رواية في قبضة الفهد 3 ( عشق الاحفاد ) الفصل العاشر 10 بقلم جنات
»» الفصل العاشر ««
فى الشركه الفهد
فهد قاعد فى مكتبه وعمال يفكر مين اللى بيعمل كل ده .
فهد فاق من تفكير على صوت الباب اللى بيخبط .
فهد:اتفضل .
جاد فتح الباب ودخل:فاضي يا فهد ؟!
فهد:اه اتفضل يا جاد .
جاد قعد على الكرسي:انا كنت رايح اشوف الباشمهندسه حياه واطمن عليها بس عرفت انها ماجيتش الشركه النهارده .... يارب تكون بخير .
فهد اتنهد:اللى حصل مأثر فيها يا جاد جامد .... وجدى طلب منهم انهم يفضلو فى البيت يكون احسن .
جاد:معرفتش مين ممكن يعمل كدا ؟!
فهد:للاسف طلع هو نفسه الشخص اللى بيبعت مسدجات لحياه وليا .
جاد:ومين الشخص ده ؟!
فهد بدأ يحكى لجاد من اول ما وصل بوكيه ورد لحياه والصور اللى بتوصله وكمان المسدجات لحد اللى حصل .
جاد:ده اكيد مجنون يا فهد .
فهد:اللى يعمل كدا ويفكر يقرب من عيله الفهد يبقي اكيد مجنون .
جاد:بس انا حاسس انه شخص قريب منكو جداا .
فهد بصله اوى:ليه بتقول كدا ؟!
جاد:لانه ببساطه عارف كل تحركاتكو يا فهد .... عارف انكو سافرتو وعارف عنوان الشاليه .... عارف الباشمهندسه حياه خرجت امته من الشركه والطريق اللى هتمشي فيه .
فهد بضيق:الشخص ده تقريبا عينه على حياه فى كل مكان يا جاد .... لان بيوصلى منه صور ليها وهى فى كل حته .
جاد:انت ممكن تسال حد متمكن يعرفك مين صاحب الارقام .
فهد:بذمتك فى حد متكمن اكتر من ادم ومراد ..... بس للاسف الشخص عارف هو بيعمل ايه وبيلعب مع مين عشان كدا اخد كله حذره ..... والرقم اللى بيبعت منه بيتقفل وبيرجع يبعت من غيره .
جاد:انا ليا واحد اعرفه بيفهم جدا فى الامور دى وخبير فيها اوى .... لو الشخص ده بعتلك من رقم تانى ابعتلى الرقم انت بس .
فهد:تمام يا جاد .
فون فهد رن وكانت جنه مامته ورد عليها:ايه ست الكل ؟! .... انا فى الشركه وبخير يا حبيبتى ..... مالها حياه ..... وليه تستلموه يا امى ...... خلاص دقايق واكون عندكو ... سلام .
جاد:خير يا فهد ؟!
فهد:تقريبا الشخص باعت بريد للقصر وبيهدد بقتلى وده خوف حياه ... انا لازم اروح القصر .
جاد:تحب اجى معاك ؟!
فهد:لا مالوش لزوم يا جاد .
فهد خرج من المكتب وراح على مكتب الفهد وكان حسن وزين هناك وقالهم اللى حصل باختصار وخرجو من الشركه والفهد كلم ادم ومراد يروح على القصر .
بقلم الكاتبة جنات
ــــــــــــــــ★ــــــــــــــ
فى القصر .
تمارا وجنه وزينه واقفين مع ديما اللى بتكشف على حياه اللى نايمه على السرير فى جناحها فى عالم تانى .
تمارا:طمنينا يا ديما هى مالها ؟
ديما:متقلقيش يا توتا حياه كويسه .... هو بس اللى حصل واللى شافته ده خلاها يغمى عليها .
جنه:طب وليه مابتفوقش يا ديما ؟!!
ديما:بصراحه كدا انت شاكه فى حاجه .... ولو الحاجه دى طلعت صح يبقي المفروض حياه تبعد عن اى ضغط او توتر يا توتا .
