجرو وراها نزلت انا كمان وجريت بحاول الحقها ووقتها شوفتها بتجرى وشديتها فى مدخل بيت من البيوت اللى فى الشارع والشابين بعد ما دورو عليها كتير مشو وانا حاولت اهديها وعرفت انها نست شنطتها وفونها فى العربيه وطلبت منى اكلمك وانت عارف اللى بعده يا فهد .
حسن:طب انت شوفت الشباب دول يا جاد ؟!
جاد:لا كانو لابسين ماسكات على وشهم وانا محبتش ادخل معاهم عشان معرضش الباشمهندسه لاى خطر لانهم كان معاهم اسلحه بيضا .
فهد:معقول يا جدى يكون ليهم علاقه اللى بيبعت المسدجات !!
الفهد بصله ومردش .
ادم:بس يا فهد من المسدجات اللى بتجيلك ده حد يعنى مهوس بحياه فمستحيل يعرضها للخطر فهمنى .
فهد قام وقف بعصبيه:اومال هيكون مين يعنى ؟!! .
كنان:يمكن من اعداء السوق يا فهد .
راكان:اعتقد لو منهم كانو اتعرضو لاى حد من الشباب او لينا احنا الكبار مش لباشمهندسه فى الشركه .
جاد:انا اسف على المقاطعه بس ليه متبلغوش الشرطه وهى تحقق فى الموضوع يكون احسن .
ادم برفعه حاجب واتكلم بحده:هو انا مش عاجبك ولا ايه يا جاد !!
جاد:مش فاهم قصدك !!
ادهم:ادم ومراد ظباط فى الجيش يا جاد .
جاد:انا اسف انا ماكنتش اعرف .
زين:حصل خير يا جاد ... خلونا فى المهم .
فى الوقت ده دخل مراد ومعاه محمد وقعدو معاهم ومحمد بدأ يحكيلهم اللى حصل من اول ما اتحركو من عند الشركه وبعدها الفهد طلب من ايان انه يوصله لحد بيته .
الفهد:احنا لازم نهدى .... هاااا نهدى يا فهد عشان نعرف مين عدونا .... حريق الشركه وكمان موضوع حياه لازم نهدى عشان نفكر كويس وبعد كدا محدش هيتحرك من العيله غير ووراه حراسه .
اسر:هو احنا هنخاف منهم يا عمى !!
حسن:ده للامان يا اسر وخصوصا للبنات عشان نبقي مطمنين على الكل .
زين:اللى حضرتك عايزه هيحصل يا بابا .
الفهد بص لفهد اللى قاعد وباين عليه العصبيه:روح اطلع لحياه يا فهد وخليك معاها اكيد اللى حصل هيكون مأثر عليها .
فهد:حاضر .
جاد قام وقف:استاذن انا وحمدلله على سلامه الباشمهندسه .
فهد قرب منه:مش عارف اشكرك ازاى يا جاد ... انا بفكر لو ماكنتش موجود معاها ايه اللى كان ممكن يحصل مع حياه .
جاد:متشكرنيش يا فهد ... وبعدين اى حد مكانى كان هيعمل كدا وزياده كمان .... عن اذنكو .
الفهد:اتفضل يا جاد .
جاد خرج من القصر وفهد طلع لحياه .
بقلم الكاتبة جنات
ــــــــــــــــ★ــــــــــــــ
فى جناح فهد وحياه اللى من وقت ما فاقت وهى بتعيط فى حضن تمارا والكل خايفين عليها لانها مش بتتكلم خالص هى بتعيط وبس .
الباب خبط ودخل فهد وعينه على حياه .
تمارا:تعالى يا حبيبى خليك جمب مراتك واحنا هننزل .
فهد قرب منها واستنى لما الكل خرجو وقعد جمبها على السرير وحياه دخلت جوا حضنه وعيطت بزياده وفهد فضل يهدى فيها كتير لحد ما ماهدت ونامت فى حضنه .
