رواية ترويض النمر الفصل الثامن والعشرين 28 بقلم نهي الشهاوي
الحلقه28
فى الصباح بل نقل فى الفجر تقريبا الساعة السادسة صباحا تدخل نهى على فارس الذى لم يحن موعد استيقاظة و تحاول هامسة ايقاظة و تقول ( فارس حبيبى اصحى ... )
فارس يفتح عينه ثم ينظر الى الشباك ليجد الشمس لم تظهر بعد فيقول متعجب ( ايه يا ماما فيه ايه ؟؟؟؟ و الساعة كام ؟؟؟؟؟
نهى ( الساعة سته الصبح يا حبيبى ...........
فارس( و انتى مصحيانى ليه دلوقت ؟؟؟
نهى ( اصحى ليالى برة و مستنياك
يهب فارس جالسا فى سريرة و يقول بنبرة متعجبة (ايه !!!! ليالى ؟ فيه حاجة ؟؟؟
نهى ( لا يا حبيبى مفيش ........... هى بس بتقول النهاردة عندكم شغل من الساعة سته و نص فقالت تعدى عليك تروحو مع بعض
فارس و هو يقوم و يلبس الروب ( شغل ايه المجنونة دى ؟؟؟
فارس بعد ان خرج من غرفته ليجد ليالى و هى تجلس فى الصالون ( فيه ايه انتى ايه اللى منزلك فى الوقت دا ؟؟؟
ليالى ( هو انت مش قايل من امبارح اننا عندنا صبه فى الموقع من سته و نص و ان الخلاطة جاية سته
فارس و هو يجلس امامة بشكل متحفز ( و انتى مالك ........... انتى تروحى موقعك فى معادك الساعة تمانية
ليالى ( و الصبه احنا واخدين اذن من المرور بساعتين بس .........
فارس ( تتحرق الصبه انتى تخرجى من بيتك فى الوقت دا اساسا ليه و ازاى ؟؟؟؟ دا انا المسافة بينى و بينك بتاع نص ساعة ... يعنى انتى نازله من خمسة و نص ؟؟؟
ليالى و هى تنظر الى فارس بشكل يوحى انها لا تعلم ما يقلق و يغضب فيما فعلته فهى متوقعة انها سوف تحوز على رضاه و خاصة انه الايام الماضية كان يتهمها انها بدات التقصير فى العمل ( فارس انت ايه اللى مزعلك ؟؟؟
فارس و قد بدات ثورته ( ايه اللى مزعلنى ........... انتى يا بنتى عاوزة تنقطينى .... اللى مزعلنى ان انسة نزله من بيتها الساعة خمسة و نص و قال ايه رايحة الشغل ............ انتى يا بنتى فين اهلك .... انتى قولتى لابوكى انك نازلة ؟؟؟؟
ليالى ( لا بابا و ماما كان لسة نايمين و محبتش ازعجهم .......... قولت حكلمهم فى معاد صحاينهم عشان ميقلقوش
فارس ( و بس خلاص كدة ........... حتقوللهم انك نازلة من الفجر .......... انتى عاوزة تنقطينى و لا ايه بالظبط
ليالى و هى تحاول السيطرة على غضب فارس ( و الله يا فارس انا لما نزلت فكرت على طول انى اجيلك عشان مروحش الموقع لوحدى
فارس ( هو انتى كمان كنتى عاوزة تروحى الزفت لوحدك ما دا اللى كان ناقص ........ و كنتى سيادتك باه حاطة فى دماغك تكلمينى على الساعة كام تقوليلى انك نزلة من خمسة و نص ؟؟؟؟
ليالى ( اهدى باه يا فارس ...... انا مش عارفة انت زعلان قوى كدة ليه
فارس ( انا حقوم اغسل وشى و اصلى عشان اهدى ......... عشان لو استمريت فى المناقشة حقوم عليكى اقتلك
يقوم فارس من مكانة و يتكلم مع نفسة ( باه ابوها يبقا نايم فى سريرة و بنته فتحت الباب و نازلة و قال ايه حتكلموا تقولوا .......... لا انا كلامى مع ابوها
