رواية غرام ابليس الفصل التاسع 9 بقلم مريم عبدالرحمن
الفصل التاسع ...غرام إبليس
الكاتبه...مريم عبدالرحمن
_______________________
روحت ورد بتخبط على باب بيتها و فتح مصطفى ابوها..
مصطفى بصدمه / ورد؟؟
ورد بدموع / باباااا
مصطفى حضنها / اي اللي حصل يا بنتي
ورد بدموع / مفيش للاسف
دخل مصطفى و ورد قعدت جمبه و امها شافتها حضنتها و باستها و قعدت مستنيين ورد تتكلم ...
مصطفى / هتفضلي ساكته هتصل ب نجيب
ورد بتوتر / لا لا خلاص هتكلم
رباب / ريحينا و اتكلمي
ورد / بصراحه يا بابا الجو هناك مش من جونا ولا تربيتنا و لا اخلاقنا و لا عاداتنا و تقاليدنا كل حاجه مختلفه حاسه اني ف عالم مش بتاعي عالم تاني مش فالكوكب عالم مزيف
مصطفى بتنهيده / عارف كل ده بس ده مستقبلك اي يخليكي ترجعي بالشكل ده!!!
ورد بتوتر / بابا انا مش عاوزه اخش طب برا بلدي انا هتعلم هنا و هفيد بلدي هنا
رباب / مش مستريحااالك
ورد بتوتر / و ضيفو على ده كمان قابلت واحد فالمطار طلب رقمك و شكله هييجي يتقدملي فضل ورايا لحد م اديته رقم بابا اللي عاوزني يخش البيت من بابه
مصطفى بابتسامه / شكله كويس انه عاوز يدخل البيت من بابه ييجي يشرف يكلمني و نشوف ميعاد بس انا مكنتش حابب اخطبك او اخليكي ترتبطي ب شخص فالسن ده و مهما كان ده اختيارك انا مش هجبرك
ورد بابتسامه/ تمام ي بابا اللي تشوفه بس هو عادي يعني اني ارتبط ب شخص كويس او يخطبني شخص كويس هدخل شنط سفري بقا و هستنى زينه اعملهالها مفاجأه
___________________________
ف شقه عالنيل قاعد حمزه و قدامه محمود و معتز ...
معتز / طب ليه منروحش ناخدهم من بيتهم
حمزه كان ماسك السيجاره و باصص نحية الشباك ..
حمزه / مش هينفع احنا هنا ملناش حق ناخد بنات من بيوتها و كمان معندناش واسطه ف مصر خااالص و دي مشكله
معتز / خلاص نستناهم يخرجو و نخطفهم
حمزه بعصبيه / هي هي يا غبي ده غير اني مش عاوز الحق ب أذية حد ولا انت اي رايك يا محمود؟؟
محمود / رأيي في اي؟؟
حمزه / شوفتك سرحان
محمود / مفيش مصدع شويه
حمزه / مش جايين نصدع هنا خدلك مسكن
محمود بتنهيده / تمام بس انا عاوز اسأل سؤال اي خطتنا
معتز / هن....
حمزه بمقاطعه / معندناش خطط
__________________________
عند هدير قاعده ف اوضتها خايفه رايحه جايه فالاوضه بتبص من الشباك و تتمشي فالاوضه كأن في حاجه مستنياها فجاه تليفونها رن و ردت بسرعه ...
هدير بفرح/ ورد!!!
ورد بدموع / هدير انتي وحشتيني
هدير بدنوع / انتي فين
ورد / ف بيتي اللي ف مصر
هدير باستغراب / انتي سيبتيني و مشيتي
ورد / لأ طبعا انا قابلت واحد ساعدنا ادا رشوه لمحمود و خلاه يسفرك و انا جيت وراكي و مقابل ده هو عاوز منا معروف اننا نسجنه
هدير باستغراب/ مش فاهمه حاجه
و ورد حكت لهدير ...
