رواية ترويض النمر الفصل الثاني والعشرين 22 بقلم نهي الشهاوي
الحلقه22
الخطوبه
اجتمع الاهلان فى بيت ليالى على مائدة الغذاء و كان اجتماعهم فى غاية الالفة و الحب و الحميمية فكل فرد من افراد العائلتين يحاول جاهدا المساعدة لتتويج قصة الحب العنيفة بين ليالى و فارس
على مائدة السفرة يجلس الاب على راس المائدة و على يمينه فارس فهو رجل البيت الان بعد الاب مع غياب مازن ثم ام فارس و الجهة الاخرى ام ليالى ثم ليالى و بهذا تجلس ليالى امام فارس فلقد همس فارس لها قبل الذهاب الى المائدة قائلا ( عايزك تقعدى ادامى بلاش جنبى .............. )
ليالى باسمة بسحر ( ما هو دا الطبيعى ........امال عايزنى جنبك كدة بسرعة .............. بس صحيح اشمعنى ؟؟؟؟
فارس ( عشان افضل باصص لاجمل عيون و انتى جنبى مش حكون شايفك
ليالى و قد احمرت وجنتيها ( يا سلام ............. بابا لو يعرف حيقولى اقعدى جنبو
فارس ( لا بابا دا حبيبى من ايام الجيزة ..............
و يضحكان بصوت منخفض حتى لا يجذبان الانتباه اليها فيسالهم اى فرد عن سبب الضحك
و لكن هناك دائما عين تراقبهما و هى عين ابو ليالى فيرى ضحكهم فيقول فى سره ( يا رب اسعدهم و لا تدخل بينهم الشيطان
وعند الاتفاق تم تحديد موعد الخميس القادم حتى يتم عقد القران و عندما نطقها فارس و كعادة ليالى مع هذه الكلمة السحرية يرتسم على وجهها القلق و عندما شعر فارس بهذا القلق استاذن ابو ليالى ليوجه لليالى كلمة فقال ( ليالى كلنا دلوقت نعرف كل حاجة عن بعض ............ بس انا شايف بردو ان الكلمة دى لسة بتسببلك ازمة .........شوفى يا ليالى لو انتى مش واثقة انى انا ححافظ عليكى و حكمل معاكى لغاية اخر يوم فى عمرى ............ بلاش كتب الكتاب لغاية ما تتاكدى ؟؟؟؟؟؟ بس لو وافقتى على كتب الكتاب فانا بقولها اهو ادام ابوكى ........... مش حينفع تكونى مراتى و انتى تحملى ذكرى راجل تانى فى حياتك حتى لو الذكرى دى سيئة ............... و سيئة جدا كمان ........... انا الراجل الوحيد اللى مسمحلك تفكرى فى ذكراياتك و مستقبلك معاه .............. الامر متروك ليكى و عايز اسمع الرد و تاكدى ............. انك دايما معايا عمر ما رايك حيزعلنى منك ؟؟؟؟؟
فتصمت ليالى قليلا ثم تقول ................ فارس انت عندك كل الحق انا لسة بتدايق لما تيجى السيرة دى والذكرى السيئة سايبة اثر فيا اكيد حتروح مع الايام عشان كدة بطلب منك بعد اذنك ........... يكون الموضوع خطوبة و بعد كدة نكتب الكتاب قبل الفرح على طول
نظر اليها فارس و قد ابتلع ريقة و قال ( زى ما تحبى .......... انا معنديش مانع و مش حيزعلنى .......... اللى كان حيزعلنى انك تعملى حاجة مش مقتنعة انتى بيها ..................
انتهى اللقاء على ان تتم الخطبة فى افخم قاعات الاسكندرية و بدات الاستعدات للخطوبة السعيدة من العائلتين و فى هذه المدة كان حديث ليالى مع فارس قليل و دائما فى محور الحفل و لاستعداد له و لكن هناك شئ مختلف فى هذه المرة فليالى كانت مهتمة اهتمام شديد بكل التفاصيل التى تخص فارس من اختيار البدلة و اختيار الاسكارف ووصولا انها اختارت معه صالون الحلاقة الذى سيكون فيه و قصة الشعر الذى تناسبة و كانت فى قمة استمتاعها و هى تشارك فارس فى هذه الامور
جاء اليوم الموعود لخطوبة فارس و ليالى و استعد الطرفان لهذا اليوم بشكل جميل و جاءت اللحظة لحظة استقبال فارس لليالى و هى تخرج من حجرتها متابطة ذراع والدها و تهبط السلالم المزينه بورود القرنفل الحمراء و البيضاء
تظهر ليالى بفسانها الموف الفاتح جدا و تضع على شعرها وردة وحيدة من زهور الاوركيد الموف و تهبط السلم كاميرة تهبط الى رعاياها و ما ان تصل الى فارس حتى ياخذها بين يدية و يقبلهما ثم يسلم على والدها و ياخذ يد ليالى ليضعها على ذراعه ثم تنطلق الطبول لبدء مراسم الخطوبة السعيدة
ليالى و هى فى الكوشة ( مبسوط يا حبيبى
فارس ( احلى ايام عمرى .............
ليالى و هى تبتسم بخباثة ( و لسة ...................
و بعد مراسم ارتداء الشبكة التى اصر فارس ان تكون من الالماظ لتليق بليالى
افتتح العروسين الرقص على رقصتهم المعروفة و التى اصبحت اشهر من النار على العلم و هى اغنية هيرو
قامت ليالى تستاذن ان تتكلم فى الميكروفون فقالت ( فارس انت فى موقف زى دا قولتلى انك بتحبنى ............. و قولتلى انك عاوز تتجوزنى ........... و انا النهاردة اللى بقولك انى بحبك و بموت فيك و برضو بقول انى مفيش حد فى القلب غيرك و لا قبلك و لا بعدك ) و تنظر ليالى الى باب القاعة و جميع الحضور ايضا ليجدوا والد ليالى يدخل و معه الماذون الذى اتمم زواج ليالى و فارس
و بعد عقد القران همس فارس الى ليالى و يقول ( مبسوطة يا عفريته ...........
ليالى تضحك بطفوليه ( اه .......... حتاخد بالك منى ؟؟؟؟
فارس و هو يلعب فى خصلات شعرها و يقول ( هو فيه حد مبيخدش باله من نفسة ؟؟؟؟؟
و تنتهى مراسم عقد القران بين ليالى و فارس و مزيج من الابتسامات و دموع الفرح من العائلتين ....
