رواية مدللة كسرت كبريائي الفصل الثامن عشر 18 بقلم ميرا اسماعيل
البارت (18) :رواية مدللة كسرت كبريائي
تأليفي ميرا إسماعيل
***********************************
فى مستشفى نبض القلب
نور ... انا اسفة عارفة انى اتاخرت معلش
ليث بغضب طفولى .... لأ انا زعلان منك ينفع اروح عيد ميلاد نور متاخر تقول عليا ايه مش مهتم مثلا
استوووب
ليث فارس مراد عمره 9 سنوات يحمل ملامح فارس لكن طباع صفا
نور رائد البحيرى وهى نسخة مصغرة من مليكة عمرها 7سنوات
سورى النكد مكمل معانا شوية
نور ... لا طبعا ما ينفعش وبعدين انا كان عندى شغل سورى يلا
ليث بغضب .. يلا دايما بتاخرينا بس
نور بصدمة .. انا واد انت عندك كام سنة
ليث ... مش مهم السن المهم العقل وممكن يلا بقا هنتاخر
نور .. طب هات حضن الاول
ليث .. ماشي يا عمتو بس اوعى تقولى ل نورى أنى حضنتك احسن تدبحك
نور ... هههه متخفش وحضنته يلا يا استاذ
ليث موجه كلامه ل رائد ... وانت مش ناوى تحضر عيد ميلاد بنتك يلا بابا زمانه زهق من القعدة فى العربية
رائد .. تمام يا فندم قدامى
نور دخلت المكتب جابت شنطتهاو .هدية نور
وخرجو جميعا ل فيلا رائد
فى الصعيد داخل قصر الجبالى
علي السفرة العشاء
راس السفرة رؤوف الجبالى ولكن على كرسي متحرك وعلى جواره ليث وامامه فايز ويليهم رؤوف الصغير والحاجة سعاد وصفية
ليث بتكشيرة التى لا تفارق وجه ... عايزك تجهزى الجناح يا مرت عمي
صفية ... الجناح حاضر اجهزه
الحج رؤوف بزهق ... ليه تانى يا ليث
ليث .. هتجوز بنت طه الجندي
الحاجة سعاد .. طه الغفير ليه يا ولدى بتعمل أكده
رؤوف الصغير بتسأل... موال كل شهرين و .يا ترى المرة دى دكتورة ولا هتتجوز ابن عمها وانت ناوى تفرق بينهم
فايز ... مش،كفاية كدا يا ليث هو كل شهرين الموضوع دا اخر مرة كنت هتروح فى داهيه
ليث كأنه لا يستمع إلى حديثهم
الحاجة سعاد .. وليه هو مش هيبطل فكرك عاد اللى بتعمله بيطفى نارك بالعكس دا بيزودها اكتر
رؤوف الجبالى .. هملو ليث دا خلاص مبجاش يكبر لحد واصل
ليث بغضب .. انى مفهمش ايه إللى مدايقكم فى جوازى كل شوية
الحج رؤوف ... المشكلة مش في الجواز لاه فى الطريجة واللي بتختارهم يا ولدى عيش من غير الغل اللى جواك طليجتك الاخيرة كانت هتموت فى يدك
ليث بغل .. تستاهل الموت بتجولى من غير خشا انها مغصوبة عليا
الحج رؤوف .. وايه الجديد مفيش وحدة دخلت الدوار دا غير وهى مغصوبة منيكى من اول بنت عوض لغاية إللى هتجبها انت خلاص من يوم ما بجيت أنى الكرسي دا وانت محدش جادر عليك
ليث .. بهدوء وأمر خلصتم حديت جهزى الجناح
وساب الاكل وطلع ل غرفته
علي السفرة
رؤوف بحسرة ... الله يهديك لحالك يا ولدى ويبعد عنيك الشيطان دا
الحاجة سعاد ... متزعلش حالك يا حج ربك كريم هو إللى جادر يغير الليث ويرجع تانى
فى غرفة ليث
ليث بغضب ... ابطل إللى بعمله كيف دا انى بشوف كسرتها فى كل دمعة واحدة
نفسه ... متغلطش نفسك انت بنتقم بطلع كل اللي،بيدخلو هنا جسم من غير روح
ليث .. وانى ذنبى ايه هملتنى جسم من غير روح
نفسه .. والبنات إللى بتجبهم ذنبهم ايه دا انت حتى مبتجربش منيهم بتجبهم علشان ضربك فيهم وجسوتك عليهم
