رواية مدللة كسرت كبريائي الفصل الثاني عشر 12 بقلم ميرا اسماعيل
البارت (12)
رواية مدللة كسرت كبريائي تأليفي ميرا إسماعيل
:********************************
فى قصر الجبالى (فيلا الجبالى)
فارس بصراخ ... حاسبى يا نوووور
لكن نور وقعت من علي السلم واستقرت تحت رجل ليث
نفين .. بنتى نور
فارس ... ليث اتصرف حد يكلم الاسعاف بسرعة
فايز .. انا هكلمهم بس محدش يقرب منها
رؤوف .. ياستير يارب استرها
الكل يتحدث بين دموع ودعاء ورعب وليث صامت يدور فى ذهنه كلام نور له فقط
(انا بحبك ممكن اقف فى وش اى حد يبعدك عنى)
(انت امانى يا ليث)
(عمرى جنانى ما يطلع عليك )
(انا اسفة يا ليث سامحنى)
ليث كأنه عاد للواقع بعد تكرار كلمة اسفه منها له فى ذهنه واندفع اتجاها
ليث ... نوووور
فارس كان جنب نور علشان يبعد اى حد يقرب منها لحد وصول سيارة الاسعاف
فارس .. ليث اهدى ابعد دلوقت مينفعش نحركها
ليث بنظرة على نور كلها عجز .. راسها بتنزف شكلها كأنها فراقت الحياه استسلم ليث وجلس امامها علي الارض يدقق فى ملامحها
فايز .. انا كلمتهم هما على وصول بس،محدش يحركها
ليث .. فى نفسه ازاى زعلتك منى لدرجة دى سامحيني يا نور اوعى تهملينى يا نور
رؤوف .. ليث اهدى يا ولدى هى هتكون زينة إن شاء الله
ليث .. انا السبب كان لازمن اسامحها انا جسيت عليها جوى يا جدى
الحاجة سعاد .. متخافش هتكون زينة ربنا دايما فى قضاه رحمه
وعد الوقت ل حين وصول الاسعاف وتم نقلها ل مستشفى فايز للفحوصات اللازمة
الدكتور .. اهدو يا جماعة هى فاقت ومستنين نتيجة الاشعة علشان نحدد مكان الكسر بالظبط
فايز .. هى حالتها إيه ؟
الدكتور .. فى كسر فى الرجل الشمال والكتف اليمين اتخلع واطمنا ان الوقعة ماثرتش على اى وظائف حيوية حتى الخبطة اللي فى راسها مفيش منها خطورة دكتور الجراحة بيخيطها هى حاليا كويسة بس طبعا حضرتك عارف وجع الكسر شكله إيه انا هشوف الاشعة علشان نطمن عليها اكتر
رؤوف .. الحمد لله يارب
فارس .. ياه انا خلاص كنت هموت من القلق بس نور اثبتت ان محدش يقدر عليها فعلا ولا حتى السلم
رؤوف الصغير .. اختى جامده طبعا مش نور الجبالى وبملاحظة ليث فين ؟
فايز .. دخل ل نور اول ما الدكتور خرج
فى غرفة نور
نور بوجع حقيقي .. رجلى بتوجعنى قوى
الممرضة .. معلش دلوجيت الاشعة تبان وتعملى الجبس وتاخدى المسكن
ليث بوجع عليها .. نور
نور .. ليث رجلى وجعانى قوى
ليث قرب عليها وباس راسها مكان الجرح.. استحملى شوية
