رواية مدللة كسرت كبريائي الفصل الثاني والعشرين 22 بقلم ميرا اسماعيل
البارت (22) :رواية مدللة كسرت كبريائي
تأليفي ميرا إسماعيل
ـــــــــــــــــــــــــــــــــــــــــــــــــــــــــــــــــــــــ
فى مستشفى نبض القلب
فى غرفة رؤوف
وفاء بهمس .. انت بتنتهى ولا نسيتى تعب قلبك
نور بتماسك .. صحيح قلبي تعبان بس روحى نظيفة انما انت قلبك وروحك مشوهين
وبعدت نور عنها وبصوت عالي .. معلش بقا احنا فى مستشفى مش هنعرف نحتفل بيكم كويس
ووجهت كلامها ل جدها أنا عندى شغل
رؤوف ... مش هتيجى معانا
نور ... معلش عندى شغل هخلصو الاول
الحاجة سعاد ... هنستناكى هعمل ليكى الوكل اللي بتحبيه كله
نور ... اكيد يلا يا رائد
رائد .. يلا حمدالله على سلامتك يا حج
رؤوف ... تعالى مع نور بليل انت ومرتك ونور الصغيرة
صفية ... اه ياريت صحيح مليكة جعدت امعانا شوية صغيرة بس حبينها جوى
رائد .. إن شاء الله هحاول
رؤوف ... إن شاء الله هتيجى دا امر منى
نور كانت حاسه ان دموعها هتخنها وعايزة تنهى الموقف ... متخافش انا بنفسي هاجبهم
ليث فى نفسه ... مسمى بته نور يا ابوى علي الخبث
وخرجت نور ورائد من الغرفة بعد تبادل نظرات ليث و رائد وفاء ونور نظرات كره حقد الم عتاب وجع استفهام
رؤوف بتجاهل ل ليث .. يلا يا رؤوف خلونا نروح
ليث ... عنك انت يا رؤوف
رؤوف ... لاه معيز منك مساعدة يلا يا رؤوف يا ولدى
وخرج الجميع من المستشفى
نور إمام مكتبها ل رائد عندى شغل مهم روح وانا هعدى عليكم بليل نروح سوا
رائد بحزن عليها ... تعالى معايا قضى اليوم معانا
نور بانهيار ... ارجوك امشى وانا هعدى عليكم وبتهكم متخافش مش هنتحر ودخلت مكتبها .وقفلت الباب ووقفت تسند عليه
رائد ... الله يكون فى عونك يا نور ليث بيعمل كل اللي،يقدر عليه علشان يجرحك و يكسرك بس ايه اللي لم وفاء على ليث انا فاكر البنت دى وكرها ل نور
فى داخل الغرفة
نور بدموع .. بتعيطى ليه دلوقت مش دا اللي انت عايزه ليث يعيش حياته اهو حصل ليه الدموع دى
علشان موجوعة جدا وتعبت وكان عندى امل
امل فى ايه تعترفى بالحقيقة وتدمرى كل حاجة
انا تعبانة ونفسي ارتاح بقا نفسي اخلص من وجع روحى يارب ارحمنى
وجلست على الأرض وانهارت
فى فيلا مراد
فى غرفة فارس وصفا ... وحشتيني جدا الاسبوعين دول
صفا بدلال .. وانت كمان وحشتتى قوى والحمد لله ان جدى قام بالسلامة
فارس ... الحمد لله وفى سره وعقبال نور احم كنت عايز أطلب منك طلب
صفا .. مش عارفة ليه حاسه انى عارفة الطلب دا نور مش كده
فارس ... صدقينى نور بتحبك بلاش طريقتك معاها لانى بزعل بجد عليها
صفا بحزن ... انا كمان بحبها جدا والله بس إللى حصل كان كتير وصعب جدا والاصعب إللى حصل للعائلة بعد كده
فارس .. المهم انت حاولى تنسي وغيرى معاملتك معاها و .هتتعودى
صفا ... حاضر هحاول من عنيا ومن النهادرة بليل
فارس .. بحبك يا صفا إيامى انت ربنا يبارك فيكى وميحرمنيش منك ابدا
صفا ... كل دا علشان نور
فارس .. لا علشانك علشان انت نعمة فى حياتى مقدرش علي بعدها بشوف ساعات واحد بيخسر حبيبه او حبيبته بتخيل نفسي مكانهم وانى اصحى متكونيش موجودة بنهار بجد ربنا يخليكى منورة دنيتى دايما
صفا بخجل .. ايه الكلام الحلو ده كله دا انت اللي دنيتى كلها ربنا ما يجعل بنا فراق ابدا
فارس ... يارب بقولك هو مش ليث كبر عايزين نجيب ليه نور صغيرة
صفا بحمرة خجل بعد ما فهمت قصد ليث ... لا لسه صغير
فارس .. لا انا بقول كفاية تعالى بس و..........