ليث .. كل واحده بتدخل الجناح .بتهدى نارى
نفسه .. كداب يا ليث أنت مفيش حاجة هتقدر علي النار إللى جواك غير،نور نورك يا ليث
ليث .. مبجتش نورى دى واحدة بحلم باليوم إللى أدخلها فيه الجناح وهيجى اليوم دا وصوت صراخها هيوصل لاهل البلد كلتهم
فى فيلا رائد البحيرى
نور الكبيرة .. كل سنه وانت طيبة يا نور عيوني انت
نور الصغيرة .. مرسي يا عمتو
نور الكبيرة .. هى ايه حكاية عمتو انت وليث انا نور وبس دا انا اصغر من ابوك انت وهى
ليث بغضب .. برده لازم نحترمك
نور الكبيرة باستغراب ... مالك يا ليث ؟
ليث بغضب .. مفيش انا خارج برة
نور الصغيرة ..ليث استنى فى ايه ؟
ليث بغضب .. فى ايه عايزة تعرفى ليه عزمتى الواد مازن دا وايه الطقم دا
نور الصغيرة .. يا ليث مامى اللي عزمت مازن والطقم هى بتقول حلو وشكله عجبنى
ليث .. بقا كده طيب انا همشي خالص
نور الصغيرة بدموع .. خلاص هغيره بس اوعى تمشي
ليث .. اطلعى غيرى الاول
نور الصغيرة بفرحة .. هوا وبعتت ليه بوسه فى الهوا
نور كانت بتراقب كلامهم وحست بحنين قوى ل ليث
ليث الصغير .. عن اذنك يا عمتو هروح أدب مازن وراجع
نور ... ههههه ماشي
رائد من وراها .. بتضحكى علي ايه ؟
نور .. ليث ونور بيفكرونى بأيام حلوة
رائد .. ليث وحشك
نور باشتياق ورفعت ايدها علي السلسلة .. وحشنى دى كلمة قليلة على اللي حساه وغيرت الموضوع بس خد بالك على نور ليث مسيطر عليها جدا
رائد .. طالعة ل عمتها
نور .. وإن شاء الله تكون حظها احسن من عمتها
مليكة .. لا انتو مش بتزهقو من بعض انتم مع بعض في المستشفى طول النهار سابها ليا
رائد .. أمرك يا قلبي هروح ل فارس
مليكة .. عاملة ايه ؟
نور ...السؤال دا جوزك بيساله فوق العشرين مرة فى اليوم غيره
مليكة .. نفسي تبطلى عيند وتتكلمى
نور .. مليكة بلاش كلام فى الموضوع دا تانى
مليكة .. لا يا نور حرام عليكى كده بلاش احنا واهلك علشان خاطر نور ترجع تضحك تانى
نور بسخرية ... والله وأما الحقيقة تتكشف هفرح
مليكة ... لا بس هتوافقى تعملى العملية انا لولا خوفى منك ومن رد فعلك المجنون كنت انا إللى اتكلمت
نور بشراسة "... أعمليها وانا عند كلمتى واظن نفذتها زمان
مليكة ... بس حق العيش والملح انى انصحك
نور ... مليكة روحى ل بنتك يلا
مليكة .. فكرى يا نور علشان كلنا
نور بلا مباله.. اوك يلا بقا شوفى الضيوف والحقى اعملى فاصل بين امك و رائد
مليكة بلهفة .. عن اذنك انا نسيتهم خالص
نور .. اجرى
وبعدين سرحت ايام ما كانت اخر سنة فى الجامعة
فلاش باك
نور فى لندن بتكلم رائد
نور بعصبية .. رائد والله العظيم لو دا حصل انا هموت نفسي انا مش،بهزر
رائد .. اهدى يا نور احنا بنتناقش
نور بحده ... لا يعنى لا أفهم بقا محدش هيعرف خالص
رائد .. مليكة مصممة بتقول ان دى خيانة هى اكلت فى البيت معاكم ولازم ترد الجميل مش تخون العيش والملح
نور بغموص .. براحتها كل واحد براحته
رائد .. يعنى ايه وبفرحة اسافر انا ومليكة لجدك ونعرفه
رائد .. نور انت معايا نوووووور
لكن نور كانت قفلت التليفون
