رواية مملكة العشاق الفصل الثالث عشر 13 بقلم اسماء ابو شادي
الحلقة (13) رواية ( مملكة العشاق )
بقلم:-أسماء ابوشادي Ana Amera Habeby
_________________________________________
اللهم صلي وسلم وبارك على سيدنا محمد وعلى آله وأصحابه أجمعين
نورسين / بابي. بابي قوم أنا صحيت اهوه
( صحي نور وفتح عيونه شاف نورسين ادامه وبمجرد مااتعدل ورفع جسمه شوية نورسين حضنته بلهفة وبراءة وفرحة )
نورسين / أنا بحبك اوى يا بابي وخلاص مش زعلانة منك.
نور بيبص حواليه ومستغرب المكان اللي موجود فيه و بعد عدة ثواني افتكر أنه شرب خمرة بالليل و خرج من النيت كلي اللي شرب فيه و جه هما لسما. لكن مش فاكر حاجة تانية.
وبيحاول يضغط على عقله علشان يفتكر
لكن فاق على صوت نورسين
نورسين بعتاب طفولي / بس اوعى تعمل كدة تاني يا بابي
نور / حبيبة بابي أنا مستحيل ازعلك تاني أبدا
نورسين / ولا هتتجوز على مامي علشان تجيب ولد
نور / مين قالك الكلام ده يا حبيبتي
نورسين / سمعت حضرتك وانت بتتكلم مع تيتة صفية وكمان سمعت
قاطعتها سما لما خرجت بسرعة علشان البنت ماتقولش اسم الهدم ونور يعاقبهم
سما / حبيبتي يلا على الفطار علشان هتأخري على ميعاد المدرسة
نور وهو بيبص لسما / بابي مايقدرش يعيش من غيرك انتي ومامي لأن انتوا بالنسباله كل الدنيا ولو هيكون عندي ولد فماينفعش يكون غير من مامي ويكون شبهك انتي وهي علشان أحبه زي مابحبكوا
نورسين / بجد يا بابي
نور / والله ما هزعلكوا تاني ولا هخليكوا تبعدوا عني أبدا وهفضل طول عمري أعيش علشانكوا. بس انتوا سامحوني
نورسين بفرحة / طبعا سامحتك يا بابي كفاية انك جيت وقعدت كتير علشان انا اصحى واسامحك
نور / طيب ممكن تطلبي من مامي تسامحني هي كمان. علشان انا تعبان اوى وقلبي بيوجعني لأنها زعلانة مني
نورسين / قولها اسف وهي تسامحك علطول. أنا لما بزعلها وأقولها آسفة بتسامحني وتبوسني
سما / نورسين كفاية كدة ويلا علشان هتتأخري على المدرسة وعندك امتحان النهاردة
نورسين/ حاضر مامي. بابي هتفطر معانا زي الأول صح
نور وهو بيبوس رأس بنته / طبعا يا قلبي
( سما انغاظت جدا من نظراته واستغلاله نورسين علشان يفضل معاهم وقت أطول لكن هي اخدت قرار بالعقاب ولازم تنفذه. ومنه تصلح العلاقه بينه هو وبنتهم )
سما / طيب انا عندي فكرة حلوة لنوارتي
ايه رأيك تفطري مع بابي وهو يوصلك بنفسه للمدرسة
نورسين بفرحة/ وااااو طبعا موافقة دي احلى فكرة. يلا يا بابي نفطر بقى بسرعة
نور / حاضر يا حبيبتي اسبقيني على السفرة وأنا هدخل الحمام واحصلك
( نورسين راحت وقعدت على السفرة وبتشرب عصير و نور قرب من سما و وقف ادامها )
نور / هتسامحيني يا سما
سما بجمود / لما تنزل انت ونورسين ابقى اقفل الباب كويس
نور برجاء / سامحيني. والله كان غصب عني أوعدك أن الغلط ده مش هيتكرر تاني أبدا
سما بنفس الجمود / حاول توصلها في ميعادها مظبوط علشان هي فترة امتحانات وأنا همشي علشان عندي اجتماع مهم في الشغل
( نور مسكها من دراعها برفق قبل ما تتخطاه )
سما بسخرية / ايه مش عايزني أخرج قبل ماتاخد حقوقك الشرعية الأول
( نور أتجمد مكانه كلامها زي السهم المسموم اللي انضرب بيه في مقتل )
وبكل برود مسكت ايده ونزلتها عن دراعها وبصتله بنظرات عدائية اتقنتها كويس جدا وسابته
وهو وقف مكانه بيراقبها وهي بتاخد شنطته والمفاتيح وبتبوس نورسين ومشيت
وهو لسه واقف مكانه مصدوم
من طريقتها وكلامها ونظراتها
@@@@@@@@@@@@@@@@@@@@
في قصر مهاب العدلي
شمس \ يا مهاب بقولك هروح معاك انت مش هروح الفرع اللي أنا بشتغل فيه
مهاب بصرامة / ريحي نفسك من الكلام الكتير يا شمس قولتلك لاء
شمس بيأس / والله ما هتعب نفسي. بس بجد ذهقت من الفراغ ده
مهاب بصرامة غير قابلة للنقاش / الفراغ ده تقدري تمليه بأي حاجة. تقعدي مع ولادك تقابلي صحابك تقرأي كتاب تتفرجي على فيلم إنما شغل لاء
( شمس لنفسها / مافيش ادامي غير الطريقة اللي سيلين قالت عليها )
شمس بحزن / كل ده علشان بطلب منك اروح معاك الشغل. تتكلم معايا بالشكل ده وتزعق في وشي وكأني عملت جريمة. خلاص يا مهاب مش عايزة منك حاجة.
( وفي لحظة كانت اختفت من ادامه ودخلت الحمام وقفات الباب على نفسها )
مهاب راح وراها بسرعة لما حس بزعلها وخبط على باب الحمام علشان تخرج
مهاب / شمس. افتحي الباب انتي قفلتيه ليه
شمس وقفت ورا الباب وبتضحك بخفوت وحاولت تتكلم بصوت طبيعي
شمس / أمشي يا مهاب. خلاص كلامنا خلص وأنا مش عايزة اروح في حتة روح شوف شغلك انت
مهاب بعصبية / يتحرق الشغل بقولك افتحي
شمس بخفوت حزين مصطنع / سيبني دلوقتي يا مهاب علشان انا هاخد شور ومحتاجة أكون لوحدي شوية بلاش نتكلم تاني دلوقتي
مهاب بيحاول يتكلم بهدوء / خلاص بلاش نتكلم. بس افتحي الباب اشوفك وبعدين همشي
( ماكنتش هتفتح بس نبرة القلق في صوته اجبرتها أنها تفتح ولأنه ماهنش عليها تقلقه وتعذبه اكتر من كدة )
وفتحت الباب وهي بتبص في الأرض وتدراي عيونها
شمس بخفوت / اهو فتحت الباب. عايزني اعمل حاجة تانية
مهاب قرب منها واخدها في حضنه بحنية / اسف حبيبتي. ماقصدش اتعصب عليكي والله.خلاص جهدي نفسك وتعالي معايا.
شمس ابتسمت بانتصار وهي في حضنه لكن قررت تكمل للاخر
شمس طلعت من حضنه / لا خلاص. أنا مش اروح.
مهاب بضيق/ حبيبتي حقك عليا خلاص بقى ماتزعليش بقولك يلا تعالي ماتتعبنيش معاكي
شمس بعصبية مصطنعة / هو كل حاجة عايزها بدون نقاش ترفض وتقول ماتتكلميش وريحي نفسك. ودلوقتي تقبل وتقول ماتتعبنيش. أنا بقى خلاص يا مهاب مش عايزة اروح
( طبعا مهاب بيتضايق من الصوت العالي ولما لمحت الضيق والغضب على وشه. كملت بخفوت وبراءة حزينة )
كل ده علشان طلبت اروح معاك الشغل. أنا طلبت منك كدة مش علشان حاسة بالفراغ. لاء علشان انت واحشني. وأنا حاسة اني عايزة افضل معاك طول الوقت وخصوصا ان انا حاسة انك مابقتش تهتم بيا زي الأول . بس ماحبتش اقولك كدة علشان انت ماتزعلش وتفتكر انك مقصر معايا.
بس شكلي اجرمت لما فكرت اعمل كدة
( وعلشان يكمل المسلسل حطت ايديها على عينيها وكأنها بتمنع الدموع تنزل من عيونها )
مهاب ما استحملش يشوفها كدة وشدها لحضنه بقوة وحنان في نفس الوقت
مهاب / اسف يا حبيبتي. أنا فعلا قصرت معاكى سامحيني. بس الشغل من وقت ما انتي بقيتي حامل وسيبتيه وبقى يتراكم عليا وغصب عني انشغلت عنك. سامحيني
( شمس لنفسها / فعلا رجالة ما ينفعش معاها غير الكيد العظيم وأنا اللي كنت بقول على سيلين مفترية. طب هود عندك بقى من هنا ورايح. يا سي مهاب )
(
أيها الفتايات هل أنتن مستمتعن أيها الرجال هل أنتوا منغاظون 
)
وفي خلال نص ساعة كانت شمس خارجة من القصر مع مهاب ورايحين على الشركة
@@@@@@@@@@@@@@@@@@@
سيلين قاعدة في الجنينة.
