رواية ترويض النمر الفصل الثالث والعشرين 23 بقلم نهي الشهاوي
الحلقه23
بداية قصة الترويض
فى الصباح تدخل ليالى على فارس المكتب و هو منهمك جدا يريد ان ينهى ما فاته من اعمال ادارية فالزواج و ترتيبات الحفل جعلته لا يذهب الى المكتب الا قليلا
تدخل ليالى مبتسمة ( صباح الفل يا عيون حبيبى
فيقوم فارس من مكتبه ليذهب اليها فيحمل كلتا يدايها بين يدية و يقبلهما و يقول( صباح النور على ليالى عمرى كله
فتجلس ليالى بدلع و انوثة على الكرسى اما مكتبه و تقول ( حبيبى انا عارفة ان النهاردة فيه شغل كتير قوى و انا يا دوب حروح الموقع و بعد كدة حعدى على طنط نهى فى البيت ناخد بعض و نروح عشان نلف على شوية حاجات
فارس و هو يعتدل فى جلسته ( ليالى ....... مش فاهم .......... انتى ليه مبقتيش مركزة فى شغلك ؟؟؟؟
ليالى ( ابدا يا حبيبى .......... انا بس بحب انزل ابص على الحاجات بتعاة البيت بتاعنا
فارس و هو يعقد بين حاجبية ............ ( بس انتى دلوقتى بقيتى بتقعدى فى الموقع كدة .......... تقريبا فى وقت فراغك بين المشاوير ؟؟؟
ليالى ( حبيبى انا وعدت طنط ..........
فارس و هو يقف ( ليالى دى مشكلتك انتى متطلبنيش احلهالك .......... انى وعدتى بحاجة متملكيهاش ......... تبقى مشكلتك مش مشكلتى ........ وقت الشغل للشغل ........ لو تحبى تقعدى فى البيت انا معنديش مانع اجيب مهندسة جديدة من بكرة تمسك الشغل و تثبت فى الموقع
ليالى و قد رسمت على وجهها الغضب ( يعنى ايه يا فارس ......... يعنى انا اقعد فى البيت و انت تجيب مهندسة تانية ........ و مين اللى حيسمحلك بكدة يعنى ؟؟؟؟؟
فارس و هو يضحك على مظهرها الغاضب ( اه طبعا امال احط مستقبلى فى ايد واحدة بتتنططلى كل شوية فى حته ........... دا ايه العكننه دى ......... و بعدين تعالى هنا ....يعنى ايه من اللى يسمحلك ؟؟؟؟
ليالى ( طبعا لازم اسمحلك عشان تجيب مهندسة تانية ....... مش سايبة هيا
فارس و هو يدرك انه لو ترك الملعب لليالى ستقلب حياته جحيما لا يطاق فتكلم بحدية قائلا ( ليالى ..... متديش نفسك مساحة تحكم فى حياتى انا مسمحتش ليكى بيها .... انتى مراتى اه ........ حبيبتى ... طبعا ........ بس تحكم من اى نوع مش حسمح و دا خط احمر متقربهوش عشان مياثرش على علاقتى بيكى مفهوم ؟؟؟؟؟
ليالى و قد استعادت قوتها فى المناقشة فتعلو صوتها ( لا مش مفهوم .......... اللى انا اعرفة انك الراجل ملك لمراته و مش انت اللى حتسمحلى انا اتحكم فى ايه و اسيب ايه يا فارس .... و دخول اى عنصر انثوى فى المكتب دا كيكون من خلالى و باذنى ........... انتى باه اللى فاهم و لا لا ؟؟؟؟؟
فارس ينظر اليها نظرة ثاقبة ( ليالى هيا كلمة و لو متسمعتش انتى اللى حتخسرى ............ روحى البيت دلوقت و متروحيش فى اى حتة لحد مجيلك ؟؟؟؟
ليالى غاضبة ( لا مش فاهمة ؟؟؟
فارس يكرر نفس الجملة و بنفس النظرة الثاقبة و يزيد عليها ( و لو ممشتيش من ادامى حالا برضو انتى اللى حتخسرى .................
