رواية في قبضة الفهد 3 ( عشق الاحفاد ) الفصل الحادي عشر 11 بقلم جنات
»» الفصل ١١ ««
صباح يوم جديد فى ڤيلا جاد .
ديالا فتحت عينيها على اشعه الشمس اللى بدات تدخل الاوضه بتاعتها لاقت نفسها نايمه مكانها على الارض .
ديالا قامت بصعوبه وقعدت وسندت ضهرها على الباب وجسمها كان وجعها من نومتها على الارض طول الليل .
وعينيها دمعت لما افتكرت كلام جاد معاها ليله امبارح وفاقت على صوت رنه فونها .
ديالا قامت واخدت الفون من على السرير وكان فريد ابو جاد .
ديالا مسحت دموعها وحاولت متظهرش زعلها عشان عمها .
ديالا:صباح الجمال يا عمو .
فريد:صباح النور يا روح عمك .... انتى فين من امبارح يا ديالا عمال ارن عليكى مش بتردى عليا .
ديالا:انا اسفه والله يا عمو بس انا كنت تعبانه شويا ونمت من بدرى .
فريد:ديالا انتى كويسه صوتك متغير .... اوعى يكون جاد مزعلك .
فريد لما قال كدا ديالا عيطت وفريد سمع صوتها:ديالا حبيبتى مالك جاد قالك حاجه زعلتلك !!!
ديالا:انا عايزة ارجع ايطاليا يا عمو لو سمحت .
فريد:ليه يا حبيبتى ... فهمينى حصل ايه ؟!
ديالا بدات تحكى لفريد كل اللى حصل وهى منهارة وفريد اتعصب من طريقه واسلوب ابنه معاها .
فريد:اهدى يا روحى ... ومش لازم تضعفى سمعانى خليكى قويه يا ديالا زى ما اتعوديت عليكى .... هو عايزك ترجعى ايطاليا عشان كدا بيعمل كل ده جاد عمره ما هيفكر يأذيكى يا ديالا .
ديالا:بس هو أذانى بكلامه يا عمو حسسنى انى واحده رخيصه وبرمى نفسي عليه .
فريد:سيبك من كلامه .... انتى هتفضلى فى مصر وهتنزلى وهتحضرى كل الاجتماعات الخاصه بالشركه غصبن عنه ولو اتكلم معاكى تردى عليه بجمله واحده ده امر من عمو وانا بنفذه ومتنساش انى شريكه معاك بس كدا سمعانى يا ديالا .
ديالا:بس انا مش طايقه اشوفه حتى .
فريد:عليا يا بت .... ده مهما عمل فيكى هيفضل هو اللى فى القلب يا دودو يا قمرى انتى .
ديالا بحزن:بس هو وجعنى اوى المرة دى يا عمو .
فريد:سلامتك من اى وجع يا قلبي .... يلا قومى اجهزى جاد كان قايلى ان النهارده فى اجتماع عشان يمضي العقود مع شركه الفهد اللى مسؤله عن تأسيس الشركه الجديده .
ديالا:وافرض احرجنى !!!
فريد:مايقدرش يحرجك لانك من عيلته يلا قومى .
ديالا:انا بحبك اوى يا عمو ربنا يخليك ليا بجد .
فريد:ويخليكى ليا يا قمرى ... سلاااام .
ديالا:سلام .
ديالا قفلت ودخلت الحمام تاخد شاور وخرجت بدات تجهز عشان تروح الشركه .
بقلم الكاتبة جنات
ــــــــــــــــ★ــــــــــــــ
فى قصر الفهد .
البنات لابسين وجاهزين وعايزين ينزلو الشغل والفهد معترض .
حنين:يا جدو بقااا احنا زهقنا من قاعده البيت .
ايان:قاعده البيت .... ده هو يوم واحده اللى قعدتو فيه من الشغل .
سيلا:لو سمحت يا عمو احنا متعودين اننا ننزل شغلنا كل يوم ومش حابين القاعده دى .
تمارا:اخص عليكى يا سيلا مش حابه القاعده معانا !!
سيلا:مش قصدى والله يا توتا بس انتو عارفين احنا بنحب شغلنا اد ايه ورفضنا اننا نسيبه حتى بعد الجواز والخلفه .