نور .. انت سمحتنى ؟
ليث .. مش وجته الحديت دا نطمن عليكى الاول وعلى وجع رجلك
نور .. انا قلبى وجعنى اكتر من رجلى انا اسفة متبعدش عنى يا ليث
ليث لسه هيرد دخل الدكتور
الدكتور .. بصراحة كان نفسي متفوقيش دلوقتي بس انت اكيد قوية ووجه كلامه ل ليث لوسمحت اتفضل واما اخلص هدخلك
نور بخوف .. لا لا ليث متخرجش
ليث برفض قاطع .. لاه انى مخرجش من إهنا
الدكتور .. تمام وطلب من الدكتور المساعد أنه يثبت نور علشان يعرف يرد ليها كتفها ورجلها
الدكتور لسه هيقرب كان ليث واقف قصاده
ليث .. على فين ؟ هو مفيش دكاترة ستات إهنا
الدكتور .. لا مفيش قسم العظام والجراحة كله رجاله ممكن اشوف شغلي
ليث .. لاه انى هعمل اللي هتعمله
الدكتور .. ليث بيه مش هتقدر تثبتها هى هتتوجع جداااااا
نور لما سمعت انها هتتوجع خافت جداااا
نور .. ليث متسبنيش انا خايفة
ليث بتصميم .. قرب عليها خلصنا يا دكتور يلا شوف شغلك
الدكتور عرف ليث يثبت نور ازاى وقال ل نور هعد من واحد ل ثلاثة وبعدها ارد كتفك
نور .. هزت راسها بموافقة بخوف
الدكتور .. 1 2 3ورد كتفها صوت صريخها جاب اخر المستشفى وبعدين جسمها ارتخى بين ايد ليث
ليث ".. بخوف نور ردى عليا
الدكتور .. كده احسن علشان مش تتعب اكتر لما اعمل رجلها
ليث فضل مع الدكتور لغاية اما خلص وعلق ليها المحاليل وفيها مسكن للألم وخرج
الكل دخل يطمن بس نور كانت نايمة بفعل المسكن بس ايديها فى ايد ليث متمسكه بيه بمنتهى القوة
رؤوف .. هى هتفضل نايمة لاميتا ؟
ليث .. الدكتور جال ساعتين علي مفعول المسكن مايروح
الحاجة سعاد .. ضناى يا بتى ربنا نجاها
رؤوف الصغير .. الدكتور بيقول إنها كان عندها جفاف شديد ومستغرب إن بقالها اسبوع من غير اكل
ليث بانتباه .. سبوع كيف من غير واكل ومرت عمى وصفا وانتى يا ستى كنتو فين ؟
صفا بتبرير .. والله كنا بنحاول بس هى راسها حجر مكنتش بتسمع حديت
رؤوف .. خلصنا يلا نمشو بكفايا لحد أكده
صفا .. بس كنت رايده طلب يا جدى
رؤوف .. خير يا بتى
صفا .. كنت رايده ناجلو الفرح النهاردة أنى عايزة نور جارى
الحاجة سعاد .. تسلمى يا بتى
رؤوف .. عنديكى حج محدش فيه راس لحاجة دلوجيت يلا نمشو ونخلى الغفر يبلغو الناس أننا أجلنا الفرح
طبعا الكل كان بيقول انه هو اللي هيفضل جنب نور لكن ليث رافضة كان قاطع وصريح
الكل مشى ما عدا ليث وفايز راح مكتبه يتابع شغله ويكون جنب نور
فى فيلا فريد
فريد بيكلم نفين ...
