رواية غرام ابليس الفصل العاشر 10 بقلم مريم عبدالرحمن

رواية غرام ابليس الفصل العاشر 10 بقلم مريم عبدالرحمن

 

الفصل العاشر.....غرام إبليس
لمريم عبدالرحمن
_________________________________
وصلو البيت...
ورد / انا امانه عندك فاهم؟؟؟
ياسين بعصبيه/ عارف اخرسي بقا

فتحوا الباب و اتصدمو اما لقو حمزه قاعد بيشرب سجاير عالكنبه ...

ياسين بزعيق / انت هنا بتعمل اي
حمزه باستغراب / جاي اباركلكو ولا انا ضيف مش مقبول؟؟؟
ياسين بزعيق/ ضيف مش مقبول اخرج
حمزه / فاكر نفس المشهد ده يا ياسين؟؟ساعتها انا قتلتها
ياسين / بس قتلتها عشان كنت بتحبها انت مالك ب ورد ؟؟
حمزه ببرود / انت مااالك انا مش مجبر ابررلك
ياسين ببرود / بس مجبر تخرج برا بيتي

ورد كانت واقفه خايفه..
حمزه قام وقف / انا همشي بس قولت ابقا اول واحد يباركلكو
ياسين / و بطل تبقا عينك على حاجة غيرك نصيحه اخويه

و حط ايده على كتفه...
حمزه زق ايده ...
حمزه / مش عاوز نصايحك خليهالك

و مشي حمزه...

ورد بخوف / هو عاوز اي كده
ياسين بتنهيده / بيهددني بيكي
ورد / مش فاهمه هو احنا مش هنبلغ عليه يعني و بيهددك ب كده؟؟؟
ياسين / اه طبعا و بيهددني عشان كده
ورد / بكره هنبلغ عليه؟؟
ياسين / اه هدير جاهزه؟؟؟
ورد / اه جاهزه
ياسين / طيب انتي هتاخدي اوضة بابا و ماما و انا اوضتي اخر الممر ده
ورد كشرت / و اشمعنا م اخدش اوضتك
ياسين بخبث / عاوزه تنامي جمبي اهلا و سهلااا
ورد بعصبيه / انت حيوان!! اقصد ليه متدنيش اوضتك شكلها احلى
ياسين بضحك / اديكي قولتي عشان هي اوضتي
ورد / غبي

و دخلت الاوضه بتاعتها و قفلت الباب ف وشه.....
___________________________
تاني يوم الصبح...
ورد صحيت و لبست لبس خروج كان البنطلون ضيق و الشميز قصير جدا و قاعده فالصالون...

ورد بزعيق / ياسيييين كل ده بتعمل اي؟؟

ياسين خرج من اوضته ..
ياسين / كنت بسرح شعري
ورد بنرفزه/ طب يلااا
ياسين بعصبيه / متتنرفزيش عليا
ورد بتنهيده / استغفر الله العظيم
ياسين /يلا اتنيلي قومي
ورد بعصبيه / متقوليش اتنيلي

ياسين خرج و سابها و هي جريت وراه ...
ورد / هنروح ناخد هدير الاول
ياسين / تمام

و راحو بالعربيه عند بيت هدير و طلعت ورد من العربيه و وقفت برا العربيه...

ورد تنحت اما شافت مراد على اخر الشارع و جاي عليهم...و اهو اخيرا شافها..
مراد بفرح/ ورد!!!
ورد بتوتر / مراد ازيك

ياسين نزل من العربيه

مراد /كويس جدا انتي رجعتي امتا
ورد بثقه / رجعت امبارح

مراد بص ل ياسين..
مراد / مين ده بقا؟؟
ورد بتوتر / مش حد ده ..و بعدين ميخصكش
ياسين بابتسامه / جوزها مش تقول مبروك ؟؟
مراد تنح / جوزها اي ؟؟ اي الهبل ده
ورد بتوتر / اتجوزنا انا و ياسين امبارح
مراد بضحك/ بتهزري؟؟
ورد كشرت / مبهزرش
مراد كشر / الف مبروك عن اذنك ..