وبتفكر في الكلام اللي محمود قاله من شوية
كانت بتكلمه عن مراته وأنها طيبة وكويسة.لكن هو طبعا وتربيتها مختلفة شوية ومترفعة . وبتطلب منه مايتدخلش بينهم لأنهم أوقات بيبقى فى توتر في علاقتهم مع بعض. لكن بيروح مع الوقت
وكان رد محمود أنه مستحيل يسمح لأي حد يضايقها حتى لو الحد ده مراته. وكمان هو مش واخد منها موقف بس بسببها وكمان بسبب انشغالها الدائم بالنادي والجمعيات الارستقراطية
وقطع شرودها صوت أسر وهو بيناديها علشان الفطار
سيلين/ حاضر يا حبيبي جاية اهوه
***********************
وبعد الفطار أسر مشي على الشغل و راحت سيلين على قصر أخواتها
وزى ما اتوقعت هاجر طلبت تتكلم معاها
هاجر برجاء / سيلين بليز ممكن نتكلم مع بعض شوية
سيلين اتنهدت / تمام. نتكلم
هاجر بفرحة / بجد. يعني خلاص هتتكلمي معايا
سيلين/ انتي مش لسه قايلة انك عايزة تتكلمي معايا شوية. اتفضلي. تعالي نخرج في الجنينة
( وبعد ماخرجوا في الجنينة )
هاجر / أنا اسفة يا سيلين.
سيلين / على ايه بالظبط
هاجر بحرج / أولا على الكلام اللي قولته لصاحبتي في المكالمة وانتي سمعتيه صدقيني ماكنتش أقصد وثانيا على الموقف اللي حصل يومها بالليل
سيلين / بقى يا هاجر. امتى مرات أخويا الكبير. يعني تعتبري أختي الكبيرة وأنا مستحيل أكرهك. بالعكس والله انا بحبك جدا. لأني بحب أخويا وانتي مراته لو مش هحبك لشخصك هحبك علشانه هو.
وبغض النظر عن حاجات كتير أنا ممكن اكون مش بحبها فيكي إلا ان انتي من جواكي كويسة وأحسن من ناس كتير. فياريت انتي تشوفي نفسك والحاجات اللي تحس انها بتضايق اللي حواليكي. غيريها
هاجر / والله انا كمان بحبك وفعلا بعتبرك أختي. بجد وانتوا كلكوا أحمد ومحمد و نورا وحتى رامي وليلى و رحمة. عوضتوني عن الاخوات اللي مش عندي والعيلة اللي اتحرمت منها. لكن أوقات بحس انكوا مش بتعاملوني زي نورا.
سيلين / فعلا احنا مش بنعاملك زي نورا. وماينفعش نعاملك زيها لأن انتي حاجة وهي حاجة تانية
هاجر بحزن / شوفتي بقى
سيلين / انتي مرات الكبير. مقامك من مقام جوزك. نورا ممكن نهزر معاها وممكن أوقات الهزار يوصل للايد لكن انتي ما ينفعش تعملي كدة
مقامك في العيلة مايسمحش وماتنسيش أن محمود يعتبر هو كبير العيلة
هاجر / يعني هو ده اللي
قاطعتها. سيلين / سيبيني أكمل كلامي
احنا مش بنعتبرك غريبة أو حاجة زي كدة. يا قلبي احنا بتعامل زي ما وضعك في العيلة يسمح
انتي ليه مش مقدرة نفسك يا هاجر. انتي مرات محمود يوسف تاج الدين. عارفة يعني ايه . ليه بتصرفاتك الساذجة بتقللي من نفسك وكمان دايما مشغولة بالنادي وحوارات مفروض تكوني أكبر منها لأنك عندك مسئوليات أهم منها
هاجر / أنا بس. الفترة دي مشغولة علشان في انتخابات في الجمعية علشان اختيار رئيسة الجمعية الجديدة وأنا نفسي ابقى في المنصب ده لكن المرشحة ادامي. مش سهلة خالص
سيلين / وانتي عايزة تبقي رئيسة الجمعية ليه
هاجر / علشان منصب وكدة.
سيلين/ يا حبيبتي امتى ليه مش عايزة تفهميني. انتي كونك بنت عيلة معروفة في البلد بعادتها وتقاليدها وكمان زوجة راجل من كبار رجال الأعمال في الوسط الشرقي كله ومشهةر عالميا. دا في نفس الوقت منصب يمكنك من سلطة كبيرة كتير اوى يحسدوكي عليها
مفروض ماتسعيش لأي منصب بالعكس دول هما اللي يعرضوا عليكي المنصب وانتي اللي بكل كبرياء وترفع ترفضيه
( هاجر اقتنعت بكلام سيلين. والكلام بينهم اخد منحنيات كتير ويتكلموا فيها. ومن الكلام سيلين لمست احساس الظلم بداخل هاجر. ممكن تكون فعلا بدون ماتقصد حسستها أنها غريبة أو مش منهم. لكن دا غلط هي هتحاول تتجنبه. وكمان هتحاول تغير من هاجر على أد ما تقدر وهتستغل صفة الغرور والكبرياء اللي فيها علشان تبعدها شوية شوية عن انشغالها بالنوادي والجمعيات )
@@@@@@@@@@@@@@@@@@@@@
فات أسبوع على أبطالنا
وحياتهم ماشية زي الساعة
سيلين بدأت مرحلة الوحم بتاعتها وبقت مزاجية جدا ومتقلبة النفسية وأحيانا تتعصب على أتفه الأسباب. لكن أسر بيحتاويها بكل حنان و رفق
وكمان خلصوا تجهيز بيتهم والفرش وكل التفاصيل من اختيارهم مع بعض
أما شمس فأوقات بتشبط زي الأطفال في مهاب وتروح معاه الشركة وتفضل معاه طول الوقت. ولما تحس انه أتضايق تتمسكن وتقوله ابنك هو اللي عايز كدة
ومهاب بيتضايق جدا خصوصا أنها بقت متطلبة جدا. لكن بيحس احساس حلو. وخصوصا انها مابقتش بتضايق من اهتمامه الزايد بالعكس دي بتطلبه اكتر. وكمان بيبقى مبسوط علشان رجعت لطفوليتها اللي خسرتها من وقت مرضها
سما و نور
نور كل يوم بيشوف سما اكتر من مرة بحجة نورسين وكل مرة بيكون معاه ورد من النوع اللي هي بتحبه وعليه بطاقة مكتوب فيها كلمة واحدة سامحيني
و سما ماشية على خطة سيلين بالحرف الواحد
وحاسة بأنتشاء كبير وهي بترد له كل حاجة عملها فيها
أوقات بيصعب عليها لكن مجرد ذكرى بينهم تخليها تجمد وتصر على موقفها
ونور بيفاجئ من تصرفاتها و ردود أفعالها لكن بيستحمل.
نورسين خلصت امتحانات واخدت إجازة نهاية العام الدراسي ومبسوطة جدا وبتحاول تساعد نور علشان مامتها تسامحه ويرجعوا زي الأول.
@@@@@@@@@@@@@@@@@@@@
سما نازلة من العمارة وهتركب عربيتها و معاها نورسين
نور وهو ماسك بوكيه ورد/ اجمل صباح على اجمل وردتين في الدنيا
نورسين وهي بتحضنه / باااابي
سما / لا حولا ولا قوة إلا بالله. نورسين خلصت امتحانات امبارح على فكرة ومش محتاجة انك توصلها للمدرسة
نور بأبتسامة / ما أنا عارف
سما / ولما أنت عارف جيت ليه
نور / علشان علشان اخرجكوا النهاردة ونحتفل بمناسبة انتهاء الإمتحانات بتاعة نورسين
نورسين بفرحة / هيييييييييييه. احلى بابي في الدنيا
سما / طيب براحتك ولما تخلص ابقى وديها عند ماما. وأنا هفوت اخدها بعد الشغل من هناك لأني هتأخر النهاردة
نور / أنا بقول هنخرج كلنا مع بعض يا سما. مش أنا و نورسين بس
سما / وأنا مش فاضية للخروجات والفسح. وعندي شغل اتفضلوا انتوا ربنا يسعدكوا وتمنياتي ليكوا بيوم سعيد
نورسين / تعالي معانا يا مامي علشان خاطري
سما بأبتسامة/ حبيبتي خاطرك عندي بالدنيا كلها. واوعدك اني انا وانتي هنخرج يوم مع بعض ونقضي طول اليوم سوا وننبسط إنما أنا ما ينفعش أخرج معاكوا النهاردة.