زينه:حاجه ايه يا ديما ؟!
ديما:ان حياه حامل يا توتا .
تمارا بصت لجنه وزينه بفرحه:بجد يا ديما !!
ديما:اه والله يا توتا .... وانا هخلى حياه تيجيلى بكرة باذن الله المستشفى وهخلى دكتورة مختصه تعملها كل التحاليل .
زينة:حياه اكيد هتفرح جداا وفهد كمان يا توتا .
تمارا:يارب دايما كدا العيله تفضل فرحانه ويبعد عننا اى حاجه وحشه يارب .
ديما وجنه وزينة:يارب.
جنه:بس ايه الصور اللى جت لحياه دى يا توتا ومين اللى يبعت حاجه زى دى ؟!!!
تمارا:مش عارفه والله يا بنتى .... الوقت فهد يجى ونفهم منه .... انا اصلا حساه مخبي عليا حاجه الفترة دى .
ديما:حاجه ايه يا توتا؟!
تمارا:دايما كدا بيتجمع مع الشباب والرجاله ويفضلو يتهماسو واول ما يشوفو حد مننا يسكتو .
ديما:ايوا حتى ادم يبقي بيكلم جدو واول مادخل عليها يقفل معاه .
جنه:يبقي فى حاجه واكيد الخطر على فهد .
تمارا:اهدى يا جنه اهدى ان شاء الله مافيش اى خطر على اى حد .
ديما:احنا قاعدين نرغى وناسين اللى برا اكيد قلقانين على حياه .
تمارا:خليهم يدخلو يا ديما .
ديما قامت وفتحت الباب والكل دخلو .
مروة:طمنونا حياه عامله ايه ؟!
تمارا:الحمدلله هى بس اغمى عليها بسبب الخوف .
مريم:و مش بتفوق ليه ؟!
ديما:انا من رايى بلاش نفوقها ونسيبها ترتاح احسن .
تمارا:طب تعالو نخرج ونسيبها كفايه خضتها يا حبيبتى .
الكل خرجو من الاوضه ونزلو فى نفس وقت وصول الفهد ومعاه فهد وزين وادم .
فهد بخوف:حياه فين يا توتا هى كويسه ؟!
تمارا:متقلقش يا حبيبي هى نايمه فوق سبناها ترتاح شويا .
الفهد:فين البوكس اللى وصل ؟!
حنين جابته والفهد طلع منه الصور وبدأ يشوفها هو وفهد وزين .
ادم اخد البوكس وبدأ يدور فيه كويس وطلع منه ورقه وبص للفهد .
فهد:اكيد هو نفسه الحقير اللى بعتها .
ادم فتح الورقه وقرأ الكلام فى نفسه والفهد شد منه الورقه .
" ماقدرتش اخطفك المرة دى .... بس المرة الجايه هحزن قلبك على فهد .... لو مش عايزاه يتأذى تيجى ليا بكفيك يا حياتى وتطلبي الطلاق منه لو خايفه عليه اوى "
الفهد قرأ الكلام فى نفسه وضم الورقه فى كفه ايده بعصبيه .
جنه قربت من فهد وحضنته بخوف وعيطت:قلبي وجعنى لما شوفت الصور يا حبيبى ربنا يحميك يارب .
فهد:انا بخير يا حبيبتى متخافيش ... ده واحد جبان .
تمارا:مين ده بقااا .... ماحنا لازم نفهم فى ايه يا فهد ومخبين ايه علينا .
الفهد بصلها:مش وقته يا تمارا .
تمارا:لا وقته يا فهد .... وبعدين الورقه دى مكتوب فيه ايه خلاك اتعصبت اوى كدا !!!
الفهد:تمارا خدى الكل واطلعو فوق .... زين ادم فهد تعالو المكتب .
الفهد دخل المكتب والشباب وراه .
شروق:شكل فى موضوع كبير يا تمارا .... ربنا يستر .
ديما:خلونا نطلع نطمن على حياه .
زينه:سبيها نايمه احسن يا ديما .
