رواية في قبضة الفهد 3 ( عشق الاحفاد ) الفصل الثامن 8 بقلم جنات
»» الفصل التامن ««
البنات ( حياه وديما وسيلا وحنين )قاعدين سوا فى الاوضه وبيضحكو .
سيلا بصت لحياه:اومال انتى فيكى ايه يا حياه اليومين دول ؟!
حياه بصتلها:مالى مانا كويسه اهو !!
ديما:لا مش كويسه ... سيلا معاها حق انتى متغيرة بقالك فترة .
حنين:حتى الواد فهد جوزك متغير ودايما متعصب ..... انتو دابين خناقه ولا ايه ؟!
حياه ضحكت:انتى عارفه لو سمعك وانتى بتقولى الواد فهد احتمال يعلقك من قفاك على باب الشاليه .
حنين:قلبك ابيض يا يويو .... فى بير بقاااا .
حياة:ماشي يا نوناا .... ولا يا ستى مش دابين خناقه ولا حاجه .
ديما:اومال فيكى ايه بقااا ؟!
حياه:انا متعودتش اخبي عليكو حاجه .... فانا هحكيلك بس محدش لازم يعرف ابداا .
البنات:فى بير عميق لا تقلقي .
حياه ضحكت وبدات تحكيلهم من اول ما وصلها الورد على المكتب والمسدجات اللى كانت بتيجى لفهد وكل حاجه حصلت تقريبااا .
حنين:نهار مش فايت ومين العاشق الغامض ده بقااا .
حياه:جدو وفهد وكلهم بيدورو ومش قادرين يعرفو هو مين .
سيلا:اكيد ادم ومراد هيعرفو يوصلو ليه .
حياه:على اد مانا نفسي يعرفو مين الشخص ده .... بس خايفه اوى .
ديما:من ايه يا حبيبتى ؟!
حياه:خايفه على فهد ... انتو عارفين فهد عصبي ازاى .... ولو عرف مين اللى بيبعت المسدجات دى معرفش ممكن يتصرف ازاى .
حنين:انتى هتقوليلى فهد اخويا واعرفه اكتر من نفسي .... ده عصبيته تهد جبال يا بنتى والله مش بعيد يقتله بس قبل ما يقتله اكيد هيعذبه عشان يقول حقى برقبتى .
سيلا ضربتها فى كتفها:ما تهمدى انتى بتخوفيها بزياده .
حنين:الله .... ما دى الحقيقه يا ختى وكلنا عارفينها .
ديما:متخافيش يا حياه ... وبعدين جدو عارف بالموضوع واكيد مش هيرضي ان فهد يعمل اى خطوه يدمر بيها مستقبله ولا ايه ؟!
حياه:يمكن اللى مطمنى ان جدو معاهم خطوة بخطوة فى الموضوع ده .
سيلا:هتتحل يا يويو متخافيش وفكى احنا جايين هنا ننبسط يا بنتى .
حنين:اه ونبي انا نفسي نفضل هنا علطول .
ديما:ايه الدوشه اللى برا دى ؟!
حياه:مش عارفه تعالى نروح نشوف .
البنات خرجو وشافو الكل واقفين وشكلهم متعصبين .
الفهد:الكل يجهز عشان هنرجع اسكندريه بسرعه .
سيلا بصت لحنين:احلامك دايما كدا بطير فى الهوا يا حبي .
حنين:منحوسه وانا عارفه .
البنات ضحكو وقربت منهم تمارا:يلا يا بنات كل واحده تجهز شنطتها وشنط الشباب عشان نتحرك وبلاش تأخير عشان الفهد متعصب جداا .
حياه:هو فى ايه يا توتا ؟!
تمارا:فرع الشركه الجديد اتحرق .
سيلا:وحصل ازاى ده ؟!
تمارا:ميعرفش السبب .
حسن:انتو لسه واقفين تتكلمو يلا اطلعو اجهزو .
البنات كل واحده طلعت جهزت شنطتها وشنطه جوزها ولبسو ونزلو بسرعه كان الكل جهزو وخرجو وكل واحد ركب عربيته مع مراته واتحركو بسرعه على الاسكندريه .
بقلم الكاتبة جنات
ــــــــــــــــ★ــــــــــــــ
تانى يوم الكل وصلو اسكندريه .
وكل واحد رجع على بيته .
الفهد والعيله رجعو على القصر .
حسن:اطلعو ارتاحو شويا وبعد كدا نروح نشوف حوار الشركه .
الفهد:لا مافيش راحه يا حسن غير لما نخلص كل حاجه .
كنان:فهد هما خلاص سيطرو على الحريق وكل حاجه تمام .