نورسين / ليه ما ينفعش
سما / مش انتي بتحبي مامي وبتحبي تريحيها
نورسين / أه
سما / يبقى اسمعي كلامي وخليكي شاطرة علشان ماازعلش منك
نورسين/ حاضر يا مامي
نور / نورسين اركبي العربية يا حبيبتي
نورسين ركبت العربية بعد ما واحد من الحرس اللي ورا نور فتحولها باب العربية الأمامي
نور / وبعدين يا سما. هتفضلي كدة لحد امتى
سما بنظرات سخرية / انت اللي وبعدين معاك. هتزهق امتى
نور / انتي ازاي بقيتي كدة يا سما. مش قادر أصدق انك بتبصيلي كدة او بتكلميني كدة
سما / البركة فيك اتعلمت منك يا استاذ نور. وانت كنت نعم الأستاذ
نور / اسف يا سما. قولتلك مية مرة اسف ومستحيل أكرر الغلط ده تاني
سما / ولو قولتها بدل المية مليون مرة. قلبي مش قادر يسامحك يا نور. غلطك أكبر من أنه يضيع بكام كلمة اسف و بوكيه ورد
نور برجاء / ماتبقيش قاسية عليا اوى كدة يا سما دا أنا نور حبيبك
سما / و دا ما اتغيرش هتفضل نور حبيبي طول العمر.
لكن أنا اللي اتغيرت وياريت تتقبل التغيير ده.
نور بحزن / سما أنا تعبت ومش قادر أعيش من غيركوا. كفاية كدة بقى. ارجعي يا سما البيت وحش اوى من غيرك
سما / ما أنا كنت فيه
أنت عملت ايه. سيبتني أعيش فيه من غيرك. جرب بقى
جرب اللي انا وبنتك عيشناه. عيش من غيرنا زي ما اجبرتنا نعيش من غيرك
نور / واخرتها ايه يا سما. هتفضلي كدة لحد امتى
سما دموعها نزلت غصب عنها رغم أنها حاولت تمنعها. لأن السؤال ده هي ياما سألته
عقابها هيستمر لامتى. لكن هو كان قاسي اوى وقسوته هي اللي خلقت قوة جواها
سما بقوة رغم دموعها / دا قراري. وأنا بس اللي أخده. أنت رفضت انك تطلقني وأنا مش فارق معايا. إنما اني ارجع أعيش معاك في مكان واحد ويجمعنا بيت تاني. دا شئ يخصني أنا وأنا بس اللي أقرر فيه. أنت مش من حقك تقرر ولا تختار. خسرت الحق دا يا نور وبايديك واختيارك وقسوتك
( وركبت سما عربيتها ومشيت بسرعة قبل ما تنهار ادامه اكتر من كدة. )
أيوة اتغيرت
ماقدرش اقولك ما اتغيرتش
علشان انا كنت زمان عشقاك وانت ماقدرتش
ارجع مارجعش دي ترجعلي أنا وظروفي
من امتى عملت حساب زعلي أو همك خوفي
مش كنت زمان لما اسأل مرة عن حاجة تقول أنا مالي اتصرفي زي ماتشوفي
عمري ماحسيت أن أنا أصلا كنت بهمك
بس لعلمك
كل ده أثر وجرحني كتيييييييير
أيوة اتمنيت انك فعلا تبقى حاسسني
وتحسسني
بغرام أكبر من كدة بكتييييير
عمري ماحسيت ان انا اصلا كنت بهمك
بس لعلمك
كل ده أثر وجرحني كتيييييير أيوة اتمنيت انك فعلا تبقى حاسسني وتحسسني بغرام أكبر من كدة بكتيييييييييررررر
أيوة اتغيررررررررت
@@@@@@@@@@@@@@@@@@@@@
في قصر عادل تاج الدين
أسر وسيلين بيجمعوا كل متعلقاتهم الشخصية من جناحهم علشان ينقلوها القصر بتاعهم
وأسر بيساعد سيلين في حاجتها بعد ما خلص حاجاته
أسر / حبيبتي. اقعدي انتي وانا هخلص باقي الحاجة
سيلين / حبيبي ماتقلقش أنا خلاص قربت اخلص
أسر / اسمعي الكلام بقى. علشان ماتدوخيش يا أم يوسف
سيلين بأبتسامة / علشان خاطرك بس يا ابو يوسف.
( وضحكوا مع بعض هما الإتنين على اللقب اللي بينادوا بيه بعض من يوم ماراحوا للدكتورة وعرفوا نوع الجنين وقعدت سيلين وهو كمل بدالها )
سيلين / طيب بص على ما انت تخلص هنا هاخد أنا شنطة من دول واروح ارتبها هناك في بيتنا
أسر / لا والله وكدة تبقي ارتاحتي اسكتي شوية يا ماما. انتي مش هتعملي حاجة خالص كفاية عليكي شقاوة يوسف
سيلين / يعني هفضل قاعدة كدة اتفرج عليك
أسر / هو أنا مش عاجبك لدرجة أنك مش عايزة تتفرجي عليا
سيلين / بس يا رخم
أسر / عيون الرخم. على فكرة كلمة بيتنا طالعة منك زي العسل
سيلين/ اخيرا. الحمد لله صراحة مش انت بس اللي ماكنتش مرتاح هنا. أنا كمان اتعودت أن أعيش في مكان احس انه بتاعي لوحدي. تمام يعيش حد معايا فيه. بس انا اللي ابقى مسؤولة عن كل كبيرة وصغيرة فيه. والحاجة اللي مش عجباني اغيرها. يعني أكون أنا ست البيت
أسر بشقاوة / احلى ست بيت في الدنيا
( وخلصوا نقل الشنط من الجناح للقصر الجديد وبدأوا يرتبوها علشان النهاردة هيبقى اول يوم ليهم فيه وكمان قرروا أن العشا النهاردة هيبقى عائلي فيه وكل العيلة تتجمع )
@@@@@@@@@@@@@@@@@@@@
مساءاً
في فيلا أنس
أنس / يا سما. احنا سيبناكي وبقالك اكتر من 20 يوم قاعدة لوحدك ومش عايزين نضغط عليكي بس كدة مش هينفع
سما / ورأيي دلوقتي زي رأيي قبل كدة. أنا عايزة أعيش في شقة بابا وياريت تفضلوا زي ما انتوا كدة وماتحاولوش تضغطوا عليا
أنس / طيب فهميني انتي ليه رافضة. سما. أنا بجد زعلان منك اوى وحاسس إني ما استاهلش أكون اخوكي علشان سايبك لوحدك لكن غصب عني ودا بسببك
سما / حبيبي انت احلى أخ في الدنيا لكن صدقني أنا أقدر أحل أموري بنفسي وأنا عايزة أعيش في الشقة بس علشان فيها ريحة بابا وحاسة براحة كبيرة اوى فيها وأنا محتاجة الراحة دي
سلوى / خلاص يبقى أنا هعمل زي ماقولتلك قبل كدة. هاجي أعيش معاكي انتي وبنتك.
سما / ماما. في ايه. أنا قولتلكوا اني مرتاحة كدة ليه مصرين تتعبوني وبعدين ما أنا بشوفكوا هنا كل يوم و نورسين بتكون عندكوا طول ما أنا في الشغل.
وأنا اصلا مش بقعد في الشقة يدوبك بنام فيها بس حضرتك هتيجي تعملي ايه بقى
مديحة / ماهو بصي بقى يا تيجي انتي وبنتك تعيشوا هنا يا نروح كلنا كدة نعيش معاكي في الشقة زي ما كنا قبل كدة
تالين / وأنا مع ماما و موافقاها مية بالمية
سما بتنهيدة / ممكن تسمعوني كلكوا للاخر
أولا أنا قعدتي في الشقة مش هتطول كتير علشان كل ده
ثانيا. أنا مبسوطة جدا. بكلامكوا واهتمامكوا. لكن بجد انا محتاجة اني اكون لوحدي شوية وفي المكان اللي يريحني.
لكن علشان خاطركم هبات معاكوا هنا في الإجازة الأسبوعية بتاعة الشغل واللي هي النهاردة وبكرة
@@@@@@@@@@@@@@@@@@@@@
في قصر أسر وسيلين
العيلة كلها متجمعة وقاعدين بيتعشوا وسيلين مبسوطة جدا وبيضحكوا ومافيش اي خلافات موجودة
والأجواء ممتازة ومرحة . وخاصة بين رامي و نها. اللي ميعاد ولادتها قرب وشكلها مختلف تماما
رامي / يا بنتي والله انا لما ببصلك مابصدقش انك نها صديقتي.