وفهد قام من جمبها بهدوء دخل غير هدومه ورجع تانى اخد حياه فى حضنه وهو بيفكر مين ممكن يعمل كدا فى مراته .
وبعد وقت طويل كانت راسه هتنفجر من كتر التفكير وفاق على صوت مسدج وصلت ليه على فونه .
فهد مسك الفون وفتح المسدج وكان من رقم برايڤيت وملامحه بقا كلها غضب لما قرأ كلام الموجود فى المسدج
"المرة دى رجعت لحضنك تانى .... بس المرة الجايه هتبقي ليا وفى حضنى ووقتها مش هتشوفها تانى هتبقي حياتى انا وبس"
فهد اتعصب بس حاول يتحكم فى عصبيته عشان حياه متخافيش او تصحى .
وقام بهدوء من جمبها وخرج من الجناح كله ونزل شاف نور المكتب مفتوح خبط على الباب وفتح الباب ودخل لما سمع اذن الفهد .
فهد دخل وقعد على الكرسي قدام الفهد اللى بصله اوى
الفهد:مالك يا فهد ... حياه كويسه ؟!
فهد مد ايده بالفون للفهد اللى اخده منه وقرأ المسدج .
فهد:انا هموت واعرف مين ده .... وعايز مننا ايه ... يعنى وصلت بيه الجرأة انه يفكر يخطفها يا جدو .
الفهد:زودها اوى يعنى ولازم نعرف مين ده .... روح انت لحياه عشان متصحاش وتكون مش موجود معاها يا فهد وبكرة هنتجمع فى الشركه كلنا ونتكلم .
فهد:تفتكر انا هعرف انام يا جدى .
الفهد:انت بطل يا فهد ... هتقدر تحمى حياه وتعدو من المحنه دى ... يلا روح .
فهد:حاضر يا جدو تصبح على خير .
الفهد:تلاقى الخير .
فهد خرج والفهد مسك فونه وكلم حد وبعدها قفل وطلع عشان ينام فى حضن تمارا اللى بتنسيه اى حاجه بتحصل حوليهم وبتخفف عنه همومه كلها .
بقلم الكاتبة جنات
ــــــــــــــــ★ــــــــــــــ
صباح يوم جديد .
الكل فطرو سوا وبعدها الرجاله كلهم راحو الشركه والفهد طلب من البنات محدش يخرج ولا يروح الشغل النهارده وكمان طلب من ادهم وادم ومراد انهم يتجمعو ويعيشو سوا فى القصر لحد ما يعرفو مين عدوهم .
بقلم الكاتبة جنات
ــــــــــــــــ★ــــــــــــــ
فى شركه الفهد .
الكل متجمعين فى مكتب الفهد .
ادم:مش قادرين نوصل لصاحب الارقام ابدا يا عمى .
فهد بعصبيه:اومال ايه لزمه شغلكو ومنصبكو طالما انتو مش فالحين تجيبو حتت عيل لا راح ولا جه .
زين:فهد اهدى واتكلم باسلوب احسن من كدا .
كنان:هما عملو اللى عليهم وزياده يا فهد .
ايان:من رايي انه مش حتت عيل يا فهد ... من تفكيره ودماغه شكله واد دماغه سم .
راكان:بظبط كدا .... يبقي نهدى كدا عشان نفكر كويس ونقدر نوصله .
حسن بص للفهد اللى قاعد بيبصلهم بتركيز ومش بيتكلم:مالك يا فهد بتفكر فى ايه ؟!
الفهد:ولا حاجه .... بشوف اخره العصبيه والتفكير السلبي ده ايه .
فهد بصله:حضرتك تقصدنى انا مش كدا يا جدى !!
الفهد:كويس انك عارف .
فهد:لو اى حد منكو مكانى ... او حضرتك اللى مكانى ممكن تفهمونى هتعملو ايه ... طب هتتصرفو ازاى بهدوء لانى مش قادر اعمل كدا .
