رواية مدللة كسرت كبريائي الفصل الثالث عشر 13 بقلم ميرا اسماعيل
البارت (13) :رواية مدللة كسرت كبريائي
تأليفي ميرا إسماعيل
*********************************
فى كلية نور
نور .. إيه اللي خرجك من المحاضرة
رائد بعدم اهتمام .. عادى الدكاترة راغين جداااااا
نور .. راغين والله انت مش طبيعى وبفضول مش ناوى تقولى انت إيه إللى جابك هنا
رائد .. احكى أنت الاول
نور .. لا انا إللى سألت الاول يلا
رائد .. انا يا ستى
نور بمقاطعة .. ثوانى يا رائد صفا جاية
رائد .. صفا مين ؟
صفا كانت وصلت ليهم .. نور خلصتى علشان نعاود
نور .. اه بس تعالى اعرفك صفا دا رائد رائد دى صفا تبقا زى اختى بالظبط
رائد مد ايده .. اهلا ازيك صفا
صفا .. اسفة مبسلمش يلا يا نور
نور بإحراج .. معلش يا رائد هنتقابل وهتحكى ليا حكايتك
رائد .. اوك سلام
نور .. سلام
ومشى رائد
نور .. ليه كده كسفتى رائد جداااااا
صفا .. انت عبيطة سايبة الجامعة كلها وراح تتكلمى مع ولد وكمان شكله مش تمام
نور .. وانت حكمتى انه مش تمام ازاى لعلمك بقا انا ارتحت ليه جدا
صفا .. جولى أكده جدام ليث وهو يفصل راسك عن جسمك
نور بخوف .. ليه كنت عملت إيه ؟
صفا .. نور إهنا غير مصر أى حد يشوفك بتتحدتى وياه هيجول عليكى كلام عفش جوى بلاش يا نور
نور .. اوووووووف بقا يلا نروح اقفلتينى
صفا .. جدامى واوعاكى تحكى ل ليث على اللي اسميه رائد دا وانت متتحدتيش وياه تانى واصل اتفجنا
نور بعدم اهتمام .. اوك يلا بقا
وخرجو الاتنين فى طريقهم للعودة
فى قصر الجبالى (فيلا الجبالى)
الحاجة سعاد .. خلصتى الغدا يا صفية يا بتى
صفية .. خلصت ياحاجة اول ما البنات تعاود هنحط الوكل طوالى
الحاجة سعاد .. ربنا يكرمك يا بتى هروح أنى ادخل الجهوة للحج
صفية وهى تتجه للمطبخ .. ماشى يا حجة
فى المندرة
الحاجة سعاد ... الجهوة يا حج
رؤوف .. تسلم يدك البنات ورؤوف جم ولا لسه ؟
الحاجة سعاد .. رؤوف رجع لكن صفا ونور لسه زمانهم على وصول
رؤوف .. ربنا يسترها عليهم
الحاجة سعاد .. يارب
وسمعو صوت دوشة
الحاجة سعاد .. إهو جم نور جلبك جت
رؤوف .. طبعا دى جلبى كله مش نوره بس عاملة حس للدوار كيف
الحاجة سعاد .. ربنا ما يحرمنا من حسها ابدا
نور دخلت عليهم
نور بمرح .. جدوو حبيبي وحشتني
رؤوف .. أنى اتوحشتك جوى يا جلب جدك
نور وهى بتحضنه .. انا مبسوطة قوى الجامعة عالم تانى يا جدو
رؤوف .. ربنا يوفجك و تكونى احسن ضاكتورة فى مصر كلتها
ليث بفرحة حقيقة .. يارب يا جدى حمد الله علي سلامتك يا نور
نور .. انا مخصماك متكلمنيش
ليث .. واه ليه أنى عملت إيه ؟
نور .. تبعت لينا السواق ومتجيش ليه ؟ ايه المهم إللى وراك يعطلك عنى
ليث .. حجك عليا بس فعلا كان عندى شغل كتير
نور .. تؤتؤ وبصت ل جدها انا طالعة اغير هدومى
فى غرفة نور بعد ما اخدت شور وغيرت هدومها وهى خارجة ليث كان واقف علي باب الغرفة
نور باستغراب .. انت واقف كده ليه ؟
ليث .. مستنى نورى علشان ترضى عنى
