رواية ترويض النمر الفصل السابع والعشرين 27 بقلم نهي الشهاوي
الحلقه27
فى الصباح تدخل ليالى الى موقعها فتجد المهندسة رشا و هى تقوم باعمالها الروتينية فى تنظيم الاعمال و ايضا فى فض الاشتباكات التى طالما تحدث فى الموقع تدخل ليالى بصمت و غير متحمسة للعمل كعادتها و تقابل فى الطريق ريس العمال فتقول له ( ابعتلى قهوتى على المكتبتدخل فتجلس على المكتب و تتفحص الاوراق الموجودة بملل ثم تسمع صوت الهاتف ان المتصلة حماتها نهى فترد عليها ( صباح الخير يا طنط ......... لا مليش و لا حاجة بس زهقانة قوى و مليش نفس خالص للشغل ............ اه بس فارس حيزعق كدة .................. طيب يا طنط زى ما تحبى ............ خلاص حستناكى
بعد فترة بسيطة تدخل نهى الى مكتب ليالى و تقول ( ايه يا جميل جاهزة ؟؟؟
ليالى ( اه يا طنط بس اقعدى اشربى فنجان قهوة لحد ما امضى على كام ورقة كدة
نهى ( طيب بس بسرعة يا لولو و النبى احسن اليوم يعدى انا لازم اشترى الحاجات و اروح البيت قبل ما فارس يرجع من المكتب
ليالى ( اه يا طنط .......... ماهو انا كمان لازم اخلص الورق دا و ابعتوا لفارس قبل ما اتحرك مش كفاية حسيب الموقع من غير ما اقوله
نهى ( طيب و ليه متقوليش ؟؟؟
ليالى ( لانه طبعا حيدايق و يزعق ......... و بصراحة يا طنط انا حاسة بملل رهيب و مش قادرة افضل فى الموقع لحد خمسة
نهى ( طيب افرضى جالك الموقع او كلمك حتعملى ايه ؟؟؟
ليالى ( ماهو انا بحاول اخلص كل الحاجات اللى بسببها يكلمنى او يجيلى و ربنا يستر باه يا طنط
نهى تنظر اليها و تمط شفتيها و تصمت
ليالى ( خلاص يا طنط انا خلصت ............يلا بينا
تنطلق نهى و ليالى الى السيارة فتنظر ليالى الى حميدو و تقول ( حميدو لو حصل حاجة ابقى اتصل بيا على طول و لو حد سال عليا انا فى مشوار كدة ساعة و راجعة
تذهب ليالى مع نهى لاحد المراكز التجارية لتتسوق
ضهرا فى الموقع يدخل فارس الى الموقع فيجد المهندسة رشا فى وسط العمل و ما ان راتها حتى اقتربيت منه لتحييه فسالها ( المهندسة ليالى فى مكتبها
رشا ( لا يا باشمهندس هى طلعت برة الموقع من ساعة كدة
حميدو يجد فارس فياتى اليه ايضا فيقول له فارس ( ايه امال فين المهندسة ليالى ؟؟؟
حميدو ( لسة خارجة يا هندسة ............ و قالت حتغيب ساعة كدة
فارس ( اه صحيح هيا قالتلى ........... و اخبار الشغل ايه ؟؟؟؟
حميدو ( الحمد لله يا هندسة
فيبتعد فارس عدة خطوات و يتصل بليالى ( ايوة يا حبيبتى ............ ايه عربية الاسمنت نزلت و خلاص و لا ايه الاخبار
ليالى و هى تحاول ان تتماسك دون ان تتلجلج ( اه يا حبيبى .......... مش عرفة ....... اصل انا فوق السطح و مشفتش حاجة
فارس ( طيب يا حبيبى ما تبصى من فوق السطح شوفى العربية بتاعة الاسمنت
ليالى ( لا يا فارس ......... بص اقفل دلوقت و انا حنزل ابص عليها