تاتى نهى لتلطيف الجو و تجلس بجوار ليالى ( حبيبتى انتى ميصحش كدة تنزلى من الفجر مهما كان الشغل مهم ........ الاهم منه انك تحافظى على نفسك و على سلامتك ........ يعنى مش ممكن كدة حد يتعرضلك ما هو انتى ماشية لوحدك و فى معاد محدش يتوقع انك رايحة شغل يا ليالى ........... مهم قوى اننا نفكر فى مظهرنا ادام الناس اللى احنا بنتعامل معاهم
ليالى ( و الله يا طنط ما فكرت كدة .......... انا كل اللى فى دماغى انى عندى شغل و لازم اكون متواجدة
نهى ( حبيبتى انا عارفة ان الشغلانة بتاعتنا دى فيها مقدار كبير من الذكورية بس لازم مننساش اننا انسات و الموضوع لما يبقى كبير علينا نسيبها للرجالة و نبعد احنا شويتين ......... صح و لا لا
ليالى ( صح يا طنط بس انا مفكرتش فيها كدة و الله .......... و فارس على طول متنشن معايا و على طول كل تصرفاتى بتدايقوا ...... مش معقول كدة يا طنط حياتنا كلها بقت خناق
نهى ( معلش اهدى كدة و هدى المساله بينك و بين فارس و اعتذريلة براحة كدة ....
ليالى ( انا بقيت بقول انا اسفة اكتر مبقول انا بحبك .......... مش حياه كدة و الله
يدخل فارس بعد ان صلى الصبح و قال لامة ( ماما اعمليلى فنجان قوة عشان افوق و حياتى
نهى و هى تقف و تغمز ليالى فى كتفها حتى تتكلم ( القهوة بعد الفطار يا فارس و انا خلاص خلصتة و ححطة على السفرة
ليالى ( فارس ...........
فارس يقاطعها ( ليالى و النبى بلاش كلام سيبينى دلوقت ......... قوى حضرى الفطار مع ماما و بعد الفطار نتكلم
تقوم ليالى و تدخل المطبخ لتساعد نهى و تقول ( شكلها حتقلب بخناق كالعادة
نهى ( ايه ... فى ايه تانى ؟؟؟ انا مش قيلالك كلمية بالراحة و فهمية الموضوع
ليالى ( ما انا حاولت بس قالى مش دلوقت نتكلم بعد الفطار
نهى ( خلاص يبقى بعد الفطار .......... و حاولى كدة بالراحة تتكلمى معاه و تفهمية
ليالى ( ربنا يسهل ...... هو الساعة بقت كام ؟؟؟؟
نهى ( الساعة بقت سبعة
ليالى ( ايه دا طيب ما هو الصب كدة باقلوا نص ساعة شغال و احنا لسة فى البيت
ليالى تخرج من المطبخ لتكلم فارس فتجدة يتحدث فى التليفون فانتظرت انهاء المكالمة و قالت ( حبيبى الساعة سبعة و احنا لسة هنا ....... انا بس بفكرك ان الصب الساعة سته و نص
فقام فارس من مكانه و يتحدث بعصبية ( عارف يا ليالى ان النيلة بدات من نص ساعة ......... و الدنيا ماشية زى ما انا مرتبها مش محتاج سيادتك تفكرينى انا مجهز كل حاجة و كل حاجة بتتنفذ بحذفيرها و مش محتاج انزل من بيتى الفجر عشان انظم الشغل ...... بقولك ايه انتى متعرفيش حاجة عن الادارة انتى كل اللى تعرفيه ان اللى يطلع فى نفوخك بس هو اللى تنفذية
تنسحب ليالى بهدوء لتدخل المطبخ لانهاو بعد حديث نهى معها شعرت انها ارتكبت خطا و فارس لن يترك الامر
على مائدة الافطار يتحدث فارس الى ليالى و يقول ( كلمتى يا هانم ابوكى عشان تعرفيه انك مش فى البيت و لا مستنياه لما هو يتصل بسيادتك ؟