ليالى تستدير لتخرج من المكتب و هى منفعلة و تقول ( حاضر يا فارس لما نشوف اخرتها .......................
تدخل ليالى الى البيت و هى فى قمة العصبية فتجد والدها و هو جالس يقرا الجريدة فيشعر ان هناك ما يؤرق صفو ابنته فيقول لها ( ليالى ايه يا حبيبتى رجعتى من شغلك بدرى ليه
ليالى ( ابدا يا بابا بس شديت مع فارس ......
الاب و هو مندهش ( انتم ابتديته دا انتو معداش عليكم اسبوع !!!!!
ليالى حكت لابوها ما حدث بينها و بين فارس فقال لها الاب ( حبيبتى اسمعى كلام جوزك و استنية لما يجيى و شوفى هو عاوز ايه
انصرفت ليالى و هى تضرب الارض بقدميها فكلام والدها لا يروق لها و كذلك تصرف فارس
يقول الاب و هو ينظر الى ابنته و هى تنصرف ( شكل فارس كدة بدا ............. دا انا حشوف ايام بمبى .......... و يضحك
.................................................. ..............
فارس و هو يجلس على مكتبة فيرفع الهاتف و يتصل بعلاء ( الو ..... ايوة يا علاء ازيك .......... بقولك انت مش كنت قولتلى على مهندسة عاوزة تشتغل ............ اه ......... فى الموقع عند ليالى ........ ايه اللى انت بتقوله دا ..... خلاص مش عاوز الف غيرها يتمنى الشغل ................. طيب خلاص حستناها النهاردة بالليل فى المكتب ........... طيب سلام )
بعد ان يغلق فارس التليفون مع علاء يفكر هل ليالى ستتقبل وجود من يشاركها العمل حتما ستحدث مشاكل و لكن لا يستطيع فارس التراجع فهو يعلم جيدا ان ليالى ستكون منشغلة جدا فى الفترة القادمة لتجهيز الفرح فربما الاربع شهور القادمة لا تستطيع ان تذهب الى الموقع نهائيا ................. جلس يفكر على السيناريو الذى سوف يدور عندما تعلم ليالى ما يخطط اليه فارس .......... و لكن بعد تفكير تذكر فارس ليالى انها فى البيت تنتظر مجيئة فلقد قال لا انها لا تغادر البيت الا عندما ياتى لها ................. فقال ( اروح باه و اللى يحصل يحصل
......................................
فارس اما م شقة ليالى يضرب الجرس فتفتح له ليالى الباب فيقول لها بابتسامة رقيقة ( مساء الخير حبيبى ازيك ..........
فتتعامل ليالى معه بجفاء و تمد يدها بفتور لتسلم ( اهلا فارس اتفضل ............... ثوانى حندهلك بابا
فيوقفها فارس و يقول ( لا انا عاوزك انتى دلوقت
ليالى ( خير ................
فارس و هو يجلس مقابل لليالى و يحدثها برقة ( حبيبى بصى انتى عارفة انك الايام اللى جاية دى مش حتكونى فاضية لا لشغل و لا غيره صح و لا لا .......... ؟؟؟
ليالى و هى تعتقد ان فارس جاء ليوبخها لاهمالها فى العمل ( ايوة يا فارس انت عارف انى ورايا مليون حاجة
فارس و هو يعدل خصلة من شعر ليالى ( ايوة يا بابا انا عارف .......... بس برضو انتى عارفة ان الموقع محتاج مهندس مقيم فيه مش طيارى ........ يا اما مشاكلة مش حتنتهى و فى النهاية حخسر مكسبى اللى المفروض يجى من الموقع دا ............... يرضيكى حبيبك يخسر ؟؟؟؟؟؟
ليالى و هى تنظر لاسفل لانها تعلم جيدا انها فى مازق ( لا طبعا مش يرضينى ............. بس ححاول فعلا اكون كل يوم فى الموقع و بعد كدة ابقى انزل اجيب حاجتى
فارس و هو يرفع راسها بيدة لينظر الى عينها ( كدة انتى يا بابا مش حتكملى لا الشغل و لا الفرح و حتموتى منى ................