فارس ( طيب ....... بس و النبى بسرعة عشان العربية مستنية تاخد التمام عشان احاسبها هنا فى المكتب ............... اه بقولك ....... خدى بالك و انتى نازلة متنزليش بسرعة احسن تقعى
ليالى ( حاضر يا حبيبى
ليالى و دقات قلبها يمكن سماعها بوضوح تحاول الاتصال بحميدو لتعلم ماذا حدث و اى اسمنت ينزل بالموقع فيرد عليها و يقول ( اه يا هندسة ........... لا اسمنت ايه اللى نزل مفيش حاجة نزلت فى الموقع .......... لا و الله دا حتى انا لسة كنت تحت مع المهندس فارس و مفيش حاجة نزلت الموقع
ترى ليالى اسم فارس على الهاتف كمكالمة منتظرة فتقول لحميدو ( طيب اقفل انت ......... فارس معايا على الخط التانى
فترد ليالى بنبرة مهزومة ( ايوة يا فارس .............. انا مع طنط فى كارفور ............ انا قولت اننا حنخلص بسرعة و مش حتاخر و محبتش ازعجك .......حاضر سلام
تنظر اليها نهى و تقول ( ايه اللى حصل ؟؟؟؟
ليالى ( فارس عرف انى مش فى الموقع و الانيل عرف انى كدبت عليه !!!!! و عايزنى بعد الموقع اروح المكتب .......... طبعا حيمرمطنى
فى المساء تدخل ليالى المكتب على فارس و هى مضطربة فهى تعلم انها اخطات و لكن ايضا تحاول ان تجد لنفسها مبرر لما فعلته
تدخل المكتب فتجد فارس يجلس على المكتب و ينهى اوراق مهمة معه فتجلس امامة على المكتب بصمت و عندها ينظر فارس اليها من تحت نظارته و يقول ( ها يا هانم خلصتى شاويرك مع طنط ............
ليالى ( ايوة انت كنت بتكلمنى و انا دخلت بعدك بربع ساعة
فارس ( بعد ما كلمتك و لا بعد مانا مشيت
ليلى ( بعد ما كلمتنى .........
فارس ( ليالى ..كفاية باه ......... انا قعدت بعد ما كلمتك ساعة و نص و مشيت و سيادتك مكنتيش شرفتى يبقى ازاى بعد ما كلمتك بربع ساعة دخلتى الموقع .......
ليالى ( فارس انا كنت زهقانة ........ و بعدين انا نزلت مع طنط مش مع حد غريب ............و فعلا احنا متاخرناش .......بس الطريق كان زحمة و الله و غصب عنى
ينظر فارس الى ليالى فى صمت و لا يعلق على اى شئ
ليالى ( ايه بتبصلى ليه كدة ؟؟؟؟
فارس ( ايه بتفرج على مراتى ........... اصل غريبة قوى النهاردة .......... اول مرة اشوفك و انتى بتكدبى
ليالى و قد صدمت من الكلمة الاخيرة فهى فعلا تكذب و لكن واقع الكلمة عليها صعب فترد عليه بسرعة ( فارس ايه بتكدبى دى ؟؟؟؟
فارس ( احب اسمهالك اسم تانى .......... طيب نقول بتضحكى عليا
ليالى و هى تحاول تفادى ان تنظر الى فارس مباشرة و تقول ( لا و لا بضحك عليك
فارس ( طيب سميها انتى .........
ليالى ( بقولك كنت زهقانة قوى فى الموقع و طنط عدت عليا و كانت عاوزة حاجات من كارفور ......... و قولت مش حنتاخر ..............
فارس و هو ينظر اليها بصمت و ينظر اليها نظرات متفحصة ( ياااااااااااااه اسميها دا كله ........... يعنى ابوكى لما يسالنى ليالى عملت ايه اقوله كانت زهقانة قوى فى الموقع و ماما عدت عليا و كانت عاوزة حاجات من كارفور ......... و قالت مش حنتاخر .............