هدير / بس انتي هتتجوزيه بجد؟؟ و انا المفرود هشتكي عن حمزه ؟؟
ورد / هتشتكي انتي عن محمود
هدير بتوتر / ما تسيبك من محمود م هو هربني
ورد / لازم تسمعي الكلااام مش كل ده عاملينه عشان فالاخر يتبقا حد منهم برا هنسجنهم كلهم سفاحين و قتالين القتله دووول
هدير بتنهيده/ خلاص تمام
ورد / بكره ياسين هييجي
هدير / بس ابوكي ممكن ميوافقش
ورد بحزن / للاسف لازم يوافق عشان اردله المعروف انه رجعنا
هدير بتنهيده / ابقي طمنيني عليكي و انا هشحن و اكلمك
ورد / تمام يلا باي
قفلت ورد و لقت زينه داخله اوضتهم و اول ما شافتها صوتت من الفرحه و حضنتها...
زينه/ وررررررررررد
ورد بضحك/ يمجنونه
زينه / مش متخيله البيت من غيرك انتي هنا بجد؟؟
ورد بضحك / مش هسيبك تاني
زينه باستغراب / اي رجعك!!!
ورد بتوتر / محبتش الجو هناك عالم مختلف و مقرف
زينه ضحكت/ سيبك من كل ده انا مبسوطه اووي
ورد بتنهيده / كنت عاوزه اقولك حاجه
زينه / قولي
ورد / لو اتجوزت قبلك ...هتضايقي؟
زينه مسكت ايد اختها و ابتسمت...
زينه / انا هفرح لو اتجوزتي و فرحتي بس انتي لسه اصلا ف جامعه ونا هيكون حبيبي جه و اتجوزت صدقيني
ورد بتوتر / اصل في واحد جاي بكره يتقدملي قابلته و هو شخص كويس جدا
زينه بفرح / بتهزري؟
ورد / بجد والله
زينه باندهاش / و قاعده كده!!قومي اشيكك و اظبطك و نعملك شوية حاجات و ننقيلك فستان محترم كده
ورد ضحكت / تمام يلا
_______________________
جه تاني يوم و ياسين دخل، البيت مصطفى استغرب من عدم وجود اهله ...
مصطفى / اتفضل يابني انت جاي لوحدك؟؟
ياسين بتوتر / ابويا مسافر امريكا معلش
مصطفى / ولا يهمك اتفضل
ياسين / انا طيار تبع الشركات الاماراتيه و ...
و شرح ياسين حياته لبابا ورد اما ف اوضة ورد كانت قاعده متوتره و زينه جمبها ...
ورد / مش عاوزه انا اطلع القهوه طلعي انتي يا زينه و وقت الشربات هطلعه انا
زينه بضحك / تمام و اشوف اللي قاعده قلبك مقبوض عشانه
و خدت زينه القهوه و خرجت و اتصدمت صدمة عمرها اما شافت ياسين و ياسين كمان اتصدم ...
زينه بدموع / اتفضل القهوه
ياسين كان متنح و خد القهوه و زينه علطول دخلت الحمام و مسكت نفسها من العياط ...
ياسين بتوتر / ف انا كنت طالب ايد بنتك.....طالب ايد زز...طالب ايد..
مصطفى / م تخلص يا ابني
ياسين / ورد..طالب ايد ورد بنت حضرتك
مصطفى / بس هي لسه صغيره دي هتدخل اولى جامعه الفرق ما بينكو ٧ سنين و دي ازمه كبيره
ياسين / مش كبيره ولا حاجه انا هحافظ عليها و هخلي بالي منها هي بنت طيبه و كويسه و ف اي بلد بره مش هشوف بأخلاقها ولا طيبتها
ورد كانت واقفه بتسمع من ورا الباب. ...
مصطفى بابتسامه / اشكرك لمدح بنتي كده و انا موافق اديهالك بس على شرط هنكتفي ب قراية فاتحه خليها ف تانيه جامعه تلبس دبله و تتخطب
ياسين بتوتر / اصلي طالب جواز علطول
مصطفى بصدمه / جواز؟؟
ياسين / حضرتك انا هسافر و ليا شغلي برا و هعلمها احسن تعليم و هتبقا وسط عيلتي و هتبقا فوق راسنا كلنا و كمان ممكن نبعتلكو زياره لينا فالمناسبات تعيِّدو معانا او احنا نيجي مثلا
مصطفى بتكشيره/ مقدرش اخد قرار زي ده لوحدي لازم العروسه و امها و اختها و هياخد وقت و هنبقا ترد عليك
ياسين / عمي احنا لازم نجيب المأذون دلوقت
مصطفى بزعيق / اي الهبل ده!!