ليالى ( حكلمه بعد الفطار عشان هو بيصحة على تمانية كدة
فارس و هو يتعجب و ينظر الى الاكل ( و الله انا ما فاهم
فى بيت ليالى يستيقظ الاب و الام و لم يجدوا ليالى فى البيت فيتصل الاب على هاتف ليالى فتجيب عليه ( ايه يا بابا ........... معلش انا نزلت بدرى عشان كان عندى شغل مهم جدا ........ انا مع فارس دلوقت متقلقش ..........( فيشير اليها فارس لياخذ الهاتف فيقول ) ايوة يا اونكل صباح الخير ........ الهانم نازلة من خمسة و نص لوحدها يرضيك انت الكلام دا ............اه و بتقولى حبقى اكلم بابا بعد كدة و اقوله نزلت .......اه ....لا الموضوع مش محتاج تنزل الفجر يعنى عشان تخلصة بس بنتك اللى بيطلع فى نفوخها بتنفذه و مش مهم اى حاجة تانية بقا ............ اه اكيد و لا يهمك حولصلهالك لحد البيت بالعربيه ........... ماشى مع السلامة
فارس و هو يقوم من على السفرة ( على فكرة بعد الفطار حوصلك للبيت عشان بباكى عاوزك
ليالى ( ليه فيه ايه ؟؟؟
فارس ( مش عارف و الله ... هو قالى انت ممكن تجيبها البيت دلوقت ؟؟ فقولتله اه طبعا
ليالى ( طيب مش حنروح الموقع ؟؟؟
فارس ( لا مش مشكلة انا متابعهم بالتليفون علاء معاهم بيستلم و بعد ساعة كدة رشا حتروح الموقع و حبقا اتصل بحميدو عشان اعرف الاخبار و اكلمها ........ عشان مراتى مش راضية يكون فيه لينك مباشر بينى و بين رشا
ليالى تتحدث بتوتر ( يا سلام يعنى خلاص انا مبقاش ليا لزمة فى الشغل يعنى علاء فى الصبه و رشا بعد كدة تستلم منه
فارس و هو ينظر اليها بهدوء فوق العادى ( و الله انا مقلتش كدة انا قولت انى قبل ما انام كنت منظم الموضوع كله و الحاجة اللى محتاجة راجل حطيت فيها راجل و بعد كدة الحياه تمشى عادى خالص و رشا حتستلم منه و حتدخل موقعها الساعة تمانية فى المعاد العادى
ليالى ( شكلك كدة شايف ان رشا حتصد كويس فى الشغل و مش محتاجنى
فارس ( برضو انا مقلتش كدة ...... و عايزك تعرفى حاجة ....... انتى مش موجودة فى الموقع كونك مرات صاحب الشركة .......... يعنى مش محطوطة كمالة عدد انا لو مش محتاجك فى الشغل حقولك تقعدى و مرتبك حيوصلك لحد عندك كونك مراتى مش اكتر
ليالى و قد بدات فى الغضب ( فارس انتى تقصد ايه بكلامك دا ..........
فارس ( اقصد اللى انا قولته و بس ........ و يلا بينا بقا عشان مش عاوز اتاخر لسة حروحك و ارجع على المكتب
ليالى ( فارس متمشيش انا لسة مخلصتش كلامى
فارس ( انا خلصته و معنديش استعداد لمناقشات عقيمة
يتوجه فارس الى غرفته ليرتدى ملابسة ثم بعد ذلك اصطحب ليالى التى تركت سيارتها عند بيت فارس و ركبت معه ليوصلها الى البيت و طول المسافة لا يتحدث اليها اطلاقا و يكتفى بنظراته الحادة التى تعنى افضل عدم الحديث لاننى سوف اؤلمك
.................................................. .
تصعد ليالى الى البيت لتجد والدها الذى جلس بجوار الباب و ما ان دخلت حتى قام من مكانه و قالى ( عجبك يا هانم خليتينى ابان ادام جوزك انى مش عارف احكم بيتى ....