فريد .. هى بقت كويسه
نفين .. الحمد لله لو كنت شفتها وهى بتقع ولا الدم كنت مت من الرعب
فريد .. هما السبب
نفين .. يا بابا كفاية اللي عملته وبسبب دا بنتى هتفضل هنا يعنى انا رجعت وهى بعدت وكله بسبب تصرفات حضرتك
فريد .. انا عند راى نور مش ل ليث انت جوزك رومانسي وخلاكى زيه
نفين .. براحتك بس انا اللي بحذرك ابعد عن نور اللي شفته يقول انها بتعشق ليث مش بتحبه وبس
فريد .. نورلسه صغيرة بكرة تنسي
نفين .. مفيش فايدة عن اذنك النهاردة كان يوم متعب انا هقفل سلام
فريد "... بعد ما انهى الاتصال مش مهم المهم أن نور متبعدش عنى دى عوضتنى عن نفين اللى خسرتها بسبب شغلى
فى المستشفى
نور بتفوق ... ليث
ليث .. أنى جارك يا نور متخافيش
نور .. دموعها نزلت
ليث .. فى حاجة وجعاكى اجيب ليكى الدكتور
نور .. مفيش كلام لكن صوت عياطها هو إللى رد علي ليث
ليث بحنان .. مسح دموعها بتبكى ليه دلوجيت هندهلك على الدكتور
نور .. لا متسبنيش انا بعيط علشان انت دلوقتي جنبى لكن أول ما اخف هتبعد عنى تانى صح
ليث .. خدها فى حضنه لاه مش صوح يا جلبى
نور .. بجد يا ليث انا لسه قلبك ؟
ليث .. مسك خدها بايده انتى جلبى وعجلى وكل دنيتى
نور .. يعنى سمحتنى ؟
ليث .. منكرش أنى زعلت منيكى جوى لكن إللى عملته عشان تعرفى وجت الغضب لازمن تحكمى عجلك
نور .. توووووووبة مش هعملها تانى بس متنكرش ان الموضوع صعب عليا أنا اتصدمت وحسيت انى ادبحت
ليث .. حجك عليا بس صدجينى أنى محكتش زمان عشان جولت جدك بيحبك ومستحيل يجرحك
نور بدموع .. انا مصدومه فيه ومش قادرة اسامحه
ليث .. بكره تنسي دا بردك جدك و بيحبك جوى هو صحيح حب غريب بس،انى واثج أنه بيحبك
نور .. وانا بحبك انت
ليث .. احلى حاجة فى الموضوع أن مفيش سفر تانى هتفضلى إهنا جارى
نور .. عندك حق واحلى حاجة انك بتحبنى ومهما عملت ب تسمحنى
ليث .. أنى بحبك بس يااااااااااه لو تعرفى انى حاسس بايه ناحيتك أنى نفسي مش لاجى كلام يوصف حبى ليك
نور .. لو كنت اعرف انك هتصلحنى لو تعبت كنت رميت نفسي من على السلم بدل ما انا وقعت زى الشوال كده
ليث بلهفة .. لاه يا نور دا انا روحى راحت منى وانت راجده جدامى الموت ليا كان وجتها اهون بكتير من انى افضل عاجز ومش عارف اعملك اى شئ
نور .. هفضل لاخر عمرى اقول انت كتير عليا بس،بحبك بحبك بحبك اوي
ليث .. يلا نامى عشان تاكلى كمان شوية
نور .. مليش نفس خالص
ليث .. لاه يا نور هتاكلى بكفايا اللي حصل وبالفعل
ونور استسلمت جو حضن ليث ونامت
ليث فضل يتأمل نور وهى نائمة كانت مثل الملاك قام براحة اتوضا وصلى شكر لله انه رد ليه نور بخير
وهو جالس بجوارها افتكر كلامه مع فريد
فلاش باك
ليث .. اتفضل خير ؟
فريد .. معنديش كلام الكلام دا للناس إللى فاضية وطلع من جيبه مظروف به الصور انا ليا فى الفعل
ليث .. مد ايده وأخد الصور وبعد ما اتفرج على الصور كانت ملامحة جامدة رمى الصور علي الطربيزة
ليث .. وبعدين شفتهم ناوى علي إيه ؟
