رواية تائهة في سرايا صفوان الفصل الثالث عشر 13 بقلم خديجة جلفة
تائهة في سرايا صفوان
الفصل الثالث عشر
+
...........
+
نزل وليد أولًا ثم ذهب ليفتح لجدتها يساعدها على الهبوط ، ونظر لعادل الواقف في الخلف :
_ ودي الشنط على طرقة باب المضيفة في الشمال هناك
أشار وليد برأسه أن يذهب في هذا الاتجاه ، فتوجه عادل يأخذ الحقيبتين ثم أعطاهما لحارسين وأخبر أياهم أين يمكنهم وضعها .
أما وليد فقد تقدم بإلهام لداخل وخلفه زهرة وقمر يتطلعان للمكان بإعجاب ممزوج بخوف ورهبة من القادم .
همست قمر بصوت خافت :
_ حسا إن بطني وجعتني ..!!
_وأنا كمان ، خايفه مش عارفه ليه
كادت قمر أن ترد لولا صوت منال الذي استرق انتباه الجميع وهي تقول مرحبه:
_ ألف حمدلله على السلامة البيت نور ...
'ثم تلقفت يد إلهام تقبلها وتابعت'
_البيت كان مضلم من غيرك يا ماما والله
هتفت إلهام وهي تربت على كتفها :
_تعيشي يا بنتي
نظرت منال لزهرة وقمر المنكمشين على أنفسهم بخجل فأقتربت قائلة :
_ البيت نور بيكوا يا بنات ، متتخيلوش فرحتي اذاي لما وليد قال انكوا هتشرفونا هنا ..،وسُمية ومريم .. تعالوا تعالوا واقفين كدا ليه ...يا سُميااااة .. مريم ...
لم تكن زهرة متوقعه هذا الترحيب منهم قط ،ولكن ما حدث بعث في نفسها القليل من الراحة والطمئنينة .
توجهت تسلم على منال ثم يلها قمر ثم دلفوا جميعًا داخل حجرة الصالون الواسعة ،وهبطت مريم من فوق وبعدها سمية التي تحمل عز .
دلفت مريم تطالع الفتاتين بتدقيق ، احدهما محجبة والأخرة لا ،والاثنين يمتلكان جمالًا هادئًا
تقترب مريم من إلهام قائلة :
_ وحشتينا يا نينا ..
ربتت على ظهرها بحنان قائلة :
_ ميوحشكيش غالي يا ام الغالي أبدّا ..، فين حبيب تيتا
_ اهوو يا ستي جاي بنفسوا
هتفت بها سُمية التي دلفت في الحال وقلبها يرتعد مما سيفعله وليد معاها ، توجهت تسلم على جدتها مرحبة
وقفت مريم أمام زهرة تمد يدها بالسلام فقابلتها الأخرة بمجاملة وقامت تقبل وجنتها بالسلام المعروف لتهتف مريم بنبرة هادئة:
_البيت نور بوجدكوا ... أنا مريم مرات سامي وأم عز
هتفت زهرة مرحبة بإبتسامه جذابة :
_ البيت منور باصحابه ...، وأنا زهرة
ثم انتقلت مريم لقمر التي وقفت تسلم عليها أيضًا وتقبله وقالت مريم :
_ نورتوا البيت والله ..
قالت قمر بمحبة :
_مرسي ! منور بأصحابه .. وأنا يا ستي قمر
طالعتهم سُمية بإعجاب وهي تردف :
_ ماشاء الله انتوا الاتنين اسم على مسمى
ثم سلمت على زهرة تليها قمر وأردفت سمية :
_ منورين البيت والله يا جماعه .. فرحنا جدًا لما وليد قالنا انكوا هتيجي تقعودوا معانا شويه
ابتسمت زهرة بخجل قائلة :
_ احم .. عارفين إننا هنتقل عليكوا بس مقدمناش حـ...
قاطعتها سمية قائلة :
_ تتقلوا ايه يا بنتي عيب الـ بتقوليه دا ..، دا البيت بتكوا وإن مشالتكومش الارض هنشلكوا فوق راسنا
ابتسم وليد بغبطة على حديث أخته ووجد مريم ترد قائلة :
_ فعلًا ..، اهو البيت يكون ليه حس كدا بعد ما يكون فيه أربع بنات
'ثم نظرت لوليد هاتفه'
:بص بقا يا استاذ من هنا ورايح ، الدخول بحساب والخروج بحساب أحنا بقينا اربعة وانتوا اتنين ،وكلمنا أحنا الـ يمشي ...