نها بتذمر / فارس وبعدين خليه يسكت
فارس / بس ياض اسكت دي قمر والحمل زادها جمال
رامي / فعلا. دي حتى قربت تبقى جمال نفسه
نها / عجبك كدة يا اونكل سامي شايف ابن حضرتك بيقول عليا ايه
سامي / سيبك منه دا عيل اهبل. مش عارف والله يا بنتي طالع لمين
محمد بضحك / نهار احوس.عمي اتبرا منك يا رامي
أحمد / ممكن يكون مش تبع العيلة اصلا وتم تبديله في المستشفى بعد الولادة
سامي / والله ممكن ما استبعدش حاجة زي دي
الكل / ههههههههههههههههههههههه
رامي / عجبتكوا اوى صح
سيلين بضحك / بصراحة اه
رامي بحزن مصطنع / حتى انتي كمان يا سيلين. وأنا اللي قولت هتدافعي عني
سيلين/ أدافع عنك ادام أي حد. إنما لما تيجي على منجايتي. دا أنا انفخك. إلا نونة حبيبتي
نها / حبي يا سيلوو تسلميلي
@@@@@@@@@@@@@@@@@@@@
في مطار القاهرة الدولي
شمس و مهاب و داليا وعمر و جميلة ومازن
واقفين منتظرين في صالة الوصول
وشوية وشمس صرخت بفرحة
شمس بصوت عالي / روووووووووودييييييييييييي
رودي بفرحة / ششششششششمسسسسسسسسس
وحضنوا بعض بشوق ولهفة
و أحمد جوزها سلم على مهاب وعمر ومازن
وتم تبادل السلام بينهم كلهم
بعد غياب رودي هي وجوزها سنة كاملة في لندن علشان كانوا في بعثة تعليمية وبيكملوا مسيرتهم اللي بقالها سنين ومابتخلصش
وبعد السلام والاحضان خرجوا من المطار و راحوا على بيت رودي و أحمد.
وقعدوا مع بعض شوية وبعد كدة مشيوا وسابوهم يرتاحوا من السفر مع وعد ان بكرة هيقضوا اليوم سوا في قصر مهاب العدلي
@@@@@@@@@@@@@@@@@@@
$$$$$$$$$$$$$$$$$$$$$$$$$$$$$
- ماما حبيبتي
* كيفك غاليتي اشتقتلك كتير
- وأنا كمان اشتقتلك
* أنتي حبيبتي يا سيلين. أنثى ئطعة مني
- وأنا بحبك اوى ومبسوطة انك أمي ولو اقدر ارجع الزمن. كنت رجعته علشان اغير كل حاجة فيه
* الزمن مابيصير يرجع يا سيلين ولو بدو يرجع رح بعمل متل ما عملت بالماضي أنا مو ندمانة عالشي. الحياة بدها تسير يا سيلين ومابتوقف عاحدا
- يعني ماكنش نفسك تعيشي معايا وماتبعديش عني
* إذا هالشي رح يكون عحسابك انتي لا مابدي هيك أنا كل اللي بدي إياه هو انتي وحمايتك وحياتك
- وأنا كل اللي كنت عايزاه هو انتي وحضنك
* هاد ئدرنا ومكتوب إلنا. بفوتك سالمة يا غالية ماما
- ماما انتي رايحة فين استني. استني شوية.
* الحياة بدها تستمر حبيبتي. مابتوقف عاحدا ولا عالشي حافظي على اللي جواتك. رح بتصيري أم وبتعرفي أنه إي شي كرمال الضنا مو مستحيل أبدا
- ماما استني. ماما. لاء ماتمشيش ماتمشيش استني ماما. خليكي شوية ماما
***************
وقامت سيلين مفزوعة من النوم وهي بتبص حواليها وبعدين عرفت أنه كان مجرد حلم وبقت على أسر اللي نايم جنبها ورجعت تنام تاني مكانها
سيلين بأبتسامة وهمس / احلى حلم يا احلى وأقوى أم
ربنا يرحمك ويغفرلك ويجمعني بيكي انتي وبابا في الآخرة
@@@@@@@@@@@@@@@@@@@@
صباحا
النهاردة الجمعة واجازة وكعادة عيلة تاج الدين بيتجمعوا في اليوم ده
والتجمع النهاردة كان في قصر يوسف تاج الدين
وسيلين النهاردة صاحية من النوم بكل نشاط وسعادة.
كفاية أنها شافتها واتكلمت معاها. مش عايزة اكتر من كدة حتى ولو مجرد حلم
وعلى سفرة الغدا
رامي / سيلووو انتي هترجعي الشغل امتى
سيلين/ قريب ان شاء الله
رامي / يعني امتى.
سيلين / ممكن على الاسبوع الجاي ولا حاجة دا اذا عيشت
أحمد / بعد الشر ليه بتقولي كدة
سيلين بأبتسامة/ بس انا ماقولتش حاجة بقول اذا عيشت. والموت مش شر دي حقيقة وعادي ممكن اموت في أي وقت ماحدش عارف قدره مخبي ايه
أسر بضيق / ايه يا سيلين الكلام ده.
رحمة / كلام يخوف ماتقوليش كدة تاني. دا انا اموت لو جرالك حاجة
سيلين بأبتسامة حقيقية وصادقة لكن فيها حزن / الحياة مابتقفش على حد. صحيح الفراق صعب. وصعب جدا كمان
لكن كلنا مصيرنا الموت والنهاية
ولو انا مت انتي مش هتموتي ولا حاحة ولا حد بيموت من الفراق. اه هتزعلوا عليا شوية لكن مع الوقت هتتأقلموا والحياة هتستمر
( مجنونة دي. موت وفراق. يعني تضيع مني وماشوفهاش تاني لا طبعا دا مستحيل. هي ازاي تقول كدة وبكل بساطة )
أسر قام بغضب من على السفرة بعد ما وقع كوباية من على السفرة
سيلين / أسر. انت رايح فين
محمود بعنف / ايه اللي انتي بتقوليه ده. أنثى اتجننتي يا سيلين
سيلين/ في ايه يا جماعة اهدوا كدة. أنا والله مش قصدي حاجة
سناء / مش قصدك ايه وانتي وقعتي قلبي بكلامك ده يا سيلين حرام عليكي يا بنتي
( ودموعها نزلت بخوف )
سيلين قامت من مكانها وراحتلها ومسحت دموعها وحضنتها
سيلين / حبيبتي يا غالية والله ماقصدي كل ده. أنا بس سرحت من غير ما أقصد. وبعدين ماتقلقيش ما أنا ادامك اهوه أنا بس بشرحلها على سبيل المثال مش اكتر.
محمد بضيق / لا مثال ولا تمثال ماتفتحيش الموضوع ده تاني
سيلين بأبتسامة بسيطة / حاضر والله ما هفتحه تاني حرمت خلاص. كملوا اكلكوا على ما اروح اشوف اسر
رامي / أكل ايه بعد اللي امتى قولتيه دا. دا أنا قلبي انقبض والله
سيلين / نهار اسوح في ايه يا جماعة هو أنا قولت ايه لده كله
عادل / خلاص يا حبيبتي روحي شوفي أسر وهاتيه وتعالي كملوا اكلكوا
( وخرجت سيلين تنادي أسر لقيته في الجنينة واقف متحفز )
حضنته من ضهره
سيلين / حبيبي أنا اسفة
أسر فك ايديها ولف وشه و وقف ادامها وبدون أي مقدمات حضنها جامد جدا وبقوة وكأنه بيعاقبها على الكلام اللي قالته بالحضن ده
سيلين / والله انا معنديش اعتراض على الحضن. بس يوسف في النص يا ابو يوسف
أسر وهو لسه حاضنها / أنا حياتي هتقف من غيرك. مش هموت. لكن هعيش وأنا ميت
كل يوم قلبي هيتحرق مليون مرة. هتدمر. بس انا واثق ان ربنا مش هياخدك مني لأنه مابيحملش مخلوق فوق طاقته وهو عارف وعالم بحالي هيبقى ازاي بعدك. وإني مش هتحمل يجرالك حاجة علشان كدة نجاكي ليا من شر المافيا وهيحميكي دايما من كل شر
سيلين/ ربنا مايحرمني منك ويسعد قلبك يا حبيبي. ونعيش حياتنا في سعادة يارب
@@@@@@@@@@@@@@@@@@@@
##############################
واليوم انتهي بدون أحداث تانية.
غير أن البنات اتفقوا يتقابلوا بكرة في المطعم علشان رودي تتعرف على سيلين
لكن مايعرفوش المجهول اللي مستنيهم بكرة مع بعض والخطر اللي كل العشاق هيواجهوه في يوم واحد و وقت واحد و مكان واحد
حافظ على حبيبك
النهاردة هو بين ايديك
ممكن بكرة يكون في مكان تاني
النهاردة هو ملك ليك
ممكن بكرة يكون ملك لحد تاني
العمر مش طويل. ولا قصير
دي حاجة منعرفهاش وفي علم الذي بيده ملكوت كل شئ
اعتذروا. تصالحوا سامحوا
ماتستنوش الفرصة التانية علشان ممكن مايبقاش في فرصة تانية
بقلم:-أسماء ابوشادي Ana Amera Habeby
_________________________________________
اللهم صلي وسلم وبارك على سيدنا محمد وعلى آله وأصحابه أجمعين
نورسين / بابي. بابي قوم أنا صحيت اهوه
( صحي نور وفتح عيونه شاف نورسين ادامه وبمجرد مااتعدل ورفع جسمه شوية نورسين حضنته بلهفة وبراءة وفرحة )
نورسين / أنا بحبك اوى يا بابي وخلاص مش زعلانة منك.