مشي مراد و ورد عنيها اتلمت دموع..
ياسين / مين ده
ورد بعياط/الشخص اللي بحبه او كنت ..
ياسين / مقلتليش ان في حد ف حياتك
ورد / مجاش فرصه ثم هو كان ف حيااتي
ياسين / طب احنا كده كده اما نتطلق عادي ارجعيله
ورد بدموع/ انت مش فاهم حاجه احنا هنا غير بلاد برا يعني اي يتجوز واحده مطلقه كان نفسي ميعرفش اني اتجوووزت
ياسين/ تمام خلاص اهدي هبقا احاول افهمه فالاخر
ورد بهمس غير مسموع/ هو كده كده شخص مش كويس كان بيكلم صحابي كلهم

ورد سكتت و ركبت العربيه و بعدها هدير خرجت من العماره و ركبت

هدير / انتو معاكو دليل!!
ياسين / محمود مديني كل الادله
هدير/ انا عاوزه افهم ازاي هو شغال مع حمزه و بيساعدك
ياسين بتنهيده / محمود طيب بس حمزه اللي كان ضاغط عليه شويه بس مش مشكله كل حاجه هتتصلح قريب و حمزه هيتسجن و كل حاجه هتبقا كويسه
هدير / اومال ليه هنشتكي على محمود مش حرام ؟؟؟
ياسين / محمود لازم يتسجن اول فتره عالاقل عشان ميعرفش يساعد حمزه
ورد بصوت مبحوح/ مش ممكن نجيب يساعده؟؟
ياسين / انتي اصلا هتروحي تقولي على نجيب و هتقولي كل الحقيقه مفيش حاجه هتبقا كدب و عليا انا اجيب الادله و بس و كله هيتسجن
ورد / تمام
هدير/ ورد مالك
ورد / مفيش
هدير / لأ في حاجه انتي مخبياها او تعبانه في اي مالك
ورد بنرفزه / هدير مفيش حاااجه
هدير / تمام خلاص مش هضغط عليكي

_________________________
فالمكتب بتاع العميد...
العميد "ايهاب على" عميد ٤٦ سنه راجل كويس جدا ...
ايهاب / اتفضل يا ياسين والدك عامل اي
ياسين / الحمدلله كويس
ايهاب / خير جاي في اي؟؟
ياسين / هنبلغ عن واحد اسمه حمزه نجيب
ايهاب تنح / انت عارف انت بتقول اي؟
ياسين / عارف كووويس
ايهاب بتنهيده / فين الادله
ياسين / مراتي و صاحبتها يتكلمو
ايهاب / اتفضلي ي مدام
ورد / مدام؟؟

ياسين برقلها ....
ورد / اوووف تمام تمام هحكي ..الحكايه بدأت يوم م نجحت فالثانوي و هطلع دكتور ساعتها بابا حب يسفرني برا و ابقا تحت رعاية صديق ليه من زمان فالجيش اللي هو نجيب و كان إبنه هينمي الثقافه الانجليزيه عشان المحاضرات و كده و اللي هو حمزه بدأت احس ب أجواء غريبه و كلام غريب جدا ف يوم هدير صاحبتي اللي كانت معايا شافت شخص واقف مع حمزه ف الجنينه و خطفوها افتكرو انها سمعتهم لكن هي مكنتش سمعتهم و بعدها بيوم حمزه هددنني علني قدام عيني انه هيقتلنا بس انا هربت و من حسن حظي اترميت قدام بيت ياسين مكرم اللي ساعدني اوصل مصر و حمزه جه ورانا خايف من اللقطه اللي نيجي نشتكي منه
هدير / و انا اشتكي عن محمود الببلاوي خطفني و شوفته وجهاً لوجه
ايهاب / الادله!!
ياسين / دي تسجيلات كاميرا مهمه لفيديوهات فالشارع و ورد بتهرب و دي تسجيلات صوتيه لمكالمة بين محمود و حمزه و كمان في تسجيل لنجيب و هو ف نفس المصنع اللي كانو خاطفين في هدير
ايهاب / متاكدين من الخطوه دي ؟
ياسين / متاكد اكتر من تأكيدي اني قاعد قدامك ده غير انه قتل مراتي دون دليل و ده مسيره يبان بس في تسجيل ان كان نفس الوقت طالع اوضتي فالفندق يوميها و كان فنفس الدور
ايهاب بتوتر / طيب يا ياسين ماشي هطلع قوات تقبض عليه
ياسين / تمام نستأذن احنا