نور .. لاء مش هصلحك ها
ليث طلع من جيبة شوكولاتة .. حتى بعد دى
نور .. الله دى الشكولاتة إللى بحبها وبعيند بس لاء كان نفسي تيجى تاخدنى اول يوم
ليث بزهق بسيط .. نور هو انت صغيرة وانا هاجى أخدك من المدرسة
نور بحزن .. لأ مش صغيرة بس كمان عمر ما حد كان ييجى ياخدنى من المدرسة اول يوم كان لازم كل إللى معاى فى المدرسة مامتهم او بابهم يجى ياخدهم إلا انا عمرها ما حصلت وكان نفسي تيجى ليا النهاردة ومسحت دموعها وبتحول غريب انا نازلة اكل انا جوعت
ونزلت نور
ليث وهو ينظر لها ولمكانها الخالى بعد انصرافها
ليث .. كل دا فى جلبك يا نور بس ملحوجة والله لفرحك واخدك كل يوم بس لازمن الجا طريجة عشان اصالحها وبعد تفكير بس لجيتها
علي السفرة
نور بهمس ل صفا .. فارس كلمك ؟
صفا .. اه ليه ؟
نور .. سأل عليا قصدى يعنى غريبة يقعد كل دا وميسالش عليا
صفا .. معلش هو مشغول جوى فى نبض الجلب
نور بفرحة .. بجد سماها نبض القلب
صفا باستغراب .. هو متحدتش و.ياكى من مده ولا إيه ؟
نور بحزن .. اه من فترة من يوم مسافر بعد خطبوتكم
رؤوف الصغير .. نور يا اختى الا قوليلى
نور .. اقولك ايه ؟
رؤوف الصغير .. إيه اخبار الجامعة على حسك فى اول يوم عملتى إيه ؟ احكى بالتفاصيل
نور حكت ليهم كل إللى حصل
رؤوف الصغير .. وقابلتى ناس اتكلمتى معاهم
نور ... وزعت نظرها بين صفا إللى بتحذرها وبين ليث إللى للحظة خافت منه ردت على رؤوف وعيونها فى طعامها
نور .. لا مكلمتش حد
وانتهى الغدا وخرج ليث من غير أى كلام مع نور
نور خرجت قعدت في الجنينة وصفا بتذاكر فى غرفتها ورؤوف الصغير خرج على الاسطبل
نور كانت لوحدها والزهق هيموتها
ليث من وراها .. نورى جاعدة(قاعدة)ل حالها ليه ؟
نور بزهق ..هوانا كنت لقيت حد اقعد معاه وقولت لاء وبعدين انا زعلانة منك انا طالعة
ليث .. استنى بس هجولك
نور .. استنيت خير عايز ايه
ليث .. مش إهنا تعالى معايا
نور بعيند .. مش جاية معاك انا هطلع انام
ليث .. نور بلاش تعيندى جصادى يلا امشى معايا
نور .. وانا قولت لاء هتعمل ايه هو بالعافي وقبل ما تكمل كلامها كان ليث حمل نور على ايده ومشى
نور .. نزلنى يا ليث نزلنى
ليث .. لاه واسكتى واهمدى بطلى حركة كتير
نور سكتت ووصل ليث ل مكانهم ونزلها امام الباب
ليث .. ممكن تهدى بجا ومسك وجنتيها برقه حجك عليا يا نورى بس فعلا كت مشغول جوى بس وعد كل يوم أنى إللى هوديكى واجيبك كمان
نور .. انا مش زعلانة منك يا ليث خلاص ممكن ارجع بقا
ليث .. أكده يا نور معيزاش تسامحى ليثك
نور بدموع .. صدقنى مش زعلانة منك انا مش زعلانة وارتمت بدون مقدمات فى حضن ليث وانفجرت فى البكاء
ليث بخضة .. مالك يا نور فيكى إيه وبتبكى ليه ؟