نور بيبص حواليه ومستغرب المكان اللي موجود فيه و بعد عدة ثواني افتكر أنه شرب خمرة بالليل و خرج من النيت كلي اللي شرب فيه و جه هما لسما. لكن مش فاكر حاجة تانية.
وبيحاول يضغط على عقله علشان يفتكر
لكن فاق على صوت نورسين
نورسين بعتاب طفولي / بس اوعى تعمل كدة تاني يا بابي
نور / حبيبة بابي أنا مستحيل ازعلك تاني أبدا
نورسين / ولا هتتجوز على مامي علشان تجيب ولد
نور / مين قالك الكلام ده يا حبيبتي
نورسين / سمعت حضرتك وانت بتتكلم مع تيتة صفية وكمان سمعت
قاطعتها سما لما خرجت بسرعة علشان البنت ماتقولش اسم الهدم ونور يعاقبهم
سما / حبيبتي يلا على الفطار علشان هتأخري على ميعاد المدرسة
نور وهو بيبص لسما / بابي مايقدرش يعيش من غيرك انتي ومامي لأن انتوا بالنسباله كل الدنيا ولو هيكون عندي ولد فماينفعش يكون غير من مامي ويكون شبهك انتي وهي علشان أحبه زي مابحبكوا
نورسين / بجد يا بابي
نور / والله ما هزعلكوا تاني ولا هخليكوا تبعدوا عني أبدا وهفضل طول عمري أعيش علشانكوا. بس انتوا سامحوني
نورسين بفرحة / طبعا سامحتك يا بابي كفاية انك جيت وقعدت كتير علشان انا اصحى واسامحك
نور / طيب ممكن تطلبي من مامي تسامحني هي كمان. علشان انا تعبان اوى وقلبي بيوجعني لأنها زعلانة مني
نورسين / قولها اسف وهي تسامحك علطول. أنا لما بزعلها وأقولها آسفة بتسامحني وتبوسني
سما / نورسين كفاية كدة ويلا علشان هتتأخري على المدرسة وعندك امتحان النهاردة
نورسين/ حاضر مامي. بابي هتفطر معانا زي الأول صح
نور وهو بيبوس رأس بنته / طبعا يا قلبي
( سما انغاظت جدا من نظراته واستغلاله نورسين علشان يفضل معاهم وقت أطول لكن هي اخدت قرار بالعقاب ولازم تنفذه. ومنه تصلح العلاقه بينه هو وبنتهم )
سما / طيب انا عندي فكرة حلوة لنوارتي
ايه رأيك تفطري مع بابي وهو يوصلك بنفسه للمدرسة
نورسين بفرحة/ وااااو طبعا موافقة دي احلى فكرة. يلا يا بابي نفطر بقى بسرعة
نور / حاضر يا حبيبتي اسبقيني على السفرة وأنا هدخل الحمام واحصلك
( نورسين راحت وقعدت على السفرة وبتشرب عصير و نور قرب من سما و وقف ادامها )
نور / هتسامحيني يا سما
سما بجمود / لما تنزل انت ونورسين ابقى اقفل الباب كويس
نور برجاء / سامحيني. والله كان غصب عني أوعدك أن الغلط ده مش هيتكرر تاني أبدا
سما بنفس الجمود / حاول توصلها في ميعادها مظبوط علشان هي فترة امتحانات وأنا همشي علشان عندي اجتماع مهم في الشغل
( نور مسكها من دراعها برفق قبل ما تتخطاه )
سما بسخرية / ايه مش عايزني أخرج قبل ماتاخد حقوقك الشرعية الأول
( نور أتجمد مكانه كلامها زي السهم المسموم اللي انضرب بيه في مقتل )
وبكل برود مسكت ايده ونزلتها عن دراعها وبصتله بنظرات عدائية اتقنتها كويس جدا وسابته
وهو وقف مكانه بيراقبها وهي بتاخد شنطته والمفاتيح وبتبوس نورسين ومشيت
وهو لسه واقف مكانه مصدوم
من طريقتها وكلامها ونظراتها
@@@@@@@@@@@@@@@@@@@@
في قصر مهاب العدلي
شمس \ يا مهاب بقولك هروح معاك انت مش هروح الفرع اللي أنا بشتغل فيه
مهاب بصرامة / ريحي نفسك من الكلام الكتير يا شمس قولتلك لاء
شمس بيأس / والله ما هتعب نفسي. بس بجد ذهقت من الفراغ ده
مهاب بصرامة غير قابلة للنقاش / الفراغ ده تقدري تمليه بأي حاجة. تقعدي مع ولادك تقابلي صحابك تقرأي كتاب تتفرجي على فيلم إنما شغل لاء
( شمس لنفسها / مافيش ادامي غير الطريقة اللي سيلين قالت عليها )
شمس بحزن / كل ده علشان بطلب منك اروح معاك الشغل. تتكلم معايا بالشكل ده وتزعق في وشي وكأني عملت جريمة. خلاص يا مهاب مش عايزة منك حاجة.
( وفي لحظة كانت اختفت من ادامه ودخلت الحمام وقفات الباب على نفسها )
مهاب راح وراها بسرعة لما حس بزعلها وخبط على باب الحمام علشان تخرج
مهاب / شمس. افتحي الباب انتي قفلتيه ليه
شمس وقفت ورا الباب وبتضحك بخفوت وحاولت تتكلم بصوت طبيعي
شمس / أمشي يا مهاب. خلاص كلامنا خلص وأنا مش عايزة اروح في حتة روح شوف شغلك انت
مهاب بعصبية / يتحرق الشغل بقولك افتحي
شمس بخفوت حزين مصطنع / سيبني دلوقتي يا مهاب علشان انا هاخد شور ومحتاجة أكون لوحدي شوية بلاش نتكلم تاني دلوقتي
مهاب بيحاول يتكلم بهدوء / خلاص بلاش نتكلم. بس افتحي الباب اشوفك وبعدين همشي
( ماكنتش هتفتح بس نبرة القلق في صوته اجبرتها أنها تفتح ولأنه ماهنش عليها تقلقه وتعذبه اكتر من كدة )
وفتحت الباب وهي بتبص في الأرض وتدراي عيونها
شمس بخفوت / اهو فتحت الباب. عايزني اعمل حاجة تانية
مهاب قرب منها واخدها في حضنه بحنية / اسف حبيبتي. ماقصدش اتعصب عليكي والله.خلاص جهدي نفسك وتعالي معايا.
شمس ابتسمت بانتصار وهي في حضنه لكن قررت تكمل للاخر
شمس طلعت من حضنه / لا خلاص. أنا مش اروح.
مهاب بضيق/ حبيبتي حقك عليا خلاص بقى ماتزعليش بقولك يلا تعالي ماتتعبنيش معاكي
شمس بعصبية مصطنعة / هو كل حاجة عايزها بدون نقاش ترفض وتقول ماتتكلميش وريحي نفسك. ودلوقتي تقبل وتقول ماتتعبنيش. أنا بقى خلاص يا مهاب مش عايزة اروح
( طبعا مهاب بيتضايق من الصوت العالي ولما لمحت الضيق والغضب على وشه. كملت بخفوت وبراءة حزينة )
كل ده علشان طلبت اروح معاك الشغل. أنا طلبت منك كدة مش علشان حاسة بالفراغ. لاء علشان انت واحشني. وأنا حاسة اني عايزة افضل معاك طول الوقت وخصوصا ان انا حاسة انك مابقتش تهتم بيا زي الأول . بس ماحبتش اقولك كدة علشان انت ماتزعلش وتفتكر انك مقصر معايا.
بس شكلي اجرمت لما فكرت اعمل كدة
( وعلشان يكمل المسلسل حطت ايديها على عينيها وكأنها بتمنع الدموع تنزل من عيونها )
مهاب ما استحملش يشوفها كدة وشدها لحضنه بقوة وحنان في نفس الوقت
مهاب / اسف يا حبيبتي. أنا فعلا قصرت معاكى سامحيني. بس الشغل من وقت ما انتي بقيتي حامل وسيبتيه وبقى يتراكم عليا وغصب عني انشغلت عنك. سامحيني
( شمس لنفسها / فعلا رجالة ما ينفعش معاها غير الكيد العظيم وأنا اللي كنت بقول على سيلين مفترية. طب هود عندك بقى من هنا ورايح. يا سي مهاب )
(
أيها الفتايات هل أنتن مستمتعن أيها الرجال هل أنتوا منغاظون )وفي خلال نص ساعة كانت شمس خارجة من القصر مع مهاب ورايحين على الشركة
@@@@@@@@@@@@@@@@@@@
سيلين قاعدة في الجنينة.
