رواية مدللة كسرت كبريائي الفصل السادس عشر 16 بقلم ميرا اسماعيل
البارت (16) :رواية مدللة كسرت كبريائي
تأليفي ميرا إسماعيل
******************************
فى فيلا مراد (القاهرة)
نفين ... مش عارفة ليه حاسه أن نور وحشانى جدا
مراد .. انا قولت ليكى خليكى وارجعى مع فارس
نفين .. لو كنت فضلت بابا كان هيفضل انت متعرفش تعبنى اد ايه هناك كنت ماشية وراه امسكه احسن يعمل كارثة تانية
مراد ... بصراحة مش عارفة سر كره والدك ل ليث والرفض القاطع دا ليه ؟
نفين ... تملك !
مراد .. تملك ازاى
نفين ... بابا معش معايا ولا شاف مراحل عمرى لكن نور تقريبا هو إللى رباها مش متخيل فجاءه تروح منه لا وايه الصعيد يعنى بدل ما كانت فى الغرفة إللى جنبه بقت فى أخر الدنيا وكمان انها بتحب حد اكتر منه عارف كان مصمم على فارس ليه
مراد .. لا ليه ؟
نفين بابتسامة .. علشان عمرها مهتحب فارس بشكل حبها ل ليث وبالتالى يفضل مكانته عندها زى ما هيا
مراد ... معقول بس سورى يا قلبى دا مش تملك بس وانانية كمان دا كان ممكن يدمرها نهائي
نفين .. كويس انها عدت وكانت مبسوطة جدا فى الحفلة بصراحة ليث مش،حارمها من اى حاجة و .حسيت فعلا ان كان عندك حق لوكنت صممت وبعدتهم مكنتش هشوف الفرحة إللى كانت في عيونها
مراد. ... طيب كويس انا كنت خايف انك بتقولى كده علشان مزعلش كويس انك لمستى الفرق
نفين ... الحمد لله انت السبب ربنا يخليك لينا
مراد .. كنت عايز اخد رايك فى حاجة
نفين ... خير ؟
مراد ... فارس وصفا بعد ما يتجوزو كنت عايز نعمل ليهم جناح كبير معانا هنا
نفين ... لاء طبعا مينفعش
مراد ... لأ انت عايزة ابنى يبعد عنى
نفين .. لا يا حبيبي انا اعتراضى علي الجناح انا قصدى نعمل دور كامل ليهم علشان بعد كده ولادهم وصفا تحس بالاستقلاليه ولا ايه
مراد باس ايدها ... انت حبيبتى
نفين .. وانت هدية ربنا ليا ونفسي افضل اسعدك لاخر يوم فى عمرى
مراد ... بحبك يا شريكة حياتى انت
فى قصر الجبالى (فيلا الجبالى) فى الصعيد
فارس ... قولت ايه يا جدى قول موافق بقا
رؤوف .. انا رافض مبدء الجواز دلوجيت وبعدين الليث هيجول أنى كمان ونور كليتها صعبة جوى ومينفغش جواز دلوجيت
فارس .. وانا ذنبى ايه وبعدين خلينا صرحه رفضك للجواز مش علشان كده لأ علشان انت عارف إن نور لسه بدرى عليها انها تتحمل مسؤولية بيت واسرة لكن صفا لاء ولو على ليث انا هكلمه وهو هيوافق اى حاجة فيها مصلحة نور بيوافق وهو مغمض ها قولت ايه
رؤوف بابتسامة ... غلبتنى انى موافج جوازك انت وصفا بعد الامتحانات حلو أكده
فارس قام جرى يبوس ايده ... حلو جداااااا ربنا يخليك للغلابة يا كبير
رؤوف ... ههههه يلا مشي من جدامى روح ل ليث اتحدت وياه
فارس ... انا روحت اصلا سلام
فى كلية طب
نور بدموع ... عندى ايه يا رائد ؟
رائد ... عندك ضعف فى ....