يلا يا قطة انت وهى نخرج اهو مشهد رومانسي علشان محدش يقول عليا شريرة
فى فيلا الجبالى
رؤوف الجبالى فى غرفته
الحاجة سعاد ... هتعوز منى حاجة يا حج هنزل أجهز الوكل ل نور
رؤوف .. نادى علي ليث هى البنيه اللي معاه مشت
الحاجة سعاد ... لاه لسه تحت بس عارف يا حج أنى جلبى مجبوض منيها جوى ومرتحتش ليها خالص
رؤوف.. باستغراب معجول معرفتيش هى مين ؟
الحاجة سعاد .. لاه مين يا حج !
رؤوف بغموض ... دى وفاء بت النبرواى امها تبجا سميرة فكراها
الحاجة سعاد ... يا مرى سميرة الخدامة بتاعت زمان
رؤوف ... ايوة هى ليث لف ولف وراح جاب بت اللي جتلو ابوه وامه زمان
الحاجة سعاد .. اه يا ولدى روحت فى عز شبابك وولدك اتجوز بنتهم
رؤوف ... جولى الله يرحمه دا عمره مكنش فى يدنا حاجة بس انى متوكد انها جاصدة تتدخل عندينا بس ايه اللي لمهم علي بعضيهم
الحاجة سعاد ... الله يرحمك يا ولدى مخبراش يا حج انى هجول ل ليث لازمن يطلجها
رؤوف .. أوعاكى ليث ميعرفش حاجة خالص وبعدين الموضوع زمان انتهى والحكومة جابت حجنا وحكمت على جوز سميرة بالاعدام وخلصنا وانى لى غرض عايزها تفضل على زمته لازمن اعرف عملت ايه جلبت حاله أكده وعمل اللي عمله من غير مايشور حد فينا انزلى جهزى الوكل للضيوف مع صفية وخلى الليث يطلع ليا ل حاله
الحاجة سعاد ... أمرك يا حج
ونزلت سعاد وبلغت ليث انه يطلع ل جده
ايه رايكم مفاجأة جديدة
فى فيلا رائد
رائد داخل البيت ... مليكة انت فين ؟
ليلي من وراها .. ايه داخل سوق نادى بصوت واطى
رائد قبل مايلف فى سره .. اعوذ بالله من الشيطان الرجيم قطعتى خلفى منك ولا بلاش ولف ليها اهلا اهلا حماتى عندنا وانا اقول البيت منور
ليلي باستنكار ... حماتك ايه حماتك دى اسمى ليلي هانم
رائد ... نور فين ؟
ليلي .. لسه مجتش ومليكة فى المطبخ معرفش ايه اللي،يخليها تعمل كل حاجة بايدها عندها خدامين يعملو كل حاجة
رائد .. الناس اللي،معانا هنا بيساعدو مليكة مش جاين ياخدو مكانها عن اذنك هطمن عليها
ودخل رائد .. يباى هو اليوم ناقص مش كفاية ليث ونور كمان ليلي كده كتير
ليلي .. معرفش بنتى عجباه ايه فيك
فى المطبخ
رائد ... مليكتى عاملة ايه ؟
مليكة بابتسامة "... قلبي وحشتني حمد الله علي السلامة
رائد... الله يسلمك مقولتيش ان ليلي هانم جايا
مليكة .. انت قبلتها وطبعا اتخنقتو
رائد ... نفسي اعرف بتكرهنى كده ليه هتجنن
مليكة ... معلش يا حبيب قلبي انت استحملها علشانى
رائد بيقرب عليها ... انا علشانك استحمل ليلي هانم وعشرة زيها كمان
مليكة بجرأة لفت ايدها حوالين رقبته ... ربنا يخليك ليا يا قلبي
رائد ... اه لو امك مكنتش هنا كنا عملنا عمايل
مليكة ... خليك عند كلمتك وبليل تعمل كل العمايل اللي نفسك فيها
رائد ... صحيح اعملى حسابك بليل هنتعشى عند جد نور
مليكة ... بجد خلاص اتصلحو
رائد وهو يقوم بالتقاط بعض الخيار من السلطة .. معتقدش دى الحكاية بتتعقد ليث اتجوز
مليكة ... اتجوز تانى
رائد ... بيقولك المرة دى الاخيرة وعارفة مين ؟
مليكة ... مين دى
رائد .. كانت زميلة لينا فى الجامعة بس كانت تطيق الموت ولا تطيق نور ودا مخلينى مش مطمن
