رواية مدللة كسرت كبريائي الفصل الرابع عشر 14 بقلم ميرا اسماعيل
البارت (14) :رواية مدللة كسرت كبريائي
تأليفي ميرا إسماعيل
*****************************
بعد مرور شهرين لم يحدث الكثير إلا صداقة نور ورائد ازدادت تعمق طبعا بعدم معرفة ليث فى الاول كانت تخشي ليث لكن مع الايام تناست خوفها
اما رائد فالتزم بدخول المحاضرات والمذاكرة الجيدة
اما فارس انتهى من تجهيز مستشفى نبض القلب ويقوم بإلحاح على رؤوف الجبالى بتعجيل الزواج
اما صفا فهى ونور صارو أصدقاء وانتهى كل الحقد والكره
امام مبنى كلية طب بجامعة اسيوط
نور بغضب .. المادة دى هضيعنى وهضيع تعب الترم كله مش،فاهمة اي حاجة من دكتور فرعه دا
رائد ... ههههه فرعه اه والله عندك حق هو طوووويل اوى
نور .. انت بتضحك احنا بنضيع انا جدى مش،هيقبل باقل من امتياز
رائد ... طيب اهدى انا هشرحك المادة يا ستى
نور بصدمة ... انت ازاى
رائد .. اظهار انك نسيتى انى سمعتها 4مرات من 4دكاترة
نور .. اخ فعلا نسيت تعرف لو فهمت المادة دى فعلا منك هحقق ليك أمنية غالية عندك
رائد .. اه عارف انا الكلمتين دول وفى الاخر القى نفسي معزوم على سندوتش شاورما وانا إللى ادفع الحساب
نور بمكر .. تؤتؤ المرة دى بجد
رائد .. قدامى علشان الحق اشرح ليكى قبل ما سي ليث او،صفا يوصلو واهرب كالعادة
هذا هو الاتفاق بين نور ورائد فى حالة ظهور ليث أو صفا ف لابد من اختفاء رائد فى الاول رائد اعترض كثير جدا وعرض عليها عدم الالتقاء بها مجددا لكن نور رفضت وبعد كثير من الحوار وافق رائد لان نور بالنسبة له الأهل والاصدقاء كان ومازال يقول لها انها اسم على مسمى فهى نور حقا
انطلق رائد ونور لبدء رائد مساعدة نور ف فهم المادة
فى كلية آداب جامعة القاهرة
تقف فتاه جميلة ببشرة خمرى وعيون باللون الزيتونى وشعر اسود طويل وغزير إنها نعم مليكة البحيرى
تأتى دعاء وهى صديقة مليكة من اول يوم في الجامعة
دعاء بمرح .. الجميل قاعد لوحده ليه ؟
مليكة بحزن .. رائد وحشنى جدا يا دعاء
دعاء .. تانى رائد مش قولنا ننسا دا واحد فاشل انت دى اخر سنة وهتتخرجى انما هو يا عالم هيطلع من إعدادى طب امتا
مليكة التزمت الصمت
دعاء .. متزعليش منى انا خايفة تعلقى نفسك بيه وبصراحة يعنى ليلي هانم عمرها ما هتوافق ابدا عليه صح ولا انا غلطانة
مليكة حركت راسها دليل على الموافقة
دعاء .. المهم هتطلعى معانا الرحلة
مليكة .. نسيت خالص اقول ل بابي
دعاء .. لازم تيجى دى تقريبا كل الدفعة طالعة
مليكة .. اكيد هطلع بس لازم ابلغهم يلا بينا على المحاضرة
عند رائد ونور
نور بفرحة .. هو دا انت شرحت المادة احسن من دكتور ابو طويلة
رائد .. بس يا معقدة انت إللى قصيرة
نور .. بقا كده طيب مفيش تحقيق امنية
رائد .. لا خلاص قولى انهى امنية ناوية تحققيها ليا فاضل الفول والطعمية
نور بمكر .. بلدى قوى فول وطعمية ولا مليكة البحيرى
رائد .. مممليكة واتعدل ازاى هشوف مليكة
نور .. لا خلاص انت زعلتنى وانا زعلى وحش
رائد .. اهون عليكى دا انا رائد طيب هو فعلا دكتور فرعة وأبو طويلة وانت ست البنات ها بقا هشوفها ازاى وانا ممنوع اسافر لانى لو سافرت البودى جارد هيقول ل ليلي هانم