ياسين بتوتر / اصل ممكن هي تكون حامل
مصطفى بصدمه / ممكن تكون اي!!
ياسين بتوتر/ كانت غلطه و جاي اصلحها و حقيقي بنتك جوهره و كويسه جدا
مصطفى عجز عن الكلام ..
مصطفى بزعيق / ورررررررد
ورد خرجت بسرعه..
ورد بتوتر/ نعم؟
مصطفى بزعيق / اللي هو بيقوله ده صح؟؟كان في بينكو حاجه؟
ورد بدموع و صدمه / مش بإرادتي ي بابا كل الحكايه ....
مصطفى جه يمد ايده يضربها بالقلم ياسين مسك ايده...
ياسين / بقولك اطلب المأذون نتجوز حالا في اي اكتر من كده انا بصلح غلطتي و متضربهاش وفقاً انها هتبقا مراتي
مصطفى / مراتك يا خسيس يا حيوانن؟؟؟ و انا هجوزها واحد**** زيك!!!
ورد بدموع / اومال حد هيقبل بيا غيره؟؟
مصطفى بزعيق / انتي تخرسي
و رباب واقفه تعيط و زينه وراها بتتفرج و مدمعه و مصدومه....
مصطفى بزعيق/ هضيع مستقبل بنتي مع واحد قذر زيك؟؟؟
ياسين بعصبيه / لو كنت واحد قذر مكنتش جيت خدت بنتك يا عم مصطفى
مصطفى بزعيق / اقعد متتحركش من هنا هنادي الماذون ...
ياسين قعد ...و مصطفى دخل اوضته و يتصل بالمأذون ياسين بص لورد و بعدها لزينه زينه اللي كان ف عيونها كسره مكنش متوقع حاجه زي كده ابداً زينه تطلع اخت ورد!!!!!! الصدف مالت ف حياتنا ...
و جه المأذون و جوزهم ....
كان في قلب واقف متحطم قلب متكسر و ف حاله لا يثرى عليها زينه حب عمرها اللي مستنياه من زمان اللي انتظرته ٣ سنين و هو مبقاش يحبها و هي عارفه كده كويس بس كانت عندها امل ف كل ليله بتنامها تفكر فيه اختها اتجوزته احساس لا يمكن شخص يحسه فالدنيا كلها اي اللي خلى الصدف تجمع اختي ب حب حياتي و يتجوزوا كمان بسبب غلطه انا عايشه ليه؟؟؟ و فين؟؟ انا مكاني مش هنا كنت المفرود انا اللي ابقا قاعده مكانها مش هي دي متستحقهوووش
فاقت من كلامم كتير جواها و المأذون بيقول " بارك الله لهما و بارك عليكما و جمع بينكم فالخير "
مصطفى سلم عالمأذون ...
مصطفى / اشكرك يا استاذ عادل
عادل / الشكر لله ربنا يجمعهم فالخير
و مشي المأذون..
مصطفى بص ل ورد نظرة عتاب ..
مصطفى / دي الطريقه اللي كنتي عاوزه تتجوزي بيها؟؟
ورد بدموع / بابا انا....
