رواية مدللة كسرت كبريائي الفصل السابع عشر 17 بقلم ميرا اسماعيل
البارت (17) :رواية مدللة كسرت كبريائي
تأليفي ميرا إسماعيل
**********************************
فى كلية طب
نور التفت لتقابل غضب الليث
نور بخضة مصطنعة ... ل ل ليث انت هنا ازاى دخلت الجامعة انا هفهمك اصل يعنى
ليث بوجع .. تفهمينى إيه يا نور انا شوفتك؟ عايزة منى افهم ايه انك كدابة ولا خاينة ولا متستهليش الثقة اللى كلنا حطناها فيكى
نور بتماسك مصطنع .. ايه حيلك انا مغلطتش انت كان لازم تفهم انى اتغيرت من ناحيتك وتبعد عنى لكن انت غمضت عينك المطلوب ايه انى اعترف انى اكتشفت ان اللي كنت بحسه معاك وهم شغل اطفال ولما فهمت مرتحتش طيب انا مبقتش و سكتت شوية أحبك
ليث بصدمة ... انت ازاى بجيتى أكده
نور بتناكة .. انا طول عمرى كده بس انت كنت فاكر انى هفضل ماشية فى ضلك ونسيت انى نور الجبالى عمرها متمشي فى ضل حد لكن ممكن تمشيك انت فى ضلها ودا إللى عملته كان رهان بينى وبين نور الجبالى وكسبته
ليث قرب عليها وعيونه حمراء ومسكها جامد من ايدها طبعا هى اتوجعت بس مبينتش وجعها وجع ايدها ولا حاجة جنب وجع قلبها
ليث ... انت تلعبى بيا انى طب ليه ؟
نور بضحكة ...ههههههه ليه ؟ مش معقول مش شايف الفرق ممكن تقولى بعد كام سنة انا هبقا دكتورة وانت مهما شهادتك كانت عاليا برده فلاح
ليث متحكمش فى غضبة وضربها بالقلم
نور بوجع .. ايه كلامى ضيقك بس دى الحقيقة انا وانت مع بعض والله عجيبة والأعجب انك صدقت لعلمك انا بحب الولد إللى شوفته معايا ومش بس كده اتفقنا اننا نتجوز أما اسافر فى الإجازة وكويس انك عرفت علشان نخلص من الحوار دا
ليث .. انى شايف واحده تانية انتى مش نور ابدا
نور .. لا هى دى نور بس انت دايما بتحب تشوف نور الطيبة الغلبانة الهادية مش ذنبى انك غبى واعمى مش عايز تشوف الحقيقة فتح عينك يا ليث فتحها علشان لو فضلت كده مش هتبقا كبير عائلة الجبالي ما هو مفيش كبير ساذج كدا ولا ايه ولعلمك انا هروح ل بابا و جدى و اقولهم ورينى هتعمل ايه
ليث .. هدفنك بالحيا
نور .. متقدرش علشان انا جوا قلبك يوم ما تبطل تحبني ممكن تدفنى سلام يا ابن عمى
وخرجت نور وسابت ليث
ليث .. مش ممكن نور بجت أكده كيف وامتا
ورفع راسه لسماء وعيونه مليئة بالدموع ما اصعب تلك الدموع المتحجرة اللعينة
ليث بغضب .. بس انت إللى حكمتى يا نور جصاد غلطتك دى هتكونى بره عائلة الجبالي كلها والنهاردة مش،بكره اما الكلب إللى خونتينى معاه هدمره وادمرك وادمر اى حد يجف فى وشى أنى الليث وبكرة تبكى بدل الدموع دم وتتمنى كلمة منى
وخرج وراها
ووصلو ل قصر الجبالى (فيلا الجبالى)
نور راحت علي الاسطبل
ودخلت ل نورى وليل
نور .. هتوحشونى قوى عارفة انك هتزعلى يا نورى بس غصب عنى صدقينى انا بعمل دا علشانهم وراحت ل ليل اللى لاول مرة يهدى أما يشوفها من غير الليث كأنه حس انها لحظة الوداع