نور .. ومين قال انك هتسافر هى إللى هتيجى
رائد .. تيجى فين ؟ انت قصدك ايه
نور .. هفهمك بس،بشرط
رائد .. نور انجزى
نور .. الله متشختش والله اقول ل ليث
رائد .. يا شيخة اتلهى ليث مين ؟ دا لو عرف أننا بنكلم بعض ممكن يقتلنا إحنا الاتنين
نور .. فعلا المهم من غير لف ولا دوران مواد الامتياز تزيد مادة وانا اجبلك مليكة تشوفها وتقضى معاها كمان 10ايام
رائد بحب. ... انت بتقولى كده بس علشان اوعدك عموما انا وعدتك انى هنجح وبتقدير كمان انا قايم
نور .. استنا انا مش بهزر انا بتكلم بجد عندى طريقة تجيب مليكة هنا 10ايام
رائد.. نور ازاى الكلام دا هتيجى ازاى ؟ وبحجة ايه ؟ وهتقعد فين ؟
نور وهى بتلف حوالين رائد .. هتيجى ازاى بالعربية أو الطيارة إللى يعجبها ايه هى الحجة رحلة عاملاها الجامعة وهى عايزة تروح وطبعا ليلي هانم هتوافق لان مليكة ماشية على الخطة واما بقا هتقعد فين هتقعد فى قصر الجبالى لانها ضيفة نور الجبالى إللى عيد ميلادها قرب وعايزة حد يساعدها فى تجهيزه ها ايه رايك
رائد ... فكرة حلوة بس ليلي هانم هتعدى عليها ممكن تسأل فى الجامعة وتعرف الحقيقة وساعتها كل خطتك تتهد
نور .. متخفش اولا هى فعلا ماشية على الخطة ولا
رائد ... ماشية بطلت تتكلم أو تسأل عليا واما تيجى سيرتى بتتكلم عليا وحش وآخر حاجة قالت ل ليلي انها كان عندها حق واما انا بعدت هى حست انها عمرها محبتنى وان دا كان تعلق شفقة والخ يعنى كله تمام بس بردة
نور .. أولا هى اكيد كده اطمأنت وعمرها ما هتسال وحتى لو سألت هتلاقى فعلا فى رحلة ل اسكندرية
رائد .. بشك وانت عرفتى منين ؟
نور ... ابدا بابا فى واحد دكتور فى الجامعة فى كلية آداب
كان بيكلمه وفى وسط الكلام جاب السيرة كان عايز بابا ياخد اجازة من الشغل ويتقابلو مع بعض بس يا سيدى دى كل الحكايةايه رايك في الهدية دى مش كانت وحشاك كل يوم تستلمها منى وتسلمها ليا ارجع بيها اما عندنا سيبها عليا مش هغلب قولت ايه
رائد .. تغلبى دا انت مصيبة اقول ايه هى فعلا وحشانى جداااااا هقولها
نور .. قل اعوذ برب الفلق انت هتحسدنى قولت ايه استاهل تطلع بامتياز السنة كاملة
رائد .. نور طب خليها ترم بس
نور .. ولا نور ولاضلمة فى وعد انك تنجح السنة دى بتقدير امتياز يبقا فى مليكة مفيش وعد سورى مفيش مليكة
رائد .. ماشى يا نورى
نور .. ها اوعى تقول الاسم دا تانى دا خاص ب ليث وبس
رائد .. ربنا يخليكو لبعض يلا امشى علشان زمانه جه
نور .. سلام
رائد بابتسامة .. سلام يا احلى نور
وخرجت نور
عند بوابة الكلية
نور .. وحشتني اتاخرت عليك
ليث .. لاه يا جلبي انى لسه واصل يلا يدوب نلحجو صفا
نور .. يلا يا عمرى انت
وانطلق ليث ونور ل صفا وغادرو الجامعة
في شقة فى اسيوط
رائد بيتكلم في التليفون .. قولتى ايه يا مليكة
مليكة بهمس لكن بفرحة .. طبعا موافقة انت وحشتني جدا بس انا بصراحة خايفة من ماما وكمان انا معرفش نور
رائد ".. لو علي ليلي هانم هى اكيد مطمنة أما نور دى طيبة جدا وهتحبيها جدا
مليكة .. اكيد هحبها كفاية انها رجعت حبيبى تانى ليا