نور .. بصراخ فى ايه يا رائد فى ايه ؟
رائد غمض عينه لمحاولة لضبط النفس .. ضعف فى عضلة القلب إللى كان بيحصل زمان تتعبى من اقل مجهود مكنش بسبب انك ضعيفة كان سبب ان عضلة قلبك
نور بمقاطعة .. قلبى هو إللى ضعيف صح
رائد هز راسه بمعنى الموافقة
نور بأمل .. ممكن اعمل عملية صح هى ممكن تكون صعبة بس متوفرة صح انا ممكن اسافر واعمل والعملية وابقا احسن كمان ها صح رد عليا انت مش بترد ليه ؟
رائد .. الدكتور بيقول نسبة نجاح العملية ضعيفة
نور .. كام يعنى النسبة ومسكته من هدومه كام يا رائد
رائد .. نور الحاجات دى بتتغير من دكتور ل دكتور
نور .. انت بتلف وتدور ليه فى الكلام قولى نسبة نجاح العملية كام ؟
رائد .. الدكتور بيقول 100/40
نور بصدمة ... مش ممكن اكيد غلط دى مش الاشعة بتاعتى وبضحك ههههههه ضحكو عليك دى مش اشاعتى هما غلطو وانت عبيط صدقت
رائد .. نور اهدى احنا ممكن
نور بمقاطعة وصراخ .. اهدى ايه وممكن ممكن ايه ؟ انت جاى تقول انى بموت ومفيش عملية مفيش حل غير انى استنا واتفرج على نفسي صح طب ازاى ؟ ليه انا ؟ انا معملتش حاجة ليه يا رائد وبضعف جلست على الارض انا ليه بيحصل فيا كده ليه ؟ وهعمل ايه ؟
رائد نزل لمستواها ... العلاج فى علاج وكمان طول ما انت محافظة على نفسك من المجهود لغاية متتوفر إمكانية احسن للعملية
نور بترقب .. ولما فى علاج ليه مقولتش من الاول فى حاجة تانية صح ؟
رائد .. العلاج هيبقى ممنوع عنك اى مجهود
نور .. انت قولت كده غيره
رائد ... يعنى الجواز والحمل والولادة دى كلها ممنوعة تماما
نور بضحكة كلها وجع .... هههههههه يعنى اموت فى العملية او اموت لو اتجوزت أو اموت لو عرفو مرضى
رائد .. قصدك ايه ؟ هما اكيد هيعرفو
نور ... لا لا مش ممكن انت عايز اقولهم اقول ايه انى بموت
رائد بمقاطعة ... نور انت مش هتموتى سامعة
نور ... انت مصدق دا لو انت مصدق انا لأ انا كنت حاسه كنت بقول ل ليث كل حاجة ماشية حلو قوى ودا يرعب كان يضحك ويقولى بتعشقى النكد اتارى الوجع والفراق هما إللى بيعشقونى
رائد ... نور انت لازم تهدى علشان تقدرى تبلغيهم وانت زى ما انت نور الجبالى إللى مفيش حاجة بتكسرها
نور ... نور الجبالى هى فين عايز اقول ايه اقول ل جدى ولا ماما وبابا ولا فارس ولا ولا وبدموع اكتر ولا ليث وكانها استعادت قوتها لا ليث لأ مينفعش محدش هيعرف محدش هيعرف ابد وقامت وقفت انت سامع محدش هيعرف انا مش هعرفهم مش هوجع حد فيهم مش هستحمل وجعهم مهما حصل
رائد. .. نور ازاى وموضوع جوازك من ليث
نور .. مسكت راسها بدليل على الانهاك مش عارفة مش عارفة بس إللى اعرفه انى مش هعرف حد مهما كانت النتيجة
رائد .. نور دول اهلك ولازم يكونو جنبك
نور. ..فعلا اهلى وعلشان كده مينفعش
رائد ... انت بتفكرى ازاى يا نور ؟
نور .. بفكر بعقل واحده عارفة قد ايه هما بيحبوها وعلشان كدة مينفغش يتوجعو مينفعش فاهم
رائد .. طيب ممكن تهدى تعالى اوصلك ترتاحى وبعدين نفكر سوا تانى ماشي
