رواية فرنسية في الصعيد الفصل الثالث والعشرين 23 بقلم جودي ياسر
الفصل الثالث و العشرون
وصل بدر وزجل الي الفندق .
وكان الوقت متاخر .
بدر وهو ينظر لها وهي تجلس علي التخت بتعب : حجك عليا .
زجل بتعجب : ليه .
بدر : ضيعت عليكي العشا وكماني السهره الزينه .
زجل بابتسامه جذابه : كله يهون عشان خاطر ليل هي اختي برده مش اختك لوحدك .
بدر وهو يقترب منها ويجلس الي جانبها باعجاب : انتي كيف اكده .
زجل بخجل : كده الي هو ازاي يعني .
بدر : كل حاجه فيكي كامله العجل والجمال والادب .
زجل بخجل اكثر : ربنا يخليك .
بدر بابتسامه : خجلانه مني اني جوزك يا زجل .
زجل بخجل : مش كده بس اول مره اسمع كلام حلو زي ده .
بدر وهو يقترب منها ويمسك بيدها وينظر بعيونها بشوق : اني كماني اول مره اجول الحديت ديه اني عمري ما اتعملت مع حريم غير امي وخيتي .
زجل بفرحه : يعني انا اول حد تقوله كده .
بدر وهو يقترب منها حتي اصبحت تشعر بانفاسه علي وجهها
من شده قربه منها .
بدر بهمس : اول واخر واحده .
ووضع شفتيه علي شفتيها في قبله ناعمه اذابت الجليد بينهم واختلطت عائله العزايزه بعائله الصعيدي واصبح الزواج فعلي كامل الاركان ذهب بها بدر الي بحر من الشوق واللذه كانت تشعر انها بين شخصين احدهم مشتاق يعاملها لثواني بعنف وواحد اخر رقيق وكانها قطعه من الزجاج بين يديه يخشي عليها ان تنكسر بينما بدر كان يشعر بسعاده لا توصف بانها واخيرا اصبحت له وملكه وحده .........
.............
مر اسبوع واسد يتجنب عشق نهائيا وكانها غير موجوده وهاهو يدخل الي غرفته وياخد ملابسه ويذهب للاستحمام دخل وخرج دون حتي ان يقول لها كلمه واحده كانت تشعر بالغيظ منه بشده وحيده لاسبوع كامل كانت تشعر وكانها سيده عجوز وحدها بعد ان تركها كل ابناءها لا لن تتحمل وهاهو يرتدي ملابسه .
فقالت له بغضب وهي تقف خلفه ويراها بالمراه : محتاجه احس اني ست محتاجه احس انك بتحبني انا مش كرسي هنا انا عمري 21 سنه وحاسه ان عمري خمسين بسبب الحبسه دي بسبب الخنقه وبسبب اهمالك ليا انا حاسه انك غي لوكانده بتيجي تنام هنا وبس .
( انتي مجنونه يا عشق يا حبيبتي مش انتي الي كنتي بتقولي انا مش طيقاك وبكرهك دلوقتي بقيتي محتاجه تتحبي عجيبة يا مصر )
اسد بغضب : كيف يعني عاوزني اعملك ايه عاوزني اجعد في الدار كيف الحريم واجولك كلام مايس نسوان عجلها فاضي صحيح .
عشق : حرام كده انتي اتجوزتني ليه .
اسد وهو يرتدي عمامته ويتجه الي الخارج ولكن يقف وينظر لها : انتي خابره انا اتجوزتك ليه ومش هنعيدوا ونزيدوا في الموضوع ديه كتير فاهمه .
عشق بتحدي : وانا مش هقبل الوضع ده انا همشي من هنا .
اسد بسخريه : يوم ما هتمشي من الدار دي من غيري هيكون علي جبرك .
عشق بقهر : بكرهك بكرهك انت عديم الاحساس .
اسد : وانتي عامله كيف العيال الصغيره عندينا كبري عجلك وشوفي النسوان عندينا بتعمل ايه واعملي كيف ما هيعملوا وبلاش وجع راس .
وتركها وخرج .
عشق بتحدي وهي تمسح دموعها : ماشي يا اسد ان ما خليتك تتمني نظره مني .....................