رائد .. بحبك يا مليكة وصدقينى هعوضك عن كل حاجة هذاكر وانجح واشتغل اتجوزك واعملك فرح متعملش ل حد قبل كده
مليكة .. المهم انك معايا انا مش عايزة فرح ولا اى حاجة انا عايزة الدكتور رائد البحيرى دا حلمى وحلم مرات عمى وعمى الله يرحمهم
رائد .. الله يرحمهم حاضر يا مليكة هحقق حلمك وحلمنا وبصراحة انا مش قد نور دى لما بتقلب اجارك الله
مليكة .. انا نفسي اشوفها جدا
رائد .. اعملى إللى اتفقنا عليه واشوفك كمان 3ايام اتفقنا
مليكة .. اتفقنا
فى غرفة مليكة
مليكة .. يارب ماما توافق ولو مش وافقت يبقا بابا
ليلي .. مليكة انت بتكلمى نفسك
مليكة بخضة .. ممماما انت هنا من امتا
ليلي .. لسه حالا مالك يا مليكة
مليكة ".. اصل بصراحة فى رحلة عندنا ل اسكندرية الدفعة كلها طالعة وانا هموت واطلع
ليلي .. بس كده ولا يهمك اشتراك الرحلة ومصاريفك فى الرحلة هدية منى دا كفاية انك نسيتى الواد الفاشل دا
مليكة بخفوت .. شكرا يا ماما
فى قصر الجبالى (فيلا الجبالى)
صفا .. نور عزمتى فارس ولا لاه
نور بغضب .. لأ ومش عايزة اشوفه اصلا
فايز .. ليه بس ياقلبى
نور.. من ساعة الخطوبة علي الست صفا مفكرش يسأل عليا مرة واحدة
صفية ".. اكيد مشغول بس على طول بيسال صفا عليكى
نور ".. اها طبعا يكلم صفا لكن نور لاء
فارس من وراها .. وانا اقدر برده دا انت نور
نور اول ماشافت فارس محستش بنفسها غير وهى بتجرى على فارس .
نور بلهفة .. فارس وحشتني جدا
فارس .. وانت كمان والله بس غصب عنى مشغول فى نبض القلب
نور .. يا سلام نبض القلب اهم منى تسأل عليا
فارس بحنان .. حقك عليا انا جيت بنفسي علشان اشوفك اطول وقت قبل ما ابدا شغل
نور .. ماشى عفوا عنك علشان تعرف انى قلبي ابيض هات حضن بقا
فارس .. ابيض جدا خدى حضن بقا
نور دخلت جود حضنه فارس لانه فعلا كان وحشها جدا
ليث كان داخل هو وجده وشاف نور فى حضن فارس
ليث بغضب ".. نووووور
نور اتخضت لدرجة انها وهى بتخرج من حضن فارس كانت هتقع
نور .. للليث شوفت فففارس جه علشان عيد ميلادى
ليث .. والله ودا بجا يخليكى تحضنى فيه أكده
نور .. عادى دا اخويا ايه المشكلة مش،فاهمة
ليث .. مش فاهمة طبعا ماهو انا لو راجل كتى خفتى منى
فارس بتدخل .. اهدى يا ليث عموما حصل خير
ليث بصوت عالى .. حصل خير لو دخلت ولجيت أنى وصفا فى حضن بعض هتجول حصل خير
نور بغضب .. أولا علاقتك ب صفا مش زى انا وفارس وكمان انا سلمت عليه وحضنته قدام بابا وطنك صفية ووسط البيت يعنى مكناش فى مكان لوحدنا
رؤوف ... والله عال واجفين ل بعض ولا كن فى كبير واجف
نور بغضب . .. يا جدى ما هو بيقول كلام
رؤوف قطع كلامها ... نور صوتك عالي ودا مش صوح
نور ... انا اسفة بس هو إللى نرفزنى
رؤوف .. ليث مغلطتش انت غلطانة "
نور بصدمة ودموع ".. اانا لاء انا مش غلطانة فارس اخويا ومهما قولتو انى غلطت مش هسمع منكم عارفين ليه لانه كان سندى كان اكتر واحد بيقول انى ملك ليث اكتر واحد بيدافع عنكم وعن علاقتى بيكم من غيره ومن غيره تركيزه فى الصور عمرى ما كنت هسمعك ولا اكيد هسامحك وانتم جاين تقولو غلطت لو صفا حضنت رؤوف هتكون غلط انتو ليه تحكمو من غير أسئلة ليه الحكم بالظاهر صحيح هو ممكن يكون غيران بس الغيرة حاجة والشك حاجة تانية انتو كنت سايبنى وانا كنت معاه بيفهمنى من عينى كنت هموت من الزعل انه نسينى وقربت على ليث طبعا انت شايف دا هبل بس انا اكتر حاجة بكرها الفراق والبعد من يوم ما اتولدت وانا بشوف إللى بحبهم بيبعدو وينسو بابا بعد عنى وبعدها ماما فى الوقت دا ظهر فارس عارف يعنى ايه ممكن اخسره انو ينسانى زى بابا