حسن:بصو يا بنات احنا بنعمل كدا عشان مصلحتكو انتو وبس .
حياه:يا عمو .. يا جدو احنا هننزل معاكو وهنبقي كلنا سوا فى الشركة وهنرجع كمان معاكو ... يعنى مش هنبقي لوحدنا ابدا .
ديما:جدو انا لازم انزل المستشفى ضرورى فى حاله انا اللى متابعه معاها وبقالى فترة غايبه عن المريض .
كنان:رد عليهم يا فهد انت بقااا .
الفهد:تمام هتنزلو الشغل بس لازم تعرفو فى حراسه على الكل .
مروة:وليه كل ده يا فهد .
حسن بص لفهد:اظن لازم يعرفو السبب يا فهد عشان يعرفو انك خايف عليهم .
حنين وسيلا وديما:احنا عارفين يا جدو .
الفهد بصلهم وبص لحياه .
حنين:احنا مش بنخبي حاجه عن بعض يا جدو .
جميله:وايه بقااا اللى انتو عارفينه واحنا لا .
الفهد قام وقف:يلا نتحرك احنا وتمارا هتفهمكو كل حاجه ..... كل واحد مع مراته وانت يا ادم وصل ديما وتخلى حراسه على المستشفى وترجع على الشركه .
ادم:تمام يا عمى .
فهد:انا هاخد حياه المستشفى يا جدو نطمن عليها وهنرجع على الشركه .
الفهد:تمام يا فهد لو فى اى حاجه تكلمنى .
فهد:تمام .
الكل خرجو من القصر .
شروق بصت لتمارا:انتى يا سوسه عارفه كل حاجه ومخبيه علينا .
تمارا:عرفت من فهد امبارح بليل .
مريم:طب فهمينا يا تمارا .
تمارا:تعالو نعمل قهوة ونقعد نتكلم .
جنه:انا هعملكو القهوة .
زينه:استنى هاجى معاكى يا جنه .
البنات عملو القهوة وقعدو كلهم سوا وتمارا بدات تحكلهم كل حاجه قالها ليها الفهد .
اسيل:ومين ممكن يعمل كدا ؟!
جنه:يعنى فى خطر على فهد ابنى !!
زينه:وبنتى يا ماما مين اللى بيعمل معاها كدا !!
مريم:يبقي ماكنش لازم يخرجو من القصر يا تمارا الفهد كان معاه حق .
مروة:ما هو قدر كمان يوصل لحياه لحد القصر وبعتلها الصور .
جميله:ده شخص مريض يا جماعه .
اسيل:لو مقدروش يوصلو لشخص ده حياه الولاد هتكون فى الخطر .
جنه:ده مهوس بحياه يا توتا ... لو عرف انها حامل هيعمل ايه ؟!
زينه:وهو هيعرف منين !!!
اسيل:ده ماشي بيصورها فى كل مكان يعنى عارف كل حاجه عنها ... اكيد هيعرف .
تمارا:ممكن تهدوا .... الفهد ماكنش راضي حد يعرف عشان الخوف ده .
مريم:ماحنا مش هنخاف بس احنا مرعوبين على الولاد يا تمارا .
مروة:يا جماعه بدام الفهد موجود مش هيخلى حد يقرب من الولاد متقلقوش والله .
جنه:ربنا يحميهم .
الكل:يارب
بقلم الكاتبة جنات
ــــــــــــــــ★ــــــــــــــ
فى المستشفى
وصل ادم مع ديما وفهد وحياه .
ديما:تعالى يا حياه هوصلك عند الدكتورة .
فهد:هاجى معاكى يا ديما .
ادم:طب هرجع بقااا على الشركه .
فهد:تمام .
ادم:ديما ممنوع تخرجى من المستشفى غير لما اجيلك .
ديما:حاضر يا ادم .
ادم مشي وديما راحت مع حياه وفهد عند الدكتورة واطمنو على حياه و البيبى وكانو فرحانين جدااا .
ديما راحت تشوف شغلها وفهد وحياه راحو على الشركه .
بقلم الكاتبة جنات
ــــــــــــــــ★ــــــــــــــ
فى اوضه فى المستشفى .