مروة قربت من تمارا:اكيد هيفهمونا فى الوقت المناسب يا تمارا .
تمارا:وانا مستنيه يا مروة .
جميله:تعالو ندخل نكمل الاكل زمان الباقى جايين فى الطريق .
الكل دخلو المطبخ .
بقلم الكاتبة جنات
ــــــــــــــــ★ــــــــــــــ
فى المكتب .
الفهد بعصبيه:لازم نعرف مين الحقير ده فى اسرع وقت .
الفهد رمى الورقه من ايده بعصبيه وفهد اخدها وقرأ الكلام اللى فيها وكان هيتجنن من التفكير:ده اكيد مجنون هو مفكر انه كدا هيهددها ويخوفها و تطلب الطلاق منى .
ادم اخد الورقه من فهد وشاف توقيع فى اخر الورقه وكان حرف RH مدمجين مع بعض بطريقه معينه .
ادم:فى توقيع هنا .
الفهد وفهد بصو على الورق .
فهد:دى اول مرة يبقى سايب توقيع .
زين:حتى لو سايب توقيع مش مفهوم بردو .
ادم اتوتر وهو بيبص لفهد:احم هو ممكن يكون حرف الاتش ده قصده حياه ..... والار حرف اسمه .
فهد كان حاسس بنار جواه .
الفهد:حتى لو اول حرف من اسمه .... ما اللى اساميهم بتبدأ بالحرف ده كتير .
ادم:امممم
الفهد شايف عصبيه فهد:فهد اطلع حياه لازم لما تفوق تكون جمبها .... لان اللى حصلها ده بسبب خوفها عليك .
فهد:تمام .
فهد خرج من المكتب.
ادم:انا لازم اروح عندى شغل مهم يا عمى .
الفهد:تمام .
بقلم الكاتبة جنات
ــــــــــــــــ★ــــــــــــــ
فهد خرج من المكتب وقابل ديما:طمنينى على حياه يا ديما هى كويسه مش كدا ؟!!
ديما:كويسه جداا والله ... وكمان فى خبر حلو اوى .
فهد:خبر ايه ده ؟!
ديما:حياه حامل .
فهد:بتتكلمى بجد !!!
ديما:اه والله .... لازم بكرة تجيبها المستشفى عشان تتابع مع دكتورة مختصه لانه مش تخصصى ده للاسف .... والف مبروك .
فهد بفرحه:الله يبارك فيكى يا ديما .
ادم قرب منهم:بتباركو لبعض على ايه بقااا ؟!
ديما:حياه حامل .
ادم:ده ايه الاخبار الحلوة دى ..... مبروك يا صاحبي .
فهد:الله يبارك فيك يا ادم .... انا هطلع لحياه .
فهد جرى على فوق وكان فرحان جداا .
ادم ضم ديما لحضنه:خبر جاى فى وقته والله .
ديما:ربنا يسعدهم ويبعد عنهم اى حاجه وحشه .
ادم:اومال اميرتى الحلوة فين مش شايفها ؟!
ديما:اميرتك من وقت ما جينا هنا وهى نسيانى خالص وكل تركيزها مع يزن .
ادم:طب والله كتر خيرها خليها تبعد عنك شويا عشان تركزى معايا انا وبس .
ديما:يوووه يا ادم مش هتبطل طريقتك دى .
ادم:ابدااا .... قوليلى بقااا فين اوضتنا لان تعبت اوى النهارده وجاى هلكان ونفسي اشوف السرير .
ديما:مش هتنام غير لما الكل يرجعو وناكل سوا .
ادم:طيب هاخد شاور سريع على ما يوصلو .
ديما:اذا كدا اوكى .
ديما وادم طلعو اوضتهم .
بقلم الكاتبة جنات
ــــــــــــــــ★ــــــــــــــ
الفهد طلع اوضته وقعد على السرير واللى شاغل تفكيره مين عدو عيلته واللى بيهدد احفاده بالشكل ده .
الباب اتفتح بقوة ودخلت تمارا ووقفت قدامه بعصبيه .