خرج ياسين و ورد و هدير..
ورد / انا خايفه جدا من اللي هيحصل
ياسين / مفيش اي حاجه هتحصل متخافيش هيتسجن زي اي واحد بيعمل جرايم لان ف مصر معندووش اي واسطه
ورد بحزن /بس انا كان نفسي ارجع لاهلي بعد الموضوع ده
ياسين /متقلقيش هنحل الموضوع ده بس دلوقت نتطمن على حمزه
هدير بتوتر / و محمود
ياسين بإستغراب / شاغله نفسك انتي اوي ب محمود
هدير / مش اقصد بس هو شخص كويس
ورد / شخص كويس ازاي و هو بيشتغل مع حمزه
هدير بتريقه / عادي يعني بقول ف صيغة الكلام
ياسين بضحك/ بلاش تتناقشو خلينا نروح هوصلك انتي يا هدير و بعديها نرجع انا و ورد
_______________________
عند حمزه خاصة ف بيت عالنيل بيشرب سجاير كالمعتاد محمود قاعد جمبه...
محمود بعصبيه/ انت عاوز تقتل صاحبتها ليه!!انت فاكر كده انها هتحبك اما تإذي مشاعرها؟؟؟؟
حمزه بزعيق / هي أذيتني قبل م أأذيها و اتجوزته
محمود بسخريه /طبيعي هتتجوزه من افعالك اللي ملهاش اخر . ذنب البريئه صاحبتها اي ؟؟تقتلها ليه؟؟

حمزه بصله نظرة تساؤل
حمزه/ بتسأل عن البنت دي كده ليه و مهتم بيها
محمود / هو لما اهتم ببنت يبقا في سبب؟
حمزه بضحك / اديك قولت مهتم ببنت و اكيد في سبب!
محمود بإستغراب/ مفيش اي سبب
حمزه بتلقائيه / بتحبها!!
محمود بتنهيده/ معرفش بالظبط
حمزه /عشان كده هربتها!!
محمود بسخريه/اهرب مين!!
حمزه بهبث / عارف انك هربتها عشان بتحبها قول متتكسفش ده طيش شباب و كده أكيد لكن طبعا لو كان غير كده ليه عقاب تاني

محمود سكت ..
محمود / هربتها عشان كانت صعبانه عليا بس
حمزه بضحك / و انا مش هعاقبك عشان الحب اقوى من كده لكن مسيري هردهالك
محمود بتوتر / يعني مش هتقتلها يا حمزه!!
حمزه / تؤ تؤ وعد مش هقتلها
محمود بإرتياح / تمام

ف نفس اللحظه خبط و رزع عالباب ..
حمزه بخضه/ اي ده؟؟
محمود / افتح ؟؟
حمزه بضحك/ ده اكيد البوليس هما عملوها بدري اوي كده؟؟
محمود / و هنعمل اي؟
حمزه / همشيلهم اللي هما عاوزينه فالاول بس فالاخر اللي انا عاوزه اللي هيمشي