ديما دخلت الاوضه:صباح الخير يا عمو مدحت .
مدحت ابتسم:صباح كله سعاده يا بنتى .
مى:صباح النور يا دكتورة ديما ... وحشتينا والله .
ديما:انا اسفه لانى ماكنتش معاك الفترة اللى فاتت ... بس انا كنت موصيه عليكو والله .
مدحت:والله يا بنتى كل الموجودين فى المستشفى كلهم ادب واحترام وذوق زيك كدا يا بنتى .
ديما:تسلم يا عمو .... هااا جاهز يا بطل كلها كام يوم وتعمل العمليه وترجع تانى زى الفل .
مى:ربنا يسمع منك يا دكتورة .
مدحت:يارب يا بنتى .
ديما:الوقت هنعمل شويا تحاليل كدا عشان نطمن اكتر على حضرتك قبل العمليه .
مدحت:ماشي يا بنتى .
جت الممرضه وديما بدات تاخد العينات من مدحت وبعدها استاذنت وخرجت من الاوضه .
وقابلت هنا بنت مدحت الصغيرة:ازيك يا هنا ؟
هنا ردت عليها وهى ماشيه:كويسه .
ديما:بنت غريبه اوى مش عارفه دى اخت مى ازاى .
الممرضه:دى طريقتها مع الكل والله يا دكتورة ... متكبرة اوى عكس اختها .
ديما:ربنا يهديها .... يلا روحى اعطى العينات للمعمل .
الممرضه:حاضر يا دكتورة .
بقلم الكاتبة جنات
ــــــــــــــــ★ــــــــــــــ
فى شركه الفهد .
الكل متجمعين فى اوضه الاجتماعات عشان يوقعو العقود .
الفهد:العقود كلها قدامك يا جاد ... لو حابب تغير اى حاجه عرفنا .
جاد:راجعتها كويس وكله تمام .
الباب خبط ودخلت ديالا وجاد اتفاجأ لما شافها .
ديالا اتجاهلته:صباح الخير يا جماعه انا اسفه انى اتاخرت .
حسن:مين حضرتك ؟!
ديالا:انا ديالا بنت خاله جاد وكمان شريكه معاه فى شركاته .
كنان:اهلا وسهلا يا بنتى اتفضلى .
ديالا دخلت وقعدت جمب حنين اللى ابتسمتلها .
وجاد كان متعصب جداا ووقع العقود وبداو يتكلمو وحياه قامت شرحت تصميم الشركه وتناقشه مع المهندسين اللى هيشتغلو عليه .
وبعد وقت طويل الاجتماع خلص والكل خرجو وفضل البنات .
حنين مدت ايدها لديالا:هاى ديالا انا حنين مهندسه معاكو هنا .
ديالا ابتسمت:ازيك يا حنين اتشرفت بمعرفتك جداا .
حنين شاورت على حياه وسيلا:ودى المهندسه حياه ودى مديرة الحسابات سيلا .
ديالا:ازيكو يا بنات ... مبسوطه انى اتعرفت عليكو انا معنديش اصحاب هنا فى مصر واتمنى نبقي اصدقاء .
حياه:اكيد يا ديالا ده شرف لينا والله .
سيلا:انتى مش عايشه هنا؟!
ديالا:لا انا كنت عايشه فى ايطاليا ولسه نازله مصر من فترة قليله .
حنين:ده قشطه اوى سيبلنا نفسك واحنا هندلعك والله .
ديالا ضحكت ووقفت ضحك لما سمعت صوت جاد:ديالا تعالى عايزك فى المكتب .
ديالا:عن اذنكو يا بنات .
حياه:هنستناكى نتغدى سوا .
ديالا:اكيد مش هتاخر عليكو .
ديالا راحت على مكتب جاد ودخلت وسابت الباب مفتوح .
جاد بصلها وبص للباب:اقفلى الباب ده .
ديالا:لا مش هقفله .
جاد:وده ليه بقااا ؟!
ديالا:للاسف معنديش ثقه فيك يا باشمهندس ... اتفضل قول عايزنى فى ايه عشان البنات مستنينى برا .
جاد:ايه اللى جابك هنا ؟!!