ليالى ( هو فيه ايه يا بابا
الاب ( فيه ايه ........ فيه انك خليتى جوزك يقولى انت راجل ملكش لازمة ........ نايم فى العسل و مخلى بنتك تعمل اللى يطلع فى نفوخها من غير حاكم و لا حد بيحاسبها ....... فيه انه عرف انك مبيهمكيش حد حتى نفسك مبيهمكيش الناس تبصلك و تقول عليكى ايه .......... عرفتى انتى عملتى فيا ايه
ليالى ( و هو انا عملت ايه غريب يا بابا
الاب ( كمان مش عارفة دى انتى مصيبتك مصيبة ......... انا مش عرف انا غلطت لما عاملتك انك محل ثقة و انك المفروض اك كبيرة كفاية عشان تتصرفى من غير مترجعيلى فى كل كبيرة و صغيرة ........ انا كنت بحاول اخليكى تعتمدى على نفسك فى كل حاجة عشان لو مت متهويش بعدى .......... بس باين عليا انى غلطت غلطة عمرى ........ بس و حياتك لاصلحها
ليالى ( بابا و الله انا مش قصدى اى حاجة من اللى انت بتقولها دى
الاب ( خلاص يا ليالى ........... بس من هنا و رايح الخروج بمواعيد و الرجوع بمواعيد ...... و قبل ما تتحركى من البيت تقولى انتى خارجة مع مين و لو انا مش موجود على الله رجلك تعتب باب البيت
ليالى و هى تنظر الى ابوها باندهاش و غير مصدقة ( طيب و شغلى ؟؟؟
الاب ( و لا حتروحى الشغل دا الله يخرب بيت يوم مطلعتى مهندسة و خليتك تشتغلى ....... لما تبقى تتجوزى دا ايذا الراجل مطفش هو حر فيكى يشغلك او يقعدك فى البيت ....... و اتفضلى بقا على اوضتك
تسير ليالى الى غرفتها و هى غير مصدقة ما يحصل لها و تغلق البياب عليها ثم تبدا فى نوبه بكاء
مساء يدخل فارس الى المكتب ثم بعد ذلك تدخل عليه سالى لتقول ( باشمهندس ابو المهندسة ليالى برة و عاوز يقابلك ..
يقف فارس من على مكتبه و يقول لسالى ( معقول يا سالى تسبية برة .................. اتفضل يا اونكل المكتب مكتبك
الاب و هو يسلم على فارس و يدخل الى المكتب ( معلش يا فارس الاصول اصول برضو ....... و لا انت خدت فكرة اننا منعرفش فى الاصول ؟؟؟؟
فارس و قد فهم قصد حماه فاراد ان يمتص حرجة ( يا الله ..ليه تقول كدة يا اونكل دا انت ابو الاصول كله ...........
الاب ( و الله يا فارس انا مش عارف اقولك ايه .......... اللى عملتوا ليالى يقصر رقبه اى اب
فارس و قد قام من مكتبه و تحرك باتجاه حماه ليجلس امامة و يضع يده على رجله و يقول ( اونكل بلاش تحمل الموضوع اكبر من حجمة ......... ليالى غلطت ..... بس انا متاكد ان حضرتك فهمتها غلطها ....... و برضو متاكد انها حتاخد بالها كويس جدا بعد كدة و عمرها ما حتكررها ؟؟؟؟ دى برضو تربيتك يا اونكل
الاب ( و الله يا فارس شكلى كدة غلطت فى تربيتها ....... خليتها تثق فى نفسها و تعيش الحياه على انها راجل ........ بس انا كنت معذور كنت خايف عليها و بعد مشكلتها الاخيرة دى كنت بعدها انها تعرف تعيش و تعتمد على نفسها لوحدها عشان متبقاش محتاجة حد فى حياتها يحميها او تعتمد عليه فى اى حاجة ......... مكنتش عارف ان انا بكدة بدمر حياتها .... مش هيا بس اللى غلطت انا كمان الغلط طايلنى ...... و ملقتش حد افضفض معاه غيرك يا فارس
فارس ( اونكل ...... انت ربيت ليالى احسن تربيه ......... كفاية انها مع كل الحريات اللى حضرتك بتقول انك ادتهالها عارفة تحافظ على نفسها و كمان تحظى باعجاب و احترام الاخرين ........ و دا مش كلامى لوحدى ..... دا كلام اغلب اللى اتعاملوا مع ليالى