قاطعها وليد مردفا بسخرية :
_ بس أحنا الواحد فينا باتنين في كل حاجه ، ورث وشهادة ..يعني كدا كدا تعادل
هتفت سمية بعند متناسيه خوفها منه :
_لا يا بابا .. ، أحنا في العدد أكتر منكوا وهنعمل حركة نسوية ونقيم عليكوا الحد كمان
كاد وليد أن يرد لولا منال التي قالت :
_ اسكت يا وليد دول مش هتاخد منهم حق ولا باطل
نظر وليد لسمية وهتف بخبث:
_ما بلاش أنتي عشان بتخافي على ناس كداا مش عايزه أجيب سيرتهم لحسن يجوا ... هنعدي الموضوع دا بمزاجي هاا ...
خجلت من حديثه المبطن الذي لم يفهمه سواها ثم نظرت له مبتسمة لتجده يغمز لها فأرسلت له قبله وهي تحمد ربها أن الأمر مر عاديًا ولم يحدث شئ ،بينما إلهام ومنال لم يفقه شئً .
دلفت سعادة قائلة :
_ نورتي يا حجه إلهام
_الله يخليكي يا بنتي اذاي حالك
_الحمدلله يا حجه ..، الأكل جاهز يا هوانم ...
وقفت منال قائلة وهي تأخذ بيد إلهام :
_ يلا يا جماعه .. يلا يا ماما
وقبل أن تعترض زهرة وقمر كانت سمية وضعت عز بين أيدي زهرة قائلة :
_ مفيش اعتراض يا ماما ... يلا
قبلت زهرة عزالدين ، الذي كان مرحب بها جدًا فقالت قمر بمرح ونبرة خفيفة :
_ممكن اشيلوا
أخذت مريم عز من يد زهرة وأعطتها لقمر قاىلة:
_ شيلي يا اختي شيلي ..، دا لو اتعود عليكي مش هيسيبك
ثم أخذتها من يدها كما فعلت سمية من قبلها مع زهرة وتوجهوا لحجرة الطعام ..
بعد دقائق كان وليد يجلس على رأس الطاولة ثم إلهام وأمامها منال وبعدها مريم وامامها سمية وبجوار مريم قمر التي أصرت أن تطعم عز رغم أنها أول مرة بحياتها تُجلس طفل على قدمها أو تتطوع لأطعامه وأمامها زهرة .. وقد بدأوا بالأكل
_أنا قولت العيلة دي لا يمكن تكون عيلتي ..، بتكلوا من غيري يا خاينين ..!!
هتف بتلك الجملة سامي الذي دلف لتو فقالت إلهام وهي تنظر له :
_ كويس انك جيت يا ابني تعالا أحنا لسا قاعدين
همست مريم لقمر قائلة بحرج:
_ لو مفيهاش إزعاج يا قمر ممكن تنقلي الكرسي الـ جمبك ...
قامت قمر بالفعل لتجلس مريم مكانها ويجلس سامي بجوار والدته وزوجته ، بعد أن قبل راس جدته مرحبًا بها يلها امه .
هتف وهو يطالع زهرة ثم قمر بعد أن جلس :
_ واحده فيكوا زهرة واتانيه قمر .. بسم الله مشاء الله عليا بنجم ...
نظرت له إلهام بإستغراب وقالت :
_ عارفت اذاي ..؟!
طالعها ببرائه وهو يرفع منكبيه :
_بنجم يا جميلة الجميلات ..، ابقي خلينا اقرالك الكف واشوفلك الطـ...
_أنا قولتله انهارده
قالها وليد بنبرة هادئه قاطعًا عليه وصلة أكاذيبه المرحة تلك فرفع حاجبيه بإحراج مصطتنع وقال :
_ايه الأحراج دا ... منورين يا بناات والله ..
ابتسمت زهرة على مرحه وقد ذُهلت من صغر سنه وأنه والد عز وقالت:
_ شكرًا البيت منور بأصحابه ..
وقمر :
_ مرسي من ذوقك ..
قالت سُمية معرفة أياهم ،.. أشارت لزهرة وقالت :
_دي يا سيدي زهرة بنت عمو محمود 'ثم أشارت لقمر' ودي قمر بنت خالها ..