وبتفكر في الكلام اللي محمود قاله من شوية
كانت بتكلمه عن مراته وأنها طيبة وكويسة.لكن هو طبعا وتربيتها مختلفة شوية ومترفعة . وبتطلب منه مايتدخلش بينهم لأنهم أوقات بيبقى فى توتر في علاقتهم مع بعض. لكن بيروح مع الوقت
وكان رد محمود أنه مستحيل يسمح لأي حد يضايقها حتى لو الحد ده مراته. وكمان هو مش واخد منها موقف بس بسببها وكمان بسبب انشغالها الدائم بالنادي والجمعيات الارستقراطية
وقطع شرودها صوت أسر وهو بيناديها علشان الفطار
سيلين/ حاضر يا حبيبي جاية اهوه
***********************
وبعد الفطار أسر مشي على الشغل و راحت سيلين على قصر أخواتها
وزى ما اتوقعت هاجر طلبت تتكلم معاها
هاجر برجاء / سيلين بليز ممكن نتكلم مع بعض شوية
سيلين اتنهدت / تمام. نتكلم
هاجر بفرحة / بجد. يعني خلاص هتتكلمي معايا
سيلين/ انتي مش لسه قايلة انك عايزة تتكلمي معايا شوية. اتفضلي. تعالي نخرج في الجنينة
( وبعد ماخرجوا في الجنينة )
هاجر / أنا اسفة يا سيلين.
سيلين / على ايه بالظبط
هاجر بحرج / أولا على الكلام اللي قولته لصاحبتي في المكالمة وانتي سمعتيه صدقيني ماكنتش أقصد وثانيا على الموقف اللي حصل يومها بالليل
سيلين / بقى يا هاجر. امتى مرات أخويا الكبير. يعني تعتبري أختي الكبيرة وأنا مستحيل أكرهك. بالعكس والله انا بحبك جدا. لأني بحب أخويا وانتي مراته لو مش هحبك لشخصك هحبك علشانه هو.
وبغض النظر عن حاجات كتير أنا ممكن اكون مش بحبها فيكي إلا ان انتي من جواكي كويسة وأحسن من ناس كتير. فياريت انتي تشوفي نفسك والحاجات اللي تحس انها بتضايق اللي حواليكي. غيريها
هاجر / والله انا كمان بحبك وفعلا بعتبرك أختي. بجد وانتوا كلكوا أحمد ومحمد و نورا وحتى رامي وليلى و رحمة. عوضتوني عن الاخوات اللي مش عندي والعيلة اللي اتحرمت منها. لكن أوقات بحس انكوا مش بتعاملوني زي نورا.
سيلين / فعلا احنا مش بنعاملك زي نورا. وماينفعش نعاملك زيها لأن انتي حاجة وهي حاجة تانية
هاجر بحزن / شوفتي بقى
سيلين / انتي مرات الكبير. مقامك من مقام جوزك. نورا ممكن نهزر معاها وممكن أوقات الهزار يوصل للايد لكن انتي ما ينفعش تعملي كدة
مقامك في العيلة مايسمحش وماتنسيش أن محمود يعتبر هو كبير العيلة
هاجر / يعني هو ده اللي
قاطعتها. سيلين / سيبيني أكمل كلامي
احنا مش بنعتبرك غريبة أو حاجة زي كدة. يا قلبي احنا بتعامل زي ما وضعك في العيلة يسمح
انتي ليه مش مقدرة نفسك يا هاجر. انتي مرات محمود يوسف تاج الدين. عارفة يعني ايه . ليه بتصرفاتك الساذجة بتقللي من نفسك وكمان دايما مشغولة بالنادي وحوارات مفروض تكوني أكبر منها لأنك عندك مسئوليات أهم منها
هاجر / أنا بس. الفترة دي مشغولة علشان في انتخابات في الجمعية علشان اختيار رئيسة الجمعية الجديدة وأنا نفسي ابقى في المنصب ده لكن المرشحة ادامي. مش سهلة خالص
سيلين / وانتي عايزة تبقي رئيسة الجمعية ليه
هاجر / علشان منصب وكدة.
سيلين/ يا حبيبتي امتى ليه مش عايزة تفهميني. انتي كونك بنت عيلة معروفة في البلد بعادتها وتقاليدها وكمان زوجة راجل من كبار رجال الأعمال في الوسط الشرقي كله ومشهةر عالميا. دا في نفس الوقت منصب يمكنك من سلطة كبيرة كتير اوى يحسدوكي عليها
مفروض ماتسعيش لأي منصب بالعكس دول هما اللي يعرضوا عليكي المنصب وانتي اللي بكل كبرياء وترفع ترفضيه
( هاجر اقتنعت بكلام سيلين. والكلام بينهم اخد منحنيات كتير ويتكلموا فيها. ومن الكلام سيلين لمست احساس الظلم بداخل هاجر. ممكن تكون فعلا بدون ماتقصد حسستها أنها غريبة أو مش منهم. لكن دا غلط هي هتحاول تتجنبه. وكمان هتحاول تغير من هاجر على أد ما تقدر وهتستغل صفة الغرور والكبرياء اللي فيها علشان تبعدها شوية شوية عن انشغالها بالنوادي والجمعيات )
@@@@@@@@@@@@@@@@@@@@@
فات أسبوع على أبطالنا
وحياتهم ماشية زي الساعة
سيلين بدأت مرحلة الوحم بتاعتها وبقت مزاجية جدا ومتقلبة النفسية وأحيانا تتعصب على أتفه الأسباب. لكن أسر بيحتاويها بكل حنان و رفق
وكمان خلصوا تجهيز بيتهم والفرش وكل التفاصيل من اختيارهم مع بعض
أما شمس فأوقات بتشبط زي الأطفال في مهاب وتروح معاه الشركة وتفضل معاه طول الوقت. ولما تحس انه أتضايق تتمسكن وتقوله ابنك هو اللي عايز كدة
ومهاب بيتضايق جدا خصوصا أنها بقت متطلبة جدا. لكن بيحس احساس حلو. وخصوصا انها مابقتش بتضايق من اهتمامه الزايد بالعكس دي بتطلبه اكتر. وكمان بيبقى مبسوط علشان رجعت لطفوليتها اللي خسرتها من وقت مرضها
سما و نور
نور كل يوم بيشوف سما اكتر من مرة بحجة نورسين وكل مرة بيكون معاه ورد من النوع اللي هي بتحبه وعليه بطاقة مكتوب فيها كلمة واحدة سامحيني
و سما ماشية على خطة سيلين بالحرف الواحد
وحاسة بأنتشاء كبير وهي بترد له كل حاجة عملها فيها
أوقات بيصعب عليها لكن مجرد ذكرى بينهم تخليها تجمد وتصر على موقفها
ونور بيفاجئ من تصرفاتها و ردود أفعالها لكن بيستحمل.
نورسين خلصت امتحانات واخدت إجازة نهاية العام الدراسي ومبسوطة جدا وبتحاول تساعد نور علشان مامتها تسامحه ويرجعوا زي الأول.
@@@@@@@@@@@@@@@@@@@@
سما نازلة من العمارة وهتركب عربيتها و معاها نورسين
نور وهو ماسك بوكيه ورد/ اجمل صباح على اجمل وردتين في الدنيا
نورسين وهي بتحضنه / باااابي
سما / لا حولا ولا قوة إلا بالله. نورسين خلصت امتحانات امبارح على فكرة ومش محتاجة انك توصلها للمدرسة
نور بأبتسامة / ما أنا عارف
سما / ولما أنت عارف جيت ليه
نور / علشان علشان اخرجكوا النهاردة ونحتفل بمناسبة انتهاء الإمتحانات بتاعة نورسين
نورسين بفرحة / هيييييييييييه. احلى بابي في الدنيا
سما / طيب براحتك ولما تخلص ابقى وديها عند ماما. وأنا هفوت اخدها بعد الشغل من هناك لأني هتأخر النهاردة
نور / أنا بقول هنخرج كلنا مع بعض يا سما. مش أنا و نورسين بس
سما / وأنا مش فاضية للخروجات والفسح. وعندي شغل اتفضلوا انتوا ربنا يسعدكوا وتمنياتي ليكوا بيوم سعيد
نورسين / تعالي معانا يا مامي علشان خاطري
سما بأبتسامة/ حبيبتي خاطرك عندي بالدنيا كلها. واوعدك اني انا وانتي هنخرج يوم مع بعض ونقضي طول اليوم سوا وننبسط إنما أنا ما ينفعش أخرج معاكوا النهاردة.