فايز .. نور انا عمرى ما نسيتك
نور بتهكم .. والله ممكن تقولى كنت فاكر عيد ميلادى بلاش دا جيت معايا تكريم الوزارة ليا وخد من دا كتير حتى ماما نسيتنى ب مجرد جوزها من انكل مراد محاولتش تعترض وتقف قدام جدى وتقولو انا رجعت وبنتى تفضل جدى خد قرار وهى ما صدقت ونسيت كنت خايفة فارس يكون زيهم بس من فرحتى انه موجود محستش بنفسي ايه لسه شايف انك مش قوى كفاية علشان اخاف منك ووجهت كلامها ل جدها أنا اسفة ان صوتى كان عالى وبصت ل صفا اسفة يا صفا لو وكنت اتصرفت بطبيعتى مع خطيبك اسفة ليكم كلكم عن اذنكم انا هنام وطلعت نور وسابت الكل واقف مصعوق من كلام نور
فارس ".. احم انا اسف وسكت شوية انا لازم أسافر عن اذنكم "
رؤوف ".. استنا يا فارس وانت كمان يا ليث والكل يطلع فوج
فى غرفة نور
نور بتكلم رائد بمنتهى الهدوء
نور .. بجد يعنى كده خلاص هى هتيجى
رائد ".. اه ليلي وفقت وهى هتيجى انت لسه عند كلامك انها تيجى عندك
نور .. طبعا يا بنى قصر الجبالى بيستقبل القريب والغريب نتقابل بكرة ونظبط الدنيا "
وقفلت مع رائد ووقفت قدام المراية
وبعدين يا نور هتفضلى لغاية امتا لعبة الكل يحركها ل مصلحته
بس انا بحبهم مقدرش على بعدهم وانا اتنرفزت مع انى وعدت ليث هفكر بعقلى فى وقت الغضب طيب ليه طلعت فيهم كده لانك عارفة انك بتضحكى على ليث فسرتى نظرته شك مع انها كانت غيرة فسرتيها شك لانك مخبيا عليه صداقتك ب رائد بس بقا كفاية انت كدابة يا نور اسكتى اسكتى وفجأة نور مسكت زجاجة من على امامها وضربت بيها صورتها المنعكسة على المراية
فى المندرة
الحج رؤوف ... ايه رايكم فى كلام نور
فارس بأدب .. انا بتعامل مع نور انها اختى مقدرش اتخيل انها مش،موجودة فيها من غيرها حياتى كانت غير كده نور اسم على مسمى نورت حياة فارس فعلا
رؤوف .. وانت يا ليث جول إللى جواك
ليث .. أنى مستحملتش اشوفها أكده غصب عنى
رؤوف .. نور صحيح بالنسبة ل عوايدنا غلطانة لكن أنى واثج فيها وفى اخلاجها هى وفارس كمان اوعاك تكون فاكرني معرفش انك مش طايق فارس بس فى حاجة عايز اجولك عليها يا ليث
ليث بانتباه ".. حاجة ايه دى
رؤوف ".. فارس عرف انى خططت زمان انك تتجوز نور ومع أكده جال انه متأكده انك بتحبها
ليث .. يا جدى انى
رؤوف بمقاطعة .. نور ممكن تتعود على العوايد بالحب والتفاهم بلاش تعند جصادها واوعاك تنسا إنها نور الجبالى
ووجه كلامه ل فارس ..وانت يا ولدى مفيش سفر جبل عيد ميلادها وعايزك تسالها بينك وبينها أكده هى حبا الجامعه إهنا ولا رايده تسافر كان لازمن ليث اللي يسأل بس هو مصدج انها تكون موجودة فرح ونسي يسالها هى رايده ولا مش رايده
ليث لسه هيرد سمع صوت صفا بتصرخ
الكل جرى على صوت الصريخ
فى غرفة فايز