ليلى ( طيب يا فارس اعمل ايه ما انا معنديش حل تالت
فارس ( لا يا زكية فى حل تالت
ليالى ( متقوليش حد تانى يا فارس ............. انا مش حسمح بكدة
فارس ( بلاش النبرة دى يا ليالى ................ و بلاش كلمة مش حسمح دى بتفقدى انوثتك كدة ............و فيها تحدى و انا مش بقبل التحدى
ليالى و قد بدات فى على الصوت ( اه قول كدة باه يعنى انت جاى و بتكلمنى بلطف و عمال تجر معايا ناعم عشان فى الاخر تقولى واحدة تانية فى الموقع
فارس و هو يشير لها ا ن تخفض صوتها ثم يتكلم بنبرة حادة و مقتضبة ( انا مش محتاج اجر معاكى ناعم ......... لانى اصلا القرار مش قرارك فاهمة و لا لا .............. و بعدين انا مش بقول لسيادتك اقترحيلى حل .......... انا خلاص خدت القرار و انتهينا و ببلغك انى من بكرة فى مهندسة جديدة فى الموقع ........... و انتى اتفرغى لمشاويرك و حاجتك ........... و للمرة الاخيرة يا ليالى بقول صوتك ميعلاش عليا .......... و التصرف اللى بعده حيكون شديد ......... و شديد قوى كمان مش حتستحمليه ......... فاهمة
و لولا انى فى بيت فيه راجل كنت عرفتك يعنى ايه تعلى صوتك على رجلك ..........اتفضلى اندهى باباكى ................
ليالى بصوت منخفض و لكن بحدة ( فارس مش انا اللى حد يتحكم فيها ........ و لو انت عاوز تتحكم شوفلك حد تانى تمارس عليه الهواية دى .......... لكن انا انسى .... فاهم
فارس و هو يبتسم و يعتدل فى جلسته و يضع رجل على رجل ( اقولك اللى انا فاهمة ............ و اوريكى اللى اقدر اعمله
ليالى ( ورينى .................
فارس ( نزولك من ا لبيت ممنوع .................. و مشترواتك و لفك حيكون معايا انا فى الوقت اللى انا احدده .............. و الموقع تنسيه ........... و فرجينى ازاى تكسرى كلمتى
ليالى و هى فى قمة الغضب ( انت بتقول ايه ؟؟؟؟؟
فارس ( اللى انا قولته هو اللى حيتنفذ و لو كلمة واحدة زادت فى الموضوع دا حخليكى متطلعيش من قوضتك ................... و انا قادر على تنفيذ كل كلمة بتخرج من بقى ....... و اتفضلى يا حبيبتى اندهيلى باباكى ..............
تقف ليالى و هى تفتح فمها للتحدث فلا تستطيع الكلام ثم تستدير و تخرج من الغرفة لتنادى والدها
الاب ( ايه يا فارس شكلك شادد قوى عليها
فارس ( معلش يا اونكل ......... بس لازم احطلها خطوط حمرا عشان متعديهاش
الاب ( خد بالك .......... عشان الموضوع ما يفلتش من ايدك ........... و المساله تقلب
فارس ( متخفش يا اونكل ............ بس انت ادعيلى ........ حستاذن باه دلوقت عندى شغل
الاب ( ربنا معاك يا ابنى ............. مع السلامة
فارس يدخل الى مكتبة ليجد فى انتظارة علاء و معه مهندسة صغيرة فى السن و صغيرة فى الحجم فينظر اليها فارس نظرة سريعة و يقول ( اهلا يا علاء ازيك يا باشا عاش من شافك
علاء ( معلش اصل انا اللى مختفى .......... صح ........... انا اللى من ساعة متجوزت مبقتش بشوف صحابى .............
فارس ( يا سيدى عقبالك لما تنشغل زيى ...... شد حيلك
علاء ( احب اعرفك المهندسة رشا .......... اللى قوتلك عليها
فارس ( اهلا يا باشمهندسة .........