امسك معلقته وأشار لمريم بأن تأتي باللحم الذي بجوارها قائلًا :
_حصلة ألف بركة يا جماعه والله ... روما هاتي الصدر الـ قدامك دا
كانت تشعر بالغيرة لحديثه المرح هكذا مع الفتيات ،فأمسكت بقطعة اللحم الذي أشار لها وقامت بوضعها في طبقه بإقتضاب ، فوضع معلقته جانبًا وامسك يدها مقبلًا أيها قبل أن تمسك معلقتها قائلًا:
_ تسلمي يا عيوني ....
شعرت بالخجل الشديد وأشتعلت الحرارة بوجهها ولنقول أنه ارضى غرورها كأنثى قليلًا ، وأبتسم الجميع عليهم ، وما لبثت أن ضربته منال برفق قائلة :
_ يواد اختشي ياواد .. ، أخوك قاعد والبنات
_الله يا ماما .. واحد قاعد يحب في مراتوا ، مالكوا انتوا اش دخلكوا ..، هاتي يا بنتي اما ابوس راسك حد ليه حاجه عندنا ..!
ثم مدّ جسدهُ قليلًا واقترب مقبلًا رأسها الا أنها سحبتها بقوة قائلة بخجل جمّ :
_سامي بقى ..! عيب كدا والله
همس لها قائلًا:
_عيب ايه ...دا انا كاتب كتاب وعندي عيّل!،دا انا اجبلك العقد والعيّل،احنا هنهزر .!
جذت على اسنانه بقوة ناتجه من خجلها وقالت بتحذير :
_ سامي..!!!
انتبه لطبق الطعام الخاص به وبدأ بتناوله قائلًا:
_خلاص ..، بلا سامي بلا عباس وقت الأكل يعني مفيش كلام ...، ست رغايه صحيح كلي بقى ..
هزت رأسها بقلة حيلة وبدأت في تناول الطعام وبعد دقيقتين كانت تُنزل يدها للأسفل، فمدّ كفهُ بمشاكسةٍ وثنى أصبعهُ السبابة قليلًا نحو الإبهام، ثم على حين غفلة قام بفردهِ بحدةٍ، ليضرب ظفرهُ ظهر كفها بقوةٍ، وتلك الحركة أكثر شيء تكرههُ منهُ، أصدرت تأوه مسموع وهي تنظر لها مصدومة بغيظ شديد فنظر لها ببراءةٍ قائلًا:
_ ايه يا روما مالك...! عليكي طلعات كدا ، انتي لازم تروحي لشيخ ..
هتفت بحنق قائلة وجميع الاعين عليها :
_ وحياة أمك ...
هتف وهو يشير نحوها:
_مهي قاعده ساكته اهي جات جمبك!، ايدك ابوسها يا حجه
ثم قبل يد والدته الذي ضحكت عليه بينما هتفت إلهام :
_ كل يا سامي عشان مزعلكش قدام ابنك
_ لاء وعلى ايه الطيب احسن خلاص ..
لحظات مرت ليقوم سامي وهو يجذب أحدى قطع اللحمة يضعها أمام وليد قائلًا:
_ كل يا وليد كل .. مالك هفتان اليومين دول كدا ليه ..
تحدث وليد قائلًا بنفاذ صبر :
_ عشان كدا مردتش أرن عليك أقولك الأكل جهز ..!
همس سامي بحروف كلمة "واطي ..!" الذي استقبلها وليد بإبتسامه باردة ومتوعدة .
مرت خمس دقائق حتى أصدرت قمر تأوه أشبه بالذي أطلقته مريم من قبل فنظرت لسامي مصعوقة فقال متفاجئٍ:
_ والله ما عملت حاجه .. منا أيدي اهي 'ورفع يده الممسكة بقطعة دجاج والأخرى الملعقة '
نظروا لقمر جميعًا وجدوها تحاول نزع يد عز من إمساك تلك النجمة التي تزين أنفها ، وقد أحمرت وهو لا يريد تركها قبل أن ينزعها ، وكأن وجودها يستفزه ...
هتفت سُمية بسرعة:
_ يالهوي! .. هيخلع مناخير البنت الحقيه يا مريم ...
