رواية في قبضة الفهد 3 ( عشق الاحفاد ) الفصل الثاني عشر 12 بقلم جنات
»» الفصل ١٢ ««
عدى اكتر من اسبوع .
راكان اللى قرر يسافر وشروق اللى رفضت تسيبه يسافر لوحده .
ريان اللى قرر يسافر مع والده راكان ويحلو المشاكل اللى تواجهها الشركه سوا وطبعاا جميله هتسافر معاه .
ايان وحنين كانو نفسهم يسافرو معاهم بس راكان رفض لما حنين عرفت انها حامل .
بقلم الكاتبة جنات
ــــــــــــــــ★ــــــــــــــ
وجه اليوم اللى هيسافرو فيه .
الكل كانو زعلانين لانهم هيسافرو ويبعدو عنهم .
شروق وهى حاضنه تمارا:هتوحشينى اوى يا توتاا .
تمارا بتعيط:كنتى سيبك من راكان وخليكى معانا يا شوشو .
راكان:واخوكى يهون عليكى بردو يا توتاا !!
تمارا بعدت عن شروق:الصراحه انتو الاتنين مش هاين عليا فراقكو والله .
راكان:كلها شهر او شهرين بالكتير ونيجى يا توتاا .
اسر بص لريان:والله هتوحشنى يا صاحبي .
ريان حضنه:وانت والله يا اسورة .
زين ضحك:بعد اسورة دى هيقولك غور من هنا ياض .
كلهم ضحكوو .
حنين:كان نفسي اسافر معاكو .
شروق:معلش يا حبيبتى عشان الحمل بس .
حنين:انتى محسسانى اننا مسافرين فى عربيه يا شوشو دى طيارة وخاصه كمان .
راكان قرب من حنين وضمها لحضنه:سؤال بينى وبينك يا نونا انتى عايزة تسافرى عشان مش قادرة على بعدنا ولا عشان تسافرى فرنسا !!!
حنين:ودى فيها كلام يا راكان باشا عشان فرنسا طبعاااا .
جنه:مش هتكبرى ابدا يا بنتى .
مروة:قولنا انها اتجوزت هتعقل شويا اتهبلت اكتر .
زينه:لسه لما نشوفها وهى ام بقاا هتعمل ايه ؟!
حنين:لا تقلقو يا جماعه اكيد اللى جاى هيكون نسخه منى .
ايان:لا انا كدا هفكر اسافر معاكو فرنسا واخد تذكرة ذهاب بلا عودة .
الكل ضحكو عليهم .
شروق حضنت حنين:خدى بالك على نفسك يا نونااا وبلاش جنانك ونبي .
حنين:لا تقلقي يا شوشو .
شروق ضحكت:يبقا ربنا يستر .... وانت يا ايان خد بالك منها اوعى تزعلها .
فهد:المفروض تخافى على ايان من حنين مش العكس يا شوشو .
حنين:يا جدووو سامع فهد بيقول عليا ايه .
الفهد ضحك ومردش عليها .
حنين بهمس لتمارا:توتااا جوزك بيتجاهلنى وانا كدا هزعل اوى .
تمارا:متزعليش يا نونااا ... بس يا فهد متزعلش المجنونه بتاعتنا .
حنين:حتى انتى يا توتاا .
ديما:ما دى الحقيقه يا بنتى .
حياه:ماهى الحقيقه دايما كدا بتزعل يا دودو .
حنين:اااااه ده انتو هتشتغلونى بقااا .
كنان:ولا تزعلى نفسك يا نونا ... بس بقا اللى هيزعل نونا انا اللى هزعله .
حنين:حبيبي يا جدو .
راكان وعيلته ودعو الكل وخرجو من القصر وراحو على المطار .
بقلم الكاتبة جنات
ــــــــــــــــ★ــــــــــــــ
فى ڤيلا جاد .
ديالا نازله وكان جاد قاعد على السفرة بيفطر .
وديالا اتجاهلت جاد وكانت هتخرج من الڤيلا بس وقفت لما سمعته بينادى عليها .
ديالا لفت:نعم !!
جاد:على فين ؟!
ديالا:اظن ورانا شغل ولا انا بتهيئلى !!
جاد قام من على السفرة وقرب منها:انتى اخدتى عليها ولا ايه ؟!
ديالا اتوترت بس حولت تكون قويه:ايوا اتعودت وياريت انت كمان تتعود لانى يوميا ناويه انزل الشركه وكمان الموقع اللى هيتبنى فيه الشركه .