الفهد بحده وصوت عالى:وانا قولت مافيش زفت راحه غير لما نعرف ايه اللى حصل وحصل ازاى ... ماحنا مشغالين معانا شويا بهايم .
راكان:يا فهد انت سمعت بنفسك ان الحريق حصل بسبب ماس كهربي يعنى محدش ليه علاقه .
الفهد بصله بحده:وحضرتك مصدق الكلام ده ؟!
راكان بصله ومردش عليه .
زين:بابا لو سمحت اهدى .... واحنا اكيد مش هنسكت وهنعرف اذا كان حد ورا الحريق ده ولا لأ .
ريان:بظبط يا عمى .... وشوف اللى حضرتك عايزه واحنا هنعمله بحرف .
فهد:جدو لو سمحت هدى اعصابك شويا واحنا هنحل كل حاجه .
الفهد:ماشاء الله كلكو بقااا هتفكرو بعقل وانا اللى متهور فى وسطكو مش كدا .... وايه هدى اعصابك دى شايفنى مجنون قدامك يا فهد باشا .
زين:فهد اكيد مايقصدش يا بابا .
فهد:انا اسف يا جدو مش قصدى والله .
حسن:فهد .... اللى حصل حصل خلاص .... العصبيه والخناق مش هيصلحو اللى حصل ... خلينا كلنا نهدى من حده التوتر دى ونفكر بعقل ونحمد ربنا ان الحريق حصل فى الفرع اللى تحت الانشاء مش فى الفروع الاساسيه .... وقبل كل ده كلنا نطلع نرتاح شويا .... يلا كل واحد ياخد مراته واطلعو اكيد تعبانين من السفر يلا .
الشباب كل واحد قرب من مراته وطلعو والكل طلع وفضل الفهد اللى هيتجنن بسبب اللى حصل .
تمارا قربت منه:فهد اهدى شويا وان شاء الله خير .
الفهد بحده:حتى انتى هتقوليلى اهدى يا تمارا .... انتو شايفنى مجنون قدامكو .
تمارا:مش قصدى والله يا حبيبى .... فهد انت الكبير هنا والكل بيمشو وراك وهما مغمضين ....ومتعودين دايما انك الهادى اللى بيفكر بالعقل عشان يحل كل مشكله بتحصل .... ولازم تكون هادى وتبطل عصبيه عشان تفكر صح يا حبيبى وتعرف اذا كان الحريق حقيقي ماس كهربي ولا بفعل فاعل .
فهد بصلها وهز راسه بايجاب وتمارا دخلت جوا حضنه وفهد ضمها ليه بحب واتنهد براحه لان تمارا الوحيده اللى بتقدر تهديه لما يكون متعصب .
تمارا رفعت راسها وبصتله:نطلع نرتاح شويا بقااا .
الفهد ابتسم:نطلع .
تمارا وفهد طلعو جناحهم .
بقلم الكاتبة جنات
ــــــــــــــــ★ــــــــــــــ
صباح تانى يوم .
الفهد والكل راحو مقر فرع الشركه الجديد اللى حصل فيه الحريق .
وكانو بيتابعو كل حاجه مع ادم ومراد اللى كانو بيحققو مع الكل عشان يعرفو مصدر الحريق وفرغو كاميرات المراقبه بس ماكنش فى اى حاجه بتبين ان الحريق حصل بفعل فاعل .
ادم قرب من الفهد:عمى كل حاجه بتثبت ان الحريق حصل بسبب ماس كهربي .
الفهد بهدوء:تمام يا ادم .... حسن كلم شركه التأمين عايز الشركه تتظبط و تكون جاهزة فى اقل من شهر .
حسن بصله ومستغرب هدوئه لانه كان متعصب جدا امبارح:تمام يا فهد .
الفهد بص لشباب:وانتو بتعملو ايه هنا ... اتفضلو يلا روحو الشركه الام ... وقفتكو دى ملهاش اى داعى يلا .
الشباب سمعو كلام الفهد ومشو وفضل الفهد وحسن وراكان وكنان وادم ومراد اللى كانو بيخلصو شويا تحقيقات .
بقلم الكاتبة جنات
ــــــــــــــــ★ــــــــــــــ
مر اسبوع على الكل مافيش اى جديد .
الفهد اللى كان هادى جدا وهدوئه ده كان مخوف الكل .
فهد وحياه اللى مبقاش يوصلهم اى رسايل من الشخص المجهول .
التحقيقات اللى خلصت واتقفل المحضر بأمر من الفهد .
جاد اللى نزل مصر ومعاه ديالا بامر من والده وده كان معصبه جداا على عكس ديالا اللى كانت فرحانه انها نزلت مصر ومع جاد بتحديد .
ادم ومراد اللى سافرو بعد الحريق عشان المهمه الجديدة بتاعتهم وخلصوها بنجاح فى وقت قصير .