وقفت مريم تحاول جذب عز من يد مريم الذي كان متمسكًا بها بشدة ، وحتى لا تفلته من يدها قبل ان ينزع حُليها ،استنجد بشعرها قابضًا عليه بعنف بأصابعه الصغير حتى لا يتحرك مع مريم
هتف سامي الذي يحاول إبعاده هو أيضًا :
_ ينهار أبوك أسود .. ابعد يلا دانت شلوحتها ..
_عـــــز !!!...
هتف بها وليد فاجئه بنبرة أرعبتهم جميعًا قبل عز الذي ارتج جسده أثر الفجعة ثم استكان يبكي في احضان قمر وسرعان ما جذبته مريم لأحضانها تربت على ظهره بحنان ..
فقال وليد وهو يقف مرددًا يده:
_ هاتيه يا مريم
رغم أن عزالدين يخاف وليد في بعض الأحيان ،إلا أن بينهم كمياء من نوع خاص ووليد يحمل له معزة خاصة جدًا بقلبه نهايك عن أنه أول حفيد للعائلة ، لكنه يحبه وبشده.
استكان عز بين أحضانه بعد أن مسح وليد دموعه وقبْل أعلى رأسه ، وعاد الجميع يتناول طعامه
نظرت زهرة لقمر فأرسلت لها نظرة مطمئنة وعيناه تتابع عز الصغير
هتفت إلهام مازحة :
_ بقا كدا يا ولا هتضيع مناخير البت .. طب قول إن عينك منها وأنا أجوزهالك
لم يفقه شئ من حديثها الذي أضحك الجميع ، لينزل بقبضة يده في طبق وليد جاذبًا حبيبات الرز بين يديه ودون أرادة منه دفع صحن الحساء ليقع على الأرض.
هتف سامي وهو يرى تعبيرات وجه وليد التي تجزم أنه سيقوم بالفتك بابنه :
_ يالهوي!!
تابعت مريم وهي تلاحظ أيضًا:
_ لاء دا يالهوي فعلًا!!
ثم قامت مسرعة تجذب عز الدين من على قدم وليد وخرجت من حجرة الطعام تحت صراخ الطفل يريد الرجوع لعمه ...
1
********************
ليلًا ،استكانت زهرة على أحد المقاعد في المضيفة وتنهدت بإرهاق :
_ ينهاار ..، حسا أني لو كنت قاعدت ثانية كمان دماغي هتنفجر ..
هتفت قمر مازحة :
_ والله دمهم زي العسل ، حبتهم جدًا
_وأنا كمان ...
وقفت قمر قائلة بحماس :
_ هقوم اشوف في اي يتشرب هنا، ولو لقيت نسكافيه بلاكزهعمل اتنين ونيجي ندردش سوا ..
رغم الأرهاق الذي تشعر به إلا أنه تريد بالفعل أن تتحدث معاها وتعرف الكثير عنها وعن عمتها ،وكيف توفت من أسبوعين ولما لا تتحدث عن والدها ولماذا لا ترغب العودة لأمريكا حتى أنها فضلت أن تعيد السنوات الدراسية مرة أخرى على الرجوع مرة أخرى لهناك ..
+
***************
+
فتح الباب متوجهًا لداخل بعد ان أذنت له إلهام بالدلوف :
_تعالي يا حبيبي ..
ثم أشارات لجانب السرير فتوجه للجلوس بجوارها واضعًا رأسه على قدميها فمسدت بيدها على شعره الطويل نسبيًا الذي يشيه أباه وجده
_مالك يا وليد ..
_ تعبان شويا يا إلهام خلي أيدك على راسي بس وأنا هرتاح
صمتت دقيقتين حتى هتفت :
_ .. قولت ايه لزهرة خلتها تيجي هنا يا وليد ..!، أنا عرضت عليها امبارح ورفضت ..
_ كدا افضل يا إلهام عشان يكونوا في أمان
_وليد إنت ليك علاقه بقتل محمود ..!!
لم يستطيع الأجابة فقط أكتفى بهز رأسه بالايجاب ، فشهقت إلهام بصدمة وحزن في آن واحد وقالت:
_اذاي .. اذاي يا بني ..!
تنهد بحزن ثم اعتدل وطالعها قائلًا:
_ ياسر يا إلهام هو الـ قاتلوا ، كان عايز يجندوا بس رفض يطاوعه ويسلمني ليهم ولما رفض مسموش عليه وقاتلوه ...