محمود راح فتح الباب و البوليس دخل قبض عليهم و مشيو معاهم
________________________
ف مكتب العميد إيهاب ...
إيهاب بجمود / أظن واضح انتوا متهمين ب إي
حمزه ببرود / أنكر الكلام اللي فالورق ده و الأدله مش قويه و عاديه وارده لأي حد
إيهاب/ متهيألك إن الأدله مش قويه بالنسبالي قويه أوي كمان
حمزه ببرود / خلاص مش مشكله مش هتكلم من غير المحامي بتاعي
إيهاب بسخريه / انا شايف ان الكلمه دي بتحصل ف المسلسلات بس و الافلام انت مش هتطلع من القضيه دي و لا من السجن تاني
حمزه بضحك /ماشي اللي انت عاوزه طبعا
إيهاب بزعيق/ خدوهم عالحجز
حمزه / قبل م تاخدني عالحجز عاوزه اقول محمود ملوش اي ذنب انا كنت بهدده و بخليه يشتغل بالتهديد حتى اكيد باين فالملف انه مهرب هدير جابر
إيهاب ب شك / هيتحجز على زمة التحقيق لحد م نشوف اخرتك

و خدوا العساكر محمود و حمزه و رموهم فالحجز ..

محمود / ممكن تقولي قولت كده ليه ؟؟
حمزه/ عشان مش لازم احنا الاتنين ندخل السجن لازم حد فينا برا و هتبقا إنت و اول حاجه هتعملها اول م هتخرج هتجيب نجيب هنا
محمود / حاضر
________________________
بعد مرور شهرين في نيو يورك خاصة في بيت مكرم مفروش فرشه عالارض نايم عليها ياسين و اتفتحت ستاير الاوضه و دخل النور على وشه ...
ياسين بتنهيده / بتصحيني كل يوم بطريقه مفزعه الحقيقه
ورد باستفزاز /حد قالك تتجوزني!!
ياسين / استغفر الله العظيم ..و انتي اي مصحيكي بدري كده دي حتى الساعه مكملتش ٩ !!
ورد بحزن / حتى زينه مبتردش عليا و عملتلي بلوك عالفيس و الواتس انا معرفش هي كمان بتعمل معايا كده ليه!!كل حاجه انتهت ابويا و امي طردوني و رفضوني و اتبرو مني حتى هي و معرفش السبب
ياسين بتوتر / انا أسف إني بعدت عيلتك عنك عشان مصلحتي
ورد بابتسامه باهته و مكسوره / انا لولاك كنت مت انا و هدير بس الحقيقه اني انقذت روحي و جسدي لكن بيعت حياتي و أملي
ياسين / انتي تقدري توصلي لزينه يعني حطي رقمها عندي و حاولي تكلميها
ورد بفرح / بجد!!
ياسين بابتسامه/ بجد
ورد بفرح / طب قوم طبق اللحاف اللي عالارض و هخلي سلوى تحضر الفطار و انا هكلمها
ياسين / تمام ثواني

مسك ياسين التليفون مسح بسرعه رقم زينه اللي هو مكلمهاش من ساعة م اتجوز ورد و مسح السجلات اللي بينهم
ياسين / اهو امسكي

و قام ياسين طبق اللحاف و خرج من الاوضه ..
ورد حطت رقمها و فضلت ترن كتير

* عند زينه *
زينه بدموع / استحاله ارد عليه هو عاوز مني اي تاني اووووف

*عند ورد *
ورد / طب افتح بروفايل ياسين عالفيس و ادور على بروفايلها و اكتبلها رساله!!

فتحت بروفايل ياسين و بحثت عن اسم اختها عالفيس بوك و بالفعل لقيته لكن استغربت ان هما اصدقاء عند بعض و فتحت الماسدج عشان تبعتلها رساله اتصدمت من وجود رسايل بينهم و رسايل كتير كمان و معظمها رسايل حب
____________________
يتبع..

الحادي عشر من هنا 

تعديل المقال