صفية .. هدى روحك يا سي فايز انت خابر نور عصبية لكن بتتراضى بسرعة
فايز .. انا فعلا غلطان انا مكنتش ليها اب ولا حتى ل رؤوف انا بفكر فى المستشفى وبس وناسي كل حاجة حتى مش بفرح ليها زى اى اب مع انى عندى كنز ومش حاسس بيه
صفية .. هتسامحك وانت عوضها نور طيبة وحنينة جوى
فايز .. عارف علشان كده كلنا جاين عليها
صفية .. فى عيد ميلادها اتصل ب نفين خليها تيجى وكلم ليث والحج رؤوف انه يسمح إن فريد جدها يحضر هتفرح جوى
فايز .. عندك حق هعمل كده ولسه هيكمل كلامه سمع صوت صفا وهى بتصرخ
وخرج جرى
الكل امام غرفة نور
ليث .. بتصرخى ليه ؟
صفا .. كنت طالعة ل نور علشان اتحدت وياها خبطت كتير وفجأة سمعتها بتصرخ و صوت تكسير جامد خبطت جامد بس مش راضية تفتح ومفيش صوت
ليث من غير تفكير كسر الباب ودخل كانت نور قاعدة امام المراية المكسورة ودموعها مغرقها ضامة رجليها امام صدرها وسانده راسها على رجليها
ليث بخفوت .. نور انت زينة
نور بدموع .. انا اسفة يا ليث ومسكته من طرف الجلباب انا مش وحشه.و لا كدابة بس انا
ليث نزل امامها .. خلاص يا نور الموضوع خلص انى اتعصبت وانت كمان خلصنا ملوش لازوم البكى
نور .. انا اسفة بس والله بحبك صدقنى بس مش عارفة انا بعمل ايه ولا بقول ايه فارس كان وحشنى وبس
ليث ".. خابر يا نور خلاص وياستى فارس هيفضل إهنا لغاية عيد ميلادك كفايا بكى بقا
نور حضنت ليث وفضلت فى حضنه الكل خرج بعد ما اطمن عليها وهى فضلت فى حضن ليث لغاية ما نامت هو اطمن عليها وخرج
فى الجنينة
فارس .. انت زعلانة منى يا صفا
صفا .. لاه صحيح اول ما حضنتك كت عايزة اجتلها بس بعد ما سمعت كلامها صعبت عليا وكمان أنى عارفة انك لو كنت رايداها كت اتجوزتها لكن انت اخترتنى انى
فارس .. دا انت حب عمرى تعرفى انا عمرى ما كنت افكر انى احب واخطب وكمان هتجنن علشان نتجوز
صفا. .. وليه غيرت رايك
فارس بهيام .. عيونك هى السبب من اول مره شفتهم تهت ومن يومها وانا تايه وعايز ارجع اكسبي فيا ثواب ورجعينى
صفا .. ارجعك كيف يعنى ؟
فارس .. كده وقرب عليها وباسها بمنتهى الرقة
وبعد كده بعد عنها وهى فضلت على حالها مغمضة عنيها
فارس بضحك .. ههه على فكرة انا خلصت من زمان
صفا على نفس الوضع
فارس .. يا نهارى هى اغمى عليها ولا ماتت صفا
صفا .. فتحت عيونها ببطء وكانت فى شدة الخجل
فارس .. جدك لو مجوزناش هعملكو مصيبة انت موافقة صح
صفا ".. من غير كلام هزت راسها بمعنى الموافقة
واتحركت جرى على غرفتها
فارس .. بحبك يا صفا يارب يحنن قلبك يا رؤوف الجبالى يارررررب
انتهى اليوم وانتهى بعده 3ايام والآن نور ورائد فى انتظار وصول مليكة
رائد .. حاسس انى قلبي هيقف من الفرحة
نور .. لا امسك نفسك وعلى فكرة هى هتسلم عليك وبعدها تسيبها علشان ليث
رائد .. تمام بس توصل
نور .. مش فاهمة ليه تيجى عند الجامعة
رائد ".. هى إللى صممت تقريبا عايزة تتأكد انى بحضر فعلا
رائد .. بلهفة وصلت اهى
وطلع يجرى عليها
رائد .. وحشتينى جداااااا وحشتينى يا لوكة
مليكة .. انت كمان اتاخرت
رائد .. جدااااا انا كنت هتجنن واشوفك
نور بتراقب الموقف بسعادة ونفسها تجمع بينهم
رائد .. تعالى علشان اعرفك على نور
