رواية ترويض النمر الفصل التاسع والعشرين 29 بقلم نهي الشهاوي
الحلقه29
مضى الاسبوع الذى حدده ابو ليالى كعقوبة و اليوم هو اول الايام حتى تخرج ليالى الى العمل فتدخل ليالى الى مكتبها بالموقع فتجد علاء يجلس على مكتبها و تجلس امامه رشا و يتكلمان و يضحكان فتدخل عليهم و فى عينيها شرار الغضب فتقول بشكل مقتضب ( صباح الخير .........فيقف علاء و يتنحى جانبا من مكتبها و يقول مازحا ( اخيرا اتفك من عليكى الحظر ........ استلمى باه يا ستى الموقع دا انا بقالى اسبوع مربوط فى الموقع دا بدالك
ليالى بنفس الحدة ( حظر ايه اللى انت بتتكلم عليه ؟؟؟ و بعدين فين فارس
علاء ( لا ابدا دى كلمة كدة مقصدش عليها حاجة ......... و فارس فى المكتب
ليالى ( طيب انا حكلمة
علاء ( حمشى انا دلوقت ......... سلام
ليالى و هى تنظر الى هاتفها و لا تنظر اليه ( ماشى ....... سلام
ليالى تحدث فارس ( ايوة يا فارس ........ فى الموقع ........... اه لقيت علاء و رشا فى المكتب ......... مش انت قولت انك اللى حتكون فى الموقع ايه اللى دخل علاء .... و بعدين انت قولت ايه لعلاء عشان يقولى اخيرا فكو عنك الحظر ؟ ......... مش عارفة و الله .شوف انت قولت ايه ......... لا متجيش .......... بقولك لا انا عندى شغل كتير ...... يوووووووووووووووه هو انا لازم انفذ اوامر السادة بس ......... بقولك ايه مع السلامة
فارس بعد اغلق الخط مع ليالى يقول ( فيه ايه ؟؟؟ ليالى غريبة قوى
فعلا فارس نفذ كلام ليالى و لم يذهب الى الموقع و لم يتصل بها و جعلها تتعامل بحرية فى موقعها و بعد ذلك اتصل بها و قال ( ايوة يا حبيبى ازيك ......... شوفتى مجتلكيش الموقع اهو زى ما قولتى عشان كان واضح من صوتك انك متنشنة جدا ......... بقولك ايه انت فى الموقع و لا مشيتى .......... طيب مدام فى البيت البسى و اتشيكى انا عازمك على العشا ........ ليه لا يا ليالى .... انا عاوز اطلعك من المود الوحش دا ......... طيب خلاص يا ليالى خليها بكرة و انا حكلم اونكل اقوله ......... ايه يا ليالى الغرابة اللى انتى فيها دلوقت دى كل ما اقولك حاجة تقولى لا ................. طيب يا ليالى لما تروحى الموقع بكرة كلمينى احتمال اعدى عليكى ...........
يوووه انتى بقيتى فظيعة بقولك تكلمينى عشان احتمال اعدى عليكى تقوليلى بتراقبنى عشان تعرف انا داخلة الموقع امتى .......... بقولك ايه اتصرفى زى ما انتى عاوزة ......... سلام
يغلق فارس الخط مع ليالى و لكن هناك شئ يستشعره( ليالى اصبحت اكثر عنفا و هجوميه زيادة عن اللزوم ) فيحدث فارس نفسة و يقول ( ليالى كفاية مش حنرجع تانى ..........