ارتج قلبها بحزنٍ عاصف، حتى أدمعت عينيها وتجعد وجهها لعجوز، وهي تردف بحسرة وأسى:
_لا حول ولا قوة الا بالله ..،إنا لله وإنا إليه راجعون ...كدا خدنا الراجل من بنتوا دا هو الـ كان فاضلها ... لا إله إلا الله.
امسك كفها، وكأنهُ يوعد من في بالهُ، ليست جدتهُ، مردفًا ببحة رجولية مبحوجه:
_ هعوضها يا إلهام،.. والله هعوضها، أنا من ساعتها وأنا مش على بعضي، وخايف يحصل حاجه تاني، ومحمل ذنب موته كلوا، أنا مش قادر أبص في وش بنتوا يا إلهام ، حاسس إن في أي وقت هلقيها بتقولي إنت السبب في قتل أبويا.
جذبته من ذراعه ليضع رأسه على قدميها مرة أخره وظلت تربت على رأسه قائلة بحنان :
_ لا يا ابني، ان شاء الله مش هتعرف حاجه، والله قلبي واكيلني على بنتوا وبنت عمتها دي، بس برضوا مقولتليش ايه سبب انهم يجوا هنا يعني قولتلها ايه
_مفيش .... ممكن ياسر يأذيهم ..
_اممم ... مه كان ممكن تحط حراس عندهم هناك ويبلغوك أمرهم
_لاء كدا أفضل عشان يكونوا تحت عيني ، مش هستحمل احس بالذنب تاني ..
_وليد اوعى عزيز يطلع يا بني ،أحنا مش مستعدين نتحمل شره تاني
_هو أنا أهبل عشان أطلعوا، دانا لو طولت هموتوا بأيدي بس ملحوقه ابنوا يموت جمبوا ونبقا كدا ارتاحنا من شرهم ...
مرت خمس دقائق دون حديث فقالت إلهام بنبرة مكرة خبيثة:
_ مش ناوي تتجوز بقا وتفرحني بعيالك
_شيفالي عروسة ولا ايه ..!
_والله إذا كان على العروسة أمرها سهل بس أنت أنوي ومن الصبح هجوزك ....
أمسك يدها يقبلها قائلًا:
_ ربنا يخليكي لينا يا إلهام، أنضف الدنيا حاولين مني وبعدين هقولك جوزيني، معنديش استعداد أظلم بنت معايا وأنا مش عارف مصيري ايه مع ابن العدوي، فأطمن إن حياتنا بخير وهتجوز أربعة يا ستي ..
ضحكت إلهام على دعابته وكادت أن ترد لولا أنه تابع حديثه قائلا:
_ سراج وخالي سليمان جيهم طلبوا أيد سمية أول امبارح ..
_محدش قالي ليه ..!؟
_محدش كان يعرف اصلًا ، كنا فاكرينهم جاين يقعودوا عادي، واتفاجئت بخالي بيطلبها مني
_وايه الـ حصل
قص عليها ما حدث من بداية اللقاء إلى نهاية اللقاء بسراج اليوم وعن مخاوفه التي تراوده ، فأردفت إلهام بحكمة:
_ بص يا بني ..، سراج مندفع شويا واندفاعوا دا سبب مصايبوا ،بس عقلوا يوزن بلد ...،لما يبقا هادي كدا وتقعد تتكلم معاه تلاقي دماغوا كبيرة ،وتقدر تاخد وتدي معاه في الكلام وتتناقش، بس لما بيبقا متنرفز مش بيشوف قداموا ،بلغوا وبلغ منال يجوا يوم الجمعة يطلبوها تاني ونعمل خطوبة على الضيق كدا يدوبك تلبيس دبل لحد ما تخلص الأمتحانات ونعمل شبكة كبيرة ،وبعد سنة تكون خلصت الكلية تتجوز ..،واهو وقت يتعودوا فيه على بعض ويطبعوا بطباع بعض شويا
_يعني انتي شايفه كدا
-مفيش غير كدا اصلًا ..
+
*******************
+
خرج من المرحاض يجفف وجهه بالمنشفة ، ثم توجه إلى التسريحة يضبط خصلات شعره وهو يهتف:
_وأنا قاعد أقول يابني هيطلعوا دلوقتي، طب كمان شويا، دا أنا فكرتك هتنامي معاهم يا بنتي ..!