ديالا:والله ده امر من عمو فريد انى اتابع شغلى اللى انا شريكه فيه وانا متعوده انفذ كل طلبات عمو فريد ... ولو حضرتك عندك اعتراض ابقا كلمه واتفاهم معاه .
ديالا قالت كدا وخرجت من المكتب وقفلت الباب وراها وجاد اتعصب ومسك فونه ورن على والده .
فريد:اهلا بابنى اللى مش فاضي دقيقتين يسال عن ابوه .
جاد:حضرتك عارف انى مشغول وكل وقتى فى الشغل .
فريد:ماشي يا جاد هحاول اصدق .... بس متنساش انى عارف كل خطواتك كويس .
جاد:عارف يا والدى عارف .
فريد:وحضرتك عايز ايه الوقت ؟!
جاد:انت اللى قولت لديالا تنزل الشغل وانت بردو اللى قولتلها على معاد الاجتماع .
فريد:حقها ولا انا غلطان !!
جاد:اكيد قالتلك على كلامى معاها .
فريد:انت عارف لو انت قدامى كنت عملتلك احلى خريطه وشك على الحاله اللى البنت كانت فيها الصبح ... كانت منهارة يا حيوان .... كل ده عشان تبعدها عنك بس كدا هى هتكرهك يا جاد .
جاد:وده المطلوب عايزها تنسانى ومتفكرش فيا حاجه .... لانى مش بفكر فى جواز .
فريد:مش هتقدر تضحك عليا يا جاد ... لانى فاهمك وعارفك كويس .
جاد:ماشي يا والدى .... خلى ديالا تنزل ايطاليا .
فريد:ديالا هتفضل عنك وهتابع الشغل يا جاد وده اخر كلام عندى .
فريد قال كدا وقفل وجاد كانت متعصب جدااا .
فونه رن وكان حازم مدير اعماله وجاد كان بيسمعه وعصبيته زادت اضعاف .
بقلم الكاتبة جنات
ــــــــــــــــ★ــــــــــــــ
البنات نزلو كافتريا الشركه واتغدو سوا وفضلو يتكلمو ويحكو كتير وقضو وقت جميل سواا .
وديالا كانت فرحانه بصداقه البنات وهما كمان حبوها جدااا .
وبعدها طلعو على الشغل.
بقلم الكاتبة جنات
ــــــــــــــــ★ــــــــــــــ
بعد يوم طويل الكل رجعو على القصر واتغدو سوا وبعدها كل واحد طلع على اوضته مع مراته ما عادا الفهد اللى لسه قاعد فى مكتبه .
الباب خبط ودخل راكان:فاضي يا فهد ؟!!
الفد:تعالى يا راكان .
راكان دخل وقعد والفهد بصله اوى:مالك فى حاجه حصلت ؟!!
راكان:النهارده مدير العام لفرع الشركه اللى فى فرنسا كلمنى وبيقول ان الشركه فيها شويا مشاكل ولازم حد مننا يسافر عشان يقدر يحلها لانهم مش قادرين يتصرفو .
الفهد:والمشاكل دى من امته وازاى معنداش خبر !!
راكان:من اسبوع يا فهد وانا بتواصل معاهم بس المشاكل بتزيد والموضوع بيسوء وكدا الفرع ممكن يتقفل .
الفهد:بس فى الوقت الحالى كل الشباب مشغولين محدش هيقدر يسافر .
راكان:انا ممكن اسافر يا فهد .
الفهد:انا متعودش اننا نبعد عن بعض يا راكان .... كلمهم يحاولو يحلو المشكله هما ياما نقفل الفرع .
راكان:كدا هنواجه مشاكل ماليه كبيرة يا فهد .... وبعدين انا مش هتاخر هحاول احل المشاكل وارجع مانا كمان مش بحب ابعد عنكو يا صاحبي .
الفهد ابتسم:طب وشروق !!
راكان:هشوف لو ترضي تسافر معايا هيكون احسن .
الفهد:اعمل اللى يريحك ولو مش حابب تسافر نفضها احسن ومتفكرش فى اى مشاكل ماليه انا هتصرف .
راكان:لا يا فهد الفرع ده مهم لكل فروعنا التانيه .... هروح انام وبكرة اتكلم مع شروق وارد عليك .
الفهد:تمام يا صاحبي .