الاب ( ماشى يا فارس حصدقك و انا عارف انك بتقول كدة بس عشان شايفنى متدايق
فارس ( اه بالحق ايه اللى حصل مع ليالى ؟؟؟ انا معرفش حاجة عنها من ساعة موصلتها الصبح ؟؟
الاب ( اهى قاعدة فى البيت و قولتلها انها حكسر رجليها لو عتبت برة البيت من غير اذن
فارس و هو يضحك لانه يتخيل منظر ليالى و هى تجلس فى غرفتها كالطفل الصغير المعاقب باحتجازة فى غرفته و يقول ( يعينى طيب و لحد امتى ؟؟؟؟
الاب ( لحد ما تتجوزو
فارس باندهاش ( شهرين ؟؟
الاب ( اه ....... انا قولتلها متخرجيش من البيت لحد ما تتجوزى بعد كدة جوزك حر فيكى يشغلك يقعدك هو حر
فارس ( طيب هو جوزها رايه ايه فى الموضوع
الاب و هو يضحك ( مش عارف و الله انت رايك اقوله و لا بلاش
فارس و هو يضحك ( لا بتكلم جد اصل انت فصلت الحالتين عن بعض كانى انا صاحب الشركة و بس و بتبلغنى ان ليالى مش جاية الشغل تانى و المرحلة اللى بعد كدة انى حشوف راى جوزها ايه تنزل و لا تقعد فى البيت ........ مصيبة لو قال تقعد ....... يبقى الموقع اللى مقرى عليه دا مش حيخلص فى سنته
الاب ( مش عارف يا فارس اتصرف انت باه
فارس ( اونكل مينفعش ........ ليالى فيه حاجات كتير قوى هى اللى تعرفها و هيا اللى ورقها معتمد .........
الاب ( لا خلاص انا قولت كلمتى و انتهينا
فارس ( يبقى بتعاقبنا احنا الاتنين
الاب ( ما انت عندك مهندسة تانية يا فارس
فارس ( مينفعش دى متجيش حاجة جنب ليالى ......... انت متعرفش ليالى بالنسبالى ايه فى المكتب
الاب باندهاش ( ايه دا كله دا على كدة بنتى طلعت جامدة قوى ؟؟؟
فارس ( بعيدا عن انها مراتى بس جامدة جدا جدا جدا ......... ليالى شخصية قيادية بطبعها و دا اللى مخليها مش قادرة تخضع لحد و ان التعامل معاها صعب بس فى شغلها عارفة تمسك كل الخيوط فى اديها و تخلى اى حد فى الموقع يخضعلها
الاب ( انت بتتكلم جد يا فارس ؟؟؟
فارس ( اه و الله انا بتكلم جد .......... ليالى دى جبارة
يضحك الاب و فارس حتى دمعت اعينهم و يقطع ضحكهم صوت رنين هاتف فارس فيرى ان المتصل هى ليالى فيشير الى الاب حتى يصمت ليستطيع فارس الرد على ليالى و يقول بنبرة جادة ( ايه يا ليالى ازيك ؟؟؟ ......... لا معلش اصل اتشغلت قوى النهاردة و لقيتك متصلتيش قولت حتصل بيكى بالليل لما ارجع من المكتب ......... اه فى المكتب يا حبيبى .......... لا معرفش ايه اللى حصل ؟؟؟؟؟ ....... لا يا شيخة انتى بتتكلمى جد ......... لا لا لا ....... ليالى احنا قولنا ايه بلاش عياط ...... حبيبى اهدى بس مش بعرف اتكلم معاكى و انتى بتعيطى ......... طيب خلاص انا حكلم بابا و اشوف الموضوع دا .......... خلاص يا حبيبى اهدى ...... طيب اقفلى دلوقت و بعد كدة حكلمك ........ سلام
ينهى فارس المكالمة مع ليالى و ينظر الى ابوها و يقول ( مقطعة روحها من العياط
الاب ( احسن تستاهل
فارس ( طيب و بعدين ما الموضوع لازم ينتهى
الاب ( و ينتهى ازاى باه يا استاذ
فارس ( ايه اللى يرضيك ؟؟؟ عشان تعفو عنها
الاب ( انا قولت اللى يرضينى
فارس ( اونكل مينفعش اللى حضرتك بتقوله دا ........ الموقع لازم ينتهى قبل ما نتجوز عشان نعرف نسافر شهر العسل دا المشروع الوحيد اللى خلاص بيشطب و ليالى مهمة ليه فى الوقت الحالى !!!