مليكة .. ها قالت ايه ؟
رائد بحيرة .. بتقول كل واحد حر
مليكة .. يعنى ايه مش،فاهمة نروح يعنى
رائد .. معرفش بس نور بتفكر فى حاجة مش،ممكن توافق بالسهولة دى وبعدين دى قفلت معايا من غير ولا كلمة
مليكة .... يمكن الخط قطع جرب تانى مش هتخسر
رائد .. لا بليل هكلم جدها فريد واعرفه ونشوف هنعمل ايه
مليكة .. نفسي يعرفوا انها مظلومة
رائد .. انا بقا خوفى من انها تعرف اللي حصل ل جدها رؤوف واللى بدل حال ليث ربنا يستر ساعتها هتحس انها موتتهم معاها بالحيا
مليكة ... كله هيتغير مجرد ما هى تكون وسطيهم كله هيتغير
رائد بأمل ... يارب
وبعد ايام نور علي سرير فى غرفة داخل المستشفى
فريد بزعل ... كده يا نور ليه تبطلى تاخدى علاجك انا كنت هموت من الخضة اما شوفتك واقعة على الارض
نور بدموع ... غصب عنى تعبت من الأدوية كنت متخيله انى هرتاح بعد شهر اتنين مش سنين ولسه مش عايز يوقف و زهقت من زن رائد و مليكة كل شوية نقول الحقيقة نقول الحقيقة تعبت ومش قادرة ولا عايزة استحمل
فريد .. وفين ايمانك ب ربنا يا نور ربنا شايف كل اللي،بيحصل وانا حاسس انه شايل ليكى فرحة كبيرة جدا وبكرة تقولى جدو قال
نور ... لو عايز يفرحنى يريحنى
فريد بلهفة "... نور اوعى تقولى كده لو على رائد انا هكلمه ميفتحش معاك الكلام تانى بس تاخدى ادويتك بانتظام اتفقنا
نور ... حاضر
وفعلا فريد كلم رائد وقفلو تماما الكلام فى الموضوع دا وطلب انها متعرفش حاجة عن رؤوف وتعبه وليث والتغير إللى هو فيه ووافق رائد بعد ما اتاكد ان نور مش بتهزر
بااااااااك
نور ..باشتياق وحشونى بس مينفعش اعذبهم معايا هما اكيد احسن من غيرى
فارس ... نور يلا هنطفى الشمع
نور .. هى صفا برده مجتش
فارس .. اااااصل
نور ... علشان متكنش معايا فى مكان واحد بس مليكة ملهاش ذنب كانت جت ليها وانا اصلا هرجع المستشفى
فارس .. هى جات الصبح ل مليكة وبعدين معلش يا نور بس بصراحة ساعات انا كمان بكون مش طيقك بس انت اختى مقدرش على زعلها ولا بعدها وما صدقت انك رجعتى
نور ... ربنا يخليك ليا يلا نلحق ابنك .ونور
وانتهى العيد ميلاد
مليكة .. خليكى يا نور هنا ما غرفتك فوق جاهزة معلش انا عايزة اغير هدومى وارتاح لانى تعبانه جداااااا
رائد بلهفة ... نور انت حاسه بحاجة
نور .. مفيش حاجة عادى مرهقة
فارس ... هو رائد كدا طول الوقت محسسنى ان نور مريضة مرض خطير ههههههه
الكل سكت ومحدش رد
نور لحظت فارس وخافت يشك
نور بمرح مصطنع ... هههه قوله يا فارس بلا بينا
وقربت على رائد امسك لسانك
رائد يهمس .. سووورى
وخرجو إلي فيلا مراد
فى الصعيد
الكل نائم او كما يبدو ان ينامو
الغفير بصوت عالى ... يا ليث بيه
ليث ... مالك فيك ايه يا واد المحروج انت
الغفير برعب ... البت رشا كانت هتهرب وأنى لحجتها
ليث باستغراب .. رشا مين ؟
الغفير باستحياء .. بت طه إللى فرح جنابك عل
ليث بغضب .. بتجول ايه هربت كيف وجوز الحمير إللى عنديهم بيعملوا ايه هى فين بت المركوب
الغفير .. دخلنها الغرفة الصغيرة إللى جنب الدوار
ليث بتوعد ... روح وانى جاى
وخرج الغفير والتفت ليث يرى فايز أمامه