يمضى عدة ايام على فارس و ليالى لا يلتقيان و بينهما فقط مكالمات قصيرة يقيس بها فارس مدى توتر و عصبية ليالى فى التصرف فى عدة امور و هى ايضا ترفض نهائيا الخروج معه بعد العمل و ملتزما حرفيا بما امر به والدها من حيث الذهاب الى العمل فقط و لا تخرج حتى من غرفتها لنقل ان ليالى تنتقم من ابوها و زوجها فى انها تدخل نفسها نفق الاكتئاب و قد بدات جميع الاعراض تظهر عليها
مساء احد الايام يتصل ابو ليالى بفارس و يقول ( ايوة يا فارس ازيك ......... بقولك ايه يا فارس انا مضطر اسافر بكرة ان شاء الله بالليل للقاهرة ..... انت عارف انى عندى مقابلة بعد بكرة الصبح بدرى فى السفارة الامريكى فى الزمالك عشان التاشيرة .......... اه انا و طنط مسافرين و ليالى حتفضل فى البيت مش عاوزة تيجى و مزرجنه على الاخر ......... فقولت حتيجى صاحبتها مى تبات معاها اليوم دا و تانى يوم احنا بعد المقابلة حنرجع على طول باذن الله و نكون هنا على المغرب كدة ........ انا بس قولت اقولك عشان تبقا تتابعها كدة بالتليفون
فارس ( خلاص يا اونكل هى ليالى اساسا حتفضل معايا لحد الساعة سابعة كدة عشان عاوز منها شغل ادارى و بعدين حوصلها يعنى القصة سواد الليل و تانى يوم اجازة فبعد اذنك حنخرج انا و هيا و ماما نقضى اليوم فى اى حته عشان شايف ليالى كدة مش مظبوطة و مضطربة على طول و على المغرب نعدى على حضرتك ناخدك من محطة القطر )
انتهت المكالمة على الاتفاق ان تكون ليالى مع فارس طوال اليوم الخميس و يوم الجمعة ايضا مع وجود صديقتها معها فى البيت للمبيت معها فقط الخميس و عى هذا الاتفاق سافر والد ليالى ووالدتها ...........
ياتى يوم الخميس لتدخل ليالى الى الموقع فتجد فارس فى انتظارها فى المكتب وما ان راته حتى وقف من مكانه مرحبا ( اهلا يا حبيبى ............
ليالى ( اهلا يا فارس ..... خير فيه حاجة
فارس ( اه فيه ....... فيه انك وحشتينى و بقالك كام يوم تقلانه عليا ......... حتى المكالمات بقيت قصيرة قوى ........ فقلت النهاردة بقا اهجم عليكى فى الموقع عشان اشوف قمرى
ليالى و هى تجلس على المكتب و يظهر عليها عدم الاهتمام نهائيا بما يقوله فارس لها ( طيب جميل ........ يعنى حتقعد معايا النهاردة فى الموقع و تسيب مكتبك ؟؟؟
فارس يجلس على الكرسى المقابل للمكتب و يضع رجلا على رجل ( انتى عاوزة ايه ؟؟؟ ........ انا تحت امر السيادة
ليالى بنبرة سخرية ( فارس و رحمه ابوك بلاش الاسلوب دا .......... خليك طبيعى ........ خلاص انا اخدت على نبرة الاوامر منك فمتمثلتش عليا دور المستسلم و انى انا اللى حقولك تعمل ايه
فارس و هو يبتسم ابتسامة خفيفة توحى بانه يريد ان تخرج ليالى كل ما بداخلها من غضب حتى لو كان كلامها جارح له شخصيا فحقها عليه ان يساعدها فى ان تخرج غضبها لا ان يكتم غضبها فبهذه الحالة سيتحول الغضب الى بركان لا يمكن السيطرة عليه فيقول بابتسامة ( طيب يا ستى مش احنا قولنا ان اللى يغلط يعترف احسن من انه يكابر ؟؟؟؟
ليالى بنظرة فاحصة و مستعدة للهجوم لانها استشعرت ان فارس كالعادة سيفهمها انها مخطئة فتقول بنبرة حادة ( خير ....... غلطت فى ايه المرة دى كمان
فارس ( لا يا حبيبى ...... انا اللى غلطت مش انتى المرة دى
ليالى بنفس النظرة الفاحصة ( غلطت !!! فى ايه المرة دى ؟؟؟
فارس ( ممكن نتكلم برة الموقع عشان لو عاوزة تزعقيلى محدش يسمعك
تضحك ليالى ضحكة طفوليه ( ازعقلك ؟؟؟؟ و اضربك كمان
فارس و هو يقف و يمسك بيد ليالى لتقف معه و يقول ( يا ستى اللى انتى عاوزاه اعمليه انا مستعد لاى حاجة