نور بانهاك .. حاضر انا فعلا حاسه انى عايزة انام "
وخدها رائد وخرج علشان يروحو
فى كافيتريا الجامعة
وفاء ومعاها بنت كمان اسمها هبة شبها وفاء فى الملامح
وفاء بغل ... شوفتى خرجو الاتنين مع بعض ازاى
هبة ... نفسي اعرف انتى بتكرهى نور والواد دا ليه ؟
وفاء .. انا ولا فارج معايا الواد إللى فارج معايا نور الجبالى نفسي انتجم منيها هى وعائلتها السبب فى إللى حصل لينا كلتنا
هبة .. ايه علاجة نور بيكم انى مفهماش حاجة
وفاء بغموض .. بعدين كله هيبان كله واول الوجع ليهم انى اوجع بين نور وليث وبكده القى طريقة ل دخولى قصر الجبالى علشان اهده عليهم
هبه .. وربنا ما انا فاهمة اى حاجة
وفاء ... هههه احسن علشان إللى بفكر فيه كبير عليكى جدا
امام قصر الجبالى
رائد .. نور بلاش تسرع والادوية دى تتاخد سامعة
نور ..هزت راسها بمعنى موافقة ونزلت من العربية
دخلت نور بهدوء شديد
كانت الحاجة سعاد وصفية وصفا قاعدين مع بعض
الحاجة سعاد ... نور انت رجعتى كيف ومالك وشك اصفر كده ليه
نور ... لا رد
صفا قامت جنبها ... مالك يا نور راجعة بدرى ليه وفين الليث ؟
نور ... لا رد
الحاجة سعاد .. اسم الله عليكى يا بتى مالك سرحانه فى ايه ؟
نور عماله تنظر حولها للقصر وتتامله وتسترجع الذكريات
صفية ... مالك يا بتى
نور ... بتمالك انا صدعت ورجعت جيت من غير الليث عن اذنكم ولسه هتتحرك سمعت صوت ليث وفارس يدخلو من الباب الكبير
فارس ... الحمد لله هتجوز يا ناس
ليث .. والله انت مجنو وقطع كلامه اما شاف نور من ظهرها
ليث باستغراب ... نور انت رجعتى كيف لحالك
نور غمضت عيونها بوجع ولفت ليهم .. مفيش صدعت شوية وركبت وجيت انا هطلع ارتاح
فارس .. استنى مش جدى و ليث وافقوا على ميعاد الفرح بعد امتحانات اخر السنة
نور .. مبروك يا فارس مبروك يا صفا لكن نور دموعها خانتها ونزلت
ليث بلهفة .. مالك يا نور بتبكى ليه ؟
نور .. مفيش الصداع دماغى هتنفجر
ليث .. ضمها بعد الشر عنيكى من الوجع
فارس .. قولى انك غيرانه مش مصدعة
نور .. غيرانه ليه بقا أن شاء الله
فارس .. هيكون ليه اكيد عايزة تتجوزى يلا شدى حيلك واتجوزو معانا
نور اما سمعت كده جسمها اتنفض داخل حضن ليث
ليث ... مالك يا نور فيكى ايه
نور .. بتحارب دموعها ممممفيش حاجة بس اظهار داخل عليا دور برد انا هطلع انام
وطلعت نور على غرفتها وقفلت الباب وقعدت وراه وسندت راسها عليه
نور بدموع .. اعمل ايه اقولهم طب ازاى استحمل وجعهم عليا استحمل وجع ليث استحمل انى افضل قدامه من غير تحقيق حلمه ونتجوز هستحمل يكون مفيش امتداد ل ليث لاء لأ مش هستحمل مستحيل محدش هيعرف استحالة ومسحت دموعها طيب اعمل ايه علشان ابعد عن هنا وبعد تفكير لقتها بس ليث هيتوجع منى يتوجع دلوقت وينسى مع الايام ولا يفضل يتوجع طول العمر صح انا خدت القرار
قرارى هو كسر الليث بدرجة تحول الحب الكبير لأكبر كره فى الدنيا