نور .. ليل خلى بالك من نورى والجاسر هههه اوعى تزعلهم تمام
ليل بصهيل كأنه يطلب منها البقاء
نور .. غصب عنى انا مشيت طريق ولازم يكمل باى شكل مهما كانت النتيجة انا راضية
اهم حاجة ليث د ا امانتى اوعى تبعد عنه هيحتاج ونيس الايام دى
وبصت عليهم مع السلامة يا احلى ذكريات عمرى
وخرجت من الاسطبل مسحت دموعها ورجعت نور القوية لازم تخلص كل حاجة النهارده ودلوقت
داخل قصر الجبالى
الكل متجمع على اثر صوت خناق الليث وفايز
وكان الحج رؤوف مصدوم من فعل نور
فايز .. انت اتجننت نور مين اللي كانت بتحضن واحد فى الجامعة انت ازاى تتكلم على بنتى وخطبتك كده
ليث بغضب .. لا بتك اه لكن خطبتى انسي مش ليث الجبالى اللي يسلم ل حرمه خاينة مصيرها الدفن بالحيا
فايز .. رد يا حج عليه عرفه غلطه
الحج رؤوف .... انت اتوكدت كيف ؟
ليث .. الهانم كان ييبعت ليها هدايا كل يوم واما سألت عليها فى الجامعة جالو من اول يوم فى الجامعة وهى مصاحبه واد وعلى طول معاه
فايز ييرفع ايده علشان يضربه ... اخرص قطع لسانك
نور بمقاطعة .. بابا ليث مكدبش
وقع كلام نور بصدمة على الجميع وجلس رؤوف الجبالى على كرسيه ولما يقوى على الحراك
فايز .. بتقولى ايه ؟ ازاى انت سامعة نفسك بتقولى انه مكدبش بيقول انك
نور .. بيقول ايه انى حبيت ايه المشكلة هو لازم امشى على مخطط العائلة اتجوز ليث طيب جدى ومشفش الحياه فى القاهرة ولا عارف تربيتى وخطط ل دا انت كمان متعرفش سورى بس انا مخنتش حد انتو خنتو نفسكم افتكرتو انى عروسة روحى يمين حاضر شمال حاضر انا اتجوز ليث ماشي أما نخلف ولادنا بقا يقولو للناس ماما دكتورة وبابا ايه فلاح صعيدي مش انا إللى اعيش كده
فايز .. انت ايه جايبة الجبروت دا منين مخبيه القسوة دى فين ؟
نور .. والله لو الحقيقة قسوة مش مشكلة انا قاسية
الحاجة سعاد .. نور انت فى وعيك انت خابرة بتجولى ايه
نور .. ايوة سامعه نفسي واقصد كل كلمة بقولها
صفا .. نور ازاى انت يا نور
نور .. أيوة انا مش فاهمة ايه العيب ولا الغلط خطوبة وهتنتهى انت ملكم مكبرين الموضوع كدا ليه
الكل كان مصدوم دى مش نور ابدا
رؤوف الصغير بسخرية.. فعلا احنا مكبرين الموضوع انت تمشي على حل شعرك وتجيبي لينا العار بس لا يا نور مش هيحصل وفعلا مش هتتجوزى ليث لانك خسارة فيه خسارة فى عائلة الجبالي
نور ... ههههه خلصت طيب لو الليث بتاعكم خسارة فيا ف انتم كلكم خسارة تقفو حتى جنبي فى صورة
ليث ... أنى ساكت بس علشان جدى وممكن اسيبك من غير عقاب فى حجى لكن تغلطى فى العائلة دى اجتلك يا نور سامعة
الحج رؤوف اخيرا نطق بعد سكوت طويل
الحج رؤوف ... صالحه بت يا صالحة
الكل مستغرب ليه بينادى عليها
الحاجة سعاد. .. رايد ايه يا حج
صالحة .. نعم يا حج
الحج رؤوف ... اطلعى جناح نور لمى كل حاجة ليها وهاتيها اهنا
وفعلا امتثلت صالحة وطلعت غرفة نور
الحج رؤوف .. جربى إهنا