جاد:امممم .... وانتى هتنزلى الشركه عشان الشغل ولا عشان البنات اللى اتصاحبتى عليهم !!!
ديالا:اظن حاجه ماتخصش حضرتك .
ديالا لفت عشان تمشي بس جاد شدها من دراعها واتكلم بحده:قولتى ايه !!
ديالا كانت بتزقه:ابعد يا جاد عنى واياك تقرب منى تانى .
جاد:اياكى تتحدينى مرة تانيه يا ديالا ياما هتشوفى وش منى هيخليكى تندمى طول عمرك فهمانى .
ديالا:ابعد بقااا يا جاد عنى .
جاد زقها بعيد عنه وخرج من الڤيلا وهى مسكت دراعها بوجع واستنت لما هو مشى وبعدين خرجت وركبت العربيه مع السواق وراحت على الشركه .
بقلم الكاتبة جنات
ــــــــــــــــ★ــــــــــــــ
فهد وصل بعربيه قدام شركه الفهد ونزل ولف فتح الباب لحياه ومدلها ايده:اتفضلى يا اميرتى .
حياه ضحكت ومسكت ايده ونزلت من العربيه فى نفس وقت وصل جاد بعربيته ونزل منها وقرب منهم:صباح الخير يا فهد .
فهد:صباح الخير يا جاد .
جاد بص لحياه:صباح الخير يا باشمهندسه .
حياه ابتسمت:صباح الخير يا باشمهندس .
فهد:النهارده هنروح موقع الشركه اكيد جاى يا جاد .
جاد:الفهد قالى امبارح وانا جاهز فى اى وقت .
فى الوقت ده وصلت ديالا وقربت منهم وسلمت على حياه .
حياه:وديالا اكيد جايه معانا .
ديالا:فين ؟!
حياه:موقع الشركه .
ديالا:اكيد يا حياه .
حياه:طب يلا نطلع .
حياه وديالا طلعو والشباب كمان طلعو .
بقلم الكاتبة جنات
ــــــــــــــــ★ــــــــــــــ
فى مكتب فهد قاعد بيشتغل على تصميم جديد .
الباب خبط ودخلت السكرتيرة:اتفضل يا باشمهندس دى التصاميم بتاعه المهندسين اللى حضرتك طلبتها .
فهد:كلهم خلصوها .
السكرتيرة:ايوا وكمان كل واحد كاتب لحضرتك الشرح زى ماطلبت .
فهد:تمام سبيهم وروحى انتى .
السكرتيرة حطيتهم على المكتب وخرجت وقفلت الباب وراها .
فهد مسك التصاميم وبدأ يشوفهم .
وبعد شويا كان شاف اكتر من نصف التصاميم ومافيش حاجه فيهم عجبته وبص على التصميم اللى فى ايده وكان كويس جدا على كل التصاميم التانيه .... ومسك الملف عشان يقرأ الشرح بكل تفاصيله ولفت انتباهه الخط وكأنه شافه قبل كدا .
فهد كلم ادم:ايه يا ادم ... انت جيت الشركه .... تمام وصلها وتعالى على مكتبي وهات معاك الجواب اللى كان وصل مع الصور على القصر .... لما تيجى هفهمك .
فهد قفل وبص على الورقه تانى وشاف التوقيع اللى عليه باسم الباشمهندس رياض المحمدى وافتكر توقيعه على الجواب كان بحرف RH .
فهد:معقول يكون هو نفسه الشخص .... ده نفس الشاب اللى كان واقف مع حياه الاسبوع اللى فات .
•• فلاش باااااك ••
فهد خرج من مكتبه وكان رايح لحياه مكتبها بس شافها واقفه مع شاب قدام مكتبها وقرب منهم وسامعهم بيتكلمو فى الشغل .
حياه لما شافت فهد ابتسمت وفهد بص لشاب وحياه اتكلمت:ده الباشمهندس رياض يا فهد وبجد ماشاء الله عليه ممتاز وبيعمل شغله بكل اتقان .
فهد بص لرياض وابتسم:اكيد شركه الفهد مش بيتعين فيها اى حد بردو .
رياض بص لحياه باعجاب:كله بفضل ربنا والباشمهندسه حياه والنصايح اللى بتقدمها لينا .
فهد اضايق من نظرته لحياه:تمام يا باشمهندس روح على شغلك بقااا .
رياض:عن اذنكو .