الاب ( طيب و نسيبها كدة ........ خلاص مش حتسمعلى كلمة
فارس ( لا يا اونكل ازاى دا كلمتك تمشيى عليها و عليا انا كمان ......... انا بس بتناقش مع حضرتك
الاب ( انت عاوز ايه يا فارس
فارس ( انا عاوز الموضوع يتلم ........ ماشى حضرتك ليك الحق انك تعاقبها مقلتش حاجة ...... بس فيه مليون طريقة للعقاب غير دى .... لان العقاب دا بصراحة حيبوظ حاجات كتير و من ضمنها معاد الفرح مش عاوزه يتاجل عشان الموقع دا ...... خلينا نخلص
الاب ( يعنى انت شايف انى اقولها خلاص انتهينا عشان جوزك قالى كدة .........
فارس ( و هو انا قولت كدة برضو ؟؟ انا مثلا حاجى البيت و الكلام اللى قلنا حنقوله تانى و نخلص الموضوع طبعا باعتذارها عن اللى حصل ووعد انه مش حيتكرر تانى و العقاب اللى حضرتك شايفة تحت امرك فيه حتى لو حتضربها ..... انا حمسكهالك يا اونكل......... و شخطتين كدة و الموضوع ينتهى ....... و انا اضمنهالك انها مش حتكرر اللى حصل دا تانى و هما كلهم شهرين حيعدوا هوا و بعد كدة انا اللى حجيلك اشتكى منها
الاب ( لا و الله كلتنى انت بالكلمتين دول ....... و اللى انت عاوزه يا اونكل
فارس ( طيب يا اونكل ايه الحل
الاب ( و لا حاجة يا فارس ......... حستناك بكرة بالليل و حنشوف
فارس ( حتصل اقولها بكرة بالليل
الاب و هو يقوم و يتجه الى الباب ( اتصل يا خويا ....... و الله ما انت فالح كمان
فارس ( شكرا يا اونكل
مساء بيت ليالى يضرب فارس الجرس فتفتح له ليالى فيطبع قبله على خدها ويقول (اهلا بالقمر...... ازى حبيبى النهاردة ؟؟؟؟
ليالى ( زى الزفت ...........