نور افتكرت حاجة وادت ليها بصيص من الامل .. فارس ممكن يكون عنده حل كان تايه عنى فين انا هورى ليه الاشعة دلوقت
وخرجت نور الاشعة من الظرف بحيث ميشوفش اسمها وخرجت ل فارس
فى غرفة الضيوف (فارس)
نور خبطت على الباب فارس فتح الباب
فارس ياستغراب .. نور تعالى
نور بتحاول تتماسك .. انا كنت عايزة منك استشارة ممكن
فارس .. طبعا يا قلبى تعالى
نور ... مدت ايدها ب الاشعة دى خاصة بواحده عرفتها اغمى عليها فى الجامعة وفى المستشفى ادونى الاشعة وقالو كلام صعب جدا
فارس وهو ينظر للاشعة بدقة .. عضلة القلب فيها ضعف واضح
نور .. والحل ؟
فارس ... العملية صعبة جدا ممكن بالادوية الحالة تفضل ثابته ومن غير تدهور دا طبعا لو التزمت بالتعليمات تاخد الجرعات مضبوطة وكمان مفيش مجهود خالص
نور .. دى هتتجوز
فارس .. لا يا نور صعب عليها جدا الله يكون فى عونها وعون اهلها
نور ... صح وخدت منه الاشعة وخرجت وهى مصممة على قرارها اكتر
على العشا
الكل بيتكلم ويضحك إلا نور إللى فى عالم اخر
ليث .. نور كلى
نور بغضب .. انت مركز معايا ليه اكل ولا لاء انا حره وقامت من على السفرة وطلعت من غير كلام
الكل كان مستغرب نور ورد فعلها
نور فى غرفتها .. امام صورة لهم فى عيد ميلادها ... سامحوني بس دا علشانكم
ونام الجميع منهم من حزين منهم موجوع منهم فرحان منهم يخطط ويحقد اكثر
وجاء اليوم التالى لبداية الخطة التى ستؤدى لخروجها من عائلة الجبالى وليس قلب الليث فقط
داخل كلية طب
فى مكان رائد ونور
رائد .. جايه لوحدك غريبة
نور .. هقولك لانى عايزة مساعدتك
رائد .. خير ؟
نور .. انت اكيد هتسافر نهاية الترم صح
رائد ... للاسف أيوة
نور .. حلو كده جدا
رائد بعدم فهم .. ايه علاقة سفرى ب انك هتقولى ليهم حالتك
نور بغضب .. انا قولت امبارح محدش هيعرف سامع
رائد .. ازاى يا نور وليث والجواز
نور .. هو دا اللي عايزاه منك
رائد .. انا مش مطمن بس،قولى
نور .. ليث لازم يفتكر انى بخونه
رائد .. نعععععم انت طبيعية
نور .. أيوة دى الحاجة الوحيدة إللى هتكره ليث فيا وجدى كمان هيبعد عنى وانت لازم تساعدني
رائد .. بس إللى بتطلبيه دا صعب ممكن ليث يقتلك او اضعف حاجة انك متبقيش منهم
نور .. هو دا اللي المطلوب
رائد .. لا انت اتجننتى رسمى انا هقول ليهم والله يحصل يحصل
نور .. يبقا هموت نفسي قبل ما توصل انا مش بهزر
رائد .. ليه كل دا ليه ؟
نور بدموع .. ليه عايز تعرف ليه علشان وجعهم علشان قلقهم علشان نظرات الحب إللى هتتحول ل شفقة علشان نظرات الخوف انى احسد واحده اتجوزت ولا خلفت وانا مكانى علشان مشفش فى عيون ليث الم عرفت ليه فهمت
رائد .. فهمت بس دا مش معناه انك تنهى نفسك منهم
نور .. دا الصح وأنت لازم تساعدني مفيش وقت انت هتسافر وانا لازم اختفى تماما و برجاء ارجوك يا رائد ساعدنى
رائد باستسلام ... هساعدك بس بتفكرى فى ايه ؟
نور ".. هقولك انت هتبعت ليا على البيت هدايا جوابات يعنى كلام من دا بس اوعى تمضى باسمك اختار اى اسم
رائد .. ليه يعنى ؟