نور قربت بس طبعا برعب من غضب جدها
نور ... نعم
الحج رؤوف ... اجعدى جصادى
طبعا الكل هيتجنن
نور جلست فعلا
الحج رؤوف .. عينك فى عينى وجولى إللى جولتيه تانى
نور ..فهمت هو عايز يكشف صدقها اوكذبها من عيونها وطبعا لازم تنجح مفيش خيارات
نور .. أسأل وانا اجواب
الحج رؤوف .. لا جولى كل الكلام إللى عينديكى
نور قررت تخوض الحرب بطريقتها
نور بصدق لان دا فعلا احساسها .. انا منفعش ليث يا جدى انا فعلا اسفة بس انا اخر واحده فى الدنيا ممكن تريح ليث هو مش هياخد من ورايا غير الوجع وبس وانتم كمان مش هقدر اكون نور الجبالى اللي طول عمرك عايزها وبتحلم بيها بس دى الحقيقة اللى مهما غابت كان لازم تبان
وقامت قصاد ليث ... دى الحقيقة
ليث بقسوة .. عايزة تعرفى الحجيجة انت خاينة يا نور وكدابة وتستاهلى الدبح بس مش على اخر الزمن تيجى حرمه تحط راس عائلة الجبالي فى الارض
صالحة نزلت بحاجة نور ... انى لاجيت كل حاجة جوا الشنط يا سيدنا
رؤوف ... كنت مجهزة كل حاجة
نور .. ايوة كنت عارفة ان النهاردة اخر يوم ليا هنا
رؤوف بمقاطعة .. وفى عائلة الجبالي كلتها من النهاردة انت مش حفيدة رؤوف الجبالى ولا منينا
نور وطت راسها بحيث محدش يلاحظ دموعها والا كل التخطيط هينهار
الحاجة سعاد بلهفة ... لا يا حج سايج عليك النبى بلاش تتبرا منيها
الحج رؤوف بغضب "... ولا كلمة هى إللى جررت تتحمل من النهاردة ملكيش مكان إهنا واوعاكى فى يوم تفكرى ترجعى لينا سامعة
ولف ظهره ليها اطلعى برة الدوار والعائلة والصعيد كله
نور مسكت شنطها من غير ولا كلمة خلاص انتهى كل شئ هى قررت فعلا ودا وقت حصاد نتيجة قرارها
وخرجت برة الصعيد بس يا ترى فعلا بقت بره قلب الليث والاهم بقت بعيد عن عائلة الجبالي
فى منزل رائد البحري
مليكة ... اهدا يا رائد انت مكنش عندك حل نور عندية جدا وبيك من غيرك كانت نفذت دا
رائد ... شكل ليث اما شافنى وهى فى حضنى وجعنى قوى كان نفسي يقرب منى يضربنى يعمل اى حاجة لكن مع ان كان بينى وبينه اقل من متر سكت وثبت مكانه كان حصله زلازل هد كيانه خلاه زى النخل واقف صحيح بس ميت
مليكة .. كفاية يا رائد وبعدين انت كنت عايزة يضربك متخيل نور كانت هتقول الحقيقة استحالة
رائد ... عارف انها مش هتقول حاجة بس ليث كان هدا النار إللى جواه النار دى هتقضل تاكل فيه لغاية مينتهى وللابد وطبعا هينهى نور معاه
مليكة بخوف .. ممكن يقتلها
رائد .. صعب بس ليث محدش دلوقت يقدر يوقفه ولا إللى حاسس بيه ايه دى نار نور زراعتها وياريت تكون قد حصادها
مليكة ... من يوم مشفتهم كنت حاسه ان حكايتهم مش هتم ابدااااا لكن متوقعتش كل دا
رائد .... ولا اى حد اتوقع دا ربنا يستر من إللى جاى
فى فيلا مراد
كانو عرفوا إللى حصل
نفين ... مش ممكن نور تعمل كده وتقول الكلام إللى انت بتقوله يا فارس