فريد باستغراب من هدوء ليث .. ماشي تسيب نور للابد وإلا
ليث بغضب .. والا إيه ؟ جول
فريد .. الصور دى هتكون مع نور
ليث .. مش هتقدر تجرحها انت خابر لو نور شافت الصور دى ممكن تموت فيها
فريد ".. لا متخافش انا حفيدتى قوية ومفيش حاجة تكسرها
ليث .. اطلب اى طلب تانى اكيد لعبتك دى مش علشان اسيب نور مش،منطق دى حفيدتك كيف تبجا عايز تدبحها ب ايدك خصوصا لو عرفت إن الصور دى من خططك اللى بتخططها علشان تبعدنى عن نور
فريد ".. كويس اننا هنلعب علي المكشوف انا عايزك بعيد عن نور نور تستاهل واحد غيرك واحد يعرف قيمة نور زى فارس كده
ليث .. بغضب فارس اه جولتلى يعنى زمان وفجت إن فارس يفضل مع نور علشان ينسيها الليث وبصوت عالي بس نسيت أنى ليث الجبالى مش هسمح لحد يبعد نور عنى ولعلمك لو جلت ل نور حاجة معايا دليل براتى وهتجبرنى انى اطلعه نور هتصدجنى
فريد .. نور عصبية ووقت الغضب بتنسا العزيز والغالى ما بالك بالخيانة وبعدين طالما معاك دليل يثبت انك برئ طلعه بس قصاد دا مش هياس وهفضل وراك لحد ما تبعد عن نور للابد انا مش هسمح ليكم انكم تاخدوها
ليث .. براحتك وأنى هحكى ل نور الحجيجة وهنشوف "
فريد ... احكى وانا هفضل وراها لحد ما تعرف إن قرارها بالارتباط بيك غلط وهى اللي تكسرك بنفسها
باااااااك
ليث .. ياخوفى منيكى وعليكى يا نور !
قطع تفكيره دخول الممرضة بالأكل
ليث اكل نور وبعد الاطمئنان على نور قرر خروج نور من المستشفى والرجوع بعد اسبوعين
فى مكان ما
هى ... إبن اخوك فاشل دى رابع جامعة يترفد منها
هو .. انا هقدم ليه فى الجامعة عندنا فى الصعيد
هى .. يلا خلى الفضيحة تطاردك هناك زى هنا انا معرفش متمسك بيه ليه اديله فلوسه وخلصنا منه
هو... خلصنا قولت هبعته الصعيد ويبعد عنك خالص
وكانت هى تتابع الموقف بصمت ودموع ل فراق حبيب القلب
بعد اسبوعين ليس بهم أحداث كثيرة
نور قدمت فى الجامعة هى وصفا
تمت خطوبة صفا وفارس وسافر فارس القاهرة لبدء حياتها العمليه
ليث .. هتفكى الجبس مبروك يا جلبى
نور .. اخيرررررا انا زهقت من النوم دا تعبت ونفسي بجد اتحرك بقا
ليث .. هانت يلا بينا
نور .. يلا
ليث قرب عليها علشان يشيل نور
نور بخجل .. كفاية يا ليث أنت كل شوية تشيلنى انا ممكن اتسند عليك
ليث .. لاه انا هفضل اشيلك لغاية ما تمشي على رجليكى تانى
نور ... ربنا يخليك ليا يا ليث
ليث وهو بيشيل نور ... ويخليكى ليا يا جلب الليث من جوه
فى المستشفى
الدكتور .. اخبارك يا نور ؟
نور .. انا كويسه و فرحانة هخلص اخيرا من الجبس دا
الدكتور .. مبروك مقدما
الدكتور فك ل نور الجبس واطمن ان رجلها بقت كويسة
ليث ".. حمد الله علي سلامتك يا نورى
نور .. الله يسلمك انا عايزة اروح مكانا بليز يا ليث
ليث .. من عيونى يلا بينا
وهما خارجين قابلو فايز
فايز بفرحة ".. حمد الله علي سلامتك يا قلب بابا
نور .. الله يسلمك وبتلف حوالين نفسها شفت رجعت امشى تانى اخيرا
فايز .. هههه اللي يشوف كده يقول بقالك عمر كده دول اسبوعين