نورسين / ليه ما ينفعش
سما / مش انتي بتحبي مامي وبتحبي تريحيها
نورسين / أه
سما / يبقى اسمعي كلامي وخليكي شاطرة علشان ماازعلش منك
نورسين/ حاضر يا مامي
نور / نورسين اركبي العربية يا حبيبتي
نورسين ركبت العربية بعد ما واحد من الحرس اللي ورا نور فتحولها باب العربية الأمامي
نور / وبعدين يا سما. هتفضلي كدة لحد امتى
سما بنظرات سخرية / انت اللي وبعدين معاك. هتزهق امتى
نور / انتي ازاي بقيتي كدة يا سما. مش قادر أصدق انك بتبصيلي كدة او بتكلميني كدة
سما / البركة فيك اتعلمت منك يا استاذ نور. وانت كنت نعم الأستاذ
نور / اسف يا سما. قولتلك مية مرة اسف ومستحيل أكرر الغلط ده تاني
سما / ولو قولتها بدل المية مليون مرة. قلبي مش قادر يسامحك يا نور. غلطك أكبر من أنه يضيع بكام كلمة اسف و بوكيه ورد
نور برجاء / ماتبقيش قاسية عليا اوى كدة يا سما دا أنا نور حبيبك
سما / و دا ما اتغيرش هتفضل نور حبيبي طول العمر.
لكن أنا اللي اتغيرت وياريت تتقبل التغيير ده.
نور بحزن / سما أنا تعبت ومش قادر أعيش من غيركوا. كفاية كدة بقى. ارجعي يا سما البيت وحش اوى من غيرك
سما / ما أنا كنت فيه
أنت عملت ايه. سيبتني أعيش فيه من غيرك. جرب بقى
جرب اللي انا وبنتك عيشناه. عيش من غيرنا زي ما اجبرتنا نعيش من غيرك
نور / واخرتها ايه يا سما. هتفضلي كدة لحد امتى
سما دموعها نزلت غصب عنها رغم أنها حاولت تمنعها. لأن السؤال ده هي ياما سألته
عقابها هيستمر لامتى. لكن هو كان قاسي اوى وقسوته هي اللي خلقت قوة جواها
سما بقوة رغم دموعها / دا قراري. وأنا بس اللي أخده. أنت رفضت انك تطلقني وأنا مش فارق معايا. إنما اني ارجع أعيش معاك في مكان واحد ويجمعنا بيت تاني. دا شئ يخصني أنا وأنا بس اللي أقرر فيه. أنت مش من حقك تقرر ولا تختار. خسرت الحق دا يا نور وبايديك واختيارك وقسوتك
( وركبت سما عربيتها ومشيت بسرعة قبل ما تنهار ادامه اكتر من كدة. )
أيوة اتغيرت
ماقدرش اقولك ما اتغيرتش
علشان انا كنت زمان عشقاك وانت ماقدرتش
ارجع مارجعش دي ترجعلي أنا وظروفي
من امتى عملت حساب زعلي أو همك خوفي
مش كنت زمان لما اسأل مرة عن حاجة تقول أنا مالي اتصرفي زي ماتشوفي
عمري ماحسيت أن أنا أصلا كنت بهمك
بس لعلمك
كل ده أثر وجرحني كتيييييييير
أيوة اتمنيت انك فعلا تبقى حاسسني
وتحسسني
بغرام أكبر من كدة بكتييييير
عمري ماحسيت ان انا اصلا كنت بهمك
بس لعلمك
كل ده أثر وجرحني كتيييييير أيوة اتمنيت انك فعلا تبقى حاسسني وتحسسني بغرام أكبر من كدة بكتيييييييييررررر
أيوة اتغيررررررررت
@@@@@@@@@@@@@@@@@@@@@
في قصر عادل تاج الدين
أسر وسيلين بيجمعوا كل متعلقاتهم الشخصية من جناحهم علشان ينقلوها القصر بتاعهم
وأسر بيساعد سيلين في حاجتها بعد ما خلص حاجاته
أسر / حبيبتي. اقعدي انتي وانا هخلص باقي الحاجة
سيلين / حبيبي ماتقلقش أنا خلاص قربت اخلص
أسر / اسمعي الكلام بقى. علشان ماتدوخيش يا أم يوسف
سيلين بأبتسامة / علشان خاطرك بس يا ابو يوسف.
( وضحكوا مع بعض هما الإتنين على اللقب اللي بينادوا بيه بعض من يوم ماراحوا للدكتورة وعرفوا نوع الجنين وقعدت سيلين وهو كمل بدالها )
سيلين / طيب بص على ما انت تخلص هنا هاخد أنا شنطة من دول واروح ارتبها هناك في بيتنا
أسر / لا والله وكدة تبقي ارتاحتي اسكتي شوية يا ماما. انتي مش هتعملي حاجة خالص كفاية عليكي شقاوة يوسف
سيلين / يعني هفضل قاعدة كدة اتفرج عليك
أسر / هو أنا مش عاجبك لدرجة أنك مش عايزة تتفرجي عليا
سيلين / بس يا رخم
أسر / عيون الرخم. على فكرة كلمة بيتنا طالعة منك زي العسل
سيلين/ اخيرا. الحمد لله صراحة مش انت بس اللي ماكنتش مرتاح هنا. أنا كمان اتعودت أن أعيش في مكان احس انه بتاعي لوحدي. تمام يعيش حد معايا فيه. بس انا اللي ابقى مسؤولة عن كل كبيرة وصغيرة فيه. والحاجة اللي مش عجباني اغيرها. يعني أكون أنا ست البيت
أسر بشقاوة / احلى ست بيت في الدنيا
( وخلصوا نقل الشنط من الجناح للقصر الجديد وبدأوا يرتبوها علشان النهاردة هيبقى اول يوم ليهم فيه وكمان قرروا أن العشا النهاردة هيبقى عائلي فيه وكل العيلة تتجمع )
@@@@@@@@@@@@@@@@@@@@
مساءاً
في فيلا أنس
أنس / يا سما. احنا سيبناكي وبقالك اكتر من 20 يوم قاعدة لوحدك ومش عايزين نضغط عليكي بس كدة مش هينفع
سما / ورأيي دلوقتي زي رأيي قبل كدة. أنا عايزة أعيش في شقة بابا وياريت تفضلوا زي ما انتوا كدة وماتحاولوش تضغطوا عليا
أنس / طيب فهميني انتي ليه رافضة. سما. أنا بجد زعلان منك اوى وحاسس إني ما استاهلش أكون اخوكي علشان سايبك لوحدك لكن غصب عني ودا بسببك
سما / حبيبي انت احلى أخ في الدنيا لكن صدقني أنا أقدر أحل أموري بنفسي وأنا عايزة أعيش في الشقة بس علشان فيها ريحة بابا وحاسة براحة كبيرة اوى فيها وأنا محتاجة الراحة دي
سلوى / خلاص يبقى أنا هعمل زي ماقولتلك قبل كدة. هاجي أعيش معاكي انتي وبنتك.
سما / ماما. في ايه. أنا قولتلكوا اني مرتاحة كدة ليه مصرين تتعبوني وبعدين ما أنا بشوفكوا هنا كل يوم و نورسين بتكون عندكوا طول ما أنا في الشغل.
وأنا اصلا مش بقعد في الشقة يدوبك بنام فيها بس حضرتك هتيجي تعملي ايه بقى
مديحة / ماهو بصي بقى يا تيجي انتي وبنتك تعيشوا هنا يا نروح كلنا كدة نعيش معاكي في الشقة زي ما كنا قبل كدة
تالين / وأنا مع ماما و موافقاها مية بالمية
سما بتنهيدة / ممكن تسمعوني كلكوا للاخر
أولا أنا قعدتي في الشقة مش هتطول كتير علشان كل ده
ثانيا. أنا مبسوطة جدا. بكلامكوا واهتمامكوا. لكن بجد انا محتاجة اني اكون لوحدي شوية وفي المكان اللي يريحني.
لكن علشان خاطركم هبات معاكوا هنا في الإجازة الأسبوعية بتاعة الشغل واللي هي النهاردة وبكرة
@@@@@@@@@@@@@@@@@@@@@
في قصر أسر وسيلين
العيلة كلها متجمعة وقاعدين بيتعشوا وسيلين مبسوطة جدا وبيضحكوا ومافيش اي خلافات موجودة
والأجواء ممتازة ومرحة . وخاصة بين رامي و نها. اللي ميعاد ولادتها قرب وشكلها مختلف تماما
رامي / يا بنتي والله انا لما ببصلك مابصدقش انك نها صديقتي.