فايز ... ليه كل دا سابها لحالها كفاية أذى فى بنات الناس
ليث بغضب .. دول مش يستاهلو الرحمة دول يستاهلو الشنج
فايز .. نور بس اللي تستاهل دا مش كل البنات حرام عليك
ليث .. عمى عن اذنك انى رايح اشوف اللي كانت عايزة تهرب وتجيب ليا العار
فايز ... اللي بتعمله هو إللى عار عليك وعلينا كلنا
ولكن ليث خرج لينتقم من بنت اخرى ليس لها ذنب سوا إنها طبيبه أو تريد ان تتزوج ابن عمها لكى يفرغ فيها الليث غضبه
فى فيلا مراد
ليث الصغير .. انا هطلع انام تصبحو علي خير
فارس .. عرف ماما انك وصلت
ليث ... تمام
فارس ... ها مصممة برده ترجعى المستشفى تانى
نور .. كدا احسن ولا عايز البيت يولع انا وصفا مع بعض صعب جدا
فارس .. اللي يريحك ولسه هيكمل كلامه سمع صوت صفا وهي بتعيط
صفا .. الحقنى يا فارس ليث
فارس بخضة .. ليث ابنى ماله
صفا ... لا لا مش ابنك ليث ليث وشافت نور واتجهت ناحيتها بعنف انت السبب كله منيكى
نور .. انا السبب فى ايه ؟
صفا .. ليث هيودى روحه فى داهيه هيقتلها اكيد
فارس بعدم فهم .. هيقتل مين ممكن تهدى علشان نفهم
صفا .. هيقتل بنت الغفير اصلها حاولت تهرب
نور باستغراب محمل بالقلق .. ليه تهرب وهو ماله بيها
صفا .. علشان كان هيتحوزها بكرة وهى اكيد مش عايزة الجوازة دى وهربت وهو عرف ارتحتى عرفتى كل حاجة فايدك حاجة و لا انت تعملى المصيبة والعائلة كلها تدفع التمن
فارس بغضب .. بس بقا انت مالك ومال نور
صفا بغل .. هى السبب ضيعت ليث وجدى كمان منها لله انت موتك رحمة لينا كلنا
نفين من على السلم بصوت عالى .. صففففا الزمى حدودك
نور كانت فى عالم اخر اسمه ليث الجبالى وفى دماغها الف سؤال ايه إللى حصل؟ وايه إللى بيحصل ؟
نور بتماسك .. عموما دا مش ذنبى الذنب ذنبه انت بقا مالك يقتل ميقتلش مالك
صفا .. هقول ايه بس لو انت يهون عليكى ابن عمك انا لاه اخوى ميهونش عليا ووجه كلامها ل فارس انا لازم اسافر وانت كمان
فارس .. اهدى الاول وبعدين هى اول مرة بكرة يتجوزو وبعدها يطلقها ايه الجديد
نور فى نفسها .. مين إللى بيتكلمو عليه دا ليث معقول دا ليثى انا
صفا .. بقولك محدش هيقدر عليه
نور بانتباه .. يعنى ايه محدش قادر عليه امال جدى فين ؟
صفا .. جدى من يوم عملتك وهو
فارس بمقاطعة .. وهو معتزل الناس مش اكتر
تعالى فوق يا صفا
نور دموعها خانتها ونزلت
نفين .. سافرى معاهم واعتذرى منهم هما قلبهم كبير هيسامحو على طول
نور .. مبقاش ينفع خلاص
نفين وهى طالعة ... ربنا يهديكى
نور لوحدها ... مش ممكن ليث بقا كده ازاى وامتا انا السبب معقول موتى راحة ليهم بجد وفضلت تخبط على قلبها اقف بقا تعبتنى وتعبت كل إللى حواليا
انت ايه مش بتزهق
مراد .. نور مالك ؟ انت بتعيطى ليه
نور .. مممفيش انا هغير علشان اروح المستشفى
مراد قرب عليها .. جدك وحشك صح ؟
نور .. جداااا مفتقداه جدا
مراد .. الله يرحمه موت جدك فريد كان مفاجئة وحشة جدا
نور .. الله يرحمه عن اذنك هغير علشان الحق انزل
وطلعت نور لغرفتها
فى الصعيد
فى غرفة صغيرة ليس بها إلا بصيص من النور تجلس بنت على ارضية الغرفة وكانت ملامحها خائفة بترتعش من كتر الرعب