الفهد بصلها:ايه يا حبيبتى مالك ؟!
تمارا:اتفضل اتكلم انا سمعاك .
الفهد:اتكلم فى ايه يا تمارا .
تمارا:فى اللى بيحصل يا فهد .... ايه الصور اللى جت على القصر دى ... انا اصلا حاسه انك بقالك فترة مخبي عليا حاجه و كبيرة جداا كمان .
الفهد:تمارا لو سمحتى نتكلم فى وقت تانى انا راسي هتنفجر من الصداع .
تمارا:لا يا فهد مافيش وقت تانى .... انا هموت من الخوف والقلق بجد وانا مش فاهمه ايه اللى بيحصل ده .
الفهد مسك ايدها وقعدها جمبه على السرير وباس راسها:بعد الشر عليكى يا تمارا ... بلاش سيرة الموت تيجى على لسانك مرة تانيه فاهمه .
تمارا:ماشي يا فهد مش هتكلم عن الموت تانى بس طمن قلبي ونبي .
الفهد اتنهد وبدأ يحكيلها كل اللى حصل من البدايه .
تمارا:ومين ده يا فهد اللى يبص لواحده متجوزة وعلى ذمه راجل ده اكيد بنى ادم مريض ..... انا خايفه على حياه وفهد
الفهد:انا هتجنن من كتر التفكير ... خوفى بيزيد خصوصا على فهد .... هو من طريقته شكله مهوس بحياه فاكيد مش هيأذيها ... بس الخطر كله على فهد .
تمارا:ما هو فكر يخطفها كمان قبل كدا .
الفهد سند راسه على ايدها بتعب وتمارا بصتله بحزن اول مرة تشوف الفهد شايل الهم كدا .
تمارا حطت راسها على كتفه:فهد حبيبي كل حاجه هتتحل متقلقش ... كل حاجه هتبقي كويسه وهنرجع نعيش بسعاده كلنا سوا .... وبعدين احنا مستحيل نخاف والفهد معانا الحقير ده اللى المفروض يخاف من الفهد .
الفهد رفع راسه وبصلها بعشق:محدش بيقدر ينسينى تعبي ولا يلغى التفكير اللى فى راسي غيرك يا تمارا .
تمارا:ربنا يخليك لينا يا فهد ... انت مصدر قوة العيله دى واحنا كلنا منقدرش نعيش من غيرك ابدااا ..... يلا قوم خد شاور كدا وروق وانزل عشان نتغدى كلنا سوا .
الفهد:حاضر .
بقلم الكاتبة جنات
ــــــــــــــــ★ــــــــــــــ
فهد دخل اوضته وحياه كانت نايمه على السرير .
فهد قعد جمبها على السرير:حياه حبيبتى .
حياه بدات تفتح عينيها وبصت لفهد وابتسمت بحب .
فهد:ايوا كدا خلى حياتى كلها تحلى بابتسامتك يا حياتى .
حياه ابتسمت بكسوف وفجاه ابتسامتها اختفت لما افتكرت الصور وقامت قعدت بخوف:فهد ... فهد فى صور جت وانت كنت ....
فهد:اهدى يا حبيبتى انا كويس اهو قدامك ومافيش اى حاجه حصلتلى اهدى .
حياه حضنته بخوف:انا حسيت قلبي وقف لما شوفت الصور يا فهد .... انا خايفه اوى مين اللى بعتهم ليا يا فهد ؟!
فهد:بلاش تفكرى فى اى حاجه يا حبيبتى .... انا بس عايزك تفكرى فى الضيف اللى هيجى وينور حياتنا .
حياه بعدت عنه وبصتله باستغراب:ضيف مين ؟!
فهد مسك ايدها وحطها على بطنها:ضيف صغير هيكون رمز حبنا يا حياه .
حياه:بجد يا فهد ... انت عرفت ازاى ؟!
فهد:ديما كشفت عليكى لما اغمى عليكى وهى اللى قالتلى .... وطلبت كمان تروحى المستشفى عشان تتابعى مع دكتورة مختصه .