نور .. علشان فارس عرف اسمك ولو عرف انك انت إللى بتبعت الحاجات ليا هيشك ولو شك هيدور ورانا
رائد .. انت ناوية على كارثة
نور .. اعمل إللى بقولك عليه ومتخفش مجرد ما يسأل علينا هيعرف انى فعلا على علاقة ب ولد
رائد ... يسأل مين ؟ وانت ضامنة منين انه هيسال
نور .. طبع ليث لازم يتاكد وبالتالي هيسأل ولو سأل هيلاقى إللى يولع الدنيا ومن غير ما تسأل كل إللى هنا فى الجامعة بيكرهونى وكرهين علاقتنا مجرد ما ليث يسأل هيلاقى إللى يقف جنبنا من غير ما يقصد
رائد .. بس دا هيبعد ليث عنك
نور .. لا الباقى عليا وبعدها انت تختفى نهائي وانا كمان
رائد ... بلاش يا نور علشان خاطرى
نور .. هتساعدنى ولا اشوف غيرك
رائد .. هساعدك يا نور
وفعلا بدأ رائد ونور فى تنفيذ الخطة
ونور وصلت اخيرا ل هدفها
فى قصر الجبالى
على الفطار
علاقة نور وليث كانت على حافة الهاوية والكل مستغرب نور والتحول إللى حصل ليها
فايز .. النهاردة اخر يوم فى امتحانتك مبروك
نور .. بتناكة شكرا اخيرا هرتاح من هنا واسافر القاهرة ولا رجعت فى كلامك
فايز .. لا مرجعتش
رؤوف بيراقب نور ونفسه يعرف ايه سبب التغير
لكن مع الاسف نور كانت مصممة ان محدش يخترقها مهما كان التمن
الحاجة سعاد .. خلصى وكلك
نور .. شبعت انا ماشية
الحاجة سعاد .. برده هتروحى من غير الليث
نور .. موال كل يوم انا مش طفله مش عايزة حد معايا
وخرجت نور واخدت نفس كأن الهواء انتهى وخرجت وهى عارفة ليث ناوى علي ايه
فى الجامعة
رائد .. الامتحانات خلصت وإن شاء الله امتياز
لكن نور كان عنها على بوابة الجامعه
رائد .. انت يا بنتى روحتى فين ؟
نور .. معاك خلاص هتسافر النهارده
رائد .. اه والحمد لله يا نور ليث مدورش وراكى كفاية وانا هسافر كفاية كده واحكى الحقيقة
نور .. انا اكتر واحده فاهمة دماغ ليث النهاردة كل حاجة هتنتهى المهم تروح تدريبك مع فارس اوع تنسى واوعى تنسي وعدك مهما سمعت عنى كلام يزعل اوعى سامع يا رائد وتعمل ل مليكة احلى فرح فى الدنيا اتفقنا
رائد بقلق .. اتفقنا فى ايه ؟ عينك ليه على البوابة
نور بوجع .. ليث هيجى ولازم يشوفنى معاك وبعدها تختفى من الصعيد كلها سامع
رائد .. عرفتى ازاى
نور .. ليث بقاله اسابيع بيدور بس ما اجل المواجهة ل بعد الامتحانات هو دا ليث ليثى انا
رائد .. لسه هيتكلم شاف ليث فعلا عند البوابة
رائد .. دا جه فعلا
نور غمضت عيونها بوجع .. تعالى المكان بتاعنا
رائد .. ليه ؟
نور .. من غير ليه يلا ؟
واتحرك نور ورائد لمكانهم
نور .. هتعرف تحضنى كويس ولا
رائد .. نور كفاية بلاش تظلميه وتظلمى نفسك
نور شمت. رائحة ليث وعرفت انه قرب رمت نفسها فى حضن رائد وهمست فى ودنه
نور بهمس .. اول ما تتأكد انه شافنا سيبنى وامشي واوعى تنسا وعدك تبقا احسن جراح فى الدنيا
رائد .. نور
نور بمقاطعة .. وعد
رائد حضنها .. وعد وعد يا نور
وسابها وانسحب وعرفت ان كده ليث وصل وتبقا المواجهة لفت وجها لتقابل غضب وجنون الليث