ليالى ( فارس انت بتتريق عليا
فارس ( لا انا بقول اللى سيادتك قولتيه كمسمى للى انتى عملتيه .
ليالى بدلع ( فارس و حياتى بلاش خناق ............ انا فعلا مش مستحملة
فارس ( و الله ......... طبعا حبتين المياصة دول المفروض يخلونى اسكت خالص لا و كمان ممكن اقولك براحتك يا حبى ...........
ليالى بصوت باكى ( يعنى يا فارس لما اكون مخنوقة مليش حق اطلع نفسى من المود دا .......... و لا هو كله شغل و بس
فارس ( شوفى بما اننا فى المكتب فانتى بالنسبالى دلوقت مهندسة عندى فى الشركة و بس ............. و بعد كدة لينا بيت نتحاسب فيه كزوجين
ليالى و هى تعلم ان فارس لن يمرر هذا الامر بسهولة و لكن محاولاتها هى لتخفيف الكلام و القرارات التى على وشك الصدور فهى تخشى ان يصدر قرار مرة اخرى بان تجلس فى البيت ادركت ان فى هذه الحالة لا يجدى مبدا الهجوم هو افضل طريقة للدفاع فلا بد من الاستسلام و الخضوع لامتصاص الامر ( اللى انت شايفة يا باشمهندس انا غلطت و تحت امرك فى اى قرار
فارس و لا نخفى انه صدم بهذه الكلمات فليالى تعلمت الدرس جيدا فقد كان يتوقع منها على الصوت و الهجوم الذى يعطيه الحق ان يصدر القرار التاريخى بجلوسها من العمل و لكن مع هذا الخضوع فانها امتصت نسبة كبية من غضبه و ايضا جعلته لا يستطيع ان يتفوه بكلمة عنف واحدة فارجع ظهرة الى الوراء و قال ( طيب يا باشمهندسة انا بس حكتفى المرة دى انى اخصملك اسبوع من مرتبك ............ و متتكررش تانى الخروج فى مواعيد العمل بدون اذن و الا العقاب المرة اللى جاية حيكون قاسى ........
ليالى باندهاش ( اسبوع ......... اسبوع عشان ساعتين ......... حاضى يا باشمهندس تحت امرك ...........و مش حتتكرر تانى ....... اوعدك
فى الموعد المحدد لدخول فارس البيت كان فارس يفتح الباب بمفتاحة لتسمعه نهى و هى فى المطبخ فتقول له ( اهلا يا حبيبى ........... ثوانى و الغدا حيكون جاهز
فارس ( براحتك يا ماما ........ و اعملى حساب حد زيادة على الغدا
نهى تخرج لتستطلع من القادم مع فارس فتقول ( ايه دا ليالى .............. اهلا يا حبيبتى ........... اتفضلى اقعدى و انا ربع ساعة و السفرة حتجهز
ليالى و هى تتحرك باتجاه المطبخ ( تحبى اساعدك يا طنط ؟؟
فيجذبها فارس من يدها و يقول ( مش جايبك هنا عشان تساعدى طنط و لا حتى تقعدى مع طنط
ليالى ( فارس عيب المفروض اساعدها ........
فارس و قد احتد فى الكلام ( ليالى ......... متزودهاش باه .......... انا مش حستحمل كدة كتير
ليالى ( فيه ايه يا فارس .......... مش خلاص و انت عملت اللى انت عاوزه و خصمتليى اسبوع ............. فيه ايه تانى ؟؟؟؟
فارس ينبة حادة ( و حياه ......... ليالى بلاش تغظينى اسبوع ايه يا ام اسبوع .......ما انا بديكى مصروف خاص بيكى بعيد عن مرتبك ازودهولك الاسبوع دا
ليالى ( طيب يا فارس ........... انا مش عاوزة منك حاجة ...