مليكة ... نور دى بجد صعبانة عليا قوى ربنا يستر عليها من اللي جاى
رائد ... نور مش اتأخرت
مليكة ... لا يا قلبي متاخرتش غير هدومك وصلي هتكون وصلت دى هتفرح قوى اما تعرف انها هتشوف ليث بليل
رائد ... الاتنين دول بيفكرونى بينا وب نور وليث بس،زمان
مليكة ... متزعلش نفسك صدقنى ربنا شايل ل نور فرحة كبيرة قوى يعوض وجعها وكسرتها بس هى تصبر ما ضاقت إلا ما فرجت
رائد "... عندك حق ربنا يسر
فى فيلا الجبالى
ليث ... خير يا جدى كنت عايزنى فى حاجة ؟
رؤوف ... مبروك بس ينفع تتجوز اكده من غير فرح وطبل وهيصه
ليث ... ااااصل انا كنت عايز افرحك هنسا نور اتجوز واعيش حياتى واجبلك احفاد كمان يكملو نسل الجبالى
رؤوف .. عرفتها منين ؟
ليث ... صدفة ارتحت ليها واتجوزنا
رؤوف ... وهى وافجت أكده علي طول
ليث ... اصل امها مريضة مبتتحركش
رؤوف ... وابوها ؟
ليث ... ميت من زمان كانت لسه صغيرة اما مات
رؤوف ".. مسالتش هى مين اهلها عايشين كيف
ليث .. لا انى لجتها بت ناس جولت هى دى اللى تستاهل تعيش معايا
رؤوف .. روح يا ولدى روح ارتاح عشان بليل
خرج ليث مستغرب رد فعل جده
رؤوف بعد خروج ليث ... اه يا ولدى معجول تكون بجيت اعمى البصيرة أكده دى اى حد يشوفها يشوف الكره فى عيونها اه يارب الستر من عنديك يارب
داخل الفيلا
فى غرفة ليث
ليث دخل كانت وفاء مستنيا ليث ولابسه قميص نوم عريان جداااااا
ليث بصدمة ... ايه اللي مهبباه دا
وفاء .. ايه مش جوزى النهاردة دخلتنا
ليث ... انت لايمكن تكونى طبيعية ايه مفيش حيا مش مكسوفة
وفاء .. اتكسف من ايه انت جوزى جدام ربنا بدموع التماسيح أنى جولت ليك بلاش نتجوز بسرعة أكده انت اللي صممت جولت انى زينة واستاهلك ولا هو كلام وخلاص
ليث .. بصى يا بت الناس انى معرفش عنيكى حاجة انى ممكن اكون اخدت الجرار فى لحظة غضب
وفاء .. لحظة غضب انى عملت كل أكده علشانك وجيت رخصت نفسي ليك وجولت انى عشجاك عشان أكده تبيع وتشترى فيا لاه انى وفاء النبراوى محدش يجدر عليا ولو علي جلبى ادوس عليه وجلست علي السرير بدموع مزيفة
ليث قرب عليها .. انى مشفتكيش رخيصة بالعكس انت فضلت تحبينى وانا مش ليكي مع ان اللي زمان ادتها كل حاجة داست عليا أنى عايز وجت عشان اكون طردت طيف نور اللي،بينا ومد ايده ومسك روب القميص حطو علي جسدها ودا هيجى وقته بس مش دلوجيت اصبرى
وفاء بنظرة كلها خبث ... هصبر انى معنديش غير الصبر
وخرج ليث من الغرفة
وفاء مسحت دموعها ... استنو عليا انا جيت علشان اهد عائلة الجبالي من الاساس وبدأت ولسه اللي جاى حج ابوى اللي اتعدم وامى اللي عايشة ومش عايشة وحياتى اللي انتهت قبل ما تبدى نسيت اكلم دنيا
ومسكت التليفون وكلمت دنيا
استوووب
دنيا اول زوجة ل ليث اللي راح لابوها وطلب ييتجوزها أو يحبسه
دنيا شافت اشد انواع العذاب من ليث دا غير انها كانت بتحب ابن عمها جدا واما أطلقت من ليث ابن عمها اتجوزها و تانى يوم طلقها لانه كان فاكر انها بعته اتجوزت الفلوس والسلطة وانتقم منها بطريقته ابوها مات من صدمته فيها وأتعرفت على وفاء واتعاونو مع بعض علشان وفاء تتدخل تنتقم لنفسها ول دنيا
انتهى اليوم سريعا والكل متجمع علي سفرة العشاء فى بيت الجبالى