فارس ... صفا كلمتها اما كنت فى المستشفى وحكت ليا اللي حصل وطردها من العائلة و.بتقول ليث خرج من ساعتها وكلهم مرعوبين ياذى الولد إللى كان معاها ويروح فى داهيه والحاجة سعاد تعبت جدا والحج رؤوف فى غرفته مخرجش البيت حاله أتحول 180درجة
مراد ... ازاى وامتا كل دا نور تحب حد غير ليث وكمان تقف فى وش جدها لدرجة الطرد فى حاجة مش مضبوطة
نفين. ... بابا مفيش غيره اكيد عمل كارثة ونور صدقته مفيش حل تانى انا استحالة اصدق دا انا هكلمه وافهم منه
وخرجت نفين لتحدث مع والدها
وطبعا انكر معرفته بأي شىء وقال ليها انه جاى
فارس ... هو عمل حاجة صح ؟
نفين بانهاك ... بينكر بس صوته فى صدق طيب لو مش هو مين
قطع كلامهم دخول الخادمة ... مدام نفين الانسه نور جت بره
نفين بغضب ... هى وصلت
مراد .... نفين اهدى نفهم
نفين ... انا هفهم بطريقتى
وخرجت نفين بغضب ل نور
نفين .. انت جيتى وقبل ما نور ترد كانت نفين ضربتها بالقلم
نور بدموع ... انت بتضربينى
مراد اتحكم فى نفين ... اهدى علشان نفهم
نفين ... نفهم ايه نفهم أنى بنتى غدارة غدرت بأهلها وبالراجل اللي حبها وكان مستعد يجيب ليها نجمة من السما انت ايه دا انا بكل جبروتى ماعملتش دا وانت بمنتهى السهولة بتضيعى عايلتك وحب حقيقي هتندمى ندم عمرك على ضايعه
فارس قرب من نور ... احكيلى يا نور ايه أللى غير حالك كده انا برده فارس ووعد إللى هتحكيه لو مش عايزة يوصل ل ليث وجدك مش هيوصل
نور ... انا قولت كل حاجة معنديش حاجة تانية أقولها
مراد ... ازاى يا نور طيب مين الولد دا وايه اللي عنده زيادة يخليكى تخسرى اهلك
نور ... انا عارفة مصلحتى كويس ياريت بلاش كلام تانى فى الموضوع دا واه انا هسافر اكمل دراستى بره
نفين ... والولد اللى ناوية تتجوزيه ايه خلع
نور ... دى حاجة خاصة بيا لوحدى
نفين ... دا كان الاول دلوقت لازم نفهم
نور بغموض .. بعدين كله هيبان ممكن ادخل بقا ولا اروح ل جدو فريد
مراد .. اطلعى ارتاحى ونتكلم بعدين
نور طلعت لان خلاص كل مقاومتها انتهت
نفين ... دى اتجننت وكلامها ملوش علاقة بعض منين هتسافر ومنين هتتجوزه انا خلاص تعبت
فارس .. نور مخبيه حاجة والحاجة دى كبيرة كبيرة جداااا
نفين بانتباه ".. بجد يا فارس انت حسيت بدا
فارس ... انا متاكد نور وراها سر ولازم اعرفه
مراد بتحليل ... اللي بتقوله دا لو حقيقي ليث ازاى ميلحظ دا
فارس ... نور اختارت اكتر حاجة تهد ليث بحيث مايدورش وراها وغضبه منها يعميه عن الوجع الظاهر فى عيونها
نفين ... فعلا احنا لازم نعرف
فريد بمقاطعة .. تعرفوا ايه نور وفاقت من الوهم انتم مكبرين الموضوع ليه ؟
نفين ... حضرتك شايف الموضوع هين لدرجة دى
فريد ... جدااااا والحمد لله انها فاقت ورجعت لينا
نفين ... دى بتحب واحد تانى وهتتجوزه
فريد ... ممكن برده انا طالع ليها واكيد هتيجى معايا
وطلع فريد وكان الجميع فى حالة ذهول
فى غرفة نور