نها بتذمر / فارس وبعدين خليه يسكت
فارس / بس ياض اسكت دي قمر والحمل زادها جمال
رامي / فعلا. دي حتى قربت تبقى جمال نفسه
نها / عجبك كدة يا اونكل سامي شايف ابن حضرتك بيقول عليا ايه
سامي / سيبك منه دا عيل اهبل. مش عارف والله يا بنتي طالع لمين
محمد بضحك / نهار احوس.عمي اتبرا منك يا رامي
أحمد / ممكن يكون مش تبع العيلة اصلا وتم تبديله في المستشفى بعد الولادة
سامي / والله ممكن ما استبعدش حاجة زي دي
الكل / ههههههههههههههههههههههه
رامي / عجبتكوا اوى صح
سيلين بضحك / بصراحة اه
رامي بحزن مصطنع / حتى انتي كمان يا سيلين. وأنا اللي قولت هتدافعي عني
سيلين/ أدافع عنك ادام أي حد. إنما لما تيجي على منجايتي. دا أنا انفخك. إلا نونة حبيبتي
نها / حبي يا سيلوو تسلميلي
@@@@@@@@@@@@@@@@@@@@
في مطار القاهرة الدولي
شمس و مهاب و داليا وعمر و جميلة ومازن
واقفين منتظرين في صالة الوصول
وشوية وشمس صرخت بفرحة
شمس بصوت عالي / روووووووووودييييييييييييي
رودي بفرحة / ششششششششمسسسسسسسسس
وحضنوا بعض بشوق ولهفة
و أحمد جوزها سلم على مهاب وعمر ومازن
وتم تبادل السلام بينهم كلهم
بعد غياب رودي هي وجوزها سنة كاملة في لندن علشان كانوا في بعثة تعليمية وبيكملوا مسيرتهم اللي بقالها سنين ومابتخلصش
وبعد السلام والاحضان خرجوا من المطار و راحوا على بيت رودي و أحمد.
وقعدوا مع بعض شوية وبعد كدة مشيوا وسابوهم يرتاحوا من السفر مع وعد ان بكرة هيقضوا اليوم سوا في قصر مهاب العدلي
@@@@@@@@@@@@@@@@@@@
$$$$$$$$$$$$$$$$$$$$$$$$$$$$$
- ماما حبيبتي
* كيفك غاليتي اشتقتلك كتير
- وأنا كمان اشتقتلك
* أنتي حبيبتي يا سيلين. أنثى ئطعة مني
- وأنا بحبك اوى ومبسوطة انك أمي ولو اقدر ارجع الزمن. كنت رجعته علشان اغير كل حاجة فيه
* الزمن مابيصير يرجع يا سيلين ولو بدو يرجع رح بعمل متل ما عملت بالماضي أنا مو ندمانة عالشي. الحياة بدها تسير يا سيلين ومابتوقف عاحدا
- يعني ماكنش نفسك تعيشي معايا وماتبعديش عني
* إذا هالشي رح يكون عحسابك انتي لا مابدي هيك أنا كل اللي بدي إياه هو انتي وحمايتك وحياتك
- وأنا كل اللي كنت عايزاه هو انتي وحضنك
* هاد ئدرنا ومكتوب إلنا. بفوتك سالمة يا غالية ماما
- ماما انتي رايحة فين استني. استني شوية.
* الحياة بدها تستمر حبيبتي. مابتوقف عاحدا ولا عالشي حافظي على اللي جواتك. رح بتصيري أم وبتعرفي أنه إي شي كرمال الضنا مو مستحيل أبدا
- ماما استني. ماما. لاء ماتمشيش ماتمشيش استني ماما. خليكي شوية ماما
***************
وقامت سيلين مفزوعة من النوم وهي بتبص حواليها وبعدين عرفت أنه كان مجرد حلم وبقت على أسر اللي نايم جنبها ورجعت تنام تاني مكانها
سيلين بأبتسامة وهمس / احلى حلم يا احلى وأقوى أم
ربنا يرحمك ويغفرلك ويجمعني بيكي انتي وبابا في الآخرة
@@@@@@@@@@@@@@@@@@@@
صباحا
النهاردة الجمعة واجازة وكعادة عيلة تاج الدين بيتجمعوا في اليوم ده
والتجمع النهاردة كان في قصر يوسف تاج الدين
وسيلين النهاردة صاحية من النوم بكل نشاط وسعادة.
كفاية أنها شافتها واتكلمت معاها. مش عايزة اكتر من كدة حتى ولو مجرد حلم
وعلى سفرة الغدا
رامي / سيلووو انتي هترجعي الشغل امتى
سيلين/ قريب ان شاء الله
رامي / يعني امتى.
سيلين / ممكن على الاسبوع الجاي ولا حاجة دا اذا عيشت
أحمد / بعد الشر ليه بتقولي كدة
سيلين بأبتسامة/ بس انا ماقولتش حاجة بقول اذا عيشت. والموت مش شر دي حقيقة وعادي ممكن اموت في أي وقت ماحدش عارف قدره مخبي ايه
أسر بضيق / ايه يا سيلين الكلام ده.
رحمة / كلام يخوف ماتقوليش كدة تاني. دا انا اموت لو جرالك حاجة
سيلين بأبتسامة حقيقية وصادقة لكن فيها حزن / الحياة مابتقفش على حد. صحيح الفراق صعب. وصعب جدا كمان
لكن كلنا مصيرنا الموت والنهاية
ولو انا مت انتي مش هتموتي ولا حاحة ولا حد بيموت من الفراق. اه هتزعلوا عليا شوية لكن مع الوقت هتتأقلموا والحياة هتستمر
( مجنونة دي. موت وفراق. يعني تضيع مني وماشوفهاش تاني لا طبعا دا مستحيل. هي ازاي تقول كدة وبكل بساطة )
أسر قام بغضب من على السفرة بعد ما وقع كوباية من على السفرة
سيلين / أسر. انت رايح فين
محمود بعنف / ايه اللي انتي بتقوليه ده. أنثى اتجننتي يا سيلين
سيلين/ في ايه يا جماعة اهدوا كدة. أنا والله مش قصدي حاجة
سناء / مش قصدك ايه وانتي وقعتي قلبي بكلامك ده يا سيلين حرام عليكي يا بنتي
( ودموعها نزلت بخوف )
سيلين قامت من مكانها وراحتلها ومسحت دموعها وحضنتها
سيلين / حبيبتي يا غالية والله ماقصدي كل ده. أنا بس سرحت من غير ما أقصد. وبعدين ماتقلقيش ما أنا ادامك اهوه أنا بس بشرحلها على سبيل المثال مش اكتر.
محمد بضيق / لا مثال ولا تمثال ماتفتحيش الموضوع ده تاني
سيلين بأبتسامة بسيطة / حاضر والله ما هفتحه تاني حرمت خلاص. كملوا اكلكوا على ما اروح اشوف اسر
رامي / أكل ايه بعد اللي امتى قولتيه دا. دا أنا قلبي انقبض والله
سيلين / نهار اسوح في ايه يا جماعة هو أنا قولت ايه لده كله
عادل / خلاص يا حبيبتي روحي شوفي أسر وهاتيه وتعالي كملوا اكلكوا
( وخرجت سيلين تنادي أسر لقيته في الجنينة واقف متحفز )
حضنته من ضهره
سيلين / حبيبي أنا اسفة
أسر فك ايديها ولف وشه و وقف ادامها وبدون أي مقدمات حضنها جامد جدا وبقوة وكأنه بيعاقبها على الكلام اللي قالته بالحضن ده
سيلين / والله انا معنديش اعتراض على الحضن. بس يوسف في النص يا ابو يوسف
أسر وهو لسه حاضنها / أنا حياتي هتقف من غيرك. مش هموت. لكن هعيش وأنا ميت
كل يوم قلبي هيتحرق مليون مرة. هتدمر. بس انا واثق ان ربنا مش هياخدك مني لأنه مابيحملش مخلوق فوق طاقته وهو عارف وعالم بحالي هيبقى ازاي بعدك. وإني مش هتحمل يجرالك حاجة علشان كدة نجاكي ليا من شر المافيا وهيحميكي دايما من كل شر
سيلين/ ربنا مايحرمني منك ويسعد قلبك يا حبيبي. ونعيش حياتنا في سعادة يارب
@@@@@@@@@@@@@@@@@@@@
##############################
واليوم انتهي بدون أحداث تانية.
غير أن البنات اتفقوا يتقابلوا بكرة في المطعم علشان رودي تتعرف على سيلين
لكن مايعرفوش المجهول اللي مستنيهم بكرة مع بعض والخطر اللي كل العشاق هيواجهوه في يوم واحد و وقت واحد و مكان واحد
حافظ على حبيبك
النهاردة هو بين ايديك
ممكن بكرة يكون في مكان تاني
النهاردة هو ملك ليك
ممكن بكرة يكون ملك لحد تاني
العمر مش طويل. ولا قصير
دي حاجة منعرفهاش وفي علم الذي بيده ملكوت كل شئ
اعتذروا. تصالحوا سامحوا
ماتستنوش الفرصة التانية علشان ممكن مايبقاش في فرصة تانية