أغلقت الكتاب الذي تدرس بهِ بعد أن وضعت القلم الرصاص داخلها ثم هتفت :
_والله الكلام خد بعضه ومحسناش بالوقت خالص، وبعدين ماما منال قالتلنا نقعد معاهم ونفرفشهم شويا 'ثم تنهدت بحزن'على أقل ينسوا شويا الحزن الـ فيهم دا، بس تصدق قاعدتهم لذيذة جدًا
أردف بعد أن مكث بجواره بنبرة مازحةٍ:
_طب ماتيجي نقعد مع بعض قاعده لذيذة يا لذيذ أنت وتفرفشني ونتفرج على فيلم كوميدي...
جذبت الكتاب مرة أخرى وهتفت بسخرية :
_ونبي انت فايق ورايق ،وأنا واحده وراها إمتحان بكرا... اوعى يا بابا....
جذب الكتاب مرّة أخرى، وهتف بسخط:
- هات دا بس كدا...
وقفت جالسة على ركبتيها، وحاولت أخذهُ بالغصب، مردفة بضيق:
- يا سامي هات البتاع بقى، هشيل أوبح كدا، مش كفايه مش فاهمه حاجه!!
طالع الكتاب ينظر للمادة، ثم نظر لها مبتسمًا وهو يقول بحنان:
- طب تعالي نشوف البتاع دا بيقول ايه سوا...
****************
وجدت هاتفها يدق برقم غريب ..،فتحته بحسن نية وجدت من يهتف :
_الله !، دا الحلوة بترد على أرقام غريبة بليل كمان ...
هتفت مصدومة من صاحب الصوت :
_ سـ ...سراج
_دانا هعلقك من قفاكي لما اشوفك ..،بتعمليلي بلوك يا بت ..،أنااا يتعملي بلوك يا بت صفوان
_بس يا سراج اسكت!، ،وبعدين أنا كنت مرعوبة وليد يجي يهزقني ..، بس عدت على خير الحمدلله
هتف بنبرة غرور وثقة:
_لاء مه ميقدرش يمد ايدوا على خطيبتي من هنا ورايح أنا الـ أمد وبس...
برقت عينها بصدمة متفأجئه وهتفت:
_ إنت قولت ايه ..!
_خطيبتي ومستأذن منه اكلمك يعني واخد كل الإجرائات ..
_ماتهزاارش..!!
_طب وحياة أمك وأمي وأمة لا إله إلا الله خطيبتي رسمي نظمي فهمي مش ناقص غير شويه شكليات كدا هنيجي نتقدم ونلبس الدبل وبعدين الشبكة وكتب الكتاب والجواز
رفعت حاجبها بسخرية وأردفت:
_ ودول شكليات
_بت .. بت انتي فصيله جامد يعني
أطلقت ضحكاتها للعنان يستمع لها وقلبه يرفرف عاليًا ..،هتف بسعادة :
_ خلاص مبقاش كتير وتبقي مراتي .. ، مدام سمية الجارحي والباقي شكليات ..
صمتت وهتفت بخحل :
_ برضوا ...احمم .. احكيلي قولتوا ايه وخليت وليد وافق اذاي ....
+
********************
+
فرغت فاها مصدومة مما إستمعت إليه ، وضعت الكوب على الطاولة وأنزلت قدمها وأردفت :
_وإنتِ إيه الـ خلاكي تثقي في فهمي دا ..! مايمكن يكون متفق معاهم
أغمضت عيناه بضعف ثم فتحتهما وهمست:
_ No
مامي كانت واثقة فيه ،وقالتلي دا الـ هيرجعك EGYPT بخير ،فأطمنت أكتر وهو صديق لينا من زمان ، بس بعد الـ حصلنا دا معتش بثق في حد بسهولة
أخبرتها بتردد وهي تحاول فهم حديثها واستيعابه:
_طيب أنا برضوا مش فاهمه ، ليه هيمسكوكي ،إنتِ أتورطي مع الناس دول في ايه يا مرمر
أطرقت رأسها في الأرض ثم بدأت بفرك يدها بتوتر بالغ وهي تطالعها بخوف وقلق استفهمته ،فقالت زهرة محاولة بث الإطمئنان والأمان داخلها :
_ اتكلمي يا قمر ،ماتخفيش ..
أبتلعت ريقها وهي تهتف بخفوت :
_ عشان أنا مش قمر عندهم .. أنا زويتا أرثور حرم ديمتري براين رئيسهم كلهم ...!
3
...................................
......................
................
..........
....
.
+