نور بدموع ... خلصتى كل حاجة وحسبتى كل صغيرة وكبيرة والخطة مشيت صح لكن محسبتيش وجع قلبك ولا اد ايه نظرة الكره اللي فى عيونهم قتلتك ولا نظرة الغضب فى عين ليث
يا ترى إللى حصل صح يا نور
مفيش وقت انى حتى ارجع خلاص انا هديت المعبد عليهم وعليا
وراحت ل شنطتها فتحتها وجابت الأدوية ومسكت قرص الدواء من يوم ما عرفتك وانا حياتى اتغيرت ةيس يا ترى هتقدر تهدى الوجع إللى جوايا ولسه هتاخدها جدها دخل عليها وهى ارتكبت ورمت قرص الدواء على الارض وفريد خد باله
فريد بدموع ... عرفتى صح ؟
نور .. عرفت ايه
فريد بيوزع نظرة عليها وعلى قرص الدواء
نور بصدمة .. قصدك ايه ؟
فريد خدها فى حضنه مكنش نفسي اليوم دا يجى ابدا نفين لما حكت ليا شكيت انك عرفتى بس دلوقت اتأكدت
نور بدموع ... كنت عارف طب ازاى
فريد .. تعالى نقعد وانا احكيلك عرفته امتا... من 5سنين اما كنتى فى تدريب السباحة واغمى عليكى يومها عرفت وعلشان كده كنت ببعد ليث عنك لانه قربه فى موتك كنت بديكى العلاج فى عصير او اقولك فيتامين حلو وكنتى كل ما تسافرى اسافر بعدك على طول بحجة انك وحشتينى وادى الدوا للخادمة إللى هناك واخليها تحطه ليكى كان نفسي متتوجعيش كده ولا اشوف دموعك دى
نور ... مش ممكن وانا اللي قولت انك انانى
فريد ... انا فعلا انانى كنت عايزك جو حضنى باى شكل انت مش حفيدتى وبس لا انت عمرى كله واللي عمرى ما هسمح انه يروح صحيح الاول كنت ببعدك عنهم علشان تكونى ليا ومعايا بس بعد ما حاولت اتقبل وجودهم وحقهم فيكى ظهر المرض دا واللي خلانى مصمم اكتر انك تبعدى بس لازم تعرفى انا كنت بخطط لبعدك عن ليث مش العائلة ليث وجوده كان خطر لانه جوازكم بيساوى موت بس طريقتك هدت عليكى أى طريقة للرجوع
نور ... انت عندك امل اصلا انى هيجى يوم وافكر انى ارجع
فريد ... الطب بيتقدم وممكن
نور بمقاطعة ... ممكن ايه اعيش اخف ههه صعب يا جدى صعب قوى كمان انا ليا طلب واحد منك ممكن
فريد ... انت تؤمرى يا قلب جدو
نور ... عايزة أسافر ابعد عن هنا ممكن تساعدني
فريد ... طبعا يا نور وممكن نلقى علاج ومين عارف يمكن ترجعى كويسة
نور باللامبالاة ... ممكن اه المهم هسافر امتا
فريد .... وقت ماتحبى نجهز كل حاجة ونمشي بس عايزة نروح فين ؟
نور ... اى مكان بعيد عن هنا مكان جديد يا جدو
فريد ... من عنيا هجهز كل حاجة ونسافر حلو كده
نور .. حلو قوى
فريد .. يلا خدى الدوا وارتاحى
نور ... حاضر
وخرج فريد من غرفته نور واتاكد ان محدش سمع كلامه مع نور ونزل ليهم بلغهم انه هيسافر يستقر فى بلد تانية ونور هتروح معاه فارس كان شبه متاكد ان السر إللى غير نور فريد على علم
بيه وبعد شد وجذب ايام كتير وافقو علي سفرها
فى الصعيد
كان قصر الجبالى يخيم عليه الحزن والغم خروج نور من العائلة بهذة الطريقة اكبر كسرة للعائلة عامة وللحج رؤوف وليث خاصة
الحاجة سعاد على فراشها وحولها صفية وصفا ورؤوف الصغير
صفية .. لازمن تاكلى يا اما علشان تجومى