فارس ( يا ساتر ......... طيب ممكن تندهيلى بابا
ليالى ( جاى مهو عارف انك اللى بتضرب الجرس
فارس ( طيب يا ليالى احنا عاوزين نخلص الموضوع دا ......... بابا لما يجى تسبينى اتكلم معاه و انتى تعتذريله و ان شاء الله الموضوع يخلص
و فى هذه الاثناء يدخل الاب مرحبا بفارس ( اهلا يا فارس ......... اخبارك ايه
فارس يقف ليسلم عليه ( اهلا يا اونكل الحمد لله انا كويس
و بعد حديث مصغر بينه لتبادل المجاملات العادية يبدا فارس فى الحديث ( انا عارف يا اونكل ان ليالى مزعلاك ........ و هى لما كلمتنى قالتلى انها عارفة انها غلطت و انا اديتها بصراحة كتير فمعلش يا اونكل انا بستسمحك انك تسمحلها تروح الشغل على الاقل ...... دا بعد ما تعتذ طبعا ........ و فى الاول و الاخر الامر امرك
الاب ( كلامك على راسى يا فارس بس البنت دى لازم تتربى شوية كمان
فارس ( اللى تامر بيه انا تحت امرك فيه
الاب ( مش حتنزل دلوقت ........ ادمها اسبوع فى البيت ........ و بعد كدة تروح الشغل فى مواعيده و ترجع على البيت فى مواعيد محددة ........و بعد كدة مفيش نزول غير معاك او معايا و لحاجات مهمة بس كمان
يضحك فارس و فى ذهنه يقول ( يا ريت العقوبة دى تستمر طول العمر لا تقولى خارجة مع فلانة و لا مع علانة ) ثم يتدارك فارس انه يضحك و لا احد يعلم سبب ضحكه فيقول ( اللى انت عاوزة يا اونكل
فارس يوجه كلامة لليالى ( خلاص يا ليالى اعتذرى لاونكل و خلاص الاسبوع دا اناحكون بدالك فى الشغل لحد ما تيجى و تنورى الموقع تانى
تقف ليالى و فى عيونها معة تريد ان تنزل و تقول بصوت مبحوح ( انا اسفة يا بابا على اللى حصل ...... و انا فعلا اسفة مش عشان اخلص الموضوع زى ما بتقولوا ....... انا اسفة عشان انا حسيت انى غلطت فى تقديرى كونى بنت و مش المفروض اتعامل مع المواضيع بسطحية كدة ....... ولازم اشغل دماغى فى الاتجاه دا ...... و اوعدك انى حفكر فى كل الاتجاهات قبل ما اعمل اى حاجة ........
بس ليا سؤال بسيط عاوزاكو انتو الاتنين تجاوبونى عليه .......... انتوا ليه متفقين دلوقت انى انا عاقلى خلاص مبقاش ينفع يفكر لوحدة من غير ما اكون تابعة لحد ........ يعنى حضرتك يا بابا شايف ان اخر امانيك انك ترمى المسؤوليه على فارس كانك بتقولى اديكى غورتى من على كتافى ......... و انت يا فارس ليه محسسنى انك بتضحى انك بترتبط بواحدة حملها كبير عشان مش بتعرف تفكر و لازم حد يطوعها و يقوم سلوكها ......... ليه فجاه اكتشفتوا انى مش اهل للحياه من غير تابع مش انا يا بابا اللى كنت بتقول عليا انى بنت اه بس سندك فى الدنيا .. مش انت اللى كنت بتخلينى اسافر القاهرة اخلصلك اوراق مهمة عشان عارف اننى حقدر اتصرف و اخلصلك اللى انت عاوزه دا انت كنت بتعتمد عليا اكتر ما كنت بتعتمد على
مازن ............
و انت يا فارس مش انا المهندسة اللى بميت راجل و امشى مليون موقع بمهندسنها و عمالها
هو مش انا ليالى برضو و لا انا بقيت واحدة تانية ...... ليه مصممين تقلبونى لمسخ ملهوش شخصية ...... لا و ايه بعد العمر دا كله يعنى بعد 28 سنة جايين تتكلموا مش ملاحظين انكم اتاخرتوا كتير ........ انا ممكن اكون غلطت فى تقديرى لموقف بس انتم غلطتوا فى تقديركم لشخص من لحم و دم و مشاعر
تقول ليالى هذه الكلمات و تتحرك الى غرفتها و تترك الرجلين ينظرون الى مكانها الفارغ للحظات دون ان يستطيعوا الرد و غير مستوعبين الكلمات التى رمتها ليالى فى وجههم
يقف فارس و يستاذن فى الانصراف و كل ما يدور فى ذهنه الان ما قالته ليالى ....... انه الان فى حالة عدم اتزان هل هو فعلا ساهم فى تحويل ليالى الى مسخ .......... كيف ؟؟؟
هل اختلفت نظرته لليالى بعد ان اصبحت زوجته ؟؟؟ فاذا كانت الاجابة بنعم ففارس هو الذى يستحق الان تقويم
للسلوك و ليست ليالى