رؤوف كان طول الوقت عينه على نور اللي كانت بتاكل بنهم واضح ومكنش عارف دا هروب من ليث واللي حصل ولا فعلا هى جعانة
رائد بهمس ل نور .. كفاية يا نور. الاكل دسم جدا عليكى
نور ... متخافش عليا سبنى اشبع بقا الاكل كان وحشنى جدا
ليث كان بيراقب همسهم ب بغل وغضب واضح
فارس كان قلقان من كتر الأكل وخايف عليها لان الاكل الدسم بالشكل دا غلط
فارس .. نور مش كفاية ولا ايه ؟
الحاجة سعاد .. ليه يا ولدى سبها تاكل وتشبع
نور .. قولى ليه ناناه اسكتو بقا وركزو فى اكلكم
ليث الصغير ... نور خلصى اكلك كله علشان محضرلك مفاجئة حلوة قوى
ليث ونور عيونهم علي ليث ونور الصغيرين وبعدين رجعو نظرو لبعض نظرة طويلة كأنهم بيقوله ياريت الايام اللي كنا صغيرين دامت
وفاء خدت بالها ... ليث كل يا حبيبي
ليث خد قطعة اللحم من يدها
نور رجعت لطبقها كملت اكل بس عيونها كانت مليئة بالدموع
انتهى العشا والكل متجمع نور لقت الكل مشغول خرجت الحديقة لمكان كان بيجمع ليث ونور زمان راحت علي هناك بس ليث كان هناك جالس علي العش ومغمض العيون كان ليث سارح فى أيامه مع نور وأحلامهم وكانت قد ايه وحشاه وهى كمان ليث كان وحشها جدا فضلت تتامل ليث لكن جاءت نسمة هواء لتحمل عطر نور لانف ليث ليعرف بوجود نور فيقوم من موضعه
ليث ... نور بتعملى ايه إهنا
نور ... كنت بتمشي ورجلى جابتنى وانت
ليث .. زيك بالظبط رجلى جابتنى
نور .. رجلك ولا قلبك يا ليث
ليث .. جلبى لاه أنى دفنت من زمان
نور ... انا هرجع ليهم ليث قرب بسرعة وشدها ناحيته استنى نور كانت اخيرا فى حضن ليث
وتاهت ف عيونه
ليث ... جايه هنا ليه يا نور
نور ... ااانا قولت انت مسمعتش
ليث ... لاه سمعت بس عايز الحجيجة
نور ... وانت جاى هنا ليه رجلك ولا قلبك
ليث .... هههههههههههه جلبى ضحكتينى جوى يا نور
نور ... انا هرجع قلبك اللي بتقول مات متخافش مراتك هتقومه
ليث .. انت ازاى بجتى أكده ولا انت أكده من زمان وأنى اللي مخبرش
نور .. انت تقصد ايه
ليث ... مسير اللي انت مخبياه يبان يا نور
نور ... انت بقيت غريب وكلامك غريب اتكلم من غير الغاز
ليث .. عايزة تعرفى جصدى ماشى جصدى انك و .قبل ما يكمل كلامه جات نسمات هوا شديدة لدرجة انها حركت حجابها .وظهرت سلسلة ليث اللي فى رقبت نور
ليث مد ايده علي السلسلة ومسكها .نظر ل نور بتساؤل ليه لبسه السلسلة لدلوجيت يا نور
نور .. كانت مرتبكة من قرب ليث ومن لمسته ليها ومش عارفة تبرر هى لبسه السلسلة ليه
نور... ااابعد يا ليث كدا غلط
ليث .. لاحظ فى عيون نور موجة من الحب شاف عيون نور القديمة نوره هو بس
ليث ... لسه عيونك حلوين جوى يا نورى زى زمان
نور ".. للليث ارررجوك اااابعد
ليث كان وصل لمرحلة نسي فيها غضبة من نور وانه اتجوز وعايز يبنى حياه بعيد عن طيفها نسي وجعه منها وخاينتها ليه كل اللي فكر فيه دى نور حبيبته عشقة الاول والاخير وسمح لنفسة ان يشبع من شهد شفتيها وبالفعل انقض عليها بقبلة مليئة بالحب والالم والحنان والقسوة قبلة مميتة لتحيهم من جديد
وكان رد فعل نور انها بدالته القبلة ولكن باشتياق وحب حقيقي
.لكن كانت الافعى تراقبهم وتخطط لصيد نور