صفا ... يلا بجا يا ستى خلصى طبق الشوربة كله دا انى إللى عملاه
الحاجة سعاد بدموع ... اجوم ل مين لجدك إللى طول الوجت جافل علي حاله ولا ليث اللي حاله يا ولدى اتبدل كانه بجا واحد تانى اجوم علشان اشوف العائلة بتجع
رؤوف الصغير ... تقومى علشانا علشان تخرجى جدى من عزلته وترجعى ليث عن طريق إللى ماشى فيه
صفية ...ايوة يا اما محدش هيقدر يعمل دا غيرك انتى جومى علشانا كلنا
وبعد محاولات اقتنعت اخيرا وقررت انها لابد ان تقوم لكى تصلح ما خربته نور
فى عشة ليث ونور سابقا
ليث بغضب وعيون حمراء من شده غضبة
ليث مسك سلسله نور عمرى مااخلعها علشان تفضل تفكرنى بغدرك وخيانتك علشان كل ما المحها النار إللى جوايا متهداش انى مش هنتجم منيكى بس انى لازمن احرج جلبك يا نور
وخرج من العشة وبنظرة غضب للعشة ودى البداية جاب بنزين وبدأ يرش على مكان اللي جمعهم وجمع كل زكرياتهم
وولع فى العشه النار وكانت النار تلتهم العشة "
ليث ... لازمن احرج جلبك كيف المكان دا ومسك السلسلة بكرهك وكل يوم كرهى ليكى هيزيد ودا وعد منى
عند نور امام المراية وماسكة سلسلة ليث
هفضل أحبك لاخر نفس فيا ودا وعدى يا ليث
عند ليث "
...بكرة تجولى ياريتنى ما فكرت اغدر بيك بكرة تشوفى الليث اللي على حج هكون ليث فى كل حاجة
عند نور:
بكرة تعرف أن دا لمصلحتك واكيد هتسماحنى اكيد
عند ليث :
عمرى ما هغفر ليكى غلطك ولا اسامحك ابدا
عند نور:
متأكده انك هتسامحنى بحبك يا ليث بحبك يا احلى احلم فى عمرى كله
عند ليث :
بكرهك يا نور بكرهك وبكره جلبى اللي مال لواحده خاينة بكرهك وبكرة افكرك
فى مطار القاهرة الدولي
فريد .. يلا يا قلبي هنتاخر
فارس .. خلى بالك على نفسك هتوحشينى يا نور
نور بدموع ... وانت كمان هتوحشنى جدا
رائد .. خلى بالك من نفسك و بلاش جنان ارجعى لينا بسرعة
نور ... خلى بالك من نفسك انت ومن مليكة وانت كمان يا فارس خلى بالك من صفا رائد عايزة ارجع القيك احسن دكتور وعندك انت ومليكة اطفال وانت يا فارس سامعين
رائد ... من عنيا ووعد منى اول بنت أسميها نور
فارس .. بطلى تفكرى فينا وفكرى فى نفسك مكانك يا دكتورة مستنيكى فى نبض القلب
نور ... ان شاء الله
فريد .. الطيارة يا نور
نور حضنت فارس جامد جدا
وحضنت رائد وهمست ليه .. اوعى تنسا وعدك يا رائد
رائد بهمس ... متخافيش وعدى وعد يا نور
نور .. سلام خلى بالكم من بعض تمام هتوحشونى جدااااااااا
وركبت نور الطيارة اللي هتنقلها ل لندن
نور من شباك الطائرة يا ترى هرجع تانى ولو رجعت ايه إللى مستنينى يارب انت عالم بيا ساعدنى يارب
فى الصعيد
صوت الغفير بينادى ... يا سي ليث
ليث بملامح غضب ودا بقا شكل ملامحه على طول بقا سريع الغضب قاسي اتحول من ليث الطيب إلي ليث اسم على مسمى بقا الليث
ليث ... مالك يا ولد المحروج حسك عالى كده ليه ؟