حياه عينيها دمعت من الفرحه وفهد حضنته:مبروك يا حياتى .
حياه:الله يبارك فيك يا فهد .... انا فرحانه اوى اوى .
فهد:يارب دايما تبقى فرحانه يا حياتى ..... يلا قومى عشان ننزل ناكل سوا ... لازم تاكلى كويسه وتاخدى بالك من نفسك سمعانى .
حياه ضحكت:حاضر .
بقلم الكاتبة جنات
ــــــــــــــــ★ــــــــــــــ
فهد وحياه نزلو والكل كانو متجمعين على السفرة واول ما شافو حياه فرحووو .
الفهد قرب منها وضمها لحضنه:مبروك يا حياه .
حياه بخجل:الله يبارك فيك يا جدو .
الفهد:مبروك يا فهد .
فهد:الله يبارك فيك يا جدو .
الكل بدأو يقربو منهم ويباركو ليهم بفرحه ونسو خوفهم كله .
وحياه وفهد كانو مبسوطين جدا بفرحه العيله ونسو كل اللى بيحصل معاهم .
بقلم الكاتبة جنات
ــــــــــــــــ★ــــــــــــــ
جاد رجع على الڤيلا وكانت ديالا قاعده مستنياه .
جاد اتجاهلها وطالع على فوق .
ديالا بصوت عالى:جاااااد .
جاد لف وبصلها .
ديالا قربت منه:انت بتعمل معايا كدا ليه !!!
جاد:بعمل ايه مش فاهم ؟!!
ديالا:جبتنى معاك مصر وسايبنى مرميه هنا طول اليوم حتى مش بنزل معاك الشغل وكمان متجاهلنى على الاخر .
جاد ببرود:اولا قرار انك تيجى مصر ماكنش قرارى ... ده قرارك انتى اتحملى بقااا نتيجه قرارك يا حلوة .
ديالا بصوت عالى و عصبيه:بطل برودك ده بقااا ... انا جيت هنا عشان اشتغل مش افضل قاعده كدا طول اليوم فى الڤيلا .... بطل برودك وقساوتك دى بقاااا .
جاد اتعصب وقرب منها ومسكها من فكها بعصبيه واتكلم بحده:صوتك لو على مرة تانيه عليا هتندمى فهمانى .... واللى فى دماغك ده تنسيه خالص حب وجواز والكلام الفارغ ده ميمشيش معايا .... بطلى ترخصي نفسك سمعانى .
جاد بصلها بوقاحه:لو حابه نقضي وقت حلو سوا ماعنديش مانع يا حلوة اهو اتسلى شويا .
ديالا اتصدمت من كلامه ونظرته ليها ودموعها نزلت وجاد بعد عنها .
ديالا بكسرة:جاد .
جاد بصلها بس اتفاجأ بالقلم اللى نزل على وشه من ديالا بكل قوتها .
ديالا وهى بتعيط:انت احقر انسان انا شوفته فى حياتى .... لما تفكر كدا فى بنت خالتك اومال بتشوف الغرب ازاى .... انا بكرهك يا جاد .... ومن اللحظه دى مش هفضل معاك فى نفس المكان ابدااا .
ديالا لسه هتمشي جاد مسك ايدها وديالا بعدت ايده عنها وصرخت فى وشه:ايااااااك تلمسنى فاهم ... انا مش رخيصه يا جاد .
جاد للحظه ندم على كلامه ليها بعد ماشاف حالتها ودموعها بس اتكلم ببرود:اه يعنى هتسيبى الڤيلا وهتروحى فين ؟!
ديالا:انا افضل فى شارع ولا انى افضل معاك .
جاد قرب منها واتكلم بطريقه خوفتها:طيب اسمعينى كويس خروج من هنا مافيش ولو فكرتى تكسرى كلمتى اقسملك بالله يا ديالا هتندمى بجد .
ديالا خافت منه وطلعت بسرعه على اوضتها وقفلت على نفسها بالمفتاح وقعدت ورا الباب وفضلت تعيط على حب عمرها ونظرته ليها ...
