رواية فرنسية في الصعيد الفصل الثاني والعشرين 22 بقلم جودي ياسر
+
الفصل الثاني العشرون
+
+
وصل بدر العزايزه الي منزل ابو العز .
قبل نزوله من السياره امسكت زجل بيده .
نظر لها بدر بدهشة : في ايه مسكاني اكده ليه .
زجل بتوتر مما سيحدث وغضب بدر : بدر انا عاوزه منك طلب قبل ما ننزل .
بدر بعصبيه : جولي وخلصي في حديتك ديه مش هنفضلوا اهنيه طول الليل .
زجل بتوتر : بدر عاوزك تهدي ارجوك وتكون هادي جوه وتفكر قبل ما تتكلم ارجوك بلاش عصبيتك دي معاهم جوه دي حياه اختك ومتنساش ان الجواز ده مش جواز عادي ده جواز تار يا بدر ارجوك براحه يا بدر .
بدر بعصبيه : ربنا يسهل .
نزل بدر و زجل من السياره واتجهوا الي باب الفيلا
رن بدر الجرس وفتحت له احدي الخادمات .
بدر : فين هلال ابو العز .
كانت الخادمه تهم بالرد حين وجدت والد هلال خلف بدر يرد عليه كان عائدا من الخارج .
الاب : اهلا اهلا بيك يا بدر يا ابني نورت البيت .
بدر وهو يلتفت له ويسلم عليه باحترام حتي لو كان غاضب منهم الا انه يحترم كبار السن .
بدر : منور بناسه .
الاب : ازيك يا بنتي .
زجل : الحمد لله .
الاب : اتفضلوا يا جماعه منورين والله .
دخل بدر وخلفه زجل الي داخل الصالون وسط ترحيب حار من والد هلال .
بدر : لو سمحت نادم ليا علي ليل خيتي .
الاب توتر شعر ب أن هناك شيء مريب .
وبالفعل ارسل الاب احدي الخادمات لتنادي هلال من غرفه المكتب وتنادي ليل من الاعلي .
خرج هلال من غرفه المكتب وشعر بالتوتر وجد والده يقف مع احدي الخادمات يخبرها بما تاتي له للضيوف .
هلال : بابا في ايه .
الاب : بدر هنا هو ومراته تقريبا جايين يزورا اخته .
هلال بتوتر : معتقدش واضح ان ليل كلمته وده اللي معملتش حسابه حبستها بس نسيت التليفون .
الاب بصدمه : حبستها .
حكي له هلال ما حدث.
الاب بعصبيه : استر يا رب امك دي مش هتجبها لبر تعمل المصيبه وبس وانت ازاي تسمح بكده ازاي تخليها تضربها مراتك مسؤوله منك وبس .
هلال بحزن : يا بابا ماما مدتش لحد فرصه .
الاب : اطلع هات مراتك وانزل وربنا يسهل وانت متتكلمش نهائي فاهم .
هلال : حاضر .
كان بدر يجلس علي احر من الجمر وماسه تنظر له بتوتر تخاف من رد فعله .
وفجاه وجد ليل تدخل وتجري وترتمي بحضن اخيها بقوه وتبكي بهستيريا .
وخلفها الاب وهلال بينما كانت الام بالخارج مع بعض الاصدقاء بالنادي كالعاده .
بدر : اهدي يا ليل بكفياكي عاد بكي .
ليل بشهقه من شده البكاء :ضربتني يا خوي حماتي ضربتني بالجلم عاوزني ابجي زي بنات البندر عاوزني اجص شعري غصب ولما جلت لاه ضربتني .
بدر بغضب وهو ينظر لهلال : كيف حفيده العزايزه تنضرب لو غلطت مش هتكلم لكن تنضرب ليه رد عليا .
هلال بتوتر : بدر انا اسف نيابه عن ماما انا اسف يا بدر بس دي امي .
ليل : خدني معاك يا خوي .
الاب وهو يقترب من ليل برجاء : عشان خاطري يا بنتي ارجوكي يا بنتي امسحيها فيا المره دي وصدقيني انا اللي هقف لها .
هلال بغضب : وانت ازاي راجل كيف ترضي مرتك تبجي زي بنات البندر كيف ترضي حد يمشي كلمته علي مرته ولا تكونشي ولد امك .