•• بااااااك ••
فهد:معقول هو !!!! ..... اوف انا هتجنن معقول يبقا قدامنا واحنا مش عارفين .... بس من تحركاته شكله حويط اوى ومش سهل .
فهد مسك الفون وكلم السكرتيرة:خلى الباشمهندس رياض يجيلى المكتب .
فهد قفل واستنى شويا وسمع الباب بيخبط:ادخل .
دخل رياض:صباح الخير يا باشمهندس حضرتك طلبتنى .
فهد:ايوا اتفضل .
رياض دخل قعد على الكرسي وفهد بيبصله اوى:شوفت التصميم بتاعك .
رياض:يارب يكون عجب حضرتك .
فهد:كويس يا باشمهندس .
الباب اتفتح فى الوقت ده ودخل ادم:ايه يابنى مستعجلنى ليه كدا ؟!!
فهد بص لادم بنظره فهمها انه مايتكلمش قدام الشاب:اقعد الوقت يا ادم .
ادم قعد قصاد رياض وبص لفهد اللى بيبص لرياض:هاااا بقا يا باشمهندس انا طلبتك عشان اتعرف عليك اكتر بدام هنشتغل على تصميمك .
رياض بفرحه:بجد يا باشمهندس !!
فهد هز راسه باه .
رياض:انا اسمى رياض احمد المحمدى .... اتخرجت وجيت هنا فى شركه الفهد لتدريب وبعدها اتعينت وبقالى هنا اكتر من ٣ سنين وشغلى دايما بيكون مع الباشمهندسه حياه واللى دايما بحب اخد بنصايحها لانها شاطرة جدا فى شغلها .
فهد:اممم .... وانت متجوز يا رياض ؟
رياض استغرب سؤاله:لا يا باشمهندس بس انا عايش قصه حب .
فهد بدأ يضايق:وهى عارفه على كدا !!
رياض:لا لسه معترفتش ليها مستنى الوقت المناسب .
فهد:تمام روح شغلك الوقت يا رياض وانا هابقي اكلمك .
رياض خرج وهو مستغرب طريقه فهد معاه .
ادم بص لفهد وضحك:ايه الاسئله دى يا بنى انت ناوى تجيبله عروسه ولا ايه ؟!
فهد:معاك الجواب ؟!
ادم طلعه من جيبه:ايوا معايا امسك .
فهد حدفله الملف:لا امسك انت وقولى لاحظت ايه !!
ادم مسك الجواب والملف وكان الخط متطابق:ده نفس الخط يا فهد .
فهد:والتوقيع كمان .
ادم:صح هو اسمه رياض وموقع بحرف R .
فهد:الواد ده انا شوفته واقف مع حياه مرة ونظراته ليها كانت كلها اعجاب يا ادم .
ادم:معقول هو ... بس شكله شاب بسيط معتقدش يفكر بخطورة دى ويكون حويط بشكل ده .
فهد قام وقف واتحرك فى المكتب:انا حاسس انى هتجنن وسامع كلامه عن قصه الحب اللى عايشها .
ادم حاول يهدى فهد اللى بدأ يتعصب:مش شرط يكون هو يا فهد اهدى .
فهد:مش عيب لما يكون واحد فى مكانتك ويقول الكلام ده مش مكفيك الدليل اللى فى ايدك يا حضرة الرائد .
ادم:فهد ممكن تهدى عشان نقدر نتصرف مش هنحكم من خط يا فهد فى ناس كتير خطهم بيبقي متطابق بشكل كبير .
فهد:انا هاجى معاك وهصبر بس عايز الواد ده يتراقب ٢٤ ساعه فاهمنى .
ادم:حاضر يا فهد .... هتعرف الفهد ؟!
فهد:لا يا ادم سامعنى لا جدى مش هيعرف واياك تقوله .
ادم قام وقف:هى شكل نهايتى على ايد الفهد بسببك .... انا ماشي .
فهد:رايح فين ؟!
ادم:متقلقيش مش هروح للفهد همشي من ام الشركه كلها .... وعلى فكرة جدك مش محتاج اقوله مش بعيد يكون مركب كاميرات ومراقبنا كلنا ده بيعرف دبه النمل يا بنى .
فهد ضحك وادم خرج من المكتب ومن الشركه كلها .
بقلم الكاتبة جنات
ــــــــــــــــ★ــــــــــــــ
ادم قابل مراد قدام الشركه .
مراد:رايح فين ؟!
ادم:ماشي يا معلم .