كلهم بصوله ومحدش اتكلم .
فهد:الرد وصلنى ..... لان لو انتو مكانى محدش فيكو هيبقي هادى ولا يفكر بعقل .
الباب خبط ودخلت السكرتيرة:مستر فهد الباشمهندس جاد عايز يقابل حضرتك .
الفهد:خليه يدخل .
السكرتيرة خرجت وجاد دخل واستغرب تجمعهم:صباح الخير .
كلهم:صباح النور.
حسن:اتفضل يا جاد .
جاد قعد على الكرسي:خير فى حاجه ؟!
ريان:انت عارف عشان موضوع امبارح .
جاد:اممم ..... طب انا كنت جاى لحضرتك يا فهد باشا عشان موقع الشركه ... اعرفك انه كله تمام والمهندسين يقدرو يروحو المكان ويبداو شغل كمان .
الفهد:تمام هعرف كبير المهندسين عشان ياخد الفريق وبكرة يروحو يعاينو المكان .
جاد:تمام هستاذن انا بقااا عن اذنكو .
الفهد:اتفضل يا جاد .
بقلم الكاتبة جنات
ــــــــــــــــ★ــــــــــــــ
فى قصر الفهد .
اسيل وديما وسيلا كلهم راحو القصر بامر من الفهد عشان هيفضلو سوا الفترة دى .
تمارا والبنات ظبطو اوض الضيوف اللى هيفضلو فيها ادهم وادم ومراد وكل واحد مع مراته .
تمارا دخلت هى والماميز يجهزو الاكل والبنات اقعدو سوا وبيشربو قهوة .
وبيهزرو ويضحكو بيحاولو يخرجو حياه من الحاله اللى لسه فيها .
سمعو رنه جرس التلفون الخاص بالحرس اللى واقفين على بوابه القصر .
حنين قامت ترد:الو .... ايوا يا محمود .... وماقالش من مين ..... تمام يا محمود دخلها .
حنين حطت السماعه مكانها وبصت للبنات .
سيلا:مالك يا بنتى ... محمود كان عايز ايه ؟!
حنين:ده حد جايب بريد لحياه ... وانا قولت لمحمود يدخلها .
حياه سمعت كلامها خافت جدا .
حنين:مالك يا بنتى خوفتى كدا ليه ... حد يطول يجيله بريد اليومين دول ... تلاقيه الواد فهد انا عارفاه رومانسي .
محمود دخل وحياه قربت منه واخدت البوكس وهى بتترعش من الخوف كان نفسها فهد يكون جمبها فى الوقت ده .
محمود خرج من القصر .
وحياه واقفه وهى ماسكه البوكس .
حنين:ماتيجى يا بنتى فرجينا جالك ايه .
حياه راحت قعدت جمبهم وحطت البوكس على رجلها وبدات تفتحه .
حياه فتحت البوكس واتصدمت من اللى جواه وصرخت بقوة ورمت البوكس على الارض .
البنات قامو وقفو بخضه لما شافو الصور اللى وقعت من البوكس .
تمارا والكل خرجو من المطبخ وقربو من البنات .
تمارا:مالك يا حياه بتصرخى ليه ؟!
حياه كانت فى عالم تانى وعينيها على الصور اللى واقعه على الارض .
جنه بصت على الصور واتصدمت لما شافت الصور كلها لفهد ابنها والصور كانت كل صور كان فهد متصوب بالرصاص فى اماكن مختلفه .... صور الرصاصه والدم من نص راسه والصورة التانيه فى قلبه وغيرها فى بطنه وغيرهم صور كتير وكلهم فهد ميت بطريقه غير التانيه .
جنه بخوف:فهد ابنى .... فهد يا ماما ... فهد .
تمارا والكل شافو الصور وخافو وكلهم فاقو على صوت خبطه قويه وكانت حياه وقعت على الارض مغمى عليها ....