لم تجاوب رشا بل اكتفت باشارة من راسها لتحى فارس
علاء ( موصكش باه يا فارس حسيبكم مع بعض و اشوفك باه بكرة باذن الله
فارس و هو يبتسم يعلمها كل اصحابة عندما يكون غير معجب بالموقف الموجود به حاليا و يقول ( اه اكيد حشوفك ....
يكمل فارس المقابلة مع المهندسة رشا بشكل سريع و طول الفترة التى يتحدث فيها معها و هو يقارن فى ذهنة بين ليالى و رشا و يتسائل ( دى حتعرف تصد مكان ليالى ... وحش الشاشة دى كانت بترعب العمال ....... دى لو حد من العمال ملهوش مزاج يشتغل ممكن تقعدة و تشتغل بداله ..............
انهى فارس المقابلة دون رد بالموافقة و اعطى لنفسه مهلة حتى يفكر فى الامر
بعد انصراف المهندسة رشا وجد فارس ان الامر لا يمكن ان يستمر بهذا الشكل فلا بد من عنصر قوى ليحل مكان ليالى فى العمل و اكيد هذه المهندسة ليست هذا العنصر ......... فقال ( طيب نشوف بعد كام يوم كدة ممكن تثبت نفسها فى الشغل و بعد كدة ابقى اشوف حد تانى يكون معاها ( ثم ابتسم و قال ) يعنى يا ليالى افكك بتنين ............ اه
.................................................. ...
استمرت ليالى فى البيت طوال اليوم و لا تحاول ان تظهر الديق على وجهها حتى لا يصل الى احد معلومة ان فارس تفوق عليها و استطاع ان ينال منها بس حاولت اصطناع المرح فى البيت و لكن الاصطناع كان واضحا جد ا و فى المساء بعد ان عاد فارس الى البيت تكلم معها فى الهاتف و كان شيئا لم يكن ( الو ......... ازيك يا حبيبى .......... عاملة ايه دلوقت ......
ليالى و هى تحاول ان تستفزة للحديث فى موضوع الشغل مرة اخرى ( انت بتتصل عشان تتاكد انى مخرجتش و نفذت كلامك ؟؟؟؟؟
فارس و هو يضحك ( لا يا بابا انا عارف انك متقدريش تكسرى كلمتى و مش محتاج انى اتاكد بتليفون ............. انا متاكد من غير حاجة
ليالى ( يا سلام ...........
فارس ( سيبك انتى من القصة دى ........... قوليلى بكرة اجازة و عاوزك تكونى حاجهزة حعدى عليكى الصبح اوديكى انتى و ماما كام مكان روعة تختارى اللى انتى عاوزاه زى ما تحبى و نتغدا مع بعض و بعدين اروحك ............ تمام كدة ........... و مش عاوزك تغلى بالك باى حاجة كل طلباتك مجابة من الالف الى الياء
ليالى ( فارس انت عاوز ايه بالظبط
فارس ( حكون عاوز منك ايه يا حبيبى ............ عاوز تكونى مبسوطة بس ............ دا اللى انا بتمناه
ليالى ( اللى يشوفك الصبح ميشوفكش بالليل
فارس ( متخلطيش الاوراق انتى الصبح غلطتى ............. واديتك اللى فيه النصيب ............. دا مش معناه انى افضل ادايقك انتى برضو حبيبتى
ليالى ( و الله انت راسم على جنانى
فارس ( بعد الشر عليكى يا قمر انا مستلمك كدة .............
ليالى ( فارس
فارس ( عيون فارس يا ليالى فارس كلها ............... بقولك تصبحى على خير دلوقت و حكلمك بكرة الصبح قلبل ما انزل ................. سلام
ليالى و هى تنظر الى الهاتف الذى اغلق ( ايه دا .............. اى اللى انا عملتوا فى روحى دا ........... ليه كدة
ثم تغلق ليالى الهاتف و تذهب لتنام ......................