فارس بصوت عالى ( ليالى ..... خدى بالك انا روحى مش طويلة و انا من الصبح بحاول امسك اعصابى عشان متهورش و بعدين تقولوا فارس مش بيحترم كلمته
ليالى بنبرة حادة( فيه يا فارس ......... ما انا قولتلك انا اسفة و قولتلك المبرر اللى خلانى اعمل كدة
فارس ( لا و الله يا هانم انتى لا قولتى اسفة ....... و لا ادتينى مبرر واضح للى عملتيه
ليالى ( ييييييييييه يا فارس ما انا قولتلك انك كنت زهقانة ............
فارس يقاطعها و يقول ( لا يقولك ايه القصة اللى انتى عماله تقولهالى دى من الصبح مش عاوز اسمعها تانى ............. و بعدين انك طلعتى من الموقع من غير اذن انا عاقبتك عليها خلاص
ليالى ( شوفت انها انتهت ........ امال عاوز ايه تانى ؟؟؟
فارس ( عاوز اعرف انتى ليه بتكدبى عليا .......... ايه اللى وصلك انك شايفة ان الكدب دا اللى حيوصلك للى انتى عاوزاه ............. الكدب دا بيدمر الحياه الزوجية مش بيبنيها ....... ايه اللى وصلك انك تعملى كدة ............. هو دا اللى انا عاوز ردة يا هانم ......... و رد صريح و من غير كدب ........... لانك لو كدبتى تانى يا ليالى انا نفسى مش متخيل ممكن اعمل فيكى ايه ساعتها
ليالى بخضوع ( لو قولتلك حتصدقنى
فارس ( قولى و انا عليا التقييم ........
ليالى ( فارس انا طول عمرى حرة نفسى و عمرى ما قولت انا نازلة ورايحة .... طول عمرى لما بكون عاوزه اروح فى حته ببلغ ماما او بابا و انا على الباب و هما معندهمش اى مشكلة وواثقين فيا انى لا حعمل حاجة غلط و لا ححط نفسى فى موقف ميصحش بنت زيي تتحط فيه
فارس ( و انا باه عملتلك دربكة فى نظامك الغريب دا ..........
ليالى ( اه بصراحة انت عاوز تعودنى على حاجة متعودتش عليها طول عمرى عاوز انى لما اروح اتصل اقولك انى نازلة و رايحة فين و جيت امتى ......... كل الحاجات دى بتقيدنى
فارس ( و هو انا مرة قولتلك لما تقوليلى انك نازلة بقولك لا .......... مدام انا عارف انتى رايحة فين و مع مين
ليالى ( لا انت نادر قوى لما بتقول لا على خروج بس المسالة برضو مش مريحة يا فارس ......... عشان مش دا اللى انا اتعودت عليه و بحس ان الاسلوب دا بيقيدنى جدا و بيقيد حريتى .............
فارس ( فانتى قولتى ان الحل انك تكسرى القيودة و تتحررى منها
ليالى ( انا شايفة ان بالطريقة دى بثبت لنفسى انى لسة حرة
فارس ( طيب و لنفرض انك بتكسرى القيود عشان تحسى بحريتك ......... دا مش مبرر انك تكدبى عليا
ليالى ( انا كدبت عليك عشان انا خايفة على زعلك ......... و فعلا حريصة ان علاقتى بيك ميكنش فيها اى مشاكل
فارس ( و هو دا الحل ........ انتى شايفة ان كدبك عليا لاثبات
حريتك دا مش حيدمر حياتنا اللى لسة احنا بنحط الاسس بتاعتاه يا ليالى
ليالى ( تصدقنى لو قولتلك ان دى اول مرة اكدب عليك فيها
فارس ( اصدقك لانك مبتعرفيش تكدبى و بيبان حتى على صوتك
ليالى بصوت منخفض ( فارس انا اسفة مش حكررها تانى
فارس ( طيب يا ستى و عشان ى اول مرة حسامحك بس اوعى تتكرر تانى ............ انا بسامح المرة الاولى بس
ليالى ( وعد منى انها مش حتتكرر
و هنا تدخل نهى لتقول ( اتفضلوا الاكل جاهز .....