مراد:انت لحقت تيجى عشان تمشي .
ادم:كله من فهد واللى بيعمله شكل نهايتنا هتكون على ايد الفهد .
مراد ضحك:طب تعالى نقعد وفهمنى فى ايه .
مراد وادم ركبو العربيه وادم اتحرك بالعربيه .
مراد:فى جديد فى موضوع فهد وحياه ؟!
ادم حكى لمراد اللى عرفه .
مراد:انا عارف الواد ده .... بس ماعتقدش ده واد شكله على نياته خالص .
ادم:ده اللى قولته لفهد هب فيا زى البابور .
مراد ضحك .
ادم:انت بتضحك انت كمان .
مراد:هو معزور بردو يا ادم .
ادم:لما نشوف اخرتها ايه بقااا !
فون ادم رن وكان اسامه صاحبه ... ادم وقف بالعربيه على جمب ورد عليه وفتح الاسبيكر:يا اوس دانا قولت انت نسيتنى .
اسامه:وانا اقدر بردو ... بس ماينفعش اكلمك وانا ايدى فاضيه بردو .
مراد:هو من امته الاوس بيجى بايده فاضيه بردو .
اسامه:واحشنى يا مارووو .
ادم:جبت معلومات ولا ايه ؟!!
اسامه:ايوا .... جاد عايش فى ايطاليا من اكتر من ٤ سنين وقبلها كان عايش مابين لندن وفرنسا وتركيا بس الاكتر فى تركيا وعنده فرع فى كل مكان من دول دى .... بعدها جه واستقر مع ابوه فريد وماسك ادارة الشركه اللى فى ايطاليا .... وعايش معاهم ديالا دى بنت خالته بس فريد اللى مربيها لما امها ماتت وهى صغيرة ... وام جاد مسجونه من سنين كتير وهو قاطع علاقته بيها تقريبااا ... بس للاسف مافيش اى معلومات عنها .
ادم بص مراد:ومسجونه بتهمه ايه وفين ؟!
اسامه:مش عارف .... لان مافيش اى معلومات عنها خالص ولا حد يعرف هى مسجونه فى انهو بلد .... بس عرفت بطريقتى انها فى سجن فى ايطاليا ... وروحت اسال هناك الكل رفض يقول حتى اسمها .... وجاد مانع اى حد يتكلم عنها .... وكمان عرفت ان جاد كان ليه عم اخو ابوه من ام ايطاليه وكان قريب جدا منه وزعل عليه اوى لما مات من سنين كتير كان لسه هو صغير .
مراد:طب ومين عمه ده .
اسامه:مش عارف يا معلم جاد حياته خاصه جدا ومش بيطلع اى معلومات عنه لصحافه او السوشيال ميديا انا جبت المعلومات دول بالعافيه .
ادم:طب كمل يا اسامه وياريت تعرف مين امه وهى لسه عايشه ولا لأ ومسجونه فى ايه ... وليه هو قطع علاقته بيها .
اسامه:تمام يا معلمين هحاول ... يلا سلام .
مراد:تفتكر المعلومات دى هتفيد بايه .... الشاب شكله كويس هو غامض شويا بس مشوفناش منه حاجه وحشه .
ادم:انت عارف الفهد بقااا .
مراد:طب هنروح فين الوقت ؟!
ادم:هنطلع على الشركه ونقول المعلومات للفهد .
مراد:تمام .
بقلم الكاتبة جنات
ــــــــــــــــ★ــــــــــــــ
فى مكان جديد وهو شقه خاصه بجاد اللى كان واقف متعصب وقدامه حازم مدير اعماله .
جاد بصوت عالى:قدر يوصل للمعلومات دى ازاى فهمنى ؟!
حازم:مش عارف يا جاد الواد الضابط ده بقاله فترة عايش وشغله فى ايطاليا وهو اللى جاب المعلومات بس اكيد مش هيوصل لام حضرتك ولا اى حاجه تانيه .
جاد بغضب وحده:الواد ده بيدور ورايا ليه لازم اعرف .
حازم:هعرف اصله كله يا جاد باشا اهدى انت بس .
جاد قعد على الكنبه بغضب كبير وبص لحازم:روح اعرفلى شغال تبع مين الواد ده ..... وتأكد عليهم فى السجن ممنوع معلومه تخرج عنها لاى مخلوق .
حازم:تمام .
حازم خرج وجاد كان هيتجنن مين اللى بيدور وعايز معلومات عن امه ..
الثالث عشر من هنا