نور .. اوحش اسبوعين انا زى العصفورة يا بابى
فايز .. ربنا ما يحرمك من الحرية يا ست نور العصفورة
فايز .. يلا شوفو رايحين فين ؟ مع السلامة
ليث ونور ".. الله يسلمك
وانطلق ليث ونور لعش حبهم
فى فيلا مراد
فارس بيتكلم في التليفون مع صفا
فارس .. وحشتيني يا قلبى
صفا .. يا سلام لو كنت وحشتك صحيح كنت كلمتنى بقالى يومين مسمعتش صوتك
فارس .. الله دا انا جامد وحشتك بالسرعة دى
صفا بغضب .. فارس متغيرش الموضوع أنى بتكلم جد
فارس .. مالك يا صفا في إيه ؟
صفا .. مالى انت بتسأل انا بقالى يومين معرفش عنك حاجة وانت عارف انى هقلق عليك ومع ذلك ولا عبرتنى حتى
فارس .. غصب عنى والله المستشفى والدراسة انا عايز اكون اكبر دكتور قلب وانت لازم تقفى جنبى وبعدين انا كلمت بابا يكلم جدى رؤوف نقرب ميعاد الجواز
صفا .. بجد يا فارس يعنى دا إللى شغلك ولا بنات مصر هما اللي شغلوك عنى
فارس ... هههههه مهما كانو قدامى انتى بس إللى فى قلبي يا قلبى
صفا .. خلاص عفونا عنك
فارس .. تعالى هنا انت مين علمك تتكلمي قاهرى كده
صفا .. انت خدت بالك ! دى نور انا طلبت منها تعلمنى وهى وافقت
فارس .. ليه ؟
صفا .. علشانك علشان اشرفك أما اعيش معاك
فارس .. بصى يا صفا انا حبيتك زى ما انت وبشكلك ولهجتك ويوم ما اطلب منك تتغيرى علشان مكسوف منك المفروض انت تقفى فى وشى وتقولى لاء لكن اما تعملى كده من نفسك دى قلت ثقة فى حبى ليك يا اما قلة ثقة فى نفسك والاتنين مرفوضين انا حبيت صفا البنت الصعيدية الجدعة المتعلمة المتمسكة بالعادات والتقاليد فاهمه يا صفا
صفا بدموع .. كنت عايزك تفرح انا اسفة
فارس .. افرح لما تغيري من عيب عندك لكن لهجتك اصلك مفيش حد بيتخلى عن اصله ولا إيه ؟
صفا .. عندك حق أنى اسفة حلو أكده
فارس .. خليكى دايما واثقة انى بحبك زى ما انت بعيوبك قبل مميزاتك اتفقنا
صفا .. اتفجنا صحيح نور هتفك الجبس النهارده
فارس .. اخيرا دى زمانها قلبه الدنيا
صفا .. لسه مرجعتش راحت هى والليث
فارس .. اتجوزك بس وانا اغرقك فسح
صفا .. يخليك ليا كفاية أكده احسن امى تولع فيا
فارس .. مع السلامة يا صفا أيامى انت
صفا .. مع السلامة
مراد قعد جنب فارس
مراد .. شكلك مبسوط
فارس .. جداااااا كل حاجة ماشية كويس الشغل والحب وانت رجعت تعيش معايا هعوز إيه تانى
مراد .. ربنا يوفقك واشوف احفادى واعوض معاهم إللى خسرته معاك
فارس .. ربنا يخليك ليا يا بابا
نفين .. وانا ولا عايز تقول انى مرات أب وشريرة زى الافلام
فارس .. ابدا والله انت أحن مرات اب قابلتها
مراد ... ههههه انت قابلت كام مرات اب فى حياتك
فارس .. بالمقارنة بالأفلام
نفين .. بس بجد انا بحس إن انت ونور ولادى كان نفسي تكون جنبى كنت عايزة أعوضها عن بعدى الله يسامحك يا بابا
مراد .. حبيبتى هى كويسة وبعدين احنا قولنا
نفين .. نفرح ل فرحهم ونحب ليهم الخير
فارس قعد وسطهم .. وسعوا كده خلينى اقعد جنبكم
فارس ومراد ونفين ... ههههههههه
فى الصعيد