صباحا اتصل فارس بليالى حتى يخبرها انه سوف ياتى بعد نصف ساعة و لم ينسى طبعا ان يكلم والدها ليستاذن منه للخروج و ان ليالى ستبقى معه طوال اليوم
ما ان وصل فارس الى العمارة حتى اتصل بليالى لتنزل و كانت فى قمة الشياكة ارتدت بدلة رائعة صباحية و ترتدى عليها معطف اسود و كوفيه زاهية اللون و ما ان اقتربت حتى خرج فارس و فتح لها باب السيارة الخلفى .......... فنظرت ليالى اليه نظرة استغراب فقال لها هامسا ( ماما هيا اللى جنبى ................
جلست ليالى فى الكرسى الخلفى و لكن ليس هذا ما كانت تنتظره فلقد كانت تنتظر ان تجلس بجوارة كاميرة بجوار اميرها و لكن تداركت الامر عندما حيتها نهى و قالت ( ليالى صباح الخير يا حبيبتى .......... ايه الجمال و الشياكة دى .............. قمر ........ انتى اخدت قمر يا فارس
فارس و هو ينظر الى ليالى فى المراه فيقول ( طبعا و هو انا اخد غير قمر ........ قول باه يا قمر عاوزة تفطرى ايه عاوزة فطار كونتيننتال و لا اوريانتل )
ليالى ( لا يا فارس انا فطرت
فارس و قد اعطى شعور انه لم يسمع ما قالته ليالى فبادر بالسؤال مرة اخرى فادركت ليالى ان فارس سمع الرد و لكن تجاوز عنه لانه لا يعتبره اجابة فالاجابة هى اختيار بين امرين لا ثالث لهم فقالت ( كونتيننتال .............
و هنا ادرك فارس ان ليالى بدات تفهمة من اسلوبة فى الكلام فابتسم لها ( احلى فطار يا هانم ..............
و لكن ليالى سرحت قليلا فيما حدث و تقول فى ذهنها ( انا بتصرف من خلال المتاح اللى بيدهولى دايما انا فى اختيار بين امرين بس معنديش امكانية اعطاء حل ثالث ........ مش عارفة لغاية امتى حقدر استحمل الاسلوب دا .
و فعلا قضى ثلاثتهم يوما يعتبر من احلى الايام فقد اخذ فارس ليالى الى افضل المحلات فى افخم الاماكن و جعلها تشترى كل ما يحلوا لها دون ان تعطى حسبانا لاى شئ حتى للمادة ففارس رفض بشكل قطعى ان تدفع ليالى ثمن اى شئ تشترية فكل ما ارادة فقط ان تشير على ما تريده دون ان تحمل هم سعره فيكفى ان يعجبها الشئ و تريده تجده بين يديها مباشرة .
ثم اوصل ليالى الى البيت بعد ان اوصل والدته فقالت له ليالى ( فارس انت بتحبتى صح ..............
فيضحك فارس و يقول ( انتى شايفة ايه ؟؟؟؟؟
ليالى ( بتحبنى اكيد ...........
فارس ( من غير مقدمات انتى عاوزة ايه يا ليالى .......................
ليالى ( عاوزة اروح الموقع الصبح ..............
فارس ( ليالى خلاص الموضوع مقفول و بلاش تتكلمى فيه
ليالى ( انا من حقى اعارض على حاجة مش عاجبانى
فارس ( طبعا من حقك جدا انك تعارضى ........... بس حق الموافقة فى ايدى انا و انا بس
ليالى ( طيب عشان كدة انا بقولك اهو
فارس ( بتقولى ايه
ليالى ( عاوزة انزل الشغل لو سمحت بكرة
فارس ( طيب لو قولت لا ..............
ليالى ( لا مش من حقك تقول لا ................ الموقع موقعى و انا اللى اتحكم فيه مش انت .............
فارس و قد على صوته ( برضو يا ليالى ... برضو ............ هو مفيش حل لاسلوبك دا ........... يعنى اعمل معاكى ايه عشان اسلوب العند و التحكم دا .............انزلى يا ليالى
ليالى ( مش حنزل اللى لما يكون فيه حل
فارس ( الحل حيزعلك يا ليالى ......... انزلى احسن
تنزل ليالى من السيارة و تتردد فى مسامعها كلمة واحدة و هى الحل حيزعلم يا ليالى و لا تعلم ما يعنية فارس بهذه الكلمة .........