يخفض صوته هامسا بجوار اذنها ( بس مش ادام الناس .......... بينى و بينك بس
تضحك ليالى بنبرة طفوليه و تقول ( طيب يلا بينا على مكان هادى عشان اعرف سيادتك غلطت فى ايه ؟؟؟؟
تجلس ليالى بجوار فارس فى احد الكافيهات على البحر ولولا ان الجو بارد لكانو الان على صخرة من صخور بير مسعود فى سيدى بشر المكان الذى ولد فيه حبهما فتقول ليالى بنبرة جادة ( ها يا فارس ........ عاوز تقول ايه ؟؟؟
فارس و هو يتقن دور المذنب ( ليالى احلفيلى انك مش حتزعلى منى
ليالى ( فارس بلاش لعب بالاعصاب ... فيه ايه قول بسرعة
فارس ( احلفى الاول
ليالى ( و من امتى كان بينا حلفان يا فارس ........ اتكلم بسرعة باه
فارس ( ليالى انا راجعت نفسى فى اللى حصل الايام اللى فاتت دى و لقيت فعلا انا غيرت معاملتى معاكى و فعلا بقيت دايما عاوز اكون دورى هو دور المصلح اللى بيصلح فيكى و دايما كنت بحاول اطلعك غلطانة و اضخملك غلطك بشكل كبير
ليالى ( يعنى انت حسيت انى انا فعلا مكنتش غلطانه دايما و على طول زى ما انت كنت شايفنى ؟؟؟
فارس و هو ينظر فى عيون ليالى نظرة فاحصة يريد ان يخترق راسها حتى يعلم ما تفكر فيه الان ( مفيش حد بيكون غلطان على طول زى بالظبط ان مفيش حد بيكون صح على طول
ليالى ( لا والله و جاى تقولى الكلمتين ليه دول دلوقت
فارس ( ليالى انا مش راجل ديكتاتور زى ما انتى حاسة .......... لو انا ديكتاتور كنت مستحيل افكر فى واحدة زيك كنت زمانى اخدت واحدة اقل منى فى كل حاجة علميا و ثقافيا و اجتماعيا ......... بس المشكلة الوحيدة اللى بينى و بينك هو اختلافات فى بعض القيم ....او بلاش نقولها قيم عشان متبقاش معناها كبير ......... نقدر نقول اختلاف فى مفهوم بعض الخيوط العريضة فى الحياه و دا نابع من اختلاف البيوت و الظروف اللى احنا اتربينا فيها
ليالى ( ليه يعنى ما انا امى و ابويا تقريبا يشبهو امك و اكيد ابوك الله يرحمه كان زينا كدة يعنى مفيش اختلاف جوهرى بينا
فارس ( اه الاختلاف مش جوهرى بس برضو فيه اختلاف يعنى مثلا نيجى عندى انا طول عمرى راجل البيت من صغرى عشان انتى عارفة ان بابا اتوفا الله يرحمة و انا صغير فطول عمرى ماما بتتعامل معايا انى انا راجل البيت يمكن الشعور دا خلانى ابقا مش متقبل ان الست اللى تخصنى تكون مبتفكرش تاخد راييى فى كل صغيرة و كبيرة قبل ما تعملها
ليالى ( يعنى عاوز تفهمنى ان مامتك لازم تقولك اللى هيا بتعملوا
فارس ( تصدقينى لو قولتلك ان ماما لما تيجى تخرج بتتصل تقولى مع ان اكيد انا مش حقول لا طبعا بس بتقولى كنوع من التقدير ليا و اسمها امى اللى ربتنى و لو هيا بتفكر فى اى حاجة تعملها لازم بتدينى خبر و لو مش موافق ممكن جدا تلغيها ....... يعنى الموضوع مش حرب الموضوع انى اتربيت على انى ليا راى فى كل حاجة تخص اللى يخصونى
ليالى بدور البريئة ( طيب و انا عملت ايه غير كدة ؟؟؟؟
فارس و هو يضحك ( ليالى انتى عاوزة تحسسينى انى انا عندى انفصام فى الشخصية ......... يعنى انتى مش عارفة ايه اللى حصل منك .... عموما انا مش جاى اقعد معاكى عشان اتكلم فى اى حاجة حصلت منك انا جاى النهاردة اقولك انى اتصرفت معاكى فى بعض الامور غلط
ليالى و قد استعادت نبرة تدل على احساس بالقوة ( طيب اعمل فيك ايه دلوقت ؟؟؟
فارس ( شوفى الغلطان يسكت خالص و يستسلم لاى حاجة تتقالوا و انا غلطان و منتظر كلمتك
ليالى ( يعنى منتظر عقابى
فارس و هو يبتسم ابتسامة حانية ( الراجل مبيتعقبش يا حبيبى ......... الراجل بيتلام بس
يمسك فارس بيدى ليالى و يقبلهما بدفئ و يقول ( اللى انتى عاوزاه انفذهولك بس انتى اامرى