مليكة .. يلا
رائد مسك ايدها فى ايد والشنطة فى اليد الاخرى
رائد .. نور مليكة وصلت
نور بابتسامة .. حمد الله علي سلامتك انت كنتى مستحملة الاخ دا ازاى
مليكة .. حرام عليكى دا رائد طيب جدا
نور .. يعينى دا الحب الجامد دا
رائد .. مين اللي بتتكلم دا انت وليث يتكتب فيكم مجلدات
مليكة بعدم فهم .. ليث مين ؟
نور .. ليث دا يبقا خطيبي وابن عمى وحبيبي
ملكية .. ربنا يخليوك لبعض
نور .. شكرا يلا يا استاذ رائد بيتك بيتك ليث على وصول
رائد .. خلينى كمان شوية
نور ... رائد دا كلها كام ساعة وتستلمها منى هنا الصبح بس انت عارف دا ليث يلا
مليكة .. مع انى مش فاهمة حاجة بس هتوحشنى ل بكرة
رائد .. وانت كمان
نور .. انتو هتحبو فى بعض هنا يلا صفا جاية هناك اهى
رائد .. خلاص انا ماشي يا مستبدة سلام
ومشى رائد وجت صفا وعرفت انها بنت عم رائد وعرفت الحكاية كلها بس طبعا مكنش ينفع ترفض
نور .. مليكة زى ما اتفقنا انت زميلتى وهتقضى معانا كام يوم لغاية مايفضى مكان فى المدينة الجامعية اتفقنا
مليكة .. متخافيش انا حافظة كويس
ووصل ليث واخدهم وانطلقو للقصر الجبالى
نور بتراحب ".. تعالى يا مليكة نورتى
وكان فى استقبالها الحاجة سعاد وصفية
دى بقا نناه احلى واجدع نناه فى الدنيا ودى طنط صفية مرات بابا بس طيبة مش زى بتوع الافلام
مليكة .. هههه اهلا وسهلا شكرا انكم قبلتو ب ضيافتى
الحاجة سعاد .. متجوليش اكده انت زى نور وصفا خديها يا نور يلا تطلع تغير خلجاتها
وطلعت نور مع مليكة والكل آخر اليوم اتعرف عليها
آخر اليوم فى غرفة نور
نور ومليكة على السرير
نور كانت تقص لها حكايتها مع ليث ورائد وفارس وصفا بعد مااستمعت منها حكايتها هى ورائد
مليكة .. ياه بس اكيد بيحبك جدا
نور .. اه وانا بعشقه مش بحبه بس
وقطع كلامهم دخول صفا بدون طرق الباب
نور .. فى ايه حد يدخل كده
صفا .. الجو برد وسعو خدونى جاركم
نور .. هههه حد يصدق إللى احنا فيه وبصت ل صفا انا وصفا نبقا صحاب لا وكمان حبيبة رائد نايمة جنب صفا
مليكة .. انه القدر
صفا .. صحيح انى اول ماشوفت رائد كان نفسي اولع فيه بس أما عرفت حكايته صعب عليا جوى
نور .. زمانه مستنى النهار يطلع علشان يشوفك
مليكة .. بحبه جدا بس ربنا يهدى امى
صفا .. متخافيش مش هيكون اكتر من إللى حصل مع ليث ونور
نور مؤكده .. اه والله
مليكة .. انا جاتلى فكرة كل واحده فينا توصف حبيبها فى كلمات ونبدأ من صفا
نور وصفا .. موافقين
صفا فى وصف فارس
صفا .. حبيبي هدم وهم كنت هعيش عمرى كله جوا دايرة الكره والانتقام بظهورك حياتى بقت كلها حب وعطاء بدل الكره والحقد بحبك يا فارسي
وصف مليكة لحب رائد
مليكة .. رائد كل حياتى اول ما فتحت عيونى كانت ليه وعليه بعده عنى يعنى موتى اتظلم اتوجع تعب واتكسر لكن قصاد دمعة من عيونى يهد الدنيا
رائد حب عمرى
نور فى حب ليث
نور .. ليث واه من ليث
ليث حبى وامانى ضعفى وقوتى حضنى ودنيتى غضبى وقسوتى ليلي ونهارى ليث حب عمرى وحلم حياتي ليث من غيره نور تموت وبوجوده نور تنور نور من غير ليث ولا تسوى وب ليث تملك العالم كله انا ملكه وهو ملكى انا ملك ليثى وهو ملكى ليث ملك مدللة عائلة الجبالى