نور . .. كان بتبكى لاسباب كتير بعد فارس وانشغاله عنها المكان جديد عليها وقلقانة من دراستها والاهم كدبها علي ليث انها مكلمتش حد وهى كلمت رائد وكمان حاسة إن نفسها يجى بكرة علشان تقابلو دا ليه الاحساس دا مش لقيا تفسير فكرت إن ممكن يكون جدها كان صح وهى دلوقتى فى مرحلة الافاقة والإجابة كانت واضحة وصريحة لأ هى بتحب ليث ومفيش راجل ممكن يكون فى مقارنة مع الليث مفيش اصلا حد ينفع يكون منافس ل ليث آمال إيه السبب ؟ واما هى واثقة إنها صح خافت من رد فعل ليث ليه ؟ قطع تفكيرها صوت ليث
ليث .. نور مالك سرحتى فى إيه ؟
نور ... مفيش يا ليث انا كويسة بس،بصراحة زعلانة من فارس من يوم ما سافر مفكرش يسأل عليا وبنظرة كلها وجع هو انت ممكن تبعد عنى زيهم
ليث ..زيهم هما مين ؟ وبعدين دا موتى فى بعدك عنى
نور .. بجد يعنى مش هتكون زى بابا وماما وفارس وجدو فريد
ليث .. مالك يا نور فيكى إيه ؟
نور.. قولت مفيش بس زعلانة من فارس وجت فيك سورى
ليث ..ولا يهمك يا جلبي ومتخفيش عمرى ما استغنا عنك لو الدنيا كلها استغنت انا لاه أنى امانك مش دا حديتك ولا إيه ؟
نور .. ايوة كلامى فين بقى الشكولاتة بتعتى اوعى تكون اكلتها
ليث .. لاه هى جواه وحاجات كتير جوى تعالى
ودخلت نور كان ليث عامل قلب كبير بالشكولاتة واسمها جوا القلب بالورد نور كانت فرحانة جدا وبتلتفت ل ليث كان ماسك فى ايده غزل البنات
نور ..الله يا ليث دا كله علشانى
ليث .. طبعا مكافأة واعتذار
نور .. باستغراب اعتذار وفهمتها إنما ايه سبب المكافأة
ليث ..علشان نورى النهاردة فى الجامعة متسرعتش واتعرفت على أي حد بسرعة
نور بتلعثم ... اااااه فففهمت
ليث .. ربنا ما يحرمنى منيكى يا نورى
نور .. ولا منك يلا اكلنى من غزل البنات بقا
ليث لسه هيرد سمع اتنين من الغفر بيتكلمو مع بعض
الاول ..مشفتش ليث بيه ؟
التاني.. لاه ليه ؟
الاول .. نورى بتولد وشيعنا للضاكتور بس لازمن يعرف
فى الداخل
نور بلهفة .. نورى يلا يا ليث
ليث .. استنى اما يمشو وبعدها نطلعو
نور باستغراب .. ليه ؟!
ليث .. كيف يعنى أنى وانت ل حالنا فى مكان بعيد عن الدوار والارض لو خرجنا من إهنا الشيطان هيلعب فى راسهم هما صحيح ميجدروش يجيبو سيرتك فى العلن بس يقدرو يتحدتو عنيكى فى السر وأنى مجبلش دا واصل
نور .. بحب واضح فى عيونها بحبك بحبك اوي
ليث .. وأنى بحلم باليوم إللى جدى يفك الحظر ونتجوز
نور .. بس،يا ليث
ليث .. زمنهم مشيو يلا نروح الاسطبل
وانطلق الاتنين تجاه الاسطبل
فى الاسطبل
رؤوف الصغير .. كنتو فين نورى ولدت وجابت فرس شبه ليل
ليث ... هههههه كويس يبجى عندينا 2 من ليل أنى داخل اطمن من الدكتور
نور .. رؤوف هى نورى عيطت وهى بتولد
رؤوف بتريقة .. لا عيطت إيه دى فضلت تصوت تصوت وتقول الحقونى الحقونى شفتى فيلم الانسة حنفى أما اسماعيل ياسين كان بيولد كان بيقول يا ام السعد يا ام السعد نورى كانت بتقول يا ابو سعد
نور .. ابو سعد ليه ؟
رؤوف الصغير .. اصل الدكتور ابنه اسمه سعد
نور .. يعينى اكيد تعبت وبانتباه ازاى نورى صوتت واتكلمت هى انسان علشان يتكلم
رؤوف الصغير .. قولى ل نفسك وهى هتعيط ازاى
ليث .. الخيل حساس أوي مش زيك غور من إهنا
رؤوف الصغير . هغور انا غلطان انى بتكلم معاكم هروح ل ناس تقدرنى