ليث يقترب عليها وبصوت كالفحيح ... انت عايزة تهربى وتفضحينى تفضحى ليث الجبالى
رشا ... الله يخليك هملنى وانى همشي من البلد كلتها بس بلاش نجوز ابوس يدك
ليث .. انت ناسية نفسك يا بومة انت انى إهنا إللى اجول ايه اللي يحصل وبس وعشان عملتك إللى زى وشك دى انى هرحمك واتجوزك ومهدفنكيش بالحيا
رشا بتماسك.. منك لله ربنا ينتقم منك ومنها ذنب كل بنت فى رقبتها ورقبتك
ليث بعيون الصقر .. بتجولى ايه هى مين دى
رشا .. بت عمك إللى من يوم ما هملت الصعيد وانت بجيت وحش ومحدش جادر يجف جصادك بس هى موته ولا اكتر بالزواج ميته ودلوجيت ميته
ليث بغضب قرب عليها وخنقها ... انت فاكرة نفسك مين عشان تجيبي سيرتها وتدعى عليها كمان انت اخر يوم فى عمرك النهاردة
رؤوف الصغير دخل عليه .... حرام عليك يا ليث سبها لحالها وحاول يبعد ليث عنها لكن فشل نادى على الرجالة وفعلا قدرو يبعدو ليث عنها
رؤوف الصغير .. انت كويسة
رشا ... كح كح كح اااااه ابوس يدك خرجنى من إهنا ابوس يدك
رؤوف الصغير .. حاضر كفاية يا ليث فضايح لحد أكده جدى عرف إللى حصل وعايزك جو
ليث ... وجه كلامه للرجالة عارف لو اتحركت من إهنا هدفنكم
وخرج ليث ورؤوف نظر ليها باشفاق ... ايه إللى وقعك فى طريق الليث وكمان بتدعى على نور الله يكون فى عونك
رشا .. ساعدنى أرجوك ساعدنى
رؤوف الصغير .. هساعدك متخافيش تعالى خليكى ورايا وهو خارج قابل رجالة ليث
رجع تانى للداخل
رشا ... ايه رجعت فى كلامك
رؤوف ..لا يا فالحة بس رجلته بره
رشا اتمسكت ب رؤوف كأنه بر الامان بالنسبة ليها
رؤوف ... متخافيش انا معاكى ومش هسيبك انت كنت مخطوبة
رشا ... لا أنى لسه كنت رايحة تانية طب
رؤوف .. ماشي خليكى إهنا هرجع ليكى تانى
رشا .. لاه خليك أنى خايفة
رؤوف .. متخافيش عندى حل يارب ينفع لو نفع هتخرجى من هنا سليمة كمان
رشا .. حل ايه ؟
رؤوف .. بعدين انا رايح مش هغيب
ودخل رؤوف قصر الجبالى
الحج رؤوف .. انت خلاص بجيت طايح فى الخلج اكده كيف وليه
ليث .. كانت هتهرب اسابها من غير عجاب
الحج رؤوف .. لاه اجتلها وجيب لروحك حبل المشنجة أنى لاول مرة اعرف انك ضعيف أكده
ليث .. جدى انى مش ضعيف
رؤوف .. لاه ضعيف إللى يجى على الستات يبجا ضعيف إللى مش جادر ينتجم من السبب الحجيجى وبينتجم من نفسه واللى حواليها يبجا ضعيف نور عنديها حج انها مشتك فى ضلها وانت معرفش تبعد عنيه
رؤوف الصغير ..فى نفسه حلو جدى هينهى الحكاية من غير خطط اصلا مكنتش عارف ابعده ازاى كل الافكار خلصت من كتر إللى هربتهم من ايده
ليث .. يا جدى أنى
الحج رؤوف .. انت انت عار علينا لو فضلت أكده هندم على اليوم إللى فكرت اخليك فيه كبير عائلة الجبالي
ليث .. عايز منى ايه يا جدى
رؤوف ... همل الغلبانة دى لحالها
ليث .. والفرح والناس
رؤوف الصغير .. انت هتغلب الدكاترة كتير من هنا ل بكرة يحلها ربنا
الحج رؤوف .. الناس إللى هتيجى بكرة انى بنفسي هجابلهم وبغموض وعلى الجواز هتتجوز بس الجوازة دى مفيش فيها رجوع
ليث .. يا جدى انى
رؤوف .. خلص الكلام انت كبير بعدى طول ما انى عايش انى الكبير