( والله انا قولت كده يا بدر بس محدش صدقني 🤣😎 )
هلال بغضب : اولا انا راجل ومن الرجوله اني احترم امي كنت اضربها يعني اخر مره هتحصل لكن انا مش ابن امي انا ممكن اكون طيب بس اتقي شر الحليم اذا غضب .
بدر بغضب اكبر وكانه يستعد للعراك : تجصد ايه يا ولد ابو العز .
زجل اقتربت من بدر برعب حقيقي تخشي القتال بينهم : بدر اهدي . ونظرت الي ليل برجاء
زجل : ليل ارجوكي الكل بيتحايل عليكي سامحي المره دي والمره الجايه لو حصل حاجه صدقيني هقول ل بدر يجي ياخدك وبسرعه ومش هيستني راييء حد .
ليل ببكاء : بس انا زعلانه جوي .
الاب : متزعليش يا بنتي وعشان زعلك ده هلال هياخدك ويروح الشاليه بتاعنا في العين السخنه كام يوم صح يا هلال .
هلال بتاكيد : ايوه وانهارده .
زجل بابتسامه : شفتي الكل بيتمني رضاكي مش عشان موقف ندمر الدنيا اتحملي عشان انتي عارفه لو حصل حاجه مش هتهدي النار ابدا .
ليل : حاضر .
بدر وهو ينظر لها : وجت ما تحتاجيني اني موجود واوعي تخافي من حد واصل .
ليل : حاضر يا خوي .
مسح بدر دموعها وقال لها بقوه : حفيده ابو العظ متعيطش حفيده ابو العز جويه تحارب عشان حجها مش ضعيفه واصل اخت بدر العزايزه خيتي بميت راجل صوح .
ليل بابتسامه : صوح يا خوي .
هلال بهدوء : انا اسف جدا للي حصل .
بدر بجديه : اخر مره هاجي اهنيه لسبب زي ديه المره الجايه هاخدها معاي فاهمين .
الاب : حاضر يا ابني .
ليل : خليك معاي هبابه يا خوي .
بدر بابتسامه : كيف ديه وانتي هتسافري مع جوزك عاوزني احرمك من السفر لاه لاه انتي تروحي وتروجي وتفرحي وبعدين هبجي اجيلك تاني ووجت ما تحتاجيني هتلاجيني .
ليل : ربنا يخليك ليا يا خوي .
الجميع : يارب.....
........
في منزل اسد .
ابتعد اسد اخيرا عن عشق كانت مغلقه العيون فتحت عيونها ببطيء كانت في عالم اخر وكان عقلها توقف عن التفكير من قبلته وكانه سحب عقلها وجعلها لا تشعر بشيء سوي شفتيه فقط وهي تقبلها ويديه التي تضمها اليها .
اسد بصوت اجش : انتي حلوه يا عشق .
عشق وهي تبتعد عنه : اسد لو سمحت اللي حصل ده ميتكررش تاني .
اسد بدهشه : انتي بتجولي ايه .
عشق كانت تشعر بالغضب من نفسها كيف سمحت له ان يقبلها كيف نست هلال بتلك السرعه ....
عشق بعصبية : انا مبحبكش ومش عاوزك ومش هكمل معاك ومش بطيق لمستك ليا .
( انتي متخلفه يا وليه انتي هو انتي طولي اصلا قال مش بحبك دا انتي عيونك بطلع قلوب على الواد 🫠😂)
اسد بغضب : مبينش كنتي مبسوطه يا بت العزايزه ولا تكونيش خايفه من نفسك .
عشق : مبخفش من حاجه واللي حصل مش هيتكرر فاهم .
اسد بغضب وهو يرتدي ملابسه ويتجه الي باب الغرفه : من انهارديه مهنمش جارك هنام علي الكنبه مش هجرب منك مش عشان حديتك الماسخ ديه لا عشان اني راجل صوح ومش اني اللي حرمه ترفضه ويتزلل ليها فما بالك بجي ان الحرمه دي مرتي .
وتركها وخرج .
بينما هي جلست تتحس شفتيها اثر قبلته .
وغضبت من حديثه وبشده .
عشق بغضب : بكرهكم كلكم .
( انتي تقريبا مش حافظه غير كلمتين بس انا بكرهكم وانا مش طيقاك يا اسد بس كده بس يا ويلك مني صبرك عليا بس لطلعلك ب خازوق يطلع من عنيكي اتكي على الصبر بس😂😈)
6
..........
+
دمتم بخير وعافية وفي حفظ الله ورعايته ❤️🥰
+