الغفير ... يا كبير انى روحت ل عوض المنصوري وجال انه مش معاه فلوس دلوجيت وهيدفع اول الشهر الجاي
ليث بغضب ... انت بتجول ايه هو عرف انى اللي بعتك بنفسي
الغفير .. ايوة يا بيه جولت ليه انى جاى احصل الفلوس جالى مش امعاه فلوس دلوجيت
ليث بغموض ... جهز الرجالة انى هروح ليه بنفسي أما نشوف هيجول ايه
الحج رؤوف ... على فين يا ليث يا ولدى
ليث بتكشيره ... رايح ل عوض المنصوري احصل الفلوس
الحج رؤوف ... يا ولدى هو مش معاه فلوس علشان جواز بته
ليث ... ريح حالك يا جدى أنى المسؤل عن العائلة دلوجيت
الحج رؤوف ... يعنى بجيت الكبير ومهتكبرش لحد واصل
ليث ... جدى انى محدش يعصى ليا كلمة الكل لازمن يعرف ان الليث يدوس على اللي يفكر يرد كلمته ووجه كلامه للغفير يلا مشي جدامى
الحج رؤوف ... ربنا يهديك يا ليث ويستر عليك من اللي جاى
فى منزل عوض المنصوري
عوض بترحاب ... اهلا يا كبير نورت الدار
ليث بغضب ... انى مش،جاى اسمع الحديت دا انى جاى عشان فلوس المحصول
عوض باحراج ... يا كبير انت دايما بتصبر على الناس وأنى اليومين دول الجاى على قد اللي،رايح وكلمت الحج رؤوف وهو جالى
ليث بصوت مليئ بالغضب .. أنى كبير عائلة الجبالي والحديت امعاى مش مع جدى وانى خابر ان فلوسك راحت على جهاز بتك صوح
عوض .. أيوة يا كبير لو معايا هدفع والله
ليث بغموض ... انى ممكن اصبر ومجدمش الوصلات للنيابة كمان بس بشرط
عوض بلهفه ... شرطك مجبول يا كبير
ليث .. تجوزنى بتك
عوض ... بببتى يا كبير انا معنديش غير بت واحده لو عيندى تانى مش هجول لاه
ليث ... انى عارف انها بت واحده وانى رايدها جولت ايه النيابه ولا الجواز
عوض ... يا كبير دى فرحها السبوع الجاى على واد عمها
ليث بغضب ... بجولك جدامك يومين للنيابة يا الجواز
وخرج ليث هو ورجلته
فى لندن
فريد ... حلوة الفيلا يا نور
نور بعدم اهتمام .. اه كويسه انا عايزة انام عن اذنك
فريد ... نور بكرة عايزين نشوف حل فى كليتك قررتى ايه
نور باستغراب ... قررت ايه فى ايه ؟ انا هحول ورقى من هناك ل هنا هكمل كليتى
فريد .. يعنى تخصص اطفال بردة
نور .. لا دا كان زمان انا هتخصص جراحة قلب
فريد .. جراحة قلب يا نور بس دا قسم صعب وهيتعبك جدا
نور بغضب ... جدى من فضلك مش كل شوية تفكرنى انا قررت خلاص جراحة قلب وانتهى الكلام
وطلعت نور لغرفتها
فريد "... ربنا يكون فى عونك يا نور ويهون عليكى الايام ونلاقى حل لمرضك وترجع ضحكتك تانى
وبعد ايام وشهور وسنين كتيييير
في القاهرة فى مستشفى نبض القلب
غرفة مكتوب من خارجها
د/نور الجبالى
نور على مكتبها وتتابع اهم المقالات الطبية فى عالم جراحة القلب قطع قرائتها صوت خبط الباب
نور .. ادخل
فتح الباب وإذ به رائد يرتدى البلطو الابيض
رائد ... انت هنا يا نور ليث بيدور عليكى
نور بضحكة ... هو وصل طيب انا جاية معاك
نور شافت ليث جاى عليها
نور .. انا اسفة والله اتاخرت وحشتنى جدا على فكرة
ليث .......