خرج ليث لتنفيذ الامر لانه لاول مرة يشعر بوجود رؤوف الجبالى أمامه من سنين
رؤوف الصغير .. الله عليك يا كبير انت ايوة يا بلد الكبير رجع
الحج رؤوف .. ومهيغيبش تانى خلاص
فايز .. يخليك لينا يا حج
الحاجة سعاد وصفية .. قامو باطلاق الزغاريط لاول مرة من سنوات بفرح قصر الجبالى والسبب رجوع الكبير فعلا وليس قولا
وفعلا قام ليث باطلاق سراح رشا ونهاية حكايته قبل البدء
فى فيلا رائد
نور بتخبط على الباب
مليكة .. بسم الله مين إللى بيخبط كده
رائد .. هنزل اشوف
ونزل رائد فتح وشاف نور فى حالة بكاء هستيرى
رائد .. فى ايه ؟
نور بهستيريا .. انا إللى عايزة اعرف في ايه ؟ ليث بقا كده ازاى وجدى فين ؟ ايه اللي حصل وبيحصل رد عليا
مليكة . نور اهدى علشان نتكلم براحة بلاش عصبية
نور .. اهدى ليث بيتجوز ويطلق تانى ومحدش قادر عليه ويعنى ايه جدى منعزل انا عملت دا علشانهم علشان يكونو مبسوطين ومرتاحين ايه اللي بيحصل
رائد .. إللى عرفتيه هو إللى حصل واهدى وانا احكى ليكى
نور كانت بدأت تعانى من ازمة
رائد .. الدوا فين يا نور ؟
نور بتشاور وبعدين اغمى عليها
مليكة .. نوووور
رائد .. اكيد فى العربية خلى بالك منها انا راجع
وخرج وفعلا كان فى العربية جابه ودخل تانى بسرعة وادها القرص تحت اللسان وبعد مده بدأت تستعيد نور وعيها
نور بتعب .. ايه اللي حصل ؟
مليكة .. مفيش حاجة علشان تبطلى عصبية شوية
نور .. وايه هيتغير بالعصبية من غيرها كنت هقع برده
رائد .. نور كفاية شيل هم كل اللي حواليكى فكرى فى نفسك
نور. نفسي! عارف انا النهارده لاول مره اندم على قرارى
مليكة .. لسه فى ايدك ترجعى كل حاجة
نور .. تفتكرى انسي
رائد .. نور آخر مرة عملت الاشعة تانى امتا
نور .. مش فارقة كتير
رائد ... لا فارقة نعرف حالتك وصلت ل فين ؟
نور .. انت نسيت أنى دكتورة ولا ايه من غير اشعة عارفة حالتى كويس انا همشي
مليكة .. والله ابدا هتطلعى تنامى فوق ومن غير نقاش يلا
نور .. انا هطلع لانى فعلا تعبانة
وطلعت نور ل غرفتها
رائد .. نفسي افهم دماغها مرة واحدة
مليكة . المهم تقنعها تعمل الاشعة
رائد .. اكيد طبعا
تانى يوم مساءا فى مستشفى نبض القلب
نور خارجه لحظة دخول رائد
رائد باستغراب .. انت هنا امال فارس كلمنى ليه علشان استقبل الحالة إللى معاه
نور .. فارس اصلا مجاش النهاردة حالة ايه دى
رائد .. علمى علمك جاية فى طيارة وهو معاها
نور .. كمان دا الموضوع كبير بقا
رائد .. علمى علمك هو كلمنى قالي اسبقنى على
المستشفى وقالى معايا حالة مضروب طلق نارى قريب من القلب وعايزنى معاه وقفل
نور .. مين دا ؟ انا همشي وانتو معاكم ربنا
رائد .. تمام انا يدوب الحق اطلع بقا
ودخل رائد وخرجت نور لكن نور الفضول قتلها كانت عايزة تعرف ايه الحكاية دخلت المستشفى تانى ولحقت رائد على باب الأسانسير وهى بتلبس البلطو
نور .. رائد استنا هاجى معاك
رائد .. يخربيت فضولك يلا
وصعدو الاتنين للطابق الاخير لاستقبال الحالة
نور ورائد فى انتظار الطائرة
وبالفعل تم هبوط الطائرة خرج فارس فى الاول وبعده .......
وكانت صدمة نور لا توصف