بقلم الكاتبة جنات
ــــــــــــــــ★ــــــــــــــ
فى شركه الفهد اللى قاعد فى مكتبه .
الباب خبط ودخلت السكرتيرة:مستر فهد الباشمهندس جاد عايز يقابل حضرتك .
الفهد:خليه يدخل .
السكرتيرة خرجت ودخل جاد وسلم على الفهد وقعد على الكرسي قدامه .
الفهد:حمدلله على السلامه يا جاد .
جاد:الله يسلمك يا فهد باشا ....انا لسه واصل اسكندريه امبارح وعرفت اللى حصل فى الشركه ..... اكيد اى حاجه تتعوض والمهم انكو بخير .
الفهد:اكيد ..... انت كنت طلبت انى اجيلك ايطاليا ونوقع العقود .
جاد:انا كان كل غرضي ان حضرتك تشرفنى وتنور شركتى يا فهد باشا .... ده اكيد هيكون شرف كبير ليا وشركتى .
الفهد:انا بحب كل تعاملاتى تتم هنا فى الشركه الام يا جاد .... فاهمنى .
جاد:اكيد .... انا روحت موقع المنتجع وكل حاجه تقريبا زى مانا عايز .
الفهد:طب تمام .... وكمان تصميم الشركه بقااا جاهز الباشمهندسه حياه حنين جهزوه من فترة بس انت سافرت فجاه .... لو تحب تشوفه عشان يبداو الشغل فيها ... على حد علمى انت مستعجل جدا .
جاد:اكيد ... التصميم مع حضرتك ولا مع الباشمهندسه حياه .
الفهد:مع حياه .... لحظه هخليها تجيبه وتيجى .
الفهد رفع سماعه التلفون وكلم السكرتيرة وبص لجاد:نسيت اسالك تشرب ايه يا باشمهندس .
جاد:قهوة ساده .
الفهد اتكلم فى التلفون:اتنين قهوة ساده وقولى لباشمهندسه حياه تجيب تصميم شركه الباشمهندس جاد وتيجى مكتبي بسرعه .
الفهد حط السماعه وبص لجاد .
بعد شويا الباب خبط .
الفهد:اتفضل .
دخلت حياه وبصت لجاد:صباح الخير يا باشمهندس .
جاد:صباح النور يا باشمهندسه .
الفهد:اقعدى يا حياه .
حياه قربت وقعدت على الكرسي قدام جاد ومدت ايدها بالتصميم لجاد:اتفضل يا باشمهندس التصميم وشوف لو حضرتك حابب تضيف اى حاجه عليه عرفنى .
جاد اخد التصميم وبدأ يبص عليه بتركيز كبير وحياه اتوترت من صمته الطويل وبصت للفهد اللى ابتسملها عشان تطمن .
جاد بص لحياه:بجد تسلم ايدك يا باشمهندسه التصميم زى اللى كنت رسمه فى خيالى تمام ... بجد تسلم ايدك .
حياه ابتسمت:شكراا يا باشمهندس .
الفهد:شوف لو حابب تغير او تضيف اى حاجه عرف حياه عشان الفريق يبدأ الشغل .
جاد:انا عايز التصميم زى ما هو كدا ... ممتاز جداا .
حياه:تمام انا هعطى خبر للمهندسين يا جدو عشان يبداو مع الفريق ..... ناقص بس حضرتك تختار الموقع يا باشمهندس .
جاد:الموقع جاهز وهبعت اللوكيشين لفهد باشا كمان .
الفهد:تمام يا جاد ... اتفضلى انتى على شغلك يا حياه .
حياه قامت وقفت:عن اذنكو .
جاد والفهد اتبتسمو وحياه خرجت من المكتب .
وجاد وفهد فضلو يتكلمو ويتفقو على شويا حاجات وبعدها جاد استاذن ومشي من الشركه كلها .
بقلم الكاتبة جنات
ــــــــــــــــ★ــــــــــــــ
فى مكتب فهد .
حياه خبطت وفتحت الباب:ممكن ادخل يا كابتن ؟!
فهد رفع وشه وبصلها وابتسم:ممكن ونص يا روح قلب الكابتن .
حياه ابتسمت ودخلت قعدت على الكرسي:مش هتتخيل الباشمهندس جاد شاف التصميم بتاع الشركه وعجبه جداا وكمان المهندسين هيبداو شغل عليه .
فهد باستغراب:شافه ازاى !! .. مش هو مسافر ! .
حياه:لا ما هو رجع من السفر وقاعد مع جدو فى مكتبه .
فهد:مبروك يا حياتى .
حياه:الله يبارك فيك يا حبيبي ..... لسه وراك شغل كتير ؟!