مكان العشاق
نور ... انا فرحانة جدا أنى اتحركت كنت محبوسة عايزة أجرى وعايزة اروح عند نورى وليل ونفضل نلعب ونضحك ونجرى
نور كانت بتتكلم وهى بتجرى قصاد ليث و حواليها
ليث .. انى اما اشوفك مبسوطة بحس إن الدنيا كلتها بتضحك
نور .. وانا بحب اشوف عيونك وهى بتراقبنى بحب يلا نروح ل نورى وحشتنى قوى
ليث .. هنروح لكن لازمن نتحدتو الاول
نور بانتباه .. خير فى إيه
ليث .. انت خلاص هتدخلى الجامعة إهنا عايز منيكى حاجة صغيرة
نور .. مسموح ب حاجة صغيرة وحاجة كبيرة
ليث .. نور مش عايزك تعمل صداقة مع اى حد لازمن تتاكدى منيه وأنه زين ويستاهل يكون رفيج نور الجبالى
نور .. انت عارف انا مليش صحاب ومش بعرف اعمل اصحاب
ليث .. الجامعة غير المدرسة اللي كانو وياكى فى المدرسة شافو نور المجنونة اللي،بتضربهم لكن الجامعة مجتمع جديد وناس جديده واكيد هتتكلمى حتى مع إللى حواليكى حطى فى راسك دايما أن نور مش بتكلم اى حد اتنفجنا
نور .. اتفقنا متخفش عليا انا جامده قوى وميتخفش عليا
ليث .. عارف بس مش عارف ليه جلبى مجبوض
نور .. سلامة قلبك لو على الجامعة مش مهم المهم انت تكون مرتاح
ليث خدها فى حضنه .. لاه يا نور دا مستجبلك وحلمك ولازمن تحججى حلمك
نور .. مش بقولك كتير عليا
ليث .. انت إللى كتير عليا جوى وبمكر انت لازمن تاخدى هديتك علشان ربنا تم الشفاء عليكى
نور .. بجد هدية في وقطع ليث كلامها بقبلة مليئة بالحب والقلق والحنان
نور كانت هادية وبعد مده
ليث .. ايه رايك في الهدية ؟
نور .. بعد ما استجمعت نفسها انت غلس وانا هقول ل جدو عليك وقامت وخرجت
ليث ... هههههه ياريت تجولى ليه يمكن يحن عليا ويجوزنا
وبعد مده الاجازة امام جامعة أسيوط
صفا .. سلام بجا هروح اشوف مدرجى
نور .. بقلق سلام
نور دخلت الكلية مثل الطفل التائه من أمه وهى ماشية بتتلفت حواليها خبطت فى حد
نور .. سورى انا اسفة
الشاب قلع النظارة الشمسية .. ولا يهمك انت شكلك لسه سنة اولى
نور .. اه سنة اولى
الشاب .. انا كمان سنة اولى
نور .. مش معقول شكلك كبير على سنة اولى
الشاب .. ابد اصل بحب ادقق فى الدراسة
نور ... هههههههههه لا واضح
الشاب بملاحظة .. انت مش من الصعيد صح
نور .. لا صعيدية ليه ؟
الشاب .. علشان لهجتك مش زيهم خالص انا مش فاهم اى حاجة
نور بغضب .. لا عندك إلا اللهجة بتاعتنا دى اصلنا لولا انى خايفة أنطقها غلط كنت اتكلمت بيها
الشاب .. انا اسف يا ستى بس غصب عنى انا عمرى ما جيت هنا
نور .. وإيه إللى جابك هنا
الشاب .. قدرى علشان اشوف العيون الحلوين دول
نور .. انت منهم ولسه هتمشي هو اتحرك ووقف قدامها
الشاب .. والله مش بعاكس انا بس عايز اتعرف انا هنا لوحدى عامل زى الطفل التايه ومد ايده اعرفك بنفسي انا .. رائد البحيري وانت
نور اطمنت ليه ومتعرفش ايه السبب مدت ايديها وانا نور الجبالى
رائد .. يلا بينا يا نور هانم الجبالى
نور .. ههههه انت شكلك مشكله
رائد .. انا دا انا غلبان
نور .. واضح يلا بينا