نور .. يارب يا خدوك ليهم ونخلص منك
رؤوف .. والله مش هتقدرو تعيشو من غيري دا انا رؤوف الجبالى
ليث. .. تعرف ايه اللي منعنى عنيك
رؤوف الصغير .. إيه ها ؟
ليث .. إنك علي اسم جدى غير أكده كنت ولعت فيك يلا ارجع علي الدوار وجول ليهم أن نورى ولدت
رؤوف طبعا كان اختفى
ليث .. تعالى نشوف الفرس الجديد
نور بفرحة .. يلا
ودخلو على نورى و الفرس المولود
نورى أصدرت صهيل متعب لكن يعبر عن فرحتها وكأنها تخبرها انها سعيدة بوجود الفرس الصغير وليل كان يقف بجوارهم ويصدر صهيل عالى وقوى
نور .. الله يا ليث بقو عائلة
ليث .. ضمها داخل حضنه شايف يا جلب الليث من جوه ها هتسمى الفرس إيه ؟
نور .. انا إللى هسميه ؟
ليث .. اه يلا اختارى
نور .. بيأس مش عارفة اسميه ايه هو شبه ليل جدا واكيد هيكون قوى زية ولازم يكون حنين زى نورى يبقا الجاسر ايه رايك ؟
ليث .. الجاسر ولد ليل
نور ... ههههه انت هتعملهم بطاقة
ليث .. علي رايك واتجاه ناحية الفرس الذى كان يحاول أن يرضع جيدا نورت عائلة ليل ونورى يا الجاسر
ليث .. يلا بينا الوجت بجا ليل
نور .. يلا بينا
وانقضى اليوم ب سعادة على الجميع
فى اليوم التالى فى الصباح الباكر امام الجامعة
صفا .. شكرا يا ليث أنى هنزل إهنا
ليث .. هتخلصى على ميتا ؟
صفا ".. على 2 ليه ؟
ليث .. هبجا اجى اخدكم
صفا .. ماشي يلا سلام عليكم
ليث ونور ... وعليكم السلام
امام كليه نور
نور .. هتوحشنى وشكرا على التوصيله
ليث .. اى خدمة انتى تؤمرى
نور .. هو فى ملك يأمر الملك يطلب واحنا نفذ
ليث .. ملك مرة واحده
نور .. ملكى وتاج راسى يا قلبى
ليث .. انى بجول تنزلى احسن نعملو فعل فاضح امام الجامعة
نور .. لا وعلى ايه سلام هستناك اخر النهار وبتاكيد اوعى تبعت السواق
ليث .. هو انى اجدر سلام عليكم
نور .. وعليكم السلام وفضلت عينها على سيارته لحد ما اختفت ولسه بتتلفت لقت فريد
نور كأنها مشفتش فريد وماشية
فريد .. للدرجة دى زعلانة منى ومش عايزة تكلمينى بس انت وحشتينى جدااااا
نور .. حضرتك زعلاتنى جامد وكمان مش عايز تقول أن إللى حصل غلط وانك غلطت "
فريد .. بكرة تعرفي انى بعمل دا ل مصلحتك صدقينى
نور .. مش عايزة المصلحة إللى هتبعدنى عن ليث مش عايزها
فريد .. ليث ليث حياتك كلها ليث بس ياريت تكونى انت كل حياته كده
نور بغضب .. تانى تانى بتشكك فى حبه ليا وحبى ليه
فريد قرب عليها .. خلاص مش هشكك بس انا جاى من القاهرة ل غاية هنا علشان وحشتيني
نور .. وانت كمان يا جدو وحشتنى بس علشان خاطرى سيب علاقتى انا وليث لينا احنا احنا اللي نتحكم فيها ممكن
فريد .. لو هتدينى حضن كبير يبقا ممكن
نور حضنت فريد لانه كان فعلا وحشها جدااااا
فريد ... يلا شوفى محاضراتك
نور .. ماشي سلام يا جدو وابقا سلميلى على فارس
فريد .. من عنيا يا قلبي مع السلامة يا احلى دكتورة
وركب فريد التاكسي واتجاه للمطار بس وهو مصمم أن لازم نور ترجع ل حضنه مهما كان الثمن ؟!!