فهد:ايوا شغال على المشروع الجديد .
حياه:انا فكرتك خلصت وانا كمان خلصت وكنا نخلع ونرجع على البيت .
فهد ضحك:حياه بتقول نخلع .... ونبي قللى مش قاعدتك مع حنين شويا .
حياه ضحكت:حنين هبله حبتين بس طيبه اوى .
فهد:هبله حبتين بس ... قولى عشرة عشرين .
حياه:يا لهوى لو سمعتك هتروح فيها يا كابتن .
فهد:لا احنا جامدين اوى متخافيش يا حياتى .
حياه:طيب بما انك لسه وراك شغل كتير ... هرجع انا بقااا على البيت .
فهد:خليكى ونرجع سوا .
حياه:تعبت اوى النهارده ... هروح ارتاح حبه على ما ترجعو كلكو .
فهد:ارجعى مع السواق يا حياه ... انا هكلمه يستناكى تحت ..... وشوفى لو حد من البنات خلصو وارجعو سوا .
حياه:حنين هترجع ما ايان وسيلا لسه وراها شغل وكدا كدا مراد اللى هيوصلها .
فهد:خلاص انزلى وانا هكلم السواق .
حياه:حاضر يا حبيبى .
حياه خرجت من مكتب فهد وراحت مكتبها اخدت شنطتها وفونها وراحت عشان تنزل في الاسانسير ... كان جاد واقف بيستنى الاسانسير يطلع .
جاد:نازله يا باشمهندسه ؟!
حياه:ايوا .
الاسانسير وصل .
جاد:اتفضلى .
حياه دخلت وجاد دخل بعدها وداس على احد ازرار الاسانسير عشان ينزل لدور الارضي .
وكان الصمت سيد المكان .
الاسانسير وصل وجاد خرج وحياه كمان .
جاد:تحبي اوصلك يا باشمهندسه .
حياه:شكرا يا باشمهندس ... السواق واقف هناك اهو .
جاد:تمام
جاد ركب عربيته وحياه ركبت مع السواق اللى اتحرك بالعربيه .
جاد فونه رن برقم ديالا نفخ بضيق ورد عليها:نعم يا ديالا ؟!
ديالا:انت ازاى تنزل من غير ما تقولى يا جاد !!
جاد:نعم ... هو انا المفروض اخد اذنك ولا ايه ؟!
ديالا بعصبيه:لا المفروض انى جايه هنا عشان الشغل ... وحضرتك رايح شركه الفهد لشغل والمفروض اكون معاك ولا ايه ؟!
جاد:اولا انا كنت رايح عشان اتمم على تصميم الشركه ومشيت على طول ..... ثانيا بقااا انا مابحبش اسلوب الكلام ده لما تيجى تتكلمى معايا صوتك ميعلاش سمعانى ... وثالثا بقااا والاهم لما ابقا احتاجك معايا فى الشغل هابقا اقولك تيجى معايا غير كدا لا يا ديالا ... سلام .
جاد قفل المكالمه ورمى الفون على الكرسي جمبه:ربنا يسامحك يا والدى على المصيبه اللى رميتها عليا دى .
جاد اتحرك بالعربيه .
بقلم الكاتبة جنات
ــــــــــــــــ★ــــــــــــــ
فى العربيه عند حياه .
حياه طلعت فونها من الشنطه وبدات تقلب فيه يسليها شويا على ما توصل القصر .
وفجاه وهما ماشين جت عربيه وخبطت فيهم فى العربيه من الخلف .
حياه بخوف:ايه ده يا عم محمد ؟!
محمد:مش عارف يا باشمهندسه ... مالهم دول .
وفجاه العربيه بقت تزنق عليهم وتخبط فيهم ومحمد بيحاول يبعد عنهم بس مش عارف ... وحياه كانت مرعوبه ورنت على فهد بسرعه اللى رد عليها:وصلتى القصر يا حبيبتى ؟!
حياه وهى بتعيط:فهد الحقنى ... فى عربيه ماشيه ورانا وعماله تخبط فى عربيتنا ... انا خايفه اوى يا فهد .
فهد:اهدى يا حياه ... انتو فين الوقت ؟!
حياه:انا لسه على الطريق .
فهد:طب ابعتيلى لوكيشن بسرعه يا حياه .
حياه قفلت مع فهد وبعتتله لوكيشن وايديها بتترعش من الخوف .
وفجاه محمد السواق مقدرش يسيطر على العربيه بعد ما العربيه اللى بتلاحقهم خبطتهم بقوة من الخلف .
والعربيه دخلت فى كومه من الرمل والسواق راسه اتصدمت بقوة واتجرح
وحياه راسها اتصدمت فى ازاز الشباك ..