مصطفى بمقاطعه / مش عايزه مبرر روحي مع جوزك و على بيته يلا ولا الغندور معندهوش بيت
ياسين بتنهيده / الحمدلله عندي شقة امي و ابويا قبل م يسافرو و مِلك كمان
مصطفى / تمام اتفضل
فتح ياسبن الباب و زينه جات قربت حطت شنط اختها و بصت لياسين بس هو دير وشه و بص فالارض لاحظت ورد اللي بينهم لكن سكتت معلقتش لاحظت ب شئ غريب لازم يتشرح
ياسين خد شنطها و خرج و نزل و ورد ودعت اهلها و ابوها اللي مرضاش يحضنها كانت هي مدمعه و على اخرها و زينه رفضت تحضنها هي افتكرت ورد ان اختها زعلانه عليها متعرفش السبب الرئيسي.. امها الوحيده اللي حضنتها و سلمت و خرجت ورد مكسوره متعرفش ان بدون السبب ده مكنتش هتعرف ترجع هنا تاني كانو ممكن ميشوفوهاش اصلا تاني بس للاسف هو ده القدر نزلت ورد و ركبت العربيه مع ياسين .... و كانت ورد حطه ايدها على خدها و عيونها مليانه دموع و بصه من الشباك
ياسين / اسف اني حطيتك ف موقف زي ده بس..
ورد / عارفه الغلط مش منك اصلا كل اللي حصل ده كان مجرد امتحان ف حياتي و حياتك و حياتنا كلنا و انت ساعدتني و لولاك كانو اهلي بيجمعو جثتي ده لو لقو منها قطعه ف انا اشكرك جدا و متاكده اننا هننجح ف اننا ندخل حمزه السجن و انا معاك و مأمناك و هتاخد حق مراتك اللي ماتت كمان و مش هسيبك
ياسين بابتسامه / انتي شخصيه حلوه جدا يا ورد و ثقتك بنفسك و املك للدنيا و هدفك اللي مش بيقف و عارفه ان الحياه دي مش مجرد سقوط و نجاح ده حتى فالسقوط في امتحانات و احنا دلوقت كلنا ف امتحان هننجح فيه
ورد بابتسامه و تنهيده / ياسين انا هسألك سؤال بس يارب ميضيقكش
ياسين / اسألي طبعا
ورد / انت كنت بتحب مراتك القديمه اقصد مراتك الله يرحمها التانيه؟؟؟
ياسين اتنهد / اكيد اتجوزتها عشان بحبها
ورد / اسفه اني بفكرك بس سؤال جه على بالي
ياسين بابتسامه/ مفيش مشاكل
ورد / على كده عادي انت تحب تاني و تعيش حياتك بعدها
ياسين / مش متأكد بصراحه جربت احب و كانت بنت كويسه جدا بس مقدرتش قلبي حاسس اني و انا لسه مرجعتش حقها و كمان رايح بحب حد تاني اني بضيع حقها و وقتها اللي حبتني فيه هي الحقيقه اللي خلاني لتجوزها حبها ليا كانت بتحبني جدا وثقت انها الست اللي هتفضل جمبي و هتراعيني و ان حمزه فعلا ميستهلهاش هي حبتني انا
ورد باستغراب / يعني كمان مكنتش بتحبها !!حبتها و اتجوزتها لان حمزه ميستهلهاش مش كده؟؟؟
ياسين بإنكار / لأ طبعا بس الوضع مختلف شويه انا حسيت انها شخصيه كويسه
ورد / م كانت الشخصيه دي ممكن تكون مع حمزه ف امان اكتررر و كانت هتغيره و هتحسن منوو يمكن هي كمان كان بدل م تموت و انت اصلا مش بتحبها شيلت ف رقبتك شئ كبيره جدا
ياسين بعصبيه / انا هقولك معلومتين المعلومه الاولى اللي بيحب حد ميإذهوش ما بالك بقا اللي يقتله تاني معلومه حمزه عمره م بيحب لأن حمزه اناني محدش يعرفه اكتر مني
ورد بتنهيده/ مننكرش ان حمزه ده مريض و قتل اللي بيحبها ده بسبب ضغط عليه
ياسين بعصبيه / ممكن افهم دلوقت انتي بتدافعي عنه لسه
ورد بنرفزه / مش بدافع
ياسين ب جز عالسنان / يبقا اسكتي...
____________________________________
وصلو بيت ياسين ...
ورد / انا امانه عندك فاهم؟؟
ياسين بعصبيه / عارف اخرسي بقا
فتحو الباب و اتصدمو من اللي شافوه ...
_______________________________
يا ترى شافو اي؟؟
يتبع...