داخل كليه نور
رائد .. بتدورى على حد ؟
نور ... اه بدور عليك كنت فين ؟
رائد .. هكون فين موجود فى الكافتريا
نور .. طب قدامى على المحاضرة واياك تخرج منها
رائد .. هو يضع نظارته على راسه والله كان نفسي جدا بس مع الاسف المحاضرة اتلغت
نور .. اتلغت من اول اسبوع إحنا لحقنا
رائد .. تعالى نفطر انا مفطرتش
نور .. انت لسه هتفطر احنا عندنا ممنوع الخروج من غير فطار
رائد بوجع .. يا بختك
نور .. حست بوجع رائد فى كلامه وغيرت الموضوع انت زعلت من صفا امبارح
رائد .. لا خالص هى مش اول واحده عادى
نور .. بص بقا انا الفضول هيموتنى انت ايه حكايتك وليه جيت هنا
رائد .. علشان اشوف العيون دول
نور .. رائد بطل تعمل نفسك مقطع السمكة وديلها
رائد .. مكشوف قوى
نور ... قوى قوى
رائد ... عندنا 3ساعات للمحاضرة الجاية يلا ونتكلم
واتجاهت نور ورائد لمكان خالى بعض الشئ
وجلست نور ورائد امامها
رائد ... يا ستى انا رائد البحيرى من القاهرة والدى والدتى اتوفو اما كنت فى ثانوية عامة يعنى من اربع سنين كان حلمهم اكون دكتور جراحة شاطر عمى عادل البحيرى رجل اعمال بقا واصى عليا وعيشت معاهم بس مع الاسف مرات عمى بتكرهنى جدا خصوصا اما عرفت انى
نور .. إنك إيه ؟
رائد بابتسامة رائعة ... بحب مليكة بنتها
نور .. اوعى تقلى أن مليكة بتحبك
رائد .. بغضب ليه متحبنيش انا وحش قوى كده
نور .. اهدى يا رائد انا مش قصدى كده انا قصدى انها لو بتحبك يبقا دخلنا فى شغل الافلام بس لأ طبعا انت مش وحش وانا متأكده
رائد .. ايوة بتحبنى وعلشان كده مرات عمى اعلنت رفضها ليا رفض واضح وصريح إنها لا يمكن توافق أنى اتجوزها أو حتى ارتبط بيها وقالت أنى اخد ورثى وامشي بس عمى رفض وقال بعد الجامعة
نور .. طيب دا سبب انك تكمل دراستك مش،تكبر دماغك منها وسورى انت اكيد كنت شاطر جدا علشان والدك يطلب منك تدخل كلية طب وكمان قسم جراحة
رائد .. انا كل سنة كنت بكون واخد مركز علي الجمهورية بس لما يوصل الموضوع ل مليكة كان لازم عمى ييأس منى و.يبعدنى عنه بس كل ما انا اعنيد و .أفشل هو كمان يعنيد وينقلنى جامعة تانية
نور بمقاطعة .. برده إيه اللي يخليك تسمع كلام مرات عمك دى؟
رائد .. ما انا قولت ليكى مليكة طبعا
نور .. قولت بس مقولتش ليه ؟
رائد .. كانت على طول بتهزهقها وتحبسها وفى مرة كانت مصممة انها تجوزها ابن واحدة صاحبتها ودا خلا مليكة تنتحر وطبعا كنت لازم اخد موقف وعملت إللى مرات عمى قالت عليه أنى افشل وافشل ووصل كلام ل عمى انى فاشل وبتاع بنات بس عمى كانه رافض يصدق بس دى كل الحكاية انت بقا إيه حكايتك
نور .. انت ليه حكيت ليا كان ممكن تكذب على فكرة
رائد ... ببساطة عمر ما حد فكر يسألني وانا مش عايز اكدب
نور .. انا كنت فاكرة انى واحدة حزينة وحياتها كلها وجع بس بعد كلامك عرفت انى معنديش مشاكل اصلا انا يا سيدى حفيدة رؤوف الجبالى بابا اتعرف على ماما فى الجامعة واتجوزها بس بعد كده اكتشف انه غلط بس كنت انا جيت اطلقو بابا اتجوز والدة صفا إللى شفتها معايا وماما اتجوزت وسافرت باريس وانا اتربيت بين القاهرة والصعيد فى القاهرة مع جدو فريد وهنا مع احلى عائلة عائلتى
رائد ..انت مخطوبة؟
نور .. اه مخطوبة ابن عمى وحب عمرى كله وحياتى كلها ليث الجبالى
رائد .. دى قصة حب جامده
نور .. جداااااا
رائد .. ربنا يخليوك ل بعض
نور .. ويخلى ليك مليكة
رائد .. وحشتنى جدااااا
نور ... سهل ترجع بس وانت معاك شهادتك ومحقق حلمك وحلم مليكة وحلم والدك والدتك
رائد .. ومرات عمى
نور .. انت بعيد عنها وطول ما انت بعيد هى تطمن وأنت تنجح وتقف قدام الكل وتاخد مليكة ليك وتكون ملكك للابد
رائد .. هفكر
نور .. من غير تفكير والبداية من النهاردة من دلوقتى اتكلمنا وفطرنا يلا على المحاضرة
رائد .. يلا بينا
